الفصل 3
البارت الثالث
مها جلست على الارض ومسكته قلبها : لا لالا تتطق ياقلبي هذا الشخص مايستاهل انك تطق له ....لا يامها لاتحبين شخص مثلة
تحبة ......تحبة ......تحبة ......لا يامها هذا اخطر شي ممكن انج تسوينة
الساعة 12 الظهر بتوقيت الدوحة
في بيت بو احمد
ام احمد : احمد يماا ممكن تقول لي انت كم عمرك الحين ؟
احمد وفهم قصد امه : 29 سنه
ام احمد : ومتى ناوي تعرس ياولدي ترا شلعت يوفي
احمد يبتسم لمه : هههه سوي الي تبينة
ام احمد بققت عينها : يعني خلاص ادور لك المرة ؟
احمد يهز راسة بعلامة نعم : اي يايمه
ام احمد فرحانة وتيبب : ويه ويه مابقيت يا احمد افرح فيك وكلللللللللوش
دانة تطلع من دارها : هاااا طلعت النتايج ؟؟
ام احمد : اي نتايج انتي بعد
دانة تضرب ريلها بالارض : يمااا ناسية اني في ثالث
ام احمد بفرحة : يما دانة تعالي باركي حق احمد مابقا يلين راسة على الزواج
دانة بفرحة : واااااي صج مابقيت خلاص مافي الا شخووة
ام احمد بمودة : فديتها شيخة هي شيخة البنات كلهم
احمد ابتسم : يعني حاطة عينج على شيخة بنت عمي ؟
ام احمد : وين بحصل مثل شيخة
احمد بفرحة : الي تشوفينه
دانة ترفع حواجبها : يحليلها شويخ والله وجابت راسك يا احمد
ام احمد بعصبية : وش هاي الكلام الي تقولينة جليلة الحيا
احمد اكتفى بضربة المخدة على راسها
دانة تمسك راسها : اححح يعور
احمد : تستاهلين
دانة مدة لسانها ورجعت للغرفة وانسدحت على السرير
دانة تكلم روحها : وااااي يوناستي عندنا عرس (ورجعت تفكر في الدريول
افففف شلون اقول حق ابوي عن هاي الدريول الخايس الي مايستحي على ويهه لازم اقول لابوي يفنشة بس مالي ويه اقول له الي صار مسود الوجه حرق قلبي ...مادري شلون عجبني اول مرة ..مالت علية ..عله ينقلب ويفكني منه ان شاء الله
(في بيت ريان )
علي كان جالس في الصالة وحاط يده على ويه ويتذكر السنين الي راحت
قبل 7 سنين
كان عمر علي 23 ونورة 14
كان راجع من النادي وشال شنطة على كتفه
شاف بنت صغيرة قاعدة تصيح جدام الحديقة ..حط شنطته على الارض وراح صوبها ..قعد على ركبته وطلع بوجه البنت ...كانت مثل الملاك الصغير .. كانت صغيرة لكن جميلللة ...وعيونها الناعسة ..تاخذ القللب
علي يفرص خدها بلطف : ليش ياحلوة قاعدة تصيحين ؟؟
نورة كانت توها تتعلم تلف شيلتها وعدلت الشيلة وحطت يدها على مكان الفرصة .. وتتكلم بصوت ناااعم وبدلع ياخذ العقل : انت منووو؟
علي حس انه وده ياكلها كانت امووورة : انا علي وانت شسمج ؟
نورة بدلع : انا نورة
علي يبتسم على دلعها : ياحلوج يانورة والله وكبرتي
نورة تمد شفايفها : اي انا اصلا مرة كبيرة انا مو بيبي
علي حب دلعها ودلالها : انزين النسوان الكبار يصيحون ؟؟
نورة تهزراسها : لا
علي يشوف عيونها : عيل ليش تصيحين
نورة : عشان امي كل تقول لي روحي لعبي مع اليهال .. انا كبيرة ..مابي العب معاهم
علي يسوي نفسة يفكر : اممم اوكي انتي روحي داخل وانا بكلم مها عشان تقولهم . .انج كبيرة ولازم تقعدين مع الحريم الكبار
نورة قامت فرحااانة وراحت تركض ...وبعدها رجعت حق علي
نورة تبوس راسة : مشكور عمي علي
علي الي حس انه ارتبك مع انها كانت صغيرة : العفووو
وبعد مرور اربع سنين على لقاء نورة وعلى
وبعد تخرج علي من اكاديمية الشرطة
(تلاقوا مرة ثانية )
كان راجع من زام الليل وكل خلية من جسمة متكسرة اتصل له ابوة
ابو علي : الو علي
علي تعبان : سم يبه
ابو علي : يبا مر بيت عمك في كم ملف ابيهم انت خلك في السيارة انا وصيت الصبي يظهرهم لك
علي : ان شاء الله
حرك وراح لبيت عمه
وتم ينتظر في السيارة عشر دقايق ومحد ياه
علي بنفاذ صبر ينزل من السيارة : افففف صج الهندي يبقى هندي لو عاش في الدوحة 20 سنه بيبقى غبببي
ودخل بيت عمه وهو معصبب
لكنه وقف فجأه لما شااف بنت واقفة تسقي الورد
كانت لابسة فستان شيفون لحد الساق لونة ابيض على وردي كان شكلها ملائكي .. انذهل بشعرها الناعم الحريري الي واصل اخر ظهرها يتحرك مع الهوا ويجي على ويها وهي توخرة بكل دلع ورقة .....كل شي في صوب ...لما سمعها تغني للورد .(ياوردتي يانديه ..روحي لخلي هدية)
علي يكلم نفسة : معقولة هذي هي اشتقت لشوفتها يحليلها كبرت وايد
ورد على ورى بسرعة يوم شاف عمته مها تناديها : نووورااا نورة تعالي داخل الحين بتمرضين من البرودة
نورة بدلع لفت تاخذ سلتها
علي لما شاف ويها تخصببببق حس ان في حد دخل داخلة وباق روحه وطلع
(ومرت السنين على علي وهو متيم وعاشق محب من كل قلبة لنورة)
نرجع للفندق
مها بعد ماتماسكت قامت ولبست عبايتها المسكرة ونزلت للقهوة الي جنب الفندق
اول مادخلت شافت الشيخ راشد الي شافته من فترة
توترت بس قالت شعليها منه بتقعد تتريق وبتروح
مها طلبت لها كافي لاتية مع كرسون بالزبدة ....جاء وقف جنبها
راشد : امممم شكله طلبج حلوو بطلب مثلة
مها طقعت له وراحت جلست في مكان صاد عنه
راشد غير مكانة وجلس في مكان يسمح له انه يشوفها
مها تنرفزت لكنها كملت عادي
شوي ودخل القهوة فهد وكان شبه مجنون ...وشاف الشيخ راشد شلون يشوف مها
حس انه ودة يذبحة ويذبحها
فهد راح صوب مها ويكلمها بحتقار : مشاء الله على الجو الرومانسي
مها تشوفه من غير نفس : حاسب على كلامك
فهد مسكها من يدها وقومها بسرعة وراح للفندق على طول
مها طول الوقت تسب وتلعن فيه
اول مادخل الغرفة دزها بقوووة على الارض
فهد والشرار يطلع من عيونة : انت بأي حق تطلعين من غير شوري ؟؟
مها كانت ميته روع بس تشجعت : لا والله انت ماخذ راحتك على الاخر وانا حتى اعتب برا الغرفة ممنوع
فهد يعض على شفايفة بقوووة : لا روحي وطلعي وغازلي الشباب بعد
مها وقفت واراحت صوبة :انا ما اسمح لك تقول عني...
وقاطعها فهد وهو يجرها من عبايتها صوبة : جبببببببببب
مها تضرب يده بقووة : هدني هدني يالحقييير يالخسيسسس
فهد مسك وجها بيدة حط عينه بعينها
مها وخرت بقووة وراحت للبلكونة عشان تأخذ نفس حست ان الهوا راح من الغرفة
فهد حس بتوتر بسيط وماعرف هو ليش سوا هاي الحركة
فهد بهدوء : سمعي يامها انا طالع لكن ان شفتج عتبتي باب الغرفة ماتلومين الا نفسج
مها مانطقت بولا كلمة ... مجرد نظرة حقد وكره
(في بيت بواحمد )
ظبية وصل لها خبر ان اخوها يبي يتزوج شيخة وفرحت لها وايد وتمنت ان يجي اليوم الي يخطبها فيه جاسر
ظبية تشوف السقف وتتكلم : اخ ياجاسر اخ شلون اقول لك اني ظبية مو سارة ااففف لين متى بكون في نظرك طفلة ... خلني انزل يمكن اشوفه رايح الجم ولا راجع
ولبست عبايتها وشيلتها ونزلت للحديقة قعدت في كرسيها المعتاد وحطت السماعات في اذنها وقعدت تسمع
اغنية هند (ذبحني الشووق منصدييت يكيف انساك يخبرني وانا من وين ماصديت ارى طيفك يحاصرني )
وتمت تغني وتغني وتتذكر جاسر
دانة نطت عندها : بوووو
ظبية : يقطع بلييسج خرعتيني !
دانة : هههههههههههههه من الي ذبحج من الشوق ؟؟
ظبية بستخفاف : راجو
دانة الي عارفة عن اختها وحبها بس ماتبي تحرجها : راجو ؟؟ ولا جاااا....
ظبية بققت عينها وفصخت نعالها وتلحق دانة تبي تضربها : يلي ماتستحين
دانة تركض بسرعة : اسفه هههههههههههه خلاااااص عااد
ظبية تربط عبايتها على فوق عشان تاخذ راحتها في الركض : والله ماخليج
دانة كانت لابسه عباية لانها كانت رايحة لبيت عمها بس لما شافت ظبية ملقت عليها : خلاااااص تعبت
ظبية الي تعبت من الركض وقبل ماتدخل دانة بيت عمها
مسكت نعالها وهفتهاااا بكل قوة عندها
دانة دنعت عشان ماتضربها
واول مافتح الباب جاتة الضربة
جاسر حط يده على ويه ومعصصصصصب
دانة ماتت ضحك :هههههههههههههههههه
ظبية مو مستوعبة هي شسوت ومبققة عينها على الاخررر : اسفه
جاسر راح صوبها : ممكن ثاني مرة لا يتي تضربين تنيشنين عدل ركزي على الهدف يـا سارة
دانة وهي لين الحين ميتة ضحك : ههههههه انت اي سارة ؟ههههههههه
جاسر عقد حواجبة ولف لظبية : شقصدها ؟؟
ظبية تتبلعم : انا انا مو سارة
جاسر كشر اكثر وبتردد : ظبية ؟!
ظبية هزت راسها
جاسر بغباء : في اي صف ياشاطرة
ظبية تنرفزت : انا في الجامعة
جاسر حس ان اذنة ترن من جمال وعذوبة صوتها هاي اطول جملة قالتها له : يحليلج كبرتي يا ظبوي
ظبية تستجمع قوتها : ظبية
جاسر بستهزاء :هههههههههههه والله اخر زمن اقول لج ظبية ياظبووي
دانة حست ان الجوي متكهرب شوي راحت صوبهم : ظبية تعالي ندخل
ظبية تشوف جاسر : انا ظبية عاجبك ولا مو عاجبك هاي الشي مايهمني
ولفت وراحت مع دانة
جاسر تم واقف مكانة لحد الحين تحت تأثير الصدمة : هاذي الياهل شلون كبرت فجأه ... وشلون تكلمني بهاي الطريقة ... صج قليلة ادب
(في بيت بو جاسم )
نورة قاعدة في الصالة وكاشخة احلى كشخة
وتتكلم في التلفون : الو
ثرية : الو هلا بهاي الصوت لج وحشه
نورة تتدلع : اممم يما منج اي وحشه وانتي طول الوقت مع الريل
ثرية :هههههههه والله مايسوى علي عرست قبلج
نورة بغرور : انا الي رافضة الزواج مو مثلج ماصدقت اخلص الثانوية وعرست على طول
ثرية ومتعودة على رفيجتها : ههههههههههههه خمسة وخميسة في عين الحاسووود
نورة : ويه ويه اشوله اغار منج
ثرية بطريقة نغزات : اقول شخبار
نورة وفاهمتها : عطيته كم جرعة ههههههههه عساه يفهم
ثرية : يمه منج تخوفين بلد
نورة تتدلع : انا اخوف بلد ...عيل سمور شنو؟
ثرية خافت من طاري سمر : الله لا يحوشج من طشارها ههههههههه لا ذيج تخوف كون بكبرة
نورة بتسولف : دريتي شسوت في امل ؟
ثرية بتوتر : لا خير شسوت ؟
نورة تربعت على الكرسي : ميته عن اخبار الدنيا
ثرية متشوقفة تبي تعرف السالفة : يلا عاد قولي شسوت ؟
نورة : تدرين ان امل خاطبها واحد معروف ويقولون انه مزيون وولد ناس
ثرية : انزين كملي
نورة : عاد حمدالله والشكر سمور فيها حالة نفسية ما تقدر تستحمل فكرة ان في بنت عايشة مستانسة ...يعني مرت ابوها معقدتها ..وابوها متوفي ..
ثرية : يخي بتعرفيني بسمور اعرفها ..متعقدة وصايعة ومرافجة نص شباب الدوحة ...خلصيني شسوت ؟
نورة :هههههه تموتين في السوالف ...المهم ..بعد خطبة امل بشهور ..اتصلت حق خطيبها ..وقالت له اشياء عن امل وانها باقت حبيبها ومادري شنو ..المهم ان الريال فصخ الخطبة بعدها بيوم
ثرية : حسبي الله ونعم الوكيل فيها
نورة : الحمدالله انا قاطعة علاقتي فيها من اول ثانوي
ثرية تخوف نورة : لا يا حبيبتي اول ما تخطبين بتيج بتاخذ حبيب القلب
نورة : واااي اسم الله علية وعلي لا تفاولين
ثرية : ههههههههه خل يخطب اول
نورة : ههههههه بيي بيي بس عطيه وقت... .. اقول باركي لي باشتغل
ثرية مستغربة : شلون وانتي بالجامعة ؟!
نورة : عادي في شركة ابوي اساعدة اشوف الشغل في الوقت الي ماعلي جامعة
ثرية : شركة !
نورة : اي الشركة شفيها
ثرية : لا بس هناك وايد رياييل يعني
نورة بتكابر : والله ماعندهم الجرأه يلفون صوبي وانا نورة بنت الـ ......
ثرية : خفي من هاي الغرور ترا صدقيني ماوراه غير الشر
نورة : هذا اسلوبي والي مو عاجبة مايهمني
نورة تسمع صوت جرس الباب : باي شكلهم عيال عمي جاوا
ثرية تبي تحر نورة : المزيون معاهم ؟؟
نورة تخفي : اي مزيون ريان
ثرية : لا وع شابي بولد المكسيكية الثاني
نورة احترت من ثرية : الله يلوع جبدج يعني الحين ريان وع وعلي حلو !
ثرية بتفكير : اممم بصراحة لما تشوفين الشخص اهم شي عينة وهذا ولد عمج عليه نظرات اطيح الطير من السما تذكرين يوم يجي الجامعة ياخذج وقعد يخز الريال الي في السيارة الي حذاه عشان كان يطالعج ؟؟
نورة تبي تسكر الموضوع : باي باي روحي حق ريلج احسن لج من علوي
ثرية وهي عارفة اسلوب رفيجتها :هههههههههههههههههه باي
نورة راحت للحمام تعدل مكياجها وتلبس عبايتها لكنها كانت مفتوحة ولا كأنها لابسه عباية والشيلة لفتها شوي وطيح من راسها
دخلت عمتها عليها : هااااا الله واكبر عليج بتظهرين لعيال عمج جي ؟!!
نورة تشوف نفسها بالمنظرة : شفيني حلوة اينن
مها : اقوول سكري عباتج ولفي شيلتج عدل ترا ماعلي من ابوج مدلعج والله ماخليج تقعدين معانا
نورة : افففف زين (وعدلت شيلتها وسكرت العباية وراحت الصالة )
نورة دخلت وراحت حبت راس يدتها : هلا يدوة جاية مع العيال
الجدة تشوف وجها وتجرها وتكلمها بصوت واطي : نوير ويهد وش في ويهج كم مرة قلت لج لا تخطين الكحلة اذا جو عيال عمج كفاية انج ماتغطين وجهج مسودة الوجه
نورة قامت وهي تضحك : الله يقطع سوالفج يايدوة هههههه
ريان يبتسم
علي في نفسه : اخخ ليتج تطيحين في يدي واربيج اي اي قاعدة تتبسمين حق حبيب القلب ومتعدلتله بعد
ريان يكلم علي بصوت واطي : علي خف من نظراتك عيب تشوفها بهاي الطريقة
علي عداد العصبية واصل حدة : ريان اقصر الشر ماشفتها حاشمة نفسها عشان احشمها
ريان بطيبه : حتى ولو ياخوي ذي مو حلالك تقعد تشوفها جي عيب
علي بحرة في قلبه : ولا حلالك عشان تدافع عنها انا عارف حدودي خل هي تعرف حدودها وانت بعد
ريان مستغرب : وانا شفيني !
علي بستهزاء : مرخي لها تتبوسم لك وانت عاجبك
ريان وقف ووقف علي
ام جاسم : شفيكم ياعيل
ريان تدارك نفسه وجلس : لا ولا شي
علي جلس وصد عنهم
نورة حطت ريل على ريل وبانت ريلها وهي لابسه لقنز اسود
علي بقق عينة وحس انه ودة يقوم يعطيها طراااق يسنعها
وبعد نص ساعة
العمة مها : نورة روحي جيبي الحلو من المطبخ
علي اول ماسمع : اعذروني دقيقة وراجع
الجدة : خذ راحتك ياوليدي
علي طلع من الصالة ولف ودخل من باب المطبخ ووقف عند الباب
اول مادخلت نورة
قفل الباب
نورة خافت : بسم الله علي شتسوي هني ؟
علي وهو مفوووول منها ومسك يدها وجرها وصوبة وحط عينه في عينها
:سمعي يانوير ان كان ماعندج ريال في البيت يربيج فأنا موجود وان شفتج قاعدة معانا وانتي بهاي البس ولا قعدتي تتبوسمين حق ريان والله ثم والله لا ورييج انجوم الليل بعز الظهر فاهمة
نورة دزته بقوو : هاي هاي انت منو عشان تتحكم فيني ولا رحت ولا يت مالك كلمة علي انت الي فاهم
علي ماسك يدة مابي يضربها : سمعي يا نورة تبين افظحج ..فاهمة قصدي ماعندي مشكلة انا ريال ماعلي عيب انتي الي بنت وشوفي وش بيصير فيج
نورة بقلة ادب : هاي من فاكر نفسك ياخسيس ياحقيييير انا انا نورة بنت ال.... ينقال لي جي
علي خلاص ظهر ينوونة راح صوبها جرها صوبه :هين هين يانوير
نورة وهي تتألم : اييي يعووور
علي حس برشاشات في قلبة وهدها بسرعة ووخر
علي : سمعي روحي بدلي ملابسج هاذي وغيري ذي العباة ولا عاد اشوفج حاطة شي بوجهج
نورة كانت تهز راسها بعلامة نعم
وطلعت بسرعة
علي جلس على الكرسي وحط يدة على قلبة يحس انه راح يظهر من مكانة
ويتنفس بصعوبة
دخلة عمة مها : علي اسم الله عليك فيك شي
علي رفع راسه لعمته : غلطت يامها وانا عمري ماغلطت على حد
العمه مها : شنوو ! علي انت سويت شي لنورة انا قلت لها روحي المطبخ لكنها تأخرت
علي ساكت :......
العمة مها مصدومة وراحت لعلي ومسكتة كتفة : عليييي تكلم شسويت
علي ويشوف الارض : مديت يدي عليها
العمة مها حطت يدها على حلجها : انت ينيت شلون تسوي جي انت ليش مو راضي تستوعب انه محرمة عليك حتى لو كنت تحبها !
علي حط يدة على وجه
وفجأه سمعوا صوت عصا الجدة يطيح بالارض
مها لفت وراها وعلي رفع راسة
الجدة سمعت كل شيي
!!!!
مها : يمااا
علي وقف مرتبك
الجدة بصوت حاد وواضح وعالي : اسمع ياعلي كلمة مراح اثنيها ودك بنورة تراها لك ومن بكرا تملج عليها لكن اي شي ثاني يغظب ربي ترا لانت بوالدي ولا انا اعرفك
ريان لما سمع صوت الجدة العالي راح للمطبخ وسمعهم
علي يمشي بخطوات سريعة وحب راس الجدة ويدها : كل شي ولا زعلج يماا املج عليها الحين اذا يرضيج
ريان لف للصوت الي وراه
كانت نورة
تسمع علي يكلم الجدة ماقدرت تستحمل الصدمة
نورة والدموع علي خدها سيل مايوقف : يدووة شقاعدة تقولين ..هاي الريال يكرهني شلون تيبنه ياخذني مستحيييل
الجدة جامدة : انا كلامي ماثنية والكلمة الي قلتها ماتنرد
نورة تهز راسها : لا يعني لا مستحيل اتزوج هاي الريال لو كان اخر ريال بالعالم ماخذه وابوي معاي مستحيل يوافق علي شي مابيه
الجدة بعصبية : تكسرين كلامي يانــــوير
نورة تصيح بصوت عالي وتشاهق : مب متزوووووجتة
الجدة تنرفزت زود وتلف على علي : اسمع بكرا المغرب تجيب الشيخ والشهود وتاخذها بلايا عرس لبيتك
العمة مها : يمااا شقاعدة تقولين
الجدة : جليلة الحيا ان كان محمد ولدي ماعرف يربيج فعلي بيربيج
نورة مسكت راسها تحس انه ثقيل :اااااه (وطاحت غشيانة)
مها مسكتها : يمااا نورة حبيبتي
علي وريان مصدومين
الجدة بعصبية: والله كل هاي دلع ومصاجة بنات بتاخذينة يعني بتاخذية حيه ولا ميتة
مها تستغفر الله : يما البنت مب فوعيها
علي مب قادر يستوعب الي قاعد يصير
مها : علي جيب لي عطر
وبعد فترة صحت نورة
نورة تلتفت لمها : انا حلمانة صح
مها كسرت خاطرها وهزت راسها بعلامة لا
نورة بتعب : ابي ابوي
مها : امي معاه الحين
نورة قامت وين : الصالة
نورة راحت تركض ودخلت عليهم : يبااا (ولمت ابوها)
محمد : يما نورة ترا علي مافي احسن منه
نورة وخرت بسرعة : بعد انت يبا
محمد : الي يدتج تقولة ماينكسر يمه وعلي لو تلفين العالم كله ماتحصلين احسن منه
نورة هزت راسها بلا
وراحت لغرفتها
وبعد كلام طويل بين الجدة ومحمد وعلي وريان ومها
اتفقوا على ان ريان يطلع من البيت ويسكن مع جدتة وبيت عمه ونورة وعلي في بيت علي
والملجة تكون بكرا المغرب
نرجع لمونت كارلو
مها حالتها النفسية زفت مب قادره تستحمل فهد لو دقيقة حاسة انها مذلولة وانها صج رخيصة بعد مابعها ابوها الساعة كانت 11 بالليل ومها قاعدة في البلكونة تشوف الرايح والجاي
دخل فهد وماعطها ويه راح للحمام خذ شور وطلع ولبس بنطلون البجامة وانسدح على السرير وشغل التلفزيون
مها ولا كأنه دخل صج مسويتلة طااااااف مطنشة من قلب وقفت راحت صوب السرير خذت لها مخدة وراحت الحمام
دخلت الحمام وقفلتة وشافت البانيو مبلل : افففف بعد مبلل
خذت الفوطة وقعدت تمسح لحد ماراح الماي
طلعت مره ثانية وخذت الثرو الي علي طرف السرير ودخلت الحمام وقفلته
قعدت في البانيو وحطت المخدة وراها ونامت لانها كانت صج تعبانة
فهد بعد مرور ساعتين
فهد : هاذي مب طبيعية شلون تقدر تنام في الحمام صج بنت فقر
وبعدها نام
الساعة 3 الفجر
قامت مها وجسمها متكسر غسلت ويها وفرشت اسنانها وبعدها راحت صوب الباب وفتحتة بشويش وراحت للكبت وخذت لها جنز غامق وبلوزة شيفون ورجعت للحمام ولبست وطلعت وراحت للكنبة الصغيرة الي جنب السرير فتحت الابجورة وقعدت تقرا رواية (الكونت دي مونت كريستو)
فهد حس بالاضاءة فتح عينة وشافها تقرا لاول مرة فهد يتأمل مها ولا يشبها بــ مها بس يشوفها وهي تقرا كان شكلها جميل وانيق شاف شعرها الي حس انه تغير وصار اطول واحلى وشاف عينها شقد بريئة خشمها المحدود وشفايفها متوردة كانت ولاول مرة يحسها جميلة من قلب
مها رفعت عينها وشافته يطالعها
فهد لاشعوريا انقلب للجهة الثانية وحس انه انحرج هههههههههههههه
مها ابتسمت حاسة بالنصر مسكينة هههه وقفت وراحت صوبه وتكتفت وهي وتشوفة : ممكن اعرف ليش قاعد تراقبني؟؟
فهد فتح عينة ورفع جسمه وتسند على السرير : اراقبج انا ؟
مها بثقة : اي انت لما تقعد تشوفي تقربيا 10 دقايق هاي معناتة تراقبني
هههههه صادتة
فهد توتر : والله انا حر بنظراتي
مها تحس بالانتصار : زين عيل ثاني مرة لو حبيت تراقب لا تنكر
ولفت بتروح
فهد مسك يدها وجلسها علي السرير : وانتي بعد لو حبيتي تنامين في شي اسمة سرير الناس ماتنام في الحمامات ولا انتي كنتي متعودة في بيتكم تنامين هناك
مها تحس ان انتصارها راااح : لا والله انام على السرير وانت فيه ووع
فهد حس ان في قرون شيطان طلعت له : مسك كتفها وجرها : كم مرة لازم اقول لج ثمني الكلامج قبل ماتكلميني لايكون انتي ناسة انتي منو تراج اسميا بس زوجتي ولا انا عادج وحدة من خدمي او عبدة عندي لان الخدم يمشي لهم راتب لكن انتي شريتج من ابوج واقدر بأي وقت ابيعج .
مها لاشعوريا وبكل قوتها صكتة ذاك الطراااااااااااااق الي حتى جون سينا مايظرب بهاي القوة : اسمعني عدل ان كان ابوي باعني فأنا مابعت نفسي لك واذا ماتعرف تنتقي كلامك لما تكلم وحدة تعتبر زوجتك فلا تتكلم احسن حتى لو ماكنت زوجتك فانا بنت بلادك ومن دينك ولا انت ماتعرفهم ولا تحترمهم
فهد معصب ومسكها من رقبتها : انا كنت محترمج لكن انتي الي قليتي ادبج وهذا جذاج لكن ان مديتي يدج مرة ثانية الله ثم الله لقطعها لج
مها حاسة انها تختنق: هددنـي ي
فهد شل يدة
مها تشهق : هااا كحكح كحكح انت ينيت بقيت تذبحني
فهد رجع للبرود وانسدح على السرير
مها قامت
فهد جر يدها بقووووة وسحبها لسرير : نامي هني
مها انحرجتتتتت : وخر قلت لك مابي
فهد لحد الحين ماسكها : بتنامين هني وانتهى الموضوع ولا تبني انام معاج في الحمام
مها تبقق عينها : انت مختل عقليا
فهد : لا والله والي ينام في الحمام صاحي عيل
مها صدت عنه وهي تحاول قدر المستطاع انها توخر عنه
فهد ظل يشوفها لحد مانام
يتبع
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 06-03-15, 08:00 AM #8
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
في قطر
الساعة 9 الصبح
في دار جاسر بالتحديد
جاسر يفكر بعممق : اذا كانت ذي ظبية عيل سارة شلون شكلها ؟ شلون اخربط بين شكلها وشكل اختها ! شلون اتخربط سارة حبيتها من وحنا يهال شلون انسى شكلها ؟ يعني البنت الي دوم في الحديقة ظبية !!! مستحيل شلي يخليها تنطر لا معقولة اني فاهم الموضوع غلط ..وانا طول هاي الفترة عبالي سارة وعبالي انها قاعدة تنطرني وتنطر شوفتي ههههههه صج اني غبيي شلي خلاني اعتقد هاي الشي ههههه من يحب في هاي الايام اصلا مافي شي اسمه حب حقيقي ههههههههههههههههههه
في دار ظبية
ظبية تفكر بالي صار : افف الحين شبيقول عني اني ما استحي شلون كلمته جي ..شاسوي حرق قلبي سارة وسارة
طق طق
ظبية : ادخل
دانة : ظبوي ابي اقول لج شي
ظبية مستغربة : شفيج
دانة قربت وقعدت على السرير : اممم تعرفين دريول ابوي مال الشركة
ظبية : من محبوب ؟؟
دانة : لالا القطري
ظبية مصدومة : هااي انتي اي قطري
دانة : بلى قطري
امشي عند ساروة
ظبية : ساروة ابوي عندة دريول قطري ؟
سارة: هههههه لا محبوب وشاكر وراجوا بس
دانة حطت يدها على حلجها وقعدت على السرير تصيح
ظبية : شفييييج
دانة خايفة : وووين اودي ويهي من ابوي الحين هههئئ
سارة خافت من قلب : تكلمي شسالفة
دانة تقول كل شي صار لها مع ريان :...................................الخ
ظبية :وك وك هاي مايستحي شلون يدخل الحوش ويكلمج بعد!
سارة : ياااه خرعتيني عبالي شي عوود انزين هو شلون شكلة ؟
دانة برتباك : هو بصراحة احلى ريال شفتة بحياتي
ظبية : لا الاخت ذايبة
دانة : سكتي لا فظحج
ظبية سكتت على طول ولفت على سارة وحمدت ربها انها مو منتبهه
سارة تشهق : هاااا عرفت من هووو
دانة :شلون
سارة : تذكرت احمد اخوي كل يتكلم عنه يقول انه وااايد جميل وانه احلى ريال شافة في حياتة هههههههههههه
ظبية : شدعوة لهاي الدرجة ابي اشوفة ههههههههه
دانة : شسمة ؟
سارة : امم اي اي اسمه ريان غريب صح !
ظبية : اي وايد
سارة : اي احمد يقول ان امة مكسيكية هههههه وكانت تبي تسمية راين بس ابوة مارضى فسماه ريان هههههههههه
ظبية : امه مكسيكية هههههه عشان جي حلوو ههههه
دانة ساكتة كانت مصدومة
سارة : تدرون انه مساعد المدير هههههههههه وانتي عبالج دريول هههههه
دانة قامت وطلعت من الدار
ظبية : مسكينة مصدومة
سارة : هي بعد تستاهل كم مرة قلنا لها لبسي شيلة اذا طلعتي في الحوش
ظبية : لا مسكينة الحين صايرة تلبس عبايتها بعد
في شركة ابو احمد
ابو احمد : ها ياريان جهزت البرزنتيشن حق الاجتماع
ريان : كل شي جاهز
ودخلوا وبعد ساعتين انهي الاجتماع
ابو احمد : الحمدالله اقتنعوا بالعرض
ريان : الحمدالله
ابو احمد : ماقصرت ياريان
ريان : ماسويت شي
ابو احمد : شرايك تجي معاي للميلس
ريان : لا اسمح لي يبه اليوم ملجة اخوي
ابو احمد : مبرووك مبرووك مابغى يعرس من من بياخذ ؟
ريان : مب بعيد بنت عمي
بو احمد : اي ومتى العرس
ريان توتر : لا يبه مافيه عرس بس عشى خفيف
بو احمد : خيرة ولله العرس كل ماقل تبارك
ريان ابتسم : اسمحلي الحين يبه
بو احمد : مسموح مسموح يابوك
طلع ريان وهو متوتر شلون بيكون زواج اخوة المفاجىء
بيت بو جاسم
نورة قاعدة على سريرها بلا مشاعر هاي الوصف الدقيق لها
العمة مها تدخل الغرفة : وبعدين يانورة لين متى بتمين ساكتة وبدون اكل ولاشرب
نورة :.............
العمة مها راحت وجلست جنبها ومسك يدها : نورة سمعيني عدل صج انتي بتتزوجين بدون موافقتج وانج بتروحين معاه اليوم لكن صدقيني مافي اطيب واحن من علي عليج صدقيني والايام بتثبت لج
نورة صمت رهيب: ........
العمة مها : نورة على الاقل قومي ساعديني على ترتيب شنطتج (تبي تونسها ) ترا رحت السوق وشريت لج ملابس يديد واااايد ههههههه تهني فيهم تعالي قومي معاي نرتبهم
نورة تسحب يدها : ملابس يديدة ههههههه حسستيني اني صج عروس
العمة مها بحنية : حبيبتي انتي صج عروس مو لانه ماسويتي عرس يعني مب عروس
نورة بجدية : تدرين لازم ارتب واجهز شنطتي لان صج ابي اطلع من هاي البيت ناس قطوني على ريال كأنهم مب مصدقين يفتكون مني هههههه
العمة مها بعصبية : نورة
نورة قامت وراحت للكبت وظهرت شنطة وقعدت تحط ثيابها
العمة راحت لها وقعدت تساعدها
بعد صلاة المغرب
الشيخ بعد ماعطا الورقة لبو جاسم : خل توقع هنا
بوجاسم قام وراح لهم في الصالة
العمة مها : ها محمد خلصتوا
محمد (بو جاسم ) : اي بس خلي نورة توقع هني وعطاها الورقة
العمة خذت الورقة وراحت لنورة في غرفتها دخلت الغرفة وشافتها جالسة على الارض جنب السرير
نورة تشوف العمة : خلاص جبتي عقد البيع
العمة مها ماقالت شي وعطتها الورقة : وقعي هني
نورة مسكت الورقة وكان ودها تشق الورقة نتف صغاار خذت القلم ووقعت : اوامر ثانية
العمة مها بحنية : نورة حبيبتي قومي تعدلي لبسي لج فستان ناعم حطي مكياج حكل على الاقل
نورة تستهبل : لا واسوي تسريحة بعد
العمة مها : نورة حبيبتي انتي عروس
نورة بعناد : مااابي بروح جي عاجبة مب عاجبة بالطقاق
العمة هزت راسها وطلعت
نورة اول ماطلعت عمتها قعدت تصييح لحد ما ورمت عينها وغير السواد الي تحت عينها كأنها شبح
بعد ساعة دخل محمد غرفتها
محمد : نورة يلا زوجج ينطرج بالسيارة
نورة من غير ماتشوف ابوها ولا تسلم علية لبست عبايتها وشيلتها وطلعت نزلت من الدرج شافت عمتها راحت لها ولمتها
العمة مها : لا تصيحين يانورة انتي رايحة لشيخ الريايل كلهم
نورة تمسح دموعها
الجدة بصرامة : نورة
نورة ولا كأنها تسمعها عدلت شيلتها وطلعت من البيت
في السيارة
علي كان مرتبك مو عارف شلون بتكون نورة ومو عارف شلون يعاملها
شافها وهي جاية صوبة وقعد يراقبها
نورة فتحت باب السيارة الي ورى مو متعودة تقعد جدام
علي بصوت هادي : نورة تعالي جدام
نورة بدون ما تتكلم نزلت من السيارة وركبت جدام
علي اول شي شم ريحتها الي كان يعشقها بجنوون وبعدها لاحظ عينها شلون متورمة ومحمرة الاحمرار راسم خط احمر كأنة كحل
نورة ارتبكت ولفت وجها صوب الجادمة
علي احتر لان انحرم من متابعة وجها وعقب قال بنبرة حادة : قطي ويهج
نورة لفت علية وقعد تشوفه بحرقة قلب لكنها ماردت عليه
علي قلبة بدى ينبض بسرعة نظراتها تقتل كأنها سهم روبن هود : نورة لمى اقول كلمة تتنفذ على طول
نورة ماتبي تاخذ وتعطي معاه فتغشت وصدت عنة
علي حرك السيارة واحوا لبيتهم
(في مونت كارلو )
نرجع كم ساعة لورى
فهد صحى من النوم الساعة 7 الصبح اول مافتح عينة شاف مها نايمة وكان وجها صوبه وفوق هاي يدة محطوطة خصرها
فهد احس بالاحراج وشل يدة ونقلب الصوب الثاني
مها توعت لمى انقلب الصوب الثاني وانحرجت لما لاحظت انها كانت معطتة وجها والشي الثاني انه مو لابس قميص البجدامة وهاي الشي مسبب لها ازمة نفسية
مها قامت بشويش وراحت صوب الكبت وخذت لها ملابس ثانية وراحت الحمام
فهد كان ودة يضحك وهو يشوفها شلون تمشي بشوش عشان مايقوم
بعد خمس دقايق طلعت وخذت إيلالها والسيادة وقعدت تصلي
فهد كان يراقبها ولما خلصت قعدت تدعي وهو كان خاطرة يعرف شنو دعت
خلصت مها وراحت للمنظرة تعدل شعرها ولما راحت صوب البلكونة تخرطفت بجوتي فهد الي طايح على الارض وظرب ويها حد الطاولة وظهر صوت عالي
فهد اول ماطاحت قام بسرعة وراح صوبها
فهد نزل على ركبتة : تعورتي
مها ماسكة شفايفها ومغمظة عينها من الالم
فهد بصوت عالي : مها يعورج شي
مها فتحت عينها والدموع اتصب لا ارادي وهزت راسها بنعم
فهد شل يدها من شفايفها وشاف دم يسيل : شكلة الجرح مو كبير حطي علية ثلج وبيخف
مها ماتتكلم من الالم
فهد قام يجيب لها ثلج لكنه ماحصل فاتصل بالروم سيرفس
فهد : دقايق وبيجبون الثلج
مها قامت للحمام وغسلت جرها وهي ميتة من الالم
دخل فهد وهو ماسك الثلج
مها مدت يدها : عطني
فهد مسكها وطلعها من الحمام وجلسها على الكرسي وحط الثلج عليها
مها تغمض عينها من الالم
فهد بصوت واااطي : اسف
مها حاسة انها سمعت غلط فهد تأسف لها
فهد قام وعطاها الثلج وماخذ دقيقتين الا وهو لابس وطلع من الفندق
مها رجعت للسرير ومن التعب نامت
ونرجع للوقت الحالي الساعة 5 بتوقيت فرنسا
فهد من طلع الصبح مارجع مها قامت وجلست عند البلكونة صار مكانها المفضل وقعد تكمل روايتها
نرجع للدوحة
الساعة 7 بالليل
علي نزل من السيارة ونزل الشنط ودخلهم البيت ونورة ماطلعت من السيارة كانت خايفة وايد مب عافة شلون تتصرف مب مستوعبة انها خلاص صارت متزوجة ومن علي وبتقعد معاه في بيته
نورة ماسة يدها وقاعدة ترجف بشكل رهيييب
علي فتح باب السيارة : ماتبين تدخلين ؟
نورة تبلعمت ونزلت من السيارة ومشت ورى علي
علي دخل البيت وقعد في الصالة نورة جات وقعدت بالكرسي المجابلة
علي لاحظ رجفة نورة القوية وحاول يهديها : نورة مافي داعي لكل هاي الخوف
نورة صمت :.........
علي : انزين تبين ارويج البيت ؟
نورة تهز راسها ب لا
علي حط يده على خدة : وبعدين يعني بتمين ساكتة !
نورة ماردت عليه
علي : يوعانة تبين تاكلين ؟
نورة تهز راسها لا
علي : وبعدين يعني لين متى بتمين ساكتة ؟
نورة قامت وخذت شنطتها
علي : تبين تروحين الدار ؟
نورة هزت راسها نعم
علي راح صوبها وخذ الشنطة عنها ووركب الدرج ونورة تلحقة
على دخل الدار : تفضلي
نورة دخلت وهي مستغربة شقد الدار مظلمة وريحتها زقاير لاعت جبدها
على بطيبة :هاي داري ادري ان ريحتها مب حلوة انا بحاول اني ما ادخن بالغرفة
نورة تمت واقفة عند الباب ماتبي تكون هني معاه في نفس المكان بس ما كانت عندها الجرأة تتكلم
علي : لين متى بتمين واقفة عند الباب ترا ماحب حركات الدلع هاذي اعتقد انج مرة كبيرة فما في داعي حق هاذي التصرفات الطفولية
نورة ودها تضربة بكل قوتها بس حاسة ان حد صاب عليها سميت ومتيببسة
علي وقف يتأمل جمالها ومو مصدق انها صارت له لكل فجأه تذكر حبها لريان اخوة وانقلب 180 درجة
علي قرب من نورة وحط عينة بعينها وهو يصر على الكلام : زعلانة هههه اكيييد لان حبيب القلب صار بعيد عنج
نورة منصدمة : انت شتقصد !!
علي بستهزاء: ههههههههههههه شاقصد اكيد بيكون هاي جوابج لان مالج ويه تردين علي بسواد ويهج
نورة تحس بالنار تشتعل فيها : علي لو سمحت لاتقلل من احترامي وبعدين اي حبيب قلب تتكلم عنه؟!
علي محروق قلبة :لا ماتعرفين من هوو ؟
نورة الي كان فعلاً لها حبيب بس من هو ؟ ردت برتباك : من ؟
علي متنرفز من جرئتها : وتسألين من بعد هين ان ماربيتج ماكون ولد ابوي
طلع وسكر الباب بكل قوتة
نورة حطت يدها على قلبها وقعدت على الارض : بسم الله الرحمن الرحيم وقف قلبي !
وقفت على حيلها وراحت للكبت وقعدت تشوف الملابس وترتبها وانتبهت ان علي مفظي لها مكان وبدت تصف ملابسها
وبعدها بدلت ملابسها ولبست لها فستان نااعم شرتة لها عمتها مها لونة اخضر غامج ويوصل لحد الركب كان من (كارمن ملين )
وفتحت شعرها الي كان في قمة الروعة وقمة الانوثة (وش ناوية علية يانورة وش بتسوين في علي ) وبعدها ظهرت دفتر صغير مورد وانيق وقعدت على المكتب وتمت تكتب فيه
(الخاطرة 83)
أين سيأخذني القدر ؟
إلى اين سأخذني يا ايها القدر
هل هو قدري
لاطلما حلمت به
تمنيته ان يكون لي
وأكون انا محبوبته ومعشوقته التى يهواها بجنون
لماذا أيها القدر
اجبني هل يكرهني
لماذا هو بالذات
اني اجوك ياقدري لاتجعلة يكون كارهي
فقلبي لاستطيع رؤية كرُه
ان كان حبك لي مستحيل فأعرف بأن حبك قاتلي
فلا اريد حياة لن تكون انت فيها لي !
نورة انتهت من الكتابة وقعدت تدور مكان تخش فيه دفترها
دخل علي الجناح ونورة تخصبقت
نورة كان اقرب شي لها درج الكمدينو قطت الكتاب فيه
ثانيتين الا علي داخل الدار
نورة جلست على السرير وابتسمت
علي شافها بنظرات حاقدة ودخل الحمام
انتهى البارت الثالث
شرايكم بالاحداث ؟ فيها تسرع لكن راح بتخف مع الاجزاء الياية اوعدكم
شنو رايكم في البارت <<شنو حبيتو ؟<<شنو كرهتو؟<<اكثر شخصية حبيتوها ضرورررري
توقعاتم للبارتات الجاية ؟؟؟؟