الفصل 2
البارت الثاني
(في منطقة راقية في الدوحة)
قام من النوم وهو متخرع والعرق مبللة كأن حد صاب عليه ماي مد يدة يدور باكيت الزجاير ظهر له زجارة وقعد يدخن بشراهه
دخل الغرفة
ريان : كح كح كح يالله حكرتنا زجاير من صباح الله
علي واعصابة تلفااانة : ريان رووح عني ترا مالي خلق حد
ريان : الله يهديك بس انت شلي قلب حالك اول مرة اشوف واحد يتغير بهاي الطريقة في شهر
علي : ريان تكفا خلني بروحي
ريان هز راسه وطلع
علي يسترجع كابوسة : كان يشوفها في الحلم تضحك وتلعب جنب البحر وكانت جاية صوبة لكنها لفت عنه وراحت لريال ثاني كان ريان اخوه
علي يهز راسه : اعوذ بالله من الشيطان الرجيم اخخخخ يننتيني يا نورة خذتي عقلي مني
( شرايكم نتكلم عنهم شوي نبتدي بريان ريان عمرة 25 يشتغل مساعد في شركة بواحمد ريان نفس ماقالت عنه دانه ملك جمال هههههه مو لهاي الدرجة كان وسيم جمالة غربي شوي وشرقي شوي لان امه كانت مكسيكية كانت جميلة واااايد لكنها ماتت بعد ماجابت ريان
اما علي فهو اخوة من ابوة وهو اكبر منه بوايد عمرة 30 عقيد في الشرطة امه توفت بعد ماسمعت ان ابو علي متزوج عليها وحده مكسيكية ماتحملت الصدمة كانت صغيرة وقتها المهممم علي قصتة قصة يحب لا مايحب يعشق متيم راايحة فيها يمووت في بنت عمة لكن مع الاسف انها ماتبادلة نفس الشعور وتحب اخوة ريان علي مملوح وبس ماكان فيه شي مميز غير نظراتة الي منها ممكن تفهم منها قاموس كلمات وطولة وعرضة
قام توضئ وصلى ولبس ملابس الشرطة وطلع من البيت
في بيت بواحمد
ظبية قامت على المنبه : هااااا بسم الله نطت من السرير ولبست ملابسها على السريع وصلت ونزلت الحوش عشان تشوف جاسر قبل مايسافر
مسكت دفترها وقعدت ترسم الشيرة الي جنبها طلع جاسر من البيت وشافها ترسم وراح صوبها (لاول مرررة )
وقف وراها من غير ماتحس : ماشاء الله رسمج حلو
ظبية من الخرعة طار الدفتر من يدها وطاح القلم
جاسر ببراءة : اسم الله عليج اسف ماكان قصدي اخرعج
ظبية تتبلعم
جاسر بثقة : شلونج ساارة
ظبية كأنة حد معطها ستييين طرااق : بخخــ ير
جاسر ولف عنها : اسف مرة ثانية
ظبية كانت تبي تقول له انها ظبية مو سارة لكن لسانها ماساعدها
اول ماطلع جلست على الكرسي ومسكت قلبها : كلمنيي كلمني
دانة تنط عليها : ظبوووي
ظبية تخرعت : وجع يدي ان شاء الله
دانة مستانسة : خفتي
ظبية : لا استانست
دانة : عفية ظبوي تعالي لعبي معاي
ظبية لانها مستانسة اليوم : اوكي بلعب بس بشرط روحي نادي شخوة تلعب معانا
دانة تنقز : اوككيييي
ظبية تشوف لبس دانة : هاي هاي تعالي على وين بتروحين بيت عمي من غير شيلة
دانة : ويي نسييت لحظة (دانة من بعد الموقف الي صار لها مع ريان قمت تربط شيلة على خصرها للاحتياط) فجت الشيلة ولبستها
وبعد دقيقتين جات شيخة ودانه ومعاهم حمد اخو شيخة الصغير
وقعدو يلعبون بالكورة مرت نص ساعة
دانه تحذف الكورة بقوووة علي شيخة : شخووة
شيخة ما انتبهت للكورة وفجأه خبطت كرة السلة بوجه شيخة ومن قوة الضربة طيحتها على الارض
ظبية صرخت بصوت عالي : هاااااااااا شويييخ يمااا
دانة مصعووقة : والله ماكان قصدي اسفة والله اسفة
محمد راح ينادي سارة : سارة سارة لحقي شخوة طايحة على الارض
سارة اتصلت في احمد عشان يجي يشوفها (احمد دكتور )
سارة : تعال بسرعة الحوش
احمد كان بالميلس : شصاير
سارة : انت تعال وبس
احمد يستأذن من الريال : خذ راحتك دقايق وراجع
احمد وصل الحوش شافهم ملتمين على شيخة
احمد : بعدوا عنها عشان تاخد نفس وقعد على الارض ويقيس النبض بيدها
احمد: ظبية جيبي شنطة الاسعافات الاولية
شيخة بدت تستعد وعيها : اااه
احمد : شيخة شيخة
شيخة : هااا
احمد يشوف خشمها يصب دمم قام ورفع راسها ومسك خشمها من فوق
وبعد فترة من العلاج الاولي
احمد : الخشم يمكن فيه كسر
دانة ماتت روع: هااااااا والله ماكان قصدي
احمد معصب : هاي كل من العابج البايخة ذلفي عن ويهي سارة جيبي عبايتها خل نوديها المشتشفى وكلمي عمي عطية خبر
دانة باصرار : بجي معاكم
احمد مطنقرر حدة : كاسرة خشم البنت وبتجين معاها تعلمي من لعبج الي ماله حلاة صبح وليل شوفي وش سويتي في البنت
دانة ماقدرت تستحمل وراحت عنهم وقعدت جنب المسبح وهي تصيح وبدت تصيح بصوت عالي وتشاهق : والله ماكان قصدي
ريان كان في الميلس وتنقع احمد قال له بيرجع ومارجع له وبعدين سمع صوت صياح تخرع وطل من الميلس يبي يعرف مصدر الصوت
الميلس كانت درايشه تطل على الشارع فما في مجال يشوف منها طلع ولف
يسارة شافها متكورة على نفسها وتصيح وشوي وبطيح في المسبح
ريان بتشكك : هاذي هي نفسها ولا غير
دانة رفعت ويها عشان تمسح دموعها
ريان ابتسم : هي نفسها بس وش الي يخلي هاي الملاك يصيح ماله حق
ريان نااااسي نفسة عمرة ماشاف وحدة افتنتة نفسها نزل من درج ووقف وراها وكأنة غبي يشوفها وهي تصيح
دانة وقفت على ريلها ويات تمشي شافته جدامها ردت على ورى طحت ريها في المسبح لكن ريان كان اسرع منها وسحبها بقووة صوبة
دانة لاشعوريا رفعت يدها وعطت ذاك الطراااق السنع
دانة بعصبة وعيونها مليانة دموع : انت ماتستحي شلون توقف وراي جي ولا مسكت يدي بعد هين ان ماقلت لابوي يفنشك ويحط دريول غيرك ماكون انا دانة
وراحت عنه
ريان مستغرب : دريول ؟؟ ههههههه ليكون على بالها اني سوااق خخخخخ وسكت اخخ بس عليها نعومة حتى طراقها مايعور ولا صوتها عذب يرن في اذني (يضرب راسه ) هاي اصحى استح على ويهك انت سويت مصيبة شلون جيت ووقفت وراها جي لا حول الله الحين اكيد بتقول عني راعي بنات وما انتخي ....ورجع يقول لنفسة ....اسمها دانة صج اسم على مسمى
(في القصر)
فهد قعد من النوم وراح للحمام وغسل وجهه وصلى وطلع للصالة شاف مها نايمة على الكرسي
فهد هز راسة وراح قعد في الكرسي الي جنبها وشغل التلفزيون وقعد يطالع فلم باد بوي 2
مها قامت من الصوت وجلست على الكرسي ولفت حذاها شافتة قاعد على الكرسي ومو لابس قميصة
مها تشهق :هااا انت استح على ويهك قاعد مفصخ جدام بنت
فهد يلف وبنظرات تقهر : انا مارتاح الا وانا جي
مها : ارتاح في غرفتك مو عندي
فهد رايق يبي ينرفزها : ليش شفيها مب انتي زوجتي
مها محترة ولين الحين مغمظة عينها : زوجتك في عينك
وقامت بتروح الحمام وهي مغمظة ودعمت الطاولة وتكرفست وطاحت وطاحت عليها الزينه الي بالطاولة
مها :اااااخخخخ ايييي احححح
فهد :هههههههههههههههههههههههه� �هه (وقام يشيل عنها الشرشف والزينة
مها شافته : هاااا انت وخر عني وااي واخزيااااه (مها امها كويتية عشان جي اللهجة عندها شوي غير )
فهد يستلعن : كل هاي بس عشان فاصخ القميص عيل لو فاصخ البنطلون وش بتسوين
مها تشهق :هااااااا (وقامت تركض للحمام)
فهد :ههههههههههههههههه ياااااهلللل
مها من ورى الباب : يالشييييبة
فهد هاي الكلمة تنرفزة بشكل مو طبيعي
تعوذ من بليس وراح لجناحة عشان يبدل ويسافر
مها طلعت وتزهبت ونزلت
وبعد ساعة عند الباب
الجدة : هالله هالله بمها دير بالك عليها
فهد من غير نفس: ان شاء الله مها في عيوني الثنتين
الجدة : انا حجزت لكم في فندق دي باريس بأسمك
وطلعوا من البيت وبعد مروور 7 ساعات وصلوا للفندق
فهد لابس كاب كلاسيكي ونظارات شمسية ومنزل الكاب على ويهه عشان محد يعرفة وخصوصا ان الصحافة تراقبة بعد مادروا انه عندة جلست تصوير مع جوليا برايتون
فهد وقف عند الرسبشن : مرحبا لدي حجز بأسم فهد .......
الموظف يبتسم : تفضل هذه غرفة ديلوكس
فهد متعجب : ماذا غرفة ديلوكس هناك خطأ انا اريد جناح
الموظف : لا يوجد خطأ ومع الاسف لاتوجد هناك غرف اخرى
فهد لف عنه مشى للغرفة
مها : ليش تتهاوش مع الموظف
فهد : مايخصج
وصعدوا للغرفة
مها اول مادخلت الغرفة ركض للبلكونة تطل
فهد يهز راسه : صج بنت فقر
مها ابتسمت بستهزاء ورجعت تطل
فهد راح للسرير ورما نفسه
مها بكل ثقة راحت للباب الكبت تبي تفتحة على بالها باب الغرفة الثانية
فهد : الحمدالله والشكر
مها طنشت وراحت لباب الحمام وهم نفس الشي : مها عطني مفتاح غرفتي
فهد وماله نفس لمها : هذي هي غرفتج
مها بغباء : عيل اطلع روح غرفتك نام
فهد يتنهد : وهاذي غرفتي بعد
مها تخصرت : خير ان شاء الله
فهد : حتى انا مو طايق اشوف ويهج بس شاسوي حركات العيووز
مها تتكلم بصوت عالي : يعني تبي تفهمني ان يدتك هي السبب
فهد وقف وراح لها : قصري حسج احنا مو في البيت ماخذة راحتج على الاخر
مها ردت على ورى : وانا مايخصني ابي غرفة لي بروحي
فهد : حتى انا بس الموظف قال لي مافي غرف ثانية ....وعلى العموم انا مو مطر اشرح لج ...وانا بطلع الحين مالي خلق اشوف رقعه ويهج
مها تشوفه اول ماطلع : اففف فكة روحة بلا ردة
نرجع لقطر
الساعة صارت 6 بالليل
ريان يكلم علي : الو
علي من غير نفس : الو نعم
ريان : علي شفيك تأخر ومايت ميلس عمي الريايل يسألون عنك
علي : خلاص جاي قريب
ريان : زين عيل لا تتأخر
علي : قالنا لك يااي
وبعد فترة دخل عليهم علي
عمة : هلا علي وينك عنا مانشوفك الا بالطلب
علي : اسمحلي ياعم والله الشغل ذابحني
عمة: الله يوفقك ياولدي
وخذتهم السوالف يمكن ساعة او ساعتين
العم اسمة (ابو جاسم )
بو جاسم : علي ريان دخلوا البيت عمتكم تبي تشوفكم
علي نوعا ما صار يكرة يدخل بيت عمه ويستظيق يتذكر نورة وهي تقول لرفيجتها انها تحب ولد عمها ريان
كان مار جنب الميلس للمطبخ الخارجي وسمع صوت بنت تتكلم وعرف وقتها انها تحب اخوة
نرجع للقصة
ريان يطق باب الصالة
ام جاسم : تفضل يبا
ودخلوا وسلموا على عمتهم اخت ابوهم واسمها( مها)
مها العمة : شلونكم ياعيال مانشوفكم ليش هاي الغيبة وخصوصا علوي قبل صبح وليل عندي وتسولف والحين حشا صار لك شهر ماطبيت البيت
علي يحب عمته وايد هي اكبر منه بخمس سنين : اسمحيلي والله ادري اني مقصر بس الاشغال زايدة
مها : اي اي اكل بعقلي حلاوة
ريان : لا يا عميمة لج الحشيمة
نورة اول ماسمعت صوت الشباب لبست عباتها وشيلتها وراحت الصالة
ام جاسم تأشر لها تقعد جنبها
علي كان يبي يفصخ نعالة ويهفها فيها ويكلم نفسة : اي اكييد جاية تشوف حبيب القلب ريان هههه وانا قبل على بالي تجي عشان تشوفني
ريان انتبه لنظرات علي لنورة : اشفيك كلت البنت بعيونك
علي لف عليه وعطاة ذيك النظرة الي تسكته
نورة تكلم ريان بدلع : شلونك ريان
ريان : بخير الحمدالله وانتي
نورة تمام
علي خلاااص حس انه بيخنقها وقعد يهز ريلة وهو متنرفز
نورة شافت علي ابتسمت وصدت عنه
علي ولا مستكثرة على السلام
علي حس انه لو قعد دقيقة زيادة بيرتكب جريمة : عن اذنكم شوي وراجع
وطلع عشان يدخن
لحقتة عمته مها
مها انصدمت لما شافت علي يدخن :هااااا علي تدخن
علي لف عليها ورد يكمل زجارته
العمة مها : علي شلي قلب حالك ماكنت جي تدخن والتعب باين على ويهك
علي يجلس على درج الليوان : تعبت يامها تعبت
العمة مها كانت تحس انه معجب في نورة : بسبب نورة
علي لف عليها وعطاها ذيج النظرة الي تذببببح : نورة !!
مها قعدت جنبة وتأشر بصبها على عينه : اي نورة عينك فاضحتك ياعلي
علي قعد يشوف عمتة
مها : انزين لو تحبها ليش ماتخطبها هي وين بتلاقي احسن منك
علي يشوف الارض : مها انتي تدرين انا شكثر احبها او من متى
مها : من متى ؟
علي :سبع سنين
مها تبقق عينها : عيل ليش ماتخطبها وتفك عمرك
علي يبتسم بستهزاء : قلبها لغيري
مها مستغربة : وانت شدراك
علي يمسك اذنة : سامعها بأذني هاي
مها : ومن تحب
علي ومقهور حدة ويتكلم من بين اسنانة ويرص على الاسم : ريان
مها قلبها عورها على حال علي الي طول عمرها معتبرته اخوها
والي كانت تشوفه صخر جلمود شلون يصير فيه كل هاي
علي يبتسم لها بستهزاء : كسرت خاطرج
مها لمته : ولا تحط في بالك والله ازوجك الي احلا منها والي تعرف قيمتك صح
علي بستسلااام : بس انا ابيها هي ومابي غيرها
بعد يومين
في بيت ظبية
ظبية في غرفتها تكلم نفسها : اخخخ صار لي ثلاث ايام ماشفتة بقى اربع
وحطت اغنية : اربع سنين انتطالع بالعيون
دخلت سارة
سارة : ويي وويي شحاطة انتي كح كح شهاي الاغنية
ظيبة : انا عاجبتني
سارة :هههههههههههه صج مال اول
ظبية : انا عاجبة حالي كيفي
سارة : انزين قومي نروح فلاجيو
ظبية : ياسلام وامي بتخليني
سارة : اكيد بتخلينا بنروح مع مرت عمي وشخوة
ظبية من الوناسة راحت تركض للكبت وخذت عبايتها وشنطتها : ياالله
سارة : بل بل مسرع مالبستي
ظبية تمسك اختها وتجرها : يالله بسرعة
نص ساعة ووصلوا فلاجيو
ام جاسر : سمعوا يابنات لا تروحون بعيد انا بدخل ماركس لا تبعدون وايد
ظبية : اوكي انا بروح لتودز ابي اشتري لي جوتي مريح للجامعة
شيخة وسارة : بنروح لاكوست
سارة : ظبوي مو جنه بعيد تعالي معانا وبعدين بنيي معاج
ظبية : اي بعيد عند اللفة
سارة : كيفج بس حطي غشوتج عدل
ظبية : وانا شمسوية
سارة : خلايها طبقتين
ظبية : المجمع فاضي مافية حد
سارة : اففف منج مامنج رجا
ظبية راحت للمحل وقعدت تقايس
رن جوالها
ظبية : الو
مها بتعب : الو
ظبية طلعت من المحل وراحت قعدت بقهوة عشان تاخذ راحتها بالكلام مع مها
مها : ظبيوي لحقي علي
ظبية خافت : شفيييج
مها : تعبت منه
ظبية : شساوي لج
مها : احنا صار لنا يومين مسافرين تخيلي يخليني ارقد على الارض
ظبية : جليل الحيا شلون يخليج ترقدين على الارض
مها متنرفزة : يقول لي تبين نامي على السرير انا ماشوف اشكالج
ظبية ومنفعلة مع مها : صج مايستحي
مها : ولا تخيلي هو يطلع من الصبح لين الليل وخليني بروحي في الفندق
ظبية : انزين انتي نزلي بروحج
مها : وين اروح مادل مكان
ظبية : مو شرط دوري في الفندق
مها عجبتها الفكرة : والله خوش فكرة يلا باي بنزل اشوف اذا في قهوة اقعد فيها
ظبية : اوكي باي
ظبية سكرت التلفون ورفعت راسها شافت ريال شكلة مو واضح جالس على طاولة بعيدة بس يشوفها بنظرات تخوف
ظبية حطت غشوتها وطلعت من القهوة ورجعت لمحل تودز تشتري الجوتي
ولحقها الريال
دفعت وطلعت بسرعة وخذت جوالها تتصل بسارة : ساروة وينكم ؟؟
سارة : رجعنا ماركس
ظبية : انزين تعالي لي عند الباب
سارة : يا ذلفي عني انتي تعالي لنا صوب الكريمات
ظبية : باي باي
ظبية توترت زيادة وزادت خطواتها عشان توصل وكان ودها تركض من الروع
وكل مازادت سرعتها زاد سرعته
ظبية وأخيرا دخلت ماركس وراحت صوب الكريمات وحست بفرحة كبيييرة يوم شافت شيخة وبسرعة راحت لها ومسكت عبايتها
شيخة : شفيج
ظبية لفت تتأكد ان الريال راح
ولا الصدمة الكبرى جا صوبهم وبخطوات واثقة
ظبية بدتت تشوفة عدل بانت ملامحة
ظبية : مستحييييل
شيخة : شفيييج
ظبية متشككة : هذا مب جاسر
شيخة : ها جاسر في لندن شرجعه؟!
بعدها راحت له
شيخة راحت لجاسر وقعدت تتكلم معاه
ظبية خلتهم وراحت صوب الملابس
شوي والا جاسر وراها تخرعت : بسم الله
جاسر يكلمها بصوت واطي : ثاني مرة ان دخلتي قهوة بروحج ذبحتج ودفنتج اهني
ظبية كانت خايفة منه وفي نفس الوقت فرحانه انه يكلمها : ان شاء الله حاظر
جاسر : روحي لأمي ولا لظبية اختج لا تخلينها بروحها يمكن تضيع
ظبية حست انها ودها تفصخ نعالها وتهفه فيها ثاني مرة يعتقد بأنها سارة وفوق هاي يقول لها روحي لاختج عشان ماتظيع شايفني ياهل
ظبية من غير ماتتكلم مشت عنه
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 28-02-15, 01:10 AM #6
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
نرجع لمونت كارلو
مها نزلت للوبي وقعدت فيه وطلبت لها قهوة وتشوف الرايح والياي
وشوي شافت واحد داخل الفندق وكان لابس ملابس الفروسية وشكلة يوحي انه خليجي
الريال راح قعد في الكرسي الي مجابها : السلام عليكم
مها ابتسمت : وعليكم السلام (وقامت من الكرسي استحت انها تجابلة)
شوي وجاه ريال كأنه بودي جارد معظل وطويل ولابس اسود
الحارس : شيخ راشد في وحدة تبي تسوي معاك لقاه قبل ماتروح للسباق
راشد : مو مشكلة خلها تجي
مها سمعت كلامهم : وي يحليلة شيخ وفارس وجميل مشاءالله عليه كامل والكامل الله
وبعد ربع ساعة مشى الريال وهو ظاهر ابتسم لمها
مها تخصبقت وراحت لغرفتها
في الغرفة
مها : مللل (وقعدت تتعدل تلبس وتفصخ وكل شوي تغير تسريحة شعرها )
دخل فهد شافها لابسه تنورة شورت جينز لنص الفخذ وبلوفر بحري وكان شكلها روووووووووعة
مها يوم شافته استحت دخلت الحمام ولبست روب وطلعت
مها : شعندك اليوم راجع الظهر العادة ماترجع الا 12 بالليل
فهد : والله انا بكيفي ارجع في الوقت الي ابيه وانتي شيخصج
ودخل الحمام
مها كانت منحرجة بس ماتبي تبين له راحت للمنظرة تشوف نفسها فتحت الروب وتشوف لبسها
طلع فهد من الحمام وراح صوبها : عطيني الروب
مها مستنكرة : ها
فهد مد يدة : ابي الروب باخذ شور
مها : في ثاني في الحمام
فهد : لا مافيه
مها : انا شايفته
فهد رفع يدة جر الروب بقووة
مها : اييييي عورتني
فهد يطالعها : تستاهلين
وراح عنها ولما وصل لباب الحمام لف عليها : سمعيني لو تلبسين مايووة مالتفت عليج لان وحدة مثلج مستحييل تعجب واحد مثلي فلا تحاولين مافي مجال
مها انحرجت وعصبت في نفس الوقت : ومن قال لك اني لابسه لك
فهد طنشها ودخل الحمام
مها احتررررت (وتكلم نفسها ) : هيين والله لقعد بهاي الثياب وبلبس كل الثياب المشخلعة الي حطتها اينا وهينا في الشنطة وبنشوف شلون ماتلتفت لي
طلع من الحمام وشافها انها ما بدلت ملابسها اخذ له ملابس وقعد يلبسها
مها يوم شافتة طالع من الحمام انحرجت ماتبي تشوفة قامت وراحت صوب البلكونة
فهد : ترا يكشفونك الي برا لبسي عباتج
مها احتارت ماتبي تكلمة راحت للسرير وتلحفت وقطت وجها عشان ماتشوفه وهو يبدل
فهد لبس بجامتة وراح للسرير وقعد
مها اول ماحست في حركة في السرير نطت وقامت على حيلها
فهد ببرود : انا بنام لا تسندريني
مها تكلم نفسها : تشجعي خليه هو الي يستحي مب انتي لا تخافين مستحيل يسوي لي شي
قربت من السرير ورجعت انسدحت وتلحفت وقطة ويها
فهد حس فيها وهي تقعد على السرير لكن لأول مرة عورت قلبة صار لها يومين تنام على الارض وبدون شي تحتها فما علق عليها
بعد عشر دقايق
نام فهد
لكن مها شلي ينومها
قامت وشافت الساعة كانت 1 الظهر بتوقيت فرنسا
راحت للحمام وقعدت تشوف نفسها في المنظرة
مها تكلم نفسها : انا حلوة ولا لا ليش هو كل يقول لي اني مب حلوة معقولة انا بشعة (حطت يدها على خدها ) بس الكل قبل يقول عنى اني قمر معقولة انهم يجاملوني حتى ظبوي كانت تقول لي اني حلووة واشابه الممثلة المصرية (نجلاء فتحي) وتقول لي اني احلا منها ليش عيل يقول عني جي
طلعت ولبست عبايتها وقعدت في البلكونة
بعد ساعة قطت عينها ونامت
وبعد ساعة ثانية قام فهد من النوم ولف يشوفها جنبة ولا قامت شافها في البلكونة قام وراح صوبها وقعد يشوفها
فهد يكلم نفسه : معقولة انها تشابها بهاي الطريقة واسمها بعد نفسه ....لا تضعف يافهد جدامها ...هذي وحدة ثانية وصغيرة ....وماتقرب لها حتى ...لكن ليش ياربي ..ليش تجيب لي وحدة نسخة منها ..حتى في طريقة كلامها
مها فتحت عينها بكسل : ااااه راسي يعورني
فهد رجع لطبيعتة : اكيد راسج بعورج في حد ينام في الهوا البارد ولا مو لابسة شي ثقيل بعد
مها تعبانة : فهد مالي خلق
فهد رجع لبرووودته الي تذبح : انا طالع يمكن مارجع فلا تقعدين تتصلين
مها فرحانة : اي اي لاترجع (تبي تنام على السرير مسكينة)
فهد بدل ملابسة وطلع
اول ماراح
مها راحت للسرير ونامت لييييين الساعة 2 بالليل
قامت وراحت للحمام وخذت لها شور ولبست روب الحمام وراحت للكبت وقعدت تقلب في الملابس وبعدين خذت لها قميص نوم لونة بيج لحد الركب ومعاة روب مالة بدلت ملابسها ورجت للسرير تحس انها مريضة
فتحت شنطتها واخذت لها بندول نايت ورجعت نامت مرة ثانية
الساعة 5 الصبح رجع فهد وهو تعباان كانت سهرة طويلة
مها سمعت خربشته فقامت من النوم ووخرت عن السرير راحت الحمام وغسلت ويها ورجعت شافته قاعد على السرير بملابسة حتى مافصخ جوتية
مها بتردد: على الاقل افصخ الجوتي
فهد قعد يشوفها من فوق ليييين تحت
مها استحت ومسكت الروب وشدته على جسمها :خير في شي
فهد وقف وفصخ الجوتي ورجع انسدح على السرير : ابي ماي
مها راحت للثلاجة وجابت له ماي : تفضل ...(وشافت في ابت القميص لون احمر وفي رقبة بعد ) انصدمت وبققت عينها
فهد تشوفها بكسل : شفيج ؟
مها تبلع ريجها : انت كنت مع بنات ؟؟؟؟
فهد بدون تردد : اي..كنت عند بنات ليش عندج مانع
مها حست انها صج رخيصة ومالها قيمة كلش : لا بس احترمني على الاقل وكذب علي
فهد يشوفها ببرود وعيونة ذبلانة وهز راسة : ماتهمني مشاعرج
مها شفايفها بدت ترتجف : لهاي الدرجة انا رخيصة بنسبة لك
فهد يهز راسة بعلامة نعم
مها لفت عنه وراحت للحمام وقفلت الباب وحطت فوطة على حلجها وقعدت تصيح بقهرررر
فهد سمع صوتها حس بنقزة في قلبة لكنه ماعطاها اهمية وفصخ القميص وتلحف وراح في سابع نومة
(على فكرة فهد ماكان عند بنات ولاشي بس كم معجبة جات تصور معاه وزودوها حبتين وهم يصورون معاه)
الساعة 10 الصبح قام فهد
وراح للحمام بس الباب مقفول
فهد : مهااا فتحي الباب
مها كانت قاعدة على الارض سمعت صوتة وقامت وفتحت الباب وهي ترتجف من البرد
فهد يشوف ويها شاااحب : انتي مريضة
مها بتعببب : لا
فهد حط يدة على جبهتها
مها وخرت يدة عن راسها بقوووة : لا تلمسني الله يعلم يدك القذرة هاي كانت وين محطوطة امس
فهد تنرفز وفاااار دمة ...مسكها من كتوفها ولفها بقوووة عليه وضربها طرااااااق ......وطاحت على الارض
فهد : ثاني مرة ثمني كلامج قبل ماتقولينة لي
مها قامت ورفعت شعرها وبانت عينها شلون محمرة وفوق كل هاي عينها كانت في قمة الجمال والجاذبية وراحت ووقفت جدامة : طلقني الحييييين طلقنننننيييي
فهد قرب ويه منها ويشوف عينها : نجوم السماء اقرب لج
مها : هييين والله انك تندم يافهد
فهد يشوفها بسخرية : تهدديني ههههههههههههههههههههههه
مها تتكلم بصعبية وعينها في عينة : انت انذل واحقر ريال ممكن اني اقابلة في حياتي
فهد وهو يشوف عيونها ومن غير مايحس : وانتي اجمل عين شفتها بحياتي !!!!!!!!!!!!
مها كأن حد مكهربهااا ...:بظل حقييير
فهد بعد القنبلة الي قطها دخل الحمام وقفل الباب وضرب راسه ( انت شلي قلتة يافهد !!)
انتظروا البارت الثالث
يوم الجمعة بأذن الله
اشرايكم في الشخصيات اللي طلعت في هاي البارت
علي ، ريان ، دانة، نورة ،جاسر ،ظبية ؟
تتوقعون في شخصيات بعدها ما طلعت ولا بس هم الابطال ؟
اتمنى اني اقرى ردودكم وتوقعاتكم للاحداث وشنو اللي حبيتوه ؟وشنو اللي ما حبيتوه ؟
ملاحظة : الكل قاعد يقول ان فهد اكبر من مها بوايد ، نعم الفرق 17 سنه لكن فارق السن احد المواضيع اللي راح تناقش في الرواية وتظهر مع الاحداث >> روايتي لازم في شي يميزها وفارق العمر احد هذي المميزات ولها تأثير على مجريات الاحداث