الفصل 1
كان واقف بكل هيبته يتأمل البحيرة في قصرة العود اللي محد ساكن فيه غيرة
تترجم اللغة الانجليزية الى فصحى
كبير الخدم : سيدي ستتأخر على موعد رحلتك
فهد : نعم اعتقد ذلك
وقف وهو بمعنى الكلمه ((سيدا )) بوقفة طويل القامة جذاب بطريقة لا يستهان فيها كأنه احد عارضين الازياء وهذا ماينفي وسامته له سحر في عينه وهيبة بوقفة
مشى فهد لكبير الخدم
كبير الخدم يتكلم عبر لاقط الصوت : السيد يتجه نحو القصر اكرر السيد يتجه نحو القصر
كبيرة الخدم تصفق بيديها : انتباه السيد قادم
فركضوا الخدم نحو باب القصر لستقبال السيد كان عدد الخادمات حوالي عشرين خادمة وواثنى عشر خادم !!!!
دخل “السيد فهد” القصر وكانوا كالعادة بنتظرونه
كبيرة الخدم : اهلا سيد فهد
السيد يكتفي بابتسامة باردة كالعادة
فهد : جورج (كبير الخدم ) تعال معي
كبير الخدم : حسنا
ذهب الخادم وخلفة اربع خادمات لمساعدة السيد
السيد: ما احتاج مساعدة اليوم (كان يقصد الخادمات من احد بلاد العرب )
فتوقفوا الخادمات
كبير الخدم : لكن ياسيدي من سيختار لك ملابسك
السيد : انا
كبير الخدم : كما تشاء
بعد مرور عشر دقائق نزل فهد مستعيل راح للسيارة
السواق : صباح الخيرشيخ
ركب فهد السيارة وتفاجئ بوجود واحد جدامه
فهد بستغراب : من انت ؟
الشخص : انا الحارس الشخصي اليديد
فهد : جورج الم اخبرك بأني لا اريد حراسا شخصي
كبير الخدم : انها تعليمات جدتك من لندن
فهد يكلم كبير الخدم بعصبيه : لقد صرت في الخامسة وثلاثين ! من عمري اعتقد بأنني كبرت على ان يحرسني احد!!
كبير الخدم : لكنها الت
قاطعة فهد ووجه كلامة للحارس الشخصي : انت مطرود
بعد وصول سيارة الفخمة للمطار كانت طيارته الخاصة تنتظرة وركب طار على لندن
في الطائرة
فهد يكلم نفسه
ليش يدتي تبيني الحين معقولة بتكلمني عن الورث ؟؟
في احد ارقى ظواحي لندن العاصمة
كان يقع فندق الجدة كانت جالسة في الجناح الخاص بها
مدير الاعمال : ستي السيد فهد اجى
الجدة التي ترتدى ارقى الملابس : خليه يدخل
فهد دخل ببرود ويسير كانة احد عارضين الازياء
جلس بالمقعد المقابل لجدة : شخبارج يدتي
الجدة تبتسم : بخير .. وين حارسك الشخصي
فهد :يدتي خلاص انا كبرت على الحرس ماعدت ياهل صغير ساكن في قصر بروحة
الجدة : فهد انا ايامي في الحياة صارت قليلة والورث الي عندي كلة لك بس ماراح تاخذ شي منة حتى القصر الي انت فيi
فهد منصدم : نعم
الجدة تصفق بيدها ودخل مدير اعمال الشركة
مدير الاعمال : حمدالله على السلامة
السيد فهد اكتفى بنظرة باردة <<ترى الريال ذي ابرد شخص في ممكن تقرون عنه في اي شخصيه << بس مابي اهذر وايد <<نرجع
مدير الاعمال : سيد فهد انت من اليوم محجوز على ممتلكاتك كلها حتى الساعة الي انت لابسها والحجز ماراح يلغى الا بشروط الجدة
فهد وقف وبحدة بصوته : يدتييييي ليش كل هاي
الجدة تحط ريل على ريل وتشرب الشاي وببرود : بعطيك مهلة يوم لازم ترجع البلاد وتتزوج ولما يوصلني خبر الزواج الغي الحجز
طلع فهد وهو مصدوم مايقدر يعيش بالفقر طول عمرة وهو الولد المدلل وقعد يدور براسة على اسرع حل ممكن انه يخلصة من حجز يدته
فهد : جووورج اعطني الهاتف
مدير الخدم : تفضل سيدي
فهد يكلم السواق : ابو محمد
السواق : نعم ياشيخ
فهد : تعال لجناحي بسرعة
السواق : ثانية واكون عندك
بعد دقائق في المكتب
فهد : تقدر تدخل
وقف ابو محمد جدام المكتب وهو خايف لا يطردة : خير ياشيخ (يلقبونة بالشيخ لاكثر اموالة فقط )
فهد : راح اعقد معاك صفقة زوجني بنتك وانا اعيشها اميرة في القصر عشرين خادمة تحت امرها ولكل طلب ينفذ الا الحق الشرعي وانت راح تتقاعد ومعاشك 30 الف بالشهر !!! ها وش قلت
ابو محمد حس ان الارض مب شايلته هو من ادنى طبقة مجتمعية في قطر مستحيل يصير له شي افضل من هاي الطلب : انت تامر ياشيخ
فهد : انا راح اكلم كبيرة الخدم بالبيت واليوم راح تهتم بالموضوع لان الزواج بيكون بكرة اول ماوصل
ابو محمد : تامر ياشيخ
فهد يبتسم بسخرية : تقدر تعطي الخبر بنتك عشان ماتنصدم
ابو محمد ابتسم بغباء : الحين اكلمهم عن اذنك
راح اختصر عليكم الموضوع
البنت في مخها
انا وحدة فقيرة ومالي طموح في الحياة مثل الزواج والخلفة فراح اسكن بقصر واتدلل احسن لي وانا شعلي منه... بتخيل اني ربحت بليارات وشريت لي قصر<<مسكييينه ياهل ماتدري وش بيصيير << وبخلي واحد يسكن معاي واحد يعني بعتبرة اخوي اكيد احسن من عيشة الفقر الخاسة الي انا عايشتها بس هو ليش مستعجل معقولة انا بطلع من بيتنا والحين هههههههه اكيد انا احلم<<طبعا المسكينه تحاول تقنع نفسها لانها تدري ان الامر مب بيدها والموضوع خلاص انتهى عند كلمه ابوها
بعد عشر دقايق
دخلت سيارة بنتلي تلحقها سيارة كادلك سودا في احد شوارع الدوحة القديمة واخيرا وصلت للبيت القديم
نزلت كبيرة الخدم وضربت الجرس
الام : من
كبيرة الخدم : انا كبيرة الخدم عند السيد فهد
الام بطلت الباب وشافت شقد كبيرة الخدم كاشخة وانيقة :هه اححم اهلاُ
كبيرة الخدم : وين الانسة (ماتعرف اسمها )
الام تصارخ: مهااااااااااااااااااااااا اااا
كبيرة الخدم فجت عينها :مها
الام : اي بنتي اسمها مها
مديرة الخدم توترت : اممم
الام تطالع كبيرة الخدم : انتي خليجية ؛(وتشوف لبسها الرسمي)
مديرة الخدم : انا لبنانبة بس ساكنة في قطر من 36 سنة تقريبا مع السيد فهد
الام تشوفها بسبهللة وتكلم نفسها : هذي كبيرة الخدم وحلوة جي وهي عيوز عيل اكيد بتلوع جبدة من بنتي مافيها ذرة جمال
وصلت مها عند الباب
مها ببتسامة بريييئة : سلام عليكم
كبيرة الخدم شافتها وقلبها رتاح للبنت بشكلها البريء:وعليكم السلام
كبيرة الخدم تصفق بيدها : هينا ..اينا
وطلعوا من السيارة خادمتين وكل وحدة اجمل من الثانية رغم انهم فلبينيات!!
كبيرة الخدم : هذولا هينا واينا راح يكونون معاج 24 ساعة وهم يفهمون خليجي بس يتكلمون انجليزي وهم متخرجين من جامعة الاتكيت في المانيا راح يعلمونج كل شي عن برنامج القصر
هينا واينا : اهلا انسة مها
مها تضحك :ههههههههههههه انسة بعد ههههههههههه
كبيرة الخدم بجدية : تقدرين تسلمين على امج الحين لان مافي وقت بنتأخر
مها بستغراب: امي مب ياية معاي؟
كبيرة الخدم تبتسم بلطف : اوامر السيد مانقدر نغيرها
مها ارتجفت شفايفها :اممم مع السلامة يمة
الام وتحاول تخفي حزنها : مع السلامة يلا ذلفي
مها ركبت السيارة وركبت معاها كبيرة الخدم ما هينا واينا ركبوا مع سيارة الحرس !
في البنتلي
كبيرة الخدم تفتح ملف : هاي جدولنا اليوم اول شي راح نروح الصالون وبعدين بنروح السوق وبعدين بنروح الفندق
مها : فندق؟!!
كبيرة الخدم : ايي اخصائية التجميل بتكون هناك
مها تحاول تخش ضحكتها : ليش بتسون لي عملية تجميللل
كبيرة الخدم تبتسم : لا انسة مها هي بتشوف شنو لازم انسوي لج تغيرات يعني لون الشعر والقصة الشعر والبشرة بدكير ومنكير يعني هاي الاشياء
مها بسبهللة : امم
كبيرة الخدم: انسة مها حاولي تتخلين عن الامممم
مها بستغراب : ليش ؟ !
كبيرة الخدم: يعني مش اتكيت اممم كل شوي حاولي تقولين
نعم . يس . وي
مها مستغربة : ويي شنو هاي
كبيرة الخدم : ان فغونس
مها : هااا
كبيرة الخدم : بالفرنسي وي
مها : اهاااااا اوه قصدي وي (تقولها بدلع)
في الفندق
خبيرة التجميل : انها تملك بشرة جميلة جدا وطفولية لهذا سوف نقص شعرها قصير لاذنيها وسنترك لونه اسود كما هو
مها تتكلم معاها : احقا لدي بشرة جميلة ؟
خبيرة التجميل : طبعا الم يخبرك احد من قبل ؟
مها : لا بل كانوا ينتقدون بشرتي
خبيرة التجميل : انتي كأنكِ بياض الثلج (سنو وايت)
مها : احقا
خبيرة التجميل : حقا
كبيرة الخدم : انسة مها بعد مانخلص راح نروح السوق نشتري ملابس جديدة
مها : انا شارية ملابس
كبيرة الخدم : انا اسفة بس رميناهم
مها تحط يدها على خدها : هاا اففففف
كبيرة الخدم : هينا .. اينا هل وصل مصمم الملابس يون هينج
مها : ههههههه من هاي
كبيرة الخدم: هذا اكبر مصمم اسياوي يصمم للمشاهير راح نشوف اخر تصاميمة
مها فاجة فمها : ليش احسكم كيمرا خفيه ههههههههه
بعد مرور ساعتين
يون هينج يدخل السويت : اهلا يا انيساتي كيف حالكم
مها بالعباية : اهلا
يون هينج: هل انتي العروس؟
مها تبتسم :نعم
يون : اوو وليماذا ترتدين الاسود(يقصد العباية)
مها : انها العادات والتقاليد ثم الاسود لوني المفضل
يون : اممم اعتقد بأن لونك هوو الاصفر
مها :لماذا
يون : انه يناسب بشرتك
مها : شكرا
بعد مرور ساعااات انتهى كل شي وخذت مها كلللل تصاميمة الغريبة
عند بوابة القصر
مها تشهق مب مصدقة عينها :هااااااااااااااااااا انا بسكن هنيييييييييي
اينا : نعم
مها تبقق عينها : اكيد انا احلم
هينا : لا انتي لاتحلمين هذا الواقع
مها : واااااااااو صج اول مرة في حياتي اشوف بيت هالكبر
اينا : انظري الي البحيرة انها افضل مكان عند السيد
مها علامة استفهام ظهرت في ويها : من السيد ؟
اينا هينا : هاااااااا انه زوجك
مها اللي من صجها نست انها عرست : تصدقين انا نسيت الموضوع ههههههههههههههه
كبيرة الخدم: وصلنا
مها نزلت من السيارة واول مادخلت البيت شافت الخدم كلهم ينتظرونها
الخدم : اهلا سيدتي مرحبا بك في القصر
مها مصعوقة : هههههه احسن اني اشوف ليدي ليدي (تسوي باي وتبتسم)
كبيرة الخدم : انسة مها خليني اوريج قسمج
وراحو للقسم وعيون مها تتلفت تشوف البيت
هينا واينا يفتحن باب الجناح : تفضلي
مها تشهق : هااااااااا انتو مسوين مقلب فيني
كبيرة الخدم : تفضلي راح نبتدى بالصالون
مها : اللللللللله يااااااي ماصدق
كبيرة الخدم : انسة تفضلي لغرفة نوم
مها راحت تنقز على السرير : واااو
كبيرة الخدم :خل ارويج غرفة الملابس
اينا وهيا : ستحبينها كثيرا
كبيرة الخدم تفتح باب الغرفة وتدخل : تفضلي
مها :واو بتفتحون محل اهني
اينا : انها ملابسك واحذيتك
مها : شنوووو او ماي قاااد كل هاي لي (وتأشر )
هينا : نعم
مها : بس انحنا ماشرينا ملابس وايد
كبيرة الخدم : لا هذي الملابس شروها اينا وهينا لما كنتي مع خبيرة التجميل
مها توجة كلامها لهينا واينا : ذوقكم رهههب
كبيرة الخدم : انا رايحة الحين اذا احتجتي شي خبريني
مها : شكرا بس ابي اينا وهينا معاي
كبيرة الخدم : انتبهوا للانسة
اينا وهينا : اوكي
وعند خروج كبيرة الخدم
اينا وهينا : هيا هيا تعالي
مها : وين
هينا : عرض الازياء .......(ماركة عالمية )
اينا : سيعرضونها نحن نريد شخص
مها : من
اينا تشغل التلفزيون : انتظري ..هذا هو
مها تبحلق بتلفزيون : ............
هينا تمسك يد اينا : يإلهي انه وسييييم اليس كذالك ؟
مها تهز راسها بعلامة نعم
اينا : هممم لم اراه منذ مدة
مها اتحس انها اسمعت غلط : هااا
اينا : لاشىء
مها تأشر على التلفزيون : هاي الاشكال الي تحسينهم احلى من الجمال نفسة مستحيييل تشوفينها عندنا هني ااااه بس
اينا وهينا :هههههههههه
مها بلمت وفتحت حلجها : ليش تضحكون ؟!
هينا واينا : لاشىء
مها ضمت يدها بفرحة : اوكي ابي اشوف القصر
هينا : لا انتي نااامي شوية
مها : الله واخيرا تكلمتي خليجي
هينا : اعذريني اني لم اتقنها حتى الان لكن استطيع فهمك تماما
مها تبتسم : ادري ...يلا خلوني ابي انام ههههههههه
اينا : لماذا تضحكين ؟
مها : لانها المرة الاولى ارقد بسرير بروحي
هينا : كنتي تنامين مع اختك
مها قلبها عورها : اممم اعتقد اني بشتاق لها وااايد
هينا : لا عليكي ستعتادين
مها : ان شاء الله
اينا وهينا : هيا اذهبي ونامي قليلا فسيد فهد سيعود من لندن قريبا
مها ابتسمت : اسمة فهد امممم مقبول
بعد مرور ثلاث ساعات
مها في غرفة الملابس
مها : اممم شنو البس ..ااهاا ذي حلو
بنطلون جنز ماركة دي اند جي
القميص كان من تصميم يون هينج وكان فضيييع روعة لونة ابيض وموديلة غريب
اينا : انسة مها هل اطلعك على القصر
مها : لا انا بروح ابروحي بااااي
طلعت مها من الجناح فرحانة : اممم وين اروح اول شي ...الجناح الثاني طبعا
راحت الجهة الثانية للقصر
بدت تفتح الغرف وتتفرج على الغرف رغم ان اكثر من غرفة كانت مغلقة
ثم رجعت لدرج الرئيسي عشان تنزل للحديقة
فجأة
.
..
.....
............
مها من هاي انا شفته من قبل واو قلبي بيوقف جمييييل (في نفسها ): احممم
السيد فهد يرفع راسة : من انتي الخادمة الجديدة ؟
مها تشهق : هااااا انا خدامة انا زوجة الريال الي ساكن هني (سكتت ) شسمة ؟؟! امممممم
السيد فهد بعصبية : السيد فهد
مها صفقت بيدها انها تذكرت : اي هاي هو .. وانت من سمح لك تدخل القصر اطلع برا !؟
السيد فهد ببرود يصعد الدرج ويرفع راسة لها : لوسمحتي اتمنى انج تتعلمين الاتكيت بأسرع وقت ممكن لاني لا ما اقدر اتحمل شخص مثلج (وخلاها)
مها من هاي من هاي شفتة (تكلم نفسها)هااا شافني بدون الشيلة استغفر الله لازم اقول لهم ما يخلون الصبيان في البيت
بعد مابتعد فهد
مها تشهق لانها تذكرت وتنادي اينا : هاااااااااااااا اينااااااا (طراااااااخ ) طاحت من السلم
الخادمات : انستييي
مها تنقز كأنها ماطاحت : وين اينا وهينا
اينا : نعم انسه مها
مها تجرها لين فوق وتساسرها : اينا انا شفت العارض الي شفناة مساعة في التلفزيون صج في البيت والللله
اينا تضحك : حقا
مها بخوف : والله
اينا تبتسم بخبث : انه زوجك يآنسة مها !!!!
مها كل علامات التعجب في ويها :!!!!!!!!!!!!!!!!!!!!!!!!! شنو
اينا : نعم نعم أنة جميييل جدا
مها لا تعليق: !!!!!!!!!!!!!!!!!!!
اينا تهز مها : انسة هل انتي بخير ؟
مها :!!!!!
اينا : انستي ؟
مها مفهيه : ها
اينا : ماذا بك ؟
مها بستنكار : ههه تبين تقولين لي بأنة الريال الي هو العارض الي جميل ويفوق الجمال نفسة هو نفسة الريال الي متزوجني ؟!!!
اينا : تماما
مها بأبتسامة خبيث : امممم
اينا : مالذي تخططين له
مها : لاشي
مها : يمكنك الذهاب
اينا : هل انتي متأكدة ؟
مها : طبعا (وتدزها ) روحي
اينا : حسنا لكن لا ترتكبين حماقة
مها تبتسم : لا تخافين
اول ماراحت اينا
ركضت مها تدور جناح السيد فهد
وقعدت تدور نص ساعة حتى حصلت الحجرة فتحت باب الجناج وشافت الصالون ومافة حد دخلت وراحت صوب غرفة النوم حطت اذنها على الباب سمعت حركة فابتعدت بسرعة واصتدمت بالمزهرية وكسرتها
السيد فهد فتح باب : من ؟
مها : ها ولاشي اسفة (وراحت تركض عند الباب )
لحقها السيد فهد ومسك الباب : سمعي انتي ... شنو اسمج ؟
مها بخوف : مها
فهد انصدم كانه ما سمع عدل : مها !
مها تهز راسها بنعم : اممم
فهد يرص على الكلام : سمعي يا مها الجهة اليسرى من القصر لي ومالج اي حق فيه فأنتي ممنوعة من دخول هذي الجهة كلها واذا شفتج في هاي الجهة مراح تعرفين معنى السعادة !
مها تهز راسها
فهد يضرب الباب ويصرخ : فاااهمة
مها بغباء : اي اي والله اي
فهد تتغير تعابير وجهة ويبتسم : سعيد بلقائج (وفتح الباب )
مها خافت منه حسته مينون : ههه باي (وركضت ناحية الجهة اليمنى)
السيد فهد يطالعها وهي تركض : مها (يهز راسه )
في الجهة اليمنى
مها تاخذ نفس : ها هها ها مينوووون
هينا تجيها من وراها : ماذا بك ؟
مها صرخت : وااااااااااا
هينا : هذه انا ماذا بك ماذا فعلتي ؟
مها بخوف : السيد والسيد ظهر مينون مزوجيني مينون
هينا تهز بالنفي : انه غريب الاطوار ولكنة ليس مجنون
مها : وووو كاد قلبي بقى يطيح من الخوف
هينا : لاعليكي ستعتادين علية
كبيرة الخدم : انسه مها تفضلي معي سأعطيك بعض الدروس عن الاتكيت
مها توقف بستقامة ومستانسة على الموضوع تحس انها داخل انمي : هيا بنا
في جناح السيد فهد
راح لمكتبتة وفتح الدرج وظهر منه صندوق صغر لونة ذهبي فتح العلبة وبدت الموسيقى تشتغل وظهر صورة من الصندوق وقعد يشوفها فترة طويلة ويستمع لصوت الموسيقى وفجأة صرخ : لااااااااااااااااااا
كبير الخدم يدخل الجناح : سيدي سيدي (ومسكة من كتوفة ولمة )
السيد فهد وهو يبكي ليش ليييش ؟!
كيبر الخدم يجر الصورة : هذا هو المكتوب ياسيدي
السيد فهد : ليش يكون اسمها مها ؟ ياالله
كبير الخدم : هون عليك ياسيدي هون عليك
في غرفة التعليم
مها بخوف : شنو هاي الصرخة ؟
كبيرة الخدم : هذا شي لا يعنيكي
مها ماقدرت تكمل بالانجليزي : وشنو الي مايخصني وبعدين تكلمي معاي بالعربي ؟ّ!
كبيرة الخدم تمت تتكلم بالانجليزي : انت تعلمين بأن اي شي يخص السيد فهد فهو لايعنيكي !
مها ماسكة صيحتها : اعتقد بأن الحصة اليوم خلصت ؟
كبيرة الخدم : كما تشائين
قامت مها وطلعت من الغرفة وراحت للباب الخارجي
اول ماطلعت من باب المؤدي الي الحديقة لحقوها خادمتان
مها تصرخ : افف شتبوون ؟
الخادمة : لانستطيع تركك الان فأنتي لاتعلمين الطرقات في القصر
مها : اذا سأتعلموها ولوحدي
الخادمة : انها اوامر كبير الخدم
مها : اذاً لا اريد الذهاب
(ورجعت داخل البيت لكنها ركضت ناحية المطبخ تتأمل انها بتلقى باب ثاني )
الخادمات : انسة توقفي ستؤذين نفسك
مها : وخروا عني
مها لقت باب وطلعت منة وراحت تركض ناحية الحديقة بأقصى سرعة عندها وقفزت في البركة حتى مايشوفونها
الخادمات : اين ذهبت
الخادمة 2: اعتقد بأنها ذهبت للاسطبل
الخادمات : هيا بنا
مها طلعت من البركة وتأخذ نفس : هههاااااااااااا بقيت اموت ..مابقوا يروحون اففففف مب حالة صج احس كل هاي حلم مب صج يالله
راحت تتمشى في الحديقة وقعدت تدور البحيرة الي شافتها اول مادخلوا القصر
الحديقة كانت كبيرة جدا لدرجة انها فيها بحيرة وقارب وغير ملاعب التنس والغولف كانت عبارة عن بارك كبيرة
مها : ااووو اخيرا وصلت
(قعدت تتأمل المنظر )
مها : اظن ان هاي المكان بكون ماكني المفضل
........: لا ما اعتقد اظن بأنة مكان شخص ثاني المفضل
مها علامة استفهام على وجها : من ؟
.........: انا اعز شخص على قلب فهد
مها : من ؟ من هني ؟
..........: ها لاتعتقدين بأنج اخذتية مني فهو لي انا
مها : قلت منننن ؟
..........: لاتستعيلين على رزقج
مها : اذا كنت قوية ظهري نفسج
..........: انا سديم
مها وقف قلبها لمى شافت البنت كانت في كامل اناقتها وجميلة جدا وطويلة وجسمها ماشافت احلى منه : من انتي
سديم تضحك : ههههههههه انا من ههههههه مسكينة
مها وغضب : وليش شايفة هدومي مشققة
سديم تشوف ثياب مها المبللة:ههههههههه لا شايفتهم مبللة
مها اطالع نفسها : اهممم
سديم : اهممم ههههههههه هاي هو الاتكيت مش معقولة انتي زوجة فهد !!!!
مها : لوسمحتي ممكن تقولين لي من انتي ؟؟
سديم ترفع خشمها : انا سديم خطيبة السيد فهد
مها فجت عينها وحلجها وافقدت السيطرة على ويها : خطيبتة ؟!!!! عيل ليش متزوجني
سديم : وليش منصدمة انتي شفتي حالج في المنظرة وشفتي فهد هههههه شلون ممكن يتقبلج هههه قلت لج مسكنة بس حلو الشعور تعيشين هني فترة بسطة قبل ماترجعين للفقر الي كنتي فيه
مها تشوف الارض : اســــفـــ
وجاء شخص وسكر فمها بيدة وحط عليها الجاكيت
فهد يكلمها ببرود : دخلي لاتمرضين ولاتشردين ثاني مرة من الخدم
مها توخر يدة : وخر عني (وقطت عليةالجاكيت )
وراحت لجهة القصر
فهد : سديم شتسوين هني ؟
فهد : جيت اشوف الي خطفتك مني
فهد : ذي ههههه
سديم : عشان ذي تركتني ؟
فهد : اولا مها مش زوجتي بمعنى الكلمة وثاني شي انا ماخليتج عشانها انا خليتج قبل ماعرفها
سديم تتدلع : يعني بعدك تحبني
فهد : سديم اصحي صار لنا سنة منفصلين !
سديم : لكن فهد انت عمرك ماحبيت غيري
فهد : اعتقد ان المقابلة انتهت (وراح عنها )
في الصالة
فهد يكلم الخدم : وين الانسه مها ؟
كبيرة الخدم : راحت لجناحها
فهد : شكرا
وطلع وراح لجناح مها
(يطق الباب)
مها : تفضل
فهد : مساء الخير
مها بضيقة : انت اطلع برا
فهد يطالعها بستصغار : اسف كل شي في هاي القصر ملكي !
مها رفعت حواجبها : شقصدك ؟
فهد خذ نفس : اسمعني انتي الحين حرم السيد فهد يعني تراقبين كل كلمة تقولينها وماتعتذرين لأي شخص كان غيري انا طبعا
وراقبي تصرفاتج الطفولية اعتقد ان وحدة عمرها 25 سنة فهي ناضجة
والبسي ملابس تليق بمكانتج الحين وراقبي شلون تحافظين على اناقتج ونظافتج وخصوصا بعد ماصرتي زوجتي فاهمة انا شقاعد اقول ؟
مها تكتف يدها : اولا انا اتأسف لاي شخص ممكن احس اني غلطت عليه
وثانيا " انا عمري 18 ومب 25 كما تظن
ثالثا " انا حرة في لبسي وحرة اذا كنت ابي اتأنق او لا
ورابعا "انا ملقبة بزوجتك لكن لست بالفعل زوجتك
وخامسا" وهو الاهم انا مابي (لقب زوجة السيد فهد )
بمعنى ثاني مابي كل هاي الخير الي انت معتقد انك معيشني اياه
وبمعنى افضل "طلقني "
فهدمات ضحك : هههههههههههههه (ويصفق ) ظهرتي تعرفين تلقين خطابات لكن كل الي قلتي ولاشي بيصير منه لانه ابوج باعج لي وان رديتي بيتكم بيطردج وبترجعين هني مرة ثانية وصح نفذي الي قلتلج عنه
(وراح صوب الباب)
لكنه رجع لف ناحيتها مرة ثانية
فهد لف على مها وعلامة الاستفهام والتعجب في ويهه: قلتي لي عمرج 18 ؟!
مها بعصبية : اي
فهد يمرر يدة على شعرة ووقفها عند رقبتة : يعني متزوج مراهقة
مها بصراخ : انا مب مراهقة
فهد يعض شفايفة : اتمنى انج ماتتعلقين فيني لان المراهقات يتعلقون بالشباب الي مثلي حطي في بالج ان مالج امل
مها تصارخ : قصدك بالشياااااااب الي مثلك مو الشباب يبو 35 سنه
فهد : احلى عمر للريال هو 35 سنه
مها تضحك : هههههههه ابوي اكبر منك بخمس سنين بس ههههههههههه
فهد عصب وانحرج بنفس الوقت : اتمنى اني ماشوف ويهج بكرا الصبح
مها بفخر : تامر يازوجي العزيز او اقول ابي العزيز افضل
فهد يرضخ الباب
مها لحقتة وفتحت الباب : تصبح على خير بابا
فهد طالعها بنظرة خلتها تركض تنخش في الحمام
(في جناح فهد )
فهد : مومعقولة انا اصغر من ابوها بخمس سنين
وراح يشوف نفسة في المنظرة
ويكلم نفسه
فهد شفيك ياهل كبرها تشكك في نفسك لالا
انت عارض ازياء عالمي
انت من اوسم الرجال الي اختاروهم في العالم
انت يلقبونك صاحب العيون الساحرة في امريكا
تجي ياهل تشكك في نفسك
صح انا عندي رقم بو محمد
فهد : الو بومحمد
بو محمد : نعم الشيخ
فهد : كم عمرك ؟
بومحمد استنكر الموضوع : نعم
فهد : قلت لك كم عمرك ؟
بومحمد : 50 سنة
فهد منصدم : 50 !!!
بومحمد: اي نعم
فهد : خلاص مشكور
وسكر الخط
فهد اقتهر منها : يالكذاااااابة حقيييييييييييييييييرة انا اوريييج خل يظهر السفر بكرا اوريج شغلج
(اليوم الثاني )
الصبح الساعة 8:00
فهد دخل حجرة الملابس واحتار وش يلبس واخر شي استقر
اختار بنطلون جينز اسكني رمادري من ارمناي وتيشرت ابيض من نفس الماركة ولبس كب صوفي رمادي
طلع من باب الجناح ووقف لحظات يفكر يروح لجناح مها ولا ينزل يتريق
واخر شي قرر يروح يتريق ويطلع للبحيرة عشان يخلص لوحتة الفنية
نزل من الدرج بهدوء
كبيرة الخدم : سيد فهد عندي خبر سيئ
فهد بملل: خير
كبيرة الخدم : مها
فهد : شفيها ؟
كبيرة الخدم : ماندري وين راحت !
فهد بعصبية : وشلون ماتدرون انا ماقلت لكم ماتخلونها بروحها
كيبرة الخدم : بس
فهد : خلاص انا بروح ادورها
طلع فهد للحديقة وقعد يدور وفقد الامل يحصلها بالبيت فرجع للقصر
وهو يمشي راجع سمع صوت البركة ولف
شاف مها طالعة من المسبح وهي لابسة ملابسها
راح صوبها ووقف جدامها : انتي وش قاعدة تسوين
مها : احاول اشرد من ويهك
فهد رفع حواجبه : ويهي !
مها تهز بنعم : اي ويهك الي يجيب اللوعة يالشايــ
فهد يقاطعها : اسمعي انا موشايب لان ابوج اكبر مني 15 سنة مو5
مها عوت بوزها : هههههههه لاااا دريت
فهد رفع اصبعة وحطة على جبينها ودزها
والنتيجة زلقت مها وظرب راسها بحد البركة وطاحت فيها
السيد فهد لف عنها وراح ولما لف بيكلمها لقى المسبح محمر
فهد بخوف : مها !
رجع وقفز بالبركة واخذ مها وحطها على الارض وقعد يضرب وجها بالخفيف: مها مها قومي مها
مها :......
فهد يضغط على صدرها
مها :.......
السيد فهد : مافي حل ثاني (وقرب وجه منها )
مها فتحت عينها وصرخت تبي تخرعة :واااااااااااااااااااااه
السيد فهد تخرع ورجع على ورى
وفجأة
طـــــــــــــــــشششششش
مها : هههههههههههههههههه تستاهل (ومسكت راسها)
وراحت تركض للقصر
فهد يطلع من البركة ويصرخ : ااااااااه انا اوريج يامهوي شلون تلعبين معاي
دخلت القصر وهي تضحك
اينا : انسه لماذا انتي مبتلة
مها : لا شي
وبعد قليل
دخل فهد
كبير الخدم: سيدي ماذا حل بك
فهد : لاشي
(في جناح مها )
دخلت الجناح ميته من الضحك فرحانة يمكن هاي اول مرة تضحك من كل قلبها في حياتها والكلام الي قالته امس بس عشان تعصبه هي عمرها مافرحت بهاي الدرجة ص جان اهلها بعاد عنها لكن نقدر نقول ان شعور سندرلا يوم تزوجت الامير (لكن مايعني انها تحبة )
هينا : ماذا بك
مها : ولاشي بس قاعدة استمتع بوقتي في هاي القصر الكبير
هينا بعلامه استفهام : فقط القصر؟
مها تهز راسها ببلاهة : امممم
هينا : الم تعجبي بالسيد فهد
مها تبتسم بسخرية : اعجب فيه هههه ليش الجمال اللي يدوم هو القلب وليس الشكل
هينا : الا ترين ان هذا المثال كبير على سنك فالفتيات في هذا السن دائما ما يعجبون به
مها بثقة وتتكلم بالانقلش : هو ليس نوعي المفضل ! بالإضافة إلى التجاعيد الصغيرة التي تظهر عندما يبتسم قرب عينة انها حقا سيئة انني حقا لا اعلم لماذا يلقبونه العيون الساحرة .
فهد كان مار احذى الجناح فلما سمع اسمه توقف لكنه تمنى انه كمل طريقة خصوصا لما سمع ( هو ليس نوعي المفضل ! بالإضافة إلى التجاعيد الصغيرة التي تظهر عندما يبتسم قرب عينة انها حقا سيئة انني حقا لا اعلم لماذا يلقبونه العيون الساحرة )
فهد مشى الي جناحه ورمى نفسه على السرير يسأل نفسه
: هي طبيعية ؟
:مستحيل مستحيل
:انا بشع هههه لا لا
:هو الي مب طبيعية هي تقول هاي الكلام لانها مب حلوة وتحاول تخفي انجذابها <<مصدق عمرة الحبيب << اي اي اكيد عشان جي
قام يشوف نفسه في المنظرة ويلف راسه يمين وشمال : افففف
وبعدها راح يتحمم
(نرجع لمها )
تحممت ولبست لها بنطلون واااسع ولبست قميص ابيض فضفاض
ورفعت الكم وربطت شعرها وطلعت
هينا تشهق : هاااا
مها : خير
هينا : كيف تليبسي كدا
مها ودها تضحك يوم سمعتها تتكلم خليجي: احس بالراحة في هاي الملابس
هينا : لكن ان
مها تقاطها : انا حرة
وطلعت من الجناح وراحت تحت جلست في الصالون وكان من قلب كبير
واتصلت في صديقتها : الووو
ظبية : الو
مها بفرحة : وحشتيني دبوووة
ظبية بستغراب : مهوي؟
مها : اييي
ظبية مو مصدقة : مهوي يالدبة شلون جي شلون تتزوجين فجأة وشلون صار كل هاي
مها (قالت لها السالفة مطقطق لين سلام عليكم )
ظبية : قلتي اسمه فهد ال------
مها : اي هو
ظبية : هاااا هاااا حلفيييييي
مها : والله خير يعني
ظبية بسخرية : خير يعني ؟!!
مها : شفيييج
ظبية : يعني ماتدرين ان مشهور ومقطع البنات
مها : ادري بس شدخل يقطع
ظبية : مهوي ترى محد يعرفج كثري ان ياز لج شي كل تحسسين الغير بانه شي ووع
مها باستنكار : شدخل
ظبية : شفتي قلتي شدخل واذا قلتي شدخل يعني كذابة
مها بملل : يووووو عاد خلينا منه انتي اخبار(البزنس)
ظبية : هههههه يازت لي
مها تغير صوتها : مافي علوم يديدة
ظبية تتنهد : لا مافي نفس ماهو طوفه مايشوف ولا يحس
مها : ولد عمج هاي عممي مايشوف لبسوه نظارات
ظبية : صكي الموضوع مابي اتكلم عنه
مها : شصار بعد ؟
ظبية العبرة في صوتها : بيسافر
مها : وين ؟ ليش ؟
ظبية : مادري عنه سمعت شيخة اخته تقول لامي
مها : يعني مؤتمر
ظبية : يمكن
مها : وانتي ماتبين تقولين له
ظبية : شلون اقول له وهو مايشوفني كلش كلش يامهوي حتى السلام من بعيد ومايرفع راسه وبعدين هو يشوفني ياهل لين الحين تذكرين يوم قلت لج العام ان يوم كنا في البر قال حق اليهال ينادوني عشان العب معاهم تخيلي شايفني 14 سنه اففف
مها بتضحك بس مدارية مشاعر رفيجتها : وهو كم عمرة قلتيلي؟
ظبية بعصبة : كم مرة قلت لج 28
مها : يعني بس 10 سنين
ظبية : و عشر سنين سهلة
مها : حاولي
ظبية : يعني شلون اروح اقولة اسمع ياولد الحلال انا احبك
مها : لا ياغبية يعني حسسية
ظبية : ماعندة مشاعر مايحس
مها تتطنز: امممم لغة العيون
ظبية : جب زين
مها : شفيج
ظبية: يعني شلون اقعد اشوف عيونة بيقول هاي جليلة حيا
مها :اففف يعني شاسوي فيج
ظبية: مادري باي
مها : دبوة ليكون زعلتي ؟
ظبية : والله متفيجة باي بروح ايب علوم يديدة يمكن يكنسل ولاشي
مها : الله يعينج باي
ظبية : باي
(سكرة ظبية التلفون وطلعت من حجرتها ونزلت تقعد في الحوش يمكن يمر وتشوفة لانهم مشتركين في حوش واحد )
سارة : ظبوي
ظبية : هاا
سارة : وين رايحة ؟
ظبية: الحوش
سارة : والله مادري شسالفتج ويالحوش
ظبية خذت شلتها وطلعت وقعدت في الحديقة ومعاها دفترها وبدت ترسم
وطبعا العيون الي ماخذه بالها هم اللي رسمتهم
مرت ساعة وساعتين
وبعدها
دخل وماسك بيدة كيسgucci
ظبية عدلت شيلتها وقطت وجها
مر ولا كأنه في حد صار له ساعتين مصطلب على الكرسي ينطرة
ولا حتى سلام
ظبية اول مادخل البيت قطت غشوتها : اففففف انا البقرة الي قاعدة عز الشمس انطر الثور) هاي وقامت وهي تتحلطم
: لالالا الثور حيوان له مشاعر يحس اففف هاي طوووفة طووفة
(اول مادخل البيت ابتسم وراح لغرفته )
شيخة تطق الباب: جاسر
جاسر : هلا
شيخة تدخل : ممكن تقول لي وين بتسافر الكل درى انك بتسافر قول وين
جاسر ببرود وهو متلحف :وانتي شدخلج وين اروح
شيخة : عااد قولييي
جاسر : لندن
شيخة: صج
جاسر : اي
شيخة : خذني وياااك
جاسر : قلبي ويهج وسكي الباب لا قوم لج الحين واقلب لج نهارج ليل ذلفي يالله
شيخة : افففففف محد في هاي البيت يعطيني ويه اروح لبيت عمي احسن لي
جاسر : اوكي اوكي ذلفي الحين
اول ماطلعت شيخة طب في سابع نومة عكس ظبية الي تنوح وتصيح وتندب حظها
(في القصر )
فهد صحى من النوم الساعة 4 العصر
نزل عشان يروح للحديقة ويشرب قهوتة
لكنه صعق لما شاف مها وهي تلعب كورة سلة
لكنه توجه للكرسي وطلب القهوة واكتفى بأنه يشوف مها وهي تستعرض مهاراتها
مها لمحت فهد جاي صوب الحديقة لكنها طنشت وكملت لعبها لحد ماتعبت وعقبها راحت وجلست على العشب
فهد يصرخ : في اختراع اسمه كرسي وطاولة سمعتي فيه
مها تخزه من فوق لين تحت : ههههه
فهد : قومي قعدي على الكرسي
مها بتعجب : وانت شدخلك اقعد وين
فهد: كيفي قصري
مها بدون ماتعطية ويه قامت ودخلت القصر
فهد لحقها : هااااي هاااااي
مها لفت : خير
فهد : لمى اكلمج كلميني عدل
مها : والله انت الي بديت
فهد : انا اليوم ماراح ارجع البيت فلا تقعدين تسوين لج حركات يهال
مها بترجي : عيل خلني اروح لهلي
فهد: اسف
(وراح عنها والدمعة في عينها)
نرجع
لغرفة ظبية
ظبية كانت قاعدة على السرير وظامه رجلها والمناديل متنثرة على السرير والدموع اربع اربع نفس مايقولون
طق طق طق
ظبية تمسح دموعها وتلم المناديل : تفضل
شيخة سلمت عليها وجلست جنبها : شفيه الحلو زعلان
ظبية : ولا شي
شيخة : علينا
ظبية والعبرة ترجع تخنقها : شخووة ولي سلمج فكيني
شيخة : قولي لي واخليج
ظبية رجعت تصيح :..............
شيخة تمسح دموع ظبية : افا افا افا الظبي تصيح معاش من يزعلج
ظبية من غير شعور : لا اسم الله عليه
شيخة تشوفها بنص عين : ظبويي من الي اسم الله عليه
ظبية توترت : محد لا هاا هاا احمد اخوي
شيخة : مب علي ها الكلام من ؟
ظبية ويها الوااان : شخووة خلاص
شيخة : من؟
ظبية :......
شيخة : بتقولين ولا اروح انشر السالفة تراني ام السانسن تعرفيني السالفة ماتعوق عندي
ظبية تمسك يدها بترجي: فديتج شخوة انسي اوكي
شيخة بأصرار : لا
ظبية : ارجووج
شيخة قامت من السرير وتنادي : سااااروووة دانووة
ظبية نقزت عليها وسكت حلجها : خلاص خلاص باقول
شيخة : عبالي
ظبية : انا انا
شيخة : انتي شنو
ظبية تشوف السقف : يعني جي واحد
شيخة تحرك شفايفها يمين ويسار : ادري واحد منننن؟
ظبية قامت يابت الدفتر وفتحت لها رسمت العيون : هااي
شيخة اول ماشافت العيون عرفت على طوووول : ههاااااااااا
ظبية نقزت للحمام وسكرت الباب
شيخة : ظبوي في ذمتج فتحي الباب
ظبية منحرررجة : ماعرفتي خلاص روحي
شيخة : اوكي مابتفتحين لحظة (سااااروووـــــ
فتحت الباب
شيخة : عبالي
ظبية : شخوة خلاص لاتفشليني اكثر
شيخة بفرحة : يعني انت تحبين جسوور
ظبية تطقها : خلاااص
شيخة : انتي شايفة ويه شلي يازلج فيه
ظبية :.......
شيخة تضرب كتوفها بكتوف ظبية : فديت الي ستحون
ظبية : وخري زين جب ذلفي عني
شخية : اخر شي اخر سؤال من متى ؟
ظبية بعالم ثاني : من اول ماعرفته
شيخة :واااي فديتج اوكي انا بروح
ظبية بخوف : وين ان شاء الله ؟
شيخة بنغزة : للناس الي ماتدري عن هوى دارج
ظبية تمسكها : والله ثم والله لو قلتي لاي احد ماحاجيج
شيخة : ووايي هديني ماراح اعلم
ظبية تتشجع: قبل ماتروحين هو وين بيسافر ؟
شيخة ابتسمت: لندن
ظبية : لندن ! كم يوم بيقعد ؟
شيخة : امممم اربع شهور
ظبية مصدومة : هاااااا
شيخة راحت تبوسها : موااااح لاتخافين اسبوع وبيرجع
وطلعت
دانة : شخووة
شيخة من غير نفس : خيرر
دانة : ملل تعالي لعبي معاي كرة سلة
شيخة : اعنبوج انتي بنت ولا ولد كل بهاي الملابس وفي الخوش
حتى طلول الي هو تؤامج يقر في البيت اكثر منج
دانة : اوووف مايسوي عليي قلت لج لعبي معاي وبعدين هاي لبسي مابي اغيرة ولي مو عاجبة يطق راسه في الطوفة
شيخة بيأس من دانة : واااي انتي مامنج فايدة
(دخلوا في صقتنا ابطال يداد وهم عايلة ظبية خل نتكلم عنهم شوي)
ظبية بنت مب جميلة لكنها جذابة ملامحها بارزة وبشرتها بيضاء بس مشكلتها انها قصيرة
عكس دانة اختها دانة جميلة وااايد وجذابة بنفس الوقت لونها حنطي شوية لكنه زايد من جاذبيتها وهي طويلة الي يشوفها من ورى يقول ولد وخصوصا مع ستايلها الرياضي (على فكرة البنت مب مسترجلة ولاشي بس هي ترتاح للملابس الفضفاضة ) وعمرها 17
اما جاسر والثانين نتكلم عنهم بعدين
(نرجع للقصة )
نزلت دانة تركض على الدرج وطلعت للحديقة وقعدت تعلب بروحها بالكرة كانت لابسة بنطلون رياضي واسع برمود وتشرت رياضي
دخلت سيارة البيت هي عادتها لما تشوف حد ياي على طول تنخش بس هاي المرة ماكانت منتبه مندمجة في اللعب
السيارة كانت جاغور سودا ووقف السايق جنب دانة وضرب هرن
وفتح الشباك
السايق ينادي دانة : طلااال طلاال تعال
دانة طنشت وراحت تمشي للبيت ماتت روووع تحس ان الدم صار ثلج بعروقها :واااي يافضيحتي
طلع السايق من السيارة وركض صوب دانة
السايق بعصبية : طلااال وقفف
دانة ماشية ولا كأنها تسمع
السايق تنرفز : طلااال شفيك وقف (ومسك كتفها ولفها )
دانة مبققة عيونها وبعدين نزلت راسها
السايق تخصبق اول شي انها مو طلال وثاني شي انها قمر في 14 الشهر جدامة : اسف
دانة جرت يدها وراحت
السايق: لوسمحتي
دانة وقفت من غير ماتلف
السايق مد يدة وعطاها ظرف :ممكن تعطنه الوالد
دانة خذت الظرف وراحت تركض للبيت
السايق رجع لسيارة وتم واقف يشوف الباب
احمد يضرب السايق على ظهرة : هلااا بو شباب شيايبك عندنا (احمد اخو ظبية)
ريان توتر : ها هلا هلا جايب اوراق للوالد لازم يوقعها الحين
احمد : جاي انت بنفسك جان عطيت الاوراق سواق الشركة وهو يجيبها
ريان : لا عادي انا كنت طالع من الدوام وقلت اجيبها
احمد : والله من قدنا مساعد المدير جايب لنا الاوراق بنفسه
ريان :ههههههههههههههههههههه لا تكبر راسي يالريال
احمد :هههههههههه انزين تعال تقهوى حياك
ريان : مشكور وماتقصر لكن مابي اتأخر رايح اجيب هلي
احمد: عيل مرخوص
نرجع لدانة
اول مادخلت البيت خذت نفس وتأكدت انه محد شافها حطت الملف على الطاولة وراحت تركض لغرفتها تشوفه راح ولا لا
ولكن مع الاسف انه راح نطت على سريرها
دانة : وااي واااي واااي اول مرة اشوف دريول يهبل جي ماقدررر واااي هذا مو مفروض يكون دريول هاي ملك جمال عارض ازياء ممثل وااي يهبللل (تضرب راسها)هاااي انتي عقلي شنو يهبل عيييب اخرتج تنعجبين في دريول مسكين والله اكيد تخرع لما شافني قال وش ذا الهول الي جدامي ولا على باله طلال خخخخ
(نرجع للقصر )
بعد المغرب
هينا : انسة مها
مها : شفيج
هينا الي بدت تفهم خليجي : في حرمة في الصالون تحت
مها مستغربة : من ؟
هينا : تبدو اجنبية
مها نزلت للصالة : مرحبا
الاجنبية : مرحبا انا سلين جئت لمقابلة السيد فهد
مها ابتسمت : انه غير موجود الان لكن سأتصل به
سيلن : شكرا
مها هزت راسها
مها تتصل : الوو
فهد ماله خلق يكلمها: الو نعم
مها بملل : فهد في وحدة هني اسمها سيلن تقول انها تبي تقابلك
فهد مستغرب : سلييين شجابها قطر ! قولي لها ياي
مها سكرت التلفون : انه قادم
وقعدت ساكتة
عشر دقايق ودخل فهد
سلين : اهلن كيف حالك (وسلمت عليه خد )
فهد : بخير وانتي ؟
سلين : بخير لقد اتيت اليوم كي اطلعك على خبر رائع
فهد مستغرب : ماذا هناك
سيلن : يجب ان تأخد امتعتك الان ونذهب الي مونت كارلو لدينا جلسة تصوير هناك مع جوليا برايتون
فهد مستانس : حقا مع جوليا برايتون
سلين تهز راسها
فهد فتح ذرعانه :تعالي هنا (وحظنها )
مها من الصدمه بققت عينها وفتحت حلجها على الاااااخر
فهد لف عليها :سلين انها (اختي ) مها
سلين : انها اختك اذا انها جميلة
مها صدمة ثانية وماقدرت تستحمل وراحت لجناحها
بعد 20 دقيقة
فهد يطق الباب
مها فتحت الباب : خييير شتبيي
فهد : ممكن اعرف ليش خليتينا تحت وبهاي الطريقة حتى ماسلمتي عليها
مها معصبة وتحس انها ودها تضربه بجوتيها : لا والله الحين انا الغلطانة مو انت انت شلون تقول لها اني اختك لهاي الدرجة مستعر مني
فهد ببرود : لو مستعر منج جان ماقلت لها انج اختي لكن انا مطر اقول لهم جي لان العقد الي بيني وبينهم في شرط اني ما اتزوج
مها : ياسلام يعني العقد اهم من انك تعترف فيني
فهد سكت شوي وبعدين قال : تقدرين تقولين اي اهم
مها ترص على اسنانها وصرخت :اااااااااااه (وسكت الباب في وجه )
فهد ماعبرها وراح لجناحة وطلب من الخدم يجهزون له شنطتة لان بكرا الصبح بيسافر لمونت كارلو
الساعة 10 بالليل
كبير الخدم : سيد فهد
فهد : نعم
كبير الخدم بخوف : هناك كارثة
فهد كأنه حاس : ماذا ؟؟
كبير الخدم : ان جدتك ذاهبة لجناح الانسة مها
فهد مذهووول : افففف مو قتهااا هاي العيوووز وراح يشوفها
دخل الجناح لقى جدتة قاعدة يم مها وتمسح على شعرها
الجدة : يازين ماخترت يافهد
فهد مبتسم ومن داخلة شي ثااني: يدوة ليش ماقلتي لي انج ياية
الجدة : قلت اسويها مفاجئة
فهد يبتسم لكن من داخل متنررفز
مها تشوف الجدة ومفهيية
الجدة : مشاءالله عليج يابنتي قمر
فهد : يدووة انا باجر عندي سفرة الله يهداج جان قلتي لي من قبل انج بتين عشان ارتب جدولي
الجدة : عادي يافهد اصلا انا موجايتلك انا يايه لحد صديقاتي هاي يابنتي جهزتي شنطتج؟
مها مفهيية : حق ايش ؟
الجدة : حق السفرة
فهد اعصابه طلعت : نعممممم لالالا مستحيل اخذها معاي هذا شغل
الجدة تشوف فهد بنظرة مالك حق تتكلم : انا قلت ترووح
فهد ماسك اعصابة ماقدر يسوي شي : تروح ليش لا
الجدة : اينا هينا جهزوا شنطة مها
مها تبتسم في داخلها : وااااي بسافررر
الجدة تلف لمها : ها ياحبيبتي قولي لي مافي شي جاي بالطريق
مها بغباء : من الي ياي على الطريق
الجدة :ههههههههههه يعني مافي بيبي جاي
مها اختفت ابتسامتها : نعمم
فهد خاف انها تقول للجدة انهم مو مع بعض (يعني مو مثل كل زوجين )
فهد راح لمها وخذها في حظنة : لا تو الناس مها صغيرة
مها حست بأن كل شعرة في جسمها ترتعش ووخرت عنه
الجدة عارفه ان في شي مو طبيعي : الا قلت لي وين مسافرين ؟
فهد : مونت كارلو
الجدة عيل الفندق علي اعتبروة هدية شهر العسل
مها مصدومة : شهر عسل ؟!
الجدة : ايي شهر عسل
فهد : مبتسم
الجدة : اوكي اخليكم تنامون الحين انا رايحة انام
فهد : تصبحين على خير
الجدة : وانت من اهله
طلعت الجدة
وقعد فهد على الكرسي وحط يده على ويه : افففف
مها نوعا ما معصبة : ممكن تفسر لي اش قاعد يصير
فهد رفع راسه لها : بكل بساطة هي سبب زواجي منج
مها منحرجة بس لازم تتكلم : ويعني احنا متفقين قبل الزواج ان مافي حقوق زوجية شلون تسألني عن الحمال وتقول لي شهر عسل
فهد ببرودة الي تشب في قلووب الناس ناار : ادري ان هاي اتفاقنا بس لما تكون الجدة هني لازم نبين لها ان كل شي طبيعي
مها تتخصر : ياسلاااام
فهد يتنهد : شوفي مو عاجبك طقي راسج بالطوفة لكن في النهاية بتسوين الي اقول لج عليه
مها محتترة منه : لا والله
فهد وقف مقالبها وكان طويل وعريض وايد بنسبة لها ودنع لحد وجها : سمعي الي ابيه انتي بتسوينة عاجبج ولا موعاجبج هاي شي مايخصني وعلى فكرة انا شريتج واقدر اسوي الييي ابيييه حتى لووو...
مها تدزة : في عينك تسوي الي تبيه فاهم وماتقدر تغصبني على شي مابيه
راح لها ومسك كتوفها : سمعيني عدل انتي مالج راي والي انا ابي اسويه باسويه ولا احطج على بالي والي ابيه انتي مجبورة تسوينة غصب طيب
وعلى العموم انا ابتليت فيج اليوم وراح تسافرين معاي لكن ان فتحتي حلجج بكلمة ماتلومين الا نفسج
تركها وراح لغرفة نومها<<
مها متخصبقة : هاااي انت على وين ان شاء الله
فهد بدون مايلف لها : بنام
مها تأشر بيدها : جناحج في الجهه الثانية
فهد طنشها ودخل للغرفة
مها لحقته :قلت لك جنااااحــــ
قطع كلامها لما شافت فهد يفسخ قميصة ونسدح على السرير
مها خافت طلعت وسكت الباب وراحت تركض لباب الحمام الي بالصالة دخلت وقفلت الباب
فهد ماسك ضحكتة : صج ياااهل
تلحف وراح في سااااابع نومة
مها اختنقت من الحر صار لها ساعتين في الحمام فتحت الباب وطلت بالصالة ومالقتة
ارتاحت وراحت للكرسي ونامت عليه
انتهى الجزء الاول
ماهي ارائكم لبداية الرواية ؟
هل تتوقعون ان في شخصيات لين الحين ما طلعت ؟
وشرايكم في الشخصيات ،من حبيتو كثر شي ؟