الفصل 6
البارت الســـ6ــادس ؟؟؟؟؟،،،
.................................................. .
نــرجع لـ بريطانيا......
القصر....
جناح جمانه ....
صحت من النوم وخرت الحاف وقفت ناظرت الغرفه مافيها احد توجهت لصاله الجناح فتحت الباب بشويش ودخلت كانت الاضائه منخفضه والتلفزيون شغال بس بدون صوت دخلت بهدواء ناظرت الى جالس على الكنبه من دون اي حركه كان ريان جالس على الكنبه ونايم نام وهو جالس ولا حس على نفسه جلست على كنبه بعيده عنه وتكورت على نفسها وراحت بعالم عالم بعيد عن واقعهاراحت بعالمها فيه امها وابوها واخواتها واخوانها الي ماشافتهم ب الحياه .....شوي صحت على صوت يناديها
تكلمت ببلاهه :هاه قلت شي
ريان وهو يعدل جلسته :ايه اقول متا صحيتي
جمانه بهدواء :توني انت ليشش جالس هينا ليش مارحت لشغلك !؟؟
ريان تمدد على الكنبه بكسل :ابد بس اليوم اجلت شغلي بجلس عندك لانك تعبانه
جمانه ابتسمت بحزن :روح انا مافيني شي لاتجلس علشاني وكاني شي مهم !!!
ناظرها بقوه :انا قلتها من قبل وبقولها الحين انتي تعنيلي كثير !!!
وقفت جمانه بدون اي اهتمام تكلمت وهي طالعه :ريان انا جسد بلا روح
طلعت من الجناح ومشت للمصعد وقفت قدامه تستناه ينفتح شوي انفتح وطلعت بوجهه ريانه ...
ريانه تافافت :افففف ارتحت من ريو طلعت بوجهي الزباله هاذي
ناظرتها جومانه استحقرتها ودخلت المصعد
اوفف هاذي شكلي بتعب معها خليها على الله بس ...
وقف المصعد ونزلت وكان وجهه خالي من اي تعبير وعيونها منفخه من البكى دخلت الصاله
صادفت الشغاله تكلمت :وش فيه !!!
الشغاله :مدام هازا خبير تجميل وصل !!!
جومانه بجمود :وينها ؟؟؟؟؟؟؟
الشغاله :هيا في غرفه تجميل داخل
جمانه :اوكي روحي .......
راحت جومانه لغرفه التجميل -.....
دخلت بهدواء :سلام عليكم ...
الخبيره داياال :اهلين مدام جومانه -مدت يدها
جومانه صافحتها :اهلين فيك دايال
دايال ب ابتسامه :ايش تبين اسوي لك ...
جومانه :لا دايال اليوم مره تعبانه ومابي اعمل شي
دايال بخيبه امل :ليشششش مدام انا اليوم اجلت كل مواعيدي علشانك
جومانه طلعت والله ماهو مجيبك غير الفلوس :مندون ليه تعالي يوم ثاني..... سكتت وهي تشوف ريان قدامها مشخص ب الثوب والشماغ شكله بيطلع
ريان مسك يدها ودخلها للغرفه :لا اليوم بتخلصي موعدك مارح تاجلي
فكت يدها بصعوبه وتكلمت بقهر :ريان لا تدخل فيني
ريان جلسها على الكرسي :ليه مادخل فيك انا زوجك ولي الحق ادخل فيك
جومانه غرقن عيونها وسكتت ماتدري وين راح الكلام من سمعت كلمه انا زوجك ايوا هو زوجي وله حق علي بس انا للحين ماعطيته اي حق من حقوقه كزوج انا لازم اقتنع انه خلاص زوجي وراح اعيش معه طول عمري ولا لي احد غيره تكلمت بهدواء :طيب مارح ااجل موعدي
ابتسم ريان :اوكي دايال ابدي شغلك
دايال ابتسمت بفرحه :ابششر طال عمرك
جا بيطلع ريان ...
لفت عليه جومانه بسرعه :ريان وين بتروح
لف لها ب استنكار مستغرب ليه تسال بس سكت :بروح الشركه ليه
جومانه اغتصبت الابتسامه :استناك على العشاء
ريان طار من الفرحه تقبلته واخيراً بعد 6اشهر تقبلته صبرت ونلت ياريان :اوكي راح اجي بس الله الله بلعشاء ههه
ابتسمت جومانه براحه كان لازم تسوي هشي من زمان خسرت اهلها ماتبي تخسر ريان :ابشر راح اوقف عليه بنفسي
طلع ريان وهو نفسه يجلس معها اكثر .....
....................
جــده ((الــسعوديــه ))
بيت ام مرام ((نوره الكاسر ))
جالسه بصاله وتشرب فنجان قهوه وتكلم اختها ام ريان :عرفتها عرفتها الحين هاذي الي عازمتك
ام ريان على التلفون :ايوه تجين معي ولا لا
ام مرام :لاوالله مااقدر اليله بتجي بنتي منال من الرياض
ام ريان بفرحه :صدق بتجي الله يحييه اقولل هي حملت ولا لا ههه مثل ماتعرفي من زمان عنها
ام مرام :ايه الحمد لله حامل ومستانسه مع زوجها
ام ريان :مبروك والعقبال ل مرام تتزوج
ام مرام بحسره :اميييين وينه ولدكم ترا تعبنا وحنا نستناه
ام ريان بشوق لريان :ااااااه يوخيتي ريان ماسال عنا ولما اكلمه دايم مشغول ولما اجيب له طاري الزواج يقول انا مابتزوج الحين ....
ام مرام تدوس على قلبها :ترا جاها خطيب ولا عليه كلام وللحين ماردينا عليه معكم شهر اذا ماجا منكم خبر راح نزوجها
ام ريان بصدمه طول عمرهن متفقات ريان ومرام راح يزوجنهم بعض :نوره لاتقولين كذا وين كلامك وان ريان لمرام
ام مرام تكلمت بقوه :بنتي صار عمرها 27 وهي للحين ماتزوجت واختها الي اصغر منها متزوجه وحامل والله ماتحمل اشوف بنتي تذبل قدام عيوني وانا ساكته
قفلت بدون ماتسمع ردها /سامحيني ي خيتي بس وش اسوي بنتي اغلا من كل شي
دخل مرام وهي ميته بكى :ماما تكفين لا تزوجيني غصب
ام مرام بقوه :مع ريان شهر واحد اذا ماخطبك راح ارد على علي كلمه ولا راح اتراجع عنها
جلست عند رجليها مرام :ماما انتي عارفه انا ماحب ريان ولا ابيه واذا مارد لاتخربي حياتي علشانه
ام مرام بعصبيه :مرام انا ماقدر اتحمل اشوفك تذبلي قدام عيوني واسكت راح تتزوجي علي راح تتزوجيه
مرام وقفت وراحت ركض لغرفتها امي ليش تسوي فيني كذا انا ايش دخلني في ريان ان شاء الله يحترق ماعلي منه بس علي انا ماابيه
ام مرام حطت راسها بين يديها بضيقه /سامحيني ي مرام بس وش اسوي لازم اقسى عليك عشان مصلحتك انا المساوله عنها من بعد ابوها مالها غيري حتا اخوان مالها عشان ارتاح لازم اسلمها بيد امينه عشان اطمن عليها
.......................
تعبت وهي تبكي جلست على السرير ومسحت عيونها خلاص من اليوم ورايح مارح بكي انا مو ضعيفه ....مسكت جوالها اي فون 4ودقت على اريج ...
شوي جاها صوت اريج مليان نوم صرخت بمرح عكس الي تحس فيه :ارووووجه ي الخايسه للحين نايمه
رايج سانده راسها على المخده ومغمضه عيونها وجوالها على اذنها تكلمت بكسل :ايش تبين ي المزعجه
مرام بضيقه :اروجه شرايك نطلع اليله وربي ضايق خلقي
اريج بتعب :وين نطلع ومنال تتركينه ي الخبله متعنيه وجايه من الرياض وتتركينها بكل برود
مرام شوي وتبكي :اريج ماعليك من منال بنطلع ننبسط ونغير جو شوي
اريج بكسل ونوم :اوكي باي اذا قمت يصير خير
مرام بصوت مزعج :لاتنامين ي الخايسه ترا بدق على الجوهره تطلع معنا
فتحت عيونها :انسي تطلع معك تلاقينها تتعذر ب عادل تبعها -تقلد صوت الجوهره -اسفه عندي موعد مع حبيبي عدولي
ماتت ضحك على اريج :هههههههههههه والله تقليدك تحفه اوكي اجرب حضي هههه بااي ...
قفلت بوجهه على طول اتصلت على الجوهره..
ثواني وجالها صوت الجوهره المرح :اهلين مرومه
مرام :هلا جوجو اخبارك
الجوهره ب ابتسامه:عل العال كيفك انتي
مرام ب ابتسامه:انا تمام ...اقول جوجو
الجوهره :هلا امري
مرام :امممم انا واروجه طالعات نتمشى اليله ب المولات تطلعي معنا ؟؟؟
الجوهره بمرح :اكييييد بطلع -سكتت شوي بعدين كملت -بس...
قاطعتها مرام بطفش :بسس عدولي حبيبي عازمني على العشا ء وماقدر اطلع عارفه اعذارك كلهن
انفجرت الجوهره ضحكك :هههههههههههه يالخبله مو كذا كنت بقول بستاذن منه بسس واذا وافق عدولي حبيبي اطلع
رفعت يديها مرام بطفش :يارب عدولها يوافق ...اذا استاذنتي قوليلي ي مدام
قفلت بوجهه بعد خخخخخخ
نزلت لامها تقولها انها طالع مع اريج والجوهره ...
ام مرام :بس اختك بتجي اليوم ..
مرام ب ابتسامه عكس قبل شوي لما نزلت :ماما منول بتجلس عندنا يومين عادي اطلع اليله وبكرا بجلس مع منال
ام مرام بحنان :اوكي ي ماما بس اخذي الشغاله معك لاتروحي مع السايق لوحدك
مرام تبوس امها :شكراً ماما ...اكيد باخذها اجل من يشيل الاكياس
ام مرام :يمه منكم يا بنات هليومين دلعكم زايد
.........................
شــركــه ((عبد العزيز الكاسر))
جالس في مكتبه بس معطي الطاوله ظهره ولاف على صديق عمره وطفولته ويسولف ويضحك :الله يقطع بليسك ي تركي ماتترك سوالفك
تركي وهو مسوي نفس الحركه معطي طاوله المكتب ظهره ولاف ب الكرسي :اقول راكان ...
راكان لف عليه وهو مبتسم :سم تروك
تركي :سم الله عدوك ..امممم ريان وينه ماله شوفه من زمان عنه
راكان وهو لسا على ابتسامته :اوووه ريان في بريطانيا يدير الشركه الي هناك
تركي :الله يعينه على الغربه ....
راكان :لاتخاف اهو مبسوط في الغربه هههه
دخل رجل كبير بسن وهو ماسك صينيه القهوه :سلام عليكم طال عمرك
راكان باستهزاء :اقول بو مازن شرايك تتقاعد مو احسن ههههه
تركي ابتسم ل بو مازن :اهلين بو مازن
بو مازن احتقر راكان لانه دايم يستهزا فيه :هاذي القهوه طال عمرك -نزل فنجان على طاوله تركي وفنجان على طاوله راكان
تركي بطيبه :مشكور بو مازن
راكان يناظر الفنجان :اممممم ليش بارد انت عارف اني ماحب القهوه بارده
بو مازن بضعف :بسس
قاطعه راكان وهو يوخر الفنجان بقرف :خذه خذه مابيه .....سكت وهويشوف تلفون المكتب يدق رد عليه بسرعه :الووو ....ابشر ....الحين جاي
وقف بيطلع بكل غرور وشموخ وخر بو مازن عن وجهه بقرف :وخر وخر
وخر بومازن بطاعه ....
مشى بكل هيبه لمكتب ابوه .....
تركي ناظر ابو مازن :روح لشغلك بو مازن
بو مازن نزل راسه وطلع بضعف شخصيه .....
...............……
المشفى ((مكتب رامي الكاسر ))
عنده حاله ويشخصها بعد التشخيص والتحاليل ....
جلس على المكتب وبين يديه الاوراق يدرس حاله المريض رفع راسه للمريض وتكلم :اممم مع الاسف معك فشل كلوي ولازم نسوي العمليه بسرع وقت ممكن
المريض ب صدمه :ايششش ي دكتور متاكد
وقف رامي وجلس قدامه على الطاوله وربت على كتفه :استهدي بالله انت رجل ولازم تصبر وهاذا اختبار من رب العباد ولازم تصبر وتحتسب الاجر
المريض وكانه ارتاح شوي من كلام رامي :لاله الله الله الحمد لله والشكر على النعمه
وقف وطلع من المستشفى .....
جالس رامي يكمل شغله ....شوي دق جواله ابتسم بفرحه وهو يشوف الاسم رد بسرعه بلهفه :هلا هلا والله بريان
جاله صوت ريان بيتفجر من الفرحه :رامي واخيراً تقبلتني واخيراً
رامي ابتسم لفرحه اخوه وتكلم :شوي شوي فهمني السالفه حبه حبه
ريان بفرحه :تصدق ابتسمت بوجهي وقالت استناك على العشاء ااااااه يقلبي ماني مصدق
رامي ب استنكار :كيف تقبلتك ب السرعه هاذي
ريان بقسوه وغرور :طبيعي حست ب الوحد ه وقالت مالي غير زوجي ..وانا خبرتها ان اهلها توفو بحادث كلهم
رامي بصدمه : كذبت عليها !!!!!!
ريان بقسوه :ايش اسوي مافيه غير الحل هاذا عشان تتقبل اني زوجها ولا لها احد غيري
رامي بحزن :مصيرها تعرف صدقني
ريان يغير الموضوع:شخبار الاهل جميع
رامي:كلنا تمام انت اخبارك واخبار ريانه هههه
ريان ابتسم :ههههههه هاذي من جت وهي مستلمه جومانه بس تتهاوش معها
رامي ضحك :وهاذي ماتعيش من دون هوش الله يعين مرت اخوي بس هههههه
جلسو يسولفون ساعه نتركهم ونروح لمكان ثاني خخخخ...
………................
في مطاااار جده ...
نزلت من الطياره وزوجها ماسك يدها وييمشها شوي شوي :شوي شوي حبيبتي
مسكت بطنها الي بارزه تكلمت بدلع :طروقي تخاف علي ولا على ولدك
مسك يدها بقوه :اخاف عليكم ثنينكم حبيبتي
ابتسمت منال ب احراج وهمست :طارق الناس يناظرونا اثقل شوي قدام الناس على الاقل
طارق ولا همه احد :عادي خليهم يشوفون رجل وزوجته لاهو عيب ولا حرام
ابتسمت من قلب :الله لايحرمني منك حياتي
وصلو السياره ركبو وعلى طول لبيت ام مرام ......طبعاً السياره تستناهم
بعد دقايق وصلو نزلت منال ونزل طارق معها منال ناظرت الخدم الي معها :دخلو الشنط داخل
مشت وطارق يتاملها ببطنها الكبير مشى معها لداخل ......استقبلتهم ام مرام ب احلا تراحيب وهي مشتاقه لبنتها لها شهور عنها لانها بالرياض وهي على اول حملها وماتقدر تركب الطياره :هلا هلا هلا والله ببنيتي نورتي ي عمري
منال على وجهه اكبر ابتسامه رمت نفسها بحضن امها وهي مشتاقه لها:ماما حبيبتي اشتقت لك
اخذن ساعه يبوسن ببعض مع شوي دموع من الشوق ......
طارق واقف ويناظرصدق مشتاقات لبعض حب ينبهن عن وجوده :احم احم
ناظرته ام مرام وابتسمت وراحت له تسلم عليه :هلا بولدي لاتواخذني ي ولدي بس مشتاقه حيل. لمنال
سلمت عليه بحراره وترحيب بعد ماجلسو جابت الشغاله القهوه وجلسو يتقهوون.....
منال ب ابتسامه :ماما وين مرومه مالها شوفه
ابتسمت ام مرام :يووووووه نسيت اخبرها تنزل تشوفك قبل تطلع
منال :تطلع وين !؟؟
قطع عليهم مرام وهي تنزل مستعجله ولا درت عن اختها منال او زوج اختها الي جالس ب الصاله كانت لابسه عبايتها وعبايتها فاتحه من قدام ولابسه تحت جنز وشيلتها على كتفها وتصارخ :مستاااااااااويت ......مستااااااويت وصمااا
سكتت وهي تشوف الي يناظرونها سكتت وهي تشوف زوج اختها موجود :هااااااااااااااا
لفت على طول ولبست شيلتها وتلثمت ...
منال وام مرام ميتين ضحك على شكلها:هههههههههههه مرجوجه
طارق من لمانزلت لف نظره عنها باحترام...
دخلت مرام وهي عكس الي قبل شوي كانت هاااديه وتتكلم بهمس : منوله ياحياتي اشتقت لك موت
سلمت عليها بحراره وهي مشتاقه لها حيييل ....
بعد دقايق جلسن ويسولفن ونسن وجود طارق الي منحرج من وجوده ...
طارق:شخبارك مرام
مرام لفت له وكانها تذكرته ونحرجت :الحمد لله بخير انت اخباركك
طارق وهو يوقف :الحمد لله .....يله انا استاذن
وقفت مرام :لااجلس انا اصلا طالعه خلك مع امي
ام مرام :ايوه ي ولدي اجلس وين بتروح مرام بتطلع مع بنات خالها
ابتسم طارق :اوكي
طلعت مرام وراها مستاااويت الشغاله ....
مرام نزلت الثمه وهي داخل السياره :كيروان روح لبيت سعد الكاسر ...
كيروان السايق :اوكي ..
راح لبيت سعد الكاسر .....
اتصلت ب اريج بس مافيه رد ابد عصبت وتوعدتهت اكيد انها نايم الحين شغلك عندي اروجه ......
وصلو البيت فتح الحارس البوابه دخلت سياره مرام وقفت قدام البوابه مرام وهي نازله :كيروان خلك هينا انا دقايق وجايه لاتتحرك سامع
هز راسه ب اوكي ...
نزلت وهي ماسكه جوالها وشيلتها على راسها بس ماهي متلثمه مشت لداخل معصبه على اريج وقفت قدام الباب دقت الجرس وهي تحاول تتصل
ب اريج. فتحت لها الشغاله صرخت فيها :وين اريج ؟؟؟؟
الشغاله ارتجفت من صوتها المزعج :مرام ..انتي ايش يبقى
وخرتها عن وجهه بقرف :وخري عن وجهي والله مابقى الي انتي
دخلت وهي ماسكه جوالها تحاول تتصل فجااه صدمت بجسم كبير وطااا
نهااااااايه البارت السادس ((متغربه يايمه -الكاتبه دموع الشوق))
اعتذر عن كثره الاخطا الاملائيه فهيا من دون قصد..~_~