متغربه يا يمه - الفصل 2 | روايتك

((البارت الثاني)) ابتسمت لها ايـه وطلعت ..... نزلت الكتاب على الطاوله اخذت ايبادها وطلعت من الغرفه توجهت للمصعد (اصنصير)دخلت فيه وضغطت على الزر 1ثواني وهي نازله ناظرت الصاله مليانه ب الخدم والمساولين وكل واحد بشغله مشت متوجهه لغرفه الاكل تقدمت لها احد الشغالات ب احترام اخذت الايباد منها كملت طريقها للغرفه استقبلتها رائيسه الطبخ وهي تبتسم :حياك اتفضلي داخل ابتسمت لها مجامله :مشكوره دخلت شمت ريحه الاكل طارت للكرسي وهي ميته جوع كان فيه شغاله سحبت لها كرسي ب احترام الشغاله :اجلس هينا مدام. كشرت من الكلمه بس ابتسمت يعاملونها وكانها ملكه في هلقصر من جت وهاذي معاملتهم لها جلست تناظر الاكل ب استغراب. فهمت رائيسه الطبخ وتقدمت لها بدت تعرفها على الاكل لما خلصت ..... بدت تاكل بشهيه :امممممم لذيذ ارتاحت رائيسه الطبخ انه اعجبها لان في مزاجها صعب يعجبها شي .... لما خلصت توجهت لصاله الكبيره كان ديكورها مره فخم والكنب الي فيها افخم وارضيته من الرخام كان لامع ابتسمت بحزن وهي تدخل الصاله تكلمت بصوت شبه مسموع :كل هلعز وكل هلخدم وكل هلاكل مارح يغنيني عن اهلي مارح يغنيني عن اكل ماما البسيط ومارح يغنيني عن صالتنا الصغيره الي تجمعنا كلنا جلست على الكنب فتحت التلفزيون وبدت تفرفر ب الغنوات شوي الا جايه رايئسه الخدم ومعها الكنافه لازم هاذا تاكله بعد العشاء :اتفضلي جومانه ناظرتها جومانه بنص عين :لازم !!! رائيسه الخدم مريم ابتسمت لها :ايوا لازم جومانه طشت الريموت على الطاوله وانسدحت على الكنبه :مابي !!! ناظرتهامريم :كولي بس حبه على الاقل لو يعرف طويل العمر قاطعتها بنرفزه :طويل العمر طويل العمر ترا ذبحتوني به اوفف روحي قولي لطويل العمر انكانه رجال خليه يقابلني ناظرت مريم ب احدا زوايا الصاله ب ارتباك ولفت لها بترجي :علشاني بس حبه استغربت من ارتباكها ورحمتها :اوكي اوكي نزليه على الطاوله بعد شوي اكل مسكت الايباد وبدت تلعب نزلت الكنافه وراحت للقسم الخاص فيهم .. جلست تلعب لما طفشت طشت الايباد ب اهمال على الكنبه الثانيه :اوف طفش مليت والله مليت ابي احد اتسلا معه ابي امل وفرح وافراح والله وحشوني كل اخواتي ي خوفي طويل العمر يطول عمره ويتركني اخيس هينا لما اعجز ليتني رجعت مع ندى للبيت هذاك اليوم ماكان ...طقت راسها وهي تتعوذ من الشيطان ...استغفر الله انا راضيه بحكم ربي بس الي ذابحني نفسي اقابل طويل العمر هاذا .... وقفت بتفر بلقصر من الطفش علشان يجيها نوم قبل تطلع من الصاله صادفت مريم مريم تناظر صحن الكنافه مانقص ولا اكلت منه شي برجا :جومانه تكفين جومانه وهي تلف لصحن وتاخذ حبه :زين زين راح اكل وحده علشانك بس ابتسمت مريم براحه .... راحت فوق مع الدرج لفت ب القصر كله ورجعت لجناحها صادفت ايه :مرحبا ايه ايه ب ابتسامه :اهلين ب العسل كلوو ابتسمت مجامله لها وكملت طريقها ايه بصوت عالي علشان تسمع :اسمعي ترا وات النوم الحين روحي نامي ناظرتها بنص عين :بزر عندك انا انا انام في الوقت الي انا ابي مو انتي تقولين لي عن وقت النوم ايـــــــــه ب ارتباك :طــو.... قاطعتهابنرفزه :اوكي اوكي طويل العمر طويل العمر وراحت دخلت جناحها ناظرت الصاله كان مرتب وريحته ريحه عود ناظرت الطاوله شافت ايبادها موجود ابتسمت بحزن :ماينسون شي راحت لغرفه الملابس اخذت بيجامه مريحه وغيرت ملابسها وتوجهت لسريرها بتعب رمت نفسها على السرير وراحت بسابع نومه ... وهــاذا روتين بطلتنا جومانه من دخلتها هلقصر او القلعه هاذي ..... بعد نصف ساعه.... دخل القصر وهو تعبان بينام طول يومه وهو في الشغل .… استقبلوه الخدم والطباخه وايه كانو صافين على اليمين خدم وعلى اليسار رائيسه الخدم و رائيسه الطبخ وايه مشا من بينهم بكل هيبه وشموخ وقف قدام ايه ايه ب ارتبااكك :اهلين طويل العمر ناظرها بكل هيبه :كيف جومانه اليوم ايــه بصوت مرتبك :هيا تمام خالص وتدعيلك كل ماتذكرتك ابتسم ابتسامه جانبيه وش لون تدعيلي وانا كل ماشوفها وهي تدعي علي مشا وقف قدام رائيسه الخدم مريم :وانتي ايه ارتاحت لما راح ... مريم تبلع ريقها :انا خليتها تسوي كل شي انت تبيه ناظرها بقوه :اذا جيتي تقوليلها شي مو لازم تناظرين الكاميرات كل دقيقه والثانيه سامعه مريم ارتجفت وسكتت مشا وتركهم راح للمصعد وضغط على رقم 2لما وصل انفتح الباب وطلع مشا متوجه لجناح جومانه فتح الباب بشويش ناظر الصاله شم ريحه الدخون تنهد براحه. مشا وفتح باب الغرفه بشويش دخل شاف الابجوره شغاله تقدم لسريرها كانت نايمه كانها طفله كان شعرها مفكوك ولابسه بيجامه مطلعتها كانها نونو قرب من السرير وجلس على الارض قدامها وجها مقابل لوجهه جلس يتامل وجهه وهو يشوف ام البرائه فيها تنهد بضيقه على حالتها حط يده على يدها وبصوت هامس :انا اسف حرمتك من اهلك انا اسف على كل شي سويته فيك بس مو بيدي مافيه حل امامي غير اني اسوي كذا وقف فجاه وترك المكان بسرعه عشان ما يضعف قدامها راح لدرج وصعد لدور الثالث لان جناحه في الدور الثالث ..... ...................... اليـــــــــــوم الــــــثــــــانــــــــ ـــي ؟؟ الــــــســاعــــــه 6:15صباحاً ..... جالسه تصحيها ايـــــــــه :قومانه قومانه اومي ي بنتي اومي يكفي نوم اومي جـــــمـــــانــــــه بقمه نومها :هممممم ماما تكفين بس شوي مابتفوتني المدرسه والله ايه رحمتها :قومانه قومانه اصحي جـــــمـــــانــــــه فتحت عيونها بكسل :مـــامـــا وش قطعت كلامها وهي تستوعب هي فين ناظرت حولهامر بذكرتها كل شي بثانيه استوعبت الي قدامها ناظرت ايه بعيون تايهه محتاجه امها:ااايه خلاص روحي صحيت ايــــه رحمتها وطلعت بسرعه قبل تطلع :الفطور جاهز ي قمر انا بستناك تحت اومي خذي شور وصلي والحايني وقفت بكسل ناظرت الساعه :اوف نمت كثير الصلاه الحين تروح علي اخذت الروب والفوطه ودخلت الحمام اخذت شور سريع وطلعت ب الروب والفوطه تنشف شعرها الطويل بيها دخلت غرفه الملابس لبست بنطلون وبلوزه قطن لحد الركبه بلون كحلي مكتوب عليها كلام ب الانجليز بلون ابض وذهبي. طلعت بسرعه صلت وقرت صفحتين من القران لما خلصت راحت لتسريحه رفعت غرتها ومشطت شعرها الطويل الاسود وخلته مفتوح بدون ربطه طبعاً شعرها خلقه ناعم فمايحتاج استشوار تعطرت لبست صندل ذهبي بكعب ناظرت الساعه 6:47 مشت نازله مع الدرج وصلت الصاله جلست في مكان يطلع على الحديقه شوي وجتها مريم مريم وقفت قبالها :ايش تبين تشربين ؟؟؟؟ جـــــومـــــانــــــه مسكت الجريده وبدت تقرا :ابي قهوه ساده بدون سكر وابي تمر مريم :فيه حلا وفيه اممم قاطعتها وهي تتذكر كلام ابوها عن فوائد التمر :خلاص انتها قلت ابي تمر مريم مستغربه منها عندها قواعد في حياتها مستحيل احد يغيرهن :حاضر دقايق ويكونو جاهزين ماردت عليها واكتفت ب قراه الاخبار شوي وهي تقرا قرت عباره ماتدري وش دخل الجريده يكتب في هاذي العباره بس جد وصفت حالها ..((أضحك و أداري حزن الأيام فيني وأكتم حنين القلب و أصبر على الناس)) ابتسمت بحزن هاذي انا بسس الي مستغربه منه انا مانزلت لي ولا دمعه من جيت هينا كلها صدمات صدمه ورا صدمه ولا قدرت انزل دمعه وحده ... راحت بذكرياتها .... نزلت مع الدرج بمرح كان ابوها وامها جالسين ب الصاله الاقل من عاديه البسيطه ابتسمت لهم بس ابوها باين الضيقه بوجهه وامها كمان باست فوق روسهم :صباح الخير ي الحلوين ردو عليه :صباح النو والسرور .. فريده بقلق :بابا وش فيك متضايق ؟؟؟ ابوها بكل هدوا :مافيني شي ي الغاليه فريده ب اصرار :بابا عمرك ماخبيت علي شي ايش فيك ؟؟؟ تكلم بضيقه :ي ابوك انتن محتاجات اغراض والبيت محتاج تجديد والديون كل مالها وتزيد علي وراتبي وانتي عارفه مايكفيني خليها على الله بس وقفت وجلست جنبه بحنيه :ي ابوي احنا مو ناقصنا شي الحمد لله وابشر كلها شهر واتخرج من الثانويه وادور شغل علشان اساعدك ناظرها بقله حيل :لا ي بنتي مارح تشتغلين راح يجيك كل الي انتي تطلبين تحت رجليك ودراستك لازم تكملينها ابتسمت بضيقه :ماعشت ولا كنت ي بوي اجل ادرس وانت تتعب انا راح اتوضف بي شي لو شغاله وراح اساعدك. ابتسم لا اغلا بناته واكبرهن الي كبرها تفكر بحياته وتفكر بمراهقتها وهي شوفو تفكيرها …… رجعت للواقع وهي تهتز تنهدت بضيقه شوف يبه بعد شهر من ذاك الوقت وش صار في بنتك انا ضايعه يبه معقوله ماحد دور علي ماحد سال عني وينك ي ابوي تعال خذ بنتك الغاليه وينك ي الغالي ...... مريم نزلت القهوه ومعها صحن التمر :اتفضلي ست جومانه اخذت القهوه وبدت تشرب وتاكل من التمر بعد ماخلصت. جتها الشغاله :ماما فتور في جاهز وقفت بكسل دنقت تعدل بلوزتها لما رفعت راسها ناظرت بصدمه بحركه تلقائي حطت ايديها على فمها وجلست على الكنب بمكانها لان رجليها ماعاد قدردن يحملنها. نزل من الدرج هو يتحلطم نسي وجود جومانه في البيت نهائي كان لابس بيجامه قطنيه لونها ازرق فاتح وكان توه ماخذ شور وشعره الطويل لحد رقبته طايح على عيونه ومبلل انتبه للملاك الي متجمده وجالسه بدون ولا حركه على الكنب طق جبينه وعض على شفايفه بقله حيله وش لون راحت عن بالي كله من هلخدم ماصحوني بدري اوف ايش اقولها الحين هاذي اول مره تشوفني فيها ...ناظرها وقرب منها كانت بدون اي حركه خاف لايكون صار لها شي تقدم لها بسرعه مجرد ان فكر يصير لها شي وبصوت هادي به من الحنان :جومانه جومانه وش فيك تكلمت بصوت خايف وبهمس :صد انا ماني متغطيه لف نظره عنها بسرعه وهو يبتسم من داخله تكلمت وهي توقف بتهرب :ااانت منو ؟؟؟ لف عنها وراح لحقته وبصوت قوي :هيه اكلمك انت منو ترا اعلم طويل العمر عليك ضحك من داخله ولف عليها بيتكلم بس بسرعه تكلمت :صد صد لا تلف رجع صد وبصوت قوي شامخ :كيف تعلميني على نفسي ناضرته بصدمه وبصوت مهتز :هيه انت واخيراًشفتك اثرك رجال هي قالت لك الشغاله امس بلي قلته يامسرع ماجيت تبي تثبت لي انك رجال انصدم من كلامهاولف عليها :رجال غصب عنك خافت وبصوت هامس :لا تناظرني انا مو محرم لك ابتسم ورفع حواجبه وطلع فوق ..... راحت ركض فوق راحت مع الدرج لا نه راح على المصعد دخلت جناحها وهي ميته خوف من هاذا وش يبي مني ليش خاطفني كل شي راح اعرفه بعد شوي منه لبست عبايتها وشيلتها وتلثمت وراحت المصعد وهي ترجف بس تسوي حالها عادي فتح المصعد ودخلت نزلت لما وقف طلعت بكل شموخ ماعاش من يهينك ي بنت سالم دخلت الصاله ماكان فيها احد جلست على اقرب كنبه تستنا ينزل شوي شافت المصعد ينفتح لفت نظرها له بسرعه ...انبهرت واهتزت من داخل من الي قدامها هاذا نفس الي قبل شوي لا لا ماصدق على طول بعدت الافكار من راسها ...كان لابس ثوب وشماغ وجكيت سودا جذابه ونزل بكل هيبه وشموخ مشا خطوتين يبي يطلع وقفه صوتها الانوثي مليان نعومه :هيه انت. !! تجاهلها ومشا ،،،، وقفت ولحقته :هيه اكلمك ترا لف عليها ببرود :ايش تبين وبعدين ترا هاذا الي لابسته ماله اي داعي -وياشر على العبايه والثمه ناظرته بقوه وتكلمت ب انفعال :من حضرتك علشان تقول له داعي او ماله داعي تكى وكتف ايديه وببرود اكثر :خضرتي زوجك يا مدام ناظرته بـصـــــــــــــدمه عمـــــرهــــــا تكلمت وشفايفها ترتجف :انت كـــــــذاب ؟؟؟ زين وقفته وهو يضبط اعصابه :تراي سكت عنك واجـــــــــــد احترمي نفسك -طلع ورقه ومدها لها -خذي هاذي ورقه تثبت زواجنا اخذتها ب ايدين مرتجفه انصدمت اكثر لما شافت توقيع ابوها رفعت راسها وطاحت الثمه بس ماهتمت لها وبصوت مخنوق وجهه احمرر :لا مستحيل ابوي يسوي فيني كذا تكلم ب انفعال :ليشششش ابوك -قطع كلامه وهو يتذكر مقطع (تكلم بضيقه الدنيا وشوي ودموعه تنزل :تكفى تكفى طلب اخير لا تقولها اني انا زوجتها برضاي. ) نفض راسه وتعوذ من الشيطان نزلت دمعه ياما وياما حاولت تنزلها هاذي هي اليوم نزلت بدون اي سابق انذار :كمـــــل ابوي وش فيه قطعت عليهم مريم رائيسه الخدم :الفطور جاهز طال عمرك -ناظرت ب جومانه -وانتي ي مدام فطورك جاهز ناظرتها الحين بسس عرفت ليششش الكل يقولي مدام ومدام طشت الورقه بوجهه وجت بتروح مسك يدها بنفوذ صبر بس لازم يتحملها :اطلبي الي تبينه وانا حاضر ومن اليوم ورايح راح اعاملك كزوجه ناظرته وعيونها مليانه دموع نفسها تصارخ اطقه تسوي فيه اي شي بس تبرد الي في داخلها بدون ماتفكر طقته ب يديها مع صدره وهي تنوح وتشاهق :ليششش سويت فيني كذا انا وش سويت لك في حياتي بحياتي كلها عمري ماتخيلت اني في يوم راح اترك بيت اهلي وخرت عنه شوي شوي وبدت تفرك عيونهابيدها كانها طفله ضايعه وتشاهق وبصوت مخنوق :مااخفي كنت اتمنا هلعز هاذا وكنت اتمنا اجلس في بيت ملك -هزت راسها بنفي :بس ابد ماكنت اتمنا العز هاذا بدون عايلتي البسيطه ناظرته بقوه من بين عيونهاالدامعه :بس افهم انت كسرت في هاذا -وتحط يدها على قلبها :شي كبير مارح يصلحه الزمن راحت ركض مع الدرج وهي تشاهق واقف ب الصاله متصلب مايدري وش يسوي مايخفي انها كسرت خاطره وحز بخاطره كلامها طلع من القصر بسرعه مايبي يتذكر شي يتعلق ب هلبنت ............. فوق دخلت وقفلت الباب واستندت عليه طاحت على الارض وهي ميته صياح وينك ي ابوي وينك شوف حال بنتك وش صار عليها انسدحت على سرميك الصاله بعجز ايش راح يصير فيني والله ارجولي ماعاد يحملوني اهاااه ي بوي ..... .......………… الساعه 11:30صباحاً جالس في مكتبه ويقلب في الملفات ومو قادر يشتغل بصدفه ناظر الاب توب وانفجع من الي يشوفه كانت طايح على الارض ومايعرف صاحيه او نايمه .... مسك جواله وتصل على ايــــــه جاه الرد بسرعه تكلم ب انفعال :انتي وينك وين جومانه ايه بتوتر :اليوم مطلعت خالص من قناحها. تكلم بعصبيه :روحي شوفيها انا الحين شفتها ب الاب توب روحي شوفيها صاحيه او دايخه ايه :حاضر طال عمرك قفل التلفون وطشه ب انفعال .... حاول يشغل نفسه ب اي شي بس مافيه فكره كله في القصر لسا ماطلع شوي وهو يشتغل دق تلفونه بسرعه من شاف الرقم رد بسرعه :هااه وش صار صحيت ايه ب ارتباك :هي بصراحه مقفله الباب ب المفتاح ولا قدرنا نفتحه وقف لاشعوري :ايششش طيب عندكم مفتاح ؟؟!! ايـــــــه :لاه هنا مفتاحين مفتاح معك ومفتاح معاها وهو ياخذ جكيته يبي يطلع :اوكي اوكي انا الحين جاي طلع من الشركه متوجه للقصر .. ............................... فى جناح جــــمـــــانــــه..... طاحت على الارض وماقدرت تقوم من شده الالم الي فيها الم فضيع اول مره تحسه في بطنها برضو ماقدرت تفتح باب الجناح كانت تتالم ب عجز ماتقدر تقوم انسابت دمعه على خدها تعلن استسلامها وعجزها وضعفها بذا الوقت نطقت بكلمه وهي ضايقه فيها الدنيا :يـــــــــــماااااااااهـ ماتحملت قوه الالم مسكت بطنها بيدها من شده الالم و غابت عن الوعي. .......... دخل القصر يركض وهو بقمه خوفه عليها يخاف يخسرها ايه يخاف يخسرها. صعد مع الدرج ركض على الله يلحقها من الساعه سبع وهي على هلحاله اكيد فيها شي واخيراً وصل الجناح طلع المفتاح وفتحه وايده ترجف دخل على طول شافها على وضعها مثل ماشافها ب الاب توب جلس عندها بسرعه كانت الارضيه بارده حيل مسك يدها كانت قطعه جليد نطق ب اسمها بخوف :جـــــــــــومانه -هزاها -جـــــــــــومانه ردي علي تكفين. لكن لاحياه لمن تنادي شالها بين يديه كنها طفله بدون اي معاناه بس هي كانت ساكنه بدون اي حركه توجه فيها لغرفه النوم سدحها على السرير وغطاها اتصل على دكتور القصر وصل طيران الدكتور دخل الدكتور بسرعه للغرفه :ادخل ي دكتور بسرعه شوفلي وش فيها الدكتو :لا تحاتي الحين اشوفها لك دخل الدكتور ودخل معه بعد مافحصها وخلص. ناظر به ب حزن :طال عمرك المدام فيها زايده ويبدو ان الزايده منفجره ببطنها. واحتمال كبير ماتعيش ناظره بصدمه وخوف كبير :دكتووًووووور سواي شي بس ابي زوجتي تعيش سامع الدكتور :حنا راح نسوي الي علينا والباقي على ربك الحين لازم ننقلها للمستشفى باسرعوقت ناظره وب انفعال :لا جومانه مستحيل تطلع من القصر سوي لها العمليه هينا الدكتور :راح نسويها هينا بس ترا نسبه انها تنجح العمليه بتنزل !!!!!! رفع راسه بخوف :لا لا مستحيل زوجتي تموت -وبدون تفكير -خلونا ننقلها للمستشفى ب اسرع وقت اتصلو على الاسعاف بعد نصف ساعه وصل الاسعاف وتوجهو بجــــــــــومانه للمستشفى ........ ركب سيارته ومشا ورا الاسعاف وهو ميت خوف عليها كله مني ماكان لازم اخبرها ب الموضوع كذا كان لازم تكون مهياه علشان تتحمل بس انا الزفت ماحترمت مشاعرها -طق الدركسون بيده -بس هي اسفزتني -نزل شماغه ومسح بيده على راسه بتوتر ... شوي وصلو المشفى نزل وراح للاسعاف الي من وقفو على طول نزلوها ب سرير راح لها ركض وهو يمشون فيها ب السيب بسرعه مسك يدها وتكلم بضيقه :جومانه تكفين لا تتركيني والله اسوي لك الي ودك بس لا تروحين الدكتور وهو يدخلها غرفه العمليات :استاذ روح سو الاوراق وقع على العمليه بسرعه ماعندنا وقت ترك يدها وتكلم وعيونه تناظر بيها :ان شاء الله دكتور دكتور سو كل شي تقدر عليه اهم حاجه زوجتي تعيشش الدكتور ربت على كتفه :ولا يهمك راح نسوي الي نقدر عليه راح يسوي الاوراق وقع على العمليه وعلى طول بدو العمليه ..... جلس في كراسي الانتظار قدام غرفه العمليه جلس بقله حيله وضم راسه بيدينه وهو يدعي من قلبه يارب دخيلك يارب احفظ لي جومانه يارب قومها ب السلامه .....فجاه جا بذكرياته مقطع عجزه اكثر ربت على كتفه بقله حيله :اوصيك ي ابن الناس اوصيك على فـــريدهـ تراها اغلا مااملك انتبه عليها -وخر يده عن كتفه وعطاه ظهره -لولا ضيق الدنيا علي ماجتك لكن الدنيا صارت اقوا مني ومن قراري -ناظره بضيقه -افديها بروحك لو لزم الامر رفع راسه فجاه وطق راسه يبي يطير هذكرا من ذاكرته ناظر ساعه يده :صار لهم اكثر من اربع ساعات ولا سمعت عنها خبر ....وقف وبدا يمشي يمين ويسار بتورتر شوي طلع الدكتور وهو منزل راسه تكلم ب اعتذار :اسفين بس فقدنا المريضه رفع راسه لدكتور بصدمه :ايشششش ربت على كتفه :استهدي بالله طال عمرك وادعي لزوجتك برحمه محتاجه دعاك رجع الدكتور للغرفه جلس على الكرسي وحط ايده على وجهه: لا لا مستحيل اهي ماتوفت لا يمكن فيه خطا اكيد فيه خطا بقا جالس مكانه مصدوم تقريبن عشر دقايق متجمد عاجز عن اي حركه فجاه انفتح البا وطلع الدكتور ب ابتسامه شاقه وجهه رفع راسه له بعجز وضيقه الدنيا كلها فيه الدكتور ب ابتسامه :ابشرك طال عمرك قدرنا ب فضل الله نرجع لها النبض وقف ودموعه تنزل ومسك الدكتور :جومانه عايشه جومانه ماتركتني ابتسم الدكتور له وهز راسه بمعنا ايه اما هو طاح على الارض ساجد ساجد شكر ساجد شكر لله ابتسم الدكتور وحمد ربه انهم قدرو يرجعون لها نبضها وقف بعد ما سجد وخلص :دكتور وهي كيفها الحين اقدر اشوفها الدكتور وهو يشرح له حاله جومانه :العمليه كانت صعبه وقدرنا نسيطر على الزايده والحمد لله نجحت العمليه بصعوووبه والحين اهي تحت تاثير البنج اذا صحت تقدر تشوفها ابتسم لدكتور :مشكووور دكتور ……………………… القصـــر ... ايه جالسه في الجناح الخاص فيهم وتهز رجولها بتوتر تقدمت لها مريم وجلست جنبها :ايه لا تخافين الحين تجيك تنوقز مثل اول ابتسمت ايه بحزن :يارب احميلياها يربي انا كيف اتعلات فيها بشكل هاذا وماعرفتش ابتسمت مريم بحزن :كلنا تعلقنا فيها وحبيناها مع انها مزاجيه وقويه ولا احد يقدر عليها بس مع كل هاذا داخلها قلب حنون مره وكل من عرفها حبها انزلت دمع على خد ايه:ي مررريم انا اخاف افقدها ومااشوفها خالص انتي سمعتي الدكتور ايه قال قال الزايده عندها منفجره يعني احتمال مـ …… حطت مريم ايدها على فم ايه :لا لاتقولين عنها كذا بعيد الشر. ………،................ في المشفى ....... دخل الدكتور بفرحه :طال عمرك المدام صحيت نقز من مكانه :صدق صدق يا دكتور اقدر اروح لها هز راسه الدكتور ب ابتسامه :ايوا تقدر بس لاطول راح بدون اي تفكير ... ......................... فتحت عيونها بشويش ناظرت حولها شافت الاجهزه وكل شي ابيض غمضت عيونها شوي ورجعت فتحتهن مر بذاكرتها كل شي صار تذكرت الم بطنها بحركه تلقئيه رفعت يدها وجات بتحطها على بطنها الي حست ب الام يرجع من جديد بسسس قبل مايدها توصل بطنها فيه يد اسرع من يدها مسكت بيدها رفعت نظرها للي مسك يدها وتكلمت بعبره وانكسار :بطني بطني يوجعني ابي ماما -اختنق صوتها ورتجفت شفايفها -تـ..گ. فى ابي مـــامــا كسرت خاطره وضم يدها بين يديه وتكلم بحنيه :انا جنبك جومانه سحبت يدها من يده وهزت راسها بعنف وعيونها تدمع :لا انا ابي مــــــامــــا ماابيك ابي ماما ماما وين قولي وين ماما اتكلم جيب لي ماما بسرعه ابي ماما -زادت دموعها ونفضت راسها ب انفعال -انت منو ليش حرمتني من ماما تكفى احتاج ماما مسك راسها بين يديه وهويحاول يهديها :جومانه حبيبتي اهدي الحين تيجي امك بس اهدي انتي دخلو الممرضات ركض ومسكوها لانها تنتفض بشكل فضيع ويخافون تجرح عمليتها على طول اعطوها ابره مهدى ..... استرخت شوي شوي لما هدت وهي تكلم وصوتها ينقطع تدريجي :ابي ماما انت كذاب ماما مارح تيجي ترك راسها بشويش ورجع على ورا وهو يقاوم الضيقه الي جات له فجاه ليش انا متضايق وليش نقلتها للمشفى وكانها تهمني ليشش تضايقت لما خبروني انها توفت ليكون ...لا لا مستحيل انا عمري ماهزتني بنت تيجي هاذي تهزني بنت الفقر بنت الشيبه المديون ......وخر هلافكار من راسه وطلع بسرعه من المشفى عشان مايفكر كثير حس ب الذنب عليها اصلا انا بدون ضمير تكاثرت عيشتها بين اهلها مع انهم بسيطين بس حلوين مع بعض لكن اناجيت وووو........ ........................... بـــــــعـــــد ماهديت والابره عملت مفعولها ... جلسو ينظفون الجرح لانه انفتحت شوي من شده حركتها كانت تتحرك بدون شعور بس من حسن حظها انفتحت العمليه شوي وقدرو يسيطرون على الوضع ....... بـــــــرا الغرفه وصلت ايـــــــه ومعها اغراض ل جومانه وكانت بقمه فرحها على سلامه جومانه تقدمت لها احد الممرضات وتكلمت كانت تتكلم عربي :انتي ام المريضه ؟؟؟ استغربت ايه بس لسا على ابتسامتها :تئدرين تئولين كدا لاني انا جالسه معها طول الوئت ومهتمه بكل شي يخصها بس مائلتي لي ليش تسالي الممرضه بحزن:المريضه طول الوقت تنادي على امها والحين صحيت واضطرينا ننومها علشانها من لما صحيت وهي تضرب بحالها وتتحرك بشكل مو طبيعي بصدمه ايه :ايشششش الممرضه بهدوا:لا تخافين الحين حالتها مستقره .................... داخل الغرفه ... كانت مدده على السرير ونايمه ولا هي حاسه بااحد ... ……............ دخل المكتب وكان باين عليه التعب والارهاق مر من قدام السكرتير :سلام عليكم السكرتير لاحظ تعبه ورحمه :وعليكم السلام طال عمرك فتح باب المكتب : خالد الحقني . دخل المكتب وجلس على كرسي المكتب بتعب يبي يشغل تفكيره بي شي فتح الملف الي قدامه وبدا يقلب فيه ... طــق طــق رفع راسه من على الملف وتكلم بصوت عالي :ادخل دخل خالد :مرحبا ي طويل العمر ناظره بعيون تايهه :ايش تبي خالد رد خالد وهو مستغرب من وضع المدير اليوم :انت طلبتني يطويل العمر !!!!! طق راسه وكانه تذكر :اووه خالد كنت بسالك عن الصفقه وش صار عليها خالد :بكرا فيه اجتماع وبعدها يقررون تتم الصفقه او لا -سكت استغرب سكوته :وش فيك سكت كمل خالد ب ارتباك :يطويل العمر فيه احتمال كبير ما نربح هصفقه تكلم بصوت ضخم شامخ :لا يا خالد هصفقه راح تتم وراح نربحها سامع خالد :ان شاء الله ان شاء الله ................... الساعه 9:30م فــى المشفى .... وصل من شوي على طول خلص شغل ب الشركه وجا للمشفى طوالي ... في مكتب الدكتور الدكتور :احتمال تصحى بعد شوي لان مفعول المنوم بيخلص ابتسم بحزن :شلونها فيه تقدم بحالتها الدكتور :والله ماخبي عنك بس حالتها مافيها اي تغير لانها تعبت اليوم لما صحت المفروض ما تسوي اي حركه علشان عمليتها بس اليوم وانت عارف ايش سوت شوي دخلت سستره تتكلم انجليز بعد ماكلمت الدكتور طلعت ناظر بدكتور :صحيت.....؟ نهااااااايه البارت ((متغربه يايمه -الكاتبه دموع الشوق))