متغربه يا يمه - الفصل 1 | روايتك

البارت الاول) حرام تعذب أحبابك… تراني أموت و أحيابك… ي ابوي لا تخليني…. كرهت الدنيا بغيابك… ألف دمعة وماحكيت… ألف صدمة وماشكيت… ألف جرح ومابكيت…هه وبحنيني لكم مانسيت… تودع صحباتها بدموع :مادري كيف راح اعيش بدونكم اليوم اخر يوم من الامتحانات وخلاص نتخرج وماعاد راح اشوفكم ضمتها صديقتها ندى بدموع :لاتقولين كذا ي فريده احنا راح نكمل الجامعه سوا ابتسمت من بين دموعها :ان شاء الله مانفترق ابد ابتسمت لها نور :فروده مافيه ضمه لي بعد لان اخوي برا بطلع ضمتها وهي تودعها :اودعك ي نوري نلتقي على خير ان شاء الله نور ودعتها وطلعت بقت مع ندى وباقي الشله وهي تبتسم بحزن تخاف ماتشوفهم مره ثانيه شوي شوي وكل وحده تودع وتروح من صحباتها بقت هي وندى ندى بأستغراب :غريبه ي فريده اول مره تجلسين لهلوقت قبل ابوك يجي مع اول الناس ابتسمت فريده بحب لبوها :الغايب عذره معه يمكن الغالي انشغل شوي والحين يجي شوي شوي والمدرسه تفضى ....... كانت فريده لابسه عبايتها وكل شوي تطلع وتشوف ابوها جا او لا شوي الا ندى جايه من برا ندى مستعجله :فروده بروح ودعتها بدموع فريده :الله معك يالغلا اشوفك على خير ندى وكان طرت ببالها فكره :فروده وش رايك تجي معي اوصلك للبيت فريده برفض :لا يالغلا ماقدر الحين ابوي يجي ومايلاقيني ندى وهي تاخذ شنطتها :اوكي باي اشوفك على خير ابتسمت لها فريده :ان شاء الله على خير راحت ندى وشوي شوي راحو كل الي في المدرسه بقت لحالها كانت المستخدمه جالسه معها بس بحكم عمرها كبير راحت لغرفه المستخدمات تبي ترتاح ... بقت فريده لحاله وهي كل شوي تطلع وترجع استغربت كثييير وينه الغالي تاخر كثير مو من عوايده .... شوي وهي جالسه في الكراسي جنب الباب الخارجي دخلت حرمتين متحجبات وباين عليهن مو سعوديات وضخمات شوي خافت وزاحت على ورا .... وحده منهن تقدمت لها :انتي است فريده استغربت وبخوف :ايه انا فريده بس انتم منو تكلمت :امشي معنا !!!! فريده بخوف :فين امش معكم الحين ابوي يجي وياخذني. تقدمن لها وحده وحطت فاين على انفها وراحت بسابع نومه شالنها وركبنها معاهن في باص اسود كبير ................................... صحت من افكارها على صوت المصممه البنانيه:ست جمانه ست جمانه. انتبهت لها وبصوت مرتفع :خير خير وبعدين مااسمي جمانه افهمو انا اسمي فريده فاهمه المصممه :انا لي ساعه عم ناديلك شوبكي ماعم بتردي عليه جمانه ناظرتها بنص عين وقفت ومعها كوفي :لا احسن طقيني المصممه با حترام :اسفه مدام بس اي موديل بدكي لان لنا اسبوع كل مانجيك تأجلين. وقفت فريده ولا نقول مثل مايقولون لها جومانه وبرود:اختاري انتي الي يعجبك ابي فستاني بعد اسبوع بالكثير وطلعت مع الدرج لغرفتها .... المصممه بقهر :اوففف ايش جابني لهلمزاجيه هي فوق وصلت جناحها وبيدها الكوفي طلعت في البلكونه وهي تناظر الطبيعه ..... عادت لذكرياتها لما صحت من المنوم فتحت عيونها بشويش وكان راسها مصدع رجعت غمضت عيونها من قوه النور والصداع. شوي شوي رجعت فتحتهن كانت بمكان غريب. ناظرت حولها كانت غرفه كبيره وديكورها فخم. فزت من السرير فجأه وتذكرت ايش صار .. اخر شي قربن الحرمتين منها وهاذا اخر ذكرا لها منهن الحرمتين وايش يبون مني. صرخت باعلى صووت تملكه :يا حقيرين انا فين وش تبون مني دخلت وحده مصريه. وبابتسامه :صحيتي اخيراً جمانه ناظرتها بعيون تايهه :انا فين انتي مين وايش تبين مني. ابتسمت المصريه :انا ايه مصريه الجنسيه وانتي في قـــصـــرگ جمانه ناظرتها بصدمه :قصـــري ايش وين بابا وين ماما ومن متى وانا نايمه ابتسمت بأرتباك :انتي لحد اليوم صار لك اربع ايام نايمه وترى طويل العمر موصي عليكي جمانه ناظرتها بصدمه :اربع ايام !!!! ................... نفضت راسها من هذكرى وتكلمت بصوت مكتوم ضايق :وصار لي خمس شهور وانا في ذا المكان ماعرف من الي خطفني ومادري وين ادياري مدري انا بالسعوديه او لا بسس السعوديه مافيها اجوا زي كذا ..ناظرت من البلكونه الحديقه كان الجو مطر ابتسمت بحزن ..يارب انا فين وايش قصه الي خاطفني كل ماسألت العاملات انا فين غيرو الموضوع من دخلت هلمكان عمري ماطلعت ..ابتسمت بضيقه توجهت لدولاب ملابسها فتحته كان كله ملابس مصممات على كيفها بحكم انها معزوله عن العالم ولا تروح اسواق فـا هينا بالقصر موفر لها كل شي كل الي تتمناه.. قفلته بقوه ورمت نفسها على السرير وبضيقه تكلمت :كل فلوس الدنيا واملاكها ماتهمني الي يهمني ابي عايلتي المتواضعه والصغيره كنت بينهم كأني مالكه الدنيا ومافيها وفجأه اختفو ولا احد منهم شفته حتى الزفت الي خاطفني ماعرف اسمه كل الي اعرفه انهم يقولون عنه طويل العمر جعل عمرك مايطول اوف طق طق طق جمانه ناظرت الباب الي يطق وطنشت مسكت الايباد وبدت تلعب بالزونبى مع انها تخوف بس هي ماتخاف بالعكس تستمتع لما تلعب فيها ... برا الغرفه ماشافت اي رد دخلت شافتها جالسه على السرير وتلعب بالايباد تأفأفت البنت هاذي ماحد يعرف لها مزاجهاه متقلب ... تكلمت وهي مارفعت عينها عن الايباد :ايــــه انا ماسمحت لك تدخلي تدخلين علي ليششش !!! ايـــــــــه بأرتباك :اسفه مدام قمانه بسس جمانه قاطعتها بانفعال :ايش هاذي مدام ي بنت الناس انا للحين ماتزوجت خلاص رضينا بجمانه ناديني جمانه بدون مدام ولا شي !! ايـــــــــه:انا قايه انهردا عشان ملابسك قبتهم لك جمانه طشت الايباد بطفش وقفت وراحت بتنزل لفت لها ايـــــه:القو بارد كثير البسي جكيت جمانه وهي نازله بصوت عالي ونبره امر :جيبيلي جكيتي تلاقيني تحت المطر انقهرت ايه على اسلوبها بس ماتكلمت لانها ببساطه عبد مأمور اخذت جكيت جمانه وراحت لها في الحديقه .... ............ نزلت مع الدرج وهي تركض شافت رائيسة الخدم بوجهها تكلمت بصوت عالي وهي ماشيه :مريم جيبو لي ايس كريم في الحديقه بسرعه مريم وهي ترتب :بشويش يا عمري لا طيحي وتتعوري ماردت عليها ومشت بطريقها طلعت برا القصر وكان كل الي قدامها حديقه وشجر والمطر ينزل بشده تعشق شي اسمه مطر راحت ركض وكانها طفل اول مره يشوف مطر نقزت بالحديقه باستمتاع وهي شاقه الابتسامه لما خلصت نقز راحت لمقاعد بالحديقه كانت على شكل مضله صغيره وتحتها ثلاث كراسي وطاوله جلست وهي تتذكر خواتها واهلها .... فريده وهي تشوف المطر ينزل نادت على اختها فرح بفرحه :فروحه امشي للحوش نلعب بالمطر ههه ناظرتها فرح باستمتاع فرح اصغر منها بسنتين :صبر صبر بنادي اخواتي كلنا نلعب بالخير هه فريده بتحلطم :اوف تبين تنادين الجيش يخربون علينا امي مدري كيف قدرت تجيب ثمان بنات مندون ماتتعب طقتها افراح من ورا :هيه هيه اذكري الله على ماما لاتصكينها عين الحين تجمعو كل البنات اصغرهم تو عمرها سنتين فــريـدهـ فـــرح افـــراح نــوف مــاريا امـــل امــال واخر وحده لامــار هذولا اخوات فريده .... فريده تقدمت لامار وبحب شديد لختها النونو :فديتها امورتنا ...وجلست تبوس فيها جلسو يلعبون بالمطر مع ان حوش ضيق صغير بس مبسوطين فيه جلسن يلعبن وينوقزن بالمويا نطت فريده :بنات بنات كلهن باصوات متفرقه :هلا ...هاه …يالليل وش الفكره الي طاريه عليها ...عيون البنات ابتسمت فريده اخواتها وعارفاتها :وش رايكم ناكل ايسكريم بهلجو واااي يجنن نطت امال :فروده تكفين بلا كلام ماله داعي انتي عارفه ان فيني لوز وحلقي يوجعني حييل قاطعتها امل :وانتي وش عليك احنا ناكل مو انتي ايوا فروده امشي نوف بتحلطم :امي في المطبخ مستحيل تخليكم تاكلون عشان ماتمرضون وتبتلش فيكم صرخت ماريا :بنات البابا وصل. كلهم ناظرو جهه الباب الخارجي شافو ابوهم يدخل راحو له ركض الي تحب يده والي تبوس بخده والي تضمه والي تبوسه مع راسه ابتسم لهم برضى وحنان :الله يرضى عليكم يا بنات ولا يحرمني منكم كلهن بصوت واحد :ولا منك يا تاج راسي ابتسمت فريده واخذت الاغراض الي بيده :عنك يالغالي ابتسم لها بحب شوي شافو لامار جايبه كاس مويه وتمده لبوها :كذ بابا (خذ بابا) ابتسم لها بحنان وجلس قدامها شرب المويه وضمها له بحنان :فديت بنتي الحلوه امل تقدمت منه :تفضل بابا بجيب لك مويه تغسل رجليك شكلك حيل تعبان ....... :بسم الله عليك يالبي قومانه فين رحتي يا عمري صحت على نفسها شافت كيف جسمها يرتعش كيف ماحست على حالها وهي ترتعش من قوه البرد كيف تحس وهي راحت بعيد راحت للغوالي لاحبابها تكلمت بهدوء عكس جمانه المرحه الي ماتعطي احد وجه :من متى وانتي هينا تكلمت ايه بخوف عليها :بسم الله عليك يا حبيبتي محسيتيش فيني انا اقيت دلوئتي خذي خذي البسي الحين بيخوشك البرد ...مدت الجكيت لها اخذتها جمانه بهدوء ولبستها :وين راحت مريم ليش ماجابت الي انا طلبت جلست جنبها ايه :حبيبتي القو بارد خالص شو تبين في الايسكريم انهردا وقفت جمانه :رجاءً ايه لا تتدخلين فيني راحت تمشى في الحديقه الكبيره او بالاصح الجزيره جد كانت كبيره هي اكيد جزيره وفيها كوخ بعيد شوي عن القصر مشت ومشت لحظه صمت طلعت شهقه تايهه اول مره تطلع من جت لهلمكان وهي ماتقدر تبكي الدموع متحجره بعيونها ابكي يا فريده ابكي وش فيك ليش ماتبكين وتخففين عن نفسك هالألــم ليش ماتبكين علشان ترتاحين ... قطع عليها الشغاله :هازا هوا طلب انتا مدام جمانه اخذت الايسكريم بهدوء وهي تتخيل امها قدامها .......... بعصبيه مصطنعه :قلت لك لا يعني لا فريده برجاء :ماما بليييز بس بوضه وحده والله ماما والله الجو يهبل ويباله ايسكريم فتحت بوبو عيونها :يسلام ايسكريم يعني خلاص مافيه طلع من البيت نهائي حتى بالحوش فريده وهي رايحه ركض للحوش :امزح معك ماما ياربي انتي دايم تصدقين مابي ايسكريم ضحكت امها على شكلها بحنان .......... ناظرت الايسكريم بحسره :وينك يمه ليش ماتجين تمنعيني من الايسكريم جلست تاكله بشراسه وحقد على الله تجي امها وتمنعها منه .... الليل في جناح جمانه تحممت ولبست فستان انيق من تصاميمها طبعاً كان لحد نصف الساقه باكمام طويله ضيق على الخصر واسع من تحت لونه من فوق ابيض ومع اطرافه من تحت رصاصي لبست بوت كعب طويل البوت شوي سوت شعرها ذيل حصان كان اسود طويل لحد نص فخذها وناااااااعم لما سوته ذيل حصان يوصل لاخر ظهرها وسوت بقرتها بوف صغير ..... رمت نفسها على الكنبه ومسكت كتابها وتقرا روايه شوي الا الباب يطق تكلمت بصوت عالي :ادخلي ايـــــــــه !!! دخلت ايه الغرفه وتكلمت :العشا ء جاهز قومانه ابتسمت لانها ميته جوع :اوكي روحي انا الحين نازله ابتسمت لها اايـــــــــه وطلعت .....