الفصل 5
الجزء الثالث
الانتقام
راحت بعد ماسحبتها رغد اللي ماتتت من الحماس
رغد بحماس: من جد تكذبي
فرح بإبتسامه: والله
رغد نطت بحماس: الحمدلله ربي ماضيع دعواتنا
فرح: ياتبن قصري حسك مو كافي فضحتيني عند البنات والآن تفضحيني كمان
رغد بحماس قصرت صوتها: مو مصدقه يافرح مو مصدقه خلاص أفتكيتو منه
فرح ابتسمت: الحمدلله كله بفضل الله ثم ماما
رغد بإستغراب: تقصدي عمتك أمك مو ماتت
نزلت فرح راسها بحزن
رغد تلعثمت وبتوتر: آسفه بس يعني لما قلت ماما أستغربت
فرح رفعت راسها وابتسمت: موكذا ياقلبي ما دريتي إلي أكتشفته طلع أخطر
رغد وقفت عن المشي وناظرت بصدمه: وش
فرح مسكت يدها وسحبتها:الموضوع يبغاله جلسه وماحد عندنا
جلسو تحت الدرج عشان يتأكدو ماحد يسمعهم لأن هذا المكان مايمر أحد منه إلا إذا نزل من الدرج أو طلع منه ومايطلعو منه إلا بعد الطوابير
فرح حضنت يدين رغد لأنها عارفة رغد زين مشاعرهم وحده فإذا عرفت ممكن تكون ردت فعل رغد أكثر من ردت فعلها لما عرفت
فرح حاولت تلطف قدر الإمكان وتلف وتدور وما توصلها بشكل مباشر
فرح: اسمعيني زين إذا قلتلك شيء أن أمي طلعت عايشه أيش بتقولي
رغد: مستحيل أنت قلتلي أنها ماتت
فرح حركت راسها يمين ويسار علامة الرفض: لا أقصد أعتبريها طلعت عايشه ما ماتت
رغد: شوفي صح حلو أنهم يطلعون عايشين مره حلوه وحماس
سحبت يدها وحضنت فيها وجه فرح: حبيبتي لا تعيشي نفسك بأحلام وآمال
ناظرت فرح بصدمه
كملت رغد على نفس وضعيتها: دوم قلتلك لا تتأملي آشياء هي مليون بالمية مستحيلة لأنك راح تنصدمين بالواقع بعدين
نزلت راسها فرح كل كلمه قالتها رغد هي صحيحة مليون بالمية وهي نفسها قالتها لما دريت نزلت دموعها لاشعوريا غطت وجهها بيدها تخفي دموعها عن صديقة عمرها اللي ماتبدلها بكل الكون
رغد انصدمت وبنفس الوقت خافت على فرح احتضنتها على طول وجلست تمسح على راسها تهديها: حبيبتي آسفة والله ماكان قصدي بس عارفة مأبغى أحطمك أكثر لأنك بتتحطمي لادريتي بالواقع
زاد بكاء فرح وأجهاشها
رغد كانت خايفة وماهي عارفة ايش تسوي وهي حاولت تهديها بس زادت بكاء قررت تحخليها تبكي يمكن ترتاح وهي تمسح على راسها بحنان
عدت 10 دقائق من بكت فرح إلين ماوقفت عن البكاء بس صوت شهقاتها واضح إلين ماأختفى تماماً
رغد كانت على نفس وضعيتها حاضنه فرح وتمسح على شعرها بحنان: فروح
فرح:.............
رغد ضحكت عشان تلطف الجو: إمشي عند البنات الحين أريج تقولنا فين أختفيتو وتفتح تحقيق وبعدين تبدأ امتنان شغل اللقافة حقتها
ضحكت فرح لما تذكرت أريج كيف راح تمسح فيهم الأرض وامتنان كيف لما تبدأ أسئلتها إلي ماتنتهي رفعت نفسها وحضنت يد رغد وناظرت فيها بإمتنان: اسمعيني زين أنا لو أموت إلى أقولك إلي صار لأنك ملجأ أسراري والبئر اللي أفضفضله عنه كل همومي
رغد ضحكت وبفخر: أدري أدري مايحتاج أخجلتي تواضعي
فرح بعصبية: تبن ترى وربي ماأقولك
رغد: كيفك
فرح دفتها : تبن عليك غلطانه قلتلك شي
وقامت بسرعة
سحبتها رغد وهي تكتم ضحكاتها: اجلسي وتكلمي
فرح بزعل: مابي مو قلتي ماتبي تسمعي
رغد ناظرت فرح بجديه وسحبتها وجلستها: قولي قبل ماأعلقك
فرح بزعل: مابي
رغد: ياتبن أمزح معك
فرح ضحكت بداخلها وكملت وهي تمثل الزعل: أعتذري
رغد بصدمة: شوفو التبن آسفة بسرعة خلصي
فرح طيب شوفي:حكتها كل السالفة ولما دريت كيف سوت
رغد بحماس: واووووو هذا خالك فله يصير تزوجيني إياه
فرح كشرت بوجهها: سخيفة
رغد: واووووووووووو
تحولت ملامحها لجديه وحطت وحده من يدها على خد فرح: موقلتلك لاتعلقي آمالك على أحد
اللحين أبوك طلع هو اللي يضربك
انصدمت فرح من نغير ملامح وجه رغد لدرجه تخوف ندمت أنها قالتلها
كملت رغد: وأمك تحبك وتدللك وأنت تعيشي عندها هذا الأهم
ابتسمت رغد مما أثار خوف فرح كيف تتقلب مشاعرها بسرعه كذا
رغد: أنتي لازم تعوضي أمك على فقدكم ل13 سنه أنسي اللي حصل لمصلحتكم تراهم خبو عليكم هم بشر مو شرط تفكيرهم يكون نفس تفكيركم بس هم رأو أن الخير لكم من هالناحية حتى لو كنت حكيمه ووو حتنصدمي نفس مانصدمتي لما عرفتي...
قاطعتها فرح: بس حيكون أهون: مو أبني أحلام وأحلام
رغد: ولو قالتلك أيش راح يفرق بس عشان ماتبني أحلام أحسنلك ماتعرفي أبوك وحش من صغرك
فرح نزلت راسها وهي بدت تقتع بكلام رغد
أريج: فروح ورغوده وش عندكم تحت الدرج
إمتنان: تايم أوفر والآن قولولي وش عنكم
فرح ورغد ناظرو ببعض وعلى طول أنفجرو ضحك
البنات صارو يطالعو ببعض بأستغراب
لارا: صدق مجانين
سوسن خلنا نبعد عنهم يابنات
أريج: موب تاركتهم لما أطلع روحهم ووريهم كيف السحبه والآن باقي دقيقتين وأحنا مالعبنا مع بعض
زاد ضحك فرح ورغد أكثر
إمتنان وجهة كلامها للبنات: أرتاحو أن أعرف أسحب منهم الكلام يلا هش
البنات راحو لأنهم عارفين أمتنان لما تبغى الشي تسويه
إمتنان بإبتسامة خبث: والآن يالحلوات وش عندكم
فرح كانت خايفة مره ضحكة وتكلمت: مافي شي كنا بس نتكلم مع بعض
إمتنان بنفس الابتسامه: وإيش كنتو تتكلمو فيه
فرح توترت مو عارفة وش تقول
رغد ردت بسرعه: قلتلها عن سالفة تخصني
إمتنان: طيب ياحلوه وش هي السالفة اللي ماتقوليها قدامنا
رغد تكتفت: وش خصك خصوصيات
إمتنان أنصدمت من أسلوب رغد: طيب هدي كنت أمزح معك
فرح تكلمت بسرعه تتدارك الوضع: سامحيها ماكان قصدها بس هي ماتبغى تقول لأحد وعشان أنتي زنيتي
إمتنان ناظرت رغد من فوق لتحت ولوت بوزها بقرف: أوكي بس لاتجلسي تتكلمي كذا وكني ماكله حلالك
رغد فارت من العصبية وكانت بتكفخها بس فرح كانت أسرع سحبت رغد وراحت بعيد
رغد بعصبية: أقولك سيبيني عليها ماتفهمين
فرح رصت على يدها أكثر: أنتي أكبر مجنونه هدي
رغد: منتي شايفتها شايفه نفسها وملقوفة
فرح: تعوذي من بليس وأهدي عشاني
رغد: أعوذ بالله من الشيطان الرجيم اللهم طولك ياروح
دوى الجرس المدرسي والكل راح يصطف في الطوابير
*********************
عند البنات لما جات امتنان وهي فايره من العصبية مدت يدها وزاحت زمرد اللي كانت قدامها وجلست بقهر
زمرد: هي أنتي خير وش عندك
إمتنان بقهر: تكفين سيبيني ماني فايقتلك
زمرد اتخصرت: لايأمك أنا اللي فايقتلك عاد تجي وتدفيني وتقولي بعدها ماني فايقتلك لا ياحبيبتي أنتي الغلطانه
أريج سحب زمرد وحاولت تهديها وتكلمت بحزم وهي توجهه كلامها لإمتنان
أريج: إذا صار مشكلة بينك وبين رغد وفرح أحتفظي بمشاكلك لنفسك ولاتجي تحطي عصبيتك بغيرك
تأففت إمتنان وقامت من المكان
سوسن: بنات حرام عليكم المفروض نصلح بينهم
أريج: ماقلنا حاجه ياقلبي بس ماتجي تحط حرتها فينا معليش وحنا ماسوينا حاجه
لامار ولارا بصوت واحد: بأروح أصلح بينهم
ناظرو البنات فيهم بصدمه حتى هم انصدمو من بعض وانفجرو البنات ضحك
سوسن: ههههههههههههههههههههه مألومهم توؤام
أريج مسكت بطنها من الضحك: ههههههههههههههههههههه ما.. ما.. أقدر خلاص آآآآآآه يابطني
زمرد: هههههههههههه بطني بطني بطني
المراقبة: ماشاء الله جالسين حضراتكم ترطون ضحك والطوابير لها ساعه بادية
أريج وهي مازالت على حالها: أ هههههههههههههههههه أب هههههههههههه
المراقبة عصبت وبصراخ: مافي احترام بسكم
لامار سحبت معها أريج وسوسن ولارا سحبت زمرد وطلعو فوق وهم منحرجين منهم
سوسن: ههههههههههههههه ولايفوتكم شكله الأبله بس وهي معصبه
زمرد ضربت كفها بكف سوسن: صح عليك والله ههههههههههههههههههه وكملت ضحك
لامار ولارا اللي يأسو منهم طلعو علب المويه حقتهم ورموها فوجيه البنات عشان يوقفوا ضحك الكل بوقت واحد شهق
أريج بصدمه وعصبية: يالكلبه يالحقيرة
سوسن: تعالو أنا أوريكم شغلكم ياحقراء
لامار ولارا جريو بسرعه ووقفو بالطابور لأنهم عارفين أنه الأبلات مليانين هناك وماراح يقدرو يسون حاجه
المراقبه وهي تطلع من الدرج بعصبية: أنا طلعت البنات كلهم وأنت لساتكم ترطون ضحك
زمرد بصوت خفيف: بنات شكلها مانتبهت أمشو نروح قبل ماتنتبه
مشو البنات بسرعه وبخوف سمعو صراخ جمدهم في مكانهم
المديرة: ماشاء الله عليكم إبتدائي قدامي مو ثانوي إيش الموية اللي عليكم هاذي
لفو البنات وهم مرتعبين سوسن بتلعثم: أبله...
قاطعتها المديرة بصراخ أكثر: وصمخ إنشاء الله ليه المويه هاذي
أريج بخوف: بس يأبله...
المديرة: لابس ولاحاجه بس تبسبسكم يارب
زمرد: طب...
المديرة بعصبية: وتراددو أكثر أمشو قدامي على المكتب
مشو وهم صامتين عارفين أنهم لازادو بتعصب وتبهر من عندها
******************************
بعد ماوصلو رغد وفرح للطوابير
فرح: بنات فين الباقين
لامار بإستغراب: مومعاكم
رغد بإستغراب: معانا موكانو معكم
لارا: تركناهم بعد مارشينا عليهم موية
فرح: بصدمه : مجانييين أكيد المديره مسكتهم وبتنشر غسيلهم
لامار بخوف: لا إنشاء الله
*******************************
في مدرسة بس مدرسة ثانية
الأستاذ تقدم من الطاولة وهو يشوف هالولد نايم هو عارف أنه شاطر بس مهمل ضربه على راسه بخفيف
............:
الطلاب كلهم أنفجرو ضحك
الأستاذ: شكله خوينا ساهر طول الليل
زاد ضحك الطلاب
خزه صديقه اللي جنبه بطرف أصباعه: عدول قوم بسرعه
عادل : حرك يده يمين ويسار بطفش وهو يهمهم: همممممممممممممممممممم
الأستاذ بعصبية ضرب الطاوله وهو يصارخ: عادل قوم
عادل فز بخوف: ها وش وش في
الأستاذ بعصبية أكثر: وش فيييييييييه؟
أبد سلامتك بس حضرتك تشخر وتارك الحصة
زاد ضحك الطلاب من كل جهة
إلتفت عادل لهم بإستغراب وناظر زميله إلي جنبه وهو يشوفه يكتم ضحكاته
الأستاذ بإستعباط: تبغى تكمل نومك ياعادل
إنفجرو الطلاب ضحك
عادل عرف إنه يستعبط عليه فحب إنه يستعبط كمان عليه
عادل بفرح: والله
وعلى طول نزل راسه
زاد ضحك الطلاب لدرجة أنه بعضهم بدى يضرب الطاولة والثاني ماسك بطنه من قوة الضحك
الأستاذ بعصبية صرخ بالفصل: بسسسسسسسسسسسسسسسسسسسسسسسس س
الكل سكت
ناظر عادل بعصبية والشرار يطاير من عيونه: أنتى ياعادل شاطر ليه ماتترك الخبال هذا عنك
عادل: وش دراني أنتى قلتلي تبغى تكمل نومك وأنا كملت
الأستاذ ناظر فيه وصغر عيونه: لا والله وأنا المفروض أصدقك يعني
كان واضح صوت ضحكات الطلاب وفي طلاب يحاولو يكتمو ضحكهم
الأستاذ أعطى الطلاب نظره ورجع وجه نظره لعادل: آخر مره أشوف هالحركة منك
وراح يكمل الدرس
بعد الدرس وبالتحديد بالفسحة كان جالس بطفش ومرجع جسمه للورى وحاط يده في جيب ثوبه
خالد: وش لي مخليك تنام في الحصه غريبه
عادل بطفش أكثر وضيق: أسكت أسكت ما دريت عن البلاوي
خالد بصدمة: هاااااااااااااااااااااااا ااااااااااااااااااااااااا ا
في بلاوي وانا ماأدري
عادل عشان يغيضه: إ بلاوي وبس إلا مصائب
خالد قام بعصبية: أنا آخر عمري تخبي علي ياعدوله أكيد شايفلك بنت
ضحك عادل من قلبه عرف إنه خالد فكر بهاذي الأفكار
خالد بعصبية أكثر: إيه إيه أضحك أضحك
عادل: هههههههه والله ههههههههههههههههههههههههه هههه والله آسف آسف
أخذ نفس وكمل والضحك خلفت إبتسامه ساحره على وجهه مسك يده وسحبه وجلسه
عادل: أجلس أجلس أقول خليني أفهمك عرفت أنك فكرت من هالناحية
خالد بعصبية جلس وتكتف وقلده بترقه: كنت عارف
خالد بصوته الطبيعي: يله يابطل قول تكلم
عادل بضحكه: الله يقطع بليسك والله وسعت صدري كنت ضايق
خالد لوى بوزه: الزبده
عادل: أجل مافي ماني قايلك
أبتسم خالد مجامله: يلا ياسيد عادل تكلم
عادل بفخر: غصب عنك
خالد لوى بوزه بقرف: عشتو
عادل أعطاه نظره: نعم نعم
أبتسم خالد: ولاشي كمل
عادل: أشوى حسبت الزبده أمس جو بنات عمتي لبيتنا وأبوي طردني قلتله أجلس بغرفتي أو بمجلس الضيوف عشان لو بغيت أطلع أطلع بسهولة قالي لا ولا أشوف وجهك لما أتصل عليك وأقولك تعال
خالد بصدمه فتح عيونه: ولمتا ناوين يبلطوا عندكم
عادل رجع لنفس وضعيته الطفشانه: مدري
خالد: طب بتظل كذا تطلع وماترجع إلى لما يقولك
عادل زفر بضيق: مدري ياخوي والله ما أدري
خالد ما أتوقع أبوهم ماراح يخليهم فتره عندكم
عادل زفر أكثر وتكلم: شوف على حسب المعلومات إلي وصلتني إنه أبوهم طلق عمتي لأنها ماتجيب إلا بنات وتخلى عن بناته بعدين رجع رباهم عناد في عمتي وصار يعذبهم ويضربهم وفي يوم عمتي وأبوي راحو زاروهم وأكتشفو أثار الضرب خصوصاً أنه بنتها الكبيره مره حالتها كانت صعبه وكانت راح تموت لولا لطف الله المهم أنهم أخذوهم وجابوهم وبعد تدخل كبير من أبو زوج عمتي وأخوه قدرت عمتي تاخذهم وشكلهم للأبد قاعدين
خالد بإستغراب: وش هالأب النفسية حرام عليك أصبر عشانهم مستحيل يرجعو لأبوهم أكيد بيحلون الوضع ماراح يخليك كذا
عادل ضحك وهو ناوي يسلي نفسه: والمشكله هو سميك
كشر خالد بوجهه: وإذ يعني
عادل : إسمع إيش رايك اليوم أجي عندك
خالد: إيه والله بتخلصني الصراحه من الطفش وغثا خواتي الماصخات
إلا صح وين رحت أمس
عادل: أبد لفلفت لما صدع راسي رجولي عورتني بعدين رحت الحديقه وماحسيت بنفسي إلا وأنا نايم صحيت كانت الساعه 12 باليل وأنا متيقن أنه بها الوقت البيت كله نايم بس أنصدمت لما ماشفت من أبوي أي رساله لفلفت للساعه 2 وقررت أرجع يمكن يكون أبوي نسى رجعت ودخلت من باب الضيوف ونمت من التعب هناك وصحيت الصباح على صراخ أمي ليه نايم هنا لو درى جدي إيش بيسوي فيني لبست وخرجت حتى ماكان لي نفس أفطر حتى أبوي بيخليني زي الموبوء أكل لحالي وكني فيني مرض معدي
خالد: عادي أجل إيش تبغاه يخليك تجلس معهم ياعادل صدقني فتره زمنيه لما الأوضاع تستقر ويرجعك يمكن كماان ترتاح وتسكنون في بيت منفصل
عادل حرك إيده بطفش علامة اليأس: من هالناحية خلي قلبك يرتاح جدتي مستحيل تتخلى عن إبنها الوحيد
خالد فرك دقنه وهو يفكر: واالله مشكله هاالجده
عادل ضربه بطرف إصبعه: قوم قوم بس
*************************************
في مدرسة فرح بالفسحه
أريج وهي ماسكه ظهرها بألم: آآآآآآآآآآآآآآآآآآآآآآآآآ آآآآآآآآآآآي ياظهري رفعت إصباع واحد وحركته يمين ويسار وهي تدعي وتتحلطم: حسبي الله عليكم من بنات حسبي الله
زمرد وهي تبكي وتتئلم: والله الآلم لحد الآن فيني
سوسن بألم: وماكفها اللي بالغرفه كملت علينا قدام البنات
فرح: مستحيل ممنوع الضرب أساساً
أريج بعصبية: هذي تسمع الممنوع وتنفذه
لارا ولمار بأسف: والله آسفين ماكان قصدنا مافكرنا تسوي فيكم كذا
سوسن بألم: لايشيخين أنتو توأم الشر
رغد: فروح بطلع معك الظهر وأشوف المز اللي بيجيك اليوم
نطت أريج ونست الألم كله: مز مين عرفين عليه
ضحكت رغد: اللحين راح الألم ياست أريجو
أنفجرو البنات ضحك
جلست أريج بعصبيه: مالك دخل المهم يافروح إني رايحه معك رايحه
فرح مسكت ضحكتها وآخذت نفس وإبتسمت إبتسامه زادت جمال على جماله: حيا الله أريجو
**********************************
في مدرسة مرح وفجر
فجر كانت جالسه كعادتها لوحدها وهي تكتب بدفترها الخاص جات بنت وسحبت منها الدفتر
فجر بعصبية: سيبي دفتري ياحقيرة
غرور بدلع: دايم أشوفك ماسكا هالدفتر وش تكتبي فيه
فجر بعصبية أكثر: مالك دخل هاتي بسرعه
غرور حركت حواجبها: أجل إنسي ياحبيبتي رفعت الدفتر ورمته لصحبتها جيهان
لفت فجر عشان تأخذ الكتاب صرخت بأعلى صوتها: راح تموتي لو فتحتيه
فتحته بسرعه جيهان ورمته على صحبتها الثانية شادن
فجر بعصبية أكثر وبصراخ: يابنات الكلب يا@#$%&* هاتو دفتري
شادن: مذكرتي العزيزه
أنفجرو البنات ضحك ورمت شادن الدفتر لغرور
غرور وهي تحاول تكتم ضحكها: اليوم بالتحديد ....
وفجأ أنسحب الدفتر من يدها تنهدت فجر براحه بس رجعت ملامحها لما تذكرتهم مقهوره منهم تبغى تنتقم
إلتفتت غرور بعصبية مين إلي يتجرأ ويسحب منها الدفتر كذا هيا غرور ال......... ينسحب الدفتر منها كذا
مرح حضنت الدفتر وطالعت فيها بوعيد: لوتفكري تمسكي هالدفتر هخليك تنسي أسمك فاهمه
غرور بدلع وهي تمضغ اللبان مسكت خصله من شعرها وبدت تلفلفها: كيفي والله هاتي الدفتر مالك دخل
فجر تقدمت من ورى بعصبية وشدت شعرها
صرخت غرور : أأأأأأأأأأأأأأأأأأأأأأأأأ أأأأأأأأأأأيييييييييييييي ييييييييييييي شعري سيبي شعري يا!@#$%&*
جاو صحباتها بيدافعو عنها بس سرعان مامسكوهم ريم و روان
مرح قربت وجهها منهم: إنتو وش دخلكم خلو الإثنين يتصافو شفتونا تدخلنا مع فجر
فجر بعصبية وهي تتكلم من بين أسنانها ومازالت شاده على شعرها: يدك لو تمسك دفتري أكسرها لك
غرور: ياحقيره شعري سيبيه والله لاأعلم بابا
فجر بتريقه وهي خلاص عافتها وعافت دلعها: والله
أقول أبوك ماراح ينفعك شدت شعرها أكثر وبصراخ من بين أسنونها: دفتري لاتمسكيه
غرور: سيبي بأمسكه كيفي
فجر شدت أكثر وهي وصلت معاها تكلمت بصراخ والشرار يطاير من عيونها: لا عاد تمسكيه
غرور بصراخ أكثر من الألم: ماني خايفه أحد يكتشف بلاويك عارفين إنك تكلمي شباب
إندهشت مرح وكان راح تكمل على غرور لولا أنه سماهر مسكتها
شدت فجر شعر غرور أكثر وتكلمت وبعصبيه أكثر حتى مرح إنصدمت من شكلها أول مره تشوفها كذا
تكلمت من بين سنونها: لوألمح طيفط طيفط ماسك أغراضي راح أكسرك
كانت غرور تبكي من قوة الألم وبنفس الوقت خايفه من فجر
مدت مرح يدها لفجر: هدي يافجر
فجر طنشت وشدت شعر غرور أكثرت وأعطتها كف لدرجت أنه الكل أرتجف من صوته وتكلمت بصراخ: لا أشوفك فاهمه
غرور وهي ترتجف من الخوف وببكى: آسفه ماراح أمسكلك شي
أبتسمت فجر كانت عيونها مرعبه وكأنها قاتله: إيووووووووووووه كذا أبغاك
رمتها بقرف وبقوه على الأرض
فجر: يلا إنقلعي عن وجهي
أفلتو ريم وروان البنتين إلى راحو بسرعه ساعدو غرور وهربو
مرح أشرت لصحباتها يروحو وجلست فجر وجلست جنبها سحبت علبة الموية ومدتها لها: خذي إشربي يمكن تهدي
فجر أخذت العلبة وشربت
مرح مدت يدها وبينها الدفتر خذي
فجر سحبت دفترها وضمته هي مستحيل تفضح نفسها وتكتب بالدفتر ماتعرف كيف تفكر غرور سبحان الله فعلا كلٍ يرى الناس بعين طبعه
مرح: لاتخافي ترى ماقريو حاجه تلقينهم ألفو كلمات مستحيل مايمديهم يقرو أنتي شفتي الزمن
فجر كانت بتتكلم وتقول إنه كلامهم مو صح بس حست كل العالم غاب حولينها ورجولها ذابت في الأرض وقلبها بيخرج من محله إيش راح يصير لو عرفو هذا راح يكون أخس من أنها تكلم شباب، حتى يدها صارت ماتحس فيها زلق الدفتر من يدها ودموعها أخذت مجراها
انصدمت مرح وحضنت فجر على طول وهي تمسح على شعرها
مرح: إنتي آخر وحده أتوقع تبكي لاتبكي ماتوقعتك كذا ضعيفه يافجور
فجر زادت شهقاتها
مرح تحاول تلطف الجو: لايكون بس أنا الضعيفه إلي تستقوي عليا
فجر حضنت مرح من زمان كانت تتمنى أحد يحضنها وتحس بهاذا الشعور شعور حلو دافي مريح لدرجة أنها غابت عن الوعي ونامت
حست مرح بثقلها فكرتها أغمى عليها هزتها بخوف: فجور
بس كانت فجر ماترد
مرح صرخت بفجعه: فجر فجور حبيبتي
كل اللي بالساحه إلتفتو على مرح وهي تصارخ جاو صحباتها وهم مفجوعين
وسام بفجعه: إيش في
مرح بخوف وهي ماسكه فجر كانت يدها طايحه وشكلها كأنها ميته : مدري
نزلت دموعها وهي ترتجف: بنات شوفوها
روان قربت منها وحست بأنفاسها ناظرت مرح تهديها: لاتخافي يانامت ياأغمى عليها
حملوها سماهر وريم لعند الممرضه
الممرضه: خلاص هيا بخير بس إجهاد بسيط
تقدمت مرح إلي وجهها قلب طماطم من البكى
مرح: أبله أنا أختها ممكن أجلس عندها أطمن عليها
الممرضه: أوكِ بس إذا إنتهت الفسحه رجاءً روحي فصلك
ابتسمت مرح بفرح: إنشاء الله وراحت جلست عندها ريم وهي ماسكه كتف مرح: شفتي بس نفسيه زايده خوفتينا يابنت
مرح تمثل الزعل: أطلعو برى
روان: أحسن وطلعو البنات وسابوها
ناظرت فجر بفرح ومسحت على راسها حمدت ربها مافقدتها ماتعرف إيش كان راح يصير لها
مسكت دفتر فجر وحطته بشنطتها عشان تتطمن عليه أكثر مايجو غرور وصحباتها المغرورات ويستغلون أنه فجر أغمى عليها وياخذوها من حقيبتها
ضحكت وتكلمت بقلبها: مأتوقع بعد اللي سوت فيهم فجر راح يتجرأو ويمسكو الدفتر
************************************************** ********
عدى الوقت وجا وقت الصرفه عند عادل وخالد
خالد: عدول يلا ياكلب
عادل بصراخ: أنتظر ولاتناديني عدول
بعد مالم أغراضه كلها
يلا أعوذ بالله ماتقدر تصبر 5 دقايق
خالد: وكلمت إلي بيجيبك
عادل:أرسلت لأبوي رساله خلاص
أسمع وش رايك نلفلف قبل لانرجع
خالد سحبه: أقول عارف بلاويك
عادل بترجي: تكفى أنتى تحب هاذي السوالف بعدين أحنا طوال وجسمنا معضل شوي محد راح يعرف إنا بالمتوسط
خالد بعناد: لا يعني لا
عادل: بس نظره أوكي
خالد بإستسلام: عارف عنادك أمشي بس نظره
**********************************************
عبدالله قرأ رسالة عادل وكلم أبوه مايروحله وهو رايح يجيب البنات
********************************************
وصله رسالة نصيه أبتسم لما شافها كان مكتوب فيها
" الآن أنا عند الموقع بالضبط وقريب أنفذ الخطه "
********************************************
عند فرح ورغد عند سيارة أبوها
رغد بترجي: بابي تكفي بس ثواني لما يجو أهلها
أبو سلمان: بابنت أهجدي مشغول مايمديني أقعد
رغد بترجي أكثر: بابا تكفى حرام
أبو سلمان يئس من رغد: يابنتي احنا محنا غراب تعالي معنا
فرح : مشكور عمي والله ماأقدر
تكلمت مع رغد: خلاص روحي معاه اللحين يجي عبدالله
رغد بعناد: مابي بشوفه
ضربة رجولها بالأرض بقهر وكلمت أبوها: طيب خلي سلمان يجيني
أبو سلمان: عارفه أخوك
رغد: أعطيني أكلمه
أبو سلمان اللي يئس منها أروح 5 دقايق وراجع خلصت ماخلصت ماخذك ماخذك
رغد نقزت بفرح: باهوووووووووووووووو يسسسسس ثنكس دادي
وراحت بسرعه مع فرح لا يغير رأيه
فرح بلوم: أنتي مجنونه إسمعي كلام أبوك وروحي معاه
دفتها رغد: ماني بشوفه يعني بشوفه
فرح: ولو تأخر
رغد: لاإنشاء الله أنتي قلتِ مو متأخر
فرح: أسكتك أبغاك تروحي مع أبوك
رغد بصدمه: شوفو شوفو وتعترف قدامي كمان
وبعناد رفعت أصباعها وأشرت على راسها : هيا لعانه بقعد
أستغفرت فرح بداخلها بس صرخت لما حست يد تسحبها من يدها
.......: كذا ياقلبي تعذبيني ببعدك
إلتفتت رغد عليه بينما جسم فرح كان واقف زي الصنم من الخوف
رغد قطبت حواجبها: نعم خير
........: وأنتي وش خصك
رجع إلتفت على فرح وكمل: تعالي معي هالمره ماراح أخليكِ تروحي بسهولة
فرح كانت واقفه بصدمه ورجولها ترتجف
رغد تقدمت بعصبية ودفت يده وبصراخ: لو تلمسها أكسر يدك وأصارخ وأجمع الناس حولينك
............ رفع إيده بعصبيه وبدى يحركها بكل مكان: إيش دخلك أنتي هيا خطيبتي روحي لأسطرك
رغد تخصرت: لاوالله وأنا بأصدقك يعني أقول روح أنتى لأقطعك وأعلقك فاهم
التفتت فرح وهي ترتجف وتمسكت برغد بقوه
.........: ياقلبي قوليلها خليها تنقلع عنا
رغد ناظرت فرح ولما شافتها دافنه وجهها بظهرها عرفت أنه كذاب
لفت عليه والشرار يطاير من عبونها: هذا آخر تهديد لك قبل مأصارخ وأجميع الناس عليك
ناظر فيها ولوى بوزه بقرف بنت تخرب خطته لا والله
كانت خفيفه جداً لدرجت أنه رفعها بيد وحده ورماها بالأرض
ومسك يد فرح وسحبها وفرح من هول الصدمه حتى صوتها مو راضي يطلع
إنتهى الجزء الثالث
ـــــــــــــــــــــــــ ـــــــــــــــــــــــــ ــــــــــــــــــــ تشوووووووووووووووويقة ـــــــــــــــــــــــــ ـــــــــــــــــــــــــ ـــــــــــــــــ
صرخ من بعيد وهو يتقدم بعصبية: أبغى أفهم شلون خطيبتك...
صارخو بأعلى صوتهم: آآآآآآآآآآآآآآآآآآآآآآآآآ آآآآآ...آ
فتحت الباب وصدمت بجسم رفعت راسها...
كان من طرف عمي صح...
ضربت الطاوله بعصبية:...
شهقت وحطت يدها على فمها...
شهقت: هااااااااااااااا...
بعصبية: شيلي قشك وأنقلعي على بيت أهلك...
تكلمت وهي تبكي: ماما ماما...
انتظروني الجمعه بالبارت القدم ^ــ^
الفصل الثالث
تحول كبير
الجزء الأول
تفكك الروابط
خالد تقدم بعصبية: كسر يكسر يدك إنشاء الله
أستغفر رامي بزران يدخلون ويخربون خطته تكلم بعصبيه: أقول ماني فايق لبزران
خالد بعصبية أكثر جمع كفه وضرب فيه وجه رامي وتفل بوجهه
جثا عند رغد يطمن عليها
خالد: رغد حبيبتي أنتي بخير
رغد بألم تكلمت بصوت متقطع: ف...ر....ح فرح
بلعت ريقها وكملت بعد ماشدت ثوبه: خالد .... فرح
إلتفتت خالد على الولد بعصبية وهو يشوفه يمسح فمه اللي نزل منه دم ويتفل بالأرض ويقوم
خالد بعصبية من سمحلك تمد يدك
رامي : وش اللي خصك بخطيبتي
خالد بإستغراب: خطيبتك
رامي أشر على رغد بقرف: أنتى وهاذي البنت إنتقلعو عن وجهي ومالكم دخل بيني وبين خطيبتي
مد يده وسحب فرح اللي كانت جاثيه على الأرض من الخوف والصدمه
حاولت تقاوم تصارخ ماقدرت أكتفت بالبكى
عادل همس لخالد: في شي غريب أختك تنادي فرح ذي صحبتها وصحبتها الآن تبكي
خالد: لو ماتعرفه صارخت
عادل: لا يمكن خايفه
قامت رغد رغم التعب وبصوت متعب: خالد كذاب مو خطيبها
إلتفت خالد لرغد ورجع طالع برامي صارخ بأعلى صوته لدرجة أنه الكل ألتفتت لهم: سيبهاااااااً
رامي بفوقية: خييييير
خالد وهو شايف البنت بالقوه توقف تكلم وهو مقهور من الولد ومو عارف وش يبغى بالضبط
خالد: وخطيبتك وتبكي خايفه منك وبالقوه توقف
رامي: خايفه من أشكالكم
أبو سلمان: خالد كم مره قلتلك لاتسوي مضاربات
خالد بعصبية : شوفه هو ضارب أختي وخاطف البنت
أبو سلمان ناظر البنت على طول عرفها ناظر رغد إللي جالسه بالأرض وتتألم وأشر على فرح: هاذي صحبتك إلى كانت معك عند السياره
رغد بتعب: إ...يييييه
أبو سلمان عصب كيف يمد يده ويخطف كمان تقدم منه بغضب
بدى الخوف يتسلسل قلب رامي وكان راح يهرب بس يبغى يشوف آخرتها معاه
ناظره بفوقية: نعم عمي
أبو سلمان: ممكن تترك البنت
رامي ناظر بإستغراب: نعم أترك خطيبتي أنتو كيف تعرفوها
رغد صرخت: كذااااااب ماهي مخطوبه
خالد سحب فرح بخفه ودفها على عادل إللي بدوره حطها عند رغد
صرخ رامي: يااااااااااا كلب سيبها
أبو سلمان بحده: ألفاظك البنت أعرفها وأعرف عايلتها جيب دليل إثبات
رامي: وش أجيبلك دليل ليه ماخذها بالحرام؟
أبو سلمان أستغفر بصوت عالي: ياولدي سيب الكذب عنك البنت عارف أخبارها زين
رامي صارخ: كيف أسيبها أقولك خطيبتي وأنتو بسهوله تاخذوها
صرخ من بعيد وهو يتقدم بعصبية: أبغى أفهم شلون خطيبتك
عادل بإستغراب: أبووووووي
رامي أستغفر الوضع بدى يصعب أكثر شكله بيهرب
عبدالله وقف قدامه وتكتف: يله أبغى أفهم
رامي حط يد على راسه وزفر جلس يفكر بخطه
رامي صارخ بصوت عالي: وأنتى وش صلت قرابتك
عبدالله ابتسم: خالها
رامي ارتعب وصارخ بسرعه وهو يأشر على فرح: أغمى عليها
الكل التفت عليها عقدو حواجبها هي بخير بس جالسه تساعد رغد
التفتو عليه مالقو شافوه يهرب
خالد بعصبية جري يلحقه : ياكلب
ولحقه عادل
التفت عبدالله وزفر متأكد أنه من طرف أبوها
أبو سلمان مد يده يصافحه: أهلا فيك أنت خالها
عبدالله ناظر فيه وابتسم: ايه أهلا فيك مشكور على إللي قدمته
وآشر على خالد: هذا ولدك
ابتسم أبو سليمان: إيه
عبدالله: مشكور أنتا وولدك
أبو سلمان : العفو هاذي بمقام بنتي
جا خالد وهو يلهث: الكلب راح ومالحقناه
عادل: لقطت رقم السياره لاتخاف
عبدالله ناظر عادل: وش جابك هنا
عادل توتر: لا بس جيت مع خالد وانتبه خالد لأخته
عبدالله ناظر فيه بتشكيك: والله
روحك السياره وأركب قدام بسرعه
عادل: بس
عبدالله بصراخ: لابس ولاحاجه روح بسرعه
خالد: ياعمي عزمت عادل لبيتنا
عبدالله ابتسم: معليش مرا ثانية أبغاه بشغله
راح عادل وهو شاد على قبضت يده
************************************************
في السياره:
مايا: جا عادل
مرح بإستغراب: عادل مين؟؟؟
مايا: نسيتي أخوي
مرح بتذكر: آآآآآآآآآآآآه أفتكرته وش جابه هنا
مايا بإستغراب هزت كتوفها: ماأدري
عادل فتح باب السياره وبعصبية صرخ بمايا: أنقلعي ورى
مايا قامت بخوف وهي خايفه منه ركبت ورى في المقعد الثالث عشان فرح تركب في الثاني
وعمت السياره الهدوء
*******************************************
عند عبدالله
رفع صوته عبدالله ينادي فرح لأنه مايقدر يروحلها وعندها البنت
عبدالله: فرح
فرح التفتت بس رجعت ناظرت رغد تتطمن عليها
رغد وهي جالسه: تقلعي أنا بخير
همستلها بأذنها: والله خالك حليوه
ضحكت فرح وودعت رغد وراحت عند عبدالله
حط يده على كتفها ودنق عليها: أنتي بخير سوا فيك حاجه
فرح نزلت نظرها بإحراج: لا
عبدالله: طيب خلاص لاتقولي لأمك سامعه
فرح: طيب
ودع عبدالله أبو سلمان وخالد اللي كان يساند أخته وشكرهم وأخذ رقم أبو سلمان ورجع السياره هو وفرح
*********************************************
في السياره بعد ماركبت فرح وطول الوقت ومرح تهمسلها بأسئله وفرح تأجلها الأسئله
عبدالله وجه كلامه للكل: اللي صار مأبغى أحد يدري في وخصوصاً شعاع
الكل: طيب
وصلو البيت وراس فرح شوي وينفجر من مرح وإزعاجها
عبدالله: عادل خلك أبغاك
بعد مانزل الكل
عبدالله: شوف ياولدي آسف إني صارخت عليك بس تنرفزت من الولد وبعدين عصبتني ليه جاي مدرسة بنات
عادل: لايبه كنا نمشي من هذاك الطريق ولمح خالد الولد يضرب أخته وراح يدافع عنها
عبدالله: المهم مأبغى حتى خيالك يعرف بالموضوع
عادل نزل راسه: إنشاء الله يبه
عبدالله: موقلت لقط رقم السياره
عادل: إيه
عبدالله طلع جواله وفتح على المذكره: أعطيني الرقم
عادل: الرقم 1567 الحروف م س ث
عبدالله مدله المفتاح: أنزل تغدى وروح عند خويك
عادل فرح: والله
عبدالله ابتسم: ترى أغير رأي
عادل نزل راسه: خلاص خلاص
ونزل من السياره وراح البيت شاف الباب مفتوح ونسي أنه البنات جوا دخل بتعب وصرخ على أمه
عادل: أمييييييييييييييييييييييي
صارخو بأعلى صوتهم: آآآآآآآآآآآآآآآآآآآآآآآآآ آآآآآآ
إلتفت عادل: آآآآآآآسف وطلع
جات شعاع ونهى وهى تركض : وش فيه
مرح وفجر: دخل عادل
نهى بعصبية: كم مره قلتله يستأذن مايفهم
آسفه مره
مرح وفجر: عادي
*************************
عادل كان واقف برى في الحديقه وهو مصدومه
عادل بصدمه: ماشاء الله مأعرف من فين جايبين الجمال بس مين اللي كانت معانا تذكر هذيك البنت قصيره مستحيل تكون هي وتذكر الثانيه اللي كانت ملامحها هاديه الظاهره هاذي بس لا أحسها غير هاذي باين قويه ماراح تسكت
زاح أفكاره لما شاف أبوه
عبدالله: ليه واقف هنا
عادل: البنات عند الباب
عبدالله: طيب أدخل من باب الضيوف
عادل: لا خلك معي يمكن يكونو قدامي
عبدالله ضحك: تعال تعال
نهى سحبته من أذنه: كم مره قلتلك أستأذن
عادل بألم: آآآآآآآآآآآآآآآآآآآيييييي ييييي آسف نسيت
نهى: كم مره بتقول هالكلام
عادل: يمه جوعان
نهى دفته: أدخل ولاأشوف وجهك فاهم
عادل: فاهم
ودخل
**********************************
بعيد في مكان آخر وبالتحديد في مقهى
الشخص الأول: كيف يعني خربت الخطه
رامي بتوتر: مأدري عمي كانت معاها بنت حاولت أبعدها بس طلعلي أخوها من تحت الأرض وبعدها أبوها وبالنهاية جا خال فرح
ضرب الشخص الأول الطاولة بعصبية وبصراخ: غلطان أعتمدت عليك روح عني أشوف وراح تتعاقب عليها
سحب رامي أغراضه وطلع برى المقهى
أما الشخص الأول جلس يزفر بضيق: الله ياخدك أنتي وأخوك دوووم تخربون خططي
********************************
عند رغد بعد ماخرجو من المستشفى كانت متمده على المقعد الخلفي بتعب
خالد التفت عليها:انتي بخير قال الدكتور بس رضوض
رغد رفعت ذراعها عن عيونها بتعب: الله يهديك قلتلك مافيني الا العافية ماتسمع كلامي
خالد التفت قدام: بس حيبت أطمن أكثر إ
رجع التفت عليها: إلا أقولك عرفتي سالفته
رغد حطت ذراها على عيونها: مين
خالد: مين يعني الزفت
رغد: ذاك اللي قال انه خطيب فرح
خالد: إيه
رغد: وش دراني عنه شايفتني متكيه معاه
خالد: مامنك فايده
حول نظره لقدام وتكا راسه على الشباك وهو يفكر فيه
رغد بداخلها: أقطع يدي إذا ماكان من طرف أبوها الله ياخذه بس
******************************************
عند البنات بغرفة فرح
مايا وهي نايمه بالعرض على سرير فرح: أموت وأعرف وش صار عشان عادل يعصب كذا
مرح نطت بحماس لما تذكرت: فروح أنتي كنتي في وش صار
فرح وهي تعلق عبايتها: ماصار شي
فجر قربت منها ومسكت كتفها: علينا بتقنعيني
فرح التفتت وابتسمت: أنتو صغار
صرخت مرح ونطت: لا يعني لا قولي
فرح: أعوذ بالله أكلتوني بقشوري
فجر: قولي ماراح نخليك تروحي لما تقولي
فرح زفرت بضيق: يوووووووووووووووووووه مزعجين
سحبوها فجر ومرح وجلسوها على السرير
مرح مسكت رجول مايا وسحبتها لين طاحت على الأرض وصرخت بأعلى صوتها من الألم
مايا جلست وهي ماسكه ظهرها من الألم: أعوذ بالله متوحشه
مرح: محد قلك تجلسي هنا
أشرتلها على كرس جنبها أجلسي هنا
مايا بعناد: مابي عاجبتني جلست الأرض
مرح: أحسن وإلتفتت تسمع لفرح
فرح: كنت أتكلم مع رغد وفجأ جا واحد وسحب يدي وفجأ حسيت بخوف وماحسيت باللي حولي وتمسكت برغد بعدين لما استوعبت شفته يسحبني ويقول إني خطيبته وجا أبو رغد وفهم الوضع ولما كان يتكلم معاه سحبني خالد أخو رغد ورماني على عادل وعلدل حطني عند رغد كنت من الخوف ماأحس بصوتي ورجولي
مرح صفرت وتكلمت بتشكيك: ماتحسي
فرح ناظرت فيها وصغرت عيونها
صفقت مايا: واو أخوي طلع بطل ساعدك
وبتعجب: بس كيف جو ودرو عنك
فرح هزت كتوفها بمعنى ماأدري وكملت: وبس وبعدها جا عبدالله وقاله إني كيف أكون خطيبته وبعدين هرب
فجر: لو كنت مكانك سطرته كفوف
مايا بخوف: يماما والله لو كنت مكانها راح أموت
مرح بحماس: فين الحماس لو كنت مكانكم كان كملت معه من البدايه إني خطيبته ورحت أشوف وشي يبغى
شهقت مايا
فرح بعصبية: نعم نعم
تلعثمت مرح من الخوف: آ...آ...آمزح
تداركت نفسها وتكلمت: وجع الواحد مايمزح معكم
فرح بشبه صراخ: أظن أنه هذا الموضوع ماينمزح فيه
مرح بدفاشة قامت: يووووووووووووووووه الواحد مايمزح معكم أبد
فتحت الباب وصدمت بجسم رفعت راسها
شعاع وهي تبتسم: أنتي فين عيونك
مرح بعصبية: ما أدري وخرجت
وقفها صوت صراخ شعاع
شعاع: مروح وبنات يلا الغداء
مايا قامت بسرعه وهي ماسكه بطنها: أأأأأأييييي بطني جوعانه
طلعو كلهم وفرح كانت بتطلع بس فجر مسكتها إلتفتت لها بإستغراب
فرح بإستغراب: نعم
فجر قامت وسكرت الباب والتفتت واتكأت على الباب وتكلمت بصوت خفيف: كان من طرف عمي صح
فرح نزلت راسها وهي تتذكر
رفعت راسها وابتسمت: لا
سحبتها وطلعو للغدا
فجر بداخلها: كثير أشياء ماهي داخله مزاجي وماأعرف ليه يخبونها عني
عند طاولة الطعام
نهى بزجر: خلاص ياماما سيب أنا أحطلك
سامر: بث ماما
(بس ماما)
نهى أعطته نظره وصرخت عليه: لابس ولاخرابيط أنطق مكانك وأنا أحطك
نزل ياسر راسه بحزن وبدت الدموع تتجمع بعينه
أم عبدالله بنهر: حرام عليك خليه على راحته
فردت يدينها وابتسمت: تعال حبيبي
ركض سامر لجدته وحضنها وجلس يبكي
رفعته أم عبدالله وحطته في حضنها: لاتبكي أنتى رجال
مسح سامر دموعه بسرعه: ثح أنا ردال
(صح أنا رجال)
الكل انفجرو ضحك
ماهر: رجال وتبكي
سامر بعصبية: أنت أثكت
(أنت أسكت)
أم عبدالله قرصت خدود سامر: عيب ياماما احترم أخوك الكبير
ناظرت ماهر بلوم: وانتى كمان أتركه بحاله على الأقل مو مثلك منطق كنك حريمه هنيا
مرح بحماس: جده ليه ماتسويلي زيه حرام شوفيني لسع صغيره
الجده بنهر وعصبية: أنتي انطمي اللي مثلك متزوجين قال صغيره قال اللي مثلك تطبخ وتكنس وتنظف متى بتعقلي
مرح تكتفت بملل: يوووووووووووه منكم طفش كبيره كبيره كبيره
ضربت الطاوله بعصبية: أنا عمري 13 لسا صغيره أجل عبدالله إلي عندها 5 بزران ويتصرف كذا وش تسمونه
أم عبدالله شهقت: هاااااااااااااااا ألا ياقليلت الحيا ماتحترمين أحد
شعاع بلوم: مرح أحترمي جدتك
مرح قامت وهي زعلانه: شبعت
وراحت غرفتها
قامت شعاع
أم عبدالله بنهر: أجلسي أشوف ياويلك تروحي لها خليها
شعاع: بس يمه
أم عبدالله: لابس ولا حاجه خلها تتأدب
زفرت شعاع بضيق وجلست
دخلو فجر وفرح
فرح بإستغراب تأشر لوراها: ماما إيش فيها فرح
صرخت أم عبدالله: أنطقو هنا ولاأحد أشوفه ييروحلها أو يذكر أسمها هنا
نزل سامر من حضن جدته بخوف وركض عند مقعده وجلس
أشرت شعاع لفجر وفرح يجلسو ويسكتو حالياَ
كان الغداء هادي حتى من صجت البزران
نهى بتذكر: يوووووووووه نسيت أحط غدا لعادل وعبدالله ماقالولي الله يصلحهم
نزلت راما ولحقت أمها
أم عبدالله: تعالي يابنتي كملي غداكِ
ناظرت راما بجدتها وتمسكت بأمها بخوف
نهى بضحكه: هههههههههههه الله يصلحها خلها ياعمتي هيا كذا
أبو عبدالله فرد يده: تعالي
دفنت راما وجهها بجلابية أمها
نهى حملتها: خلها ياعمي تتدلع بس
راحت دخل عبدالله وهو معصب: وين الغداء
نهى بخوف: دوبني قمت أحطلكم
عبدالله: ياسلام والآن تذكرتي حضرتك ولا لازم تملين كرشتك أول
انصدمت نهى منه مهما صار صح هي غلطانه بس مايتصرف كذا: خير خير موت جوع أنت وولدك ماني حاطه
عبدالله تكتف: لاوالله
وبعصبية: بتحطي غصباً عنك
قامت أم عبدالله بدفاع عن ولدها الوحيد بس مسكها أبو عبدالله وجلسها
قام وراح عندهم ينهي المشكله
أبو عبدالله ناظر عبدالله: خلاص أنتهى النقاش عبدالله البنت نسيت ماصار شي
ونهى أنتي غلطانه احترمي زوجك
نهى نزلت راسها احترام لأبو عبدالله: آسفه عمي بس أنت سمعت ولدك وكلامه يعني أنا كم عندي يد أجهز الأكل لكم وأحط لعيالي وأجيبله
أبو عبدالله بتفهم: فاهمك بس احترميه هو زوجك
صرخ عبدالله: بتحطي ورجلك فوق راسك
نهى بعصبية وصراخ: والله مأحط وأعلى مافي خيلك أركبه ويله وريني كيف
أشتعل عبدالله عصبية ورفع إيده وضربها كف
شهق كل مافي الصاله
مايا شهقت وحطت يدها على فمها
راما وسامر يبكون
وماهر وقف أكل ونزل راسه
فجر وفرح اللي ماحبو يعقدوا لمشكله سحبو سامر وراما ودخلو الغرف
أم عبدالله شهقت: هااااااااااااااا
وأغمى عليها
شعاع بفجه: يمه
راحت ركض وسندتها
التفت الكل بفجه لهم
ركض عبدالله لأمه ولما عرف أنها أغمى عليها ناظر فيها بعصبية
عبدالله بعصبية: شيلي قشك وأنقلعي على بيت أهلك والعيال بيقعدو عندي
أبو عبدالله بنهر صارخ: عبدالله
مايا نزلت دموعها غصب وراحت ركض عند أبوها وهي تترجى: بابا تكفى تراجع عن قرارك
عبدالله اللي معروف عنه لاعصب عصب مايعرف أحد دفها على الأرض بخشونه أنقلعي وناظر في نهى بعصبية : ما أبغى أشوفك
طلعت نهى لغرفتها تشيل أغراضها وهي تبكي وبنفسها: أنا اللي جبتها لنفسي لو كنت مطيعه بس خلاص خسرت عيالي اللحين
دخل عادل مفجوع: وش في
عبدالله صرخ فيه: وش جابك مو قلت لاتدخل لما أقولك
نزل عادل راسه
أبو عبدالله بعصبية: هذا الرجال اللي ربيته
أعطاه كف لدرجة خلى الكل يشهق ومايا زادت بكى
أبو عبدالله: روح لاأنتى ولدي ولاأعرفك روح لابارك الله فيك من ولد
عبدالله بترجي: يبه
أبوعبدالله: وصمخ مأبغى أشوف وجهك لما تصلح غلطتك
عبدالله: بس يبه...
قاطعه كف ثاني على وجهه:لاتنطق يبه على لسانك أنقلع
نزل راسه عبدالله والتفت يساعد أمه بس أبوه دفه بخشونه
أبو عبدالله بعصبية: كل من في هذا البيت أنتى مالك علاقه فيهم لما تصلح غلطتك
طلع عبدالله من البيت وهو معصب
شدن وهي تتكأ على الباب بتعب وخلفها مرح المفجوعه من الأصوات العالية
شدن بتعب: وش في
التفت الكل عليها
لمحت شدن أمها وشعاع تحاول تثبتها شهقت وصرخت: ماما
راحت ركض بس سرعان ماطاحت من الألم
راح أبو عبدالله بسرعه ورفعها: الله يسامحك ليه نزلتي
شدن وهي تبكي: ماما ماما
شهقت شعاع ودموعها على خدودها: يمه...
انتهى الجزء الأول من الفصل الثالث
ـــــــــــــــــــــــــ ـــــــــــــــــــــــــ ــــــــــــــــــــ تشوووووووووووووووويقة ـــــــــــــــــــــــــ ـــــــــــــــــــــــــ ـــــــــــــــــ
قتلتها قتلتها ياعبدالله
جثا على ركبه من الصدمه
فتحت عيونها على الأخير من الصدمه: من أول كان في معقوله ماحسيت فيه
شهقت لما شافتها بي هالحالة واندفعت لها
فتحو عيونهم على الأخير وهم يناظرو بصدمه
نزل عبدالله راسه ودفنه بين يدينه
^ توقعاتكم^
البارت الجاي بإذن الله الثلاثاء