10 والاخير
.................................................. .................
~ الحور ~
صحيت من النوم وأنا حاسه بنشااااااااط .. الله يامحلا النوم في المزرعه .. رفعت راسي وطالعت في البنات .. كلهم نايمين ..!
ولأن الازعاج يسري في دمي قمت لسكونوه وصرت أتكلم جنب أذنها عشان أزعجها ..
الحور: سوسو .. سكونه .. سكوني ..
سكون: هممممممم ..
الحور : امبااااااااع ..
سكون: وش ذا..؟ مين..؟
الحور: هذا البعبع قومي لا ياكلك ..
الا تبقق عيونها بقوه وتنط من السرير ..
الحور: ههههههههههههههه شفييييك لهالدرجه خفتي ..؟
سكون: الله يلعن ابليسك هذي انتِ ..؟ كنت احلم بكابوس وانتِ كملتي علي..!
الحور – فاطسه ضحك - : ههههههههههههههههههه ياربي طالعي في شكلك .. ههههههههههه اذا كل يوم الوليد بيقابل وجهك وهو كذا قسم بالله بينجن أخوي هههههههههههه
راحت قبال المرايا تناظر وجهها .. ولما انتبهت لشكلها كيف صاير شهقت شهقه شكبرها وطلعت من الغرفه ركض ع الحمام ..
غلا: أقوووول مو كأنا أعطيناكم وجه ..؟ ساعه تصارخون وانا اقول الحين يهجدون وانتو ابد ..! ياخي راعوا شوي تراني مانمت الا الفجر ..!
الحور: ههههههههه ول ول زين خلاص بطلع ..
طلعت ولحقت سكون اللي شكلها قبل شوي كان تحفه ..
شكلها نامت والكحل في عيونها ولما صحت صار الكحل حولها كأنها باندا .. وقسم ياعليها شكل يقتل من الضحك ..!
طلعت من الحمام وهي تناظرني بحقد ..
سكون: وانتِ بعدك تكركرين ..؟ من زين وجهك يعني ..؟
الحور: ههههههههههههه شحلاتي والله مو عاجبك والا مو عاجبك ..؟
سكون – بسخريه ونظرة استهزاء- : لأ .. مو عاجبني ..
الحور – بغرور - : وه بس .. من الغيره ..
سكون: وييييييييييييييييييه اغار من وشووو ياحسره ..؟ امشي بس قدامي امشي امشي ..
بعد ماغسلت وبدلت ملابسي نزلت مع سكون وكانوا الحريم جالسات برا عند الاشجار يفطرون ..
الحور + سكون : صباح الخيير ..
الكل : صباح النور ..
ام الوليد: هلا يمه تعالوا افطروا ..
جلسنا معاهم وانا صبيت لي كوب حليب وصرت أشربه ..
سكون: يمه الشباب صحيوا ..؟
أم فيصل: لا يمه .. ليش ..؟
سكون: هاه ..؟ لا يمه ولا شي ..
وطالعت فيني وغمزت .. بعدين استأذنت وقامت داخل .. انا مافهمت قصدها بس لحقتها ..
الحور: شصاير ..؟
سكون – وهي تلبس النظاره الشمسيه - : بنروح نلعب بالمراجيح ..
الحور: والله فكره ..! الشباب نايمين ماحد بيشوفنا .. انتظري ثواني ..
رحت الغرفه أخذت نظارتي ورجعت ..
سكون: يللا مشينا ..
رحنا للمراجيح وصرنا نلعب .. بصراحه .. شعور رووووووعه .. من زمان مالعبنا بحريه ..!
رن جوال سكونوه وحنا نلعب..
سكون: أوه .. ولودي صحى من النوم .. حوري بروح اكلمه وارجع لك زين ..؟
وراحت .. ههههههههه الله يهنيها هي وأخوي العاشق .. وش علي منها انا خلني انبسط ..!
الحور: الدنيا حلوه وأحلى سنين .. بنعيشها وحنا ياناس عاشقين .....
......................
~ تركي ~
كعادتي .. كنت اراقبها من بعيد وهي ماتدري .. صارت مراقبتها عاده عندي بدون ما احس ..!
شكلي بالنهايه بنهبل ..!
توني كنت بمشي الا واسمع شهقه من وراي .. وحده من بنات عمي ..!
سكون: تركي .. وش تسوي ..؟!
تركي: هاه ..؟ لا بس كنت مار من هنا ..
سكون: آها ..
الا بصوت ثاني بعد..
الوليد: تركي .. سكون.. وش تسوون..؟
سكون: لا ولا شي .. شفت تركي هنا وسلمت
شكلها عارفه اني كنت اراقب الحور عشان كذا كذبت ..!
الوليد: آها .. طيب يللا امشي ..
لما مشت بنت عمي قال الوليد..
الوليد: وانت يابو الشباب وش تسوي واقف هنا ..؟
تركي: ههه شوفة عينك اتمشى ..
الوليد: علييينا تتمشى ..؟
تركي: ههههههه شدعوه بوخالد ..!
الوليد: ههههههههههه أمزح معك .. يللا بلحق الخطيبه لاتروح ..
..........................
~ غلا ~
بالعصر .. الكل كان يتجهز عشان نرجع .. والكل ماكان له خلق لأن الجلسه بالمزرعه بصراحه ماتنمل ..!
جيت بركب سيارة ابوي الا سكون تناديني ..
سكون: غلاااااوي تعالي كلنا بنركب سيارة خالد ..
غلا: مين كلنا ..؟
سكون: يعني مين ..؟ احنا البنات ..! تعالي ..
غلا: بالله ..؟ وناااسه ..!
ركبت مع البنات ومشى خالد..
الطريق كان زراعي وفاضي عشان كذا كنا ماخذات راحتنا وكاشفات ..
الحور: خالد الله لا يهينك .. راشد ..
خالد: بدت الأوامر ..! طيييب من عيوني ..
سكون: نبي وحده ترقص عاد ..!
خالد: ايه زين بس لاتصجونا ..
شغل راشد سلآمات وعلّى الصوت وحنا بدت الهيصه عندنا على كيفكم .. نصفق ونغني ولو يمدي كنا رقصنا بعد ..!
سكون: إذا راد.. الزمن يجرح ولا يداوي اذا راد ..
غلا: ولو زاد.. العمر واحد ولا ينقص ولو زاد..
حنين: يطيووب .. أبي منك دقيقه ..
الحور: تشجع .. وقل لي بالحقيقه ..
وكذا كنا نتبادل الادوار وحنا نغني.. وأحيانآ نغني سوا.. وكانت النوافذ مفتوحه والجو جنااااااان..
مرت سيارة الوليد من جنبنا وتغطينا انا وحنين ..
الوليد – من نافذة السياره - : هاااه خلووود أشوف فالينها ..
خالد: والله مهوب انا هالمخابيل اللي معي..
الحور: خلووونا بكيفنا..!
الوليد: اقول انتِ.. ليه جالسه جنب حرمتي ..؟ تبين تخربينها ..؟
الحور – بشهقه - : أنا أخربها ..؟!!! سكووون اسمعي وش يقووول ..!
سكون: لالالا عيوني كل شي ولا الحور مارضى عليها انا ..!
الوليد: شنو شنو ..؟ وانا وين رحت ..؟
خالد: أقول بلا بخشمك ركز بالشارع قدامك مو ناقصين حوادث ..
الوليد: ههههههههههههه متعقد خالد .. يللا سلاااااام ..
سكر النافذه وسرع السياره وصار قدامنا.. واحنا رجعنا للهبال والاغاني ..
غلا: خالد بالله وحده ثانيه ..
خالد: أوهووووو علينا .. صدق ماتنعطون وجه ..! شتبون بعد ..؟
حنين: امممممم جاني حبيبي ..
غلا: ايوه صح ذي حلوه ..
خالد: طيب طيب..
البنات – مع الاغنيه - : جااني حبيبي من بعد غيبة سنين .. يقوول سامحني .. برد لمكاني ..!
وآنا وربي ماتشافيت للحين .. للحين وآنا .. من جروحه أعاني..!
خالد: أقول يللا تغطوا .. بندخل الشارع العام الحين ..
البنات : أووووووف ..
خالد: احمدوا ربكم عطيناكم وجه بعد ..!
غلا: ياااااااابعد قلبي ياعمي .. تسلم لنا والله ..
خالد – باستهزاء - : الله يسلمك غناتي ..
وصلنا خالد ع بيوتنا وأنا أول مادخلت البيت أخذت شاور وبعدين رميت حالي ع السرير وفي سااااااااابع نومه ..!
...........................
~ فيصل ~
ترددت .. بس في الأخير تشجعت وطقيت الباب ..
سكون: تفضل ..
فتحت الباب وطليت براسي .. كانت سكون ماسكه مجله تتصفح فيها..
فيصل – بابتسامه - : مشغوله ..؟
قفلت المجله وابتسمت ..
سكون: لا تفضل ..
دخلت وسكرت الباب وراي وجلست على كرسي الكومبيوتر ..
سكون: شصاير ..؟ أخووي فييصل متكرم علينا بزياره اليوم ..!
فيصل: تتطنزين هاه ..؟
سكون: لا بس مو من العوايد .. آمر ..
فيصل: مايامر عليك عدو .. سكون أبي أطلبك طلب ..
سكون: آمر فيصل ..
فيصل: امممممم .. سكون أنا أبي أخطب ..!
رمشت بعيونها كنها مو مستوعبه ..
سكون: هاه ..؟ من جدك انت ..؟
فيصل: أجل أمزح ..؟
سكون: طيب يعني .. تبيني أشوف لك وحده ..؟
فيصل: لالا ..أنا .. شايف لي وحده ..
سكون: أحلى أحلى .. ومنهي سعيدة الحظ ..؟
فيصل: غلا ..!
سكون: تمززززززح ..!
فيصل: لا مامزح ..
سكون: اذا علي انا .. مابتلقى أحسن منها .. انت قلت لأمي ..؟
فيصل: لا.. وعشان كذا انا جاي لك ..
سكون: طيب ..؟
فيصل: أبيكِ تجين معي اذا كلمت أمي.. كمشاركه وجدانيه يعني هههههههه ..
سكون: هههههههههههههههه أما انك ..!
فيصل: لا يعني عشان لو لاقيت منها اعتراض انتِ تقنعينها ..
سكون: آها .. طيب من عيوني ..
فيصل: تسلم عيونك ..
سكون: طيب متى بتقول لأمي ..؟
فيصل: الحين اذا تبي ..
سكون: أنا فاضيه .. عادي ..
فيصل: يللا أجل ..
..........................
بعد أسبوع
~ غلا ~
أدري ان الكل بيقول عني جريئه .. بس هالشي لازم ..
وإذا ماسويته مابرتاح ..!
نزلت الصاله لأبوي وانا اشجع نفسي ..
جلست قباله واخذت نفس طويل ..
غلا: يبه ..
بو فارس: هلا يبه ..
غلا: يبه أنا مبدئيآ .. موافقه على ولد عمي .. بس قبل .. آآآ .. قبل أبي ..أكلمه..!
تغيرت ملامح أبوي .. بس بعد لحظات تفكير ..
بو فارس: مع اني مستغرب من هالطلب ياغلا .. بس لأني واثق فيك .. ولأن هالشي من حقك .. بس قبل ماوافق .. ابي اعرف ليش ..؟
غلا: أبي أسأله عن شي .. وصدقني يايبه المكالمه مابتتعدى هالسؤال ..
سكت أبوي لحظات وهو يفكر .. بعدين تنهد ورد علي ..
بو فارس: ماراح اقول لك لا .. بس لأني واثق فيك ..
غلا: مشكور يبه ..
بست راسه بعدين تركته ورحت ع الغرفه وانا استعد للحظه الاصعب..
كنت اقدر اسوي هالشي بدون ما آخذ اذن ابوي.. بس ماكنت أبي أخون ثقته فيني .. عشان كذا استأذنت منه قبل ..
سميت بالله ودقيت ع الرقم اللي محفوظ عندي من زمان وقلبي يدق بقوه وبسرعه ..
فيصل: ألو ..
غلا:............
فيصل: ألـو ..
غلا: آآآ .. السلام عليكم ..
فيصل: وعليكم السلام ..؟؟؟؟
غلا: فيصل .. أنا غلا ..
فيصل: هلا .. هلا والله غلا شلونك..؟
غلا: آآآ فيصل .. معليش على اتصالي بس انا استأذنت من ابوي قبل..
حسيت جملتي سخيفه بس عشان مايفهمني غلط..
فيصل: آها ..آمري غلا ..
غلا: فيصل.. خلني أكون صريحه معك .. قبل ما أوافق عليك .. أبي أعرف شي ..
فيصل: اللي هو ..
غلا: احم.. هو يعني.. كيف أقول .. فيه مره أنا ..كنت .. في .. كنت في بيت جدي بالحديقه تكلم ..
فيصل: طيب ..؟
غلا: كنت تكلم .. بنت ..!
.............................
فيصل ~
مفاجأتي من اتصالها ماجت قد مفاجأتي من جملتها ..!
انربط لساني وماعرفت وش اقول ..
غلا: فيصل .. كل اللي ابي اعرفه .. انك توضح لي اذا كنت فاهمه غلط أو لا ..
فيصل: احم .. لا ماكنتي فاهمه غلط ..!
غلا – صوتها بدا يتغير - : شلووون ..؟ أجل ليه خاطبني ..؟
فيصل: غلا .. لو ماكنتِ سألتيني كنت بقول لك كل شي بعد الملكه .. بس بما انك سألتيني صار لازم أوضح لك.. غلا أنا قبل فتره تعرفت على وحده.. ما أنكر هالشي .. بس الحمد لله الحين انا تركت هالطريق .. ولو ماكنت تركته .. ماكنت بتجرأ وبخطبك .. مهما كان انتِ بنت عمي ومابرضى عليك ..
غلا: متأكد ..؟
فيصل: متأكد وأحلف لك بالله العظيم .. والحين قولي لي .. موافقه والا لا ..؟
غلا: احم .. أنا وعدت أبوي ماطول المكالمه .. مع السلامه ..
وقفلت .. ههههههههه والله وطلعتي موهينه ياغلا ..
أذون أرنب ..! أجل يبغا لي انتبه اذا تزوجتها ماسوي شي من هنا والا من هنا ..
شفييكم أمزح معاكم ..!!
........................
بعد اسبوعين
في بيت بو فارس يوم ملكة غلا
~ غلا ~
حلم الطفوله .. اللي كنت أخاف افكر فيه وبعدين مايتحقق .. واللي كنت اظن انه انتهى بمكالمه سمعتها .. الليله تحقق ..!
لحد الحين ماني مصدقه .. فيصل .. راح يكون زوجي ..!
كان فيصل بالنسبه لي حلم ..حلم بعييييييييد .. أتمنى انه يتحقق لكن ماكنت اصدق انه فعلآ ..بيتحقق ..!
سمعت صوت امي تقول للحريم يتغطون عشان فيصل بيدخل ..
قلبي قام يدق بقوه .. أنا خلاص صرت زوجته الحين ..!
ياربي ماني مصدقه ..!
دخلوا أبوي وجدي أول ..بعدين دخل فيصل ..
كنت مستحيه منه موووووووووت .. سلم علي وباس راسي بعدين جلس جنبي..
فيصل: مبروك غلا ..
غلا – بصوت مو مسموع - : الله يبارك فيك ..
بعد شوي لبسني الدبله والشبكه وصورتنا المصوره كم صوره ..
بعدها أمي دخلتنا غرفه منفصله عن الحريم..
لما صرنا لحالنا أنا صرت أرتجف بقووه..
فيصل: غلا ..
غلا: هاه ..؟؟
فيصل: شفيكِ ترتجفين ..؟ ترى ماباكلك ..!
غلا: احم ..هه.. لا بس .. مادري ..!
فيصل: مستحيه مني يعني ..؟
هزيت كتوفي بـ مادري ..
فيصل: طيب ارفعي راسك ابي اشوف وجهك ..
هزيت راسي .. بـ لا ..!
فيصل: هههههههه شفيكِ غلا ..؟
حسيت حركاتي هبله وطفوليه.. بس والله كانت طالعه عفويه مني ..!
مسك ذقني بطرف أصابعه ورفع راسي شوي وانا الدم كله تجمع في وجهي من الاحراج ..
وأول ماصارت عيني في عينه أنا حبست أنفاسي أما هو تنهد بقوه ..وصار يتأملني للحظات ..
فيصل: تدرين غلا .. ماكنت أدري انك قمر وحلوه كذا ..!
نزلت عيوني وصرت اطالع في اصابعي اللي تلعب في حضني ..
فيصل: طالعيني غلا .. أبي أشوف عيونك ..
ماطعته طبعآ ..!
قرب مني أكثر وباس جبهتي ..!
ياااااربي ويقولون اني جريئه ..! ماشافوا الاخ اللي جنبي شقد جريء ..!
فيصل: غلا ..
غلا : هلا ..
فيصل: أمشي يعني ..؟
رفعت راسي بدون تفكير ورديت بسرعه ..
غلا : لا .. هاه .. مادري ..
انتبهت لنفسي ورجعت نزلت راسي ووجهي أحسه بيحترق من الاحراج ..
فيصل: ههههههههههههه مدام لا أجل ليش مستحيه كل هالقد ..؟
غلا: مادري..
فيصل: لا خلاص بمشي .. أصلآ الحين ان مامشيت بيطبون علي وبيمشوني غصب ..
غلا: طيب براحتك ..
فيصل: يللا مع السلامه ..
وباس جبهتي مره ثالثه وطلع ..
أول ماسكر الباب أنا رفعت يد لقلبي أتحسس نبضه .. ويد لخدي .. أتحسس حرارته ..!
وأنا أطالع في المكان اللي كان جالس فيه مو مستوعبه شي ..!
.............................
~ بعد سنه ~
في واحد من أفخم وأرقى فنادق الشرقيه .. كان فيه عرس .. جمع بين ثنتين .. اذا ماقلنا خوات .. فهم أكثر من خوات ..
كان عرس .. سكون والحور ..
اختاروا ان يكون عرسهم بيوم واحد عشان يتزوجوا سوا زي ماعاشوا كل حياتهم سوا ..
الحور خطبها تركي قبل 6 شهور تقريبآ .. ووافقت ..
بعد ماكانت بترفض في البدايه .. بس ماندمت انها وافقت لأنها اكتشفت ان تركي انسان رائع لأبعد الحدود .. رغم حركاته معاها في البدايه ..!
كانت كل وحده من العروستين آيه في الجمال.. في الفستان الابيض والميك اب السموكي الناعم ..
معظم اللي شافوهم ماخطر ببالهم انهم بنات عم نظرآ للشبه اللي بينهم .. الكل توقع انهم خوات..
وفي وحده من الطاولات .. كان حولها 4 وجوه مألوفه لنا .. ووجه خامس جديد ..
غلا: أقول حنين .. شخبار كرشـ ... آآآ قصدي البيبي ..
حنين – ويدها على بطنها المنتفخ - : كرشه بعينك .. اشوف فيك يوم يالدبه ..
عليا : يللا عاد شدي لنا حيلك وجيبي لنا بنوته حلوه لعبودي..
ملاك: لا عبود انا اللي بتزوجه ..
عليا: تخسين الا انتِ كبر امه وتتزوجينه..
ملاك: هههههههههههههه حشى بتاكليني خلاص زين ..
عليا صار عندها ولد سمته عبد الله .. مثل القمر (الوجه الجديد) ..
كان جالس يسمع السوالف ومو فاهم شي..
غلا: شوفي عاد حنينوه ..من الحين اقول لك .. عرسي
الشهر الجاي .. مو تولدين فيه وبعدين ماتحضرين ..
حنين: حرام عليك توني في السادس لاتفاولين علي.. وبعدين لو ولدت أمر الله يالخبله ..!
غلا: لالا عيوني ان شاء الله لو تولدين بيوم العرس بتحضرين يعني بتحضرين..
حنين: والله انك وحده هذاره .. ماقول الا الله يعين فيصل عليك..
غلا: يموووت على هذرتي ..
حنين: زيييييين بس فكيني منها وفريها له ..!
وبعيد عنهم .. بقاعة الرجال.. كان فيه قلبين .. كل قلب فيهم ينبض بسرعه ..وبترقب ..
الوليد كان اليوم اسعد ايام عمره .. أخيرآ راح يجتمع بالانسانه اللي حبها من صغره وبيعيش معاها في بيت واحد..
كانت الدنيا مو واسعته من الفرح ..
وتركي مايقل عنه فرح .. حتى لو حبه مازال جديد ..بس هو يعشق الحور ويحبها ..
وبعيد عن هذول كمان .. كان فيه قلب ينبض.. بس هالقلب كان حزين ..
يشوف كل أولاد أخوه تزوجوا .. وهو البنت الوحيده اللي يبيها رفضته..
ماكان يغار .. لا .. كلنا ندري ان هالصفه بعيده عن خالد.. بس مهما كان .. هالشي حاز بقلبه..
بعد ساعه .. وبعد مادخلوا المعاريس لقاعة الحريم ..
كانت عيونه تتنقل على الكل.. في محاوله يائسه منه انه يلقاها .. بس مايدري ليش قلبه يقول له انها مو هنا ..مو داخل ..
عشان كذا ترك الكل وطلع عند مدخل القاعه ..
لقى بنت واقفه هناك بعبايتها ومتغطيه ..
بس قلبه أكد له انها هي ..
خالد – بتردد - : مـ ..ملاك ..؟
دارت له بعيون حزينه ..
ملاك : خالد ..
خالد: ليش واقفه برا ..؟
ملاك: هاه ..؟ لا بس كذا ..
ملاك لما شافت خالد دخل القاعه ماقدرت تتحمل انها تطالع فيه وهي تحس انها ضيعته من يدها .. بعد الحادث اللي صار له عشانها.. تأكدت ان تفكيرها عنه كان غلط ..
رغم انها مازالت ماتعرف سبب اللي سواه.. بس هم متأكده ان مستحيل هالتصرف يكون متعمد من خالد ..
خالد: ملاك .. ممكن سؤال ..؟
ملاك: تفضل ..
خالد: معليش اذا اعتبرتي سؤالي جريء .. بس.. انتِ .. ليش رفضتيني ..؟
تجمعت الدموع في عيونها وماعرفت ترد .. عشان كذا هزت كتوفها بيأس ..
خالد: جاوبيني ملاك وصدقيني مهما يكون السبب مابزعل ..
ملاك: خالد .. انت تتذكر .. ميمي ..؟
بانت الصدمه بملامحه ..
خالد: هـ .. لا ..لاتقولين انتِ ..!
غمضت عيونها عشان تمنع الدمعه انها تنزل .. وهزت راسها ..
ملاك: أنا ..أنا ياخالد ..
خالد – بعد سكوت لحظات - : ملاك .. اسمعيني .. انا ما انكر اني غلطت .. بس كنت وقتها طفشان من الدنيا .. ماكنت عارف وش اسوي ..بعد ماكلمتك اول مره .. دخلتي مزاجي .. واسمحي لي على هالكلمه .. بس انا حبيت اسلوبك .. كنت كاره نفسي على اللي اسويه .. بس كلما اشوفك ماكنت امنع نفسي اني اكلمك..بس الله يشهد علي اني ماكلمت بنت .. لا قبلك .. ولا بعدك ..
ملاك: مايحتاج تبرر خالد.. أنا عرفت هالشي بعد الحادث.. وعلى طاريه ..أنا آسفه ..
خالد: لالا ..لاتعتذرين ..- واخذ نفس - ملاك .. تتزوجيني ..؟
ملاك – بصدمه - : كيف ..؟
خالد: تتزوجيني ..؟
رفعت عيونها له بأحلى ابتسامه شافها بحياته .. وبهاللحظه .. حس ان الدنيا كلها ابتسمت بوجهه ..عشان كذا ..
رد ابتسامتها .. بابتسامه أكبر منها ..
النهايه