بدموع الحزن بسماتي - الفصل 9 - بقلم زهرة القمر - مكتملة | روايتك

.................................................. ........... ~ غلا ~ مرت ساعه من طلع جدي وللحين مارجع.. ولا اتصل.. ياربي من زود الخوف ماني قادره أتحرك ولا أتكلم ولا أسوي شي.. وجه جدي لما كان بيطلع ماكان يطمن.. يعني شقال له الدكتور..؟!! جدي ماقال لنا شي.. بس قال.. بروح المستشفى لأن الدكتور يبغاني.. يارب خير يارب.. أم فارس: غلا يمه.. مابتاكلين شي..؟؟ ماكليتي شي من أمس.. طالعت في أمي بعيون ذابله ومليانه دموع ومارديت عليها.. أم فارس: حبيبتي.. أقلها لقمه لاتموتين.. غلا: مابي يمه مابي.. أم فارس: الله يهديك بس.. وقامت عني.. بعد شوي جات حنين وجلست ع الكنبه جنبي.. وبدون ما اطالع فيها.. غلا: ماتصل جدي..؟؟ حنين: لا.. لسه.. غلا: اتصلوا فيه..؟؟ حنين: ايه.. بس مايرد.. غلا: وفارس وين..؟؟ حنين: فارس هنا مع محمد وتركي.. الوليد وفيصل راحوا مع جدي.. غلا: آها.. سكون: صباح الخير.. غلا+حنين: صباح النور.. سكون: ماصار شي..؟؟ جدي ماتصل..؟؟ غلا: لا.. بعد خمس دقايق جات الحور وجلست معانا وهي تناظر ساعتها.. الحور: بيكمل جدي ساعتين.. سكون: يارب خير.. غلا – من قلب - : يااااااارب.. انفتح باب الصاله.. كان جدي.. كل العيون تركزت عليه.. كان موطي راسه وعلى وجهه نظرة حزن.. لا ياربي.. لا.. الجده – بلهفه - : هاه سلطان.. رفع جدي عيونه لها.. وبثانيه.. انرسمت على وجهه أحلى ابتسامه شفتها بحياتي..!! الجد: صحي يا أم يوسف.. صحي.. وقفت من مكاني.. وعيوني وفمي مفتوحين لآخر شي.. أبي أستوعب اللي قاله جدي.. أكيد ماسمعت زين..!! وبدون ما أحس.. ولأول مره أسويها.. ركضت لجدي وحضنته وأنا أبكي.. هالمره من الفرح.. مو من الحزن.. غلا: الحمد لله ياربي.. الحمد لله.. جدي رجع خالد..عمي رجع..!! الجد: رجع حبيبتي رجع.. بعد شوي تركني جدي.. ودار عيونه علينا كلنا.. وشاف شلون الفرحه مرتسمه بوجوهنا.. بعدين ركز عيونه على الوليد وعبس بوجهه.. الجد: ماقال لكم الوليد..؟؟ أنا قلت له يتصل..!! الوليد – بإحراج - : كح كح.. احم.. هو شسمه.. من الفرح يعني.. ماعرفت أتصرف.. ضربه جدي بخفه على كتفه.. الجد: وتخليهم كذا خايفين..؟؟ الوليد: ههه معليش اعذروني.. نعذرك..!!!! كنت بنط في حلقه وبذبحه..!!!!!!!! الجده – وهي تمسح دموعها - : وهو بخير الحين..؟؟ الجد: يقول الدكتور.. اللي بنفس حالته نادرآ اذا صحيوا على طول.. بس الحمد لله.. غلا: زين جدي متى نقدر نزوره.. الجد: الليله بوقت الزياره.. يللا أنا بصعد الغرفه أرتاح شوي.. تمسون على خير.. الكل: وانت من أهل الخير.. .................................... في الليل بالمستشفى وبالتحديد في غرفة خالد ~ الحور ~ كنا ملتفين حول خالد والدنيا مو واسعتنا من الفرح.. خالد رجع ياناااااااااس..!!!!!! خالد: هالحين أنا أشوف اني ملفوف أبيض فـ أبيض من فوق لتحت.. فهموني ايش السالفه..!! عليا: هذا عشان الجروح والكسور يحظي.. مايبي لها فهم..!! خالد: وااااااااال.. حرام..!! هالحين يدي ورجلي مكسورين.. وش بقى بعد..؟؟ غلا: خشمك..!! خالد: كان آخذ خشمك انتِ أم الشباب.. غلا: يفداك والله.. خالد: هيهيهيهيييييييييييه.. صايره كريمه الأخت..!! ماكمل جملته الا ومسك راسه بقوه كأنه يحس بصداع قووي.. ياقلبي عليك ياعمي شكله راسه بقوووه يعوره.. حنين: عمي تبي أنادي لك النيرس..؟؟ خالد: لالا ماله داعي.. الصداع يروح ويجي عادي.. بعد ربع ساعه تقريبآ طلعنا من المستشفى وتركنا خالد.. وأنا أول ماوصلت البيت صعدت لغرفتي ورميت حالي ع السرير وخمدت..!! .............................. بعد شهرين تلخيص الاحداث خالد طاب تقريبآ.. الوليد وسكون تملكوا.. وأم الوليد بعد المعارضه بدت ترضخ للأمر الواقع.. والاختبارات توها خلصت.. وبدت اجازة عيد الأضحى << الاجازه أم اسبوعين وبهالمناسبه العايله كلها طالعه للمزرعه.. ............................. ~ سكون ~ آآآآه بس محلاها طلعة المزرعه بعد تعب الاختبارات.. كنت جالسه جنب المسبح ومعي عليا..أما باقي البنات كانوا يسبحون.. الحور: سكنوه والله بيفوتك.. الماي يهبل.. سكون: لاتكفين مابي.. مالي خلق الحين.. عليا – بسخريه - : خبله.. والله انا لو مو خايفه على عبودي نزلت.. وحطت يدها على بطنها تتحسس (عبودي) يازعم.. سكون: مره ثانيه.. بس الحين والله مالي خلق.. الحور: مالك خلق هااااااه..؟؟ بنااااات.. تعزيزااات.. مانطقت هالكلمه الا وغلا وحنين ومعاهم هي طبعآ ماسكيني كل وحده من طرف.. وطيييييييخ طاخ طوووخ.. وبالمسبح.. سكون – تكح من الماي -: كح كح.. الله يلعن ابليسكم.. مو كذا عااد..!! الحور: كذا عاد والا كذاك.. شي مايخصك.. سكون: ليه عاد..؟؟ وشو انا مسويه..؟؟ الحور: أبد.. اسبحي وانتِ هاجده.. عليا: هههههههههههههههه ياحلاتكم بس.. الحور: اقول لمي ثمك لا تلحقينها انتِ بعد.. عليا: لالا عيوني ..أنا حمودي مايرضى علي.. سكون: لا تكفين عاد..أنا اللي ولودي يرضى علي اجل..؟؟ عليا: لا بس انا حاله استثنائيه عشان عبودي.. رن جوالي اللي كان ع الكرسي بنغمة بتمون اللي كنت حاطتها لولودي .. جيت بطلع من المسبح الا الحور تطش الماي علي.. سكون: هييي وجع دخل في عيوني يالدبه.. الحور: احسن تستاهلي.. ماسمعت الجوال يرن الا بتطير.. سكون: ايه اجل تبيني اخلي ولودي واظل مقابله وجهك..؟؟ طلعت من الماي واخذت الجوال ورديت.. سكون: هلا وغلا.. الوليد: يالبى هالصوت والله.. وحشتيني.. سكون: وانت اكثر.. الحور: أحلى أحلى.. أقول روحي مكان ثاني انتِ وخشتك.. سكون: مالك شغل انتِ الوليد: منهي ذي..؟؟ سكون: الحور.. الوليد: قولي لها يقول لك الوليد جـــــب.. سكون: يقول لك الوليد جب.. الحور: قولي له هين اللي يوصل مسجاتك ثاني مره.. الوليد: قولي لها الله يخلي الجوالات ماني محتاجنها.. سكون: والله وشغلتوني مرسال بينكم..!! الوليد: ههههههههههه.. أقول سكوني.. سكون: عيونها.. الوليد: ابي اشوفك.. سكون: متى..؟؟ الحين..؟؟ الوليد: ايه الحين.. سكون: وين..؟؟ الوليد: انا عند الخيول الحين.. انتظرك هناك زين..؟؟ سكون: طيب انتظرني بس ربع ساعه وبجيك.. الوليد: ول واجد ربع ساعه.. سكون: هههههههههه لأن توني طالعه من المسبح.. الوليد: أوكي حبي أنتظرك.. باي سكون: باي.. أخذت شاور ع السريع وبدلت ملابسي ولبست العبايه وطلعت.. وصلت عند الخيول ولقيته واقف هناك.. حبست انفاسي لما شفته.. كان يهببببببببببل بوقفته.. وبكل شي.. لابس بنطلون جينز وقميص ابيض.. وكاب ونظاره شمسيه.. طالع مع شعره اللي طولان شوي جناااااان.. قربت منه وابتسم لي احلللى ابتسامه.. الوليد: هلا والله بقمري.. سكون: هلا بك.. صار يطالعني بنظره تفحصيه وهو عابس حواجبه كأنه يفحص عينه في مختبر.. سكون: ههههههههههه شفيك تطالعني كذا..؟؟ مد يده وسحب نظارتي الشمسيه.. الوليد: شيليها..أبي أشوف عيونك.. مديت يدي انا بعد وشلت نظارته.. سكون: انت بعد مو بس انا.. صار يطالع عيوني ويتأمل فيها.. وأنا كلما لي ووجهي يحترق.. الا ويصهل الخيل اللي جنبنا..!! الوليد – بقهر- : انننننعن شكلك خربت الجو..!! سكون: هههههههه حرام عليك.. الوليد: لا حرام عليه هو.. كان وجهه يضحك.. صاير كأنه طفل معصب.. هههههههههههه الوليد: فديت هالضحكه والله.. رجع الحصان يصهل مره ثانيه.. الوليد: أوهووووو.. ماتسكت انت.. سكون: هدي حبيبي تراه مايفهم.. الوليد: الا يفهم ومتعمد يعاندني.. سكون: هههههههههههه الوليد خلاص بموت من الضحك..!! الوليد: لا..اذا متي من يبقى لي..؟؟ سكون: الوليد..انتبــه..!! الوليد: وشو..؟؟ سكون: تراه بيصهل مره ثانيه..!! الوليد: يادبـــــه..!!!!