بدموع الحزن بسماتي - الفصل 8 - بقلم زهرة القمر - مكتملة | روايتك

................................................. ..... ~ الوليد ~ دخلت البيت أنا والحور والصراخ بين أمي وأبوي واصل لآخر الدنيا.. دخلنا الصاله وسمعنا الكلام اللي داير بينهم.. ابو الوليد: ياحرمه استهدي بالله ولاتكثرين الحكي.. أم الوليد: وانت واعدني.. واعدني ياطلال انك تكلم الوليد بموضوع بنت خالته..وبعدين تخطب له بنت عمه بدون حتى ماتشاورني..!! ابو الوليد: اللهم طولك ياروح.. ماتسكتين يامره.. قربت من أمي وأبوي أكثر عشان ينتبهون لي.. الوليد: يمه.. أنا اللي قلت لأبوي يخطب لي بنت عمي.. أم الوليد: شلون.. أنا كلمت خالتك عشان بنتها.. الحين وش بتقول..؟؟ حاولت أمسك نفسي..مهما كان هذي أمي.. الوليد: يمه.. أنا ماني بزر تخطبين لي بدون ماتسأليني..أنا اللي اقر رمين ابي ومين ما ابي.. وبنت اختك هذي انا مابيها..وغير بنت عمي مستحيل آخذ.. تركتها وركبت لغرفتي وانا واصل حدي.. أخذت نفس طويل عشان أهدى شوي.. عارف ان اذا امي عارضت شي راح يجي وراه مشاكل.. الله يعيني..ويعينك يابنت عمي.. ............................... ~ ملاك ~ بعد صدمة الايميل.. صدمتني غلا صدمه ثانيه اعظم.. غلا: الا على طاري خالد..ملاكوه.. ملاك: هلا.. غلا: خالد كلمني أسألك عن شي.. ملاك: اللي هو..؟؟ غلا: امممممممممممممممم هو ناوي يخطبك.. بس قال لي أسألك رايك قبل يتقدم رسمي.. انصدمت بقوه.. لو سألتني هالسؤال قبل دقايق كنت وافقت بدون تفكير.. بس الحين.. مادري..!! ملاك: والله فاجأتيني..مادري وش اقول.. خليني افكر بالموضوع وبعدين ارد لك خبر.. غلا: طيب حبيبتي خذي راحتك.. بعدين لما رجعت البيت ظليت افكر بالموضوع.. ليش كذا.. خالد عم غلا اللي كنت من جد معجبه فيه يكون نفسه هو خالد اللي كلمته مره على اساس انه صاحبتي ريم..!! ياااااااااااااااربي راسي صدع من كثر التفكير.. ايش يخليني اضمن انه زي ماكلمني ماكان يكلم بنات غيري..؟!! غطيت راسي باللحاف في محاولة يائس هاني انام غصب بس مافيه فايده.. رجعت رفعت اللحاف وفتحت الأبجوره اللي جنبي وتربعت على السرير وحطيت يديني على خدي وانا مبرطمه مثل الاطفال.. أففففففف.. مادري ياربي وش اسوي.. كل شي قاعد يقول لي.. ارفضي..!!!!!!!! ............................... ~ محمد ~ صحيت من النوم على صوت غريب.. طالعت جنبي مالقيت عليا.. رفعت راسي وسندت جسمي على يد وحده ويدي الثانيه فركت فيها عيوني عشان اصحصح واستوعب الصوت اللي اسمعه.. كأنه جاي من جهة الحمام.. قمت من السرير ورحت هنام..وانا اسمع صوت كحه وشهقات قويه.. طقيت الباب بخوف.. محمد: عليا.. عليا حبيبتي شفيك..؟؟ ردت علي بكحه متواصله وبعدها شهقت شهقه قويه.. محمد: عليا حبيبتي افتحي الباب.. عليا.. مسكت يد الباب احاول افتحه بس كان مقفول.. رجعت اطقه.. محمد: عليا افتـ...... ماكملت كلامي وانفتح الباب..وطلعت عليا.. كان وجهها اصفرررر وعيونها ذااابله..قلبي فقد دقه من دقاته لما شفتها كذا.. محمد: عليا حياتي شفيك..؟؟ ماردت علي بس طالعت فيني..وثواني الا هي طايحه بحضني.. محمد: عليا..عليا حبيبتي.. حملتها وحطيتها ع السرير وانا احاول اصحيها.. والله حسيت نفسي ابي ابكي..!! أول مره اشوف عليا كذا..!! محمد: عليا.. عليا: همممممممم محمد: عليا حياتي شفيك..؟؟ عليا: محمد.. محمد: ها عمري.. عليا: تعباااااااانه.. محمد: عمري أوديك المستشفى..؟؟ عليا: هممممممم تركتها وجبت عبايتها ولبستها أي كلام بعدين سندتها علي وصرت امشيها.. ولو بكيفي حملتها بس احراج في الشارع قدام الناس.. وصلت السياره وركبتها وركبت أنا ومشيت وأنا عيوني شوي عليها وشوي ع الشارع.. ياربي مادري وش فيها..!! توها البارح مافيها شي مدري وش جاها.. وصلت المستشفى وساعدتها عشان تنزل.. ولما دخلتها عند الدكتوره طلبت مني أنتظر.. وبعد ساعه انتظار.. كنت جالس فيها على أعصابي.. نادتني الدكتوره والابتسامه شاقه الحلق.. خير ان شاء الله أم الشباب..؟!! الدكتوره: عليا زوجتك صح..؟؟ محمد: ايه زوجتي.. الدكتوره: مبروك..ألف مبروك.. محمد: خير دكتوره..؟؟ الدكتوره: عليا حامل.. محمد – بعباطه - : هاه..؟؟ الدكتوره: ههههههههههههههه زوجتك حامل.. محمد – بفرح - : مـ.. من جد..؟؟ الدكتوره: ايه والله من جد.. محمد: والحين كل هالاغماء والحاله اللي فيها من الحمل..؟؟ الدكتوره: تقريبآ..لأن عندها ضعف عام وسوء تغذيه والحمل زاد عليها.. عشان كذا انت لازم تنتبه لها وش تاكل وش ماتاكل..عشان سلامتها وسلامة البيبي.. محمد: طيب..طيب الحين اقدر اشوفها دكتوره..؟؟ الدكتوره: أكيد..تفضل.. دخلت الغرفه.. كانت عليا على السرير وابرة المغذي بيدها.. رفعت عيونها لي أول مادخلت.. قربت منها وبست جبهتها.. محمد: شلونك حبيبتي الحين..؟؟ ابتسمت أحلى ابتسامه شفتها بحياتي ورفعت يدها ومسكت يدي.. عليا: أحس حالي طايره.. محمد: مبروك علينا حبيبتي.. عليا: الله يبارك فيك.. محمد: سمعتي وش قالت الدكتوره..؟؟ لازم تاكلين زين.. عليا: ههههههههه لاتخاف.. كله ولا عبودي.. محمد: يااابعد هالكون والله.. ................................... ~ غلا ~ لما سمعت اللي قالته نقزت من مكاني وانا مو مصدقه.. غلا: تمزحين ملاك..!!! ملاك: لا وربي ما أمزح غلا.. جد أتكلم.. غلا: طيب.. عطيني سبب بس.. ملاك – وصوتها قريب من البكا - : غلا.. الله يخليكِ لا تسأليني.. خلاص.. ماني موافقه وبس.. غلا: بس.. ملاك: لا بس ولا شي.. انتِ سألتيني وانا جاوبت خلاص.. لاتضغطين علي.. غلا: طيب براحتك.. تبين شي..؟؟ ملاك: سلامتك.. غلا: الله يسلمك.. باي.. ملاك: باي.. أخذت نفس قوي وانا اتجهز عشان ازف الخبر الزفت لخالد.. كنت تقريبآ ضامنه موافقة ملاك.. بس مدري شفيها..!!! من جد شي غريب..!! ................................... ~ خالد ~ وانا في السياره راجع من الشركه دقت علي غلا.. خالد: هلا وغلا بغلا.. غلا – بصوت حزين - : هلا.. خالد: يوه.. شفيك غلا..؟؟ غلا: خالد.. خالد: هلا.. غلا: خالد..ملاك..سألتها.. خالد: آها..؟؟؟ غلا: و...ردت علي.. خالد: طيب..؟؟ غلا: قالت انها.. مو موافقه.. خالد: ايش..؟؟ غلا: اللي سمعته.. خالد: طيب ماقالت ليش..؟؟ غلا: لاماقالت.. خالد: أوكي باي.. قفلت بدون ما انتظر ردها..ولفيت بالسياره وطلعت على طريق البر.. ماكنت متوقع رد ملاك يكون بالرفض.. ليش طيب..؟؟ صرت أمشي بالسياره وانا في بالي مليون فكره.. ليش رفضت..؟؟ هذا اللي ابي اعرفه.. وانا امشي.. كان فيه حفره بالشارع.. ومع الافكار اللي تاخذني وتجيبني ما انتبهت لها.. وبس مريت عليها انحرفت السياره وصارت بجهة الرمل.. وتعرفون كيف الرمل مو جاي بنفس المستوى.. وعشان كذا صارت السياره تنقلب..وتنقلب مره واثنين وثلاثه.. وبعدين.. ظلاااااااااااااام..!! ~ عليا ~ حضنتني أمي وعيونها تدمع.. أم الوليد: مبروك ياعمر أمك.. مبروك.. ابو الوليد: مبروك حبيبتي عليا.. الحور: وااااااو ابي اصير خاله..ألف مبروك حبيبتي.. عليا: الله يبارك فيكم..عقبالك حوروه.. الحور: لا لا عيوني بعدني صغيره.. أم الوليد: علمتي خالتك عليا..؟؟ عليا: محمد كلمها وقال لها..أوه لحظه.. رديت ع الجوال.. عليا: ياهلا والله.. سكون: هلاااااااااااا عليوه.. بسرعه بسرعه قولي.. صدق اللي سمعته والا اشاعه..؟؟ عليا: ولللللل لحق يوصلك الخبر..؟؟ سكون: ايه الحور توها ارسلت مسج.. صدق والا لا..؟؟ عليا: ايه والله صدق.. سكون: مبرووووووووك ياروح قلبي انا.. ماتصدقين وش قد فرحت لك.. عليا: الله يبارك فيك حبيبتي.. سكون: طيب اخليك الحين لا تخلصين رصيدي.. مع السلامه.. عليا: هههههههه بخيله.. الله يسلمك.. ام الوليد: منهي ذي يمه..؟؟ عليا: هذي سكون بنت عمي.. حركت أمي فمها بضيق وشالت عيونها عني وهي تتحلطم ومادري شتقول.. استغربت منها.. طالعت في الحور بتساؤل وأشرت لي يعني بعدين بقول لك.. واحنا جالسين رن جوال أبوي.. وقام من مكانه عشان يكلم.. حسينا تعابير وجهه تغيرت رغم ان احنا مانسمع اللي يقوله.. وبعد ماقفل.. ابو الوليد: اسمعوا.. الحور: سم يبه.. ابو الوليد: عمكم خالد.. مسوي حادث خطير.. اذا بتجون معي المستشفى عجلوا.. أول ماقال أبوي هالكلام قمت من مكاني بدون تفكير انا والحور ولبسنا عباياتنا ولحقنا ابوي قبل يطلع.. في السياره الحور مسكت يدي بقوه.. الحور: عليا.. خالد.. الحادث اللي مسويه خطير يعني..؟؟ ليش ابوي كذا.. عليا: مادري الحور مادري.. خلنا نوصل المستشفى ونشوف.. الحور: ياربي ياربي كله ولا خالد.. يارب مايكون فيه شي.. وصلنا المستشفى ونزلنا.. وبعد ما أبوي كلم الرسبشن رحنا للمكان اللي فيه خالد..هناك كانوا الوليد ومحمد وفارس وبنات عمي غلا وحنين.. الحور: غلا..وش فيه خالد..؟؟ غلا – من بين دموعها - : يقولون اصابته ماكانت خطيره.. بس لأنه ظل فتره طويله في البر ماحد شافه.. وفقد دم كثير..الحين هو بغرفة العمليات.. مادري ليش.. يقولون مو خطيره الاصابه بس ليش يدخلونه غرفة العمليات..؟؟ ورجعت تبكي بصوت يقطع القلب.. وبهاللحظه وصلت سكون.. سكون: صحيح اللي سمعته..؟؟ قولوا لي لا.. طالعت في الحور لحظه وبعدين حضنتها وهي تبكي.. قرب مني محمد ووقف قبالي.. عليا: محمد.. شفته..؟؟ محمد: شفته عليا شفته.. رفعت عيوني له بنظرة تساؤل.. محمد: مادري شقول لك عليا.. ادعي له بس.. مسكت يده بكل قوتي ودموعي تنزل.. عليا: محمد.. محمد قول لي ان مافيه شي.. الله يخليك قول لي ان خالد مافيه شي.. محمد: عليا حبيبتي.. لا تخافين.. ادعي له انتِ بس.. رفعت راسي لفوق وانا ادعي لخالد من كل قلبي.. ........................... غلا ~ كله مني.. لا مو مني.. من ملاك.. لا مو من أحد.. مادري.. ياربي.. خالد.. عمي.. حبيبي..ياربي ماتخيل حياتي من غيرك ياخالد.. حسيت بيد تربت على كتفي.. رفعت راسي.. فارس أخوي.. فارس: غلا اهدي.. مايصلح كذا.. ان شاء الله خالد بيطلع وماعليه شر.. غلا: فارس.. أنا شفته.. فارس عمي ماكان يتكلم.. كان مغمض عيونه.. كان ساكت.. فارس.. كان عمي....... ماقدرت أكمل.. حسيت حالي منهاره.. مسكتني حنين وجلستني على كرسي وسندت راسي على صدرها وهي تبكي معي.. حنين: غلا تكفين خلاص.. والله ان قلبي بيوقف من الخوف لا تخوفيني اكثر.. فارس. غلا حبيبتي اهدي خالد مابيصير فيه شي صدقيني.. ماعرفت أرد.. ماعرفت اتكلم.. كل اللي قدرت عليه اني ادعي بقلبي لخالد.. ........................... ~ ملاك ~ مادري اذا غلا قالت لخالد أو لا.. عشان كذا اتصلت فيها أسألها.. لكن الغريبه ان صوت غلا كان مبحوح وحزين.. غلا: هلا.. ملاك: غلا شفيك..؟؟ قلتي لخالد..؟؟ بس قلت هالجمله صارت غلا تبكي بشكل خوفني.. غلا: ملاك.. خالد في المستشفى.. مسوي حادث..ملاك خالد يمكن يروح خلاص.. لما سمعت كلامها.. طاح الجوال من يدي.. ومسكت اقرب شي لي عشان ما اطيح انا بعد..!! بدون تفكير لبست عبايتي وطلعت من البيت مع السواق عشان اروح المستشفى.. بدون حتى ما افكر باللي انا اسويه وهل هو صح والا غلط.. لما وصلت دقيت على غلا ولما عرفت مكانها رحت لها.. أول ما شفتها حضنتها بقوووه.. وبدون ما احس بدت دموعي تنزل على خدي.. غلا: ملاك خالد بيرووح.. ملاك: وش فيه خالد..؟؟ غلا: لما قلت له عنك.. سوى حادث.. انصدمت صدمة حياتي.. ماقدرت اسمع غلا وش تقول .. ليش ياخالد..ليش..؟؟ ------------------------------------------------ ........................ بالليل.. ~ سكون ~ ماقدرت انام..كنا في بيت جدي.. كانت الغرفه هاديه مع اني متأكده ان ولا وحده فينا نامت.. دفنت راسي بالمخده وانا اكتم شهقاتي.. خالد.. والله لو يصير فيه شي مدري كيف بنعيش.. قال لي فيصل انه طلع من غرفة العمليات بس الحين هو في غيبوبه.. ومايدري متى يصحى منها.. حسيت بيد مسكت يدي.. الحور.. زي ماتوقعت ماكانت نايمه.. رفعت راسي لها ولقيتها حالتها زي حالتي.. سكون: الحور.. خالد بيرجع.. مابيروح صح..؟؟ الحور: مادري سكون مادري.. قولي يارب.. رفعت عيوني وقلت من قلب.. يااااااااارب.. شوي غلا وحنين جوا جنبنا.. حنين: قوموا كل وحده تصلي ركعتين عشان ندعي لخالد.. طعناها كلنا وتوضينا.. وكل وحده خذت زاويه وكل وحده صارت تدعي من قلبها يرجع خالد.. أغلى انسان بالعايله كلها.. عمي خالد.. ............................. ~ ملاك ~ ظليت طول الليل ادعي لخالد من بين دموعي.. مادري ليش حاسه بالذنب.. مادري ليش حاسه ان انا السبب باللي صار.. معقوله يعني.. والا كل ذا جا صدفه.. واذا ماكان صدفه.. معقوله خالد يكون صادق في مشاعره لي.. طيب والايميل..؟؟ انا شفته عند غلا.. مادري ليش سوا كذا.. ظليت ادعي وادعي ان خالد يطيب.. حتى لو كان ايش ماكان.. يبقى في قلبي مكان كبير له.. سمعت اذان الفجر وانا لسه مانمت.. صليت وبعدها نمت بمكاني على السجاده وانا كل تفكيري بانسان واحد.. خالد..!! ...................... اليوم اللي بعده الساعه 8 الصباح.. في البيت الكبير.. اتصل الدكتور في الجد سلطان.. الدكتور: السلام عليكم.. الجد: وعليكم السلام.. الدكتور: انت والد خالد الـ.......... الجد: ايه نعم انا.. الدكتور – بتنهيده قويه - : ياليت لو تجي المستشفى لو سمحت.. الجد: ليش عسى ماشر..؟؟ الدكتور: لما تجي راح تعرف.. بس ياليت ما تتأخر..