الفصل 7
.........................................
~ الوليد ~
تعرفون لما القلب يوقف لحظه وبعدين يرجع يدق بأقوووى شي..؟؟
هذا اللي حسيت فيه لما سمعت كلام الحور..
من غير ما أرد عليها طلعت من البيت وركبت السياره بدون تفكير..
حسيت حالي مخنوووق.. شلت الشماغ ورميته ع الكرسي اللي جنبي وشغلت السياره ومشيت..
رحت لأبوي بالشركه وأول مادخلت..
الوليد: يبه ابي اخطب..
ابو الوليد _ بدهشه _ : بسم الله.. الناس يسلمون أول.. صاكتك سخونه الوليد..؟؟ شفيك..؟؟
الوليد: يبه ابي اخطب..ابي سكون بنت عمي.. الحين الحين كلم عمي بوفيصل..
ابو الوليد – مو عارف يعبر من المفاجأه- : الوليد شفيك..؟؟ شصاير..؟؟ مريض..؟؟
الوليد – شوي ويبكي - : يبه الله يخليك.. اذا تحب ولدك كلم عمي الحين.. تكفى يبه..
أبو الوليد – مازال متفاجئ من ولده- : الله يهديك.. قوم قوم..
الوليد: وين..؟؟
ابو الوليد: البيت بعد وين..؟
الوليد: وعمي..
ابو الوليد : شفيك انت..؟؟ لعب اطفال هو..؟؟ امشي البيت وبعدين نتفاهم..
الوليد: يبه تكفى.. لازم الحين تكلم عمي..
ابو الوليد: شفيك انت منصرع..؟؟ شصاير..؟؟
الوليد: يبه والله اني من زمان ابيها.. بس قلت اخلص دراستي اول ..لكن الحينمتقدم لها واحد ويمكن توافق..
ابو الوليد: وخير ان شاء الله..؟؟ وافقت..بتوقف الدنيا يعني..؟؟
يااااااااربي حسيت اني شوي وابكي.. شفيييه ابوي مايفهم..!!
الوليد: يبه أرجوووووك افهمني.. اذا سكون اخذت غيري بمووت..يبه الله يخليك..كلمه..الحين..
ابو الوليد: الله يكفينا.. شنو تموت ماتموت.. امش امش لاتستخف علينا..
الوليد: يبه لكـ......
ابو الوليد: امش بنروح البيت وبكلم عمك من هناك.. اليوم هو مو بالشركه..
جمدت مكاني وفتحت فمي وعيوني..
ابو الوليد: شفيك..؟؟
الوليد: صدق يبه..؟؟
ابو الوليد – بابتسامة سخريه - : ايه اكيد صدق..أجل أخليك تنجن وبعدين يقولون ولد طلال انجن عشان بنت.. امش قدامي لا بارك الله في الحب ولا في ساعته..
الوليد_ متشقق من الفرح _ : هــه هههه هههههههههههههه..الله يخليك لي يبه..
ورحت بست راسه وحضنته..
ابو الوليد: فارق فارق عن التلزق..
الوليد: يللا يبه عن نتأخر..
ابو الوليد: زيييييييييين يالمنخرش مدري على وش تتأخر..!! امشي..
وطلعنا وأبوي مازال يتحلطم ع الحب..!!
....................................
~ غلا ~
جايتني حالة طفش موووووو طبيعيه..
مالي الا النت.. فتحت الايميل الا جايتني اضافه جديده..قبلت طبعآ..
Some pople make the world SPECIAL just by being in it:
بووووووووووو
DON'T frown. You never know who is falling in love with your smile:
بسم الله..!! من معي..؟؟
Some people make the world SPECIAL just by being in it:
حزري انتِ
DON'T frown. You never know who is falling in love with your smile:
قول والا بلوك محترم..!!
Some people make the world SPECIAL just by being in it:
ول ول معصصصبه..!!
DON'T frown. You never know who is falling in love with your smile:
وبعدين..؟؟
Some people make the world SPECIAL just by being in it:
هههههههههههههههه خلاص خلاص.. انا خالد يالخبله..
DON'T frown. You never know who is falling in love with your smile:
بسم الله..!! من وين طالع لي انت..؟؟ من وين جبت ايميلي..؟؟
Some people make the world SPECIAL just by being in it:
ول حبه حبه.. وبعدين اشبك من اول المحادثه تسمين..؟؟ تراني مو شبح.. وايميلك خذيته من فروس اخوك..
DON'T frown. You never know who is falling in love with your smile:
آهاااااااااااا.. طيب شو تبى..؟؟
Some people make the world SPECIAL just by being in it:
هههههههههه ترى ماياسبك الاماراتي..
DON'T frown. You never know who is falling in love with your smile:
اوهوووووو طيب اخلص.. وش تبي..؟؟
Some people make the world SPECIAL just by being in it:
اخلااااااااق عاد.. بس حبيت أسألك صاحبتك ملاك كم عمرها..؟؟
DON'T frown. You never know who is falling in love with your smile:
هالحين ضايفني بس عشان هالسؤال..؟؟ ماعندك سالفه.. وبعدين ليش تسأل..؟؟
Some people make the world SPECIAL just by being in it:
ملقووووووووووفه.. بتجاوبين جاوبي مابتجاوبين اقلبي وجهك..
DON'T frown. You never know who is falling in love with your smile:
افففففف منك.. حشى بياكلني.. عمرها 20..قدي يعني..
Some people make the world SPECIAL just by being in it:
آها.. طيب تدرس..؟؟
DON'T frown. You never know who is falling in love with your smile:
لا مخلصه.. كانت تدرس معي..
Some people make the world SPECIAL just by being in it:
طيب كلميني عنها..
DON'T frown. You never know who is falling in love with your smile:
وش اقول..؟؟
Some people make the world SPECIAL just by being in it:
مادري.. اخلاقها..صفاتها..كل شي..
DON'T frown You never know who is falling in love with your smile:
طيب وليش تسأل ان شاء الله..؟؟ ناوي تخطبها على غفله..؟؟
Some people make the world SPECIAL just by being in it:
تستهبلين انتِ..يعني واضحه السالفه ليه تسألين..يللا جاوبي وبلا بربره زايده..
DON'T frown. You never know who is falling in love with your smile:
هههههههههههه انزين..خلني افكر..امممممم..هي ناعمه مره..وخجوله..فيها صرقعه شوي..بس على خفيف..طيوبه وحنونه..وحساسه..
Some people make the world SPECIAL just by being in it:
آها..وش بعد..؟؟
DON'T frown. You never know who is falling in love with your smile:
بس خلاص يكفي..!!
Some people make the world SPECIAL just by being in it:
زين زين ياسباله..بتحتاجيني بعدين..
DON'T frown. You never know who is falling in love with your smile:
يااااذا التمنن.. وش تبي أكثر من كذا..؟؟
Some people make the world SPECIAL just by being in it:
أبيكِ تسألينها عن رايها أول قبل ما اتقدم لها رسمي..
DON'T frown. You never know who is falling in love with your smile:
ياسلام.. وليش ان شاء الله..؟؟
Some people make the world SPECIAL ust by being in it:
غلووووووووووه لاترفعين ضغطي..!!
DON'T frown. You never know who is falling in love with your smile:
هههههههههههههههه زين زين..انا الحين بطس..عاوز حاقه..؟؟
Some people make the world SPECIAL just by being in it:
سلامتك..بس مو تنسين..
DON'T frown. You never know who is falling in love with your smile:
طيب..الله يسلمك
...................................
~ سكون ~
ناداني أبوي مره ثانيه.. استغربت..!!!
ايش صاير بعد غير عن خطيب الغفله اللي مدري من وين طالع..؟!!
نزلت له الصاله وجلست جنبه..
سكون: هلا يبه..
بو فيصل: سكون بنتي..أدري الكلام اللي بقوله بيفاجئك.. بس ابيكِ تفكرين زين قبل تردين..سكون..قبل شوي.. كلمني عمك طلال..يبي يطلبك لولده الوليد..
ماتفاجأت كثير انه خطبني.. بس اللي فاجأني انه مانتظر حتى يوم واحد..
مادري ليش..حسيت الدموع تجمعت في عيني..!!
لهالدرجه تحبني يالوليد..؟!!
لهالدرجه ماتبي احد ياخذني غيرك..!! تذكرت كلامه ووعده لي لما كنا في البر..
الوليد: اسمعي.. هي كلمه وحده بقولها لك.. وانتِ فسريها على كيفك..
أنا غيرك ماباخذ.. فهمتي..؟؟ واذا انتِ أخذتي غيري بذبحه بليلة العرس..
بو فيصل: سون شفيك..؟؟
سكون: هاه..لا يبه ولا شي..
مسحت عيوني بسرعه قبل ماتطيح دموعي وتفضحني..
بو فيصل: ادري ان التفكير صعب بهالوضع..بس انتِ فكري براحتك..ماحد بيجبرك على شي..أنا صحيح كنت موافق على ولد بو سلمان..بس ولد عمك..انا اعرفه مثل ولدي..وأقدر أقول لك انه بيحطك في عيونه..بس ولو..انتِ فكري زين..مابي اغصبك على شي..
سكون: .....طيب..
قمت من مكاني وصعدت غرفتي وقفلت الباب..
حضنت الدبدوب وصرت ابكي من قلب..مادري ليش ابكي..يمكن لأني اكتشفت شي من زمان كان مخبى بقلبي..اكتشفت شي من زمان كنت اكذب على نفسي واقول انه مو صحيح..كنت طول الوقت اقنع نفسي انه مجرد اعجاب.. بس الحين..تأكدت من جد..
اني احبه..
أحب الوليد..!!
..........................
حنين ~
يااااااااربي شفيه فارس اليوم ماتصل..!! لايكون فيه شي..!!
المشكله اني استحي اتصل فيه..!! متعوده انه كل يوم يتصل بس اليوم ماتصل..
بصراحه..خفت..!!
شجعت نفسي ومسكت الجوال.. وبعد تردد..اتصلت..
فارس: ياهلا والله وغلا بأحلى حنين..
حنين: انا زعلانه..
فارس: فدييييييت الزعلانين انا..وليه زعلانه..؟؟
حنين: ليه ماكلمتني اليوم..؟؟ خليتني اخاف عليك..!!
فارس: افااا..حنوني خافت..
حنين: ايه..
فارس امممم بصراحه..كنت متعمد..!!
حنين: لييييش..؟؟
فارس: اممممممم..كنت ابيكِ تشتاقين لي..
حنين: لاوالله..؟؟
فارس: ايه والله..كنت ابي اشوف تتشجعين وتتصلين والا لا..
حنين: هههههههههه انت دب..تدري..؟؟
فارس: وي شحلااتي رشيق..
حنين: مو ارشق مني..
فارس: عاد انتِ غير بكل شي..
حنين: فروووس لا تبدي..!!
فارس – يقلد - : ليييش حراااااام..
حنين: هههه لا مو حرام.. أنا أستحييي..
فارس: يابعد هالدنيا والله اللي يستحون..
حنين: فاااارس.. خلاااااص..
فارس: لا مو خلاص..
حنين: فارس والله أستحي خليني أتعود وبعدين قول اللي تبي..
فارس: وأنا أموت فيك اذا استحيتي.. تصيرين تهبلين..
حنين: يوووه روح عني..
فارس: وين أروح عنك وانت بقلبي على طول..
ابتسمت بيني وبين نفسي..كنت دايمآ اسمع ان فارس خجول..بس الظاهر عقدته انفكت معي..!!
لأن اللي اشوفه..هو العكس تمامآ..!!
صاير بقوه جريء.. مايراعي ان أنا أستحيييي..!!
..............................
~ محمد ~
وصلت البيت وانا تعبااااااااان.. اليوم الشغل واصل لفوق..
اول مادخلت شفت عليا جالسه على كنبه ورجل على رجل وهي تهزها بعصبيه..وماده بوز يازعم زعلانه..
قربت منها وسألتها..
محمد: ايش فيه القمر زعلان..؟؟
علا: لا والله..مسوي ماتدري يعني..؟؟ طالع الساعه كم..
محمد: ياقلبوتشي والله اللي اشتاقت لي.. بس ايش اسوي الشغل اليوم واصل لهنا..
عليا: ايه ايه تحجج.. مالي شغل انا زعلانه..
وتركتني وراحت المطبخ..وانا طبعآ لحقتها..
محمد: عااااااد علوووي..ترى اتعب اذا زعلتي..!!
عليا:..........
قربت منها وبستها ع خدها..
محمد: للحين زعلانه..؟؟
الا وتدز وجهي بيدها..
عليا: روح خلني اجهز العشا..
محمد: ول الرومانسيه ميح عندك اليوم بنت عمي..
عليا: حمووووووود روووح..أبي اجهز العشا..
محمد: ياروووووح حمووود انتِ.. بروح الحين.. بس لأني جوعان.. لكن حسابنا بعدين..
عليا: بعدين وجهك.. يللا اطلع..
وحطت يدينها على ظهري وصارت تدفني عشان اطلع..
محمد: هي هي شوي شوي لاتدفيني كذا..
عليا – طلعت لسانها -: مالت عليك..بكيفي..زوجي وحبيبي.. اللي بيطلع الحين من المطبخ..
محمد: ههههههههههه شاطره بالحكي انتِ ماحد يغلبك..بس قلت لك حسابنا بعدين يادبه..
..........................
اليوم اللي بعده
~ سكون ~
ياااااااربي صحيت متأخره.. أبي ألحق على ابوي قبل يطلع..خلصت بأسرع ماعندي ونزلت..
سكون: صباح الخير يمه..أبوي طلع..؟؟
ام فيصل: صباح النور.. توه طالع ماتوقع مشى..سكون: زين ماما بيباااااااي..
أم فيصل: تعالي افطري زين لاتستعجلين..!!
سكون: لا يمه فيصل مو هنا مافيه احد يوصلني بعدين..بااااااااي..
طلعت الا ابوي توه مشغل السياره ولما شافني انتظر لين ركبت..
سكون: صباح الخير يبه .. أشوا لحقت عليك..
بو فيصل: ههههههه اشبك تشاهقين كأن أحد لاحقك..!!
سكون: خفت مالحق عليك وبعدين مالقى أحد يوصلني..
بو فيصل: ليش وين فيصل..؟؟
سكون: يقول عنده شغل..
بو فيصل: آها..
بعد فترة صمت..
بو فيصل: الا سكون.. أدري الوقت مو مناسب بس بسألك.. فكرتي..؟؟
انربط لساني..!! ماتوقعت ابوي يسألني بهالسرعه..!!
سكون: احم.. انا.. ايه يبه فكرت..
بو فيصل: هاه..شقلتي..؟؟
سكون: أنا على رايك يبه..
بو فيصل: ويعني..؟؟ وضحي أكثر..
سكون: احم.. يعني هو الوليد ولد عمي وأعرفه من زمان..ووومادري..!!
بو فيصل: هههه وضحي أكثر..أنا ما أفهم..
سكون: يوووه يبه..!! يعني أنا موافقه ع الوليد..
بو فيصل _ بابتسامه واسعه _ : بارك الله فيك حبيبتي.. خلاص أجل اليوم أقول لعمك..
سكون: هاه..؟؟ لا لا مو اليوم ..
بو فيصل: ليش لا..؟؟ وش تستني..؟؟
سكون: هاه..؟؟ مادري..
بو فيصل: ههههههه كل ذا مستحيه..لا خلاص اليوم برد على عمك..
وصلنا الجامعه.. وفتت الباب وأنا أكلم أبوي..
سكون: مشكور يبه.. مع السلامه..
بو فيصل: الله يسلمك حبيبتي..
نزلت من السياره ودخلت الجامعه.. وتوني بنزل العبايه الا بضربه على ظهري..
الحور: آخ منك يالخاينه.. ليه توصلين قبلي هاه؟
سكون: هههههه والله ماحد قال لك تطولين .. بعدين أنا ماصار لي دقيقه من وصلت..
الحور: زين زين لاتاكليني..!!
سكون: مالت عليك بس..!!
بعد دقايق بالكفتيريا..
الحور: احم ..سكونوه آسفه..
سكون: على..؟؟
الحور: مادري.. ماقدرت أمسك نفسي أمس وقلت للوليد..
سكون _ وهي تشرب ماي _ : ويه مالت عليك..!! على إيش تعتذرين ..؟؟
الحور: ههههه مادري.. يللا أهم شي انه تلحلح أخيرآ وخطبك.. وبعدين تعالي ياسوده.. متى ناويه تردين..؟؟
سكون: وييييه قديمه انت.. أنتظر حضرتك تذكريني..من زمان قلت لأبوي اني موافقه واليوم بيرد على أبوك..
الحور _ بفرح _: احلــفي..!!
سكون: قسم بالله..
الا تنط وتحضني..!!
الحور: أحبك أحبك أحبك سكووونوه .. أخيرآ بتتزوجون انت ووليدوه..!!
سكون: هي انت ياهبله اعقلي البنات يطالعونا..!!
الحور: طز فيهم ..!! خلني أعبر عن شعوري..!!
سكون: هههههه زين يللا نشتري فطور جوعانه اليوم ما افطرت..
......................................
الوليد ~
طلعت من الجامعه واتصلت للحور عشان أسألها أمرها والا لا..
الحور: هلا بالطش والرش..
الوليد: هلا بأحلى هبله بالدنيا..
الحور _ بشهقه _ : الحين أنا هبله..؟؟ هذا جزاي اني ابي ابشرك..؟؟
الوليد: تبشريني بوشو..؟؟
الحور: امممم .. أول كم تعطيني..؟؟
الوليد: ياااااربي هالأخت ماديه بشكل..!! لك اللي تبي بس قولي لي شصاير..؟؟
الحور: انت تسوق السياره الحين..؟؟
الوليد: ايه .. ليش..؟؟
الحور: أجل ماني قايله لك أخاف من الفرح تسوي حادث..
الوليد: حوروه بلا نحاسه قولي.. وش شايفتني..؟؟ بزر..؟؟
الحور: هههههههههههه بدا يعصب..!!
الوليد: حوروووووه..!!!!
الحور: هههه زين زين اسمع..هذي الله يسلمك سكون..
الوليد: اييه شفييها..؟؟
الحور: سكوووون..
الوليد: ايييييه..
الحور: وافقت..!!
الوليد: عـ .. على مين..؟؟
الحور: عليك يعني على مين..؟؟
هنا قلبي ماصار يدق.. لأ.. صار يرقص..!!
الوليد: أسألك بالله..!!
الحور: وربي..
الوليد: تمزحين حوروه..!! ههههههههه ياربي..!! ههههه
الحور: الحمد لله والشكر..!! استخف أخوي..!!
الوليد: حوووور قولي لها الوليد يحبببببببببببببببببك..!!
الحور: ههههه شوي شوي فقعت أذني..!! تقول لك حبتك القراده..
الوليد: أنا حبتنيالقراده يالنحوس..؟؟ هين هين.. اطلعي أشوف انت وهي أنا عند الجامعه الحين..
......................................
~ سكون ~
هههههههه والله مجنون يالوليد.. واللي أجن منك الحور اللي تبيني أجي معاهم عشان يوصلوني..!!
سكون: مجنونه انت..!!
الحور: شفيك..؟ يعني عشان خطبك خلاص معاد تركبين معه..!!
سكون: انت اللي شفيك..؟؟ والله احراج..أستحي..!!
الحور:سكونوه بلا هباله تراه ينتظرنا يللا امشي..
سكون: لا لا بدق على أبوي يجيني..
وطلعت الجوال.. بس تخيلوا المأساه..لا أي مأساه..؟! الا خيانه..!! جوالي الخاااااين..
بطاريته فاضيه..!!
سكون: لااااا.. أففففف.. الحور بالله عطيني جوالك..
بعدته عني..
الحور: لأ.. مافيه.. أحسن عشان تجين معي..
سكون: لا الحو.......
قاطعني جوالها اللي رن..
الحور: هلا..
_الا بس الهبله ذي مو راضيه تجي معي..
_مسويه مستحيه..
_طيب لحظه..
سكونوه يبي يكلمك..
سكون: هي هي هي انت وشو يكلمني مايكلمني..؟!!
الحور: ياااابنتي بس كلمه بيقول لك.. خذي لا بكف الحين..!!
بتردد مسكت الجوال وحطيته على أذني..
سكون: احم..هلا..
الوليد: هلا وغلا.. شلونك..؟؟
سكون: بخير..
الوليد: ليه ماتبين تجين معنا..؟؟
سكون: هاه..؟؟ أنا..؟؟ لا بسبدق على ابوي عشان يجيني..
الوليد: لا مايحتاج تتعبين عمي.. كاني أنا موجود غناتي.. يللا اطلعي مع الحور والا ترى بزعل..!!
ماعرفت وش أرد.. أحس انه فيه دخان يطلع من أذني..!!
غناتي..!! لا وبيزعل بعد..!!
على طول طيح الميانه ولد عمي..!!
رميت الجوال على حوروه وقمت ألبس عبايتي ووجهي تعابيره جامده ماتتحرك كأن أحد صاقعني بمقلى..!!
الحور: هههههههههههههه بسم الله شفيه وجهك صاير كأنه وجه توم لما يكفخه جيري..؟!!
سكون: هاه..؟؟
الحور: ههههههههه وش قال لك الوليد وخلى وجهك يصير بذا الشكل الغريب..؟؟
سكون: هاه.. أنا..؟؟
الحور: هههههههههههههههههههههه امشي امشي الله يخلف بس..
طلعنا وبس قربنا من سيارة الوليد أنا جمدت مكاني..!!
الحور: شفيك وقفتي..؟؟ يللا امشي..!!
سكون: الحور بلاها خلاص بدق على أبوي..
الحور: شكلك مابتمشين الا بكف انت..!!
ومسكت يدي وصارت تسحبني..!!
سكون: هيييي انت بقره أنا تسحبيني كذا..؟!!
الحور: تقدري تقولي..
وفتحت الباب اللي ورا وركبتني غصب.. ونظرة توم على قولة الحور رجعت لوجهي..!!
ظل الوليد ساكت فتره وبعدين فجأه وبطريقه خرعتني تكلم..
الوليد: سكون..!!
سكون: هاه..!!
الوليد: شحااااااااالك..؟؟
سكون: هاه.. أنا..؟ بخير .!!
حسيته يبي يضحك بس ماسك نفسه..!!
طيييب يادب..!!
سكون _ بنفس أسلوبه _ : الوليد ..!!
الوليد: يالبيه..
سكون: ليش مو ممشط شعرك..؟؟
تتخيلون نظرة العباطه اللي انرسمت على وجهه..؟؟
الوليد: أنا..؟؟
سكون: ايه انت..
طالع في مراية السواق يبي يتأكد..
الوليد: شعري مافيه شي.. شفيك سكون..؟!!
سكون: لا أبد سلامتك..انت شحاااااالك..؟؟
الوليد: بخير..!!!!!!
ايوه عشان تتعلم شلون تضحك علي مره ثانيه..!!
......................................
~ ملاك ~
وصلت بيت غلوه وطلعت لي برا.. وبعد السلامات والكلامات ركبنا غرفتها..
غلا: يادبه وحشتيني من متى ماجيتي..؟؟
ملاك: والله حاله..!! كله أنا اللي أجي وانت يعني مرفوع عنك القلم..؟؟
غلا:ههههه تقدري تقولي.. مو أنا بالأساس مجنونه..!!
ملاك: ههههههه الله يلعن ابليسك..!!
غلا: تصدقين نفسي أسوي مقلب من مقالبنا القديمه..!!
ملاك: والله فكره..!! افتحي الماسن أجل خلنا نتريق على كم وحده..
غلا: أوه.. خالد أون لاين .. شرايك..؟؟
ملاك: مادري بكيفك..
غلا: لا انا قررت خلاص خالد..
جات بتنسخ الايميل عشان تضيفه في الايميل الثاني..
بس لحظه..
فيه شي لفت انتباهي وخلى عيوني تصير كبر وجهي..!!
معقوله..!!