الفصل 6
................................................. .
~ غلا ~
حضنت الدبدوب ونقلت الجوال للأذن الثانيه بملل..
غلا: ملاكوه عاد ايش بيضرك..؟؟
ملاك: وش اللي ايش بيضرك..؟؟ طيب هو اجتماع عائلي أنا وش يوديني..؟؟
غلا: والله ترى كلهم حبوكِ.. وكلهم قالوا خليها تجي معك..!!
ملاك: بس ولو..
غلا: بلا بس بلا بسبسه..!! لا بكف الحين.. بتجين يعني بتجين..تراني أعطيتك وجه..!!
ملاك: عشتوا..!!! غصب يعني..!!
غلا: ايه غصب.. يللا جهزي حالك.. ساعه وبمرك فاهمه..؟؟
ملاك: ياربي منك والله احراج..!!
غلا: أشششششششش ياهذاره.. يللا باي..
وقفلت الجوال ونزلت ع السلم وانا زي الهبله اغني وارقص واتنقز وادور حول نفسي بخبال.. مبسوووطه.. أحد عنده مانع..؟؟
إلا وأسمع نحنحه من وراي..
بسم الله ايش هذا..؟؟!!!!!!!
.........................
~ فيصل ~
يا ان انا مجنون.. او ان اللي قدامي مليونين بالميه مجنونه..!!
طالعت فيني وعيونها بتطلع من مكانها وبعدين صرخت صرخه وربي هزت المكان.. حسيت ان فيه زلزال..!!
وعطتني ظهرها وانحاشت..!!
رغم اني مالي خلق اضحك ونفسيتي زفت.. بس المنظر اللي شفته ضحكني غصب..!!
ياما سمعت عن بنت عمي انها مرجوجه وفيها خبال.. بس الحين من جد أثبتت لي هالشي..!!
وصل فارس اللي كنت انتظره وطلعنا من البيت عشان نروح النادي..
هناك كان صاحبي ناصر ينتظرنا..
ناصر: تعال تعال.. جوالي بسرعه.. حلاوه اهو مخليه عندك من البارحه..؟؟
طلعت له جواله وعطيته اياه بابتسامه بارده..
ناصر: شفييييك..؟؟ بتسوي لي فيها زعلان يعني..؟؟
فيصل: على ايش ازعل..؟؟
ناصر: مادري عنك..!!
فيصل: لا سلامتك مافيني شي..
ناصر: بحاول اقتنع..!!
فارس: اقول استح على وجهك.. شايفني قدامك لوح.. سلم اول قبل ماتهاوش..!!
ناصر: أووه..فارس انت هنا..؟؟ شخبارك..؟؟
فارس: لا هناك.. الحمد لله انا بخير.. انت شخبارك..؟؟
ناصر: نسأل عنك والله..
فيصل: اقول بلا هذره زايده وامشوا..
ناصر – يتمتم - : ويبي يقنعني ان مافيه شي..!! لكن ماكون ناصر اذا ماعرفت..!!
فيصل: وش تقول أنت..؟؟
ناصر: لا أبد سلامتك..!!
................................
~ غلا ~
بتجيني سكته..!! بيجيني مرض نفسي..!! الى حد الحين مو قادره استوعب اللي صار..!!
أنا.. هو.. فيصل.. يعني هو.. شافني.. بالشكل.. ذا..!!!!!!
رجعت للمره الألف اطالع في المرايا.. يا الله.. احراااااااااااااج..!!
شعري نصه طايح على وجهي ونصه مرفوع.. لا والبرمودا حق البيجامه اللي لابستها.. والأعظم الأعظم.. حركاتي الهبله اللي كنت اسويها..!!
الحين أكيد بيقول عني مجنوووونه..!!
طالعت في الساعه.. ياربي.. المفروض بعد نص ساعه امر على ملاكوه.. قمت اتجهز بسرعه وخلصت في وقت قياسي.. ودقيت على فارس..
فارس: هلا..
غلا: وينك فيه..؟؟
فارس: بالنادي.. ليه..؟؟
غلا: أف..مين بيوصلني أجل..؟؟ أبوي مو هنا..!!
فارس: روحي مع السايق وخذي معك الشغاله.. لاتركبين معه بروحك..هاه.. لاشدعوه بو محمد ذي أختي غلا..
غلا: هاه..؟؟
فارس: لاماكنت اكلمك.. زي ماقلت لك زين..؟؟
غلا: طيب.. باي..
رحت للشغاله وقلت لها عشان نطلع ورحت لملاكوه بعدين..
دقيت عليها حق تطلع وطلعت وركبت السياره..
ملاك: غلوه والله احس ان مالي داعي..
غلا: انتِ ماتعرفين تلمين ثمك..؟؟ ياربي منك..!!
ملاك: أففففففف
غلا: اسكتي بس خلني اقول لك وش صار قبل شوي مع فيصلووه..
ملاك: وش صااااااااااااااااااار..؟؟
علمتها بالسالفه الا وتكرها ضحكه..
ملاك: لاه..؟؟ صدقيني صابه خبال من شاف شكلك..
غلا: تتريقين هاه..؟؟
ملاك: أجل بالله تتنزقزين وتستهبلين وش تبينه يقول عنك..؟؟
غلا: بلا بشكلك ياسباله.. انثبري الحين وصلنا..
..................................
~ فيصل ~
تعرفون ايش معنى كلمة.. النفسيه زفت..؟؟
هذا هو شعوي تمامآ.. كنت جالس مع الشباب بس عقلي مو معاهم أبدآ..
فارس: يللا أنا أستأذن الحين برجع.. فيصل ماتجي معي بيت جدي..؟؟
فيصل: لا بعد شوي بلحقك.. روح انت..
فارس: طيب..فمان الله..
راح فارس.. وظليت انا وفيصل.. كنت متردد.. مادري شلون أقول له..
ناصر: وماناوي تقول لي وش فيك..؟؟ شصاير..؟؟
مانطقت بكلمه .. بس طلعت جوالي وفتحت شي وأعطيته اياه..
أول طالع في الجوال بعدين رفع عيونه لي بنظرة تساؤل..
سكت عنه.. رجع عيونه للجوال.. وبعدين صار يفتح ويقفل أشياء بالجوال..والظاهر انه فهم اللي انا ابيه.. لأن وجهه انقلب 180 درجه..!!
ناصر: فيصـ.. هههههههه.. فيصل..!! ماني مصدق..!!
فيصل – بهدوء - : ولا انا..
ناصر: يعني.. هي.. كانت.. تكذب..!! يعني تلعب ع الحبلين..
هزيت راسي بإيه..
ضرب ناصر الطاوله بيده بقوه..
ناصر: حقيره..!!
فيصل: هدي.. وحده زي ذي ماتستاهل تعصب عشانها..
ناصر: أجل حضرتك ليش كئيب..؟؟
فيصل: لأنها من الغباء بحيث تكلمني وتكلمك بنفس الوقت.. تكلمني وتكلم صاحبي..لأني حاس بالذنب.. لأني عرفت من تواريخ المسجات انك تعرفها قبلي.. لأني أحس اني كنت أخون صاحبي وأخوي.. عشان وحده ماتستاهل وبدون ما أدري.. لأني كنت مصدقها وكنت أحبها .. كنت زي الخبل مصدقها ياناصر وهي كذابه..
ناصر: مو بس انت كنت مصدقها.. حتى انا كنت مصدقها.. لأنها كانت لاعبتها زين.. بس المفروض انت ماتحس بالذنب.. لأن الصدفه ذي جات في صالحنا..عشان مانظل عميان للنهايه..
فيصل: ناوي تسوي شي..؟؟
ناصر: زي ماقلت.. وحده زي ذي ماتستاهل تسوي شي عشانها..
.................................
~ خالد ~
كنا بغرفتي نشوف مباراه بين ميلان وبرشلونه << يالبى ميلان بس ^_^
وطبعآ المباراه انتهت بفوز ميلان.. وعاد دورونا ذيك الساعه مابتلاقونا من الفرح..!!
اللي يناقز واللي يصارخ ماعدا فارس اللي كان برشلوني.. تحسون شكله كان غلط بيننا..
خالد: فرووووووس.. اصحى يشيخ.. عااااادي مو أول مره..
تركي: ويك ويك.. هوهووووووه.. نسيتوا قبل 13 سنه لما صكوهم 4-0
الوليد: هههههآآآآآآآآآآآآآي.. طالعوا وجهه شلون قالبه ألوانه..!!
الا بنظره ناريه من فارس سكتتنا.. الا وقفت قلوبنا..!!!
خالد: أوه أوه.. عصب ابو الشباب.. خلنا نطلع قبل ماياكلنا..
طلعنا من الغرفه واحنا مستخفين ع الآخر.. نزلنا الصاله الا وتلاقينا أمي..
الجده: وجع.. اش ذا الاصوات زي البزوره تصارخون..!!
تركي: جددددددده ميلان صكوا برشلونه..
الجده – باستغراب - : وش ذا شنونه بعد..؟؟
خالد: ههههههههه يمه ماعليكِ منه.. يللا شباب مشينا..
الجده: الحمد لله والشكر.. استخفوا العيال..!!
طلعنا للحديقه واحنا نضحك على سوالف امي..
ولأن المزاج رايق حبيت اطب على البنات استهبل عليهم شوي واطفشهم.. زي العاده..
خالد: لحظه شباب.. بروح اشوف المهابيل واهبل بهم زياده..
تركي: ههههههههههههه الله يرجك يشيخ.. الله مبتليهم فيك..
خالد: أص ولا كلمه..
مشيت للبنات.. وهالمره مافكرت اخرعهم.. مالي في صراخهم اللي جيران جيران الجيران بيسمعونه..
خالد: احم احم..بنااااااات..
الا واسمع صرخه غريبه مو من صرخات بنات اخوي..!!
<<تعرفون كيف البنات يصارخون بمناسبه وبدون مناسبه..
ولو كنت انا بنت بعد كنت بصارخ.. لأني ماتوقعت أشوفـ (ها) هنا..!!!!
...............................
~ ملاك ~
كنت متوقعه هالموقف يصير.. لأني اعرف غلوه وحركاتها البايخه.. عشان كذا ظليت بعبايتي.. يعني لو يشوف بس وجهي بالغلط أهون..
أول ماشافني حسيته تخرع بعدين اختفى في ثانيه..
ملاك: غلووووووووووه ياسباله.. انا ليش طعتك وجيت..؟؟ هااااه..؟؟
غلا: هههههههههههه عادي عادي يابنتي.. تصير كل يوم..
ملاك: مابي ابي اروح بيتنا..
غلا: لاتصيرين لي مثل الاطفال انتِ بعد وانثبري مكانك لا بكف على خشتك التعبانه.. تراه عرف انك فيه يعني مابيرجع مره ثانيه..
حنين: يووووه عاد خلاص انتِ وهي.. تحصل في احسن العائلات..
سكون: ههههههههههههه انتو عاد شفتوا وجه خالد شلون صار..؟؟ كأن أحد ضاربه بالمقلى على خشمه..!!
الحور: ههههههههههههههههههههههههه هههههه اش ذا سكونوه الله يرجك..!! عليكِ كلام..
غلا: هههههههههههه أجل ذي اللي كأنها قرد مضيع أمه..!!
أنا قرد مضيع أمه..؟؟ هيييييييين ياغلوه.. رفعت شنطتي فوووووووق.. وطيييييييخ.. على راسها..
غلا: آيييييييييي ياسبااااااااله..
ملاك: ايه.. تعلمي تسبين مره ثانيه..
الحور: ايوااااا تعجبيني ملاك..
سكون: بنات والله اشتقت لعليوه.. لها وحشه..!!
حنين: وانتِ بعد عليكِ سوالف.. خليها تنبسط مع حبيب القلب..
سكون: هههههههههههههه عقبااالك
حنين: لالالا عيوني انا بعدني صغيره..
غلا – بشهقه - : انتِ الحين صغييييره..!! حرام عليكِ بتصكين الثمانين وانتِ تقولين بعدني صغيره..
حنين – بشهقه اكبر - : الحين انا بصك الثمانين يالظالمه..!!
ملاك: أصلآ غلا عمرها الحقيقي 73 بس ماتبي تعترف..!!
ومانتبهت الا بضربه قويه على راسي من شنطة غلا..
ملاك: آآآآآآآه يادبه..
غلا: ايه.. اعرف شلون اردها..
جات الشغاله بعد شوي تنادينا للعشا وانا ميته من الحيا.. والله احراج اجلس معاهم..!! هم عايله وحده انا وش جابني بينهم..!!!
......................................
~ فارس ~
بعد العشا رحت جنب ابوي وذكرته بصوت واطي عشان يكلم عمي..
بو فارس: يابو تركي..
بو تركي: سم..
بو فارس: السم لعداك.. ياخوي انا طالبك..
بو تركي: آمر ياخوي وابشر بعزك..
بو فارس: انا ابي بنتك حنين لولدي ذا.. وحط يده على كتفي..
حسيت عمي متفاجئ.. يمكن ماكان متوقع.. بس انرسمت على وجهه ابتسامه واسعه..
بو تركي: والله ياخوي انا مابلقى أحسن من فارس لبنتي.. واذا علي انا .. انا موافق.. بس لازم اشاور البنت قبل وارد عليك..
انا تشققت .. وصرت ابتسم بهباله..واسمع تبريكات الشباب وعقلي مو معاهم.. من الفرح طبعآ..
الوليد: أحلى أحلى.. والله وفكرت بالزواج يالخاين من ورانا..!!
تركي: يللا انتم السابقون ونحن اللاحقون.. مبرووك..
فارس: هههه الله يبارك فيكم..
خالد: والله حاله.. عيال اخواني بيتزوجون قبلي..
فارس: انت ناوي علينا تحسدنا.. ماحد ماسكك عن الزواج..!!
خالد: لا والله ماحد ماسكني.. قريب ان شاء الله..
فارس: اقول شباب.. قوموا انا عازمكم ع المكان اللي تبون..
تركي: ماشاء الله.. وش هالكرم الحاتمي اللي نازل عليك..!! تراها لسه ماوافقت..
فارس: هييييييي انت مو تشيشها علي تخليها ترفض..!!
تركي: أفااا.. ماتجي مني فرووس..
فارس: ههههههههههه يللا أجل مشينا..
..................................
اليوم اللي بعده
~ حنين ~
نزلت الصاله لأبوي.. قال لأمي تناديني.. مادري وش يبي..
حنين: آمر يبه..
بو تركي: هلا حبيبتي.. تعالي..
جلست جنبه وانا مستغربه.. مدري وش صاير..!!
بو تركي: حنين حبيبتي انتِ كبرتي الحين وصرتي حرمه..
استغربت اكثر واكثر من اسلوبه..!!
بو تركي: اسمعي يابنتي.. البارحه عمك بو فارس طلبك لولده.. وانا عن نفسي موافق.. بس باقي رايك..
بصراحه.. تفاجأت..!! ماتوقعت هالشي أبدآ..!! ماعرفت وش اقول لأبوي..!!
بو تركي: ها يابنتي..
حنين: احم.. يبه.. أنا..أنا أبي أفكر..
بو تركي: فكري حبيبتي وخذي راحتك.. بس صدقيني مابتلقين أحسن من ولد عمك..
مادريت وش اقول.. رحت لغرفتي.. مادري وش شعوري بالضبط.. هو فرح.. والا مفاجأه.. والا وشو بالضبط..!!
...................................
بعد شهر
تلخيص للأحداث
حنين وافقت على فارس بعد تفكير طويل وملكوا قبل اسبوعين..
محمد وعليا رجعوا من اسبانيا..
فيصل ترك البنت اللي كان يكلمها.. وعرف ان الشي اللي اساسه غلط نهايته اكيد بتكون غلط..
وطبعآ الدراسه بدت قبل 3 سابيع.. وبدت معاها سنه جديده..
.................................
~ سكون ~
أفففففف وينها ذي.. يازعم بتروح الكفتيريا خمس دقايق وبتجي وللحين ماجت وانا جالسه هنا انتظرها..
الحور: بوووووووو في ايش تفكرين..؟؟
سكون: بسم الله..!! مابغيتي تجين..!!
الحور: شسوي زحمه.. خذي..
أخذت العصير منها وشربت شوي منها..
سكون: أف عندنا كلاس بعد عشر دقايق..مالي خلق..!!
الحور: ماحد له خلق.. بس وش نسوي هذا قدرنا..
سكون: ياربي الحر زايد هاليومين حوروه..
الحور: ارفعي شعرك ماحد قال لك فكيه..
سكون: قولتك يعني..؟؟
الحور: بالله مايحرك وهو مفكوك كذا..؟؟
سكون: مادري.. امسكي لحظه..
أعطيتها الكتاب والعصير وطلعت مشبك من الشنطه ورفعت شعري..
سكون: ايه والله كذا أحسن..!!
الحور: انزين يللا امشي..
دخلنا القاعه وظلينا ننتظر الدكتوره الهنديه تشرف.. وبعد ماخلصت هذرتها طلعنا..
سكون: والله انها تطفش.. آخر زمن هنود يدرسونا..!! هزلت والله..!!
الحور: هههههههههههههههه ايه والله.. واللي باط جبدي شعرها ذا..!!
سكون: أخ بس سكتي.. نفسي اجزه لها بسكين..
الحور: هههههههههههههههه كان تصير لحظه تاريخيه..
سكون: ههههههههه.. من بيوصلك اليوم..؟؟
الحور: وليدوه..
سكون: زين أجل.. فيصلوه يقول مشغول وأبوي في الشركه.. يعني بجي معك..
الحور: حياكِ..
سكون: متى قلتي له يجي..؟؟
طالعت في ساعتها..
الحور: بعد ربع ساعه بالضبط..
وبعد ربع ساعه.. دق الوليد..
الحور: وصل.. يللا..
لبست الغطا وطلعت مع الحور..
الحور: سكونوه غطي عيونك نبي نسوي فيه مقلب..
سكون: هاه..؟؟
الحور: سوي اللي قلت لك وبلا هذره..
طعتها ونزلت الغطا على عيوني وركبنا السياره..
الحور: السلاااااااااام..
الوليد: وعليكم السلام..
الحور: الوليد صاحبتي بتجي معانا البيت..
الوليد: آها.. حياها الله....
الحور: وليد سكون اليوم ماجات الجامعه..
الوليد – صوته بدا يتغير - : ليه..؟؟؟
الحور: تقول تعبانه..
الوليد – بخوف - : تعبانه..؟؟ ليه وش فيها..؟؟
الحور: مسكينه تقول مو قادره تتحرك من مكانها جسمها كله يألمها..
الوليد – لونه بدا يختقي - : هاه..؟؟ كيف يعني..؟؟ كذا بدون سبب..؟؟ الحين الحين لازم تروحين لها..
الحور: شلون أروح لها..؟؟ ماتشوف معي ضيوف..!!
الوليد انصدم.. شكله نسي سالفة ( الضيفه ) اللي قاعده ورا..
الوليد: هاه .. احم.. الليـ.. احم.. لازم تزورينها الحور.. عشان تطمنين عليها..
أنا عاد هنا ماقدرت أمسك نفسي عن الضحك..مسكين شكله تخزبق..كسر خاطري..
انا من شفته كذا كريتها ضحكه.. وشكله من ضحكتي عرفني..
الوليد: هذي انتِ ياسباااااااله.. هييييييييييييين.. ومسويه فيها ساكته ومؤدبه..!!
سكون: ههههههههههه أنا مالي شغل.. والله مادريت وش كانت بتسوي.. قالت لي غطي عيونك وسكتي ولا أدري وش السالفه..
الوليد: ايه صادقه.. صدقتك..!!
الحور: ههههههههه لاه قوم اضربها بعد..!!
الوليد: سكتي انتِ ولا كلمه.. مالك شغل..
سكون: انزين هدي.. ول صاير أبد مايتقبل المزح..!!
الوليد: مالت عليكم بس.. يللا وصلنا.. انزلوا اشوف..
الحور: ول ول زين نزلنا..!! حشى..!!
نزلنا البيت.. سلمت على عمي وزوجته بعدين رحنا غرفة الحور.. ظليت معاها لين المغرب بعدين دقيت على فيصل عشان يجيني وارجع البيت..
أول ماوصلت البيت جيت بصعد الغرفه الا ابوي يناديني..
سكون: هلا يبه..
بوفيصل: تعالي حبيبتي قعدي جنب ابوكِ..
رحت وجلست جنبه..
بو فيصل: هاه.. شخبار الدراسه..
سكون: والله تمام..
بوفيصل: سمعي سكون انا بدخل لك في الموضوع بدون مقدمات..
سكون: سم يبه..
بوفيصل: سكون..اليوم بو سلمان صاحبي..كلمني.. يبي يخطبك لولده سلمان..!!
انصدمت.. ماعرفت بشنو أفكر لو شنو أقول..!!
بو فيصل: مايحتاج تردين الحين يبنيتي.. خذي الوقت اللي تبين في التفكير..أهم شي راحتك..
هزيت راسي وانا ساكته.. بعدين على طول رحت الغرفه وبدون تفكير دقيت على الحور..
الحور: مرحبااااااااااا ملاييييييين ولا يسدن..
ابتسمت غصبآ عني على حركات الحور..
سكون: قالبه اماراتي..
الحور: هههههههههه وش عندك داقه..؟؟ توك قبل شوي معي..
سكون: وللللللللل أقفل يعني..؟؟
الحور: أمزح معك زيين..!!
سكون: حوروه..
الحور: هاه..
سكون: تعرفين بو سلمان صاحب أبوي..؟؟
الحور: هذاك اللي يشتغل بالشركه..
سكون: ايه..
الحور: وش فيه..؟؟
سكون: يبي.. يبي يخطبني لولده..!!
الحور: وشـــو..؟؟؟؟؟؟؟؟؟؟
سكون: والله..
الحور: وقسم بالله لو توافقين اذبحك..!!
سكون: الحور والله مادري وش اسوي.. طيب لو سألني أبوي وش عذري..؟؟
الحور: سكونوه مادري.. المهم انك ماتوافقين.. الوليد بيموت والله..
سكون: حوروه.....
الحور: سكون.. ماعليه بكلمك بعدين.. الوليد يناديني..
....................................
~ الحور ~
طلعت للوليد..
الحور: هلا..
الوليد شصاير..؟؟
الحور: هاه..؟؟ وين..؟؟
الوليد: سمعت طاري اسمي.. الوليد بيموت مابيموت..ايش صاير..؟؟
الحور: اممممم.. مادري كيف اقول لك بس.............
الوليد: وشو..؟؟
الحور: سكون.. انخطبت..!!