الفصل 4
....................................
~ محمد ~
فتحت عليا الباب.. وانا وقف قلبي.. كان شكلها روووووووووعه.. صايره ناعمه بشكل.!!
فاكه شعرها ولابسه بيجامه والهدفون بأذنها.. طالعت فيني مستغربه وجت بتسكر الباب بوجهي بس أنا مسكتها.. أنا ماصدقت تجيني فرصه ألقاكِ فيها بروحك وتبين تنحاشين..؟؟
لا يالخطيبه المحترمه..!
دزيتها شوي ودخلت الغرفه وسكرت الباب وراي..
عليا: هي هي انت مجنون..؟؟ وش تسوي هنا..؟؟
محمد: ايه مجنون.. ماني طالع من هنا الا اذا عرفت كل شي..
عليا: انهبلت انت..؟؟ وش تعرف كل شي..؟؟ أي شي ذا أصلآ..؟؟ وبعدين لو يجي أحد الحين ويشوفك..؟؟
كان شكلها يهببببببل وهي معصبه..!!!!!
محمد: خلهم يشوفوني.. زوجتي وبكيفي.. وماني متحرك من هنا الا لما تجاوبيني على كل أسئلتي..
وعشان اثبت كلامي سحبت كرسي وجلست.. ومو جلسه عاديه.. لاتربعت <<ماخذ راحته الأخ..!!
فتحت عيونها للآخر وهي تناظرني..
عليا: شارب شي انت..؟؟
محمد: ايه شارب ولحيه بعد.. والحين قعدي اشوف..
مشت عليا بتأفف وجلست على طرف السرير..
عليا: وهذي قعدنا.. قول وش أسألتك..
تدرون.. أدري هذا مو وقته.. بس كنت مبسوووط.. أول مره اجلس مع عليا كذا وتاخذ وتعطي معي بالكلام..!!
يمكن من زود ماهي معصبه مانتبهت لنفسها خيخيخي..
محمد: طيب.. ممكن أعرف سبب كل ذا..؟؟
عليا: سبب وشو..؟؟
محمد: التجاهل..
عليا: أي تجاهل..؟؟
محمد – بنفاذ صبر - : تجاهلك لي..!!
عليا: أنا..أتجاهلك..؟؟ - بسخريه – وليش ان شاء الله..؟؟
مسكت اعصابي لا اطير في حلقها.. وش ذا البرود فيها..!!
محمد: اسمعيني عليا.. تراني ماني غبيه ولا غشيم.. اذا انتِ ماتبيني.. ليه وافقتي علي..؟؟
سكتت عليا.. ووطت راسها.. يالله.. وشو ذا بعد.. تبكي..!!!!!!
محمد: عليا انا ماقلت هالكلام عشان تبكين.. انا قلته عشان افهم..
وبدال ماتسكت زاد بكاها..
ياربي وش اسوي..!! قلت شي غلط أنا عشان تبكي..!!
محمد: عليا..
عليا:...........
محمد: عليـــا قلبي ..
عليا:............
قمت من الكرسي وجلست جنبها ورفعت وجهها ومسحت دموعها بيدي ..
محمد – بحنان -: الحين ليش كل هالدموع..؟؟
عليا:.................
محمد: عليا الله يخليكِ جاوبي سؤالي.. تراني عايش في عذاب..يرضيكِ يعني..؟؟
هزت راسها بـ لا..
محمد: أجل قولي لي.. ليش..؟؟
عليا – وهي تبكي - : لأنك.. لأنك تحب وحده ثانيه..!!
انصدمت..!!!! وقفت من مكاني عشان اهدي نفسي.. وش تخربط فيه ذي..!!
محمد: وشو..؟؟ أحب وحده ثانيه..؟؟ من وين جايبه هالكلام البايخ..؟؟
عليا: لا تكذب.. أنا شفتك.. شفتك بعيوني واقف معاها..
محمد: عليا اهدي وفهميني.. وش قاعده تقولين.. ومنهي هالوحده ووين شفتيها..؟؟
عليا: شفتك.. بالمول.. لما رحنا سوا.. كنت واقف معاها وهي تضحك ومبسوطه.. انا ماهتميت بالموضوع وقتها بس لما خطبتني.......
عصرت مخي.. حاولت اتذكر.. وحده كنت واقف معاها بالمول..!!!
ماني ذاكر شي..!!
لحظه.. لايكون تقصد ريم..!!!
محمد: اييييييه قصدك ريم..!!
رفعت راسها بقوه.. وهي تطالعني بنظرات غريبه.. حسيتها يمكن بأي لحظه تنط وتقتلني..!!
عليا: تعرفها..تعرفها محمد.. ما انكرت.. يعني تعرفها..!!!!
وصارت تبكي بقووه وبطريقه تعووور القلب..!!
محمد: عليا اسمعيني..أنـ..
عليا: مابي اسمعك.. اطلع برا..
غمضت عيوني وانا احاول اهدأ .. وبعدين رجعت جلست جنبها ومسكت يدها..
محمد: عليا.. البنت ذي اللي شفتيها معي كانت زميلتي بالجامعه.. شافتني وسلمت وانا انحرجت اني مارد عليها.. ولو انتِ دققتي شوي كان عرفتي ان انا طفشان منها وحتى ابتسامه ماكنت مبتسم..وانتِ على طول حكمتي اني احبها..؟؟ عليا انا احبك انتِ.. والله احبك انتِ وبس..!!
عليا – رمت الكلمه بوجهي بقوه - : كــــذاب..!!
تتخيلون الصدمه..؟!!!
عليا: كذاب.. وش يثبت لي كلامك هاه..؟؟
عاد لهنا وبس.. تركت يدها وقمت ..طلعت من الغرفه وصفقت الباب وراي وطلعت من البيت وركبت السياره..
سندت راسي على الكرسي وغمضت عيني.. لمست خدي.. دموع..!!
هه.. والله وصرت تبكي يامحمد عشان وحده ماتبيك.. مسحت عيوني بقوه وشغلت السياره ومشيت..
مافيه مكان أحسن من البحر..!!
.........................................
~ عليا ~
أول ماطلع محمد دخلت في حاله مو طبيعيه من البكا.. ياربي ما أدري أصدقه والا أكذبه.. طيب ايش يثبت لي انه صادق..؟؟ ولا شي..!!
ياربي ساعدني.. وش اسوي..!! احس حالي بنجن..!!
وأنا أفكر انفتح الباب..
الحور: عليووه شوفي وش شريت من...عليا..!! عليا شفيكِ حبيبتي بسم الله عليك..!!
عليا: حور محمد كان هنا..!!
الحور: هاه..؟؟ محمــ..!! محمد..؟؟ كان هنا..؟؟ وين..؟؟
عليا: هنا هنا..!!
شهقت الحور.. وش صاااااار..؟؟ وش سويتي يالهبله..؟؟ لاتقولي طردتيه..!!!!
عليا: لاماطردته..!!
الحور: أجل..؟؟
علمتها السالفه كلها..
شهقت مره ثانيه..
الحور: مجنونه انتِ..؟؟ والله مجنونه..!! الحين هو جاي يقول لك أحبك تردين عليه كذا..؟؟
عليا: ايش يثبت لي انه صادق..؟؟
الحور: وايش يثبت لك انه كذاب..؟؟
عليا: بس انا شفته بعيوني.. حتى انتِ شفتيه..
الحور: وهو ما أنكر انه كان واقف معاها.. لو كان يبي يكذب كان انكر..
عليا: بس..
الحور: بلا بس بلا هم.. انتِ مجنونه.. الرجال مستحيل يذل نفسه بهالطريقه لو ماكان يحبك..!!
عليا: مادري الحور.. والله مادري..!!
الحور: انتِ ماتدرين بس انا ادري..
وطلعت جوالها ودقت على مدري مين..
الحور: ألو.. هلا خاله..
....................................
~ محمد ~
كنت جالس على البحر.. أفكر في حالتي..الا وجوالي يدق..رقم غريب.. أففف مالي خلق احد..
ظل الجوال يدق فتره طوييله.. لين طفشت وقررت ارد..
محمد: ألو..
- ............
محمد: ألــوووو..
- محمــ.. محمد..؟؟
فزيت من مكاني..
محمد: عليـــا..!!
عليا: ايه عليا..
كان صوتها باين منه انها تبكي..ومهما كان اللي قالته فأنا مازلت أحبها.. وبكاها يعذبني..
محمد: عليا حبيبتي لا تبكي.. لاتعورين قلبي..
عليا: محمد أنا آسفه ماقصــ..
محمد: اششش.. لاتقولين شي.. خليكِ بمكانك..أنا جاي الحين..
ركبت السياره وبوقت قياسي وصلت بيت عمي..
دخلت البيت وكانت خالتي هناك..
محمد: خالتي.. الله يخليك أبي أكلم عليا ضروري..وينها فيه..؟؟
أم الوليد: عسى ماشر يوليدي شصاير..؟؟
محمد: بعدين خاله بعدين.. وينها عليا..؟؟
ام الوليد: فوق بغرفتها..
محمد: مشكوره خاله..
وطيراااااان على غرفة عليا.. طقيت الباب وما انتظرت على طول فتحته ودخلت..
كانت جالسه على السرير حاضنه الدبدوب وتبكي..وقفت قريب منها..
محمد: عليا..
رفعت عيونها وزاد بكاها..ماتحملت اشوفها كذا.. مسكت ايدينها ووقفتها.. واول ماصار واقفه قبالي حضنتها..
عليا: آسفه محمد..
محمد: أش أش ولا كلمه..
وابتسمت لها.. ولما شافتني كذا ابتسمت وبنفس الوقت كانت تبكي..!!
محمد: والحين يللا اشوف..بلا دلع بنات روحي غسلي وجهك وبدلي ملابسك وانا انتظرك تحت بوديكِ لمكان يعجبك..
عليا: هاه..؟؟ نطلع..؟؟ شلون..؟؟
محمد: مالك شغل زوجتي وبكيفي..ملقوفه..
عليا: مابي..
محمد: ماقلنا بلا هذره..؟؟ يللا اشوف.
.............................
~ عليا ~
أخذت شاور ع السريع وبعد مالبست وخلصت نزلت..
كان محمد جالس مع أمي بالصاله..
عليا: احم احم.. انا خلصت..
رفع راسه محمد وهو يطالعني بنظه غريبه.. شفيه ذا..!!!!
بعد ماطلعنا من الصاله..
عليا: شفيك تطالعني كذا..؟؟ فيني شي غلط..؟؟
محمد: هاه..؟؟ لا بالعكس.. صايره قمر..!!
انا وجهي احترق..!! عشان كذا طنشت كلامه ومارديت ولبست الغطا بسرعه..
محمد: ههههههههههه.. تستحي علووي..!!
طلعنا من البيت وركبنا السياره..
عليا: وين بنروح..؟؟
محمد: شفيكِ انتِ ملقوفه..؟؟
عليا: أففففف..أجل بنزل..
محمد: لا تكفين خليك.. اول بنروح نتعشى وبعدين.. اممممممم.. براويك شي..
عليا: وشهو..؟؟
محمد: ياربي منك.. خليها مفاجأه..!!
عليا: طيب طيب لا تعصب..!!
محمد: أعصب..؟؟ الا طاير من الفرح..!!
عليا: ههههههه.. دوم ان شاء الله..
محمد: اذا بقيتي معي بتدوم..
ومد يده ومسك يدي.. انا استحيت من حركته لكن ما اعترضت..
محمد: عليـــا
عليا: هلا..
محمد: أحبك..
ورفع يدي وباسها.. انا عاد دوروني ذاك الوقت ما بتلقوني..!! حسيت فيه حريقه شبت بوجهي..!! خخخخ تشبيه حلو صح..؟؟
محمد: علــووووي ..
عليا: هاه..
محمد: شفيك..؟؟
عليا: هاه..مافيني شي..!!
محمد: فديت المستحيه انا..!!
عليا: احم.. انتبه للطريق احسن..
محمد: ههههههههه.. ول.. تعرف تصرف بعد..!!
دق جوال محمد..
محمد: هذا الوليد..
رد وخلاه سبيكر..
الوليد: اه ياللي ماتستحي.. الحين انا انتظرك وفي النهايه يقولون لي طالع مع الحبيبه..؟؟
محمد: والله شسوي لك..؟؟ انتظرتك ولما ماجيت اخذت علوي معي وطلعنا..
الوليد: وشو ذي علوي بعد..؟؟
محمد: ادلع حبيبتي عندك مانع..؟؟
الوليد: لا وصاروا يدلعونها بعد..!!
الا انا نطيت في السالفه..
عليا: ليش يعني مو عاجبك والا مو عاجبك..؟؟
الوليد: بسم الله.. وش جابها ذي..!!
محمد: ههههههههههههههههه انا فاتح السبيكر يـ حظي..!!
الوليد: اخ منك يالخاين.. تخلي البنات يسمعون كلامنا..؟؟
محمد: هذي مو اي بنت.. هذي عليا فديتها..
الا وبقرصه في يدي..
محمد: أي..
طالعت في عليا الا هي تطالعني بحقد..
الوليد: شفيك..؟؟
محمد: لا يدي صقعت بمدري ايش بس..
الوليد: هههههههه..أجل طس انت وخشتك.. يللا باي..
محمد: باي..
بعدين طالعت في عليا..
محمد: يادبه عورتيني..
عليا: احسن تستاهل.. وبعدين انتو كله هواش كذا..!!
محمد: هههههههههه ماشفتي شي..!!
. .................
في نفس الوقت
~ خالد ~
مدري شيبي أخوي عبد الله.. اتصل فيني قبل شوي يقول لي اجيه البيت ضروري..
وانا داخل البيت الا بصقعه.. بسم الله منو ذا اللي صاقع فيني..!!
اكيد غلوه الخبله.. فتحت عيوني زين..!! لا والله ذي مو غلا..
شكلي صقعت في ملاك نازل من السما..!!
البنت: أوه.. سوري..
وغطت وجهها وطلعت بسرعه من البيت..
وقفت فتره بمكاني ابي استوعب..!!!! الا بصوت قوي.. شصاير بعد..!!
غلا:خاااااااااااااااااااا� �الدووووووووه.. وش جابك هنا..؟؟
خالد: بسم الله.. وانتِ أبد الاحترام عندك..؟؟ شرايك تطرديني بعد..؟؟
غلا: لا شدعوه عمي.. وانت ماحد يمزح معك..!!
خالد: غلا منهي البنت اللي تو طلعت..؟؟
غلا: هذي ملاك صاحبتي.. ليش تسأل..؟؟
خالد: هاه..؟؟ لا ولا شي.. وين ابوك..؟؟
خالد: داخل الصاله.. تفضل..
ملاك..!! اسمها ملاك..!! من جد اسم على مسمى..!!!!!
بعدتها شوي عن تفكيري ودخلت اشوف اخوي وش يبي..
.............................
غلا ~
دق جوالي.. أوه.. هذي ملاكوه..
غلا: هلا والله..
ملاك: غلووووه.. لحقي علي.. بمووووت..
غلا: بسم الله شفيك..!! شصاير..؟؟
ملاك: اليوم انا صقعت في القمر نفسه.. متأكده..!!
غلا: الله يثبت العقول.. شفيكِ انتِ انهبلتي..؟؟
ملاك: ايه ايه انهبلت.. غلوه والله يهببببببببل..!!
غلا: منهو ذا..؟؟
ملاك: مين اللي قبل شوي كان داخل بيتكم..؟؟
غلا: عمي خالد.. انتِ تسألين وهو يسأل.. ليش وش صاير..؟؟
ملاك: بالله سأل عني..؟؟ وبعدين يالدبه هذا عمك..؟؟ يااحظك فيه بس..!!
غلا: ملاكوه دوختيني والله.. شصاير..؟؟
ملاك: صقعت فيه صقعه قووويه..
غلا: أسألك بالله..؟؟
ملاك: والله العظيم..!!
غلا: وااااااااااو.. أجل نتوقع خطبه قريبه..
ملاك: ههههههههههههههههه.. الله يدفع البلا.. سويتيها خطبه على طول..
غلا: انتِ ماشفتيه شلون كان واقف متنح بالحديقه..تقولين شايف ايش.. وبعدين اصلآ يحصل له وحده بجمالك مالت عليه..
ملاك: احم احم..
غلا: اقول لا تشوفين حالك تراني احلى منك..
ملاك: عاد تكفين..!!
غلا: ليه ان شاء الله مو عاجبتك..؟؟
ملاك: الا عاجبتني ونص.. الا تعالي.. عمك هذا كم عمره..؟؟
غلا: ويييه.. بدت سوالف الاعجاب.. عمره 25..
ملاك: لاتقولين لي متزوج والا خاطب..!!
غلا: ياربي خبله.. لو كان متزوج لو خاطب قلت لك انه معجب فيك؟؟؟؟ لكن ان شاء الله قريب بيخطب..
ملاك – شهقت - : ميييين..؟؟
غلا: انتِ يالهبله..!!
ملاك: وكيف بالله..؟؟
غلا: خليها علي وبتشوفين..!!
.................................
~ محمد ~
طلعنا من المطعم بعد ماتعشينا وركبنا السياره..
محمد: والآن استعدي للمفاجأه..
عليا: أحلى يالفصحى..
محمد: ههههههههههه عشانك نتكلم باللي تبين..
عليا: احم احم..
محمد: ههههههههه خلاص خلاص سكتنا..
عليا: طيب مابتقول لي وين بنروح..؟؟
محمد:: يا الله..!! الحين يوم ماباقي شي ونوصل تبيني اخرب المفاجأه..؟؟
عليا: أفففففففف..
محمد: بلا أفأفه يللا..!!
عليا: ههههههههه.. كأنك جدتي..
محمد: احم احم أعرف أمثل زي العجايز صح..؟؟
عليا: ويييه مو كلمه ذي شفت حالك..
محمد: لا وتحطم بعد بنت العم..!!
عليا: يوه خلاص آسفين..
محمد: لاخلاص انا زعلان..
عليا: عاااااد محمد والله امزح..
محمد: لا مابي انا زعلان..
عليا: طيب وش تبي عشان ترضى..؟؟
محمد: امممممم.. ابي بوسه..
فتحت عيونها ع الآخر..
عليا: اييييييييش..؟؟
محمد: اللي سمعتيه.. أبي بوسه..!!
عليا: مجنــــون..!! بالشارع عاد..!!
محمد: الشارع ظلام وفاضي.. لا تتحججين.. وماني متحرك من مكاني الا بالبوسه..
وعشان أأكد كلامي وقفت السياره..
عليا: والله مجنون..!!
محمد: من زمان مجنون.. فيك..!!
تمت تناظرني مستغربه..
محمد: شفيك..؟؟
عليا: انت من جدك..؟؟
محمد: الا من جد جدي..
ابتسمت ابتسامه جانبيه.. ذوووووبتني..
عليا: انزين قرب شوي..
قربت منها وباستني على خدي وبسررررعه بعدت .. تدرون.. مادري كيف حسيت.. كأن فيه ضباب على عيوني.. وكأن قلبي طاح في بطني وانهضم..!! يعني باختصار.. دخت..!!!!!
عليا: هههههههههه.. شفيييك..؟؟
محمد: ذوبتييييني..!!
عليا – باحراج – : هي الا بوسه ..!!!!!
محمد: ايه.. علينا..؟؟هي الا بوسه..؟؟ تونا قبل شوي نشحذها..!!
عليا: هههههههههههه..
محمد: يللا اجل.. اذا على قولتك هي الا بوسه.. عطيني وحده ثانيه..
عليا: عاد محمد.. خلاص ابي اشوف المفاجأه..
محمد: ايه ايه قولي من اول هالبوسه مو حبآ فيني بس عشان تعرفين وش المفاجأه..
عليا: أفااا.. شدعوه..!!
محمد: يللا اجل هاتي الثانيه..
عليا: ياربي منك محمد.. يللا عااااد..
محمد: ههههههههههههههههه.. طيب ابشري.. أصلآ قربنا نوصل..
وبعد خمس دقايق..
محمد: وهذا وصلنا.. يللا نزلي..
نزلت عليا ونزلت.. دخلنا عماره كبيره وركبنا بالمصعد للطابق الخامس.. وصلت لباب اعرفه وطلعت المفتاح وفتحته..
محمد: تفضلي..
...............................
~ عليا ~
رمشت بعيوني بسرعه ابي استوعب اللي اشوفه.. كانت شقه ولا اروع..
الوانها بدرجات العودي.. كانت روووعه وفخمه.. ببساطه..ماتنوصف..!!
محمد: شرايك..؟؟
عليا: هذي............؟؟
محمد: ايه هذي شقتنا..
عليا: روعـــه..!!
محمد: احم.. شكرآ.. طبعآ من بكره تجين ترتبين اللي تبين..
عليا: من بكره عاااد..!! لسه باقي وقت..!!
محمد: لا مو باقي.. ترى موعد الزواج تحدد..!!
شهقت عليا وطالعتني بصدمه..
عليا: ياسلااااااااااااام.. ومحدد موعد الزواج بدون حتى ماتستشيرني..!!
محمد: هي هي اهدي.. انا مالي شغل امي وامك خبروني..
عليا: وانا يعني مالي راي..؟؟ ماحد فكر يسألني..؟؟ زواجي والا زواجهم..؟؟
محمد: يااربي مالي شغل انا طيب..!! انا احسب انك تدرين..!! لما قالوا لي فكرتك انتِ اللي حددتيه..!!
عليا: حلوه ذي.. زواج بنت الجيران وانا مادري.. زين متى بيكون..؟؟
محمد: امممم.. بعد شهر ونص بالضبط..
شهقت شهقه قويه..
عليا: وشــــــو..؟؟؟؟؟
محمد: شفيكِ طالع لك جني..؟؟
عليا: انت متأكد..؟؟
عليا: بس كيف..؟؟ وبعدين.. أنا ماجهزت شي للحين..كيف كذا.. امي المفروض تقول لي..
محمد: مادري.. يمكن تحسبني قلت لك..!!
عليا: مادري.. أحس الوضع غريب..!!
محمد: مادري والله.. المهم اني بكره بمرك عشان تجين ترتبين وتغيرين في اللي تبينه..
عليا: هاه..؟؟
محمد: هيه.. وشو..؟؟
عليا: لا بس اذا انا جيت.. لازم باخذ معي أختي الحور عشان تساعدني.. والحور مستحيل تتحرك بدون سكون بنت عمي..ويعني اذا انت معنا هم مابياخذون راحتهم..
محمد: لابوصلكم وبطلع.. انا ابي اجيب كم حاجه بعد هنا..
عليا: هاه.. لا اختي وبنت عمي يستحون.. الوليد يوصلنا احسن..
محمد: وبنت عمك ماتستحي من الوليد يعني..؟؟ والا بس انا..؟؟
عليا: لالا الوليد متعوده عليه هي..
محمد: والله مادري هم المستحيات مني والا احد ثاني..!!
عليا: هاه..؟؟
محمد: لا سلامتك..
عليا: زين خلنا نرجع تأخر الوقت..
محمد: هههه زين عمتي يللا نرجع..
...............................
اليوم اللي بعده
~ الوليد ~
ياااااربي من هالبنات.. اللي يشوفهم رايحات حفله.. سنه يتجهزن..!!
نزلت الحور أول وبعدها عليا..
الوليد: صباح الليل..
الحور: هههههههههه.. شفيك معصب..؟؟
الوليد: لأني مو فاضي لكم.. والحين بعد لازم نمر على بنت العم العزيزه وناخذها معانا..
طلعت عيون الحور من محجرها من كثر مابققتها فيني.. مستغربه من طريقة كلامي.. وادري ان انتو بعد مستغربين.. انا اقول لكم ليش.. من هذاك اليوم في البر وهي مو عاطيتني وجه.. حتى سلام اذا شافتني صارت ماتسلم..مادري شقصدها بحركاتها السخيفه ذي.. هل قصدها انها رافضه الكلام اللي قلته والا وشو بالضبط.. مادري..!!
ماعلينا.. شغلت السياره ومشيت.. الا ومحمد يدق..
الوليد: هلا ولد العم..
محمد: هلا بك.. الا اقول وينك..؟؟
الوليد: رايح الشقه بوصل خواتي.. آمر..
محمد: مايامر عليك عدو.. بس بقول لك.. قبل شوي خليت السايق يودي شنطه فيها معداتي الرياضيه.. ولأن ماعنده مفتاح خلاها عند باب الشقه.. يعني اذا ماعليك امر دخلها داخل بس..
الوليد: افا عليك بو عبد الله تامر أمر..
محمد: تسلم.. يللا سلام..
وصلت بيت عمي بوفيصل ودقت الحور على الأخت عشان تطلع..
الحور: هلا سكون.. يللا وصلنا عند بيتكم..
- هههههه..لا الوليد..
- ايه طيب.. باي..
بعد ثواني طلعت سكون وركبت السياره..
سكون: السلام عليكم..
الكل: وعليكم السلام..
سكون: كيفك عليا..
عليا: بخير حبيبتي انتِ شلونك..؟؟
سكون بخير..
وبدت تهذر هي وحوروه هذرتهم الفاضيه..
شفتوا..؟؟ ماقلت لكم حتى سلام ماتسلم علي..!! مالت عليكِ اقول..!!
وصلت العماره ونزلت ونزلوا البنات.. عند الشقه كان فيه شنطتين فيهم معدات محمد.. بالاضافه طبعآ للأغراض اللي جابتهم عليا واللي أنا حملتهم ..
الوليد: اقول آنسات.. مو كأني عاطيكم وجه بزياده..؟؟ حمّال عندكم أنا..؟؟ تلحلحوا احملوا شي دخلوه الغرفه بس خطوتين زين..!!
طالعت فيني سكون بحقد ومدت يدها وحملت شنطه..
وانا ما انتبهت للي حملتها الا بعد مارفعتها.. كانت شنطه حق محمد.. وانا متأكد انها مستحيل تقدر تحملها لأن مره ثقيله..
ومرت الصوره قدامي كأنها بالحركه البطيئه..سكون تطيح.. والشنطه بتطيح فوقها..!!! ببساطه.. بتكسرها..!!
ومن دون تفكير.. ورغم اني ادري اني ماراح اقدر امسك الشنطه كذا..بس حاولت ابعدها عنها..
بس للأسف حركتي جات متأخره لأنها طاحت.. والشنطه فوقها.. الا وفوق يدي بعد..
وآخر شي حسيت فيه.. هم ألم قاتل.. كأن يدي تفتت..
وبعدها ماحسيت بشي..
................................................. ..........
~ الوليد ~
فتحت عيوني.. أنا وين..؟؟ نظري صاير مشوش.. رفعت يدي أبي أمسك راسي..أحس يدي ثقيله..!!
ايش هذا اللي فيها..؟؟يدي فيها جبيره..!!!!!!!
حاولت أتذكر اللي صار بس ماقدرت.. أحس تفكيري ملخبط..
سمعت صوت وكأنه جاي من بعييييييييييييييييد..
- صحيت..؟؟ الحمد لله على سلامتك.. والله خوفتنا عليك..!!
حاولت أركز عيوني أكثر.. هذي..أختي..عليا..
الوليد: عليا..أنا وين..؟؟
عليا: بالمستشفى حبيبي..
غمضت عيوني أحاول أعصر مخي.. وتذكرت كل شي..تذكرت سكون..ياربي وينها سكون..؟!!
حاولت اقوم من مكاني بس فيه يد مسكتني..مين ذي.. الحور..!!
الحور: خليك مكانك الوليد لا تتحرك..
الوليد: سكون.. وينها سكون..؟؟
الحور: الدكتور لسه معاها..
حاولت أقوم مره ثانيه بس ماقدرت.. حسيت راسي ثقيل وماشوف زين.. ودايخ.. رجعت سندت راسي..
الحور: الوليد الله يخليك لا تحاول تتحرك.. الدكتور يقول عندك ارتجاج بسيط من لما طحت..واذا قمت بتدوخ أكثر..!!
الوليد: طيب ويدي..؟؟
عليا: يدك مكسوره..
الوليد: اتصلتوا بأحد..؟؟
الحور: اتصلت بأبوي وعمي بو فيصل..
الوليد: ليش للحين ماجوا..؟؟
الحور: تو اللي اتصلت الحين لما تطمنا عليك..
دق جوال الحور وردت..
الحور: وعليكم السلام..
- يا هلا فيصل..
- طيب الحين طالعه لك..
وقفلت الجوال..
الحور: هذا فيصل ولد عمي جاي.. بطلع اشوفه.. عليا خليكِ مع الوليد..
..............................
~ فيصل ~
كنت خايف موووووووووووت على سكون..
حتى لو كنا دايمآ نتهاوش..تبقى هذي اختي اللي احبها واغليها اكثر من اي احد ثاني..
طلعت الحور بنت عمي من غرفه وجات جنبي..
فيصل: وين سكون..؟؟
الحور: الدكتور لسه معاها.. ماشفناها للحين..
فيصل: بأي غرفه..؟؟
الحور: هذي..
واشرت على غرفه قريبه..
فيصل: الدكتور بيطول..؟؟
الحور: والله مادري هو من زمان معها..
الحور تتكلم الا والدكتور طالع..
فيصل: طمنا دكتور..
الدكتور: عفوآ بس انت زوجها والا اخوها..؟؟
فيصل: لا انا اخوها..
الدكتور: طيب تفضل معي.. معليش اختي بس هو..
قال هالكلام للحور اللي كانت بتلحقنا..
دخلت مع الدكتور غرفته..
الدكتور: تفضل اجلس..
فيصل: دكتور..سكون شفيها.. طمني..
الدكتور: أختك عندها كسر بيدها اليمين.. وكسر في واحد من الضلوع..ورضوض في الكتف..
فتحت عيوني للآخر..
الدكتور: وكمان..
ايش بيقول بعد.. مايكفي اللي قاله..!!
فيصل: ايش..؟؟
الدكتور: اختك محتاجه عمليه..
فيصل: عملية ايش يادكتور..؟؟ توك تقول بس كسور..!!
الدكتور: الكسر اللي في يدها كسر مضاعف.. ومحتاج عمليه عشان نثبت العظام المكسوره..
فيصل: طيب.. طيب والعمليه خطيره..؟؟
الدكتور: لا ان شاء الله.. العمليه مضمونه تقريبآ.. لاتخاف..
ما أخاف..؟؟ شلون ما أخاف واختي مكسره كلها.. مادري شلون بعلم أمي..!!
فيصل: طيب دكتور أقدر اشوفها الحين..؟؟
الدكتور: والله حاليآ لا.. لأنها محتاجه شوية فحوصات.. بس بكره ان شاء الله تقدر تشوفها..
فيصل: طيب.. مشكور دكتور..
الدكتور: العفو.. هذا الواجب..
طلعت من غرفة الدكتور وانا الدنيا ضايقه بي.. مادري أحزن على أختي والا أفكر كيف بخبر أمي..
كانت بنت عمي واقفه برا تنتظر.. واول ماطلعت وقفت قبالي وهي تطالعني بنظرات تساؤل..
فيصل: سكون....
وماكملت..
الحور: شفيها..؟؟
علمتها باللي قاله الدكتور.. صارت تطالعني وهي منصدمه..
الحور: سكـ.. تمزح..!!
فيصل:والله الدكتور قال كذا..
تركتني وراحت قبال الغرفه اللي فيها سكون وانا لحقتها..ومن النافذه شفناها..كان معاها ممرضه..وهي كانت مغمضه عيونها..يمكن نايمه.. بس كان شكلها يعووور القلب..من عبوس حواجبها باين انها حاسه بألم فظيع..
الحور أول ماشافتها غطت وجهها بيديها وصارت تبكي بقوه..بعدين مشت عني بسرعه ودخلت غرفة الوليد..
حسيت نظري صار مشوش.. مسحت عيوني.. هههه.. حتى انا عيوني دمعت عشانك سكونوه..!!
.............................
~ الوليد ~
دخلت الحور الغرفه وهي تبكي.. انا قلبي وقف..!! لايكون سكون فيها شي خطير..!!
الوليد: الحور.. شصاير..؟؟
الحور: سكون..
الوليد: شفيها..؟؟؟؟؟؟؟؟؟؟؟؟؟
قالت لي كل شي وانا على طول بدون تفكير قمت من السرير ابي اطلع..الا عليا ماسكتني..
عليا: الوليد خليك..
الحور: مابيخلوك تشوفها.. ماحد شافها..
حسيت بألم.. والله حرام.. ابي اشوفها..ابي اتطمن عليها.. كله مني.. لو انا ماتكلمت ماكانت حملت الشنطه..ولا كان صار شي..
استغفر الله.. طردت هالتفكير من عقلي..
سمعنا طق على الباب..عليا تغطت وراحت فتحته.. كان فيصل ولد عمي..
فيصل: الحمد لله على السلامه وليد.. ماتشوف شر..
الوليد: هلا فيصل.. الشر مايجيك..
ترددت اسأله والا لا..
الوليد: فيصل.. شفــ.. شفت سكون..؟؟
تنهد فيصل .. لا ماشفتها.. يقول الدكتور بكره اقدر اشوفها..
حسيت بألم أكبر وأكبر..
فيصل: يللا انا أستاذن ولد العم..
الوليد: حياك ..
طلع فيصل وبعد شوي الشعب كله جا.. اللي يسلم واللي يسأل واللي واللي..وانا بالي ماكان معهم.. لين انتهى وقت الزياره وطلعوا.. وانا بقيت في المستشفى لأن حضرته الدكتور قال لازم ابقى يومين تحت الملاحظه..
حاولت أنام بس ماقدرت..تفكيري كله في سكون.. ماراح ارتاح الا اذا شفتها..
خطرت في بالي فكره مجنونه.. وقررت أنفذها على طول قبل ما اتردد..قمت من السرير وطليت من الباب..
كان الممر فاضي..طلعت من الغرفه ورحت جهة الغرفه اللي فيها سكون.. واللي عرفت انها فيها من سوالفهم اليوم..
وقفت شوي اسمع عند الباب..مافيه صوت.. معناه ان مافيه دكتور ولا ممرضات داخل..
شجعت نفسي وفتحت الباب بشويش.. ودخلت..كانت نايمه على السرير.. ماكان ظاهر شي منها الا راسها ويدها..
قربت أكثر..وصرت أتأملها.. كانت نايمه..وتتنفس بهدوووء..وشكلها كان.. كيف اقول.. شفتوا الاطفال كيف يكونون قمه في البراءه ومثل الملائكه لما ينامون..؟؟ هي كانت كذا.. لا.. أحلى من كذا..
جلست على الكرسي جنب السرير وصرت اطالعها.. ولا اراديآ وبدون ما افكر مسكت يدها وبستها..
والظاهر انها حست ان فيه احد حركها..لأن عيونها بدت تتحرك لين فتحت.. صارت ترمش بعيونها وهي تطالعني باستغراب..لين استوعبت..
سكون: الوليــد..!! وش تسوي..؟؟
أنا بعد جملتها هذي.. حسيت باللي انا سويته.. تركت يدها بسرعه وارتبكت..
الوليد: أنا آسف.. بس.. بس حبيت اتطمن عليك..
ابتسمت ابتسامه سغنونه وهي مررره مررتبكه..
سكون: احم انا بخير..
الوليد: طيب تصبحين على خير..
سكون: وانت من اهله..
قمت من مكاني وطلعت من الغرفه ورحت غرفتي عشان احاول انام..
بس أنا وييييييين والنوم وين بعد اللي صار قبل شوي..!!
...........................
اليوم اللي بعده
~ الحور ~
اليوم بشوف سكون.. يارب خايفه عليها موووووووت.. وفي نفس الوقت مبسوطه اني بشوفها..
أمي وأبوي وعليا أول راحوا يشوفون الوليد.. بس أنا طبعآ أول رحت اشوف سكون..
دخلت الغرفه اللي هي فيها.. كان معاها عمي وزوجته..سلمت عليهم.. وسألني عمي..
بو فيصل: ابوكِ جا ..؟؟
الحور: ايه عمي..
ابو فيصل: اجل انا بروح اشوفه واشوف الوليد.. يللا ام فيصل انتِ بعد تعالي سلمي على الوليد..
طلعوا من الغرفه وانا على طول رحت لسكون..
بوست خدها وحضنتها وانا شوي وابكي.. شكلها مره تعبانه..
الحور: سكونوه يادبه.. ليه كذا هاه..؟؟ ليه..؟؟
سكون: حبيبتي والله الحور.. لاتخافين..
الحور: شلون ماتبيني اخاف..؟؟ والله قلبي بيطلع من الخوف عليك..!!
مسكت يدي بيدها..اللي مو مكسوره..
سكون: الحور لاتخافين.. لأن اذا انتِ خفتي انا بخاف..نسيتي.. كل اللي احس فيه تحسين فيه.. وبالعكس..!!
الحور: غصبآ عني ياسكون والله..
وبدون ما احس بديت ابكي..
سكون: لاتبكي حور.. طالعيني انا ما ابكي رغم الألم اللي احس فيه.. انتِ لا تبكي بعد.. عشاني..
الحور: حبيبتي والله..خلاص ماببكي..
ومسحت دموعي وابتسمت لها.. وبنفس الوقت انفتح الباب ودخلوا غلا وحنين سوا.. ومعاهم عليا اللي جات من غرفة الوليد..
غلا: حبيبتي سكونوووه.. سلامات ياعمري ماتشوفين شر..
حنين: ياربي سكون..أمس كله وانا خايفه عليكِ ابي اشوفك بس قالوا لي ممنوع الزياره..
سكون: ياقلبي والله.. وحشتوني كلكم..عليا.. شفيكِ..؟؟
كانت عليا منزله عيونها بالأرض وساكته.. بعدين رفعت راسها كانت عيونها مليانه دموع..
عليا: آسفه سكون كله مني..
سكون – باستغراب - : وش اللي منك..؟؟
عليا: لو ما انا قلت لك تجين معنا ماصار كذا..
سكون: مجنووونه..!! لا تقولين كذا.. هذا اللي ربك كاتبه..!!
عليا: الحمد لله.. بس..مادري حاسه بالذنب..!!
سكون: عليا..!! بلا جنان..!!
عليا: طيب طيب..اهم شي تكونين بخير.. مابي تجين عرسي وانتِ مكسره..!!
الكل: هههههههههههههههههه..
بعد شوي.. جوا ناس زياده.. وانا قررت اطلع اشوف الوليد لأني ماشفته اليوم..
بس أف.. زهقانه البس البرقع..عادي هي خطوتين.. تغطيت بالشيله وطلعت..
وانا عند باب غرفة الوليد.. جايه بدخل الا ويطلع تركي ولد عمي..وكنت بصقع فيه.. بس الله ستر..!!!
كان الوليد لحاله لأن أمي وأبوي راحوا يشوفون سكون الحين..
الحور: شخباره أخوي اليوم..؟؟
تنهد ومارد علي..
الحور: شفيك..؟؟ لاتخاف سكون بخير.. توني كنت عندها..
الوليد: أدري..!! أنا بعد شفتها..!!
بققت عنوني..
الحور: هااااااااه..؟؟؟؟؟
الوليد: اقول لك شفتها..؟؟
الحور: كيف..؟؟ متى..؟؟
علمني السالفه اللي صارت وانا كلما لي ابقق عنوني اكثر..!!
الحور: مجنوووووووووون.. تخيل لو احد شافك..!!
الوليد: مادري الحور.. كنت خايف موت وابي اتطمن عليها..!!
الحور: ياااربي على حركات العشاق..!!
الوليد: تمسخري وش وراك..آه بس عورت قلبي لما شفتها..!!
الحور: لاتعور قلبي أكثر..
الوليد: ماعليه الحمد لله..
الحور: على قولتك.. الحمد لله.. متى بتطلع..؟؟
الوليد: يقول المصري بكره..
الحور: والمصري ذا وش يكون..؟؟
الوليد: هههههه الدكتور..
الحور: آها.. الدكتور..طيب.. ماقلت لي.. وشلونها يدك الحين..؟؟
الوليد: عادي..!! سكون خايفه من العمليه..؟؟
الحور: الا ميته خوف بس ماتبي تبين..
الوليد: يااعمري.. كله مني..!!
الحور: ههههههه انت تقول كله منك وعليا تقول كله منها.. لو تسمعك انت بعد بتذبحك..
الوليد: هههههههه عسل على قلبي..
الحور: مالت عليك استح على وجهك.. انا بعدني بريئه لاتخربني..
الوليد: الله والبراءه اللي مقطعه بعضها ..!!
الا بدخلة ابوي الغرفه..
ابو الوليد: الحور بنت عمك تبيك..!!
الحور: طيب.. مع السلامه وليدوه.. وبلاش مغامرات الليله.. مفهوم..؟؟
الوليد: هههه طيب طيب عمتي.. مع السلامه..
................................
بعد شهر
تلخيص لأحداث الشهر اللي راح..
سكون سوت العمليه ونجحت.. والوليد يده صارت تمام التمام وشالوا الجبيره منها..
عليا مشغوله للآخر بتجهيزات زواجها.. والحور طبعآ معاها تساعدها..
محمد بيموووت من الفرح من الوضع..
غلا.. محاولات للتقريب بين خالد وملاك.. بس لحد الحين ماصار شي لأنها هالقتره مشغوله..
وخالد مازال يفكر بالملاك اللي شافه في بيت اخوه وهو غافل عن المؤامرات اللي تجري من وراه..
حنين وفارس.. مازالوا يصادفون المواقف المحرجه..وهم يبون يعرفون ايش السر.. وماعرفوا..!!
تركي: باله مشغول على طول.. بس ماندري ليش..!!
فيصل: صار له موقف خلاه مشغول فيه على طول هذا الشهر..راح نعرفه قريب..
................................
~ سكون ~
اشربي حليب.. اشربي حليب..طفشوووني..!! أف..والله ماحبه..!!
قمت عن الفطور وانا طفشاااانه..رحت جنب فيصل اللي كان يطالع التلفزيون..ملاحظه عليه هالكم يوم انه كله مسرح وباله مو فيه..
سكون: احبك أخووي..
فيصل: ههههههه قولي وش عندك يالمصلحجيه..
سكون: ابي اروح بيت جدي..
فيصل: ومين ماسكك..؟؟
سكون: لا ابي اروح الحين الحين.. نبي نجتمع انا والبنات من الصباح..!!
فيصل: ليه..؟؟ وش صاير..؟؟
سكون: اممممممم.. مزاج.. من زمان ما اجتمعنا الصباح.. والاجازه قربت تخلص..!!
فيصل: طيب من عيوني.. قومي تجهزي..
سكون: فدييييييييت فصوولي انا..
فيصل: ههههههه ياحبك للتمصلح..
سكون: ههههه ربع ساعه وانا جاهزه..
وبعد ربع ساعه بالضبط كنت جاهزه.. وطلعنا لبيت جدي.. واول ماوصلت رحت سلمت على جدي وجدتي وبعد شوي وصلوا عليا والحور.. وبعد شويات ثانيين وصلت غلا وبعدها حنين.. يعني الزبده.. اكتملنا ^_^
وطلعنا للمعسكر..
عليا: بنات.. خايفه..!!
غلا: من..؟؟
عليا: أسبوعين وبتزوج..!!
حنين: ههههههههههههههه بدال ماتنبسطين يـ حظي..!!
عليا: وي سكتي.. قالت انبسط قالت..!! يخوف الوضع..!!
غلا: ياااشيخه اذا ماتبين عطيني محمد أتزوجه..!!
عليا: تخسيييييين تاخذين حمودي وانا موجوده..!!
سكون: هههههههههههههه يااااعيني ع الحب انا..!!
الحور: لا ولايفوتك.. أحيانآ أدخل غرفتها ألقاها تطالع صورته وعلى وجهها ذيك الابتسامه اللي مدري شلون..
حشى مقابله وجهه 24 ساعه..!!
عليا: هههههههههههههه يافضيحه انتِ..!!
غلا: أيوا أيوا ماعليكِ منها كملي الفضايح..
حنين: ههههههههههههههههههه متى بس..!!
سكون: وش اللي متى..؟؟
حنين: نتزوج..!!
الحور: هههههههههه ياابنت..اثقلي شوي..!!
غلا: اقول عليوه..
عليا: هلا..
غلا: وش بقى من تجهيزات الزواج..؟؟
عليا: مابقى شي..تقريبآ كل شي جاهز..
حنين – بنظره حالمه - : وين بتروحين شهر العسل..؟؟
عليا – بنظره حالمه اكثر-: حمودي يقول مفاجأه..!!
سكون – برومانسيه مصطنعه وهي تتنهد - : يااعيني ياحموودي..!!
عليا: هههههههههههههههههه الله يعطيك
سكون: هههههههههه شقالوا لك شحاذه..!!
عليا: يمكن.. وطلعت لسانها..
سكون: مالت عليك ويا ذا لسان..
الحور: نفسي في آيس كريم..!!
غلا: تهقين سواق جدي هنا والا مع جدي بالشركه..؟؟
حنين: وانا جايه شفت السياره.. اتوقع هنا..
عليا: أجل بروح اقول للشغاله تقول له..
قامت عليا وجات بعد شوي..
عليا: قلت لها..
سكون: شااااااااااااطره..
عليا: هههههههههههه سباله.. قاعده تكلمين بزر انتِ..؟؟
الحور: السباله انتِ مو سكون..
عليا: افاااااااااااا.. وانتِ سباله اكثر منها.. انا اختك يالسباااله..!!
الحور: طسي طسي.. سكون مو بس اختي..
عليا: الحمد لله والشكر.. مالت عليكم انتو الثنتين..
شويات وجا السايق ومعاه الآيس كريم..وتبعآ وحنا ناكل كملنا الهذره..
غلا: عليوه كيف فستانك..؟؟
عليا: مابوصف موديله ولا بخليكم تشوفوه..
غلا: اففففففف متحمسه ترى ابي اشوفه..
عليا: نونونو خليه مفاجأه..
سكون: بنروح نفس الصالون صح..؟؟
الحور: يب..
غلا: مسويه ماتدرين..
سكون: ايش دراني لما حجزتوا كنت بالمستشفى..
غلا: ايه صح..
حنين: بنات افكر اقص شعري عشان العرس..
الحور: لااااااااا يالخبله..!!
حنين: مادري أحس الشعر الطويل مايناسبني..
سكون: بالعكس مره يناسبك.. خليه يطول شوي..
حنين: مادري والله بفكر..
وظلينا على هالهذره والسوالف لين العصر تجمعوا كلهم وجلسنا معاهم..نهذر طبعآ..!!
<< حشى مايتعبون..!!
.............................
في الليل
~ غلا ~
بعد ماتعشينا طلعنا للمعسكر وجلسنا..كالعاده..
سكون: غلوه..
غلا: هلا..
سكون: عندي لك اقتراح..
غلا: وشهو..؟؟
سكون: تقصين رموشك..!!
الكل: هههههههههههههههههههههههه
غلا: شاربه شي انتِ..؟؟
سكون: ههههههههه الا مفهيه..!!
حنين: الله يعين..
غلا: عليوه..
عليا: هاه..
غلا: ابي اعزم صاحبتي ملاك على زواجك..
عليا: أحد ماسكك..؟؟
غلا: ابيها تجي معانا بعد الصالون..
حنين: يؤ ليش..؟؟
غلا: اممممممممم اعلمكم بسالفه بنات..؟؟
الحور: وشو..؟؟
علمتهم بسالفة ملاك وخالد كلللللها..
حنين: واااااااو..
الحور: عندي فكره..
غلا: وشو..؟؟
الحور: قومي الحين الحين اعزميها تجي هنا..
غلا: والله جبتيها.. دقايق بس..
قمت وخذيت الجوال معي.. ولما جيت بدق على ملاك.. سمعت صوت..
صوت مستحيل اغلط فيه..
كان فيصل..
يكلم بالجوال..
فيصل: حبيبتي انتِ..تدرين شقد احبك..مايحتاج تسأليني..!!