الفصل 3
............. ....
~ سكون ~
طلعت من غرفة خالد زي المجنونه.. نزلت اركض ع السلم.. وصلت للحديقه.. وجيت ابطلع الشارع..
الا بيد تمسكني بقوه..!!
سكون: مالك شغل فيني خليني أطلع..
الوليد: ارجعي داخل سكون..
سكون: قلت لك مالك شغل فيني.. خليني أروح للحور..ابعد عني..
مسكت ذراعه أبعدها عن يدي.. الا بصوته.. وبقوه.. يرجعني للواقع..
الوليد: يعني تبين تطلعين الشارع بدون عبايه..؟؟!!
جمدت في مكاني للحظات.. بعدين رفعت يدي المس شعري وانا احاول استوعب كلامه..
أنا.. واقفه.. قدام الوليد..
بدون عبايــــه..!!!!!!!
أكثر من صدمه بنفس اللحظه.. مادري هي صدمة الحور.. والا صدمة وقفتي بهالشكل قدام ولد عمي..
والا صدمة نظراته لي..!!
كان يطالعني بنظرات غريبه..
كان يتنفس بقوه..وباين على وجهه انه منفعل.. صوته وهو يكلمني كان.. مادري.. حسيته طالع من قلب..!!
رغم ان أي واحد في موقفه كان بيعصب ومابيرضى بنت عمه تطلع كذا..بس طريقته في الكلام.. نظرته.. كانت غييير.. مادري وش التعبير المناسب.. بس اتوقع فهمتوا قصدي..!!!!
كل هالتفكير ما استغرق مني الا لحظات بس.. بعدها استوعبت وقفتي الغريبه وبهالشكل قدام ولد عمي.. حاولت اتحرك بس رجلي ماحملتني.. جلست على الارض وانا ابكي من قلب..
خايفه على الحور.. ماعندي أغلى منها بهالدنيا..
سمعت صوت الوليد يكلم الشغاله..
الوليد: روحي جيبي عبايتها..
بعد دقيقه جات الشغاله بعبايتي.. لبستها بسرعه وقمت من مكاني.. وبالغصب سحبت رجلي وطلعت من البيت..
ماكان فيه أحد برا.. أكيد راحوا المستشفى..
طلع الوليد وشغل السياره وفتح الباب اللي ورا.. وقال لي بعصبيه.. اركبي..!!
بدون تفكير ركبت السياره والوليد مشى..
وأول ما وصلنا المستشفى نزلت ومشيت وراه.. طلع جواله ودق على مادري مين..
الوليد: وين انتو..؟؟ طيب جاي الحين.. سلام..
دخلنا المستشفى ورحنا للقسم اللي فيه الحور.. شفت ام الوليد جالسه تنتظر على كرسي..ومعاها عمي طلال..
ورغم انها صدمتني قبل شوي.. بس بدون تفكير طحت بحضنها وانا ابكي وهي تبكي معي..
سكون: خاله وينها الحور..؟؟
ام الوليد: ماطلع الدكتور يابنيتي..
شوي الا والدكتور طلع من الغرفه..
الدكتور: هو فيه ايه..؟؟ بتعيطوا كده ليه..؟؟
الوليد: دكتور.. الحور شخبارها..؟؟
الدكتور: لا الحمد لله.. هي بألف سلامه.. بس كسر بسيط في رقلها..وكلها اسبوعين ان شاء الله وترقع زي أبل وأحسن..
الوليد: طيب نقدر نشوفها الحين..؟؟
الدكتور: آه طبعآ.. تفضلوا..!!
دخلنا الغرفه وكانت الحور على السرير ورجلها فيها جبيره..
استنيت لين امها كلمتها بعدين انا طرت لها وحظنتها..
سكون: دبه دبه.. خوفتيني عليكِ ووقفتي قلبي وفي النهايه بس كسر برجلك..؟؟ دببببببه..؟؟
الحور: لا وان شاء الله تبيني اتكسر من فوق لتحت عشان ترتاحين..؟؟
الوليد: ههههه فاتك الحور.. بنت عمك كانت بتطلع الشارع بدون عبايه زي الهبله عشانك..!!
أنا هبله..!! أحرجني الدب.. يعني لازم يفشلني ويقول السالفه قدام عمي..!! طالعت فيه بحقد.. بعدين درت للحور..
سكون: ماعليكِ منه أخوكِ شلاخ..!!
طالع فيني بصدمه..
الوليد: الحين انا شلاخ..؟؟ مين اللي كانت تركض زي المجانين تبي تطلع من البيت..؟؟
سكون: الجنيه..
الكل: ههههههههههههههههههههه..
استغربت من نفسي.. أول مره أتكلم مع الوليد كذا..!!
بس يمكن من الموقف اللي صار..!! يمكن..!!
....................................
بعد أسبوع
~ الحور ~
أففف.. وش هالحاله..!!
ما اقدر أتحرك ولا أقوم كأني عجوز مكحكحه..!! قهرررررررر..!!
جاتني عليوه يازعم تسليني..
الحور: عليوووووووووووووه طفشت ابي اروح بيت جدي..!!
عليا: قولي لأمك..
الحور: قلت لها مو راضيه..!! تقول توك طالعه من المستشفى وتعبانه..!!
عليا: خايفه عليك يالهبله..!!
الحور: أف..!! صار لي اسبوع محبوسه هنا..!! وبعد اسبوع بيشيلون الجبيره..!! يعني تبيني اظل اسبوع زياده كذا..!! مستحيييل..!!
سمعت طق على الباب..
الحور: تفضل..
دخل الوليد الغرفه وهو مبتسم ابتسامه شكبرها..
الوليد: سمعت ان اختي الحلوه زعلانه..!! وش فيها..؟؟
عاد انا ماكذبت خبر وعلى طووول مديت بوز شبرين..
الحور: ابي اروح بيت جدي.. طفشت..!!
الوليد – وهو يقلد صوتي - : ومين مانعك..؟؟
الحور: أمي..!!
الوليد: وإذا قلت لك اني اقنعتها تروحين..!!
الحور: قول والله..!!
الوليد: والله.. وأنا جاي الحين أقول لكم تجهزوا..!!
الحور: يا أحلى أخو بالدنيـــااااا..!!
........................
~ سكون ~
وحشتني الحور.. لي يومين مارحت لها بس كلمتها..
تمنيت انها تجي بيت جدي اليوم.. والظاهر ان امنيتي تحققت لأنها بعد خمس دقايق دخلت..
سكون: دببببببببببببببه وحشتيني..!!
الحور: وليش بالله ماجيتي لي امس واللي قبله.. والله كنت ميته طفش..!!
سكون: والله ماقدرت اجي.. المهم شلونك الحين..؟؟
الحور: وردي..!!
سكون: بايخه.. زين..؟؟
الحور: هههههههههههههه فديتك أنا.. الا تعالي.. ليه مو قاعده مع البنات..؟؟
سكون: مو حلوه القعده بدونك..!!
الحور: لالالالا ماقدر ياناس.. أستحي..!!
سكون: طسي.. ماتنعطين وجه..!!
ترددت.. أسألها عن خطبة الوليد والا لا.. لكن قررت اني ما أسألها..
أعرفها حوروه دبه بتفهمني غلط..!!
............................
~ خالد ~
فتحت الماسن الا وميمي مرسلة لي تنبيه.. كالعاده..
ايه نسيت ماقلت لكم.. ترى مازالت اللعبه ماشيه..
بس ماتوقع اني اقدر اكملها.. أولا لأني أعتبر هالشي غلط.. وثانيآ لأن زي ماقلت لكم دايمآ تحرجني بمواقف وأسئله أنا مدري وش هي بس هي تحسبني ادري..على اساس اني ريم..!!
Open your heart for me:
هلا والله بميمي..
Words are so easy when the language is LOVE:
هلا بـ......... ريم..!!
غريبه طريقة كتابتها للاسم.. بس ماهتميت..!!
Open your heart for me:
كيفك..؟؟
Words are so easy when the language is LOVE:
بخير.. وانتِ.. ريم..؟؟
Open your heart for me:
أنا بخير..
Words are so easy when the language is LOVE:
آها.. طيب..!!
Open your heart for me:
؟؟
Words are so easy when the language is LOVE:
ممكن أعرف مين انت..؟؟
انصدمت..!! ماتوقعتها تعرف بهالسرعه..!!
Open your heart for me:
مافهمت عليك..!!
Words are so easy when the language is LOVE:
شوف حبيب الماما.. أمس اتصلت ريم فيني تسألني أنا ليش ما اضفتها..!!
غبي..!! غبييي..!! شلون ماخطر في بالي هالشي..!!
Open your heart for me:
طيب بما انك عرفتي..أنا اسمي خالد..
Words are so easy when the language is LOVE:
ويعني..؟؟
Open your heart for me:
يعني أنا آسف..
Words are so easy when the language is LOVE:
حلوه آسف..!! وين أصرفها ذي..؟؟
Open your heart for me:
طيب انتِ افهمي أول السالفه..!!
Words are so easy when the language is LOVE:
لا مايحتاج أفهمها..باي
وطلعت أوف لاين.. أو بالأصح.. صكتني بلوك..!!
مادري ليش حزنت.. يمكن لأني تعودت أكلمها طول الأيام اللي راحت..
سكرت الاب توب وطلعت للحديقه.. حسيت حالي مخنوق ابي اتنفس..!!
.............................
بعد اسبوع
~ الحور ~
أخيييرآ.. اليوم بيشيلون الجبيره من رجلي..لا وفوق ذا.. بكره طالعين البر.. وناااااااااااسه..!!
الدكتور: بس ايه يبنتي.. ماتتعبيهاش اوي..!! هي لسه ضعيفه..
الحور : ان شاء الله..
كنت ابي اخلص من حنة الدكتور واطلع.. واشوا انه خلص بسرعه وطلعت مع الوليد للبيت عشان اتجهز ونروح بيت جدي..
............................
~ سكون ~
اجتمعنا في بيت جدي زي عادتنا.. وقررنا ان احنا ننام هناك.. حتى الشباب معانا.. عشان كلنا تطلع في نفس الوقت بكره.. كنا بالحديقه ناكل آيس كريم.. جابه السواق طبعآ ^_^..
حنين: وناسه..!!
غلا: أبي أفححححححححط..
سكون: يع..
غلا: وشو..؟؟
سكون: التفحيط..!!
غلا: وليش..؟؟
سكون: بس.. ماحبه.. يخوف..!!
حنين: ههههههآآآآآآآي..طالعوا طالعوا كيف تقول يع..كأنها مدري وش شايفه..!! تراه الا تفحيط..!!
الحور: هي هي انتو.. بلا بخشومكم قالبينها على سكوني..
سكون: فديييييييييت حوريتي أنا..
وطلعت لساني..
عليا: ايه افا عليك.. عندك ظهر.. أي وحده تتعرض لك من هالمقاريد ناديني أنا والا الحور..
حنين: عشتوا..!! الحين احنا مقاريد..؟؟
الحور: ايه مقاريد ونص..!!
غلا: طالعات لك..
الحور: وي فديتني قمر14..
غلا: انزين ماعلينا.. مابيودونا أي مكان عشان نشتري أغراض..؟؟
سكون: قلت لفيصلوه يقول يكفي اللي بياخذونه الحريم..
عليا: أحلى أحلى.. واحنا وش لنا بالحريم..!!مابياخذون غير قهوه وتمر..!!
غلا: خخخخآآآآآي.. حلوه حلوه بنت عمي..
حنين: أنا مالي شغل ابي اروح جيان..!!
سكون: وهـ بس مين بيودينا..؟؟
الحور: أنا..!!
غلا: استخفت بنت عمي..!!
الحور: الخفيفه انتِ.. نسيتوا انهم مدلعيني هاليومين..؟؟
حنين: ايييه والله صدق.. راحت عن بالي..!!
سكون: انزين بتقولين للوليد والا خالد..؟؟
طلع عفوي اسم الوليد..!!!
الحور: حطي عينك بعيني.. مين تبيني اقول له..؟؟
سكون: حوروه بلا طفاسه..!!
الحور: هههههههههههههههههه أمزح معاكِ شفيك..!!
عليا: انزين انتِ قولي للوليد.. وسكونوه قولي لخالد.. خلود يحبك..!!
غلا: ايه ايه.. كل الحب لهالثنتين وحنا مالنا رب..
سكون: وي سكتي سكتي..حسوووده..
حنين: أنا آخذ كورسات حاليآ منها..!!
عليا: اييييه وأنا اقول لك كم يوم متغيره..!!
غلا:افا عليكِ.. ترى الكورسات مجانيه اذا تبين..
عليا: لالا تكفين مابي اصير زيك..
غلا: ليه ان شاء الله مو عاجبتك والا مو عاجبتك..؟؟
حنين: شفييييك يالخبله البنت انخطبت لازم تتعلم الدلع مو تتعلم العربجه..!!
عليا: وجع يوجعك.. طول عمري ناعمه مو مستنيه عريس الغفله عشان اتعلم اصير ناعمه..
سكون: هوهوهووووووووه استحت البنت..
عليا: ههههههههههههههههههههههههه مالت عليكم بس..
غلا: ههههههههههههه زين يللا دقوا على الشباب قولوا لهم..
..............................
~ خالد ~
دقت علي سكون تقول تبينا نوديهم جيان.. بس غريبه.. تقول ماتبيني اقول للشباب عشان مايسوون زحمه..!!
هههههههههههه صدق والله بنات اخوي طرارين ويتشرطون..!!
خالد: انزين بوديكم بس مو الحين..
سكون: متى أجل..؟؟
خالد: بكره الصبح..
سكون: وللل.. ليه..؟؟
خالد: لأني الحين ياهبله.. إذا طلعت أكيد بيسألوني الشباب ليه طالع..
سكون: ايه صح.. بس الساعه كم..؟؟
خالد: الساعه 6
سكون: وااااااال.. بدري..!!
خالد: أجل خلاص نبطل..!!
سكون: لالا وشو نبطل.. خلاص سته سته..
خالد: زين باي..
سكون: باي..
..........................
عليا ~
أفففففففف..أبي أنام..!! مسكت الجوال وقفلت المنبه..
أحد يصحى من خمسه ونص في الاجازه..!!
عليا: بنااااااات..
ولا وحده تحركت..!!
عليت صوتي..
عليا: بناااااااااااااااااات..
الا بمخده على وجهي..!!حذفتها علي غلوه الدبه..!!
عليا: وجع..!! اذا مابتقومون بروح بروحي..!!
الحور: أففف..مانمنا بدري ابي اناااااااام..
عليا: ماحد نام بدري.. يللا قوموا..
سكون: لازم..؟؟
عليا: شرايك انتِ..؟؟ حنينوووه قومي..
حنين: سكتي..
أوهوووو.. مافيه الا حل واحد..
طفيت المكيف وطلعت اغسل..
ولما رجعت..
ماحد قام..!!!!!!!!!
عليا: لا والله..!! متى ناويات تقومن يعني..؟؟
الحور: أفففف..خلاص خلاص كاني قمت..!!
سكون: وانا بعد بس ننتظرك ترجعين..!!
عليا: ايه صادقه..!! يللا خلصوا..
بعد نص ساعه صرنا جاهزين كلنا ونزلنا للصاله.. مافيه أحد..!!
ياسلاااام عليهم.. ويقولون لنا الساعه 6..!! كذابين..!!
دقيت على الوليد..
عليا: وليدوووووه..!!
الوليد: هاااه..
عليا: الساعه الحين 6..
الوليد: ويعني..؟؟
عليا: يعني انتو وعدتونا..!!
الوليد: اف..باي..
قفل بوجهي السبال..!!
بس بعد خمس دقايق نزلوا هو وخالد وشكلهم ميتييين نعس..!!
خالد – وهو يتثاوب - : صدق ماتنعطون وجه.. وجع..!!
سكون: هههههههههههههه ياحلاته عمي نعسان..!! تراك انت اللي حددت الوقت..!!
خالد: افففففففف طيب طيب امشوا..
..........................
~ سكون ~
ونااااااااااااااسه.. اليوم كل شي وناااسه.. يكفي ان احنا بنروح البر..!!
الحور: سكووونوه.. هيييي..نحن هنا..!!
سكون: هاهاها.. أحسب هناك..!!
الحور: في ايش سرحانه آنسه..؟؟
سكون: في فارس الأحلام.. عندك مانع..؟؟
انتبهت للحور تطالع في الوليد من المرايا حق السياره.. فطالعت فيه أنا نفس الشي..
كان باين على وجهه الاهتمام.. قلت خلني اضحك عليه شوي.. مجرمه صح..؟؟
أجل يبي يتزوج العنود بنت خالته هاه..؟؟ بنشوف..
سكون: ماتبين تعرفين منهو..؟؟
الحور: أكييييد أبي.. منهو..؟؟
سكون: واحد يهببببببل.. امممممممم.. كيف اوصفه ياربي..!! المشكله انه من كثر مايهبل ماينوصف..!!
الحور: انزين أعرفه أنا..؟؟
سكون: لا طبعآ ماحد يعرفه الا انا..!!
الحور: وش اسمه..؟؟
سكون: يبدأ بحرف (ق)..
الحور: (ق)..؟؟ ماعرف احد يبدأ اسمه بذا الحرف..!!
رجعت أطالع في الوليد.. وجهه بدا يصير أحمر..هههههههههه
سكون: قلت لك ماتعرفينه..
الحور: عاااد قولي اسمه..
سكون: اممممممممم.. أفكر..
الحور: عااااااااد حبيبتي انتِ..
سكون: طيب طيب.. اسمه.. قرانديزر..ههههههههآآآآآآآآ آآآآي..
الحور: دببببببببه هههههههههههههه.. قرانديزر اجل هاه..؟؟ صدق عليكِ حركات مو صاحيه..!!
رديت أطالع في الوليد.. شكله استانس هو وخشته.. مالت عليك أقول..!!
وصلنا جيان أخيرآ..نزل خالد من سيارته ومعاه غلا وحنين وجا صوبنا ..
خالد: شوفوا.. انتو قلتوا جيان يعني جيان.. روحه وجيهونازل فستان حلو وبلوزه مدري شفيها..مافيه.. المول ماتدخلونه أصلآ.. بس جيان.. فهمتوا..؟؟
عليا: ول ول ول.. زييين.. حشى بتذبحنا..!!
غلا: تراه معصب لأن ماخليناه يسمع حبيب قلبه الجسمي..
الحور: ههههآآآآي.. زعلان منهم يعني..؟؟
خالد: هيهيهي بايخه.. يللا امشوا..
. ........................
~ غلا ~
قلنا لخالد والوليد يبقون بروحهم عشان نتصرف بحريه.. هههههههه حلوه الحريه..!!
هههههههههههههه.. لاتخافون ماني شاربه شي.. بس مبسوووووطه..
غلا: بنااااااااات..
حنين: هلا..
غلا: ابي عكرسيم..
الحور: اش ذا..؟؟
غلا: عكرسييييييييم
عليا: طيب وشو هو..؟؟
سكون: مخلوق فضائي يمكن..!!
حنين: ههههههههههههههه يمكن حبيبها ذا..
غلا: حبتك القراده انتِ وهي.. الحين مو العجايز يقولون عسكريم..؟؟
عليا: ايه ويعني..؟؟
غلا: يعني انا قلبتها يالمهابيل وخليتها عكرسيم..
سكون: بايخه..
غلا: كلي تبن لا بالشنطه على راسك..
سكون: يمه..خوفتيني..
عليا: هييي وطوا اصواتكم لا تفشلونا..
غلا: ويييي فديتنا أنا وبنت عمي مانفشل أحد.. صح..؟؟
سكون: صحييين.. ههههآآآآآآآي..
الحور: هههههههههههه بلا خبال..
حنين: وش ناخذ..؟؟
عليا: كل شي..!!
حنين: ايه صح..
الحور: لاجد خلنا نخلص عشان مانتأخر..
سكون: دُرَرْ يابنت عمي دُرَرْ..
الحور: ههههههههه الحمد لله والشكر.. شكلها غلوه أعدتك..
سكون: لا وانتِ الصادقه المخ فارط اليوم..
عليا: وبنقضيها على الكلام ..؟؟ متى بنخلص أجل..؟؟
الحور: بعد اسبوع..
سكون: لا شهر..
غلا: ههههههههههههههههههههههههه حلوه حلوه.. خلنا نخلص صحيح..
...........................
~ الوليد ~
يا الله يالزهق..!!
بمتى بننتظر يعني..!!
خالد: وليدوه تعال معي..
الوليد: وين..؟؟
خالد: نقول للمهابيل يستعجلون.. وين يعني..؟؟
لما قربنا منهم سمعت صوت بنت عمي غلا تقول..
تلاقي خالد الحين وده يذبحنا..
خالد: ايه والله صادقه بنت أخوي..ودي اعلق كل وحده في مروحه واخليها تدور فيها..
الحور: هههههههههه.. وناااسه.. بتسوي لك مدينة ألعاب يعني..؟؟
خالد: ياااااالله ماقدر ع العباطه انا.. خلصتوا..؟؟
عليا: ايه خلصنا..
سكون: عمي ترى من زمان مخلصين.. بس ماندري وينكم فيه..
خالد: صاااااااادقه بنت اخوي.. لأن مافيه اختراع اسمه جوال..
سكون: ههههههههه ذكي عمي..
خالد: يللا خلصوا خلصوا بلا هذره..
طلعنا بعدين من جيان وركبنا السيارت.. بعد نص ساعه المفروض احنا نطلع البر.. والأخوات اخرونا..
بس ماعليه يستاهلون..^_^
...............................
~ محمد~
بمووووووووووووووووووووووو ت قهر..!! من هذاك اليوم في الحديقه.. وانا حتى صوتها ماسمعته..!! لمتى هالتطنيش يعني..؟؟ بنكمل شهر مخطوبين وانا لا أشوفها ولا أكلمها..!!
حتى موعد الزواج ماتحدد.. وش هالحاله..!!
لكن طيييب ياعليا..
اذا انتِ تبين تطنشين.. ترى انا اعرف اطنش..!!
تطلع وتروح وتجي ولا تفكر تستأذن كأني جدار عندها..!!
هين ياعليا هين..!!
وصلنا للمكان اللي بننزل فيه ونزلنا كل شي انا والشباب.. وفي النهايه طبعآ حسينا حالنا متكسرين.. بس جو البر يخلي كل التعب يروح..
خالد: الوليد..
الوليد: يالبيه..
خالد: روح اسأل عليا عن الكيس اللي اعطيتها هو وينه..
الوليد: ماتشوفني مشغول ابو الشباب..؟؟ قول لمحمد يسألها أكو قاعد فاضي..!!
محمد: هاه..؟؟ أنا..؟؟
الوليد: أجل جدتي..؟؟
محمد: وشو أسألها عنه..؟؟
خالد: قول لها تجيب الكيس اللي اعطيتها اياه..
محمد: طيب..
أفففففف.. يعني مالقوا غيري..؟؟ وليش مايروح هو..؟؟ هذا وانا اقول بطنش..!!
قربت جهة الحريم.. شفت مرت عمي أم فيصل واقفه..
محمد: خاله..يـ خاله..
ام فيصل: سم يوليدي..
محمد: اذا ماعليكِ أمر ناديلي عليا تارك عندها شي وابيه الحين..
أم فيصل: هههههههه.. ان شاء الله..
وش فيها تضحك ذي بعد..!! لايكون تحسبها حجه عشان اشوف الخطيبه..!! افففف منك يـ خالد..!!
جاتني عليا وهي تمشي ببرود..
وعشان كذا كلمتها ببرود..
محمد: عليا وين الكيس اللي اعطاك اياه خالد..؟؟ يبيه..
ماردت علي عليا.. بس طالعتني..وببرود..!! وراحت وبعد شوي جات واعطتني اياه ومشت.. وبدون ماتنطق ولا كلمه..!!
هييييييييين ياعليا.. بنشوف مين اللي بيطنش الثاني..!!
.....................
~ الحور ~
خلصوا الشباب من الخيام والأغراض.. وبعد ماخلاص احنا رتبنا كل شي كل شي.. طلعنا من الخيمه أنا والبنات ورحنا مكان منعزل شوي.. وقعدنا هناك..
غلا: بنات..فيني رقصه..
حنين: وانا نفسي اغني..
عليا: هييي انتِ تبين تفضحينا..؟؟
سكون: عااادي شفيها.. غير في البر احنا..!!
الحور: من جد عادي..
حنين: غلوه جبتي المسجل..؟؟
غلا: أكييييد.. ثواني بس اجيبه هنا..
بعد شوي جات غلا بالمسجل وشغلته..
واحنا طبعآ..فليييينااااااااااها..
................................
~ خالد ~
كنا نتمشى عشان نستكشف المكان.. الا ونسمع اصوات تصفيق واغاني.. وش صاير..!!
فيصل: هههههههههه الظاهر البنات طربانات..
تركي: هههههه خلهم بكيفهم..!! من حقهم والله..!!
فارس:أول مره في حياتي اتمنى اصير بنت..!!
الوليد: لالالا ماصدق.. فروس يبي يصير بنت..!! وش صاير في الدنيا..؟!!
خالد: شرايكم اخرعهم..!!
تركي: هههههههههه كان وناسه..!!
فارس: بس هاه.. تعلمنا وش يصير..!!
خالد: افا عليييكم.. خليكم هنا انتو بس..
وشوي شوي قربت منهم..
خالد: وش تسوووووووووووووووووووون..؟ ؟
...........
~ خالد ~
مشيت شوي شوي لين قربت منهم..وبأعلللللللللللللللل للللللى صوتي..
خالد: وش تسوووووووووووووووووووون..؟ ؟
وأنواااع الصراخ اللي سمعتها.. وااااااااااء..ويييييييييء.. ووووووووووووووء..إيييييييي يييي..آآآآآآآآآآآآ..أووو ووووووو.. امباااااااااااااااااااع..
ههههههههههههههههههههههههه
واللي نقزت من مكانها.. واللي تدور شيلتها تحسب أحد من عيال عمها..واللي يتهاوشون كل وحده تسحب العبايه من جهه تبي تتغطى فيها..
بصراحه..أشكااااااااااال الحمد لله والشكر.. وأنا موووقادر من الضحك..وأول وحده انتبهت ان أنا خالد حنينوه..
حنين: خاااااااااااااااااااااالد ووووووووووووووووووه..!!
وفجأه.. كأن شريط فيديو وقف.. وقفوا البنات.. أو جمدوا بالأصح..!!
وحده واقفه وهي حامله الشيله جنب راسها كأنها تبي تلفها.. ووحده شبه واقفه ومنزله جسمها شوي ويدها ممدوده تبي تشيل الغطا من الأرض.. ووحده فاكه فمها الظاهر كانت تبي تصارخ..وأشكال تحف..وبعد خمس ثواني بالضبط من الجمود.. ماسمعت الا صراخهم.. بس هالمره مو من الخوف..لا..
- خالدوووه..!!
- ياللي ماتستحي خررررعتنا..!!
- دب دب دب..!!
- والله انك سباااااااااااااااال..!!
- قلبي طاح..!!
- أنا كانت بتجيني سكته..!!
- لو صار فينا شي هاااه..؟؟؟ وش كنت بتسوي..؟؟
- صدق مافيه احساس..!!
خالد: هههههههههههههه شوي..شوي..هههههههههه حشى..!! بتموتون..!! هههههههههه..وقسم بالله ياعليكم أشكال..ههههههههههه..
غلا: بايخ.. زييييييين..؟؟
وتوها بتبدا تتحرطم الا وتفقعها ضحكه..!!
والبنات وحده وحده تبعوها.. وظلوا يضحكون..ويضحكون..وبعد يضحكون..وأنا أطالع اشكالهم اللي مدري كيف صايره..!!
الله يخلف عليكم يابنات أخوي..!!
.............................
~ سكون ~
بعد النحاسه اللي سواها خالد.. وبعد ماخلصنا ضحك.. قررنا نرجع عشان نشوف إذا أمهاتنا محتاجات شي لو يبونا نساعدهم بشي.. يازعم بنات..!!
وبعد الغذا اللي كان العصر.. الشباب قرروا يطلعون الدبابات.. وحنا ظلينا نتفرج عليهم .. الا وغلوه المرجوجه تصارخ..
غلا: مااالي شغل أنا بعد أبي أركب دباب..!!
عليا: ههههههههههههه.. أقول يازينك ساكته..!!
غلا: الا بركب.. ماحد له شغل..!! زييين..؟؟ فاااااااااارس..
وقف فارس الدباب..
فارس: خير خير شصاير..؟؟ ليه تصارخين..؟؟
غلا: أبي أركب الدباب..
فارس – وهو يشغل الدباب مره ثانيه - : كلي تبن..
خالد: أفاا.. تعالي غلوه..ماعليك منهم أنا أركبك معي..!!
فارس: هي انت شفيك.. من صدقك يعني..؟؟
خالد: اسكت انت مابتخاف عليها أكثر مني.. تعالي غلوه..
غلا: يالبى عمي ياناااس..
ورفعت العبايه شوي وركبت ورا خالد.. وخالد شغل الدباب وحييييييييييييييييييييييي يييييك..!!
غلا: وووووووووووو.. وناااااااسه..!!
عليا: هههههههههههه انتبهي لا تطيري..!!
حنين: مااالي شغل أنا بعد أبي أركب..!!
تركي: أنا ماسمعت شي زين..؟؟
حنين: الا سمعت.. أبـــي أركــب..!!
تركي: لا عيوني مافيه..
حنين: الا فيه..
خالد: ياسلام..!! والحين كل وحده قالت تبي تركب..!! خلاص كل واحد ياخذ أخته ويشحط فيها شحطتين.. عشان نفتك من صجتهم..!!
تركي: أوهووو.. لازم يعني..؟؟ امشي يادوبه
فيصل: سكونوه يللا تعالي..
سكون: هاه..؟؟ أنا..؟؟ لالا مابي أخاف..!!
غلا: سكونوه يالهبله والله وناسه..!!
فيصل: يللا ترى صدقيني بتنبسطين.. مابسرع كثير..!!
سكون: زين..!!
الحور: وأنا مع ولووود حبيبي.. صح وليدوه..؟؟
الوليد: صحييين..تعالي..
عليا: ياسلام..!! وأنا..؟؟
خالد: انتِ مع زوجك حبيبتي..!!
حسيت ان عليا انصدمت.. طالعت في محمد نفس الشي مصدوم..!! شصاير..!!
عليا: هاه..؟؟
خالد: هيه..!! مسويه فيها مستحيه انتِ وفيسك..!!
قرب محمد منها ومشت بتردد وركبت وراه..
وأنا ركبت مع فيصلوه.. وشبكت فيه بقوووه..!! بصراحه.. كنت ميته من الخوف.. وأول مامشى..
صرخت صرخه هزت المكان..!!
.........................
~ عليا ~
ياربي شهالحاله..!! أف منك ياغلوه.. انتِ اللي سويتي هالسالفه كلها..!!
أول مابدا محمد يمشي كنت ميييته خوف..!!
عشان كذا مسكته بكل قوتي وخبيت راسي فـ ظهره.. بس بعد دقايق رفعت راسي.. تصدقون.. كان الوضع ونااسه صحيح.. جاني صوته وقطع أفكاري..
محمد: راح الخوف..؟؟
عليا: ايه.. بس.. خلاص أبي أنزل..!!
محمد: طيب..أبشري..
وقف محمد ونزلت وبعد شويات نزلوا باقي البنات..
الحور: ههههههههههههه ونااااسه..
سكون: ايه تحسي انك بتطيييري..!!
حنين: كل يوم أبي أركب..!!
غلا: عشم ابليس بالجنه..!! احمدي ربك ركبتي اليوم..!!
عليا: يللا خل نمشي.. بنروح مكان ثاني غير عن قبل ..عشان مايعرفون الشباب مكاننا..
غلا: ايه صح.. يكفي اللي سواه خلود قبل شوي..
مشينا ورحنا مكان بعيد هالمره.. وجلسنا..
غلا: آآآآه والله ان طلعة البر ترد الروح..
الحور: هههههههههه اشبك تتكلمين كأنك واحد من الشباب..
الا وغلا تضرب الحور على ظهرها..
الحور: أي..وجع..
غلا: ايه تعلمي السنع..
سكون: هيييي انتِ تضربينها تحسبين ماوراها رجال يعني..؟؟
صارت غلا تحرك اصبعها فوق وتحت وهي تناظر سكون باحتقار..
غلا: انتِ.. رجال..؟؟
سكون: هههههههههههههههههههه الله يلعن ابليسك على ذي حركات.. بعتبرها مدح مو ذم.. فديتني أنثى مو زي بعض الناس..
غلا: وي وي ماقدر ع الانوثه اللي مقطعه بعضها..
عليا: ههههههههههههه والله انكم زي توم & جيري..
الحور: وش توم وش جيري انتِ.. مارضى على سكون أنا بتسبين سبي الرجال ذي..
غلا: هاهاهاها.. يحليلكم مسويين حزب انتِ وهي..
الحور: يب يب.. أجل وش قالوا لك.. يابعد سبدي أنا وبنت عمي..
حنين: سبدي..؟؟ ههههههههههههه اشبك قالبه قصيميه..
سكون: وي فديت لهجة القصمان أنا.. تهبل..
عليا: هههههههههههه الظاهر تحب واحد قصيمي..
الا وصافقتني بالشنطه على كتفي..
سكون: القصيمي زوجك يالطفسه..
غلا: ههههههههآآآآآآآي ويك ويك ويك.. فشلوووها..
عليا: مالت عليكم وش يفشلني..
حنين: الا صحيح عليا بسألك..
عليا: وش..؟؟
حنين- بعباطه -: محمد صحيح قصيمي..؟؟
الكل: ههههههههههههههههههههههههه ههههههههههههههههههههههههه هههه
عليا: الله يننننننننننعن خشمك وانا احسب شي مهم.. بالله عليك محمد قصيمي..؟؟ أجل مايقرب لك هو..؟؟ فديته زوجي شرقاوي <<مو من قلب فديته ^_^
حنين: ههههههههههههههههههههههههه ههه بس ابي استهبل..
الحور: تستهبلين..؟؟ مو انتِ هبله من الأساس..!! ههههههههههههههه
حنين: طالعة لك..خيخيخي
سكون: وي مالت عليك وش جاب لجاب..
غلا: لاحد يتكلم لهالثنتين تراهم بياكلوكم..
الحور: ايه أحسن مالت عليكم
عليا: ههههههههههههههههههه ماخذات مقلب..!!
وظلينا نهذر ونهذر لين بدا المكان يظلم.. وبدوا البنات يتعبون.. خصوصآ ان احنا نمنا متأخرين وصحينا من الفجر..
حنين: بنات شرايكم نرجع..؟؟
الحور: ايه والله تعبت أنا..!!
سكون: يللا أجل قوموا..
غلا: عليا شفيكِ مابتقومين..؟؟
عليا: خلوني هنا الحين وبعد شوي بلحقكم..
ظليت بروحي أفكر في الوضع اللي أنا فيه.. لمتى بنظل أنا ومحمد كذا..؟؟ مو المفروض أسأله عن هذيك البنت..؟؟
بس أخاف..
أخاف من رده.. أخاف يكون شي يجرحني..
مادري ياربي وش اسوي..
ظليت لحالي فترة طويله وبعدين يوم قررت ارجع.. طالعت حولي..
ماشوف الا سواد.. وظلام..!!
....................................
~ محمد ~
كانوا عمي بو فيصل وعمي بو تركي يشوون واحنا جالسين حولهم..
الوليد: عمي ترى جعنا.. متى بتخلصون..؟؟
بو فيصل: اصبر يولدي.. شعلامك صاير دب..؟؟ لاحقين ع الاكل..
الوليد: هههههههههه والله من التعب والجوع..
خالد: مايبي يعترف انه دب..؟؟
الوليد: هالحين أنا دب..؟؟ أجل وش تصير انت..؟؟
الجد: لا ماعليك منه الوليد جسمك وش زينه..
سمعنا صوت بنت من ورانا..
الحور: الوليد.. الوليد تعال أبيك..
راح لها الوليد ورجع بعد شوي ووجهه متغير..
خالد: شصاير..؟؟
الوليد: عليا.. مايدرون وينها فيه.. قالت لهم يتركوها بروحها في الـ....
ما انتظرت اسمع باقي الكلام وفزيت من مكاني.. ركبت السياره بسرعه وشغلتها وانا قلبي يدق بقوه.. نسيت سالفة التطنيش ونسيت كل شي.. المهم انها بخير.. يارب تكون بخير..يارب..
................................
~ الحور ~
ياربي بموت من الخوف.. وينها فيه يعني.. هذا بر مو مكان عام فيه ناس ممكن يلقونها.. ياربي وش بيصير فيها..
المشكله ان احنا ماندري بالضبط وين كنا جالسين.. لأن احنا رحنا بعيد مررره والمكان صار ظلام الحين..
ظليت اهدي امي اللي كانت اكثر وحده خايفه..
ام الوليد: ياربي يلقونها يارب..ياربي احفظها..
الحور: هدي يمه هدي.. لاتخافين احنا ماكنا بمكان بعيد كثير..
سكون: مين راح يدورها..
الحور: الوليد يقول كلهم..
سكون: ان شاء الله بيشوفونها..
ام الوليد: الله يسمع منك..
...............................
~ عليا ~
احترت اتحرك من مكاني والا لا.. بس بعدين قررت أبقى.. أخاف البنات يعلمونهم وين كنا واذا جوا مايلقوني..
أفففف.. ياربي حتى جوالي مو عندي.. اصلآ انا تركت شنطتي كلها بالخيمه..
لحظه.. وشو هذا اللي أشوفه..؟؟
أنا أحلم والا وشو..؟؟
كأنها..
كأنها أنوار سياره..!!
قربت السياره أكثر وأكثر.. هذي سيارة مين..؟؟ مو الوليد هذا..!!
نزل صاحب السياره منها..
هذا..
محمــد..!!
وبدوون تفكير طرت بحضنه وأنا أبكي من قلب..!!
.......................
محمد ~
بعد ماحست انها هدت بعدت راسها شوي وسألتها..
محمد: هديتي الحين..؟؟
هزت راسها بإيه..
محمد: يللا أجل تعالي.. امك تنتظرك..مره خايفه عليك..
ركبت عليا السياره بهدوء.. وانا طلعت جوالي ودقيت على الوليد..
الوليد: هاه..بشر..
محمد: كاهي معي..
الوليد: طيـ... أمـ... لا تتـ......
محمد: ما اسمعك الوليد.. الارسال مره ضعيف..
الوليد: طيـ.. بـ..
محمد: باي..
قفلت من الوليد وركبت السياره.. كانت عليا مسنده راسها ومغمضه عيونها..
محمد: تعبانه..؟؟
عليا: شوي..
ابتسمت لها وقلت: الكل خايف عليك..
عليا: مين الكل..؟؟
محمد: الكـل.. يعني مين الكل..؟؟
عليا: يعني حتى انت..؟؟
محمد: وش رايك انتِ..؟؟ لو مو خايف عليك دورتك..؟؟
عليا: يمكن ماتبيهم يقولون عنك شي..!!
شوف ذي..!! من جد ترفع الضغط..!!
محمد: سباله.. ماني راد عليك..
عليا: انت السبال..
محمد: لا انتِ..
عليا: انت..
محمد: هههههههههههه زي الاطفال..
عليا: انا ماني طفله..
محمد: الا طفله..
عليا: مانـ..
محمد: أشششش.. بلا هذره زايده.. طفله وأحلى طفله بعد..!!
نزلت راسها مستحيه..آه ياعليا.. ليتك تحسين بنص اللي أحس فيه..
وصلنا عند الخيام ونزلت عليا..وعلى طووووووووووول راحت حضنت أمها..
أم الوليد: الله يهداكِ يبنيتي وقفتي قلبي عليك..
ابو الوليد: خلاص لاتلومينها انتِ بعد.. روحي حبيبتي ارتاحي..
..........................
~ الوليد ~
حاولت أنام ماجاني نوم.. طلعت من الخيمه.. والجو كان يهببببل.. مشيت شوي.. شفت سواد.. هذي كأنها حرمه..!!
قربت أكثر.. مين هذي..؟؟
تنحنحت.. الا نقزت من مكانها وطالعت وراها.. وعلى طول عطتني ظهرها.. هذي سكون..!!
سكون: انتظر لحظه..
أخذت شي من حظنها ولبسته.. شكله الغطا.. بعدين دارت لي..
الوليد: شفيك جالسه هنا لحالك..؟؟
سكون: ماجاني نوم وطلعت.. البنات كلهم نايمين عشان كذا لحالي..
الوليد: آها.. وأنا زيك..
قعدت في مكان بعيد عنها شوي..
الوليد: ليش مو جايك نوم..؟؟
سكون: مادري.. كنت أفكر..
الوليد: في..؟؟
سكون: ههههه مادري.. حاجات كثير..!!
الوليد: زي ايش..؟؟
سكون: ولد عمي صاير ملقوف اليوم..!!
صدق دبه..!!!!!!
...............................
~ سكون ~
حسيت جلستنا كذا غلط.. بس ماكنت ابي اقوم.. لكن لو طلع احد الحين وشافنا كذا وش بيقول..؟؟ لحظه.. خطر في بالي شي..
الطريقه الوحيده في اني اعرف عن خطبة الوليد.. هي اني اسأل الوليد نفسه.. ومافيه وقت أحسن من الحين..
سكون: الوليد..
الوليد: يالبيه..
سكون: نسيت ماباركت لك.. مبروك..
الوليد: مبروك..؟؟ على..؟؟
سكون: سمعت انك بتخطب العنود بنت خالتك..!!
قام الوليد من مكانه فجأه..
الوليد: نعم..؟؟
سكون: وش فيك الوليد..؟؟
الوليد: من قال هالكلام..؟؟
سكون: هاه.. مادري.. بس سمعت..
الوليد: سمعتي من مين..؟؟
سكون: الوليد خلاص..
الوليد: سكون سمعتي من مين..؟؟
سكون: ماسمعت من احد خلاص..
الوليد: سمعتي من أمي صح..؟؟
سكون: لا..
الوليد: ماحد بيتكلم عن مواضيع كذا غيرها..
سكون: الوليد الله يخليك لاتخليني اندم اني قلت لك شي..!!
طالع فيني بنظره تخوف.. وتكلم بنبره تخوف أكثر..
الوليد: اسمعي.. هي كلمه وحده بقولها لك.. وانتِ فسريها على كيفك..
أنا غيرك ماباخذ.. فهمتي..؟؟ واذا انتِ أخذتي غيري بذبحه بليلة العرس..
وعطاني ظهره ومشى..
ياربي أنا شسويت..!! مجنونه..مجنووونه..!!
أصلآ أنا كيف سمحت لنفسي أجلس معاه كذا..!! ياربي لو أموت أحسن لي.. غبييييييييه..!!
بس ماراح أكذب عليكم.. اللي قاله لي رغم انه صدمني بقوووه.. بس كثيييير ريحني..!!
.........................
~ الوليد ~
حسيت نفسي غلطت.. ماكان المفروض أتكلم معاها بذي الطريقه..مهما كان أنا مايحل لي اني اجلس معاها بروحي وأكلمها.. أخاف انها تفهم كلامي غلط.. أفففففففففف.. أبي أنام مو قادر..!!
ظليت أفكر فتره طويييله.. لين في النهايه غفيت..
...........................
~ غلا ~
أفففففف..أبي أنام..!! بس عشان الحريم صحيوا بازعاجهم وهذرتهم.. احنا.. مستحيل نقدر ننام..!! قمت غصبآ عني وانتظرتهم كلهم يخلصون وبعدين لما خلصت وطلعت كانوا البنات ينتظروني عشان نمشي..
سمعت صوت – مميز – من وراي..
فيصل: صباح الخير يمه..
أم فيصل: هلا.. هلا بوليدي..
ظليت أطالع فيه وهو يكلم أمه.. ياربي هالفيصل وسييييييييم..!!
ما انتبهت الا بضربه على ظهري..
حنين: وجع.. ساعه ننتظرك والحين واقفة لي متنحه..!! يللا امشي..!!
غلا: زين زين حشى بتاكليني..!!
اخترنا لنا هالمره مكان قريب وجلسنا..
الحور: أبي شوكولاته..
رمت عليها سكون الشنطه كامله..
سكون: خذي..
الحور: ول.. قلت شوكولاته ماقلت الشنطه كلها..!!
سكون: أشششش.. ترى المزاج ميح..!!
غلا: ول ول شصاير الكل ماله خلق اليوم..!! بلا نحاسه عاد.. اضحكوا..!!
عليا: اذا صحصحنا شوي بنضحك..
غلا: اذا على النعس كلنا نعسانين..
حنين: انا عندي لكم شي..
الحور: وشو..؟؟
فتحت شنطتها وطلعت شي..
غلا: أونو..!!
حنين: ايه خلنا نلعب أونو..!!
سكون: ايه صحيح نتونس شوي..!!
ظلينا نلعب شوي الا وخالد جاي..
خالد: يحليلهم بنات أخوي.. يلعبون..!!
غلا: تتمسخر انت ووجهك..؟؟
خالد: اتمسخر على ايش..؟؟ مالت عليكِ يالهبله..
غلا: وهـ بس طالعه لعمي فديتني..
خالد: هوهوهووووووه.. كثري منها..
الحور: يا الله.. ياحبكم للهواش..!!
خالد: علميها يابنت أخوي.. علميها..
غلا: وش تعلمني..؟؟
خالد: العقل..
غلا: اذا انت تعلمت تعقل.. علمني..
خالد: سباله ولسانها طويل..
غلا: ماني راده عليك..
عليا: أوهووووو.. تراكم صدعتونا..!! زي الأطفال..
خالد: هههههههههه.. خلاص خلاص.. بروح عنكم..
مشى خالد عنا واحنا كملنا لعب.. لين تعبنا..
................................
~ عليا ~
عند المغرب طلعنا انا والبنات من الخيمه.. الا جدي جالس والكل حوله.. ماعدانا احنا طبعآ..خيخيخي
احنا كنا بنروح مكان بعيد شوي عن الشباب الا وجدي نادانا..
الجد: وين رايحات..؟؟
عليا: جدي بنجلس هناك..
الجد: وشوله تروحن بعيد..؟؟ تعالن هنا..
احترت أنا.. طالعت في البنات نفس الشي.. بس غلا الجريئه ماهتمت وراحت جلست بين أمها وأم فيصل..
واحنا لما شفناها جلست تبعناها..لكن المأساه.. تدرون وشهي..؟؟؟؟؟؟؟
إن أمي وسعت لي مكان جنبها..وهالمكان.. بنفس الوقت كان جنب محمد..!!
كنت مرتبكه بقووووووووه.. مادريت وش اسوي.. وعشان كذا سحبت ليان وجلستها بحضني.. يازعم ألعبها..
الوليد: ايه جدي كمل وش كنت تقول..؟؟
الجد: اييييييه.. كنت اقول لكم عن جدتكم اول ماتزوجنا..
الجده: وبعدين معاك ياسلطان.. فضحتنا..!!
تركي: ووووووووو.. ماقدر انا ع الرومانسيه..
فارس: ايه ايه عطونا من هالزين خلنا نتعلم..
الجده: استح ياولد.. استح..
الجد: ههههههههههه.. خلهم ياهند خلهم..
محمد: ايه جدي علمنا..احم احم.. تدرون يعني احنا على وشك زواج..
وطالع فيني وابتسامته شاقه الحلق.. كان ودي أصفعه كف عشان امحي هالابتسامه العبيطه عن وجهه.. ثقالة دم..!!
الا الوليد الثاني يكمل بعد..
الوليد: ايه ايه.. حبيبي خلي هالحركات بعدين..موهنا..
صدق مايستحون.. مايشوفون عيال عمي هنا يتكلمون قدامهم..!!
أم الوليد: اسكت انت وهو.. ماتستحون..
محمد: ههههههه.. خالتي ماقلنا شي.. هاتي ليونه عندي..
ومد يده.. واعتقد ان الحركه كانت متعمده.. يبي يحرجني الدب.. عطيته هي ويده لامست يدي.. أقول لكم حركه متعمده..!! دب..!!
خالد: اقول ماحد عنده سالفه حلوه تطير الزهق..؟؟
تركي: يقولون فارس يعرف يسولف..
فارس: يقولون هاه..؟؟ يقولون..؟؟ ماتدري منهم اللي يقولون..؟؟
تركي: هههآآآآآي.. لا والله ما سألت..
فارس: المره الجايه اسأل..
خالد: انثبر انت .. يللا فروس قول لنا من سوالفك..
الوليد: اخاف يشوف حاله اذا دلعتوه..
فارس: اقول ورا ماتاكل تبن..؟؟ ماني مسولف.. زييين..؟؟
محمد: لالا ماقدرانا ع الدلع.. يتغلى الأخ بعد..!! أخاف قلبت بنت..!!
صار وجه فارس أحمممررررر.. معروف عنه انه خجول..
فارس: خليت الدلع لك ولأشكالك..
ليان: ماما تقول انا دلوعه..
طالعنا كلنا فيها.. وضحكنا بقوه على براءتها.. صدق تحسون البراءه تضحك أحيانآ..!!
طبعآ احنا البنات مساكين.. كنا مجرد مستمعات..ومو بس احنا.. الكل كان ساكت ماعدا الشباب هم اللي كانوا مستلمين الكلام.. ويقولون ان البنات هم اللي يحبون الهذره .. والله حاله..!!
............................
~ محمد ~
آهـ ياربي.. مادري وش أقول ولا أدري وش أسوي..أبي أجلس معاها.. أبي أحس ان احنا مخطوبين صحيح بس هي أبد..
مادري وش فيها.. يعني مغصوبه علي مثلآ..؟؟ ليش طيب..؟؟ شفيني أنا..؟؟
بعدت هالتفكير من راسي ورجعت اسمع السوالف.. بس وين أقدر وهي جالسه جنبي وملاصقتني.. أحس بأقل حركه وأقل نفس منها.. آه بس.. ياليتها تحس زي ما أنا أحس.. وياليتها تحبني زي ما أنا أحبها..
تركي: أقول وراك مسرح أخ محمد..
محمد: هاه.. لا ولا شي..
الجد: وانت شعليك منه.. خليه براحته..
تركي: لا جد بس يقولون كثرة السرحان دليل ع الحب..
الكل: هههههههههههههههههه
حسيت بعليا جمدت جنبي.. انعن ابليسك ياتروك.. لازم الاحراج يعني..؟؟
فيصل: الا صحيح متى بنرجع..؟؟
ابو محمد: بكره ان شاء الله..
وماتسمع الا اصوات الاعتراض من كل جهه..
- لاااا ليش بكره..؟؟ تونا ما انبسطنا..
- خلونا نظل يوم زياده..
- عاد صحيح بس يوم..
ابو الوليد:: لا مايصير عندنا اشغال مو كلنا عندنا اجازه..
وهالمره ارتفعت اصوات الأفأفه من البنات خصوصآ..
وبعد فتره من السوالف افترقنا.. وانا افكر.. لازم اكلمك عليا بأقرب وقت..
...................
بعد أسبوع
~ محمد ~
اوووف.. شفيه ذا تأخر..؟!! كنت متواعد مع الوليد ان نلتقي اليوم عشان نروح ننقي لي سياره.. بس للحين مادق..
دقيت على جواله مقفل..
خلني اروح له بيتهم أحسن..
وصلت بيت عمي.. ماكان فيه أحد بالصاله غير خالتي..
أم الوليد: ياهلا.. ياهلا بمحمد..
محمد: هلا بك خالتي.. شلونك..؟؟
أم الوليد: بخير الله يسلمك.. انت شلونك وشلون أمك..؟؟
محمد: بخير خالتي.. الا خاله الوليد وينه..؟؟
ام الوليد: تلقاه نايم بغرفته.. اصعد له صحيه.. مافيني حيل اصعد وانزل..
ارتبكت انا.. شلون تبيني اصعد..!!
ام الوليد: هههههه.. علامك..؟؟ لاتخاف مافيه احد غريب.. الحور طالعه مع بنت عمها.. روح شوفه يوليدي..
يللا أمري لله.. نصعد نصعد.. صعدت وطالعت .. احترت أي غرفه غرفة الوليد..
بعدين قررت أطق على عماي..
طقيت أول باب قدامي ماحد رد.. طقيته بقوه أكبر نفس الشي.. الظاهر ان ذي غرفى الحور لأن مافيها أحد.. رحت للغرفه اللي بعده وانفتح الباب..