الفصل 2
سكون ~
أف زهقانه..!! فيصلوه طلع وتركني بروحي..
خلني ادق على الدبه حوروه..
الحور: هلا وغلا..هلا ببنت عمي..يوووه لحظه..فارق..مالك شغل..هييييي اترك الجوال..سكونوه لحظه بركب الغرفه.. وجع..ابعد عني..!!
بعد لحظات..
الحور: ويه..هلا..
سكون: ههههههههههههههههههههه وش صاير..؟؟ حرب..!!
الحور: ههههههههههههههه هذا وليدوه الملقوف يبي يعرف أكلم مين..
سكون: مالت عليه..لقافه..إلا أقول حوروه..
الحور: قولي..
سكون: بموت من الزهق..
الحور: موتي..!!
سكون: نعم..؟؟
الحور: وش تبيني اسوي يعني..مو الحال من بعضه..
سكون: نفسي أطلع..طفشت من القعده في البيت..لو ان شاء الله السوق بس ابي اهج..
الحور: هيهيهيهييييييييه..تطلعين..؟ ؟ احنا الكورنيش وبالموت رحنا..قالت نطلع قالت..!! ليش ماتقولين لفيصلوه يمكن يرضى يطلعك..
سكون: فيصلوه؟ أمحق..!! أصلآ من زمان طلع بروحه ولا فكر فيني..انزين انتِ كلمي الوليد وشوفي..
الحور: الوليد..؟؟ ايه والله صدق..ليش ماكلمه..أكيد بيرضى..وليش مايرضى..إلا بيرضى ونص..
سكون: ههههههههههههههه شفيكِ قمتي تخورين انتِ..يللا روحي كلميه وردي لي خبر..
الحور: من عنوني يابعد عنوني..
...........................
~ الحور ~
رحت غرفة عليوه..الأخت كانت حاطه الهدفون بأذنها ومدري ايش تسمع ورايحه فيها.. يا الله شكلها كان نكته.. نايمه ع السرير وشعرها مفكوك وقاعده تلعب فيه..تكفين عاد يالرومانسيه..
خذيت دبدوب من دباديبها ورميته على وجهها.. هي تخرعت ونقزت من مكانها..
الحور: هي انتِ وفيسك يالرومانسيه قومي..
عليا – بصدمه - : هاه..شفيه..؟؟ شصاير..؟؟ مين مات..؟؟
الحور: انتِ متي.. وجع..قومي..
عليا: أوووووووووووف وين أقوم..؟؟
الحور: هجوم مباغت..
عليا: والله..؟؟ على مين..؟؟
الحور: وفيه غير الوليد..يللا تحركي..
نزلنا تحت وكان الوليد في الصاله يطالع تلفزيون..
الحور: ياهوه..
الوليد: خير خير
الحور: نبي نروح..اممممممممم..الظهران مول..
الوليد رجع يطالع التلفزيون وقال ببرود..
الوليد: طسي..
عليا: عاااااااد وليدووووه..
الوليد: اصغر عيالك وليدوه..؟؟
الحور – بخبث - : ايه..ترى احم احم..بنت عمي سكون مسكينه طفشانه وتبي تروح..أصلآ هي اللي اقترحت هالاقتراح..بس الوليد مايبي يودينا..امشي عليا فوق عنه..
الوليد: هاه..؟؟ مين..؟؟ تصدقين عاد حور انا بعد زهقان..!! خلاص بوديكم..روحوا تجهزوا ودقي على بنت عمك قولي لها تتجهز..
عليا: شصاير..!! توك مو راضي..!!
مسكينه عليوه مو داريه عن شي خيخيخي..
الوليد: يللا روحي ليش واقفه..!!
عليا: هاه..ايه زين بروح..
..................................
~ سكون ~
استأذنت من أبوي.. ورغم انه اعترض أول شي لأن فيصلوه مو معي بس مع شوية دلع بنات وافق..
دقت الحور عشان اطلع لبست البرقع وطلعت.. ركبت سيارة الوليد جنب حوروه..
سكون: السلام عليكم..
الكل: وعليكم السلام..
الحور: هلا والله بحبيبتي بنت عمي..
سكون: هلا بك يالدبه..كيفك عليوه..؟؟ كيفك الوليد..؟؟
عليا: بخير حبيبة قلبي..
الوليد: انا بخير انتِ شلونك..؟؟
سكون: بخير..
الحور – بصوت واطي - : تعالي الحين اذا رحنا بدون غلوه وحنينوه مابيزعلون..؟؟
سكون: إلا بيزعلون..!! المفروض نعلمهم.. بس أول قولي للوليد..
الحور: الوليــد..
الوليد: هلا..
الحور: امممممممم نبي ناخذ غلا وحنين معانا..
الوليد: ياسلام.. مالي شغل بكلم اخوانهم ان وافقوا يجيبونهم كان بها ماوافقوا مالي شغل..
سكون: ايه ودق على فيصل بعد خليه يجي..
الوليد: من عيووووني..الحين أدق عليهم..
...............................
~ فيصل ~
أووووف منك ياسكونوه.. لازم انتِ اللي بالنهايه تنتصري.. هذا انا رايح لهم المول رغم اني كنت معترض في البدايه..
بس ايش اسوي ماقدر أخلي الشباب يروحون وأنا ماروح معهم خيخيخي..
وصلت وفي نفس الوقت وصل تركي ولد عمي..نزل ومعه أخته ..نزلت من السياره ورحت لتركي..
تركي: هلا ولد العم..
فيصل: هلا بك..شخبارك..؟؟
تركي: بخير..
درت لغلا بسلم عليها..كانت تطالعني بنظرات غريبه..!! شفيها ذي..!!
فيصل: شلونك بنت عمي..؟؟
غلا: هاه..؟؟ بخير..أنا بخير..
وراحت بسرعه..فيها شي..؟؟ مدري..ما اهتميت بالموضوع واجد ومشيت..
............................
~ عليا ~
وأخيرآ وصلوا البنات ودخلنا المول..الا وغلوه الخبله جايه صوبي..
غلا: عليوه عليوه..
عليا: هلا..
غلا: شوفي ولد عمك محمد..
عليا: شفيه..؟؟
غلا: ماتحسينه متغير عن أول..؟؟
عليا: كيف يعني متغير..؟؟
غلا: شكله..
عليا: وأنا أحسب عندك سالفه..أكيد بيتغير لأن الجو هناك غير..خبله..
حنين: وش عندكم تتساسرون انتِ وهي..؟؟ يللا امشوا..
طبعآ افترقنا احنا والشباب. دخلنا واحد من المحلات .. واحنا هناك شفت قميص رجالي يهبل.. ناديت الحور..
عليا: حور..حوروه تعالي شوفي ذا القميص.. ماتحسينه يناسب الوليد..؟؟
الحور: إلا.. امشي نناديه..
وسحبتني بدون ماتنتظرني ارد عليها.. خخخخ عليها حركات اختي..
طلعنا من المحل..ماشفنا الوليد..
لقينا ولد عمي محمد واقف ..وطبعآ حور ماعطلتها..
الحور: امشي امشي نسأله عن وليدوه..
بس انا وقفت..لأن لفت انتباهي شي غريب.. شفت وحده من جد من جد شكلها غلط..نص شعرها ظاهر من الشيله.. كاشفه طبعآ وألوان قوس قزح كلها مصقوعه بوجهها.. وعبايتها شوي وتتقطع من كثر ماهي ضيقه ومخصره.. والغريب الغريب..ان هذي الوحده.. كانت واقفه..
قبال محمد ولد عمي تسولف وتضحك.. وكانت تطالع فيه كأنها تبي تاكله بعيونها..
هو كان عاطينا ظهره وماشفت ملامحه.. بس واضح من طريقة كلامها معه ان حتى هو مبسوط منها..
من جد مايستحي.. يتعرف على ذا الاشكال ويقابلها هنا والكل معه..!! الحمد لله والشكر..
الحور: عليوه..تشوفين اللي اشوفه..؟؟
عليا: صدق قلة حيا.. وين يحسب حاله ولد عمك المحترم..؟؟ تراه رجع السعوديه مهوب بأستراليا..!! تعالي تعالي عنه..
رجعنا المحل لقينا البنات مخلصين وطلعنا معاهم..
سكون: ماشفتوا الوليد..؟؟
عليا: هاه..؟؟ لا ماشفناه..
سكون: اها..تيب ابي اشتري عطر الحور تجين معي..؟؟
غلا: ليش الحور بالذات يعني..؟؟
سكون: يه..!! كل ذي غيره.. كلها عشر دقايق وبنرجع لا تخافون مابتضيعون..
غلا: ههههههههههههههههههههـ تكفين عاد
الحور: امشي عنها سكونوه..
.................................
~ حنين ~
أوف تعبت..ماحب أدور كثير بالاسواق..
حنين: بنات تعبت.. خلونا نرتاح شوي..
غلا: طيب ياعقوزه تعالي نقعد هناك شوي..
عليا: لا لا لحظه بس بدخل ذا المحل بعدين سووا اللي تبون..
حنين: مالي شغل فيكم انا بقعد تعبت..
سحبت لي كرسي وقعدت.. شفت أخوي تركي من بعييييييييييد جاي.. ولما قرب شوي ناديته..
حنين: ترووووك..
تركي فتح عيونه كأنه معصب..وبهاللحظه انتبهت للي جنبه..
فارس..ولد عمي..!!
ياااااااااااااااااااربي يعني لازم كل المواقف المحرجه تكون معاه..!! وش هالحظ..!! الحين وش بيقول عني..!!
أف ياربي..قهر..
حنين: سوري تركي ما انتبهت..
ومشيت عنهم بسرعه..
...................................
~ الوليد ~
أفففففففففففف..أبي أشوفها زين..!! أدري بتقولون توها معك بالسياره..بس وحشتني.. بكيفي..!!
دقيت على الحور.. ماعندي غيرها..
الحور: هلا الوليد..
الوليد: حوروه..الله يخليك..أبي اشوووفها..
الحور: بسم الله هدي هدي لاتموت علينا بس..
الوليد: بلييييييييز حور..
الحور: اممممممممم أفكر..
الوليد: حـــورووووه..!!!
الحور: هههههههههههههه..طيب وش بتعطيني..؟؟
الوليد: اللي تبينه..
الحور: طيب.. أنا ماني طماعه بس ابيك تجيبني هنا الاسبوع الجاي..
الوليد: من عيووووني..بس عاد دبري لك سالفه وجيبيها معك..
الحور: وينك فيه الحين..؟؟
الوليد: أنا..؟؟ جنب zara
الحور: أوكي..جايين.. لا تنحاش..
...................
~ الحور ~
وهـ بس ياحلاتها سوالف الحب.. متى بس نحب وننحب خيخيخيخي..
دخلت المحل مره ثانيه لأني طلعت منه لما دق الوليد..
الحور: سكووون..
سكون: عنونها الحولآ..
الحور: تعالي معي..
سكون: وين..؟؟
الحور: أبي أروح zara..
سكون: انزين امشي..
قربنا من المحل وكان الوليد واقف هناك..
الحور: يؤيؤ الوليد انت هنا..؟؟
الوليد: لا هناك..
الحور: زين أجل اللي شفتك..أنا بروح شوي دورة المياه وبرجع..
سكون: لا تعالي بروح معك..
الحور: وشو تروحين معي هي الا دقايق .. لا تخافين ترى أخوي مايعض..!!
......................
~ الوليد ~
بستخف أنا.. بنجن..!! ماني مصدق اني واقف جنبها.. ظليت أتأمل فيها رغم اني ماشوف وجهها.. ورغم انها ماكانت تطالعني.. أصلآ كانت تحاول تطالع في كل شي الا فيني..ياحلاتها والله تستحي..
قطع تفكيري صوتها الناعم..
سكون: آآآ..أنا أبي..أدخل..المحل..
الوليد: طيب..أجي معك..؟؟
سكون: هاه.. مادري براحتك..
ودخلت بسرعه للمحل وهي مرتبكه.. ودخلت انا وراها..
...........................
~ سكون ~
شفيها ذي استخفت..!! وين تحسب حالها..؟؟ تخليني كذا مع أخوها..!!
دخلت والأخ دخل معي..
ظليت ألفلف في المحل ..وبعد خمس دقايق جات الأخت.. مسكت يدها بقوه..
الحور: آآآآيييي هي انتِ شفيك..؟؟
سكون: انتِ هبله..؟؟ ماتفهمين..؟؟ شلون تخليني مع أخوكِ بروحنا..؟؟ هاه..؟؟ لو جا فيصل لو أحد ثاني وشافنا وش بيقول..؟؟
الحور: ههههههههههههههههه وأنا أحسب شي خطير..مالت عليك.. امشي بس امشي يالخبله..
..........................
بعد أسبوعين
~ محمد ~
كنت جالس مع أمي بالصاله.. وأحسها تبي تتكلم ومو عارفه..لأنها كل شوي تناظرني متردده وترجع توطي راسها.. والظاهر انها آخر شي تشجعت..
أم محمد: وليدي انت الحين كبرت.. والحمد لله صرت تشتغل ومو ناقصك شي..يعني المفروض تفكر فـ......
محمد: أدري يمه أدري بتكلميني عن الزواج..
طالعت فيني بخوف..شكلها تحسبني برفض..كملت أنا..
محمد: وأنا ماني معترض.. سوي اللي تبينه..!!
أم محمد: فديتك حبيبي..أنا شايفه لك بنت..مابتلاقي أحسن منها..
محمد: منهي..؟؟
أم محمد: عليا بنت عمك..جمال وكمال ماشاء الله عليها..ولا تنسى انها بنت خالتك بعد..!!
عليــا..!!
غريبه..!! لو أقول لكم ماتصدقون..!!
عليا كانت حب المراهقه..صدفه غريبه صح..؟؟
قلت لأمي: اللي تشوفينه يمه..أنا بروح أخلص شغلي..
............................
اليوم اللي بعده بالليل
~ عليا ~
ماني مستوعبه..!! محمد ولد عمي.. يخطبني أنا..!!!!! مالقى غيري بالدنيا..؟؟
واللي قاهرني.. إن أهلي كلهم مبسوطين..حتى حوروه اللي شافت معي اللي شفته مبسوطه..!!
ورغم إني متأكده إني برفض..بس قلت لأبوي إني بفكر..عشان أخلص من السين والجيم..
معقوله أوافق بعد ماشفته مع ذيك البنت..!! مجنونه أنا أتزوج واحد يعرف مليون وحده قبلي..!!
.............................
بعد 3 أيام
~ عليا ~
كنت في الغرفه.. إلا والباب يدق..
عليا: تفضل..
يؤ..!! أبوي جاي لي الغرفه بنفسه..!! أكيد عشان موضوع ولد العم العزيز..
عليا: هلا..هلا يبه..آمر يالغالي شبغيت..؟؟
أبو الوليد: مايامر عليكِ عدو حبيبتي.. بس جاي أسألك..مو خلاص التفكير..؟؟
ترددت.. مادريت وش اقول..
عليا: احم.. يبه أنا... أنا فكرت وقررت..
ابتسم ابوي ابتسامه واسعه..الظاهر كان واثق من موافقتي..
ابو الوليد: الله يوفقك يبنيتي.. الحين أروح أبشر عمك..
عليا: لا يبه بس أنا ماني موافقه..!!!!!!!!
صدمه.. مفاجأه..دهشه..!!
كل هالتعابير انرسمت بوجه أبوي ..عشان تتحول كلها في لحظه..إلى عصبيه ..
ابو الوليد: وش قلتي..؟؟
عليا – بخوف - : هاه.. أنا قلت..مو موافقه..
حسيت بخوف قوي.. من وجه أبوي المعصب عرفت انه وصل حده..
ابو الوليد: اسمعي يابنت..أنا ماني مخالف أخوي ومسوي مشاكل عشان بزر زيك..وولد عمك بتاخذينه يعني بتاخذينه..رضيتي والا مارضيتي..فاهمه..؟؟
طلع ابوي من الغرفه وانا طحت على سريري وانا ابكي من قلب.. ياربي كل شي غصب بالدنيا..!! دراسه وغصبوني أدرس في الشرقيه وأنا كان المفروض أدرس في الرياض.. والحين حتى الزواج بيغصبوني عليه..!! الله يهديك يبوي.. دايمآ عصبي وتبي كل شي على مزاجك..!!!!!
..........................
~ محمد ~
كنت جالس بالغرفه الا واسمع زغروته قويه
كلولولولولولووووووووووووو وووووووووووووووووش..
طلعت من غرفتي ونزلت للصاله..
أبو محمد: تعال محمد تعال ..
محمد: شصاير..؟؟ عسى دوم هالوناسه ان شاء الله..!!
أم محمد: بتدوم ان شاء الله بتدوم.. بنت عمك عليا وافقت..
وافقت..!! وااااااااااااافقت..!! ياربي بطير..!! تصدقون.. من قالت لي أمي عن هالخطبه وأنا طول الوقت أفكر في عليا.. وتصدقون بعد.. الظاهر ان حب المراهقه بدا يرجع.. لاتستغربون.. مو يقولون ان الواحد اذا خطب وحده كان يعرفها..غصبآ عنه يميل لها..!! كيف اذا كان يحبها من قبل..!!
....................
~ الحور~
ياااااااااااي..بنروح بيت جدي.. لنا كم يوم مارحنا..رحت غرفة عليوه ابي استعجلها..لما دخلت..انصدمت..!!
كانت جالسه على الارض جنب سريرها وراسها موطى وتبكي ..قطعت قلبي..!!
قربت منها..
الحور: عليا..شفيكِ حبيبتي شصاير..؟؟
عليا: ...................
قربت منها أكثر وجلست جنبها ورفعت راسها.. يا الله.. وجهها وعيونها لونهم أحمر.. وباين عليها انها من زمان تبكي..
الحور: عليوه شصاير..؟؟ خوفتيني..
عليا: اتصل أبوكِ في عمك..؟؟
الحور: ايه قبل ربع ساعه.. ليه.. لاتقوووووووووووووووووولين لي..
عليا: ايه مابيه..والله مابيه.. قولي لأبوكِ إذا زوجني اياه غصب بذبح حالي..فهمتوا..؟؟ بذبح حاااالي..!!
ورجعت تبكي..
عورني قلبي عليها.. لما قال أبوي قبل شوي انها وافقت حسبت انها وافقت برضاها..مادريت انه غصبها..!! أبوي طيب بس عصبي ويحب يمشي اللي براسه..ومستحيل يسمع راي أحد..حضنت اختي وأنا قلبي متقطع عليها..مسكينه عليا..توها قبل كم يوم وشحلاتها والحين يجي هالمحمد ذا مدري من وين ويخليها كذا..
الحور: حبيبتي عليا..أبوي قال لي أقول لك ان احنا الحين بنروح بيت جدي..
عليا: مابي أروح مكان..مابي أشوف أحد خلوني بروحي..
الحور: عليا حبيبتي ترى أبوكِ بيعصب أكثر إذا مارحتي..
عليا: مالي شغل خله يعصب قلت لك مابي اشوف أحد..!!
الحور: انزين..أنا بنزل أقول لأمي ان انا وانتِ مابنروح..
عليا: وانتِ شدخلك..؟؟ تبين أبوي يعصب عليكِ بعد..!! لا انتِ روحي وخليني هنا..
الحور: شنو أخليك وانتِ بهالحاله بروحك..؟؟ مستحيل..بنزل أقول لهم..
نزلت..كان أبوي بالصاله ينتظرنا..
الحور: احم..يبه أنا وعليا مابنروح..!!
ابو الوليد: وليش ان شاء الله ماتروح..؟؟ بكيفها يعني..؟؟ بعدي انتِ أنا بروح أشوفها..
الحور: هاه.. لا يبه خليك خليك أنا بقول لها..
بصراحه خفت أبوي يهاوشها ..
ابو الوليد: قولي لها يقول لك أبوك إذا مانزلتي بينزلك غصب..فاهمه..؟؟
الحور: ان شاء الله يبه..ان شاء الله..
رحت غرفتها بسرعه ودخلت..كانت على نفس حالتها..
الحور: عليا حبيبتي.. اهدي شوي وقومي.. ترى أبوكِ مره معصب..!!
عليا: مابي أروح حور والله مابي..
الحور: أدري حبيبتي أدري بس عشان أبوك..تدرين انه يحبك ويحسب ان اللي يسويه بمصلحتك..
عليا: مصلحتي..؟؟ مصلحتي مع واحد يعرف مدري كم وحده قبلي..!!
آآآهااااااااا..الحين فهمت ليش عليا رافضه..أنا نسيت السالفه تمامآ بس الظاهر هي مانستها..مانست البنت اللي شفناها واقفه مع محمد في المول..
الحور: لاتحكمي على الرجال قبل تعرفين السالفه.. بعدين تقولين انتِ انه يعرف اكثر من وحده.. شدراكِ عنه..؟؟
عليا: سالفه..؟؟ أي سالفه..؟؟ السالفه واضحه أصلآ..وقفتها بهالطريقه معه وش معناها بالله..؟؟
الحور: ماعليه حبيبتي انتِ هدي الحين وقومي..مابي ابوي يزعل منك..قومي غسلي وجهك..
طاعتني عليا وغسلت وجهها وبعدين لبست أول شي شافته قدامها..وماحطت شي على وجهها ولبست عبايتها وطلعت..
ابو الوليد: أشوف نزلتي يالأميره..
عليا: .................
الحور: آآآ.. يبه وين أمي..؟؟
ابو الوليد: راحت مع الوليد قبلنا..
الحور: عليا امشي يللا لا نتأخر..
...................................
~ محمد ~
كنت متوقع حركات الشباب عشان كذا ماتضايقت من نغزاتهم وتلميحاتهم اللي من أول مادخلت..
خالد: هلا والله.. هلا بمحمد.. والله وكبرت يولد أخوي وصرت عريس..
محمد: تو الناس عاد سويتني عريس..
تركي: عقبالنا يارب..!!
محمد: بلاك ميت ع العرس انت وخشتك..
فيصل: ومن فينا مو ميت ع العرس..؟؟
خالد: أنا..!!
الوليد: ههههههههآآآآآآآآآآآآآي.. كثر منها يشيخ..أخاف انت أول واحد تخطب بعد محمد..
خالد: فال الله ولا فالك يالسبال..!!
فارس: اعترف اعترف خالد.. منت مشبك لك وحده من هنا والا من هنا..؟؟
محمد: هوهوهووووووووووووه.. طالعوا وجهه صار فسفوري..
الوليد: أقول وراك تنبح مثل الاحم احم..مانبي نسب ..
محمد: وش اسوي من عرفتك ياولد العم صرت زيك..
تركي: ههههههآآآآآآآآي أحلى أحلى..ردها عليه..
الجد: وبعدين معاكم انتو..؟؟ اركدوا شوي..
تفشلنا وسكتنا.. لكن بعد شوي رجعنا نهذر لين عصب منا عمي عبد الله وطردنا من المجلس.. خيخيخي
وطبعآ طلعنا الحديقه .. فيه مكان ثاني..؟؟
(لكن بعيد عن البنات لاتخافون خيخيخي..)
.............................
~ سكون ~
كعادتنا.. كنا بالحديقه.. بس أنا ملاحظه شي اليوم..
عليا.. على عكس أي وحده تنخطب ماكانت مبسوطه.. حسيت انها متضايقه من شي..
في البدايه قلت يمكن مستحيه من الحريم ومن أم محمد.. بس الحين احنا بروحنا..
وشكلها السالفه أكبر من كذا.. كانت عيونها حمرا وكل شوي ترفع يدها وتمسحها.. كأنها تمسح دموع ماتبي نشوفها..
معقول فيها شي..؟؟ مادري..
بس لحظه..
ايش هذا اللي قاعده أشوفه هناك..؟؟
صحيح والا انا احلم..!!
لاااااااااااااااااااااااا ااااااااااا
...
~ الوليد ~
فجأه.. واحنا بالحديقه.. سمعت صرخه.. صوت مستحيل أخلط بينه وبين صوت ثاني.. صوت حبيبتي.. تصارخ..!!
وش صاير..!!
قمت من مكاني بسرعه..الا وبصرخه ثانيه وثالثه وعاشره.. وهالمره بأصوات مختلفه..كل الشباب قاموا وهم خايفين..!! ومستغربين..
خالد: خليكم خليكم.. أنا بروح أشوف شصاير..
راح خالد وخذا قلبي معاه.. ياربي شفيها سكون..!!
كان قلبي يدق بقوه وبسرعه..
بعد دقايق رجع خالد وهو معصب آخر تعصيب..
خالد: الله يلعن ابليسهم اللي مايستحون.. المهابيل.. اللي يسمع صراخهم يقول طالع لهم ملك الموت.. لابوهم لابو شكلهم ..
الوليد: هدي هدي شفيك..؟؟ شصاير..؟؟
خالد: شفيني..؟؟ تسألني شفيني..؟؟ تدري كل هالصراخ ليش..؟؟ عشان حضراتهم شافوا.. حشره..!! حشره هالقد (ويأشر بيده انها صغيره) خلوا قلبي يوقف عشان حشره..!!
تركي: لا يشيخ..!! وقسم بالله لو انهم حلال علي كفختهم لين يقولون بس..
فيصل: وانا احسب صاير شي خطير.. وآخرها على سخافه..!!
جلسوا الشباب بمكانهم..وجلست انا..
خخخخخخخخخخ والله انهم بجد يرفعون الضغط.. بس ماعليه الحمد لله ماصاير شي..!!
.....................
( أدري انكم ودكم تذبحوني لأني أنهيت الجزء اللي راح وكأن فيه شي خطير.. خيخيخي.. بس بغيتكم تعرفون شعور الشباب مساكين)
.....................
~ الحور ~
!!!!!!!!!!!!!!!!!!!!!!!!!!!!
الحور: الحين هذا ليش معصب..!!
سكون: وش دراني عنه..!!
غلا: سوينا شي غلط احنا..؟؟
حنين: الظاهر..!! بس احنا ماندري..!!
عليا: هههههههههههه بس تدرون.. وش حلاتنا واحنا نصارخ كأن طالع لنا أسد..
سكون: أخييييييييرآ..!!
الكل: وشو..؟؟
سكون: ضحكت الست عليا..!!
عليا: هههههههههههههههههه الأخت مراقبتني من الفجر يعني..؟؟
سكون: وش اسوي أحبك..
الحور: احم احم نحن هنا..
سكون: وي.. فديت حوريتي أنا.. حبيبتي ماحد ياخذ مكانك..
غلا: ومتى الزواج ان شاء الله..؟؟
حنين: أي زواج..؟!!
غلا: سكون والحور..
الحور: ههههههههههههههههههههههههه ههههه انعن خسمك يالطفسه..
غلا: ههههههههههههه شدراني عنكم قالبينها لنا قيس وليلى مدري روميو وجولييت..
سكون: وهـ بس شسوي..أموت فيها ..
غلا: ههههههههههههههههههههههه والله انك مخلصه ع الآخر..
سكون: من زمااااااان..
حنين: الا عليوه.. متى ملكتك..؟؟
عليا: هاه..؟؟ يقول ابوي الخميس الجاي..
سكون: يابنتي شفيكِ كتمتي – بطريقه مأساويه – كلنا ماشيين على ذا الطريق.. الله المعين..
غلا: هههههههههههههههههههه الله يرجك كأنك تتكلمين عن الموت حشى مي ملكه هي..
عليا: الزواج = الموت
حنين: ول ول ول هذا وانتِ توك مخطوبه شلون اذا تزوجتي..؟؟
الحور: بتألف كتب فلسفيه عن علاقة الزواج بالموت..
عليا سحبت شنطتها وصفقتني بها..
الحور: آييييييي دبه.. حشى ماحد يمزح..
عليا: ايه تعلمي تحترمين اختك الكبيره..
الحور: مي ثلاث سنوات ذي اللي ذليتينا عليها انتِ وخشمك..
عليا: وي فديته خشمي مو عاجبك..؟؟
الحور: لا مو عاجبني..
سكون: ياربي عليكم توم & جيري..
عليا: وانتِ الكلب اللي معاهم..
سكون: سبااااااااااااله..
غلا: هههههههههآآآآآآآآآآي فشلوها..
الحور: هي هي هي انتِ من سمح لك..
حنين: انا سمحت لها عندك مانع..؟؟
الحور: ايه عندي..
حنين: وشهو المانع..؟؟
الحور: مستشفى المانع..
سكون: هههآآآآآآآآآآي مين اللي فشلوها..
عليا: مو انا..
سكون: لقافه..
عليا: بكيفي..
جات ليان السغنونه واحنا نسولف..
ليان: تكول ماما الحين بنتعثى..
عليا: تيب حبيبتي الحين جايين..
دخلنا البيت وحطوا الشغالات العشا وجلسنا..
كنت ملاحظه ان خالتي ام محمد طول الوقت تناظر عليا وتبتسم وماتقول عليا شي الا تعلق عليه.. وشكلها عليوه طفشانه منها وودها تذبحها.. خخخخخخخ مسكينه ياعليا.. خلصنا العشا ورجعنا الحديقه..
وظلينا نهذر ونسولف لييييييييين الساعه 2 الفجر بعدين رجعنا..
بس اشوا الظاهر ان عليا نسيت كآبتها شوي..
...............................
~ خالد ~
الساعه الحين 3 الفجر ومافيني نوم.. فتحت الماسن.. جايتني اضافه جديده.. قبلت الا وبتنبيه.. بسم الله من أولها عاد..!!
Words are so easy when the language is LOVE:
ياااهلا والله..نور الماسن بهالطله..
Open your heart for me:
هلا بك..
Words are so easy when the language is LOVE:
شلونك ريمووه..؟؟
بسم الله..!! ريموه..!! أنا..!!
Open your heart for me:
من معي..؟؟
Words are so easy when the language is LOVE:
أفاااا.. ماعرفتيني..؟؟
Open your heart for me:
لا والله ماعرفتك..!!
Words are so easy when the language is LOVE:
أنا ميمي يالهبله.. توك اليوم اعطيتيني ايميلك عشان أضيفك..!!
ميمي..!! الظاهر الأخت غلطانه..!! بس تدرون..؟؟ مدري ليش حسيت بنزعه إجراميه..!! وقلت خلني أمشي عليها الدور..
تطيير زهق..
Open your heart for me:
هلااااا ميمي.. تصدقين ماعرفتك..؟؟ شلونك شخبارك..؟؟
Words are so easy when the language is LOVE:
أنا بخير بشوفتك..بس انتِ دبه تشوفين النك وماتعرفيني..
Open your heart for me:
ههههههههههه لا شدعوه عرفتك بس حبيت أتأكد..!!
ظليت يمكن 3 ساعات أسولف مع هالـ ميمي ذي.. شكلها هالبنت فله وحبوبه.. ورغم انها أكثر من مره كانت بتصيدني بأسألتها بس كنت اتهرب من الاجابه بأي طريقه,,
بس حسيت بالذنب شوي..يووه عادي خخخ تطيير زهق..!!!!!!!! وبعدين أنا أول مره أسويها وأكلم بنت..!!!!!
............................
اليوم اللي بعده..
~ فيصل ~أووووف من البنات..!! يعني لازم أقل مناسبه تصير فستان وزحمه..!!
حضرتها تبيني أوديها الراشد..أف.. والله اني ماطيق الاسواق.. بس شسوي..أختي السباله ماعندي غيرها..
يا الله..!! عقدتني..!! دوختني..!! مافيه شي يعجبها..!! لييييييييييين في النهايه وبعد فرفره 4 ساعات لقت فستان الظاهر الظاهر انه اعجبها..
لأنها ظلت تتمقل فيه ربع ساعه..وبعدها سألتني..
سكون: اممممممم فيصل شرايك..؟؟
بيني وبينكم أنا مافهم في سوالف البنات.. وأصلآ اللي بيدها ماحسه فستان..!! مدري وشهو بس مو فستان..!!!!!!!!!!!!!!!
بس خلاص تعبت.. خلني اشلخ وافك حالي..
فيصل: ايه حلو يهبل خذيه..
سكون: متأكد..؟؟
فيصل: ايه مررررره جنان بيطلع عليك كشخه.. <<شلاخ
طالعت فيني بشك.. بس الظاهر ان هذا المدري وش اعجبها وقررت تاخذه..
فيصل: هاه نرجع البيت الحين..؟؟
سكون: نعم..؟؟ وشو نرجع..؟؟ لاعنوني باقي..
فيصل: اووووف شفيه بعد..؟؟
سكون: ياسلام..!! يعني بس تبيني أشتري فستان كذا لحاله..؟؟ باقي الـ........
قاطعتها.. زين زين يللا امشي.. تصدعون الراس انتو وهالمدري وش اللي تلبسونهم..!!
......................
~ سكون ~أخيرآ خلصت وافتكيت من حنة فيصلوه.. فستاني كان مره حلو.. لونه أحمر وقصير طبعآ..أنا والحور اتفقنا على نفس اللون..
أول ماوصلت البيت دقيت عليها..
الحور: هلا وغلا..
سكون: هلا بك.. هاه..خلصتي..؟؟
الحور: ايه احنا بالطريق راجعين.. أحمر..؟؟
سكون: هههههههه أحمر..
الحور: تمام أجل.. يللا باي وصلنا البيت..
سكون: باي..
..........................
يوم الخميس بالليل
~ عليا ~
اليوم الملكه.. ياربي مابي..!! كانت عيوني تدمع بقوه وحوروه تمسحها بسرعه بمنديل..
الحور: يللا عاد بلا دلع.. خربتي الميك أب..
عليا: مابي حور والله مابي..
الحور: خلاص حبيبتي اهدي الحين.. اللي صار صار..قولي الحمد لله على كل حال.. اقري المعوذات وآية الكرسي وبتهدين ان شاء الله..
سويت اللي قالته حور وهديت شوي..
الا وجايين البنات..
سكون: وي فديييييت القمر انا..
غلا: الله يعينك يمحمد يولد عمي..
حنين: بتاااخذين عقله..
ياربي انا في ايش وهم في ايش..!!
غلا: وي فديتك ليه ترتجفين كذا احد طاقك..!!
سكون: انطمي انتِ مرتبكه البنت..
غلا: احم احم اقول ماقلتوا شرايكم في فستاني بنات..؟؟
حنين: يهبل.. بس فستاني احلى..
غلا: وييييه عاد تكفين..!!
الحور: اقول لا انتِ ولا هي انا..!!
سكون: اقول اسكتوا كلكم أحلى فستان فستان عروستنا..
فستاني..!! طالعت في فستاني..
من جد محمدوه مايستاهل يشوفه..!! كان مره حلو.. لونه تركواز وذهبي.. وهالدب ذا مايستاهل يشوف شي حلو..!!
يللا ماعليه الحمد لله على كل حال..
شوي الا وجات أمي تنادينا عشان ننزل..!!
ياربي..!! والله العظيم مابي..!!
طلعت وبنات عمي وراي.. وبصراحه كانت الاجواء روعه.. الحور اهتمت بكل شي ونسقت كل شي لأن انا ماكنت مهتمه..
كانت العيون كلها مركزه علي.. والزغاريد على كيف كيفكم.. افففف والله كل ذا ماله داعي..!! كنت ارتجف وأوزع ابتسامات مزيفه.. وما قعدت وانا مصدقه..
وعاد من قعدت والحريم ماوقفوا كل شوي وحده تجي تبارك لي.. مالكم داعي..تدرون..؟؟
وبعد ساعه يمكن.. قالوا بيدخلون الرجال..لا ياربي مابي..!!
نزلت راسي.. وما انتبهت الا بطرف ثوب ابيض..
لالالا لاتقولون محمد..!! رفعت راسي.. لا هذا ابوي.. وهذاك..!!
ايه هذا الوليد.. الحمد لله.. بس منهو ذا اللي وراهم..!! ايييه اشوا هذا عمي
لحظه..
هذا مين..؟؟ فيه واحد رابع..!!
لااااااااااااا
محمـــد..!!
.........................
محمد ~
يا الله..!! ماني مصدق.. ماكنت متوقع بنت عمي بهالجمال.. كانت جالسه بهدوء وموطيه راسها.. وشكلها مستحيه مووووت .. وطبعآ تعرفون لازم بالبدايه اسلم عليها وابوس راسها خخخخخخ
كانت يدها ترتجف.. مسكينه شكلها بقوه رايحه فيها من الحيا.. وبعد ماجلسنا وهيك وهيك بديت البسها الشبكه..
النكته اني تورطت.. ماعرفت ألبسها الحلق..!!
وظليت فتره طويله وأنا أحاول..لين صارت أذنها حمرا.. مسكينه..خخخخخ من أولها عاد يامحمد..!!
المهم اني في النهايه نجحت..
وبعد ماخلصنا تقطيع الكيك وباقي السوالف اللي لازم تصير بكل ملكه.. جا الوقت اللي نصير فيه لحالنا..!!
جات خالتي ام الوليد ودخلتنا غرفه بروحنا.. وطلعت منها..
وأخيييرآ.. صرت معاها..ولحالنا..!!
كانت موطيه راسها ووجهها أحمر وترتجف..ياقلبي عليها.. تمنيت لو اقدر اخفف عنها شوي..
قربت منها وهمست.. مبروك عليا..
ردت بصوت مخنوق.. الـ .. الله يبارك..فيك..
سكت شوي وهي كانت ساكته..احترت وش اقول..
الا وفجأه.. سمعت شهقه.. طالعت فيها.. كانت مخبيه وجهها بيدينها..
ماستوعبت للحظات..الحين عليا وش تسوي..!!!!!!
هاه.. لحظه.. كأن شي طاح على كفها..هذي دمعه والا انا اتخيل..!!
عليــا..تبكي..!!!!!!!!!!!!!!!!!
ليش طيب..!! شفيها..!! أنا سويت شي..؟؟
شوي شوي زاد بكاها ..أنا بصراحه كنت مصدوم..!!
حسيت حالي غبي ومو مستوعب الوضع..قربت منها شوي..
محمد: عليا..
عليا:...........
محمد: وش فيكِ عليا..؟؟ ليش تبكي..؟؟
عليا:.............
ترددت.. ما أدري..أسويها..؟؟ شرايكم انتو..؟؟ أدري بتقولون ايه ..
وعشان كذا شجعت نفسي وقربت منها أكثر وضميتها لصدري..
ظلت تبكي فتره طوييييييييييله لين في النهايه هدت..
بعدتها شوي عني.. وانصدمت..كانت نايمه..!!!!!!!!
كل شي غريب الليله..!! تصرفات عليا مره غريبه..!! والا فيه وحده تبكي.. وبعدين تنام بهالطريقه ليلة ملكتها..!!
ماااااااااني فاهم أي شي..!!
خليتها غافيه على صدري ساعه.. بعدين قررت اصحيها..
.........................
~ عليا ~
حسيت بيد خفيفه تهزني وصوت هامس يناديني..أووووف مين هذا المزعج..!! أبي أنااام..!! فتحت عيوني شوي..ماشوف الا شي ابيض..!!
أنا وين..!!
انتبهت للمكان اللي انا فيه..لااااااااااااااااااا مو معقول..!!
ياربي ياذي الفشله..!! رفعت راسي بسرعه.. أكيد شكلي يخوف..!! أووهوووو مو مهم الشكل الحين.. وش بيقول عني هذا..!!
ياربي كله مني..أسبوع وانا مانام زين..أكيد هذا من الارهاق.. رفعت عيوني شوي.. كان يناظرني وهو مبتسم..
محمد: صح النوم.. شكلك تحبين النوم..
عليا: هاه..لا بس..كنت.. تعبانه.. شوي..
محمد: ليه..؟؟ سلامات وش فيك..؟؟
عليا: الله يسلمك .. مافيني شي بس ارهاق..
حسيت ان كلامنا سخيف..وماله داعي..والظاهر ان هو نفس الشي..لأنه انتظر خمس دقايق وبعدين استأذن انه بيطلع..
وأول ما طلع أنا انحشت غرفتي..
لما وصلت الغرفه حسيت باللي انا سويته..!!
غبيه..!! أنا شلون أنام زي الاطفال كذا..!! غبييييييييييييييييييييييي يييييه..!!
بس والله غصبآ عني..مادري.. حسيت بشي غريب وأنا بحضنه..!! راحه..أمان..مادري وشو بالضبط..!!
انتو تدرون..؟؟
..........................
بعد أسبوع
~ عليا ~
مر أسبوع على ملكتي.. وأنا من هذاك اليوم ما شفت محمد ولا كلمته..ولما أمي تسألني ليه كنت أبرر لها اني مستحيه منه..
لأن أمي ماتدري اني ماكنت موافقه..
وبصراحه..مدري لمتى بتم على هالحال..
خلصت لبس ونزلت.. لقيت الحور والوليد ينتظروني عشان نروح بيت جدي..
يعني.. لامفر..!!
غصبآ عني بشوفه..أو ع الأقل بشوف أمه..
وزي ماتوقعت..
أول ما وصلت إلا وخالتي أم محمد قامت تبوسني..
أم محمد: هلا بالعروس.. هلا بالغاليه..نور المكان بجيتك..
عليا: هلا خاله شلونك..؟؟
أم محمد: بخير يابعد قلبي انتِ شخبارك..؟؟
عليا: بخير خالتي.. بخير..
تهربت منها ورحت سلمت على باقي الحريم.. والظاهر ان البنات سبقونا للحديقه عشان كذا طلعنا أنا وحور لهم.. كالعاده..!!
سكون: هلا.. هلا والله بالعروس.
الحور: وحنا مالنا رب يعني..
سكون – وهي تبوس الحور - : أفا.. انتِ حبيبتي وبعد عمري.. بس هذيك لازم ندلعها شوي.. يازعم عروس..
حنين: وهـ بس تكفين.. هذي عروس ذي..؟؟
غلا: قالت عروس قالت.. هي الا ملكه..!!
عليا: غيرانات من وشو والا وشو بالله..؟؟ لهالدرجه بتموتون ع العرس..؟؟
غلا: وليش لا..؟؟
عليا: ههههههههآآآآآآآآآآآآآآآي طلعت الفضايح..
سكون: اعترفي..حاطه عينك على مين..؟؟
حنين: هي قالت لي انها تحب السواق حق جدي..
غلا: أفا.. صدق ماحد يقول لك سر..!! فضحتينا..!!
سكون: ههههههههههههههههههههههههه أثرك تحبين وحنا ماندري..!!
غلا: وهـ بس.. انتو ماشفتوا طوله.. ووسامته.. وي وي ماقدر..!!
الكل: ههههههههههههههههههههههههه ههههه
الحور: الله يلعن ابليسك على ذا كلام.. السايق عاد..!!
حنين: اييييييييه افا عليكم يرسل لها مسجات ع الجوال بعد..
عليا: ووووووووووووووووو أحلى يالرومانسيه..
غلا – مسويه مستحيه - : لالالا لاتحرجوني.. استحييييييي
الحور: ههههههههههههههههههههههه وناوي يخطبك..؟؟
غلا: اييييييييييه افا عليك.. فديته أصلآ مايقدر يستغني عني..
سكون: عاد لاتقولين بتسافرين معه الهند ترى أتحطم نفسيآ أنا..
غلا: لو ياخذني معه وين بروح..
الحور: ماااااااااقدر ع الحب ياناس..
الكل: هههههههههههههههههههههه
واحنا نسولف الا جات ليان الصغيره..غريبه..!! بالعاده منخشه ورا أمها والا تلعب بالمراجيح..!! وش جابها للمعسكر..!!
ليان: انتِ ملت أحوي ثح..؟؟
عليا: صح حبيبتي..
ليان: تعالي العبي معي..
عليا: طيب حبيبتي ليه ماتقعدين معانا..؟؟
ليان: لا الثغاله لاحت داحل أبي العب بالملاجيح..
عليا: هاه..
شكيت في الموضوع بصراحه..!! بس مادري ماحب اكسر خاطر طفل..!!
غلا: قووووووووومي زين.. صدق خبله.. افهميها..!!
مو المشكله اني فاهمتها يابنت عمي بس انتو اللي مو فاهمينها..!!
حنين: قووومي يابنت اشبك مستحيه يعني..؟؟ اقوم بدالك..؟؟
غلا: هههههههههههه قومي قومي حنين..
أف..أمري لله.. ان ماقمت بيطفشوني بتعليقاتهم..!!
عليا: طيب تعالي حبيبتي..
مسكت يدي ليان وصارت تركض وتسحبني وراها لجهة المراجيح.. وزي ماتوقعت.. كان محمد هناك..
محمد: ليان حبيبتي روحي للماما..
ليان ماكذبت خبر وعلى طووووووووووول طيران لداخل البيت..
محمد: شلونك عليا..؟؟
عليا: بخير.. وانت..؟؟
محمد: الحمد لله..
لحظة صمت..كسرها محمد..
محمد: شدعوه متخبيه عنا..؟؟
مسكت طرف بلوزتي وصرت ألعب فيه.. من الارتباك..
عليا: هاه..لا مو كذا.. بس..مادري..
انتبه لحركتي ومسك يدي وبعدها عن البلوزه..
محمد: كل هذا حيا وارتباك يعني..؟؟ والا خوف..؟؟ ترى انا ماعض..!!
رفعت راسي وأنا فاتحه عيوني ع الآخر.. كان يطالعني بنظره.. مدري كيف.. طفوليه شوي.. وابتسامته نفس الشي..
ماقدرت امسك نفسي وفقعتها ضحكه..!!
ولما شافني محمد اضحك.. صار يضحك..
وظلينا نضحك يمكن خمس دقايق..!!
محمد: هههههههه فديت هالضحكه.. ماصدقنا نشوفك تضحكين..!!
عليا: هاه.. احم ..انا..لازم اروح الحين..
محمد: عااااااد توك جيتي..!!
عليا: لا بس.. مادري.. الحين البنات بيعلقون..
محمد: طيب اجل براحتك..
عليا: عن اذنك..
. ........................
~ فارس ~
أحس بطفش..!!!!!!!!!!!
من زمان ماطلعنا مكان حلو.. جاي في بالي اطلع..
فارس: شباب.. ايش رايكم..؟؟
فيصل: في..؟؟
فارس: نطلع البر..!!
تركي: والله انك جبتها..!!
خالد: هيهيهيييه.. وانتو تخططون وتكتكون.. تحسبون الشعب الكريم بيخليكم تطلعون بروحكم..؟؟ نسيتوا المره اللي فاتت كيف اعلنوا علينا حرب لأن رحنا بدونهم..!!
الوليد: ياشيييخ.. عادي.. خلي الكل يروح..
محمد: ايه والله أهم شي ننبسط.. والله لي سنين ماطلعت البر..
فارس: كح كح ..قدييييييم مغبر..
محمد: هههههههههههههه مالت عليك.. وش تبيني اسوي اترك دراستي واجي هنا عشان اطلع البر..؟؟ بعدين استراليا فيها صحاري على كيف كيفك.. بس مافيه بلد زي السعوديه فديتها..
فيصل: وي عاد ماقدر ع الوطنيه اللي مقطعتك انا..
خالد: هههههههههههههههههه ولد أخوي متعقد من الغربه..
فارس: وي تكفى عاد.. اللي يسمعك يقول متغرب 20 سنه.. كلها 4 سنين لاراحت ولا جت
محمد: من الغيره..!!
فارس: تكفى عااااااااااااد اغار من ايش..؟؟ وش ناقصها جامعاتنا..؟؟ فديتني والله بترولي..
الوليد: هههههههههههههههههه تكفى يابترولي انت..تراني زيك..
خالد: ههههههههههههههه سويتوها بترول.. ترى اسمها جامعة الملك فهد ..
الوليد: عاد عاد لا تتقطع .. ترى تكملة الاسم للبترول والمعادن..
محمد – بعباطه مصطنعه - : الا ليه اسمها كذا..؟؟
فارس – مصدق - : عشان تخصصاتها معظمها متعلقه بالهندسه ..
محمد: ههههههههههههههههههههههههه ههههههههههههههههههههههههه هههههههههه صدقت فارس..!! شدعوه ما ادري يعني..!!
فارس: شدراني عنك انت وخشمك.. متعودين عليك عبيط..
محمد: افا.. تراني ازعل..
خالد: ههههههههههههههههههههههههه هه خل خطيبتك تراضيك..
محمد – باحراج - : مالت عليك اسكت..
الوليد: ههههههههههههههههههه تبيني اناديها لك..؟؟
فيصل: يللا شباب قوموا قوموا الأخ بيقابل خطيبته
محمد: وجع انثبروا..
خالد: ههههههههههههههههههههههههه هههههه قلبت بنت واحنا ماندري
الوليد: شكله..
فارس: فديتك حبيبتي لا تستحييين ..
محمد: ههههههههههههههههههههههههه هههههههه مين اللي يتكلم عن الحيا الحين..؟؟
فارس – باحراج - : اقول مالت عليك بلا فضايح..
محمد – بخبث - : ايه تعلم السنع..
..............................
اليوم اللي بعده
في بيت الجد سلطان
~ سكون ~
دخلت داخل البيت عشان آخذ عصير للبنات اللي كانوا في المعسكر..وصلت المطبخ.. الا وسمعت همس..
مو من عادتي اتسمع الكلام.. بس وقفت شوي عشان اعرف مين داخل المطبخ قبل اقرر ادخل والا لا..
بس اللي سمعته.. صدمني..!!!!
ام الوليد: ايه والله يوخيتي الوليد كبر الحين..
ام محمد: ومتى بتخطبين له..؟؟
ام الوليد: انا ابي اخطب له هالشهر بس ابوه يقول خل الولد يتخرج اول..
ام محمد: والله شكلك عينك على احد..
ام الوليد: وفيه غيرها..العنود بنت اختك فايزه..!!
ما انتظرت اسمع باقي الكلام.. وبعدت عن المطبخ..
الوليد.. بيخطب..!!
ياربي ليش احس كذا..!! ليش قلبي يدق بقوه واحس حالي مكتومه ومو قادره اتنفس..!!
الوليد..!!
مادري.. طول عمره الوليد غير عن باقي اولاد عمي..
كان.. كان حنون أكثر منهم على خواته.. ع الكل.. علي أنا..!!
ايه علي انا..!!
لاتقولون مغروره.. بس طول عمره يعاملني غير.. مادري ليش..
بس انا من زمان حاسه كذا..
الدموع ملت عيني.. ماحبيت احد يشوفني كذا.. مافيه مكان اروح له الا غرفة خالد..
دخلت غرفته وقفلت الباب..
وقفت عند النافذه ودموعي تنزل على خدي..
الوليد بيخطب بنت خالته..!!
ماقدر اتقبل هالفكره..!!
كانت نافذة خالد تطل ع الشارع.. وانا كنت بدون عبايه فما حبيت اوقف جنبها بعدين الرايح والجاي يشوفني.. و..لحظه..!!
هذي حور طالعه من البيت.. شمطلعها بروحها الحين..!!
كانت تكلم السايق حق جدي..الظاهر تبيه يجيب لها شي..
بعدت عن النافذه ومسحت دموعي وجيت بطلع من الغرفه..
الا بصوت قوي لفت انتباهي..
صوت.. مكابح سياره..!!
رجعت اطل من النافذه..
لاااااااااا.. الحور.. ياربي..
لا الا الحور..
طلعت من غرفة خالد زي المجنونه.. نزلت اركض ع السلم.. وصلت للحديقه.. وجيت ابطلع الشارع..
الا بيد تمسكني بقوه..!!