انطعن غيري وآنا اللي تآلمت - 13 والاخير - بقلم MS GoONA - مكتملة | روايتك

بحديقة السكن :: جاكي قاعده بطاوله فيثها كرسيين تنطر رهين تنزل الريوق .. وهذي اول مره يتريقون تحت بالحديقه لان الجو كان حلو وودهم يغيرون جوهم كاترينا دخلت الحديقه : هااي .. صباح الخير جاكي باتسامه : صباح النوور .. ههه لي هالدرجه ودج تعرفين هل انتي الام الحقيقيه لها كاترينا دمعت عينها : جاكي .. انا امها جاكي بطلت حلجها وانصدمت حدهاااا كاترينا : جاكي انا متأكده من هالشي اول ما شفتها واول ما مسكت ايدي وكانت تبي تعرف اذا انا امها حسيت في هالشي .. حسيت انها قريبه مني حييل .. حسيت ان قطعه مني قاعد اشوفها جدامي جاكي : وليش ماقلتي في وقتها يمكن هالشي يريح رهين لييش كاترينا ماقدرت تسيطر على نفسها وبجت : جاكي انا يايتج الحين وانا متأكده ان رهين بنتي .. إذا مو واثقين من احساسي شنو معناة الاحلام المتكرره اللي صار لي جم يوم احلم فيها .. من يوم مادخلت رهين حياتي وانا بس افكر فيها ,, اهيا بنتي انا حاااسه .. حاسه بهالشي والله جاكي قامت : خل انادي رهين يمكن يحن قلبها وتصدق بس لفت وييها ولا رهين واقفه جدامها وقاعد تبجي .. انصدمت كاتيرنا من وجودها جاكي تجمدت فمكانها لما شفاتها : رهين انتي من زمان هني ؟؟! رهين بالاول ماردت وموقادره تتحمل انها تصدق اللي قالته كاترينا كاترينا بهدوء : جاكي خليها براحتها راحت رهين يم كاترينا و صرخت فجأه واهيا تبجي : لااااا انا مو مرتاحه مومرتااحه .. ( ومسكتها حيييل وقاعد تهزها بلُغه للعتاب ) لييييش ليييش إنطعن غيري وانا اللي تألمت .. ليش يطعنج زوجج بالتهديد والخيانه وانا اللي أتألم انا اللي آكل الهم ونظرة المجتمع السلبيه لي .. ليييش يتمتييني وانتي عايشه ليييش ... ليش ضحيتي فيني عشان دنيا وصخه ردت عليها بالنبره اللي ينمزج فيها الدمعه وصرخة الـ(آه) : يااالييييت .. ياليييتها وقفت على جذي وبس يااليت .. انا ضحييت بالشي الي كل وحده تتمناه .. رفست النعمه اللي رزقني فيها ربي بريوولي ... انا ضحييت الامومه .. ضحيت بأموومتي رهين هزتها اكثر جنها تبي تصحيها من أوهام الدنيا اللي انرسمت بلوحه مشرقه خداعه بداخلها وبخيالها : بس انتي نكرتي القطعه اللي ياما تنفست بهواج وياما تغذت منج ... عدمتيني من حياتج .. عدمتنيني كاترينا زادت بجي : لااااا لاااا والله لاا .. ما نكرتج لاا ... بس جبرت نفسي اني اعيش بأوهاام السعاده وانا محرومه منها رهين وخرت عنها وصرخت صرخه تشكي فيها الحال : أناااااااانيه .. انطعنتي وماهويتي الجرح وحمّلتيني ألم الإهانه .. والحين تبيني ارجع لحضنج ؟.. وينج لما كنت بحضن اللي مثلت لي دور الأم الحنوون وبعد ما شبعت من هالدور طردتني عنها وعن حيااتها كاترينا قاعد تبجي بحرقه وحييل .. أول مره جاكي تشوف كاترينا بهالوضع .. وكانت دايما تشوف هالمواقف بالأفلام والمسلسلات بس ماتوقعت بيوم انها بتشوفه بواقعها وجدام عينها :: الكويت ، بيت بو عادل :: ابرار راحت ترركض بتروح غرفة سبيجه وبطلت الباب ولقتها نايمه ابرار تقعد سبيجه : سبووووووووووج قوومي قومي مو وقته تنااميين . سبيجه : اوووه برور ذلفي برا ما تشوفيني نايمه يلا ذلفي ابرار : طاع هذي .. اقولج قومي شوفي مصيبتج بعدين فكري تنامين سبيجه : شتبين قولي يلا ابرار : سمعت امي تكلم ام هذا خطيبج عبدالله وتقولها ان انتوا وافقتوا سبيجه فزّت وشهقت : شنوووووو لا .. شنو مو بكيفهم وقامت نزلت تحت اهيا وابرار سبيجه : يماااااااا شسويتي انتي نهى : شفييج شحقه تصرخين سبيجه قعدت : لييش تقولين لهم اني وافقت .. يمااا انا ما ابييه نهى : وتاليتها ويااج انتي .. ما تقولين ليش ما تبينه ؟ سبيجه بجت : يمااا ما ابيييييه ليييش تقصبووني ما ابيييه حراام عليييكم *********************** [.. مــــــرت ســـنـــــــه..] بتقلباات العواطف اللي مارحمت لا هالطرف ولا الطرف الآخر .. وغير نوبات الرحمه والقسوه اللي مافارقت البال ... والحسافه ان كل ما تقربت المسافه بعدت اكثر بالعتااب الجارح اللي مثّل الواقع بكل حقائقه ... هالسنه كانت غييير عن كل سنين رهين اللي عاشتها ،، هالسنه مرت عليها مثل سرعة البرق دقايقها بثواني ،، وساعاتها بدقايق ،، وأيامها بساعات ،، وشهورها بأيام ... مارحمت مخها من كثر التفكير .. حاولت على كثر ماتقدر انها تتصرف بعقلانيه وحاولت وبذلت جهد جهيد انها تنبش بالماضي اللي ما عاشته " أي " ماضي أمها الحقيقيه [كاترينا] .. ومانست انها تطلب انهم يسوون تحليل الحمض النووي .. جود تطلع النتيجه عكسيه ولكن حتى التحليل صف مع كاترينا,, بس للأسف قضت العاطفه على العقل وقضت الأجوبه على الأسئله ... والشووووق للحضن الحقيقي ما قط فارق عاطفتها .. ومع كل هذا كانت تمثل الرفض قبل القبوول ... بـــــــس ،، يـــــــــا ظنــــى ماردك للـــــحــضــــــن الـــــــحــــــــانـــــ ـــي !! وقامت كاترينا تزور رهين كل يووم .. و الود ودها انها تاخذها معاها بيتها بس ماتبي تجبرها بشي ماتبيه.. كافي الحياة اللي انجبرت تعيشها .. < و بـــيـــــــــوم > كاترينا زايرتهم بس رهين رفضت انها تقابلها وهذي مو اول مره ومع كل هذا ولا مره جبرتها امها .. لكن من داخلها تتقطع حززن .. وكانت قاعده مع جاكي بالصاله .. دخلت رهين : يــــمــــــآ ؟ وقفت كاترينا وجنها مو مصدقه اللي تسمعه " رهين قالت يمه .. أي رهين قالتها لي " .. وبدون احساس منها قامت وضمتها بكل حناااان .. شعور ما قط حسته رهين حتى واهيا بحضن امها رنا يــــــــا ظنـــــــآي .. في عيون الناس أناظر ..] واتخيل صورته..] واتخيل ضحكة شفــــآه الجميله ..] والــبرآءهَ بنظــرته ..] يــــــمــــــه .. يـــمـــــــه ..] وينك انتي؟ انا بعدك حمامة بيت لاحقها العطش بالصييف ..] يــــمــــــه .. يــــمــه ..] وينك انتي ؟ انا بعدك في هالدنيا محسوبه مجرد طيير ..] كاترينا ودموع الفرح مافارقتها : ساامحيني .. سامحيني رهين : مسامحتج يمه .. مالي غيرج والله مالي غيرج كاترينا : أعاهدج اني ما ابعد عنج طوول ما انا عايشه .. و اوعدج ان ماراح يفرقنا عن بعض غير الموت رهين : لج طولة العمر كاترينا قعدت وقعدت يمها رهين : بهالمناسبه عشان نفرح فرحتين ودي اطلب منج طلب واتمنى انج توافقين رهين : آمريني كاترينا ابتسمت : ابيج تسافرين معاي رهين انصدمت : نسافر ! .. وين وليش ؟ كاترينا : ما ودج تشوفين ابوج الحقيقي ؟ رهين انبهرت و مو مستوعبه الكلمه وطالعت جاكي وجنها تقول لها " قالت ابووي " : انا عندي ابو ؟ .. يعني موجود ؟؟ كاترينا : أي موجود .. انا مستعده نحجز الحين ونسافر باجر .. بس قولي موافقه رهين تمت شوي ساكته رفعت راسها : أي موافقه كاترينا تشققت من الونااسه وضمتها حييل والابتسامه رجعت لهم بعد زمن ما ظنوا انهم بعده بيرجعون يفهمون معنى السعاده .. بس في هاليوم عرفت كاترينا معنى السعاده عدل ومنو اهم مقوماتها :: الكويت ،، بيت بو عادل :: نهى وبحضنها حفيدها الأول الحفيد الغالي اللي طول عمرها كانت تتمنى تشوفه ،، دخل سعود سعود : هاا اليوم المزااج متعدل نهى : اكييد دام ولدي جدام عيني سعود : الا وين عادل ومرته ما شفناهم من الغدا نهى : ومن ياب طاريهم .. انا اتكلم عن خلوودي حبيبي ( عادل مسمي ولده على رفيجه ) سعود ضحك : هههههه السالفه جذي عيل .. صج لي قالوا ما اعز من الولد الا ولد الولد نهى : ههههههه الحمدالله ان الله عطانا عمر .. وربينا ابوه وكبرناه .. ويا اليوم اللي اربي وليده نزلت سبيجه من الدري تركض : ايييييييي اشوووف طلع هالنزغه ونسيتونا نهى : وي وي وي .. جذي ينزلوون .. وااي لو شايفج عبدالله جان شسوا فييج سبيجه قعدت : اشوا انه مساافر وبعدين شدعوا توني بالرابع سعود : هههههه صج ما ينعرف لج قبل جم يوم تتبجبجين ليش انه بيسافر واليوم يطلع منج هالحجي نهى : عبالج الرابع توج .. انشالله بالثالث ماتنزلين جذي لو يصير بالجنين شي شتغبرين بعدين سبيجه : وي اسم الله عليه سعود : شفتي مالج قلب ! نهى : وي وي وي .. جذي ينزلوون .. وااي لو شايفج عبدالله جان شسوا فييج سبيجه قعدت : اشوا انه مساافر وبعدين شدعوا توني بالرابع سعود : هههههه صج ما ينعرف لج قبل جم يوم تتبجبجين ليش انه بيسافر واليوم يطلع منج هالحجي نهى : عبالج الرابع توج .. انشالله بالثالث ماتنزلين جذي لو يصير بالجنين شي شتغبرين بعدين سبيجه : وي اسم الله عليه سعود : شفتي مالج قلب ! بــــــــــآجـــــــــــر ... الـــــــــســــــــــــع ــــــــوديــــــــــه ... :: بيت بو مطلق :: ساره قاعد تقرا قرآن بغرفتها .. دخلت حصه وقعدت تنطرها لين تخلص ولما خلصت : تقبل الله ساره : منا ومنك صالح الأعمال حصه ابتسمت ساره : وش عندك ؟ حصه : وش عندي؟ ماعندي شي ! ساره : لا والله منتي خاليه تكلمي قولي وش فيك ؟ وش بتقولين ؟ حصه : ماشالله عليك يا يما عارفتني زين ساره : اكييد ما يبغالها .. خبز يدي حصه : اممم .. يما انا .. ساره : انتي إيش ؟! حصه : يما انا ابغى اشتغل ساره : تشغتليين !! .. ليه ناقصك شي علشان تشتغلين حصه :لا يما .. بس ما يصير نجلس كذا .. انا خلاص قررت اني اشتغل ساره :ما تفهميني وش تشتغلين ؟! .. وكيف بتحصلين وظيفه وانتي حتى شهادة متوسطه ما عندك ! حصه : لا رح احصل ... بشتغل مُدرسه .. ايوا مُدرسه .. اجيب الطلاب هنا عندنا في البيت .. واشرح لهم دروس خصوصيه زي ما يقولون ! .. وآخذ حصيلتي من التدريس من اهاليهم .. وش قلتي ؟ ساره ابتسمت : والله انك منتي بهينه يا حصه حصه : ههههههه يعني موافقه ؟ ساره : ما ودي والله !.. بس اذا انتي حابه .. على راحتك مارح احرمك من شي خاطرك فيه حصه قامت باستها على راسها : مشكوووره يماا الله يخليك لنا ولا يحرمنا منك ياارب :: مطار لندن الدولي :: وقفت رهين قيدها من الجامعه لأجل غير مسمى بسبب سفرتها مع امها .. جاكي بنبرة حزينه لان ماودها تفارقهم وتفارق الاخت والصديقه : راح اشتااق لكم واايد .. لا تنسوني مثل ما انا ماراح انساكم .. رهين ماراح انسى ولا يوم عشناه مع بعض ( ولمتهاا حييل واهيا تدمع .. ولمت كاترينا ) و ودعتهم الوداع الاخير .. و كلها دقايق وطارت الطيااره .. وطول الطريج وكاترينا ماسكه اييد رهين جنها خايفه انها تضيع منها برمشة عين .. .................................................. ....................................... .................................................. .............. .......................................... ..................... ...... وصلوا واهما تعباانين .. طلبوا تاكسي وصلهم للفندق وارتاحوا وريحوا اجسامهم المتصلبه طول الرحله .. ويا صباح صبّح .. طلبوا ريوق من الفندق .. ولبسوا كاترينا لبست عبايه وملفع ورهين قاعد تطاااالعهاااااااا << بدووون ترجمه بالكلام >> كاترينا : هههههههه شنو فيك ؟ رهين مبطله حلجها وشهقت : تعرفييييييين عربييييييي !!!! كاترينا :ههههههه انت forget انا كان في شغل in كويت ؟ رهين لي الحين بصدمتها : ايييي.. بس مادري ..يعني .. يعني لا يعني مادري ما كنت ادري كاترينا : شلون انت فكر I can كلام هني رهين : ايي هههه .. انزين البس عبايه وملفع ! كاترينا : sure ! رهين : ههههههه اوكي لبست رهين وكاترينا و طلبوا تاكسي كاترينا عطت السايق ورقه وفيها العنوان .. رهين بتعجب طبعا كلمتها بالانجليزي بس الكلام مترجم : احنا وين رايحين ؟ كاترينا تعدل جوتيها : الحين تعرفين رهين : ابي اعرف الحين وين مكانه وين بيته ؟ كاترينا : للأسف ما اقدر اقولج .. لاني ضامنه 100% انج لو دريتي ماراح نكمل مشوارنا رهين : وشنو يعني !!.. ما ردّي بعرف كاترينا ابتسمت : اكييد :: شقة طارق :: طارق شايل مشاري و واقف جدام الباب : يالله يااا رنا ماصارت ترى رنا داخل الغرفه وبصوت عالي : إييه جاايه جايه ( وطلعت ) طارق : يه يه يه .. شهالزيين رنا : ههه حاجه بئه.. يلا كرمال ما نتأخر طارق مو قادر يثبت على ريله : هاج هاج مشاري رنا خذته : شو بك ؟! طارق طاح على الأرض فجأه رنا حطت مشاري على الغنفه : طارق شوبك طارق : رنا عفيه دقي على نهى قوليلها ما نقدر نييهم اليوم رنا قعدت يمه بسرعه : ايه شو بك خوفتني طارق نزل راسه وحط ايده على يبهته ونزلت دمعته رنا قعدت يمه : طارق !! .. انت ... انت بتبكي ! .. ليه طارق شو فيه ؟! طارق مسح دمعته اللي ماكان وده تشوفها رنا : مافيني شي مافيني الا العافيه .. بس انتي كلميها لا تقعد تحاتي رنا بنبرة خوف وتوتر : بتصل فيها بعدين ..ما بينفع هييك انت كذا مره صارت فيك هاي الحركه و كنت تكزب علي وتقولي ما في شي .. طارق امشي ع الدكتور مابيصير هييك طارق : رنا مافيني شي صدقيني بس ريلي تخدرت شوي وطحت ! رنا قامت : يووو ما بينفع معك .. بتروح معي يعني بترووح وطبعا خذته قصبـ(ن) عنه .. وركب السياره وطيييري يا رنا على المستشفى الــــــــــــــســــــــ ــــعـــــــــوديــــــــ ــــه ... :: بيت بو مطلق :: غلا : وش رايكم اليوم نتعشى برا نوره : الللللله .. والله من زماان كان ودي اتفسح زي العالم ساره : إيش إيش ! .. لا لا مافي عشى برا البيت .. تبغون أكل من مطعم اتصلوا فيه وهو يجيكم حصه : يماا خلينا ولو مره نشوف الدنيا ، وش فيها يعني .. هذا مطلق وحجزوه .. خلينا نرتاح ونصير زي اللي حوالينا غلا : خاله .. ترى البنات معهم حق ... مساكين عيشه زي الناس مو بعايشين ساره رق قلبها : آآ خلاص كيفكم .. بس وحده تجلس معي في البيت ، اذا جلست لحالي بستاحش غلا : لييه تعالي انتي معنا ساره : ايش ؟.. اجي معكم و وش اسوي !؟ حصه : ههههه تتعشين معنا بعد وش تسوين ساره : امرنا لله نجي وياكم .. ×××××× مـــــــــن جـــــــــهـــــــــة ثـــــانـيــــــــه ×××××× الصدمه خيمت فيه .. مو مصدق اللي يشوفه جداام عينه .. وقف وبكل ذهووول .. يفرك عينه .. وده يصدق بس مو قادر .. " معقوله اللي اشوفه قدام عيني حقيقه !! ... هذي هي ؟ ولا هذا حلم !! " تخدرت وانصدمت منه .. !! " لالا مو هذا اهوا .. اللي تركته انسان وهذا انسان ثاني .. شاللي غيره لهالحال! .. ملامحه تغيرت حييل .. جسمه نحف .. تحت عينه هالات سودا... الشعر تاارس ويهه " وقف بذهول : كــ ... كــا.... كاترينا !!! ردت ودمعتها على خدها لان صوته ذكرها بماضي نسته: أي انا كاترينا .. شنو صير فيك انت ؟ .. ليش انت كدا رد عليها بنبره مبحوحه : كاترينا وينك وينك يا كاترينا .. انا بحاجتك مره .. لا تسيبيني لحالي .. الكل تخلى عني كاترينا بقوه : انا هنا مو مشان ارجع ماضي .. " مطلق " انا جيب لك سبرايز ممكن انت تحبه او لأ مطلق : مفاجأه ! .. وش هي كاترينا : رهين ادخلي رهين دخلت وانصدمت من شكل الريال اللي جدامها وأول سؤال خطر على بالها " هذا ابوووي ؟! " مطلق مو فاهم ولا مستوعب أي شي : كاترينا مين ذي .. انا موب فاهم شي كاترينا : انت تبي عرف منو دي .. دي بنت انت مطلق انصدم حداااا : إيييش ! .. بنتي .. انا مالي بنت .. وش تهلوسين ! رهين : انت ابووووي ؟ .. انت زوج امي كاترينا ؟؟ ... ترى بحد ذاتك اناااني .. أي اذا انت منصدم ترى حتى انا منصدمه .. بس تدري شالفرق ( دمعت عينها ) الفرق انك منصدم ان لك بنت عايشه و يا اليوم اللي صارت فيه جدام عينك .. اما انا مو منصدمه ان لي ابو .. منصدمه اني دريت وبدون لا احد يقوللي ولا يعلمني ان ابوتك لا يمكن لو مهما تسوي انها تكفيني .. منصدمه منك ومن طبعك الشرس ومن حبك لذاتك وانانيتك... تدري ليش ؟ .. لأنك تطعن وتبري نفسك من هالتهمه وبكل جبُن مطلق : آآآآخ ... والله لو اني عارف ان الدنيا بتصفّع فيني كثيير وتوصلني لهالحال كان ما عملت اللي عملته كاترينا ودمعتها على خدها : موتلك ( مطلق ) إزا انت ندمان رهين كملت عليها : ترى ندمك لا يوفيني ولا يوفي هالإنسانه اللي خدعتها ونصبت عليها مطلق مسك اييد رهين بتوسل : سااامحييني .. اترجااك تاسمحيني يا بنتي رهين وخرت عنه : إلا هالكلمه مابي اسمعها منك .. كافي انك خليت غيرك يسمعني اياها بدون لا يحس بطعمها ! مطلق خنقته العبره .. ما قدر يمسكها اكثر من جذي ،، مو سهل ان الانسان يواجه نتيجة فعله القاسيه بنفس القسوه والتجمد .. وبالنهايه مطلق " بشر" : وانا مستعد إني أقسم لك اني ... رهين : تكفى لا تكمل .. اذا انت فيك قوه تستعد تسوي وتقول.... انا ما فيني قوه اني مجرد اسمع حتى .. وخاصة منك انت.. سمعت لنااس واايد .. ولعلمك ترى انت ما تستحق هالكلمه .. ( وانفجرت بالبجي اكثر ) ضيعتني .. ضيعتني والله ضيعتني .. يماا خلاص خل نمشي ما اقدر استحمل اكثر من جذي كاترينا مسحت دمعتها : موتلك I wish انت تعلّم من اللي صار .. لان انت كنت كاسي ( قاسي) كتيير مع الناس ومع نفسك ..بس انسى انو رهين بتسامحك .. هي شفكت ( شفقت ) فيني لأن موش زنبي ( ذنبي ) .. الزنب كلو فيك انت .. انت يا موتلك ! .. يلا رهين وراحوا يطلعون مع ان رهين ماكان ودها .. كان ودها انها تحظنه وتتشبع بحبه وتحس ان في سند وظهر لها في هالدنيا .. بس حبت انها تذوقه رُبع الل ذاقته اهيا .. " خل يحس شوي .. خل يصحى على نفسه .. ويقيم مشاعره عدل " :: الكويت ،، المستشفى :: طبعا رنا ماقدرت تستحمل الوضع بروحها .. دقت على نهى و نهى دقت على عماد ، واللي موجودين نهى وسعود وعماد و رنا نهى : رنا وين خليتي مشاري رنا : سبتو مع الخادمه طلع الدكتور .. رنا بس شافت الدكتور طلع ،، بسرعه دخلت الغرفه حق طارق نهى : ها دكتور شفيه طارق طمنا ؟ الدكتور : للأسف اخ طارق مصاب بالشلل النصفي عماد : شلل !!! رنا طلعت : دكتور بس هو ما بيقدر يمشي بنووب .. هو بالزوور ركب السياره الدكتور : زوجج يا اختي فيه شلل نصفي رنا صعقت من اللي سمعته : شووووووو .. طارق .. طارق مشلووول !! ( وبجت ) نهى بجت : بسم الله عليك يا وخيي .. واعليا عليك فجأه صرت حتى المشي ما تقدر.. فجأه !! :: المملكة العربيه السعوديه :: كاترينا لما طلعوا من المركز قالت بهمس ( الكلام مترجم ) : مو جنج قسيتي عليه شوي .. كان على بالي انج بتسامحينه .. وبتكوونين مشتاقه ان يكون لج اب حقيقي في حياتج رهين : والله ما أنكر هالشي وشفتي لهفتي لشوفته قبل لا نيي هني .. بس ليش اهوا بعد ما يكون مشتاق ان يكون له بنت كاترينا : واهوا قال هالشي .. وترجااج انج تسامحينه رهين : لاا لا يا يمه .. انا كنت اسمع واصدق مشاعر الناس وهذا لمن كانت الدنيا صاافيه بعيوني وكل هذا مااضي ومستحيل يرجع لي هالطبع لان الدنيا أسودت بويهي .. فما بالج انج تبيني اصدق كلام من واحد ما تعلم الدنيا من نفسه .. صفعات الدنيا اهيا اللي علمته . بــــــــــــــــــــــعـ ـــــــــــــد مــــــــــرور ســــــــــــــتـــــــــ ة ســــــــــنــــــــــواا ت ...]~ يــــــــــــــوم الـخميـــــــــــــس .. :: بيت بو عادل :: الكل متيمع .. طبعا لانها زواره .. رن جرس الباب وقامت سبيجه تبطل الباب .. بطلت الباب بس شافت منو انصدمت حدهاا وطقتها البوهه انشل لسانها ما قدرت تنطق ولا كلمه .. ما توقعت انها بتشوفها بعد كل هالسنين !! وبكل صدمه قدرت تقول : رهــــــــيــــــــــن !!! نهى داخل البيت : يمه سبيجه منو بالباب لفت سبيجه على امها ومو عارفه شتقول : يما .. هذي .. يما هذي .. اللي بالباب .. يما هذي رهين الكل انصدم وكلهم طلعوا برا كلهم .. شافوا رهين ومعاها اثنين .. محد قدر ينطق ولا كلمه ، حتى رهين ما قدرت تقول بس قلبها يقول واهيا وعينها تأشر وتطالع ، اول من طاحت عينها عليها اهيا " هذي رنا اللي كانت امي .. كبرت عن أول ، هذا طارق اللي كان ابوي .. أي هذا ابوي طارق !! .. لحظه ليش بالويل جير .. اكيد تعباان .. هذا .. هذا مشااري !!! .. أي هذا مشاري اخوي كبر عن أول وااايد ... هذي نهى اللي كانت عمتي ما تغيرت وايد بس بين عليها الكبر شايله منو ؟شايله ياهل من ولده ؟ ... هذي سبيجه .. سبيجه اللي كانت اختي وصديقتي .. امبيي سبيجه حاامل ! أي كاهو بطنها جدامها أي حامل .. يعني تزوجت !! .. هذا سعود ريل نهى ... شيّب وصار كبير بالسن ... هذا عااادل ماسك ولده ؟! .. وهذي العنود زوجته مشالله احلوت واايد .. لحظه لحظه هذي ابرااار !! .. مشالله كبرتي يا أبرار وصرتي مره ... وهذا بدر أي بدر اخوي الصجي اللي قال ماراح ينساني ... منو هذي اللي ماسكها !! زوجته! أي اكيد ... و هذا عماد اللي كان عمي ... منو هذا ؟؟ .. اول مره اشوفه ... يمكن زوج سبيجه .. أي ليش لأ . هذي عايلتي القديمه " رهين قالت واهيا تكلم امها وابوها واهيا تأشر عليهم : هذي عايلتي القديمه .. العايله اللي كنت عايشه معااهم ... ( و وجهت الكلام لهم كلهم ) ترى هذي امي .. أي امي .. امي الصجيه والله اهيا ترى امي الحقيقيه مو مثل امي رناا لااا .. انا سافرت وتعبت وربي ساعدني ولقيت امي اللي ما في أحن منها علي .. اهيا اللي تبيني طوول عمري .. مو مثل رنا امي المؤقته اللي قزرت فيني امومتها لاا .. كااترينا امي ... هذا الغااالي ابوووي .. ابوي وسندي وظهري بالدنيا ... لا تتعجبون أي ترى اهوا ابوي اللي يحميني طوول ما انا عايشه مو مثل طارق اللي مثّل الأبوه عشان فقدها فتره ولمن حصلها تبرع فيني للشارع ... انا ما تغيرت والله .. انا مثل ما انا .. بس دورت على أصلي وأساسي رنا دمعت عينها ومدت ايدها : تعي يا رهيين .. تعي .. شو اشتقت لك رهين ما قدرت تمسك نفسها وراحت وضمتها حييييل مع انها ما نست قسوتها اللي عاشتها معاها في الفتره الاخيره ، وامها كاترينا كانت تشوفها وتبتسم مستانسه ان بنتها رجعت لها الفرحه بعد ما حققت اللي تبي .. واللي تبيه اهوا انها تشوف العايله اللي ربت عندها رنا : حيااكي انتي وامك وابوك .. تفضلوا جوا رهين رجعت واهيا ماسكه ايد امها وابوها : آسفه .. ما أقدر ادخل البيت اللي طردني .. صج اشتقت لكم .. بس كرامتي ما تسمح اني ادخل مكان أهله طردوني وما بغوني وفضلوا بُعدي .. انا بس ييت ابشركم اني ان الحياة ابتسمت لي ورجعتني لأهلي .. والحين اقدر اقول مع السلامه . >> يتبع .. مثل ما انجبرت بفراقهم وبعدت عنهم باختيارهم بدمووعها وتركوها بأبتسامه .. انكتب لرهين انها تطلع منهم مع امها كاترينا وابوها مطلق بأبتسامه أمل تبشر ذاتها بحياة أفضل وأسعد..وانها تركتهم بدموعهم لأن كان ودهم قربها من يديد،،، هذي أهيا الحياة الأليمه اللي عاشتها " رهين " اللي تعلمنا منها الصبر والتحمل عشان نوصل للي نتأمل فيه .. لأن ( الصبر مفتاح الفرج ) .. و تعلمنا أن نتمسك بحبل الأمل مهما كان سُمكه حتى لو كان رقيق وارق من خيوط شبكة العنكبوت .. وان المشاعر اهيا اللي بإمكانها انها توصلنا لبر الأمان واهيا اللي بإمكانها تصفي الحياة بعيوننا ،، بس بعض المرات لازم ندوس على مشاعرنا ونراعي كرامتنا .. لأن الكرامه كنز مودوع في ذوات البشر ... ومو شرط يكون الفرح اهوا الطريج الوحيد اللي يساعدنا عشان نقدر نستمر بحياتنا .. لأن طبيعة الحياة والمعيشة ممزوجه بأفراح وأحزان .. ومع كل هذا لازم نحط ( الأمل ) عنوان الـ ( بقاء ). THE END