الفصل 12
الفصل الثاني عشــر
نسي ليقول لمتعب عن طلعت الشباب
الي مقترحين باليل سهره خاصه فيهم على شرف العريس
وقف وهو يسمع كل واحد يسئله سؤال
حس بضعفه وهو يتآتئ بالكلام
مايدري ليش دخل ووقفهم فيه شي رفض رفض انهم يعرفون ماضيه
:هيــثم
لف متعب بتجاه الصوت :ممدوح مارحت
سؤاله متفاجي ومصدوم من رجوعه كان على وشك معرفته بالي بينهم
ممدوح وعينه على نمر الي يناظر له بمتناااان :كنت طالع بس نسيت لقولك ان لافي مسوي عزيمه شباب العائله
واكد علي اتصل فيك وخليك تحضر
لنه يتصل ماترد عليه
ناظر للباقين وبعتذار:كنت اتمنى اعزمكم والله جلستكم ماتنمل بس شسوي انتم منعزلين عن العالم
ابو هادي بتفهم:عارف ياولدي وجلستنا معك تعوضنا كل جمعات العالم
تقدم وحبه على راسه:تسلم ياعم والله من اول مره شفتك فيها دخلت قلبي
الله يعزك يالغالي
هاشم بضحكه:هههههههههههه مابقى الا تقول تتزوجني
ابو هادي رفع عصاه وضربه على ظهره بعصبيه:قطع لسانك وش هالحتسي
هادي ضحك بهدوء:هههههههه تستاهل حتى تثمن كلامك
مسك ظهره بالم:ياربي انقذني الواحد مايعرف يمزح معكم
ممدوح بشماته:هاذ مو مزح
:سلاااااااااام
دخل فجأه وبصوته المرح والغريب على مايعرف شخصيته
رفعه يسلم بشووق لهم ولشايب الي فاقده من زماان
مشاافه
هادي فز بصرخه ممزوجه بفررحه:صــــعب
ركض له قبل يوصل وهو يحتضنه
:والله فقدناك ياوحش هههههههه وش اخبااارك واخباار عمتي وعمي والكل
الكل اشتقت لكم
صعب بسعاده للقاء اعز الناس على قلبه:الكل بخيير الحمدالله على السلاامه
والله من اتصل فيني هاشم وبلغني بوصولكم ماصدقت وكنت بجيي بنفس الوقت
بس تعب عمي وانت تعرف انه مو بالحيل وضطريت اجلس عنده
ابتعد عن هادي واسرع بخطواته لخااله جثى على ركبته وهو يحبه على راسه وخشمه ويضمه
:اشتقت لك ياخال والله اشتقت لك فووق ماتتصور لك فققده
ابو هادي بحب لولد اخته :بخير يابوي وش لونك ووشلون امك وكلكم
صعب وهو يجلس بقربه وماسك يده يقبلها:كلنا بخير باخال بشرني عنك كيف صحتك الحين
ابو هادي بمزحه:صحتي مثل الحصان حتى لو تبيني اسافر معك بسفرتك الجايه
صعب بضحكه:لا وين ياخال فلسطين تطلب رجالها والضيافه هالوقت مووقفه لوقت غير معلوم
هاشم بهدو غريب عليه:لكن استقبالها لرجالها مفتوح
صعب هز راسه بتاكيد :اكـــيد لكن الستقبال يبي يوقت مؤقت حتى يكون قد الستقبال
كان مبهوت وهو يناظر له صعــب ماغيره الي جلس معه شهر
صعب صاحب الشخصيه القويه الغامضه المريبه لكل شخص مايعرف
لكن الحين يشوف شخص ثاني بسيط ومرحه ومبتسم وفوق هاذ كله شخص
كلمته تطلع من قلب وبثقه معقوله هذا صعب لا وطلع قريب لهم سبحان الله الدنياء صغيره
كان يراقب ضحكته وفرحته بلقاهم ولا انتبه عليه حتى انه نااسي وجود متعب ولا سلم عليه
انتبه عليه يسلم على متعب وهو يعتذر منه بسبب فرحته مانتبه
ولف مواجه له والبتسامه على وجهه وفجئ تلاااشت
وعينه عليه:ممدووووح
ممدوح بنفس الصدمه:صــعب
هادي و هيثم ناظرو لهم بتفاجئ كيف يعرفون بعض
بلع ريقه وهو يسكت وش يقول له
لكن صعب تقدم منه وهو يسلم عليه ويحتضنه:كذا تسوي فيني تختفي ولا تكلف على نفسك
حتى تبلغني ماتوقعتها منك يادون
ممدوح بادله السلام بهدو :مكان بيدي ياصعب اخفيت علي بخصوص طارق وانا مستحيل اسبب مشكله بينكم
وانت تعرف وش كثر اعز صالح وخوانه على كثر ماشفت من طارق
صعب بعتاب:انت تخليت عن الكل بسبب طارق ونسيت الباقي انهم يحبونك
هاشم بتدخل:ممكن ندخل بالدراما معكم ونعرف كيف تعرون بعض
ووش الحكايه
صعب ابتسم على تعليق هاشم:الدراما هذاي الي تقول موجودها بيينا من كنا اطفال
هيثم بصدمه:شووو من كنتم اطفاااال كيف يعني
صعب بتوضيح:يعني ممدوح تربا عندنا يامتعب بمعنى عاش ببيت عمي طفولته كلها
هادي بصدمه:وانا اقول من وين طلع بهالشخصيه والقوه الحين اتضحت الصووره
صعب رفع حاجب بستغراب من تعليق هادي:يعني
هاشم بضحكه:يعني تربيت فلسطيني يبابا القوه والشجاعه هذاي مع الاسف ماتوجد بكل بيت عربي الا قليل
لكن بفلسيطين توجد بكل بيــــت
صعب ابتسم بهدو وعينه على ممدوح الي يبتسم بصمت من يعرف ممدوح كثره
لو حكو وحكو مراح يوفونه حق ولا يلحقون الي سوى لهم ولسوريا ولكل شخص طلب منه المساعده
حتى ممدوح بنفسه مايعرفه ولا يعرف انه يعرف عنه شي ولا رااح يعرف ان له علاقه بتاريخه وماضيه
:الشجاعه توجد بكل بيت عربي متمسك بدينه ياهاشم لكن فيه ناس مغرر فيهم ولا نعاتبهم قبل نعاتب من هو فوقهم
لنه هو السبب بضياعهم وضياع عقولهم من سمح للغرب يتحكمون فينا و بعقولنا وبحياتنا وللأسف بدو يتحكمون بديــنـنا
متعب بمداخله:مهما وصل تحكمهم بكل شخص منا النسان يملك عقل يفكر فيه ويعرف من معه ومن ضده
ويعرف الصح والخطا ولا لا ياعمي
ابو هادي هز راسه بتاكيد:صح صح ياولدي كلامك صحيح ولا عليه غشاوه لكن الغشاوه على عقول الكثييير منا
لكن وش نقول ياولدي احنا مانقدر نغير فيهم بعد كل هالعمر
ممدوح برفض:لا ياعم مثل ماتغيرو من الغرب بيتغيرون
ابو هادي بضيق :هم ماتغيرو بيوم وليله ياممدوح كانت دراسه
كانت دراسه تغلغلة داخلهم وكبرت معهم من صغرهم
ممدوح بمقاطعه:لكن هم بالفطره مسلمين ومهما كان تاثرهم وتغيرهم بيوم بيرجعون لرشدهم
هادي يكمل:وهاليوم يابوي حان ولازم يصحون من غفوووتهم
صعب يكمل:خلاص الوقت نفد ياخال لازم نبدا بتجهيزات من اليوم
هيثم بتسأل:ومتى بتمشي
صعب ناظر لممدوح وفكره تدور براسه:بكرا
ابو هادي بصدمه:شلون مو كنت بعد سبوعين
صعب بهدو :كنت لكن الحين تغير الوضع من شفت ممدوح هو يعرف عمي وبعتمد عليه
ووصيه عليهم لو صار علي شي
ممدوح بتوتر من كلامه:وش قصدك ووين بتسافر
صعب بحمااس:لفلسطين
ممدوح بصدمه:ايييش فلسطين ليش وش يوديك
صعب بشوق:ديرتي ياممدوح ددريتي مشتاق لها وتعبت من الغربه لكن خلاص هانت برجع
وان شاءالله اذا قدرت ازوركم ولا اتصل فيكم
ممدوح انــصدم لكن زااد اعجاابه فيه اكثر واكثر:الله يقوييك ياصعب
ومتى ماحتجتني انا موجود باي وسئله تقدر توصل لي
صعب ببتسامه واثقه:اكيد ومثل ماقلت باي وسيله بوصل لك من يعرفك كثري
ممدوح رفع حاجب:والله اشك فيك ياصعب كنت حاس انك تعرفني من البدايه
بس كيف ماذكرك يوم كنت عند العم ابو صالح
صعب بضيق:لني كنت بعيد وكم مره اجي ازور عمي لكن ماتكون موجود بس اني عرفتك من ذاك الوقت ولا تسئل كيف لني مراح اقولك
كان هيثم يناظر لممدوح بعجاب ممزوج بصدمه ويشيا غريبه ممدوح غريب بكل شي مهما تعمق داخله وفهمه فجئه
يطلع يجهله ولا يعرف من هو ممدوح تعب من محاولة فهمه وفوق هذا مااافيه شخص مايعرف
كيف قدر يعرف هالنااااس كلهم وش السر بمعرفته بالجميع كيف
اعتصر قلبه الــم الكل يعرفه ويتعلق فيه ويعرف كل شي داخله من خاله الى صعب والجميع
الا هو .ماااينسى شكل عاصي الي كان منهار بسبب تعبه
وشرف وهيف والكثير يوم كان مريض جو ومن اشخااص كبار وصغار يعرفونه
لا هو الا هو ماقدر يدخل داخله ويعرفه كل ماقترب منه ابتعد امدااار
محروق دمه من بعده عنه يشوفه لاكن مايعرف وش يفكر فيه ليش
مسح على وجهه يمكن يكمن قلبه هو السبب لكن يستخرج قلبه ويطعنه الف طعنه لو كان السبب ببعده عن شخص مثل ممدوح
:هيــثم
انتبه لصوت هادي يناديه وهو يهز كتفه:هاه
هادي بهدو :وش فيك وين فكرك سارح
هيثم ه راسه بنفي:ولا مكان وش كنت تقول
هادي بضيق من حال ولد خالته:مو انا صعــب يكلمك من اليوم
بلع ريقه ولف على صعب الي يناظر له بنظره غامضه:امرني مانتبهت لك
صعب اشر له و مهم:لاولا يهمك المهم الشحنه وش صار عليها
هيثم ببتسامة راحه لذكر الحمله الاخيره:ويين يابو مشعل
الشحنه دخلت فلسطين وانت تسئله عنها
صعب بصدمه:شووو من جدك تحكي
متعب بضحكه:طبــعا مو وقت مزح وابراهيم مستلمها بنفسه
صعب بفاجعه:لااااا ابراهيم ليش تسلمها له
متعب بتعجب:ليش ابراهيم هو افضل شخص
صعب بخوف:اعرف لكن مراح ينتظرني اكيد بيهجم على طول
متعب بقهر:مالومه لو اندفع ماتشوف كيف منعو المسلمين عن القدس
صعب بحرقة قلب :كلنا محروقين الله يحرقهم دنيا واخره وكل شخص وقف يتفرج وهو قادر يسوي شي
وتركهم يدمرون وهم متمسكين بكراسيهم وخيافين عليها
رددو الكل:اللهم امين
هيثم يبتفيكر:انا مقدر اوصلك لكن ممدوح موجود يروح معك لو ماعده مانع
لف على ممدوح لكن مشافه..ممدوح وين راح
هادي :بسم الله عليك ممدوح من زمان طلع ماشفته يودع صعب
مسح على وجهه وهو ياخذ نفس عالي:لا مانتبهت
المهم وش قلت يوصلك ممدوح
صعب هز راسه بموافقه:اكيد ماعندي مشكله
وقف و اتصل بممدوح الي كان واقف بسيارته عند البوابه
ماطلع رد عليه:هلا هيثم
متعب خلاص بدى يتعود على اسم هيثم من غير امه صار الكثير يناديه بهالسم
:اسمع بطلب منك طلب
ممدوح بفزعه:انت تامر امر ياولد خالي مو طلب
متعب ببتسامه:يسلم لي راسك يالغالي مصعب بيسافر بكرا
وانا مقدر اطلع معه ولا هادي ولا حتى هاشم ولا فيه غيرك
تقدر توصله
ممدوح بتاكيد:طبــعا بس يحدد الوقت وانا عنده
متعب براحه:تسلم والله ماتقصر
ودعه وهو يسكر منه
كان وافق على بوابة مزرعة خواله دخل ولا انتبه لسياره الي تحركت على بعد 500متر
توجه لبيت خاله ابو متعب وهو يوقف عند باب بيت الشعر
نزل وتوجه له وهو يرفع صوته:يااااولد
دخل بدون لاينتظر احد يرد عليه
رجعت رجله خطوه لورا تلقائي وهو يشوف البنت الي تقفز من الدريشه الكبيره للمجلس
ابتسم غصب عنه لكن كتمها وهو ينزل راسه
ويسمع صوت خاله : اقلــط
:السلام علييكم
سلم وهو يتقدم لخاله ويقبله على راسه ويجلس بقربه:بشرني عنك يالغالي كيف اصبحت
ابو متعب بحب:بخير ياجعلك بخير ياولدي وش لونك ووينك توقعتك تجيني بدري
ابتسم له وهو يعتذر:اعذرني يالغالي بس والله معزوم ولا قدرت اردهم وخصوصا اني من زمان عنهم
:ومين هالناس الي اهم من خالك
كان لافي دخل وراه وهو يسئل بطريقه مازحه مبطنه بستجواب
لف على لافي من يعرف لافي كثره عاش معه 4سنوات وقترب منه
لدرجة ان لافي اعتبره صديقه رد عليه ببتسامة غامضه :سلم بالاول
لافي تقدم وهو يسلم على عمه ولف عليه يصافحه:اعذرني بس صابني فضول على الناس الي
الي اهم من عمي ابو هيثم
رفع حاجب على الكنيه الي قالها لخاله
لدرجة ان ابو متعب شك ان بينهم شي
:خالي ابو هيثـــم..ورص على الاسم...مافيه اهم منه بالحياه لكن هي عزومة فطورر افطرت معهم ورجعت
ابو متعب اشر له بقربه:اجلس ياممدوح
وانت يالافي اجلس خذلك فنجان قهوه قبل تمشي لشغلك
لافي وعينه تروح للممدوح الي جلس بقرب خاله وهو يسمك الدله ويصب له فنجال:لا ياعمي توي راااجع من الدوام
وهذاي دخلتي وجيتك على طول
تشنج فكه والنفجال يثبت عند فمه وهو يسمع كلامه شافه اكيد شافه بس هل شافه من وين جااء
ارتشفه كله جرعه وحده والحراره تحرقه سيطر على وضعه ولابين للافي الي يراقب ردت فعله اي ردة فعل
نزل الفنجال وهو يسح فنجال ثاني ويصب له مده له وهو يقول ببتسامه:الله يقويكم ياعيوننا الساهره
لافي مد يده واخذ الفنجال وهو مقهور انه ماثر عليه كلامه وشكه يتراجع معقوله يشك بدون فايده
:الله يقويك ماقلت لي ياممدوح مالقيت لك شغل
ممدوح بنظره:على يدك الحين لي هويه مو قبل3سنوات
لافي ارتشف فنجاله وهو يقيمه بنظره:مممم والله ماعندي كان بالامن ماعندي مانع
ممدوح بغموض:ياليت والله ماعندي مانع وانت يدك واصله تقدر تجيب لي باي مكان
لافي زاد تعجبه منه الصصحيح من سنوات ماقدر يتعمق داخله رغم انه اتخذه صديق وقريب منه وكثير يشكي له
حتى كره مازن له شكاه :ابشر بس اصبر علي
ممدوح وهو يطلع جواله ويناظر للمتصل تردد ثيرد لكن حتى مايثبت شك لافي
رد عليه وهو متعجب وش يبي هالوقت:هلا هيثم
متعب بتردد:ممدوح اعرف ازعجتك بس بطلب منك طلب
ممدوح حس انه مهم الطلب وخاف يوصل لالافي شي
:ابشر بعزك بس ماقلت لي متى ترجع من السفر
متعب ميل فمه بضيق :عندك احد ااف
ممدوح :ااه يوم الاحد بعد بكرا يعني توصل بسلامه
متعب بضيق:طيب مع السلامه ولو تقدر مر علي اليله الله يسامحك بتجلسني يوم ثاني وين بليت نفسي انا
سكر منه وهو يرد على سؤال خاله:ايه متعب راجع بعد بكرا
لافي رفع حاجب:وهو وين مسافر
ممدوح :لشرقيه
.نزل نظره لجواله وهو يفتح الواتس ويكتب له
:هيثم لتطلع لين تتصل فيني انتبه تخطي خطوه برا
ترا لافي مراقبني وذا رجعت من الشرقيه تعال سلم على خالي ههههههههههه
رد متعب بعد مشافها:هههههههه الشرقيه يالمجرم انت مابقى الا تنومني غيبوبة
ضحك بدون شعور بصوت قوي:ههههههههههههههههه
كمش وهو يعتذر من خاله وضحكته تختفي..اسسف
كتب له:والله لو تطلب الامر اسويها وترا الغيبوبه حلوه انا مجربها 4سنوات تنسيك الماضي كله
متعب حس برعشه من كلامه وتمتم:ياليت ياليت احصل عليها حتى انسى
طلع وهو يقفل الواتس بدون رد على ممدوح ممدوح
قفله وهو يرجعه بمخباته وجلس يسولف مع خاله ولافي ماطول وطلع من عندهم
متوجه لبيت ابوه
الساعة 4العصر
مجتمعات البنات ببيت ابو غازي
نجود بعتراض:مالنا دخل نبي حفلة وانتي تسوينها لنا يانوره
نوره رفعت حاجب:وليش بالله بمناسبة؟؟
غزل بنظره:بمناسبة انك رفضتي بملكتك نرقص
نوره بصدمه:شوفو النااكره والي سهرة للفجر كله رقص ولعب
غزل بزعل:ايه بس كان لوحدنا انا كنت متحمسه اعزم صاحباتي ونسويها كبيره
رهف بتايييد: معها حق كنا متحمسين وكنت بعزم صديقاتي انا بعد بس انصدمة انها طلعت خاصه
نوره ناظرت لمزون وبنغزة:من المفروض يسوي الحفلة انا يعني
عهود بدقة:ايه عيل مين العريـــس مثلا
مزون بضيق:اعرف انكن تنغزن لكن اقولكن انا مالي دخل وابري ذمتي
وكنت بسكت لكن الحين بقولك يانوره حتى مايكون علي شي انا قلت له
يسوي حفلة ورفض وقلت له يدخل يلبسك ورفض
..وبتدارك ..بس ترى هو مو مقتنع بالحركات هذاي على قولته تقليد الغرب
يقول الحفله العرس وبس
عهود بتريقة:لا ماقصرتي حبيبتي سويتي الي عليج وزود
مزون بقهر وقفت وبعصبيه ناظرة لنوره:مو الشرهه مو عليك على الي يعتذر منك
نوره ميل فمها على جنب :شسويت لج انا
رهف بتدخل:ليش تعصبين على نوره مقالت شي
عهود ببرائه وهي تخفي ابتسامتها:ليش تعصب من تكلم اصلا
بس هي واضح مثل اخوها فيها انفصام بالشخصيه
مزون بصراخ:انتــي جـــب كل شي من تحت رسك ادري
نجود بتعجب من صراخها:مزون وش فيك وش قالت البنت مقالت شي خطاء وبعدين هي تقول انتي ماقصرتي
وش اخطت فيه
مزون بجنون وهي تتوجه لجلالها وتشيله من على الكنبه:وش بتقولني مو هي اختك وش بتشوفين منها الا كل شي صح
رهف بستغراب من صراخها:الحين انتي ليش عصبتي كذا ترا مصار شي
عهود ببرود:هي تبيها من اليوم حتى تقوم
قومي محد ميت على جلستك
نوره بنظره:عهوود
عهود بعصبيه:وش عهود ماتشوفنها كيف معصبه وتصارخ من لاشي
وكيف رفعت صوتها على انجود
نجود بضيق:عهود اسكتي مصار شي
غزل بلامباله:هذاي مزون من عرفناها
وش له متعجبين منها
المهم كملو وين ناوين تكون الحفله
عهود لفت عليها بحماس ناسيه مزون:هذا الكلام
يالله نوره حددي
قبل تتكلم نوره تدخلت رهف :شوفي نوره مو تقولين مابي حفله لنه هو رفض
يولي ماعلينا منه احنا نبي نستانس
وخلي ترتيبها علي جد اتكلم
نجود بتفكير:طيب وين نسويها
رهف بحماس:عندنا وتركوه علي انا اقنع ابوي نستاجر البيت منه يوم
عهود ضحكت :ههههه حلو نستاجر وش معنى هذا
رهف بجديه:صدق ابوي والعيال يروحون عند عمي فهد او عمي ماجد اي مكان يبون
ونسوي الحفله بكرا ونعزم كل صاحباتنا واي وحده بتعزم الي تعرف ونسوي لك زفه
ووعمتي ام سعــد تزفك
عهود بعتراض:لا عمتي ام غازي تزفها مو هي الي ربتها
رهف:الي يكون بس بكرا خلاص تم
كلهم :تم
رهف لفت على نوره:هاه وش رايك
نوره كانت تنناظر لها من اليوم تنتظرها تعبرها تاخذ راها لاكن ولا لفت عليها
:لااا وش خليتي حتى تاخذين رايي فيه
البنات ناظرو فيها وبعده انفجرو ضحك:هههههههههههههههههههه
هههههههههههههه
عهود من بين ضحكاتها:اصلا هي مالها راي بنسوي كل شي من وراها
الفلوس اتركو امرهن لي انا اجيبهن اليله
رهف بتعجب: من وين تجيبينهن
عهود ضربت على صدرها :اف عليج ازهليها على قولت خالي منصور
ههههههههههه
اتفقن على كل شي ونوره تناظر لهم بحب وتشكر ربها على بنات خال وخوات مثلهن ..
تفرقو على المغرب بعد ماقالن للحريم وشرحن لهن كل شي
ونوره فكرها يروح للحفلة ببي خالها منصور
اعجبتها الفكره وبقوه لكن مابينت لهم
:ليش وش عندكم ماشبعنا منكم ياعمي
ابو سعد تنهد:ولا انا ابي اروح يابوك لكن لازم نمشي انا اجازتي خلصت
باقي منها 3ايام ولازم اروح ارتب وضعي
بضيق:طيب اسنى يومين زياده والله بنفقدكم ياعمي
سعد بتسائل:وانت وش يجلسك هنا تعال معنا بين اهلك وناسك
ممدوح برفض:لالا ماقدر اطلع من هنا انا تعودت على العيشه هنا لو رجعت للكويت احس اني غريب
سعد بقهر:وش يعجبك بهالديره ولا هو في ديرتنا
ممدوح بتفكير: مو قصة حب او كره او من هالقبيل لكن انا تعودت على العيشه هنا بالحقيقه انا باي مكان اجلس فيه
عادي ولااعتبر نفسي انتسب لمكان انا من كل مكان اكون
سعد بضحكه:ههههه والله امرك عجيب كنت مصدوم من تفكير اختك لكن انت مثلها واكثر
:بااابا
ابو سعد لف للباب الي سمعه يطق وصوت بنته من وراه
:ادخلي بابا مافيه الا اخوج وولد عمج
تغطت ودخلت:السلام عليكم
ردو السلام وهي تقدمة من ابوها وحبته على راسه وجلست بقربه
ابو سعد بتفكير:وش عندج حبيبة بابا اكيد في شي
ابتسمت وهي تضم يده :امووت فيهم الي يفهمووني على طول
ابو سعد ضحك وهو يضرب على كتفها:بنتي واعرفج قولي
تواست بجلستها وهي تقول:بابا احنا فكرنا نسوي حفلة لنواره
مثل ماتعرف ماسوينا لها حفله مثل كل البنات ولا عزمت صاحباتها استحت لاتقولهم حتى لنها
ماسوت حفله
ابو سعد بستغراب:ليش والحفلة الي سويتو
عهود بعتراض:باابا اي حفله ذبيحه وجلسنا متقابلين عليها وهي ضاقة وراحت تنام ماسهرت معنا حتى
بلع ريقه وهو يسمع كلام بنت عمه بغصه معقوله وهو ماعرف على باله مستانسه مع البنات
هو التهى يحتفل لكن نسيها
ابو سعد بضيق من الكلام الي قالته بنته يحس بالذنب لو تضايقت بنت اخوه وهو مايعرف
:وانا يابابا وش المطوب مني
عهود بحماس وعيونها تروح لااخوها وولد عمها:حنا تفقنا نسويها ووبيت خالي منصور
وبكرا ان شاءالله وبنسويها كبيره لن البنات كلهم بيعزمون رفيجاتهم بس نبي فلوووس
..ركزت الكلمه الاخيره وهي تفرك البهام والسبابه ببعض..فلووس بابا عليك انت وولدك واخو العروس
كلكم تسلموني بطاقاتكم الحين
سعد ضحك:ههههههههه والله جايه اونتي واثقه
عهود بثقه :طبعا واثقه لنه لو مانتم ياخوانها وابوها سويتو الحفله من بيسويها صح ولا انا غلطانه
ممدوح هز راسه برفض:لا طبعا مانتي غلطانه وهاذي بطاقتي تفضلي
..مد لها بطاقة الصرافه وسعد بالمثل
ابو سعد قال:بكرا الحفله خلاص بكرا الصبح احولهن بحسابج
فزت وهي تبووس راسه:فديييتك الله لايحرمنا منك ياحسن ابو بالدنيا
ممدوح بفرحه لف على عمه:وبكرى تفركشت سفرتك بتجلس يوم ايضافي
شهقت عهود:هئئئئئ باااابا كنت بتمشي ولا عطيتني خبر
ابو سعد بنظره:تقل حلت لج الجلسه هني
عهود بتاكيد:طبعاا بابا مع البنات اكيد احسن من هناك بس جالسه مع نفسي باقي علي قليل وانجن
ابو سعد هز راسه وهو يغير الموضوع يعرف انه رماح يفتك من السانها مراح تسكت لين يوافق يجلسون
لف لممدوح:والله بنت عمك طلعت احسن منا ياممدوح
سعد رفع حاجب من اطرا ابوه لعهود الي دايم هي الي متصدره قلب ابوه:مو منها ترا قالت انا والبنات احلف انها فكرة نجود
مو فكرتها وقل سعد قال
عهود لفت عليه بعصبيه:كانت فكرتها بس انا اقنعتها وهي ماترفض لي طلب
ابو سعد ضحك وهو يشم ريحت غيره بصوته:ههههههههههه المهم ان فيه احد تذكرها بينما احنا نسينها ولا انا غطان ياممدوح
ممدوح بضيق:صادق ياعمي بس لسى مفات شي بكرا هديتها وراح اقدمها لها بنفسي
عهود بغيره مضحكه:والله ياحظها مو ومثل حظي عندي اخو حتى هدية التخرج مافكر يسويها لي
ممدوح ببتسامه احرجها:افا يابنت العم ولا يهمك وهدية التخرج بتجيك بكرا لو متاخره
سعد ناظر لها بعصبيه:استحي على وجهج تشحذين هديه
عهود بنظره:ترا ماوجهت له شي بس شافك ماعندك احد قال يتصدق علي حتى مغار من اخته هههههههههه
ممدوح كتم ابتسامته هي صادقه لاحظ الغيره رغم انها حاولت تخفيها
وبدون شعور اصلا قالها انحرج حتى من عمه
لكن بين انه عادي
وقفت بتطلع لكن لفت على ابوها:بااابا ترا مافيه روحه
الجازه ماخلصت باقي
ابو سعد بضيق:لايا بابا اجازتي خلصت لازم اروح بدري حتى اعد نفسي
انصدددمت مكان ببالها تروح قبل تنتهي العطله وباقي كثير
هي اخذه اجازه ثلاث شهور حاسبه حسابها للجلسه هنا لكن ماقضت الا شهر وباقي شهرين:بابا
طلع صوتها مخنوق ماتعرف ليش خنقتها العبره ولاعرفت تقول شي
كلهم ناظور لها بصدمه من صوتها الي اختفى وراح منه المرح
سعد متعجب من حال اخته:عهود
ابو سعد حس ببنته انها ماتبي تروح وهو يعرف وش كثر تفرح اذا جلست عند خوالها
وعمتها ام غازي:قلب بابا انت لو تبين اجلسي ماضغط عليج وخصوصا ان اجازتج باقي عليها كثير
ناظرت له شوي بوعدها طلعت برا بسرعه بدون رد
وهي تسب حالها ليش انعقد السانها ليش ماقدرت ترد ليش تاثرت بهالقد وش الي تغير
كانت تجي وتروح صحيح تطلبه تجلس لكن ماتبكي ولا تتاثر عاادي جداً
سعد ناظر لبوه وبعدها لممدوح الي منزل راسه لتحت وييفكر
ِِِِِِِِِِِِِِِِِِ
:طووول عمري حماار مستحيل اتعدل لازم زلام ارمي نفسي بمصييبه
اااااف..ضربت خدودها وهي تقفز..حماار حمااار طول عمرج ياعهودوه حماار
تقدمت لها وعيونها تناظر لها بستغراب:خييير وش مهببه من جديد
لفت عليها وبعده صرخت وهي تركض له:نوووره لحقي علي خبله خيبله انا تخيلي وش سويت
يمـــه شسويت انا
فجئه انتبهت للبنات كلهم ورا نوره واقفين يناظرون لها بتعجب
ويترقبون وش مسوي
هزت راسها وشعرها القصير تحت الاذن يطير على وجهها
:خير خير قطيع الا منصور وش موقفكم
غزل حطت يدها حلى خصرها وهي تقول بنتقام على كلمتها:بنسمع وش مهببه ياححمار القطيع
نوره انفجرت ضحك:هههههههههههههههههه تستاهلين ليش تقولين عنهم كذا
عهود ناظرت لها وهي ترص على اسنانها
:اقول شي انقلعو مافيه فلوس حفلة روحو دبرو لنفسكم
شهقت رهف:لالالا معليك منهم انا ماقلت شي
:الحين ممكن اعرف ليش معصبه
صرخت بقهر:من اخووك الـ**
ضربت راسها بجنون..انا اناا يسخرن مني وصغر مني لييش
وعلى وشو وش
رفع راسه من جواله الي جالس يسوفل فيه وهو يتاافف بقرف من صراخها وتذمرها من اليوم
:مزوون ترا طلعتي كبدي بهالسالفه غثيييتينا انا اول واحد ماسوي حفله
ولا مايلبس عروسه ياكثرهم
وقفت وبنظره قويه ونفجار:ليش تخطبها يوم ماااتبيها
مازن طاح الجواله من يده وهو يرفع راسه عليها بصدددددمه :وشووو
مزون بقوه:اي ليش تخطبها وانت مااتبيها قلنا ليش
وقف وهو يتقدم منها وبنظره مرررعبه واول مره يواجها فيها
نزل لمستواها وهي جالسه على الكنبه وبفحيح:اااخر مره اخرر مره اسمع هالجمله منك
من قالك اني مابيها لعب عيال هو ماتزوجتها الا ابيها
مزون بكره لحالها ولنوره ولك لشي فكرها مشووش هي تحاول تتغير من جهت نوره لكن ماتقدر
وعهود حولها عهود تكرها وبجنون :حتى هي مااتبيك
حتى هي لكنـ... شهقت من قبضته القويه
رصها على الكنبه وراها وهو يضغط على رقبتها:حسك حسك لسمعه قلت لتعديين كلامك ماتفهمين
لافي فز وهو يمسكه ويحاول يبعده عنها:ماازن بعد جنيت بتذبح اختك بعــد
مازن دفه بقوه وهو يبعد عنه:بعــــــد انت ماتسمع كلامها لو احد سمعها والله اعلم لو مكانت قايله للبنت
شي
لافي بغضب وهو يحتضن اخته:عاد تسوي فيها كذا
اختك انجرحت منهم لنهم حطو الوم عليها بسببك وليش مالبست البنت اكيد تنتظر
الحين الناس كلهم يسوون كذا
مازن بغضب:وانا غير الناس ولاابي هالحركات واصلا محد له دخل فيني
اسوي ماسوي شي راجع لي
احتضنت لافي وعينها عليه برعب
تذكرت الايام الي مرت فيها منه عذبها ذوقها الويل
بخطئيه مالها ذنب فيها بذنب مو ذنبها
مااخرجها من الحياه الي عاشتها الا لافي ومتعب
ولا هو كرها وكرهته بجنون لكن بعد سنين جاء وعتذر منها سامحته
لكن بقى بينهم حواجز مستحيل تنهدم
بدت تشهق بعنف ولافي مات خوف عليها:مزون هدي نفسك
خوذي نفس خلاص مصار شي بس عاد
بدت تشهق وهي ترفع يدينها وتحطهم على وجهها
:لالا الله يخليك خلني ما لي دخل
لاااااااااا لااا لاااااااااافي
حرام عليك خاف الله لاتلمسني
لافي بخوف حضنها :مزووون بسس هديي ماصار شي
مازن كان بيطلع لكن وقف على الباب وعيونه على اخته
يناظر بفاااجعه ليش انهارت كذا
بلع ريقه وهو يسمع كلامها وتصرخ باسم لافي واضح مو بوعيها
غمض عيونه بقووه وهو يتذكر السبب
مرت سنين على الحاادث وزواجها من متعب معقوله ماقدرت تتجاوز هالحاله
توقعها متجاوزتها بعد هالسنين
دخل غرفته وهو يسمع صوتها يختفي شوي شوي
سكر الباب وهتوجه لمكتبه جلس عليه
وفكره يدور حول اخته مستحيل ماتجاوزت الحادث يعرف
انه هو زود مرضها بسبب سواته فيها لكن كان يفقد اهصابه ويصيبه الجنون كل ماشافها او مر عليها حتى اخذها متعب
واخفاها عنه وعن العائله كلها سنه وبعده رجع
وبدى يحس بالندم صار يعتذر منها كل يوم حتى سامحته
ونسى الحادثه بفضل الله وثم متعب
الي نسي كل شي حتى انه جاه ولد منها
حس زي الصووط يضرب رااسه ..ولـــد
ولــد ليث ولد متعبنفض راسه بقوه
:لاه لاااا مستحيل يكون الي ببالي صح لييمكن هو ولده ايه ولده
لو مكان ولده كان تخلص منه واصلا مستحيل ينسبه له
ايه لو مو ولده مراح ينسبه له
وقف وهو طلع من الغرفه بشكل سرييع
ومن البيت
ركب سيارته ولا يعرف وين يروح لو بس متعب موجود كان راح وواجهه وعرف منه كل السئله الي تدور براسه ويريح نفسه
كيف يعرف شلون يحصل على كرت العائله حقه بدون لايشك فيه
الافضل مايواجه ولايقوله شي من شكوكه
وهو يعرف انها تضقي على اخته
بعد حالتها تاكد ان زواجهم مو طبيعي ون ليث مو ولده ولا كان يمديها نسيه الحادث
ضرب على الدكرسون بقهر:اااااخ يامتعب كم اكرهك كل يوم يزود كرهي لك
لكن هين والله لنتقم منك اشد انتقاااام..
طلع من المزرعه ومسك الخط
الرئيسي وهو يدوس على السرعه
وغضبه يزوود وصدى صوت اخته يتردد براسه
وصرخاتها وكلام لافي لها والي باين انها مو اول مره هذاي نوباات تجيها
مثل نوره لكن بختلاف الحوادث
هو عاش مع نوره حلاات وكان احيان يتخيل لو كانت مزون بمكانها وش ممكن يصير فيه
هي اخته الوحيده وفوق هذا نابذها ومعاقبها بدون ذنب
وبدى يندم وصار يعتذر منها لين سامحته مكان يعرف انها
مريضه وانه هو السبب ثاني لمرضها مع الحقير الي اعتدى عليها
وكمل متعب متعب كمل عليها الي نقص بسببهم
كيف وضعها بصرخه منه انهارت كيف حياتها وياترى كم مره انهارت
ولا احد حولها نفس حالات نوره نوره مافيه فرق عنها
غيمة عيونه دموع
مازن الرجل الجليدي مثل مايطلقون عليه
بجمود مشاعره وحتى البتسامه ماتطلع منه الا بحلات نادره
يبكي دمعه ينزل مسح وجهه بقووه
انتبه لسياره او الشااحنه العملاقه الي قداامه
كان يعتقد انها بعيده ولا انتبه الا بعد مافات الوقت
لف بقووه حتى يتفاداها
...انتهـــــــى