باقي أسكريبت حين ضاء القلب 💙🥹
بصيت لدبله بضحكة وكأن بحاول اصدق كنت دايما بقول ربنا كبير وبأذن الله يكون من نصيبي.
-رُقيه مالك سراحتي في ايه
-ولا حاجة بس برضه لسه زعلانه انا مش بتراضي بسرعه
-أنا وعيوني تحت امر الست رُقيه
كنت قاعدة بسمع الجمله الأخيرة وكان نفسي انطق واقول تسلملي عيونك، بس عملت نفسي تقيله.
-شكراً
-روقيه أنا عارف إنك زعلانة كنتي مفكره اني مش فارق معايا، بس والله انا كنت بنام واقوم احاول ادبر اموري عشان اخطبك وبحاول وهحاول عشان تكوني في بيتي
مقدرتش اشوفك مع حد تاني انتي الوحيده اللي كسرتي الحاجز ده، وخليتي قلبي يرفرف وخلتني متعلق زي الطفل الصغير.
كنت بسمع كلامه ودموعي نازله، مش مصدقه ومش عارفه اتكلم، ومش عايزه حاجه غير انو هو اللي يتكلم واسمع صوته.
-رُقيه انتي مالك أوعي تقولي ده تأثير الفرحة.
-أنا فعلاً متأثره وفرحانه ويارب ييسر امورنا علي خير بس مكنتش عارفه اني فارقه معاك اوي كده.
-طبعاً فارقه ولو انتي مش فارقه معايا مين اللي هيفرق.
-كلامك ده مش هعرف ارد عليه
-مش مهم تردي المهم اننا هنبدأ نكتب حكايتنا من النهاردة وانا حاسس ان عمري بيبدأ من جديد.
-ايه الكلام الكبير ده كنت بسمعه في المسلسلات دلوقتي بقي حقيقه
-والله انتي دماغك مش معايا خالص حاسس انك زعلانة عشان ملحقتيش تأكلي من الجاتوه.
-والله انت حاسس بيا حاجه توجع اوي.
-أنا مدبس أحلي تدبيسه في حياتي♡.
-ايوه طبعاً أنا احلي تدبيسه بس بجد اختك طلعت مخلصه ليك اوي ربنا يخليه ليك وتفرح بيها يارب.
-امين يارب طلعت بيها من الدنيا بعتبره بنتي مش اختي.
-ربنا يخليه ليك كانت دائماً تطمن عليا رغم ان قفشت عليه الفتره اللي فاتت بس اصيله كانت بتسأل عليا مريم
- دي تربيتي طبيعي تكون اصيله
-هو انت ازي عرفت ان رفضت العريس
-العصفورة قالت ليا.
-أنا بتكلم بجد عرفت ازي انا حتي ملحقتش اقول لفاطمة.
-منا بقولك العصفوره قالت ليا .
-علفكره انا بتكلم بجد ده يدوب لسه نازل ولقيت الرسالة بتاعتك لحقت.
-انا عارف انك دماغك ناشفه ومش هتسكتي والله عادي مكنتش اعرف ان في عريس جايلك الا وانا واقف تحت لقيته بيتكلم وكده
عرفت علطول وبعتلك، قبل ما تعندي و توافقي.
-مين قالك ان كنت هوافق
-أنا عارف مكنتيش هتوافقي،أومال اخترتك لي ورغم كل ده هتطلعي عيني بس والله ربنا يعلم انا كنت بحاول اعمل ايه.
قعدنا نتكلم كتير وكأن اتنين كانو تايهين والتقوا ببعض، حرفيا الكلام معاه ميتزهقش منه وببقي بكامل فرحتي وهو موجود وبيتكلم معايا، اصعب حاجه في اليوم
انو عده بسرعة محستش بالوقت الا هو بيستأذن عشان يمشي، كنت زي الطفله عاوزه يقعد معايا.
-يزن ده محترم وابن ناس اوي
-اومال ياماما انا هختار اي حد
-بس لي حاسه انكوا تعرفوا بعض.
-ايوه ياماما احنا نعرف بعض عشان احنا زمايل فقط مكنش حتي برمي السلام عليا اطمني.
-مطمنه والله عشان كده مختش فرصه افكر يارب تتم فترة الخطوبه علي خير.
-يارب ياماما ادعي كتير محاتجه لدعوات دي.
بعد فترة من خطوبتنا، كنا بنتكلم في موضوع وأنا اتخانقت معاه وقفلت في وشه المكالمة كان تصرف مش كويس مني لكن اتضايقت.
قلت، اكيد هيستنا لم يهدي
أو يطنش، لكن لقيته جاي ومعاه كيس حلويات، عارف نقطة ضعفي
ولقيته واقف باصص في الأرض زي عادته.
ضحكت رغما عني.
يمكن زمان كان بيخاف ياخد خطوة…
بس دلوقتي، هو اللي بيجري عشان ميبقاش
في مسافات.
-أنا جيت لك عشان محبتش تنامي زعلانه مني..... ودي كانت اكتر جمله بيقولها،وكالعاده بنحاول نحافظ وناخد بالنا من الضوابط الشرعيه.
عرفت إني اختارت صح
لما لقيته في كل خناقة
مش بيمشي…
مش بيسيب…
مش بيختفي.
عرفت إني اختارت صح
لما بقى بيحارب سكوته عشاني،
وياخد خطوة…
حتى لو متأخر.
الحب إننا كل مرة نختار بعض من جديد.
وساعتها بس…
اطمنت. ♡♡♡♡♡♡♕
وبعد مرور سنه النهاردة فرحنا 💙💍
#بقلم_ أسماء_ محمد
# يزن _رُقيه
#حواديت أسماء محمد
متنسوش تعملوا متابعه، وتقولوا رايكم في الكومنتات عشان بيفرق معايا🤍🌸
وانتظروا القادم باذن الله
كنت شاغله علي موضوع الحواديت دي فتره يارب ينال اعجبكم 🤍🥹