أسكريبت، حين ضاء القلب💗🎀
-أنا هفضل منتظرة منه اشارة عشان ايه يعني انا خلاص متقدملي عريس وهقعد معاه ولو كويس هوافق.
-يابنتي انا فاهمه وجهه نظرك بس انتي عنيده وممكن تاخدي قرار تندمي عليه بعدين انا خايفه عليكي والله.
- أنا مش هندم هو اللي هيندم هو لو بيحبني فعلاً زي مااخته قالت كان جه اتقدم ليا هو مش صغير يا مريم.
-أنا عارفه والله ومعاكي حق بس اخته نفسه بتقول من صغره وهو عنده مشاكل انو يعبر عن حبه يمكن مفكر انك ممكن ترفضي يعني.
مكنتش عارفة أعمل ايه حاسه نفسي متغلبطة اوي يزن كان زميلي في الكلية، وعلطول كان الشاب المحترم اللي مش بيرفع عنيه من الأرض عكس شباب اليومين دول، عرفت انو بيحبني... والحقيقه انا كمان بحبه أو بمعني اوضح معجبه،
حقيقي متلغبطه عقلي بيقول.... طالما هو متقدمش يبقي خلاص نفكر في حياتنا وننسي قلبي بيقول.... بس هو بيحبك يبقي اكيد في حاجه واقفه قدامه.
فضلت ماشيه وجوايا كلام كتير بس اخترت اسكت، وصلت البيت
-اتأخرتي لي قلقت عليكي
-معلش ياماما هدخل اخد شور وانام تعابنه شويه
-طيب هجهز لك لقمة تأكلي قبل ماتنامي
-لا انا تعابنه هنام شويه وهبقي كويسه.
دخلت اوضتي والدموع كانت خلاص علي وشي دخلت خدت شور، واتوضيت وصليت ركعتين وقعدت اتكلم مع ربنا، لان بحس ده ملجأي الثابت، كنت بحكي وانا بعيط
لو كان يزن خد خطوه مكنتش هبقي في الحيره دي خايفه يكون الشخص اللي هقابله بكره مناسب وارفضه عشان حبي لي يزن
وخايفه اوفق وكده اكون جيت على قلبي
نمت على سجاده الصلاة والدموع لسه علي وشي.
تاني يوم صحيت على صوت دوشه في البيت
وفجاه الباب اتفتح.
-انتي كنتي نايمه على الأرض ولا ايه
-تقريباً كده صليت ومن تعبي نمت مكاني ايه الدوشه اللي بره دي الحرب قامت ولا ايه
-لا يا حبييتي مفيش حرب قامت انتي ناسيه ان العريس جاي النهاردة قومي يلا
-اتكلمت بضيق وفيه ايه يعني لما يكون في عريس يعني
-مالك قلبتي كده ليه في حاجه
-مفيش حاجه يا ماما انا قايمه مصدعه شويه عشان كده اتنرفزت
-طيب قومي اغسلي وشك وتعالي افطري
قومت اتوضيت وصليت وقعدت ادعي ان ربنا يختر لي الصح والخير.
وخرجت عملت نفسي بأكل عشان متسألش ميت سؤال وفي وسط كلامهم جالي مسدج من مريم صحبتي
-في ايه يا مريم اتخضيت حصل حاجه
-لا كنت بطمن عليكي بس انتي فين
-ده سؤال اكيد في البيت انتي عارفه العريس جاي النهاردة
-هتعملي ايه من امبارح وانا مشغول بالي عليكي
-متقلقيش يا مريومه ان شاءلله الموضوع يعدي على خير انا هقعد معاه بس عشان محطش بابا في موقف محرج
-ماشي يا حبييتي ابقي طمنيني
-بقولك اخت يزن مكلمتكيش امبارح
-الله القلب مال ولا ايه حمد الله على السلامه
-انجزي قالت لك حاجه
-عشان مكدبش ايوه اتصلت عليا واتكلمنا وسألت عليكي كمان
-بجد وانتي قلتي ايه
-قلت له ان رُقيه متقدم له عريس وبأذن الله هتوافق عشان الأستاذ يتلحلح من مكانه
-لي كده يامريم مكنتيش تقولي
-لي زعلانه انو يعرف لازم يعرف عشان ياخد خطوه ياستي انا زهقت ليكم والله اجي اعترف مكانه
-رُقيه بضحكة بس يابت مش حكاية هزعل عشان محدش يفك ان بجري وراه ولا حاجه.
-محدش عارف اطمني العلاقه دي مالهاش الا الدفن بلا وجع قلب
-خايفه لكون بعمل حاجه تغضب ربنا
-مريم بأستغراب:
تغضبي ربنا لي هو انتي بتكلميه مثلا ولا بتشوفيه، ولو عشان اخته بتكلمني انا مش بجيب سيرتك في حاجه وهي زميله لينا بس
وهي مش بتجيب سيرته في حاجه
بلاش توتر وخوف من مفيش.
-ماشي يامريم انا هقفل دلوقتي
قفلت مع مريم وحسيت ان ارتحت حرفيا مريم كانت اول صاحبه ليا لم دخلت الكلية وكانت ونعمه الصحاب بجد
بليل....
كنت قاعده في الاوضه متوتره كان نفسي اللي يبقي قاعد بره يزن، بس يلا خليه لازق مكانه.
خرجت وانا في ايدي العصير وكان شويه وهيقع مني من التوتر اللي كنت في بس الحمدلله عدت علي خير.
-قعدت علي الكرسي اللي قدامه وهو قعد يتكلم عن نفسه اللي فهمته من كلامه انا مهندس ناجح وبيسافر وطول القعده بيتكلم وانا ببتسم بس.
الحمدلله الرؤيه خلصت بعد ما الصداع تمكن من دماغي
-ايه رايك يارُقيه
-رأيي في ايه بالضبط
-في العريس يابنتي
-لا مش موافقه يابابا
-ايه اللي خليكي ترفضي شكله ابن ناس وكويس
-ايوه يابابا بس مش حاسه ان في قبول وبيتكلم كتير اوي
-يعني اقول للعريس انت مرفوض عشان حضرتك بتتكلم كتير
-بابا انا قلت ان هو بيتكلم كتير وكمان مفيش قبول عن اذنكم.
دخلت الاوضه وانا بضحك علي طريقه بابا لقيت فاطمه متصله كسلت اتصل وروحت اتوضيت وصليت.
وبعد ما خلصت لقيت مسدج من رقم مجهول مضمونها..... حددي مع بابكي معياد عايز اجي اشرب معاه شاي
-وقفت ماسكه الفون في ايدي متوتره وخايفه ومشاعري اتلغبطت في دقيقه
فتحت الشات وظهر الاسم..... يزن
كان نفسي أطير وازغرط، كنت واقفه ماسكه الفون وبعيط حرفيا من الفرحة،كنت متوتر وجوايا احاسيس كتير
ورغم كل ده، عملت نفسي مش عارفه مين
-مين حضرتك
-أنا يزن يارُقيه ولو سمحتي حددي مع بابكي عشان عاوزه في موضوع
-رُقية بأستغراب وممزوج بفرحة واتنهدت:
ايه الثقة دي انا خطوبتي الجمعة الجايه وهزعمك
-قديمه اوي الجمله دي مينفعش اكلمك دلوقتي مش من حقي، بس اوعدك اول مااخطبك نتكلم من هنا لسنه الجايه.
-رُقيه بفرحه من جواها:
أنا مش هحدد مع بابا حاجه بقولك انا خلاص هتخطب
-انا شكلي هطلع اولع فيكي وفي العريس اللي لسه نازل
-رُقيه بأستغراب:
هو انت تحت بتعمل ايه ممكن اعرف وبعدين جاي بعد3 سنين تاخد خطوه.
-انا كنت جاي اقعد مع الحاج وبعدين انا بقولك مينفعش اكلمك دلوقتي اجي اخطبك وتلبسي الدبله في ايديك وساعتها ننفع نتكلم
-ليه مفكر اني هوافق تبقي بتحلم
-لا ءولابحلم ولا حاجه هاجي وهخطبك وهتلبسي دبلتي وهتشوفي.
-عشان ايه بقي ان شاءلله
- اتنهد بعمق وقال… عشان بحبك عرفتي عشان ايه عشان مش مستعد انك تروحي مني الحقي يلا قولي لي ابوكي عشان انا مش هصبر كتير.
رُقيه بعدم استيعاب:
انت بتقول ايه؟!
-بقول يريت تحددي معياد عشان اجي اخطبك
ياست رُقيه
-هي الخطوبة بالعافية جاي دلوقتي وتاخد خطوه منا كنت قدامك وانت كنت عامل نفسك من بنها بس بعينك وبرضه هطلع عينك
-انا اسف على المدة الطويله دي بس مكنش ينفع اعلقك بيا ولا حتي اخد خطوه
وياستي طلعي عيني أنا وعيني تحت امرك
-أنا بعت لك رقم بابا اتفقوا مع بعض مع السلامة
قفلت معاه وكنت طايره من الفرحة بجد بعد صبر 3 سنين وبعد عذاب ان مكنتش بشوفه وادعيه ان يكون من نصيبي، دلوقتي بنحدد لخطوبتنا مش مصدقة حاسه نفسي في حلم
روحت اتوضيت وصليت اشكر ربنا
ان استجب دعواتي الحمدلله ♡♕
بالفعل يزن كلم بابا وحدد معياد قراية الفاتحه وأنا كنت بضحك تلقائي من فرحتي
جه يوم الخطوبة ولبسنا الدبل،ولقد هرمنا من آجل هذه اللحظة بجد.
-ادبسنا رسمي ودلوقتي ينفع نتكلم ودبلتي بقت في ايدك.
متنسوش تعملوا متابعه، وتقولوا رايكم في الكومنتات 🤍🌸
بقول تاني ده مش روايات دي سلسله من الحواديت ، كنوع من التغييير🤍🌸