بدأيه سلسلة الحواديت 💙🥹
يلا يابنتي هنتاخر على صلاة العيد.
-حاضر بلبس اهو.
-والله لو خلصت هنزل قبلك بقولك اهو.
-خلاص بقي مش بحب حد يستعجلني، وبعدين انتي ازي بتلبسي بسرعة.
-عشان مش بقعد اتكلم بنجز يلا بقي.
-هو خطيبك هيجي معاكي ولا ايه.
-اكيد طبعاً واقف تحت بقالوا ساعه انجزي بقي.
اتكلمت بدعاء وضحكه:
-يارب اوعدنا يارب وان شاءلله العيد الجاي
يكون معايا العيد والعيديه.
-ان شاءلله امه داعيه عليه االي هيخدك.
-مين ده يا بخته اللي هبقي من بخته يا حبييتي.
-طيب يلا عشان الصلاه تقريباً بدات
"خلصنا لبس بعد جدال وكلام كتير، نزلت وانا كاعاده بتفرج علي مناظر المرتبطين والمخطوبين والمتجوزين جداد،
بيفرحنا شكلهم، اوعدنا يارب."
-كل ده تاخير كنت همشي والله.
-خلاص بلا خلصنا اهو.
"مشينا وصلنا الملعب وكان زحمه جدا، صلينا واتصورنا وفرحنا، دائماً بحس اني طفله ساعه اجواء العيد،
مش عاوزه اليوم يخلص، بحس بفرحه في قلبي كأني عاوزه أطير رغم ان نفسيا وحاجات كتير مش احسن حاجه
لكن احنا مأجورين علي فرحتنا."
-بتصل عليكي من امبارح
-معلش يا تقي الفون كان فاصل ونمت بعد ترويقه الشقه، هدت حلينا.
-اومال اختك فين صحيح اسلم عليها
-واقفه تتصور هي وخطيبها هناك.
-ياه اجواء اتمني اعيشه
-معاكي حقي اسأل الله ان ينظر في امري.
-آمين يارب تعالي نتصور.
-يلا.
"بعد شويه خلصنا تصوير وكنت فرهدت خلاص رغم اني معملتش حاجه بس هو كده يوم العيد كأن يوم النوم."
طلعنا البيت ومصدقت قعدت من كتر الوقفه.
-انا عاوزه عيديه المبير هو اللي بيدي للصغير.
-مفيش كسوف خالص .
-احنا اخوات مفيش بينا كسوف، يلا الوقت خطيبك اديكي.
-ياني مش بتسكتي امسكي.
-ايه ده100 جنيه لي ان شاءلله؟
-احمدي ربنا واسكتي.
-ماشي سكت اهو يلا ياماما عاوزه عيديه.
-اهدي احنا لسه علي الصبح.
-علفكره مالهش علاقه انا عاوزه دلوقتي.
-الله يكون في عون اللي هيخدك.
اتكلمت بطريقه اطفال:
-لي يعني انا مش صعبه لدرجه دي يجماعه.
-طيب قومي يلا عشان الضيوف شويه وهيجوا.
-اقوم يعني اعمل ايه استقبلهم.
-انت لسانك طويل والله، قومي هاتي الكوبيات اللي في النيش.
-عالفكره من المفروض تقي هيا اللي تقوم لأنه هتتجوز انا لسه بدري.
-انا بكره اتجوز وساعته انتي اللي هتعملي كل حاجه لوحدك.
-لم تبقي تتجوزي بقي.
-اهل خطيبك هيجوا امتهيا تقي؟؟
-المغرب ياماما متقلقيش.
-ماشي سيبوا التلفونات دي وقوموا يلا.
"دخلت اوضتي عشان اغير هدومي، بس جالي طاقة تصوي، لبست الخمار تاني ولفيته وخرجت البلوكونه اتصور،
شغلت اغنيه بدون موسيقى ♡انت العيد والعيديه ♡
زي اللي بيعملوا، تفأجات بشخص واقف وكأن بيشوف لوحه.
-في حاجه يا استاذ؟
-لا مفيش يا آنسه.
-اومال مال حضرتك واقف تبص علي ايه
-انا واقف عادي في بيتنا، مقصدتش ابص اتجاهك، انا اسف.
" حسيته انسان كويس لكن اتضايقت برضه، بس العبايه البيضه عليه تحفه الصراحه تتقال. "
-ماما هم مين الجيران الجدد دول.
-اهو قصدك علي مصطفى؟
-مين مصطفى؟
-مصطفي ومامته الجيران الجداد لسه جايين قريب، بس ناس محترمه اوي.
-والله لحقتي تعرفي.
-اومال هو الشارع بيسخبي في حاجه.
-عندك حق صحفين والله، المهم انا تقريباً هخرج انا وصحبتي بعد العصر.
-لي ان شاءلله.
-هنخرج نتهوي ونجيب شورما نفسي فيها.
-قولي لابوكي الاول.
-هقوله بس خليكي بعيد بس.
-هروح اشوف الباب بيرن.
"قعدت انزل استوريهات، وفجاه لقيت طلب صداقه في العادي مش بقبل شباب عندي ولكن لفت نظري ان هو مصطفى
بالضبط الجار الجديد، هو ميعرفش ان انا لان الاكونت بتاعي مفيهوش صور ليا."
اختي دخلت وكان باين عليها العصبيه.
-مالك مين اللي عكر مزاجك علي الصبح كده؟
-مفيش.
-عليا برضه متخناقه معاه ولا ايه.
-مش متخانقه لكن اتضايقت منه.
-انتو لحقتوا كنا لسه بنصلي العيد ومبسوطين ايه الاڤوره ده.
-هو كده مشكله حصلت.
-ايه هيا؟
-بقوله عاوزه اخرج زي اي اتنين بيخرجوا وبيتصوروا، ليقته بيقولي الشقه والمصاريف ومش وقته وكلام من ده.
-والله الرجل معاه حق اقعدي واهدي شويه.
-انتي معايا ولا معاه.
-انا مع الحق عادي يعني مش شرط خروجه وبعدين هو جاي النهاردة اقعدي اتكلمي معاه براحه، انا اصغر منك وبعلمك.
-انا متعصبه منه.
-الموضوع بسيط وبعدين انا من وجهه نظري البسيطه مش مقدس يعني الخروجه وبعدين الخطوبه مش معموله لكده حاولي استغلي وقتك انكم تقربوا من بعض اكتر.
-انا بجد مش فاهمه الخروجه عتزود ايه ولا هتنقص ايه؟
-قولي لنفسك وبعدين حاولي معاه تاني.
-ماشي انا قايمه خارجه.
"تقي خرجت، هي اي نغم اكبر مني بس ساعات تحسه صغيره حساسه جدا ويفرق معاه نبرة الصوت،
ممكن متكنش حاجه كويسه بس بحاول معاه عشان متتعبش في حياته"
:"العصر أذن ولبست ونزلت لصحبتي تحت، لقيت في وشي مين؟
مصطفى تقريباً نحتوي اليوم عليه. "
-لو سمحتي هي طنط فوق؟
-ايوه فوق خير في حاجه.
حط وشه في الارض واتكلم:
- مفيش حاجه، ماما باعته ليها حاجه.
-هات هطلعها انا.
-مفيش داعي هطلعها انا عن اذنك
لقيت صاحبتي واقفه مبتسمه ابتسامه مش طبيعية.
-بتبصي ليا كده لي؟
-مين الشاب الحلو ده؟
-اتلمي طالعين من رمضان عايزه تاخدي ذنوب.
-استغفرالله، مين بقي ده؟
-مصطفى جارنا الجديد لسه عارفه من ماما النهاردة.
-لقيتك واقف تتكلمي معاه قلت خلاص الخطوبه هتحدد.
أبتسمت فجاه:
خطوبة ايه مفيش كده انا كنت بتخانق معاه.
-لي حصل ايه.
-بعدين مش وقته، يلا بقي.
"خرجنا روحنا المطعم وطلبنا شورما واتصورنا، وخلاص فرهدنا ومروحين."
دخلت البيت:
-لسه جايه كنت هتصل عليكي.
-لي يعني جيت اهو.
-في حاجه عاوزه اكلمك فيها
-خير قولي.
-مصطفى جارنا الجديد طلب ايدك من ابوكي ومستني الرد انتي ايه رأيك؟
"ساعتها ضربات قلبي كلن بدق واتوارت جدا وحاجات كتير دارت في بالي؟
لحق يعرفني
لحق يعجب بيا
وكلام كتير ولكن كان جوايا فرحه، لان مصطفى بشوفه بالصدفه في الشارع بس مكنتش اعرف انو جارنا."
♡تقريباً الدعوه استجابت ♡
#العيد_والعيديه
#اسكريبات _أسماء
#مصطفى _حياه
متنسوش تعملوا متابعه عشان يوصل ليكم باقي الحواديت 🤍🌸
متنسوش تقولوا رايكم في الكومنتات عشان بيفرق معايا 🤍🌸
ا