الفصل 2
التذكرة الثانية -
بعد ماخرجوا البنات من دواماتهم ، دالين طلعت بدري ودقت على فراس يجي ياخذها .. وماتأخر عليها كثير
وهي طالعه من الجامعه انتبهت لشخص ثاني جنب فراس ، قربت من السياره اكثر وانصصصدمت لما شافت دحوم
ابتسمت من قلبها وركبت ورا عبدالرحمن ..
دالين بصوت خفيف : السلام
الكل : وعليكم السلام
فراس : مافي احد جاي معاك
دالين : يعني مين
فراس : مزة
دالين ضحكت : لا مافي
فراس حرك السياره : اساسا حتى لو فيه الوضع ماش ذي اليومين يارجل
عبدالرحمن ضحك واكتفى
فراس : غريبة دالين ساكتة اليوم
دالين طنشته وهي قاعده على جوالها : مافيني اتكلم
عبدالرحمن مد يده لورا ، دالين انتبهت لها ابتسمت من ورا اللثمه وحطت يدها على يده
ضم يدها بيده ورجع طبيعي عشان لاينتبه لهم فراس
فراس وقف على جنب عند واحد من المطاعم : دقيقه ها
عبدالرحمن : انزل معاك !
فراس : لا مايحتاج
راقبوا فراس لين دخل للمطعم .. ودالين صارت دقات قلبها تتسارع
انتبهت لعبدالرحمن لما عدل المرايا وجابها على جهتها وصار يطالعها من المرايا وهو مبتتسسسم
دالين ابتسمت بخجل وصدت بعيونها ، فتحت اغنية بجوالها وشبكته بالبلوتوث وصارت الاغنية بالسماعات حق السياره
قدمت بجسمها لقدام ومدت يدها للسماعات بترفع الصوت ، وصارت قريبه من عبدالرحمن ، طالعته بشقاوه ورجعت لورا
عبدالرحمن : ليه مسوية مناكير
دالين طالعت يدها : ايش فيها ؟
عبدالرحمن : تلتفتي النظر ، لاعاد تسوين وانتي طالعه
دالين ابتسمت على غيرته وقالت بإستفزاز : فتنه صح ؟
عبدالرحمن لف وجهه لها وطالعها بحدة
دالين ضحكت : ههههههههه امزح والله
ابتسم على خفيف
عبدالرحمن : وش اسم الاغنية
دالين : ماني قايلة
عبدالرحمن : يالله دالين بلا دلاخه
دالين : ما اتحمل ذنوبك ، كفاية ذنوبي
عبدالرحمن هز راسه بأسف وهو يضحك : وش التطوع اللي نزل عليك فجأة
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 24-03-16, 06:21 PM