مقدمة الرواية:
أنا سلمى…
مش حنقول إني أقوى بنت في الدنيا، لكن أكيد مش نفس البنت اللي كنت زمان.
مرّيت بحاجات واجد… وجع، خذلان، ناس كانت قريبة وطلعت أبعد من الغربة، ومرض خلاني نشك حتى في نفسي.
في يوم من الأيام، كنت نعيش عادي… نضحك ونحلم، لكن فجأة كل شي تبدل. تعب غريب، خوف ما لهش تفسير، وأيام صارت كلها سواد.
والأصعب؟
إنك تتوجع… ومفيش حد حاس بيك.
لما قال الدكتور كلمة “ورم”… حسّيت الدنيا وقفت، وكأن حياتي كلها صارت على حافة النهاية.
لكن اللي ما كنتش نعرفه… إن القصة ما كانتش بس مرض.
كانت في أسرار… ناس تخبي… وخطر قريب مني أكثر مما نتخيل.
هذي مش مجرد قصة تعب…
هذي قصة بنت انكسرت، وضاعت، وخافت…
بس في النهاية، وقفت من جديد.
ولو تبي تعرف شن صار معايا… وكيف تبدلت حياتي، حضّر روحك، لأن اللي جاي مش سهل. 💔🔥
👥 الشخصيات:
(سلمى): البطلة
نور: صديقتي الوحيدة
خالد : شخص في حياتي (فيه غموض)
تامر: شخص من الماضي (سبب جرح)
الدكتور سامي
أمي