حارسي الشخصي (ملاكي الحارس) - الفصل الرابع - بقلم شهد عبد الهادي عيساوي محمد | روايتك

حارسي الشخصي البارت الرابع ميس بعبوس :مش بتنسى يعني ،فريد ببرود :لا ،ميس بغيظ:انت ليه بخيل كدا، فريد :بخيل ازاي وليه،ميس :اصلك لما بتضحك بتكون حلو ليه بخيل انك تضحك دا حتى تبسمك في وجه أخيك صدقه يااخي ،فريد بمكر:يعني انا حلو ،ميس بتوتر:مين قال كدا، فريد:انتي.. المهم يلا قولي، تنهدت بحزن وحكتله على كل حاجه وهو كان صامت هادئ يستمع لها فقال بعد ما انتهت بحنان :دا تعود مش حب.. انتي لسه صغيره.. وانتي موجوعه عشان بس خدعك وخلاكي اذيتي ناس بيحبوكي ،ميس بدموع :بجد يعني انت مش زعلان مني ،ابتسم وقرص وجنتها برفق وقال :مقدرش ازعل منك ياميسا.. يلا خدي دوش سريع وانزلي لتحت عشان تتعشي،ميس بإمتنان :فريد شكرا.. انت من دلوقتي هتكون ملاكي الحارس،وقالت بعند :بس بردوا انت مستفز وبارد ورخم اويييي ،مسكها من ملابسها من الخلف من اللياقه وقال بضيق:بت كلمه زياده وهرميكي من البلكونه دي وانتي شبه الفار البلول كدا ،ميس :طب نزلني وانا اوريك نزلني يااخي ،فريد تركها ببرود وقال بسخريه :خلصتي يا شبر ونص يلا اخلصي بقى، وطلع من الاوضه، ميس بغيظ:بقى انا يعلقني زي الحرامي كدا.. طيب يا فريد انت اللي بدأت وكما يقال دوما ان البادي أظلم يا ظالم، ووقفت وراحت جهة الدولاب وطلعت هدومها ودخلت الحمام واخدت دوش سريع ولبست دريس وردي بارد وصففت شعرها وجعلت منه جديله في منتصفه ولبست سوار ابيض جميل ورقيق مثلها وارتدت حذاء رياضي أسود ونزلت الي أسفل واخبرتها الخادمه بمكان غرفه السفره فدخلت بإستحياء ،نيره بحب :تعالي ياميس ياحبيبتي واقفه ليه ،راحت وقعدت جارها وقالت بحب:اي اخبارك يا طنط، نيره :بخير عشان شوفت القمر دا.. اي عامله دلوقتي، ميس :الحمد لله بخير ،وبصت على طبقها فتغيرت نظراتها للقرف وقالت بإشئمزاز واضح :اي دا، فريد بتهكم:سلامتك ياضنايا دي شوربة خضار مع الدجاج  وفيها قطع فراخ،ميس بسخريه :وهو حد قالك اني تعبانه!؟، فريد :بصراحه دا اللي شايفه فعلا، ميس بعبوس:مستحيل أكلها مهما حصل، فريد بإستفزاز:معلش يانونو هتاكليها كلها ،ميس :لو مسكتش وحليت عني هقوم اشوهلك وشك اللي فرحان بيه دا ،فريد :متقدريش انتي اخرك تنفضي دبان بقماشه اتكلمي على قدك ياشاطرة، ميس لحور :حور حبيبتي هاتي تفاحه من عندك مستحيل اكل البتاعه دي ،نيره بحنان مدت ايدها بالمعلقه جهة فمها وقالت :ولو اكلتك انا هتوافقي ،ميس بتوتر :طنط نيرة اسفه بس انا مستحيل أكلها، حور بمكر :بس على ما اذكر انك اكلتيها مره ،ميس بهدوء زائف:اه اكلتها لكن مش هقدر أكلها تاني ،نيرة بحنان :طب معلقه واحده عشان خاطري ،تنهدت ميس وقالت :معلقه واحدة بس، ابتسمت نيرة وهزت راسها بنعم واكلتها ميس منها بهدوء ،نيرة :هاه مش حلوه كدا؟، ميس بتوتر :اا اه جميله ،نيرة :بالهنا ياقلبي يلا خلصيها كلها، فهزت ميس بنعم وبدأت تاكل بهدوء وشرود حور بمكر:ميس تعرفي ان ابيه فريد هو اللي أمر ان الخدم تعمل لك الشوربه دي ،ميس بهدوء :اوك، ونظرت لفريد ببرود ،وكملت اكل ،ونظرت لحور المذهوله وقالت ببسمه جميله :لا هاديه عشان عجبتني رغم ان دا نادرا يحصل ،حور بذهول :ههه عجبتك.. فريد انت المفروض تسجل في التاريخ الحدث المهم دا.. ميس تاكل شوربه فراخ عادي كدا اي اللي جد، ميس بشرود:الماضي ،حور تفهمت شرودها ووقفت وقالت بمرح:لو خلصتي تعالي نبدأ مذاكره احسن نلاقي مستر شفيق يعلقنا على باب الجامعه ان سقطنا في مادته ،ميس بضحك :ههه دا قرب يستقيل بسببي وانا قلبي طيب فلازم اجبله شلل رباعي او خماسي كدا السنه دي ،وراحوا لاوضه حور، نيره :بتفكر في ايه يافريد، فريد بحنان :لا ابدا ياأمي بس محتاج ارتاح شويه، نيره بحنان :فريد انت مش بتعرف تخبي حاجه عني قول مالك، فريد بتنهيده :ماما انا هسافر بعد اسبوع ان شاء الله ،نيره بقلق :تاني.. طب اي السبب انك انت اللي تروح ،فريد بهدوء:عشان كفآءتي ياأمي.. ابنك بطل لبلده.. ودلوقتي بلده عايزاه يدافع عنها، نيره بدعاء :ان شاء الله تروح وتنتصر وترجع لنا بالسلامه يانور عيني، قبل يدها وقال بحب:امين ياست الكل.. ادعيلي ياأمي ،نيره :هدعيلك يافريد طول الوقت،نهض فريد وقال :هروح اطمن انهم بيذاكروا عشان انا عارف دماغ اليومين دول بتوع المجانين زيهم، ضحكت نيره وقالت :براحه عليهم هما مش قدك ،اكتفى بهزة بسيطه لها وصعد الي فوق نحو غرفة اخته وطرق الباب فسمع إذن الدخول ودخل فشافهم قاعدين ع السرير وفي أوراق ملونة مفروشه عليه وهما يمسكان احداها ويلعبان بها فريد ببرود :دا بقى اللى هذاكر!؟... بتلعبوا كوتشينا بدل ما تمسكوا الكتاب!، زادت نبرته حده وبرود ، ميس ببرود وهي ترمي ورقة اللعب على اختها :عادي نلعب شويه.. فتحنا الكتاب وحلف يمين منذاكرش فيه.. فلعبنا شويه تعالى العب معانا فريد بحده :قومي منك ليها وسيبوا الزفت دا ويلا ذاكروا ، حور بخوف مسكت الكتاب وقالت :حاضر ياابيه فريد بسخريه :والأميرة فروزن على راسها ريشه ولا ايه ميس ببرود:عايز اي يعني؟ فريد :روحي ذاكري يلا ميس :مليش نفس ليها خليها شويه كدا فريد:ميس حبيبتي يلا وبلاش عناد ذاكري ميس بضيق مسكت الكتاب وفتحته وقالت بتذمر :انا مش فاهمه فيه حاجه خالص فريد بسخريه :ازاي هتفهمي فيه وانتي قالبة الكتاب اعدليه ياماما ميس بغضب مزيف تخفي به حرجها :علفكره انا عارفه دا كويس اوي فريد:اه ماهو واضح جدا كانت نبرة السخريه واضحه بشده لها ميس :تمام هنذاكر تقدر تروح وترجع لنا بعد ساعه كدا اتجه فريد نحو الاريكة وجلس عليها وتمدد عليها وأخرج هاتفه وقال ببرود:انا موجود عشان تذاكروا فعلا وبضمير ميس:انت كدا هتشتتنا فريد وهو بيتفصح موقع الفيس بوك قال :ميس كفايه تلكيك وذاكري يلا عشان ساعه كدا وأسألكم في كل حرف اتكتب في الكتاب دا ميس:هه بتهزر صح حور بصدق:ياريت كان بيهزر هو جاد بكل كلمه قالها ويلا ذاكري عشان تفلتي من عقابه فريد:شطورة.. عقلي صحبتك ياحوري وبالفعل ظلت الفتاتان تذاكر قرابة ساعه وفي كل خمسه دقائق تتذمر ميس بملل وتتلفظ بأعذار تافهة ورغم ذلك لم تستطع ان تجعله يثني عن الرجوع في قراره فريد:يلا هراجع دلوقتي معاكم، وبدأ يراجع ليهم ويسألهم فيه وتجاوبوا معه بعد القليل من الوقت وعادوا بعدها الي المذاكرة، ميس بتذمر هامسة لحور:انا جعانة ومش هعرف اركز صح وبطني شغالة كدا، حور :انتي لي مكملتيش اكلك مع انه عجبك، ميس بتوتر :علفكرة انا أكلتها مع عامر مرة واحنا صغيرين.. كمان انا عندي حساسيه من الجزر والحمدلله اني جايبه معاي علاجي، حور بندم:اسفه نسيت الموضوع دا كنت خايفه اوي عليكي وانتي مغمي عليكي كدا، ميس:ولا يهمك ياقلبي.. بقولك اي مانطلب من دراكولا دا نودلز، حور :ههه اطلبي انتي انا مستحيل اروح للموت ياختي، ميس:متخافيش دا مش بياكل لحمنا.. دا بياكل عادي زينا ، حور :فريد لو عرف اننا عايزين نودلز هيعلقنا انا مش باكله غير لما اكون عندك في البيت أو في الجامعه وبعقد اليوم كله اكل لبان نعناع عشان ميعرفش اني اكلته ، ميس ببرود:انا هجيب وهنعمله كمان وهخليه ياكل معانا ، حور :هههه احلمي غيره، ميس بتحدي :لا قدها وهتشوفي، ونظرت لفريد وقالت :فريد، فريد :اممم، ميس بعبوس :هو انا بكلم حمامة عشان اممم... المهم عايزه اكل ، فريد :انزلي تحت وكلي اللي عايزاه ، ميس:اللي عايزاه عادي، فريد :اه عادي، ميس:طب في تحت نودلز؟ ، فريد :ا.. ممنوع يتاكل البتاع دا،َ ميس:لي؟ ، فريد :عشان مضر بالصحة وفيه أمراض كتير ، ميس:انا عايزاه حتي لو فيه اي ، فريد ببرود:حتي لو قولتلك انه بيتعمل من الدود ، ميس ببرود:ياسلام دا بيكون طعمه جميل...يلا ياحور ننزل ناكل ، فريد :ميس ، ميس بتفكير :بقولك تعالي ننزل المطبخ، فريد :انزلي لوحدك مبدخلش المطبخ انا، راحت ميس عنده ومسكت ايده وقالت بعناد :لا هتنزل معايا يلا بقا، وجرته معها وهو يسير ببرود في المطبخ ميس:امم فين المكرونه الاسباجبتي، فريد كتف يديه امام صدره وقال وهو يشير بعينيه:هناك في الرف دا ميس بسخريه :طب وانا هطول الرف دا ازاي اتجه فريد وفتح ادراج الرفوف العليا وطلع اللي طلبته ميس ميس:الطول بينفع اوي.. شكرا ياباشا، ميس بتوتر:معلش يافريد هات بصل طماطم وفلفل و فريد بمقاطعة:استني يابنتي.. اهي التلاجه روحي خدي اللي عايزاه ميس :مينفعش.. روح انت بس فريد :انا صاحب البيت وبقولك روحي.. يلا راحت ميس وفتحت التلاجه وبدأت تطلع اللي عايزاه ورجعت مكانها وراحت غسلت ايديها وبدأت تقطع الخضار بعد ما غسلته وبصت لفريد وقالت:فريد حط الحلة دي علي النار بعد ماتعبيها ميه، فريد:اي واحده فيهم ميس :حط الوسط دي... هي ماما نيرة لسه صاحيه فريد :اه لي؟ ميس:هحسب حسابها ياذكي وبعد ساعتان انتهت ميس من تحضير النودلز المنزلي ميس:وكدا هناكل نودلز بنفس الطعم والاستمتاع لكن مشفهوش ضرر ولا حاجه.. وغير كدا تمت مراقبته من قبل السلطات العليا لصحة الإنسان فريد :ههه خلصتي يلا بقا ميس :هتاكل معانا؟ فريد :ليا ساعتين بساعدك وعماله تقولي فريد هات دا فريد ودي دا فريد هات اللي فوق دا.. طبعا هاكل ميس :طب شيل دول كدا معايا وبينا علي اوضة ماما نيرة فريد :لي اوضة امي ميس:لما نوصل هتعرف في غرفة نيرة كانت جالسه علي السرير تقرأ كتاب خاص بطب الأعشاب العلاجيه فسمعت صوت ابنتها حور تطرق علي باب غرفتها فاذنت لها ودخلت حور وطلت برأسها من الباب وقالت :مساء الخير يامامي.. قاطعتك عن حاجة؟ نيره :مساء النور لا ياحبيبتي تعالي.. في حاجه حور :لا ابدا بس حبيت انا وميس نجي نسهر معاكي شويه نيره :وميس فين؟ ميس وهي بتدخل :انا هنا يا ماما دخلت وكان فريد خلفها يحمل صينينه عليها طبقين مثل ماتحمل هي ووضعتها علي طاوله متوسطة الحجم وفعل فريد مثلها نيره :اي دا.. اندومي وفي البيت وفريد ساكت كدا عادي فريد بهدوء:لحظه بس ياست الكل.. الاندومي دا عملته ميس ودا بيتي مشتراناش حاجه ميس :وفريد ساعدني كمان نيره وحور:.... يبتع.......