الفصل الثالث
حارسي الشخصي
البارت الثالث
اقتنع رائف بكلام فريد ووافق انها تعيش فتره سفره في بيت فريد وطلب فريد من داده عفاف تجهز شنطه هدوم ميس وتحط كل كتبها واي حاجه مهمه وتغير لميس هدومها عشان ياخدها معاه ،رائف بأسف :للأسف مش عارف شغلي هيكون قد اي، فريد :متخفش على ميس هي هتكون مع امي واختي وانا هكون حارسها هترجع بالسلامة وتشوفها ساغ سليم.. بس بنتك لو ضايقتني هحجزلها في العباسيه وتبقى حضرتك تاخدها من هناك بقى، ضحك رائف وقال :مش عارف اقولك اي عليها بس ربنا يعينك والله، فريد :تعالي معاي اوصلك المطار تكون الداده جهزت شنطه ميس وغيرت لها هدومها، واخد فريد رائف ووصله للمطار وماسبهوش الا لحد ما اتأكد انه ركب الطياره والطيارة خلاص اتحركت في السما ورجع القصر عند ميس اللي كانت لسه نايمه بسبب المهدئ وشالها وحطها في الكرسي الأمامي وربط لها حزام الأمان وحط شنطتها في شنطه العربيه وركب عربيته واتجه إلى القصر
بعد عشر دقائق وصل فريد للقصر وركن العربيه وشال ميس برفق ودخل بيها القصر واتجه لغرفه وحطها على السرير وغطاها وقال لحور اللي دخلت وراه :خليكي معاها ممكن تصحى وتفضل تصرخ اول ماتفوق بلغيني.. اه صحيح عايزك تحطي هدومها في الدولاب ،حور :حاضر يا ابيه.. بس ميس اي اللي حصل هي لي ناميه كدا.. لما كلمتني وقولتلي اوضب الاوضه دي ليها معرفتش تفاصيل منك، فريد بجديه :ودا اللي عايزك فيه..ميس انهارت فجأه والدكتور أداها حقنه مهدئ وهي نايمه بسببها دلوقتي.. عايزك تعرفي لي اي اللي وصلها لكدا.. مين كلمها.. سبب انهيارها دا ،حور بزعل :حاضر متقلقش عليها، نزل فريد وأمر الخدم يطلعوا شنطه ميس لاوضتها ،نيره :في اي يافريد وميس جرالها اي ،حكى فريد لمامته كل حاجه فحست نيره بالحزن عليها وقالت بحزن :البنت اكيد سمعت حاجه صعبه خلتها توصل لكدا.. بس هي هتوافق تقعد هنا ومتفكرش انها تسافر لباباها ،فريد :ميس عاقله وهتتفهم موقف ابوها.. بس المهم دلوقتي اني اعرف هي عرفت اي او مين كلمها، وجاتله فكره انه يتعقب كل تحركات وتسجيلات تلفونها الخاصه بالنهارده وفعلا اخد تلفونها وحاول يعرف الباسورد بس فشل لكن جتله فكره مجنونه وكتب حاجه والمره دي الباسورد فتح فضحك وقال بغرور:الرمز دا لسه شغال ههه يالهوي عليا ههههه، وراجع كل مكالمات ميس وفتش في البرامج كلها واخر برنامج دخل عليه كان الواتس فشاف رقم غريب فدخل على الشات فشاف ان فيه تسجيل واحد بس فشغل التسجيل وسمعه كله فتصنم من اللي سمعه وعروق ايد برزت من شده ضغطه عليها بقوه وقال بوعيد :حسابك معايا هيكون يايوسف الكلب، في المساء، بدأت تصحى ميس بتوهان فبصت حوليها باستغرب وضعف وقالت بتعب:هو انا فين.. اي الاوضه دي ،دخلت حور وفرحت عشان ميس صحيت اخيرا وراحت حضنتها وقالت بسعاده :كدا تعملي كدا فينا، ميس بدهشه :حور.. انتي بتعملي اي هنا.. وامتى وصلتي البيت وبابا فين، حور :انكل رائف اضطر انه يسافر ،ميس بذهول :بابا سافر.. ازاي.،قاطع كلامها دخول فريد وهو بيقول :حمد الله على السلامة اخيرا فوقتي، ميس :بابا بجد سافر، فريد :اه سافر رغم انه كان رافض دا بس طبعا انتي عارفه ان شغل باباكي ميقدرش يقصر في حقه.. وعلفكره رائف بيه كان هيلغي سفره عشانك.. فوقي وشويه كلميه وطمنيه عليكي.. حور روحي قولي للخدم يحضروا العشا وخليهم يعملوا شوربه لميس عشان تصحصح وتتغذا ،حور :حاضر، ونزلت قرب فريد من السرير وقعد عليه قصادها وكتف ايديه حول صدره وقال بهدوء :عايز اعرف اي حصل لدا، ميس بتوتر :محصلش حاجه.. صحبتي عملت حادثه وانا خايفه عليها، فريد ببرود :ميس انا مش عيل صغير هتضحكي عليه بكلمتين الكذبه دي تقوليها لحور امي لكن انا اللف والدوران ميجيش معايا سكه ،نزلت راسها بحزن ونزلت دموعها وقالت بصوت متحجرش :آسفه ،فريد :على اي، ميس بصتله وقالت بدموع :لاني قولتلك الكلام الجارح يوم الحفله وجرحت كرامتك بس انا والله، فريد بمقاطعه :خلصتي الهبل دا ؟، بصتله بإستفهام فقال بهدوء :انا عارف انك هبله وقلبك طيب وعلى نياتك ومش بتعرفي تفرقي بين الكويس والوحش وانا عارفك اكتر واحد ياميس والكلام دامستحيل يكون طالع منك لأن دا طالع من حد بيكرهني وانتي مستحيل تكرهي حد حتى انا رغم خناقنا المستمر بس انتي قلبك ابيض مفهوش مكان للكره،ميس :يعني مش زعلان مني ،فريد :زعلت وجامد كمان.. زعلت لإنك بتجري ورا اي حد ومش بتحكمي عقلك وشايفه الكل كويسين.. وكمان ٣شهور كانوا حلوين اوي لفتره عقاب ليكي ،ميس :فتره عقاب!، فريد :اه فتره عقاب.. ما انا بني آدم مش ملاك،ميس بسعاده:يعني دلوقتي رجعنا زي الاول،فريد بابتسامه جميله :اه رجعنا من تاني علاقه القط والفار ههه، ميس بضحك :صافي يالبن ،فريد بضحك :حليب ياقشطه هههه.. يلا قومي عشان تاكلي معانا، ميس :معاكم، فريد :امي وحور، ميس :هو انا جيت هنا ازاي، فريد :انا اللي جيبتك هنا.. اتصلي بوالدك، ميس :حاضر بس فوني فين ،طلع فونها من جيبه وعطاهولها وقال :اهو، اخدته منه وبسرعه اتصلت بأبوها فسمعت صوت شخص جعل الابتسامة ترتسم على شفتيها، ميس بشوق :تعرف قد اي وحشتني مش هتفضل عندك وهتركب على أول طياره وتيجي عندي.. اخبارك اي يا عامر ،عامر بحب :بخير عشان سمعت صوتك ياماستي، ميس بحزن :بس ماستك مش بخير عشان انت مش معاها، عامر بندم :حقك عليا والله بس دا غصب عني، ميس بابتسامه حزينه :لا ولا يهمك المهم انك حققت حلمك وكملت تعليمك واخدت الجنسيه النرويجيه.. هستناك ترجع وتعلمني ازاي اتكلم بيها وهتحكيلي كل حاجه من اول ماوصلت لحد ما هتوصلي تمام، عامر :تمام اوي هو انا اقدر اقول او اعترض على طلبات ماستي.. علفكره انتي وحشتيني ،ميس :هههه وانت كمان اوي،رائف بسخريه :اي مخلصتوش سلامات كفايه يا عصافير الحب انا أعصابي تكاد تنهار ،ضحك عامر وميس وقالوا في نفس الوقت :اسفين ياحج أعصاب ،رائف :ههه ماشي.. اي اخبارك دلوقتي ياميسو،ميس:الحمد لله بخير.. اسفه قلقتك عليا.. يس سمعت ان صحبتي عملت حادثه وابنها مات قبل ما تشوفه حتى، عامر بمساواه:ربنا يصبرها ان شاء الله ربنا هيعوضها، ميس بحزن :يارب،رائف:معلش هضطر اني اقفل جالي شغل مهم، ميس:اوك داد، وأنهى الاتصال ،فريد :عايز اعرف اي اللي حصل بالظبط، ميس بعبوس :مش بتنسى يعني ،فريد ببرود :لا ،ميس بغيظ:انت ليه بخيل كدا، فريد :بخيل ازاي وليه،ميس :اصلك لما بتضحك بتكون حلو ليه بخيل انك تضحك دا حتى تبسمك في وجه أخيك صدقه يااخي ،فريد بمكر:يعني انا حلو ،ميس بتوتر:مين قال كدا، فريد:انتي.. المهم يلا قولي، تنهدت بحزن وحكتله على كل حاجه وهو كان صامت هادئ يستمع لها فقال بعد ما انتهت بحنان :دا تعود مش حب.. انتي لسه صغيره.. وانتي موجوعه عشان بس خدعك وخلاكي اذيتي ناس بيحبوكي ،ميس بدموع :بجد يعني انت مش زعلان مني ،ابتسم وقرص وجنتها برفق وقال :مقدرش ازعل منك ياميسا.. يلا خدي دوش سريع وانزلي لتحت عشان تتعشي،
يتبع....