الفصل الأول
حارسي الشخصي
البارت الأول
ميس بعصبيه:يابابا انا معدتش صغيره كفايه تقفل عليا وتتحكم بيا بقى، رائف:خوفي وقلقي عليكي تسميهم تحكم.. انتي بنتي الوحيده ومقدرش أتحمل خدش واحد فيكي ،ميس:يابابا من فضلك اسمعني انا بخير ومفيش حاجه حصلت ودا كان سوء تفاهم بس و، رائف :سوء تفاهم اي دا اللي بتتكلمي عنه دي جريمه شروع في القتل وانتي اللي مقصوده، ميس:افهم من كدا ان حضرتك هتمنعني اخرج ؟،رائف :مين قال كدا تؤ هسيبك تخرجي وتطلعي براحتك بس بشرط، ميس:شرط ايه دا،رائف :هيكون معاكي حارس شخصي وكمان ضابط، ميس:ههه بابا بتتكلم جد ضابط اي اللي هيكون حارسي الشخصي دا بنتك بميه راجل ،رائف:عارف بس بردوا هتنفذي الشرط دا ،ميس:تمام يابابا اللي تحبه، وقالت في خاطرها :ان ماخليت الضابط يفلسع من اول يوم مايكون اسمي ميس رائف العطار ، وركبت اوضتها ونامت عشان جامعتها بكرا ،في الصباح استيقظت ميس ودخلت الحمام اخدت دوش ولبست هدومها ونزلت تحت فشافت باباها قاعد بيفطر فقالت :صباح الخير يا بابي، رائف:صباح الفل ياروحي رايحه فين،ميس:الجامعه، رائف :تمام بس هتستني شوية لحد ما يوصل فريد ،ميس بملل:ومن سي فريد دا كمان، رائف:الحارس الجديد بتاعك، ميس بسخريه :هو من اولها كدا يتأخر لا دا مثال نقتدي به اوي ،رائف :اقعدي وافطري الأول ،ميس:سوري بس مليش نفس يا داد بالهنا على قلبك.. اوف هو فين سي شريف دا او اسمه اي، فريد :اسمي فريد ومعتقدش ان اسمي صعب كدا، ميس بسخريه :اهلا بالناس المتأخره ،فريد بسخريه لاذعه :مش ساعتي اللي محتاجه تصليح بصي في الساعه كويس وانتي تعرفي اني جيت في ميعادي اساسا.. ولو صاحبه الساعه محتاجه صيانه مفيش مشكلة وعالاقل ناخد ثواب فيكي ،ميس:شايف بيتكلم ازاي معاي يادادي، رائف:اهدي ياميس فريد بيهزر.. يلا روحي عالجامعه عشان متتأخريش ،ميس :والأخ دا هيروح معايا كمان ،رائف :احنا اتفقنا على ايه، ميس:انا متفقتش اصلا على حاجه، وبصت على فريد وقالت :يلا قدامي، لكنه لم يتحرك ،ميس:انت يا تلاجه أفندي يلا ،فريد بإستفزاز :مش قبل ما تعتذري على اسلوبك دا معايا وتقولي من فضلك يافريد تعالى معايا ،ميس:اعتذر منك ليه شايفني عيله هبله، فريد بسخريه :الحق ميزعلش طبعا ،ميس بعصبيه :شايف بيستفزني ازاي ،فريد:هو انا جيبت جمبك اصلا انتي اللي بتقولي نصتبح على خناق وعماله تجري شكل معايا ،ميس بثبات:آسفه ياحضرت الضابط على اسلوبي ومن فضلك يافريد تعالى معايا ،فريد :مش من قلبك بس يلا.. انا برودا قلبي طيب ،ميس بهمس:طيب اه ماهو باين طيب ازاي، وطلعت من القصر وكانت هتركب في عربيتها فقال :لا هتركبي في عربيتي يلا،ميس :انسى اني اركب معاك فيها ،وانتهى المطاف بها تجلس بجانبه بجوار مقعد السائق وهو في مقعد السائق خاصته وانطلق بها إلى الجامعه، وصل فريد الي جامعه الحقوق ونزل من العربيه وفتح لها الباب وقال :لو حابه تفضلي كدا كتير مفيش مشكله عندي، نزلت بغضب وقالت بعصبيه:انت واحد مستفز اوي، فريد :مش اكتر منك علفكره، انفعلت ميس بغضب وقالت :كفايه تعصبني بقي ،فريد :انا جيت جمبك اصلا هو انتي عايزه تتخانقي وخلاص الله ،تركته ميس ودخلت الجامعه فشافته بيتمشى جارها وبيبص حوليه وبيقول ببرود:اممم مش بطال جامعه حلوه سيكا، بصتله فقال :اي فيها ماهو انا مش جاي من فرنسا يعني انا مصري أصيل، ميس بهمس :دا انت انسان مغرور ،فريد :وليا كاريزما وحلو وضابط ،ميس :افندم ؟،فريد:لا بكملك وصفي اصلك قولتي مغرور من شويه ،تنهدت بضيق منه ودخلت الي المدرج وقعدت بملل فقعد جارها ومال بضهره للخلف يستند على المقعد وقال :يااه مر زمن على دخولي مدرجات ،ميس:معلش ياجدو العمر بيعدي بسرعه ،مسكها من دراعها وقال بهدوء:بلاش تستفزيني انا ليا صبر ولصبري حدود لو نفد فقولي على نفسك يارحمن يارحيم اشطا يابا،وتركها مع تزامن دخول الطلاب ومن بعدهم المحاضر ووقف الجميع احتراما له والقوا عليه التحيه وجلسوا ،ميس بإستغراب :هو ازاي المحاضر مطردكش،فريد:يطرد مين.. خليكي في شرحه ربنا يهديكي ،المحاضر:انسه ميس مش عايز صوت ،ميس بحرج:سوري دكتور ،اومئ لها واكمل شرح وانتهى من شرحه ووقف وبدأ يسأل الطلبه وجى الدور عليها فوقفت وجاوبت بكل سلاسه ومهاره فإبتسم لها وقال :ودا اللي متوقعه من تلميذتي المتفوقه ،ابتسمت له وشكرته ورجعت جلست مكانها ،فريد بسخريه :ينفع طبال هيكسب حلو اوي ،ميس:بتقول ايه يا عم انت ،فريد :بقول انه عمال يطبلك ومحسسني اني قاعد جمب احمد زويل، ميس:اه قول كدا انك غيران مني ،فريد بإستنكار:اغير من مين ياماما اجري العبي بعيد.. اغير منك انتي ليه اجننت اغير من عيله هبله، ميس :متقولش هبله، فريد:وعيله عجباكي يعني ،رن هاتف ميس فردت عليه وبما ان المحاضر اصلا طلع من بدري، ميس:امم صباح الخير ،يوسف :صباح الفل فينك، ميس:في الجامعه ياجو انت فينك، يوسف بكسل:هكون فين يعني قاعد في السرير، ميس:لا فالح اوي، يوسف :مالو صوتك، ميس :لما اشوفك ابقى احكيلك اصل عندي ناس رخمه كدا، يوسف :مين الناس دي.. بقولك ماتيجي الليله عندي عامل حفله وكل صحابنا هيكونوا فيها،ميس بتفكير:بس داد هيرفض ،يوسف :لا فكري حلو وهتلاقي حل تفلسعي من ابوكي دا ،ميس :يوسف ،يوسف:سوري بس باباكي متحكم بيكي اوي ،ميس:بيخاف عليا ،يوسف :طيب خليكي تحت جناحه ونامي في الضلمه سلام ،وأنهى المكالمه ،حزنت ميس وتضايقت من حياتها اللي اجبرتها انها تكون كدا، فريد :حصل ايه، ميس :ملكش دعوه بيا وخليك في حالك اي دا،حور:ميس تعالي شويه عايزاكي ،فريد :هتاخديها على فين، حور بضيق :عايزاها في حاجة خاصه بينا يافريد، فريد:فريد حاف كدا ،توترت حور وقالت :ابيه فريد، لاحظ فريد كدمه على ذراع حور فقال بجحيم :مين اللي عمل كدا فيكي ،حور بتلعثم:مفيش اا انا وقعت الصبح، فريد :حور بلاش تلفي وتدوري عليا ،حور :ابيه فريد صدقني ،قاطعها وقال :مش بعيد كلامي مرتين انا، حور بدموع :في واحد دايما يضايقني ويحاول انه يتحرش بيا ولما حاول انه يمسك أيدي ضربته قلم فضربني وايده علمت على خدي ودراعي،وقف فريد بشر وقال بجحيم :تعالي عرفيني عليه ،وراحت وراهم ميس بفضول وصل فريد وحور عند مجموعه شباب بيتكلموا ويضحكوا، فريد:اي واحد فيهم، حور :هناك دا اللي لابس تيشيرت اسود في رمادي، مشى فريد بإتجاه ذالك الشاب وعلى حين غفله مسكه من تلابيب التيشيرت ولكمه بقوه في وشه وقال بحده بجحيميه:انت حكمت على نفسك بالموت لما مديت ايدك على فرد من عليه السيوفي.. لا ومين حور اختي، ارتعب الشاب بين يديه وقال بخوف :هي اللي غلطت وكانت بتلف عليا اختك الغلطانه، فريد:العبها على غيري ياروح امك.. انت مش عارف انت عملت ايه.. انك تمد ايدك على بنت ضعيفة تستعرض رجولتك دي متتسمش رجوله اساسا.. انا بقى هوريك الرجوله ياحيلتها ،وضربه بركبته في بطنه بقوه وكسر له يده وشوه له وجهه بالكامل وتركه بإشمئزاز وراح عند حور وضمها إليه وقال :مادام فيا الروح مش هسمح لحد انه يمس شعره منك بسوء ،ميس كانت مبلمه في فريد وقالت في خاطرها :ياماما دا شلوح الواد.. دا لو نفخ فيا هطير.. لا مش هتخافي منه انتي لازم تتخلصي من الحارس دا عشان تكوني حره في تحركاتك،
في الكافتيريا
ميس بذهول :يعني الحكايه بجد المجنون دا اخوكي، حور:ابيه فريد مفيش احن منه ،ميس :طب انا دلوقتي محتاجه اخلص منه، حور بخوف:هتعملي اي ،ميس :مقصدتش بمعنى الكلمه يعني قصدت اني عايزاه يمشي ويحل عني انا مش عايزه لا حارس ولا مدرس حتى، ومسكت كوب العصير وقالت بملل:انا تعبت ياحور بابا طول الوقت متحكم بيا،حور :ميس باباكي بيحبك وبيخاف عليكي ،ميس :انا مش ممانعه خوفه عليا بس انا مقيده كدا ومش بعرف اخرج ولا ادخل حتى، حور وهي بتلعب في كوبها قالت بشرود:المفروض تفرحي ان باباكي مهتم بيكي وبيخاف، ميس حست بحزنها فقالت بضحك:بقولك يارورو هو ازاي دا اخوكي انتي بسكوته رقيقه وحلوه وهو دراكولا بمعنى الكلمه ،ضحكت حور وقالت:يسمعك سي دراكولا ويشلوحك هههه دا فريد ناجح ووسيم وجنتل مان وحاجه كدا مفيش زيها، ميس:ومين يشهد للعروسه غير اوختها، حور :بالمناسبة هو ابيه راح فين، ميس:تلاقيه هنا ولا هناك اكيد بيلف وبياخد جوله ،فريد:خلصتوا ولا لسه، حور:ابيه كنت فين، فريد أداها كيس وقال :خدي دا ليكي، فتحته فابتسمت وقالت:شكرا، فريد :يلا على محاضرتكم انتي وهي ،ميس:ملكش دعوه بيا خليك في حالك، فريد بسخريه :ما انتي حالي ،وسابهم وطلع ،ميس بذهول :هو مين دا ،حور:ههه اخويا، انتهى اليوم وحان وقت انها ترجع البيت وفريد اخدها في عربيته بس المره دي كانت حور هي اللي جاره من قدام ،ميس:حور هتيجي معايا، حور بملل:لا للأسف انا مش بحب الحفلات دي وبالاخص سي فود بتاعك دا، ضحكت ميس وقالت :سي ايه هههه المهم انتي هتيجي اصل بابا هيرفض وهيتخانق ومش بعيد نكسر القصر فخليكي معايا ،انفجرت حور ضحك وقالت :اه مصدقه اللي هيحصل ههههه،ميس بسعاده :يعني اه ولا، حور:اعمل ايه قدري ولازم اقبل بيه هروح ،ميس :طب حيث كدا يلا سوق بسرعه يافريد، بصلها فريد برفع حاجب وقال :انا مش سواق الهانم وياريت الهانم تنقطنا بسكاتها لحد ما نوصل، ميس:نزلني هنا يامستفز،فريد:حور حبيبتي سكتي العيله دي اصل اعملها انا وارميها من العربيه، ميس :حد قالك توافق وتكون حارسي.. احنا فيها اهو انا بخليك من مسؤوليتي وتقدر ترجع من مطرح ماجيت ،بصلها فريد بغموض وقال :ياريت اقدر بس مش هعرف، ميس:وليه ان شاء الله ،فريد :مش فريد السيوفي اللي بيسيب شغله من غير ما ينهيه، ميس بهمس:مستفز وبارد و معرفش ايه تاني ،وصل فريد لقصر رائف العطار ونزل وراح فتح الباب لميس وبص على حور وقال:لحظه وراجع، ومشي مع ميس ودخل معاها البيت ،ميس:فين بابا يا داده، الداده عفاف:البيه في مكتبه، فريد:قوليله اني منتظره برا، طلع رائف وقال :تعالي يافريد عايزك، وراح معاه ،ميس:اومال ليه معايا مركب قرون الشيطان، فريد بهمس جار ودنها :عشان دا اللي تستاهليه ياميسي،وراح عند رائف، ميس بتوتر:هو دا حصل بجد، وركبت اوضتها وقعدت على السرير وهي بتفكر ازاي تخلي ابوها يوافق انها تروح الحفله لكن غلبها النعاس فنامت مكانها
في المساء
صحيت ميس على صوت تلفونها فمسكته وردت عليه وقالت بنوم :امم ،فريد بهدوء:معلش صحيتك من النوم، ميس بنوم:مين بيتكلم، فريد :نسيتي صوتي بسرعه كدا؟،نطت ميس من نومها لما عرفت صاحب الصوت وقالت بتوتر:فريد!.. جيبت رقمي ازاي ،فريد :عيب تسألي السؤال دا لظابط.. المهم قومي يلا عشان تجهزي وتروحي الحفله ،ميس:حفله ايه، فريد:مش كنتي عايزه تروحي الحفله انتي وحور ،ميس:اه بس انا لسه مقولتش لب،قاطعها فريد وقال :رائف بيه وافق يلا قومي اجهزي خمسه وهعدي اخدك ،نطت بحماس وقالت :في هوا هجهز شكراً يافريد.. بس بردوا هعمل اي حاجه عشان اخلص منك، فريد :وانا متحمس لدا، وأنهى المكالمه وراحت ميس تجهز بسرعه احسن فريد يغير رأيه وبعد ربع ساعة نزلت ميس وهي ترتدي فستان ابيض يصل إلى اقدامها ومن غير أكتاف وضيق من الخصر ومتسع الي أسفل ومزخرف بقطع الماس من الصدر ويلتف حزام اسود من الخصر وترتدي حذاء ابيض كرستالي ورفعت جزء من شعرها في تسريحه جميله وتركت خصل صغيره على جبهتها كانت جميله بحق رفع فريد نظره عليها فذهل من جمالها، حور :كل تأخير دا، ميس:سوري الاستشوار علق معايا ،فريد :يلا منك ليها، انتبهت ميس ليه فتنحت عليه (كان فريد مرتدي بدله لونها اسود وقميص ابيض وساعه ملتفه على معصمه لونها فضي ومسرح شعره بأناقه) ،حور بهمس :متنحه كدا ليه، ميس بشرود :هو اخوكي كان شغال قبل كدا زعيم مافيا ،فريد :لا ويلا وكملوا رغي في العربيه ،ميس بغيظ :نفسي يكمل حلو كدا لازم قلبة المستفز دي يعني ،وركبوا معاه في العربيه واتجهوا لفيلاه مرسي الشافعي والد يوسف ، ميس :ازاي بابا وافق، حور:انا حطيت ابيه في وش المدفع وهو اللي أقنعه وانكل وافق بما انه هيكون معانا في الحفله، ميس لفريد :في الحفله لا تعرفني ولا اعرفك تمام، فريد :ليه خايفه على حبيب القلب ولا ايه ،ميس:وانت مالك اصلا، ومسكت تلفونها واندمجت فيه وتجاهلت فريد ،وصلوا الفيلاه ونزل فريد وفتح لحور وراح وقف عند باب ميس وفتحه ومد يده وقال :يلا انزلي، فتجاهلت ايده ونزلت بس اتعرقلت في ذيل الفستان الطويل فلحقها فريد وقال :كان اي لازمتها نفخه الصدر دي ما هيبتك راحت ياحازم ،بعدت عنه وقالت بحده :إياك تلمسني تاني انت فاهم، فريد ببرود:الحق عليا خوفت توقعي وتنكسري.. تمام لو وقعتي مش هاجي جمبك سانتي واحد حتى، ودخل الفيلاه وكانت الانظار كلها مسلطه على ميس وحور من شده جمالهم اتجه يوسف ليها وكان هيحضنها فوقفه فريد وقال ببرود:بعيد يابابا هنا منطقه ألغام،يوسف بصلها برفع حاجب وقال :اي دا بقى، ميس:فريد دا يوسف سيبه، فريد :ودا غسول بشره ولا اسم بريسول نازل جديد.. يعني اعمله ايه مش فاهم، ميس راحت عند يوسف وقالت :سوري ياجو.. بس اي الشياكه دي كلها ،ضحك يوسف وقال :دا أقل حاجه عندي.. بس سيبك مني الليله طالعه قمر حبتين كدا اي السبب، ابتسمت بخجلوقالت :انا دايما قمر ودا اقل حاجه عندي، واخدها وراحوا قعدوا سوا ،حور بضيق :تشوفه وتنسى الدنيا كلها معاه، فريد بهدوء :خليه يفرحله شويه عشان ياخد باور بانك ويقدر يستحمل الاعاصير والبراكين اللي هرميه فيهم بعد الحفله، جات بنت وقربت منه وقالت بفرح:مش معقول فريد بنفسه هنا دا يوم السعد والهنا، فريد ببرود بصلها من فوق لتحت وبص على أخته وقال :تيجي نغير جو، حور هزت راسها واتحركوا لكن البنت مسكت ايده وقالت :علفكره انا بكلمك يا فريد، بص فريد على ايدها ببرود وبعدها عنه وقال :افندم؟عايزه مني ايه يا جوري، جوري:عايزاك انت ،فريد :فرق السماء عن الأرض كبير اوي زي الفرق بينا كدا.. انا السما وانتي الأرض ،وتركها وتبعته حور ،عند ميس ويوسف، يوسف :اه يعني هو حارس وبس، ميس:اه صح.. دا مطلع عيني وكأنه هو ولي أمري بيأمر وينهي زي ماهو عايز، يوسف بشر:ايه رأيك نلعب شويه معاه، ميس:هتعمل ايه.. يوسف كله الا الأذيه إياك تفكر او تحاول حتى تأذيه، يوسف :هي السناره غمزه ولا ايه، ميس:قصدك ايه، يوسف :يعني القلب مال لسي فريد دا ،ميس :مستحيل نكون انا وهو في جمله واحد.. ومتقلقش كدا انا مستحيل احبه هو من جهة وانا من جهة، يوسف :تعالي نرقص طيب ،ميس بضيق :لا مليش مزاج روح ارقص انت ،سابها يوسف وراح يرقص مع بنت تضايقت ميس منه ومسكت كوب به عصير احمر اللون وكانت هتشرب منه لكن فجأه سُحب منها فبصت لفريد وقالت بضيق:دا بتاعي هاته، فريد :مفيش شرب.. من امتى بتشربي اصلا ،ميس بتوتر:ملكش دعوه بيا، فريد بحده :ميس بتشربي من امتى ،ميس بحزن:ولا مره والله.. دي كانت هتكون الاولى، فريد :استني هنا واياكي اشوفك تشربي من الزفت دا، وراح مكان؛ ميس بضيق :هو شايف نفسه مين عشان يتأمر كدا ،فريد :عشان انتي مسؤليتي وتهميني، وعطاها كوب به عصير برتقال وقال :دا صحي أفضل من الخمره، ميس:شكرا،قعد جارها وقال :ليه مش بترقصي معاهم ،ميس بحزن :مليش نفس.. هي حور فين، فريد بضيق :هناك مع أصحابها، ميس:مش لازم تكون جاري تقدر تروح اي مكان ،بصلها وقال :ملكيش دعوه بيا وخليكي في حالك، ابتسمت وقالت :دي جملتي ،فريد :من كتر ما سمعتها النهارده حفظتها، ميس بضحك :حابه اعمل مصيبه، فريد بسخريه :اقعدي ربنا يهديكي قال مصيبه قال.. انتي لوحدك ياحبيبتي مصيبه، ميس بتفكير :انا هغني، فريد :بلاش، ميس:ليه ،فريد :اي ذنب كل دول يحجزوا عند دكتور أذن بسببك،ميس :فريد اسكت ممكن ،بصلها وقال :قولي من فضلك يافريد، ميس:من فضل، مكملتش بسبب بنت قربت عليهم وقالت لفريد:فريد ممكن ترقص معايا ،فريد ببرود:روحي العبي بعيد عني يا شاطره، جنى :فريد بطل برودك دا ويلا نرقص انت واحشني اوي، فريد :جنى حلي عني ممكن، جنى :فريد ان،قاطعتها ميس وقالت ببرود:علفكره هو قاعد معايا وغير كدا فريد هيرقص معايا انا طلبت منه الأول وهو وافق، جنى :اي دخلك بينا اصلا حلي عنا ياماما، ميس مسكت ايده وقالت :فريد يلا نرقص اصل الأكسجين هنا بيختفي ،قام معاها ووقفوا في المنتصف بين الثنائيات وحاوط خصرها وحط ايديها على اكتافه وقال بهمس :ممكن اعرف اي اللي حصل دا من شويه؟، ميس بتوتر وخجل:شوفتك مش عارف تخلص منها قولت اساعدك، فريد برفع حاجب:ومين قالك اني محتاج مساعده وغير كدا كنت هرقص معاها ،ميس بغيظ:طيب لي واقف هنا ماتروح لها، لفها بسرعه ومال عليها وقال في اذنها :تؤ انا مرتاح هنا، وعدلها ورجع لفها وبقى ظهرها مقابل صدره ،ميس بتوتر:فريد ابعد ،فريد:فريد بيرقص علفكره ،وتبادل الثنائيات وكانت ميس مع يوسف فقال لها :ها دلوقتي بقى جالك مزاج ،ميس بضيق:مش فاهمه تقصد اي،يوسف :شايف انك معجبه بالضابط دا.. ميس انتي بتاعتي انا واياكي تنسي نفسك وتفكري انك هتكوني لغيري فاهمه ،تبادل الثنائيات ورجعت ميس تكون مع فريد استغرب فريد سكوتها فقال :مالك، ميس ببرود :مليش خليك في حالك، وتركته قاطعه الرقصه وخرجت من الفيلاه الي الحديقه فتبعها فريد وقال بهدود :الجو حلو مش كدا بيدي راحه نفسيه
يتبع....