الفصل 13
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴3️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan (شرقية الهوى)
البارت 13
ببيت صافي
كان صافي راجع من برا
دخل عالصالون وصار ينده لفداء
صافي:فوفو وينك
يافوفو ،
صار يدور عليها بالبيت ماكان يلاقيها
صافي(مستغرب):وين رايحة هي،من الصبح،؟
بيدخل ع غرفة النو م وبيفتح الخزانة وبيطالع منها
ظرف بيفتح الظرف بيكون فيو اوراق
بيشيلهن وبيصفن فيهن وبيبتسم ابتسامة صفرة
صافي: صار وقت تصيرو الي كلكن ههههههه
بيرجع الاوراق عالظرف وبيسكرو وبيحطو مكانو وبيقعد وبيشغل،سيجارة
------------------------------
ببيت الدكتور
قاعدة عالبرندة المطلة ع جبال ووديان الضيعة والاشجار الخضرا
وعم تفكر بكل شي صار معها وكل شي وصلها لما هي عليه هلق والدمعة بعيونها
هناء(بقلبها): ياالله انا شوجابني لهون ليش هيك صار معي
كنت عايشة ببيت اهلي معززة مكرمة
وكلو بيقلي امرك ياخانم
وبابا كان حاطتني ع كفوف الراحة
اخر شي بعد مايموت اتبهدل واتقلع
اااه الله يرحمك يابابا
من جوا شافها عامر اطلع فيها وابتسم
وراح لعندها وضل واقف لفترة بس عم يتطلع فيها
ماحست بوجودو جمبها الا لما حكا
عامر: شوهناء بشو صافنة ليكون مالك مرتاحة عندنا؟!
التفتت لعندو بااستغراب
هناء: انت من ايمتا هون؟؟
عامر: مو من زمان كتير ، شبك ؟ مو عاجبك الوضع هون؟
هزتلو براسها(بالنفي)
هناء: لا مو هيك القصة بالعكس انتو مافي منكن
عامر: حبيتيهن لااخواتي
هناء: كتير الله يخليلك ياهن وتيم كمان كتير حبيتو بيذكرني باابن اختي مهند
قرب لعندها وقعد جمبها وهو عم يبتسم ونظراته الها غريبة
عامر: ونحن كمان حبيناكي قصدي جيهان وغادة وتيم
هناء: دكتور انت وينا مرتك يعني امو لتيم ؟
صفن وصار يحكي بصوت فيو حسرة
عامر: ماتت من اربع سنين من لما كان عمر تيم سنتين
هناء(بحزن): الله يرحمها وكيف ماتت
عامر بحزن : بحادث سيارة كانت عم تسوق بسرعة على طريق خطر نزلت سيارتها بالوادي وماتت
صفنت فيه وبملامحو يلي تحولت لحزينة اول ماجابتلو سيرة مرتو وسالته
هناء: كنت تحبها؟
حس بالغصة من سؤالها وجوابها وعيونو مدمعين
عامر: كتير هي كانت رفيقة روحي
هناء: ومافكرت تتزوج بعدها ؟
عامر: مالقيت البنت يلي بتستاهل تاخد مكانها
هناء: كل هالقد كنت تحبها ؟
عامر: واكتر كمان
هناء(بزعل): اسفة زكرتك فيها
عامر: ولايهمك ، بس انتي ماصار وقت تحكيلي قصتك ؟
هناء: شوبدك تسمع فيها بالظبط؟
عامر: كل شي
هناء: بس قصتي كتير طويلة
عامر : عادي معي وقت اسمعها
هناء: طيب
تنهدت ب وجع وبلشت تحكي قصتها وكل شي صار معها من لما اكتشفت خيانة اخواتها
لحتى تقلعت من البيت ،.
عامر(مصدوم): طيب ليش ماحكيتي لي ضليتي ساكتة !!!
هناء: خفت قلتلك انو هددوني وبمرة من المرات غلطت مرة وحكيت لااختي وقلتلك شو صار وقتها كنت بدي اخسر اخي
عامر: معقول في هيك اخوة بيدمرو اخواتهن كرمال المصاري ؟
هناء بحزن : موحارق قلبي غير ابي انا متأكدة انو عمي والدكتور هنن يلي قتلوه
عامر: الله يرحمو وياخدلك حقو
هناء(بحقد): مارح ارتاح لحتى انتقم منهن
عامر: طيب وهداك الشب ؟
هناء: قصدك ادهم؟
عامر: اي هاد شوقصتو يعني انتو عيلة معروفة ومن اكابر البلد شو يلي خلا اخوكي يلحق هيك عصابة
هناء: اخي ادهم نظلم يمكن متلي واكتر
دخل عالسجن بتهمة المخدرات
ونحبس 5 سنين ظلم واخر شي طلع عمي هو يلي مدبرلو التهمة ، لما طلع من السجن صار بابا يعاملو معاملة قاسية لانو كان مفكرو مذنب
وصارت العالم تطلع عليه وتتغامز ويقولو هاد ابن مجدي بيك يلي نحبس بتهمة المخدرات ضل عهالحالة لحتى بيوم من الايام فقدناه وماعاد عرفنا عنو شي ،
عامر: بس هالشي مابيبررلو انو يروح لعند هيك عالم ويصير مجرم عنجد
هناء: معك حق
عامر: طيب انتي هلق شو رح تعملي ؟
هناء: بشو
عامر: بعمك وبااخواتك
هناء: مابعرف بس اول شي لازم اعملو اني بعد اخي عن هدول العصابة لانو ازا ضل معهن رح يضيع
عامر: معك حق، صح هناء انتي شو بتدرسي؟
هناء: هه انا مخلصة طب وكنت عم ادرس اختصاص
عامر: كتير منيح معناها بتصيري بتدربي ع ايدي
هناء: بس انا ماني مطولة هون
عامر(مستغرب): لوين بدك تروحي؟
هناء: مابعرف بدبر حالي مابدي تقل عليكن اكتر
عامر: بس انا مارح خليكي تروحي لحتى تلاقي مكان امن تروحي عليه
غير هيك ماتحلمي تطلعي من هالبيت وهاد اخر كلام ،
هناء: طيب ليش ؟
عامر: من دون ليش ، وجهزي حالك من بكرا بتنزلي معي عالمشفى حرام تضيعي مستقبلك
هناء: بس
عامر(مقاطع): ولاكلمة عملي يلي عم قلك عليه
هناء(بنظرات امتنان): شكرا كتير دكتور ،شكرا على كل شي
عامر: ماتشكريني انا ماعم اعمل شي ، يلا انا طالع بشوفك المسا
هناء: الله معك دكتور
قام من محلو واطلع فيها نظرة اخيرة وابتسم
ولف ضهرو وطلع
بينما هي كانت عم تتطلع فيه وعم تفكر بينها وبين حالها: يالله هالزلمة قديش شهم وابن حلال،الله يخليه لااهلو يارب
--------------------------------
بالشركة
ماشي بممر الشركة شب اسمر وطويل وعيونو خضر عم يحكي عالتلفون وباايدو شنطة
وعم يتلفت حواليه
---: اي انا وصلت، اوك اوك رح اسأل على مكتبو واطلع لعندو دغري
بتمرق من جمبو ياسمين بيصفن فيها بااعجاب وبيهمس بينو وبين حالو
---:يارباه شوهالعيون الدباحة، اقسم بالله صابني فالج
بينما هي بتنتبه عليه وبتقرب لعندو مستغربة من نظراته الها
ياسمين; خير يااستاذ بدك شي ؟
--:(صافن فيها)القرب
ياسمين(بااستفهام):عفوا؟؟؟
بيفيق من صفنتو وبيظبط وقفتو وبيحكي بااتزان
---:اااا لو سمحتي،وين مكتب هشام بيك؟
بتضل عم تتطلع عليه بااستغراب من نظراته وبتبتسم بوجهو
ليزيدو نظراته اعجاب اكتر
ياسمين: بالطابق التاني اول مكتب ع ايدك اليمين
--:(بهمس)لككك وليييي على هالابتسامة لك هي ابتسامة الا بنادول
ياسمين:قلت شي؟!!!
---:لا لا سلامتك ،شكرا كتير
ياسمين: العفو اهلا وسهلا
---:يلا باي
ياسمين(بتعجب):باي
بتلف ضهرها وبتمشي بطريقها
وبيضل هو واقف وعم يتصفن فيا
ودايب
--:(بهمس)باي ياست الصبايا، لككك ريتني انعدم وانتي يلي ترفسي الكرسي من تحت رجليي
واول مابتصير بعيدة بيلف ضهرو وبيمشي بطريقو وهو عم يحكي مع حالو
--:حلووووة واللهي حلوة لك وحياة شواربي حلوة
----------------------
بمكتب هشام
قاعد وحاطت ايدو ع خدو وصافن
هشام(بقلبه):معقول تكون هناءسرقت الاوراق،طيب ليش لتسرقهن،وشو قصة العصابة يلي اتصلو فيني
معقول تكون عنجد مخطوفة! ولاهي خطة منها لحتى تاخد مصاري،هفففف اقسم بالله مابعرف شي،بحير
وبيقاطع افكارو صوت باب المكتب
بيظبط قعدتو وبتصير عيونو عالباب
هشام: ادخل
بتدخل السكرتيرة
السكرتيرة: هشام بيك، الاستاذ محمود وصل
هشام: خليه يتفضل
السكرتيرة: امرك
بتطلع السكرتيرة وبيدخل محمود لعند هشام
بيقرب منو وبيسلم عليه
محمود: كيفك هشام بيك
هشام:يااهلا وسهلا بالاستاذ محمود والله نورت الشركة
وبيحط ايدو باايدو وبيسلم عليه
محمود: اهلين فيك يابيك
هشام: اتفضل استريح
بيقعد وبيلف رجل ع رجل وبيشغل سيجارتو
محمود: اي يابيك، انا جاية لعندك كرمال المشروع، يلي اتفقتو عليه انت ونصري بيك
هشام: عندي علم،معك اضبارة المشروع؟
محمود: اي اكيد ليكا معي
هشام:عطيني اطلع عليها لو سمحت
بيحط شنطايتو قدامو وبيطالع منها اضبارة وبيناولها لهشام
بياخدها من ايدو وبيبلش يطلع عليها
وبعد صفنة وتقليب بالاضبارة
بيحطها من ايدو وبيوقع عليها
وبيناولو ياها
هشام: تفضل جاهزة تقريبا، بس ناقصها توقيع الانسة ياسمين، لانو هي يلي رح تشرف عالمشروع من ناحيتنا لهيك لازم تقعد معها وتنسقو سوا رح ابعت معك السكرتيرة توصلك لمكتبها
محمود: اوك تمام، شكرا كتير هشام بيك
هشام: العفو
وبيقوم بيوقف وبياخد الاضبارة وبيبتسم وبيمد ايدو لهشام
محمود:فرصة سعيدة بااننا رح نشتغل مع بعض، وبتمنا نحقق شي منيح
بيسلم عليه هشام وبيطلع فيه بثقة
هشام: مافي شك رح نحقق شي منيح،ورح نأبدع بااذن الله
محمود: ان شالله، يلا بالاذن
هشام: اذنك معك ،سلملي ع نصري بيك
محمود: بيوصل نشالله
هشام: مع السلامة استاذ
وبيلف ضهرو وبيطلع محمود من مكتب هشام
------------------------
عمري احترق مني انسرق صاير شبه ورقة
مشتاق ترجع لقلبي
تقعد بقلبي يلا تعا مش حلوة هالفرقة
تعبااان عايش لحالي ضايع لحالي مني العمر عم ينسرق سرقة
مشغلها بسيارتو وعم يسوق
والدنيا عم تمطر
وعيونو ماعم يوقفو دموع
بكل دقيقة عم تمر عليه عم يتذكرها ويحن لاايامو معها
بترجع فيه الذكريات لقبل سنتين
كانو سوا بالسيارة
وفجأة بتمطر الدنيا
بتكون هناء عم تطلع من الشباك ع منظر المطر
ومبسوطة كتير
بتلتفت لعندو
هناء:حبيبي الله يوفقك خلينا ننزل نمشي تحت المطر
اياد: بلا جنان وليه هلق بتمرضي
هناء:لامابمرض بالعكس هالمطرات دوا
اياد: اي لا ماحزرتي مافي
بتقرب منو وبتصير تدلع عليه
هناء: الله يوفقك حبيبي كرمالي خلينا ننزل
اياد: ولك قعدي عاقلة يابنت
هناء: بزعل منك ها عم قلك كرمالي شبك!
بيستسلم لرغبتها وبيوقف السيارة
اياد: امري لاالله تفضلي نزلي
بتنبسط كتير وبتقرب منو وبتبوسو
هناء:شكرا ياقلبي
اياد: لك الله يعيني ع جنانك
بتنزل قبلو من السيارة وبتروح بتفتحلو باب السيارة وبتمدلو ايدها
هناء:تفضل مسيو اياد
اياد(بضحك): ولك انتي ايمتا بدك تكبري ايمتا!!
هناء: تفضل ازا سمحت
بيعطيها ايدو وبينزلو
وبيصيرو يركدو تحت المطر الغزير
ويضحكو متل الاطفال
بتقعد هناء وبتتربع بنص الشارع وبيجي اياد وبيقعد جمبها وبيحط راسو ع كتفها
اياد: حتضلي مجنونة لتجننيني معك
هناء: معلش حبيبي جن معي احسن ماتكون عاقل مع وحدة غيري
اياد: هيك قولتك!
هناء:طبعا
بيرفع راسو وبيطلع فيها نظرات العاشق المتيم بمعشوقتو وبيحط ايدو ع وجها
اياد: ولك شو اعمل فيكي اناقد ماعم قلك بحبك،عم حس هالكلمة قليلة عليكي،كل كلام الحب ماعم يعبر عن مشاعر الي جواتي اتجاهك،لسا شو ناوية تعملي فيني انتي!! بدك تموتيني شهيد ب حبك؟ احكي اعترفي شو بدك
بتقرب منو وبتغمرو
هناء: بدي تكون الي وبس
اياد: انا الك وملكك انتي، ومستحيل اي حدا ياخد مكانتك بقلبي
هناء: حلفلي
اياد: وحياة عيونك الحلوين
بتبعد عنو وبتطلع فيه بدلع
هناء: طيب قوم نرقص
اياد(بصدمة): هون!!! بالشارع! ! وتحت المطر
هناء: اي وين الغريب
اياد: حبيبتي بكفي جنان مابكفي طاوعتك ونزلنا نمشي ،وقعدنا بنص الشارع ،لسا بدنا نرقص لك الي بيشوفنا شوبيقول عنا! !
هناء(بحب):بيقول عنا عشاق
اياد: حاج جنان هنوئتي،وقومي خلينا نروح
بتضم ايديها ببعض وبتقلب شفتها متل الولاد وبتهزلو بكتفها
هناء: مابدي
اياد:ولك خلص بقا قومي!
هناء:هئ،مابدي
اياد: مابدك!!!
هناء:مابدي
اياد:متأكدة!!!
بتهزلو براسها(باايجاب)
اياد(بيقوم من محلو ): اي شو عليه
وبيقرب منها وبيحملها غصب عنها وبياخدها عالسيارة
وهي عم تعاندو وترفض انها تروح...
بيفيق من ذكرياتو وبيتنهد بحرقة
اياد(بقلبه):ااااه وين رحتي وتركتيني،ياهناء
وين صرتي ياحبيبة قلبي،ااخ لوتعرفي قديش شتقتلك واشتقت لكل ذكرياتنا سوا،يلعن ابو هالزمن ازا بيهني حدا بشي،ياريت لو ترجعيلي،بس لحظة وحدة وبعدها موت يالله شو حاسس حالي وحيد من دونك يامدللة قلبي ياريت لوفيني رجعك ياريت ياهناء ياريت ...
------------------------
بمكتب ياسمين
بيندق باب المكتب بينما هي عم تشتغل عالابتوب
ياسمين: تفضل
بيدخل لعندها
بترفع راسها وبتطلع فيه وبتتفاجئ
وهو بيجمد باارضو
محمود(بهمس): ياالهي هي نفسها ام عيون دباحة يلي شفتها من شوي، ولييي على بعضي،ازا هي رح تستلم المشروع معي يامحمد 😍
ياسمين: هاد انت؟ بتريد شي
بيقرب منها وهو متلبك
وهي بتقوم بتوقف
محمود: بعتني لعندك هشام بيك مشان نتفق ع المشروع
ياسمين(بفرح): اه انت الاستاذ محمود ؟،
محمود(باابتسامة): نعم انا محمود
وبيمدلا ايدو وبيسلم عليها
ياسمين:تشرفت فيك استاذ،وانا ياسمين العباس
وبتحط ايدها باايدو
وبيصفنو لثواني بعيون بعض
بتحس ع حالها ياسمين
وبتشيل ايدها من ايدو
ياسمين(بااحراج): تفضل قعود
بيقعد وبيضل عم يتطلع فيها
محمود:شكرا
ياسمين: شو بتحب تشرب؟!!
محمود: قهوة سادة
ياسمين: اي على عيني
بترفع سماعة التلفون وبتحكي
ياسمين: جيبولنا تنين قهوة سادة
بتسكر السماعة وبتشبك ايديها ببعض وبتتطلع فيه
ياسمين: منحكي بالشغل؟
محمود(وهو صافن فيها): منحكي بشو مابدك
ياسمين: عفوااا!!!
بيصحى عحالو وبيدير وجهو وبيكز ع سنانو
محمود(بقلبه): لك يبلاني بقص لساني
بيرجع بيطلع فيها وهو عم يتنحنح وبيحاول يصلح الوضع
محمود:قصدي خلينا نحكي بالشغل
ياسمين(مستغربة منو): اوك
وبيبلشو يحكو بخصوص الشغل
ويتفقو، ،،
-----------------------
بالليل
ببيت صافي
كانت فداء عم تحضر سفرة العشا الها ولزوجها
بتخلص تجهيز السفرة وبتروح عالصالون
بيكون صافي قاعد عالكنبا وباايدو موبايلو عم يتفرج ع شغلة
بتقرب منو وبتوقف وراه وبتحط ايديها عكتفو
فداء:حبيبي العشا جاهز
بيضل صافي صافن بالموبايل
بتطلع هي ع شاشة الموبايل
وبتشهق لما بتشوف الشي يلي عم يشوفو صافي
فداء(بصدمة): شوهاااد صافي!!!
بيقوم من محلو وبيمشي لعندها وبيوقف قدامها وعيونو مليانين خبث ولئم
صافي: متل ماشفتي يابيبي
فداء(بتحط ايدها ع تمها وبتبحلق فيه): صافي،شبك !جنيت انت؟ ليش مصورني وانا بغرفة النوم، !وبعدين ايمتا هدول الفيديوهاات مسجلهن!!
صافي: هلق شو بدك ايمتا، المهم اني صورتهن
فداء: طيب ليش شو السبب!!!
بيقرب منها وبيلزق ب،دانها وبيهمس
صافي: لانو هدول الفيديوهات ياقلبي حقهن دهب
بيبعد عنها وبيبتسم ابتسامة صفرةوهي بتطلع فيه بعدم استيعاب ومابعود يطلع معها الحكي
فداء: م م ماعم افهم عليك! !!!!
صافي: اي بسيطة يافوفيتي، رح فهمك
بيسحبها من ايدها وبيقعدها قدامو
وبيطالع من جيبتو اوراق وبيرميهم قدامها،،،،
----------------------------
ببيت مجدي بيك
قاعدة بتختها وباايدها موبايلا
وعم تتفرج ع صورها هي ومجدي الصغير وهشام وعم تبكي
اجا هشام من برا وشافها بحالتها يلي هي عليها
قرب لعندها وقعد جمبها وحضنها وصار يمسح دموعها
هشام:سوسو حبيبتي ماخلصنا!! بدك تضلي تبكي؟
سارة: اااه مو باايدي ياهشام،ماعم اقدر انسا الي صار
هشام:ياعمري هيك مابصير،ح تموتي حالك من البكي،بكفي بقا ياقلبي انتي،
سارة: شتقتلو ياهشام. اشتقت لصوتو بالبيت شتقت لضمو، لك اااخ اخ ليش هيك الدنيا ليش
هشام: خلص بقا ياروحي خلص،هيك الله راد،الله عطا والله اخد ولااعتراض ع حكمو، وبكرا بيعوضنا نشالله بدال الولد عشرة،
بيرفعلا وجها باايدو وبيثبت عيونها بعيونو
هشام: بدي ياكي هلق تهدي اعصابك وتسلمي امرك لاالله، وترجعي لحياتك الطبيعية، ماشي ياعمري؟
بتهزلو براسها وهي عم تشهق من البكي
بيضمها لصدرو وبيصير يمسح ع شعرها
هشام: لابقا تبكي ياعمري مابحب شوف دموعك
سارة:....
هشام:شو رايك بكرا تنزلي عالشركة؟
سارة: ماني قدرانة
هشام: ليش ياروحي،والله انا مشانك بتغيري جو احسن ماتضلي حابسة حالك بهالغرفة
سارة: مابعرف
هشام: خلص مابدي مابعرف،من بكرا الصبح بدي نزلك معي صار لازم ترجعي لشغلك،بتعرفيني مابقدر بلاكي ،اتفقنا ياعمري؟
سارة:...
هشام: حبيبتي وافقي،والله بتغيري جو مابدي تضلي حابسة حالك
سارة(بااستسلام): متل مابدك
هشام: لك دخيلو المطيع انا،
بيرفعلا راسها وبيبوس جبينها وبيطلع بعيونها
هشام: بحبك
-------------------------
عودة عند فداء وصافي
فداء(بصدمة: شووووو؟ انت من كل عقلك صافي!!! بدك ياني اتنازلك عن ورتة امي!
صافي(ببرود): ازا بدك هالفيديوهات ماينتشرو ع مواقع الانترنت
بيكونو الاوراق لسا باايدها بترميهم من ايدها وبتقوم بتقرب منو ببطئ وهي عم تتطلع فيه بصدمة وعدم تصديق انو هاد نفسو صافي زوجها
بتقعد ع ركبتها قدامو
فداء: صافي انت من كل عقلك عم تحكي"!!!
صافي:اي من كل عقلي، لكن من نصو!!
بتصفن وبتحط ايديها ع راسها وبتصير تضرب
فداء: لا لا انا ماعم صدق، اكيد انت عم تمزح
وبترجع بتطلع فيه نظرات توسل
وبتحط ايديها ع ركبتو
فداء: الله يوفقك صافي، قلي انك عم تمزح
صافي(بنرفزة): هي هي علينا اختي ماعم امزح، ماعم امزح، انا بدي تتنازليلي عن حقك من ورتة امك مقابل اني ماانشر هالفيديوهات
فداء:لكككك ليييش ليييش بس فهمني ليش
صافي(ببرود اكتر): مدري هيك حابب
فداء: واذا ماتنازلت!!!
صافي:بسيطة،هدول،الفيديوهات خلال ساعة
وبيطلع فيها ب شر وبيكمل كلامو: بيصيرو ع كلل مواقع الانترنت، هدوك يلي،ببالي بالك
ولاتفكري تتشاطري. وتلعبي بديلك،لانو هدول الفيديوهات موبس معي
موجودين مع حدا تاني،واول مايصير عليي شي، رح ينتشرو، بقا يلا ياشاطرة، جيبي قلم وحبر ووقعي وبصمي عااوراق التنازل
بتصفن شوي لتتخيل كمية الحقارة الي هو فيها وبتطلع فيه بنظرات صدمة وبتنهار اعصابها
وبتبلش تبكي وتصرخ
فداء: لكككك انت شوووو!!! شوووو
مافيك دم!! مافيك ناموس!! لك لعما انا ماعم صدق"!انت يطلع منك هيك!! انت ياصافي!! لا لا انا مابعرفك مابعرفك ابدا
صافي(بسخرية):ههه اي انا ليش مستغربة"!
فداء(تبكي): مستغربة"! مستغربة لاني كنت مفكرتك ملاك،لك طلعت حقير ووواطي وحشرة، لكك انا انا قرفانة منك وقرفانة من حالي،طلعت اخدني على طمع ياحقير!!! هههه لا وانا الي مأمنتلك بكل،شي
صافي(بملل): لك خلصينا بقا ديقتي خلقي بدك توقعي ولا لا!!!
فداء: ولكك فشرت فشرررت ياحشرة ياحقييير
صافي: اوك، فشرت فشرت مو مشكلة متل مابدك ياكبدي
وبيقرب منها وبيطلع فيها بنظرات خباثة
وبيصير يلمس وجها
صافي: هلق انتي معصبة وماعم تعرفي تحددي شو بدك،لهيك رح اتركك تفكري شوي
وبيقوم من محلو وبيمشي بتلحقو وبتوقفو
فداء(بصراخ): ولك لوووين رايح
بيطلع فيها. ببرود وبيدفشها عنو
وبيوقعها بالارض
بيروح عالطربيزة بيشيل موبايلها
وبيطلع من البيت
وبيقفل الباب عليها
بينما فداء مرمية بالارض وعم تحاول تستوعب يلي عم يصير،
بتقوم من محلها وبتصير تدق الباب وتصرخ
فداء: لكككك ليش قفلت الباب ليش، فتاح الباب صافي فتاح
صافي(من برا): خرسي ونضبي، وفكري منيح ب يلي قلتلك عليه، ولاتتعذبي تدوري ع مفاتيحك ،لانو المفاتيح معي،ومافي طلعة من البيت، لحتى تعملي الي عم قلك عليه،سلام يااااا فوفوو 🤣😈
وبيتركها عم تدوب من القهر وبيمشي
وهي جوا واقفة قدام الباب بتسحل عالارض وبتصير تصرخ
فداء: واااطي واااطي حقيييير، الله لايوفقك ،،،،
-------------------------
ببيت عماد
كان قاعد بغرفة لحالو
وماسك باايدو اوراق
عم يتصفن فيهم ويضحك ب شر
عماد:ههههههههه واخيرا صار كل شي الي
ياااالطيف قديش رح يتفاجئو اول مايعرفو انو كل شي صار بااسمي، ههه جهزو حالكن للمفاجئات ياولاد اخي
بيضب الاوراق بظرف وبيحطهن قدامو وبيرجع بيضحك من اول وجديد
عماد: ههههههه لا والي بضحك اكتر ههههه انو البنات مفكريني رح انو البنات بدهن يتخلصو من هشام مشان مايورت
ههههههه اه يابطني ،لك ليش ضل شي يورتو 🤣 دخيل الله رح موت من الضحك
وفجأ بيندق باب الغرفة
بيتلبك وبيظبط قعدتو وبيخفي الظرف
بتول (من برا): العشا جاهز مابدك تتعشا؟
عماد: جاية
بتروح بتول وبيقوم هو بيحط الظرف بالدرج وبيطلع
عماد(بقلبه):ان شالله ماتكون سمعتني عم احكي مع حالي، ولييي
بيروح بيقعد عالسفرة بتكون قاعدة بتول وجمبها طيف
بيقرب منو وبيحط ايدو ع راسها
عماد: لك كيفو شيخ الشباب طيف
طيف:منيح بابا
عماد: ان شالله ماعم تعذب المااما
وبيطلع ببتول
بتول: لا طيف حبيبي مافي منو،
وبتطلع بطيف:مابيعذبني مو هيك ماما؟
بيهزلا براسو باايجاب
وبيقرب عماد من طيف وبيبوسو
عماد:ولك يقبرني الي خلقك اي؟
طيف(عم يضحك):ههه اي
عماد: ههههه اه ياازعر اه
وبيقعد مكانو وبيحاول يفتح مواضيع ليتحركش ببتول
عماد: ليا وينا؟
بتول:،نيمتا من شوي
عماد: وانتي شبك حاسك مو ع بعضك
بتول(بتحاول تبين طبيعي): لاولاشي بس تعبانة شوي
عماد(بشك) :سلامتك
بتول: الله يسلمك
عماد(بقلبه): وليي هي لتكون عنجد سمعتني ،الله يستر
-------------------------------
بعد ساعات
منرجع لعند صافي وفداء
راجع بوقت متأخر من الليل وسكران وعم يتمايل يمين وشمال وعم يغني
صافي:وتجيييي،تجي،نتجوز بالسر، تيجي ناخد بيت بعييييد
بيدخل ع غرفة النوم بتكون فداء،لسا سهرانة
وقاعدة عم تبكي
بيقرب منها وبيقعد قدامها
صافي:شوو بشوفك لسا سهرانة وليه
فداء(بتطلع فيه بحقد وقرف):....
صافي:فكرتي ب يلي حكيتو
فداء(بصراخ):مافكرت ولا رح فكرر
صافي: شويعني، بدك تكسري كلمتي وليه صرماية!!
فداء: ليش مين صرت انت لحتى مااكسر كلمتك،لك فشرت بنص عينك ،اعطيك شي
بينزل راسو بالارض بهدووء
وبيتمتم بصوت واطي
صافي:طيب
وفجأة بيهجم عليها
متل الوحش
وبينزل فيها ضرب
وهي بين ايديه عم تصرخ
فداء: تركنييي ياحقير ياوسخ ياابن الحرام ااااه لك تركني
صافي:بدك تكسري كلمتي موو والله لموتك يابنت العباس
وهو مستمر بالضرب وهي عم تقاومو
وبيضل ع حالو، لحتى،يورمها من الضرب بيشدها من ايديها وبيرميها بالارض
وهي منهارا بالبكي
صافي(بشراسة):سمعينييي ولييه ،الي بدي،ياه رح يصير،ان قلتي اي وان قلتي لا، يااما والله العظيم،،بخليكي حديث السوشال ميديا،يابنتو لمجدي،بيك،،يلعنك كلبة، تفييي
وبيرفسها برجلو ع خاصرتها
بتحس خاصرتها طلعت محلها من الالم
فداء: ااااه
بيطلع من الغرفة وبيقفل عليها من الباب
بينما هي مرمية بالارض وعم تتلوى من الالم
-----------------------------------
ببيت عماد
الكل نايم وبتول سهرانة وصافنة
عم تتزكر لما راحت تنده لعماد عالعشا
بتول بقلبها: ياترا عن شو كان عم يحكي عماد مع حالو! ،املاك ومااملاك، شو القصة ياترا
الله يستر مايكون خابصلو شي خبصة،
بس انا لازم اعرف شو القصة،اي لازم
----------------------------
باليوم التاني
ببيت عامر
قاعدة هناء وجمبها تيم (ابن عامر)وعم يحكو ومدموجين بالحديث
تيم:خالتو هناء
هناء(بحب):عيونا
تيم:انتي ماعندك ولاد؟
هناء:ههه لاحبيبي،انا لسا ماتزوجت
تيم: ليش طيب ،انتي كتير حلوة
بتصفن وببتزكر اياد
وبتحكي،بصوت فيو شي من الغصة
هناء(بشرود): نصيب ياخالتو
تيم: خالتو هناء
بتلتفت لعندو
هناء:شو ياروحي
تيم: انتي كتير حبابة
هناء(بتبتسم بوجهو):عنجد
تيم:اي وانا كتير حبيتك
بتاخدو لحضنها وبتضمو
وللحظة بتتزكر مهند،ابن ياسمين،
هناء:ولك تقبر قلبي ان شالله مااحلاك، عم تضل تزكرني،بهنودة
تيم:خالتو مين هاد
بتبعدو عنها وبتصير تطلع فيه بحنية
هناء:حبيبي هاد ابن اختي،اسمو مهند،عمرو من عمرك تقريبا،وكمان حلو متلك
تيم:طيب وينو هلق ليش مابتعرفيني عليه ومنصير رفقة
بتغص وبتتنهد بحرقة قلب
هناء: ااااه،الله كريم ياخالتو
بينما هنن عم يحكو
بيكون عامر واقف بعيد وعم يراقبهم
بتجي غادة وبتوقف جمبو وبتطلع عليهن
غادة:ليك،الازعر كيف مدموج معها
عامر(بيتأملهن بحب):شكلو حبها كتير
بتطلع فيه غادة بنظرات خبث وبتقرب منو وبتهمس بدانو وهي عم تضحك
غادة: انا شايفة مو بس تيم يلي حبها،لهناء،انا شايفة في حدا تاني كمان
بيتطلع فيها بطرف عينو
عامر(بمزح):اي نضبي، بلا قص لسانك
غادة: بالله بدك تقص لساني!، !!ليش شوحكيت حبيبي،،عااساس ما باين عليك انك معجب فيها ابدا
بيتلبك وبيفوت ببعضه وبصير بدو يتهرب
عامر:شو صار بالفطور!
غادة(بضحك):شو صار بالفطور ما!! غير الموضوع لقلك
عامر: ماعم غير شي، بس انا جوعان وبدي افطر
غادة;اي،لكن ياعمي حقك تجوع،الحب اصلا بيجوع
عامر:ولك خرسي بقا وليه، يخرب،بيتك فضحتينا ومافي شي
بتطلع فيه بنظرات مستفزة وبتقر منو وبتحكي،بصوت واطي
غادة: اي اي،مافي شي،صح 🤣واضح
بيمسكها من شعرها وبيسحبها عالممر
وهي،عم تضحك
عامر:بدك تضلي هبلة طول عمرك انتي! ايمتا بدك تعقلي وليه
غادة: هههه بس تعقل انت وتعترف انو هناء عاجبتك، وحاببها،
عامر(بقلق):لك ولييه وطي صوتك لاتسمعك
غادة:اي وتسمع،شوفيها يعني
عامر:لك الله ياخدك شو زنخة،نقلعي ساعدي اختك وجهزو الفطور، بدي روح ع شغلي خلصيني
غادة: اي امرك 😉 اخي امرك من عيوني
مشيت وهي عم تطلع فيه وعم تستفزو وتأشرلو بعيونا
غادة: رجاع لمكانك،وخليك عم تتأمل
عامر(بنرفزة):ولك انقلعي بقا وليه
غادة: اي امرك امرك عمورتي
وبتروح وبتتركو هو واقف مكانو
عامر: مجنونة رسمي هالبنت
بيرجع لمكانو محل ماقاعدين هناء،وتيم. بيتأملهن
وبيروح لعندهن بيقطع حديثهن
عامر: صباح الخير
بيلتفتو لعندو تنيناتهن
هناء:صباح الخيرات
بيركد لعندو تيم وبيفتح ايديه
تيم:صباحو بابا
بيحملو وبيضمو
عامر: يخليلي صباحك حبيبي
وبينزلو وبيقعد جمب هناء
وبيأشر ع تيم
عامر:عم يتغالظ،عليكي، هالازعر!
هناء:هههه لابالعكس
تيم: لا بابا ماعذبتها،
عامر(بمزح):لاتكذب ولاه سمعتك عم تتغالظ،عليها بااسألتك الي مابتخلص
تيم(ببراءة): اي كنت عم سليها مشان ماتمل
هناء:،ههههه تقبر قلبي، تعا لعندي تعا
بتفتحلو ايديها وبيركض لعندها بيقعد،بحضنها
عامر ل هناء: بتعرفي انك محظوظة كتير
هناء(مستغربة):اف ليش،بقا
عامر(بضحك):لانو الباشا تيم، مالو بالعادة يحب حدا ،او يلفي على حدا،بس،انتي مابعرف كيف حبك
تيم: اي لانو خالتو هناء حلوة وحبابة
هناء: ياعمري انت ،لك انت الحلو وانت القمر
وبيقرب تيم منها وبيبوسها
تيم: ايلافيوو
هناء:ههههه وانكليزي كمان
عامر(متفاجئ من تيم): لااا الوضع صار خطير،شكلي رح بلش غار منك ياهناء
هناء: هههههه
---------------------
بالشركة
واقف ع شباك مكتبو وعم يحكي تلفون
هشام:اي حبيبتي، ،ليش لهلق ماجيتي، حبيبتي مواتفقنا ترجعي عالشغل مشان تغيري جو؟
طيب حبيبتي طيب متل مابدك، بكرا بكرا،المهم تكوني مرتاحة، باي ياقلبي،انتبهي ع حالك،بحبك كتير انا
وفجأة: وانا بحبك كتير ياعمري
بيلتفت لوراه وبينصدم اول مايشوف الشخص يلي واقف عالباب
هشام(بصدمة): انتي؟!!!
مين هي ياترا!!!!
--------------------------
بمكان تاني
واقفة ع طابق من بناء عم يتعمر جديد وضهرها للشارع ووراها وباايدها دفتر وقلم
وعم تسجل ملاحظاتها عليه
فجأة بتحس بدوخة قوية
بتحط ايدها ع راسها
بتخونها قواها وبتجي لتقع عالشارع
وفجأة في ايد بتمسكها وبتشدها
لعندها
محمود: الله يحميكي، شوصرلك! !
بيصفنو ببعض لثواني وبينسو حالهن
بتنتبه ياسمين ع حالها وبتبعد عنو
ياسمين: اه مابعرف دخت شوي مالقيت حالي غير وقعت،
محمود: لحمدلله ع سلامتك، كنتي رح توقعي
ياسمين: الله يسلمك،وشكرا الك
محمود: لا ولو العفو، كيف حاسة حالك هلق!
ياسمين: الحمدلله احسن
محمود: ازا تعبانة روحي رتاحي،بكرا منكمل
ياسمين:لا لا انا منيحة
محمود:طيب شو رايك نشرب قهوة بلكي بتصحصي
ياسمين:اوك موافقة
محمود: يلا تعالي
بيروحو بيقعدو بمكان
وبيجيب قهوة وبيجي بيقعد جمبها
محمود: تفضلي
ياسمين: يسلمون
محمود: هي اول مرة بصير معك هيك!
ياسمين: لا مو اول مرة،انا معي هبوط بالضغط وباخد دوا بس اليوم مااخدتو
محمود: يلا منيح الي نقضت ع خير
ياسمين: الحمدلله
محمود:بس لازم تنتبهي عحالك وتداومي عالدوا، مشان مايتكرر الي صار، يعني لولا ستر الله كنتي رحتي فيها
بتطلع فيه وبتستغرب من اهتمامو الزايد
وبتحس انو حدا عم يهتم فيهاشي غريب بالنسبة الها
بيقاطع افكارها صوتو
محمود: وعديني انك تاخدي الدوا كل يوم
بتطلع فيه وبتضل ساكتة
محمود: وعديني! !
ياسمين: خلص وعد،ان شالله رح داوم عليه
بيتطلع فيها وبيبتسم وهي بتكون عم تطلع حواليها عالبناء وشو ناقصو
بيضل صافن فيها بااعجاب
وبيصير يحكي مع حالو
محمود(بهمس): ياالله، شوعم يصير معي انا، ماعم اقدر شيل عيوني عنها،اي بس والله معي حق عيونا دباحة،اقسم بالله دباحة اكتر من سكينة اللحام،سكينة اللحام!!!،شو هالتشبيه ،يبعتلي حمى، شو صابني جنيت انا!،اي والله حقي،اي وحياة شواربي بتشل، ااااخ لما عم شوفها عم حس صابني شلل اطفال
بتلتفت لعندو وبتلاقيه صافن وعم يحكي مع حالو بتستغرب وبتمسك ضحكتها بصعوبة
ياسمين:استاذ محمود
محمود(صافن وعم يحكي مع حالو): ياااااه مااحلا صوتها
ياسمين(وهي عم تحاول تسمع شوعم يحكي):استاذ محموود
بيصحى من صفنتو
محمود: نعم!
ياسمين:هههه لك شبك وين شارد وعم تحكي مع حالك!!
محمود(بااحراج): احم ،كنت عم قول كم طابق رح يصير هالبناء
ياسمين: هههه هلق هيك كنت عم تحكي!!!؟
محمود(بيبتسم): اي
ياسمين: طيب ،هاد البناء رح يتعمر 20 طابق
محمود: اي حلو كتير تمام
وبيبلع ريقو وبيحكي بقلبه:وليي بس ماتكون سمعتني وعم تقفل عليي،الله لايعطيني العافية،،ايمتا بدي،بطل احكي مع حالي انا، يبعتلك،حمى يامحمود،دوم مبهدل،حالك
----------------------------------
عودة عند هشام
كان لسا واقف محلو وعم يتطلع عالشخص يلي ع باب المكتب
بتقرب هي لعندو وبتوقف قدامو
هيما: مابدك تقلي تفضلي!؟
هشام(متفاجئ):انتييي شوجابك!؟
بتقرب من خدو وبتبوسو
وبتطلع بعيونو
هيما:قلبي،قلبي هو يلي جابني
هشام(بمسخرة): هه تأخرتي كتير
بتهزلو براسها بالنفي
هيما:تسئ تسئ تسئ وحياة هالعيون الحلوين وهالشبوبية القتالة،جيت بوقتي
هشام:شوبدك
هيما: طيب اول شي قلي تفضلي
طلبلي قهوة، ولا بدك تخليني واقفة يعني!
اشرلا باايدو عالكرسي واطلع فيها باانزعاج
هشام:تفضلي قعدي
بتروح بتقعد عالكرسي وبيلحقها هشام بيرفع سماعة التلفون
وبيحكي
هشام:جيبولنا تنين قهوة
وبيقعد ع كرسيته
هشام: اي ياست هيما، هاتي لشوف، شو ذكرك فيني بعد هالسنين!!
بتشغل سيجارتها وبتلف رجل ع رجل
بتسحب سحبة من السيجارة وبتنفخا بوجهو
هيما: حنيييت
هشام(بااستهزاء):اها حنيتي لكن
بتغمزو وبتهز براسها (باايجاب)
هشام:والله بدي اعتزر منك ياخانم،لانو اولا،انا مابشرفني كون مع حدا باعني، تانيا لاني تزوجت وبحب مرتي وعندي ياها بالكون كلو
هيما(بمياعة): هئ بزعل منك قلبوشي
قد ماكنت بتحب مرتك، مارح تحبها متل اول حب بحياتك،يلي هي،انا
وبتأشر عحالها
هشام: غلطانة كتير ياست هيما،انا بحب مرتي بجنون، ومابحنلك ولا شوي، انتي صرتي ماضي
بتقوم من محلها وبتروح لورا كرسيته وبتحاوط رقبتو باايديها وبتحط راسها ع كتفه
وهو بيتدايق من تصرفها
هيما: من قلبك هالحكي يابيبي
هشام(بعصبية); رجعي لمحلك هيما
هيما:هئ مابدي
هشام: هيمااا عم قلك رجعي لمحلك
هيما: وانا عم قلك مابدي،شتقتلك يابيبي شتقتلك كتيير
بيبعد ايديها عن رقبتو وبيقوم من مكانو وهو معصب بيشحطها من ايدها وبيوقفها قدامو
هشام: لككك انتي مابتفهمي!! عم قلك انا تزوجت وبحب مرتي كتير، بعدين هلق حنيتي! وقت عرفتيني استقريت وشلتك من بالي! وين كنتي لما تركتيني ب ليلة مافيها ضو قمر بدون مااعرف السبب،وين كنتي لما ضلييت شهور عم اكل حالي من القهر اه؟ هلق جيتي! متوقعة مني اخدك بالاحضان بعد الي عملتيه!! ،لك هيما انا نسيتك من زمان ومن زماان كتير، وماعاد تعنيلي شي ابدا ولاتهزي،فيني شعرة، لهييك حملي حالك ورجعي من محل ماجيتي،لاني مستحيل ارجعلك او كون معك، ومو بس مستحيل من سابع المستحيلات كمان
بتقرب منو وبتصير تتصنع المحبة وبتحط ايديها ع صدرو
هيما:مابصدق ياروحي مابصدق اني مابعنيلك شي
بيشيل ايديها عنو
وبيطلع فيها بنظرات مليانة غضب
هشام: ولكك استحي ع حالك بقا، عم قلك انا زلمة متزوج،طلعي من حياتي،تركيني بحالي، روحي من وجهي
بتنزل راسها بالارض وبتصير نظراتها غريبة نوعا ما
بترفع راسها وبتطلع فيه بااستفزاز
هيما: انت هلق معصب رح اتركك تهدي اعصابك وتروق ورح روح بس وحياتك رح ارجع ياكبدي انت
وبتقرب منو وبتصير نظراتها مثيرة
بتهمس باادنو
هيما:باي ياعمري بحبك
بتتركه عم ياكل حالو ع قد مو متدايق منها وبتطلع
وبتسكر الباب
بتطلع من مكتب السكرتيرة
وبتكون ماشية بممر الشركة
بتحمل تلفونها وبتتصل
هيما: الو كيفك حبيبتي، بلشت ب يلي اتفقنا عليه
وان شالله عن قريب بصير الي بدك ياه، تمام، ماتنسي اتفاقنا اوكي؟ يلا باي...
---------------------------------
يتبع.....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`