الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴2️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan (شرقية الهوى)
البارت 12
ببيت ماجدة
حضرت ماجدة لفطور لزوجها وراحت تندهلو
ليفطرو سوا
دخلت عالغرفة
لقتو قاعد وحزين ومحطم
وبماانو كانت بتعرف شو سبب احباطو
فقررت تستفزو اكتر
قعدت قدامو وصارت تتطلع فيه
ماجدة: مابدك تفطر؟؟
اياد: ....
ماجدة: ليش ماعم ترد ؟؟
اياد: .......
ماجدة: الفطور صار جاهز
اياد: كلي لحالك مابدي افطر انا
ماجدة: لييش؟؟؟ زعلان على حبيبة القلب ليكون؟؟
زعلان عالمجرمة
اياد(ببرود):هناااء مانها مجرمة
ماجدة: لامبلا مجرمة قتلت طفل صغيررر من حقدها وغيرتها يالطيف كيف اجا من قلبا
وبيطلع فيها
اياد: لوهناء حقودة وغيورة ، كانت قتلت ابننا نحن اوقتلتني او قتلتك ماكانت قتلت ابن اخوها يلي مالو ذنب بشي ،،
ماجدة: اه والله ليش ابنا شو ذنبو؟؟
اياد: ذنبو اني انا ابوه يلي خانها
وانتي امو يلي سرقتي منها حبيبها هاد ذنبو ، بس هناء مالها هيك هناء مابتقتل ، ومافي اطيب من قلبها ،
ماجدة( بصراخ):لاياسيدي هناااء هيك هي يلي قتلت مجدي ، والدليل مسكناه بغرفتها
اطلع فيها اياد بعصبية وصرخ بوجها : قلتلككك انو هناءء ماقتلت حدا خلصنا بقا ماجدة خلصناا
اتركيها بحالها ارحميهااا بقا
ماجدة: انا مارح ارحمها ومارح سامحها
اياد(بنظرات استفهام): ليش؟؟ ليش؟؟ مااجدة بدال ماهي تحقد عليكي انتي عم تحقدي عليها؟؟؟ ضربني وبكا سبقني واشتكا شوعم يصرلك انتي ،،
ماجدة: الي عم يصرلي اني بحبك
وبدي ياك ،
وبسببها انا ماعم اقدر املك قلبك
اياد(بحقد): ولابعمرك رح تملكيه ياماجدة ولابعمرك ،،،
ماجدة: لك انت شو مفكر حالك عم تعمل ؟؟ عم تعاقبني يعني؟؟؟ عم تعاقبني لاني بحبك ؟
عم تعاقبني لاني خاطرت بسمعتي بسس كرمال نتزوج انا وياك ونعيش تحت سقف واحد ؟
اياد: ومين قلك تخاطري بسمعتك ماحدا قلك تجي لعندي هديك الليلة ، بعدين نشالله مفكرة انو انا مابعرف شو حطيتيلي بالقهوة ، انا بعرف انك حطيتلي حبة لحتى افقد صوابي واعمل يلي عملتو معك ، وليكك انتي قلتي بعضمة لسانك ،انك خاطرتي بسمعتك ،،، لك ماجدة انا ماني غشيم وبعرف انو كل شي صار هديك الليلة صار بتخطيط منك ،،
نزلت راسها بالارض وحست بالاحراج
اياد: شوو ليش سكتي ياخانم؟؟
رفعت راسها وتطلعت فيه بنظرة شرسة
ماجدة: برافو سيد اياد ، هلق طلع الحق عليي انا
اياد بصراخ: اييي الحق علييكييي انتيي لك انا بعرف انو انتي حطيتيلي شي بالقهوة ، حاج تنكريي حااج
ماجدة: ومزال بتعرف انو انا الي حطيتلك حبة بالقهوة ليش ماحكيت ليش سكتت؟؟
اياد: سكتت لانو انتي كنتي بدك تبهدليني وتزتيني بالسجن
سكتت لانو ماحدا رح يصدقني
لك سكتت لانو مابدي اتبهدل
ماجدة: اممم ، طيب ياسيدي انا الي حطيتلك حبة بالقهوة ، وانا كنت مخططة لكلشي ، وكان بدي اخذك من هناء ، منيح هيك ، ارتحت هلق
اياد (بخيبة):انتي ماعندك ضمير ماجدة ماعندك ضمير
ماجدة: اي انا ماعندي ضميررر ماعندي ضمييرر
بس رغم هيك انا بحبك اياد بحبك عم تفهم
اياد؛ وانا بكرهك ، بكرهك من كل قلبي ،،
دار ضهرو ومشي حامل بقلبو خيبتو وحزنو
وقفو صوت ماجدة: لوين رايح؟؟؟
اياد: رايح دور على هناء ، رايح شوف وين صارت اراضيها
بتقرب منو وبتعترض طريقو
ماجدة: مافي تروح لمكان
اياد(عم يتمالك اعصابو) ;بعدي من طريقي ماجدة
ماجدة: عم قلك مافي تروح
بيطلع فيها بشراسة وبيمسكا من ايديها وبيدفشها
وبيطلع
وهي بتضل تراقبه ونظراتها عم تبخ سم
بتكز ع سنانها بحقد
وبتحكي بصوت مليان غل
ماجدة: انااا بفرجييك اياد حتندم كتير
______
اما عند العصابة
كانت هناء والشب عم يتطلعو ببعض والتنين مصدومين
ماقدرت تتحمل اكتر
انفجرت بالبكي وصرخت بوجهو بصوت واطي
هناء: هاااد انت لك ياربي شوهاد لسا كل يوم بنصدم صدمة اكبر من التانية انا ماعاد اتحمل يالله
قامت وقفت وصارت تضربو
ادهم(عم يبعد ايديها عنو): هناء اهدي
هناء: لك كيف بدي اهدا كيف كيف وانا عم شوف اخي بين المجرمين كييف ليش هيك عملت شوجابك لهون شو يلي خلاك تشتغل مع هيك ناس
ادهم : وطي صوتك هناء
هناء: وطي صوتي ؟ خايف؟ من شو خايف قلي
ادهم : هناء ازا مابتخرسي رح موتك
هناء: هه طبعا الي تعود يقتل ماعاد بتفرق معو ازا كان يلي يقتلو بيقربو ولا لا
شكلك اخدت ايدك
ادهم: هناء عم قلك بموتك خرسي ووطي صوتك
هناء: قتلني موتني ياريتك قتلتني وماشفتك بهالمكان بين المجرمين والوحوش
ماقدر يمسك اعصابو
رفع ايدو وضربها كف قوي
حطت ايدها ع وجها وابتسمت بوجهو ابتسامة مرار
هناء: هه رجال
ادهم: عم قلك نضبي شوفي وليه ازا بسمع صوتك او بتزكري اسمي قدامهن رح اقتلك وزتك للكلاب
هناء(بخيبة): برافو يااخي برافو عم تهددني ، شكرااا كتيرر الك
ادهم : عم قلكك مابديي اسمع صوتك
مشي بخطوات بطيئة
و طلع وقفل الباب عليهن
قعدت بالارض وكانت عم تستوعب يلي صار
قرب لعندها عامر وحاول يخفف عنها
عامر: انتي بتعرفيه لهالشب؟
هناء: .......
عامر: طيب اهدي وروقي
الله يكسر ايديه كيف اجا من قلبو يمد ايدو عليكي، ههه ليكي شوعم احكي ليش هدول بالاساس عندهن قلب
هناء(بقلبها): الله يلعن ابو هالزمن شوهاد الي عم يصير فيني كل يوم بنصدم صدمة اكبر من يلي قبلها
اول شي بكتشف انو اخواتي وعمي عم يخططو ليدمرونا بعدين بكتشف خيانة حبيبي
بعدين بيموت بابا وبعدها مجدي
وبنتهم انا بقتلو
وبيقلعني اخي من البيت
واخرر شي
بنخطف وبكتشف انو يلي خاطفني هو اخي التاني
ليش هيك عم يصير معي يالله والله ماعاد اتحمل والله الي عم احملو مابتحملو جبال
والله تعبت ياربي تعبت
______
بالغرفة التانية
كان قاعد ادهم وعم يفكر بينو وبين حالو: لعما هناء شوجابها لهون كيف وصلت لاايديهن
بيفيق من صفنتو وبيلتفت لعند رفيقو
ادهم : تيسير ؟
تيسير: نعم
ادهم: مين هي البنت يلي مع الدكتور بالغرفة
تيسير: ياسيدي هي بنت دسمة اهلها من اغنى العائلات بالبلد من بيت العباس
بيصفن وبيتزكر عيلتو
وبيغص
ادهم(بشرود): مالي سامع فيهن
وبيقطع شرودو وبيرجع بيطلع ب تيسير
ادهم:، اي وشو ناوين تعملو فيها
تيسير : يعني شو بدنا نعمل بدنا ناخد رزقتنا ونرجعها لااهلها
ادهم: وكيف جبتوها وايمتا
تيسير: مبارح بالليل كانت راكبة سيارة شي فخامة
نزلناها ولما شفنا هويتها
جبناها لهون
ادهم؛ خير نشالله
وبيرجع بيشرد وبيفكر بينو وبين حالو
ادهم(بقلبه); ياربي شو بدي اعمل بهالمصيبة،كيف بدي خلص اختي من بين ايدين هالكلاب
بيجي رفيقهم وبيوقف بيناتهن
عادل: اجا المعلم شباب وقال بدو يشوف البنت
وفجأة دخل زعيم العصابة
بكل ثقة وكان مبين ع وجهو انو هو مشراني
شعرو محلوق عالزيرو
ووجهو مجروح
وضارب حواجبو
فادي: كيفكن ياشباب
ادهم: اهلين بالمعلم
تيسير: طول ماانت بخير نحن بخير زعيم
فادي: شو قال في عنا ضيفة جديدة
تيسير: ومدسمة وحياتك
فادي : خلونا نروح نشوفها
راح زعيم العصابة ومعو تيسير وعادل
ولحقهن ادهم فتحو الباب ودخلو لعند هناء
اول ماشافها الزعيم نالت اعجابو وبلش يتفحصا بعيونو
فادي: ماشالله ياارض حفظي ماعليكي
لك هي مو بس مدسمة وفي وراها رزقة
هي صاروخ
قرب لعندها وصار يتطلع فيها تطليعات وسخة
الشي يلي خلا ادهم يتدايق ويحس بالقهر والغيرة على اختو
بيقعد فادي قدام هناء ركبة ونص وبيصفر صفرة قوية وبيبلش يسألها
فادي: شو اسمك ياقمر
هناء: مادخلك
فادي: له له ليش هيك عم تحكي معي والله انا ادمي
هناء: اي واضح
بيحط ايدو ع خدها وبيصير يلمسو
فادي: اي ياحلوة مابدك تقوليلي شواسمك واسم عيلتك
هناء(وهي عم تبعد ايدو عنها): قلتلك مادخلك
فادي: اسم حلو ههههه
وبيلتفت لعند الشباب
فادي:ياشباب شواسمها هالصاروخ
عادل: اسمها هناء العباس
فادي(بيرفع حواجبو باابتهاج): ومن بيت العباس كمان
مين مابيعرف هالعيلة
يااهلا وسهلا فيكي يابنت الاوادم
هناء(بحقد): الله لايسلمك
فادي: مقبولة منك
اي ياخانم مابدك تعطينا رقم البابا لحتى نتصل فيه مشان يجي ياخدك يعني
هناء: انا ماعندي اب ابي مات
رنت هالكلمة باادن ادهم
وصابتو الصدمة لما سمع الخبر
ادهم(بقلبه): لعما معقول بابا مات لا ياربي نشالله يكون كذب يارب
فادي(بيتصنع الزعل): اه عنجد الله يرحمو ،طيب غير ابوكي اخوكي عمك خالك اي حدا
طالعت من جيبها رقم وعطتو ياه
هناء: هاد رقم اخي هشام
فادي(اخد الرقم منها): كتير منيح لاتخافي لما يدفع اخوكي الفدية رح تطلعي من هون
حمل موبايلو ودخل الرقم
اتصل بهشام وفتح السبيكر
وبعد كم رنة
هشام: الو
واول مارن صوت هشام ب ادن ادهم حس بالغصة
ودمعو عيونو
ادهم(بقلبه): اااخ شو شتقتلك ياخيي،زمان على هالصوت
فادي: الو مين معي
هشام: معك هشام انت مين
فادي: والله موضروي تعرف مين ،
شوف يابيك اختك هناء مجدي العباس
موجودة هلق عنا
ازا بدك ياها ومابدك نئزيها
بتجي على بساتين ال **** يلي على طريق طرطوس
وبتجيب معك 800 الف دولار اما ازا مارح تدفع هالمبلغ فبحب قلك انو نحن مضطرين نقتلها
هشام (بيكز ع سنانو بحقد) : انا ماعندي اخت بهالاسم او بقلك
انا عندي اخت بهالاسم
بس مابدي ياها اقتلوها احرقوها شومابدكن عملو فيها مابيهمني ،
سكر الخط بوجهو
ورما التلفون عالارض ،،
هناء كانت رح تجن من يلي سمعتوو
كل شي كانت بتتوقعو الا انو اخوها حبيب قلبها يخذلها هالخذلان
تجمعو الدموع بعيونها وضعطت عاايديها
فادي (بسخرية ): سمعتي ؟ قال اخوكي مابدو ياكي هههه
هناء: ......
فادي: رح ارجع اتصل فيه
هناء(بخيبة): لاا لاتتصل
فادي: حابة تضلي عنا؟ شوفي ازا حابة تضلي عنا ونحن كمان حابين هههههه ‘ خلص روقي وخدي شربي هالكاسة الشاي
عطاها كاسة شاي كبيرة اخدتها من ايدو وضلت عم تتطلع فيه وكانها بدها تاكلو بسنانها
استجمعت قواها
وشالت الكاسة وكبتها على وجهو وكانت كتير سخنة
تألم كتير وحط ايدو ع وجهو وصار يصرخ عليها
فادي(بشراسة): انتي قدها لهالحركة وليه ؟
هناء(بنظرات تحدي): قدها ونص وحياتك
فادي: انا مارح مد ايدي عليكي هلق بس رح دفعك التمن غالي صدقيني يابنت البيك
هناء: الي بيطلع باايدك عملو برجلك بدك تقتلني؟ قتلني مو فارقة معي ولاتتحداني انا ماعندي شي اخسرو
فادي: اي منشوف
شيلو السم الهاري من قدامها مابتستاهل خليها تموت من الجوع
طلع فادي والشباب
وضل ادهم بالغرفة وكان حاسس بالقلق من عواقب الشي يلي عملتو هناء و بنفس الوقت مصدوم من خبر وفاة ابوه ، ومن الشي يلي عملو هشام
مشاعرو وافكار مختلطة ببعضها
ومانو عرفان شو عم يصير
قرب لعند هناء وهمس باادنها
ادهم: ليش هيك عملتي؟ المعلم مارح يسكتلك ابدا
هناء: اخر همي وبحفض انت ومعلمك
ادهم(بعصبية): انتي عم تلعبي بالنار هناء
هناء: انت مادخلك اي،؟ مادخلك التهي بحالك
ادهم(مقهور): ماشيي ياهناء ماشي ،،
تركها ومشي لناحية الباب
اتطلع عليها نظرة اخيرة
وطلع وقفل الباب
___
بالفيلة
مريم: ياسمين ماعرفتي شي عن هناء والله قلبي متل النار عليها والله
ياسمين: والله ياخالتي مابعرف عنها شي حاولت اتصل فيها اكتر من مرة خطها مسكر
مريم(تبكي):يالله والله ماعاد اتحمل ليش هيك عم يصير معنا
بتقرب منها ياسمين وبتحط ايدها ع كتفها
ياسمين: طولي بالك خالتي كل شي بينحل بالرواق
مريم: لك كيف كيف وانا بنتي مابعرف عنها شي صرلها يومين غايبة
ياسمين: اااخ الله يسامحك ياهشام
مريم(بغصة): هشام؟ هشام قلبو حجر مابعرف كيف اجا من قلبو يكب اختو هيك
فداء (متدخلة) : عدم المؤاخزة خالتي بس لو كنت مكان هشام بعمل اكتر من هيك يالطيف كيف اجا من قلبها تقتل طفل صغير
مريم : بنتي ماقتلت هناء مابتقتل انا ربيتها ولادي مابيئزو حدا
فداء: وادهم كمان انتي ربيتيه وليكو نحبس 5 سنين بتهمة مخدرات
مواي شي
ياسمين(بعصبية): فداء خرسي بقا عيب عليكي
فداء: ليش بدك تخرسيني لانو عم احكي الحقيقة
ياسمين: فداء عم قلك نضبي موناقصينك
فداء(بنرفزة): اييه انا رايحة على بيتي ، يالطيف بهالبيت ممنوع الواحد يحكي ،
وقفت واخدت شنطايتها وهي مزعوجة
وكانت مريم عم تبكي ومدايقة من من كلام فداء
ياسمين: طولي بالك خالتي انتي بتعرفي فداء وحكيها الدج
مريم(بحسرة): انا مالي زعلانة منها انا زعلانة على حالي وعلى ولادي الي عم اخسرهن واحد واحد
ياسمين: كل شي بيتصلح بس انتي اهدي
______
---------------------
بعد يومين
كانت الدنيا نص ليل اجا فادي
وكان واضح على وجهو اثار حرق الشاي
ماشي بااتجاه غرفة الشباب والشر بعيونو
وصل لعندهن عالغرفة ودخل وكانت نظراتو بتخوف
فادي: واحد منكن يجي يطالع الدكتور من غرفة هديك الي مابتتسما
بيقوم. تيسير
تيسير : امرك معلم
ادهم(بيحاول يخفي قلقو): ليش بدك تطالعو؟
فادي: مادخلك حط راسك ونام سيد احمد
ادهم: اي بتأمر ،
راح تيسير وطالع عامر وحطو بغرفة تانية
ورجع
تيسير: مشي الحال معلم
فادي: انقبر روح نام
خلال ساعة بدي الكل نايم
راح ادهم على تختو وتسطح ماكان عم يقدر ينام
مشغول بالو شو يلي رح يعملو فادي
وليش نقل عامر على غير غرفة،،
بعد ساعة كانو كل الشباب نايمين
وكانت غرفة هناء بعيدة عن غرفة الشباب
راح فادي على غرفة هناء ودخل لعندها
وبعيونو في نظرة شر
كان عم يقرب منها ببطئ وعيونو مابيطمنو بنوب
الخوف والرعب سيطر عليها وماعاد عرفت كيف تتصرف
قرب لعندها وحط ايدو ع كتفها
وصار يشدلها بلوزتها
اجت لتصرخ حط ايدو ع تمها
فادي(بهمس): هششش ازا بتصرخي من هون لبكرا ماحدا رح يرد عليكي
وبيقرب منها ليبوسها بتدفشو عنها وبتصرخ
هناء: بعد عني احسن ما موتك
فادي: بس انا مابدي موتك انا بدي ذلك
ليكي وليك انا ماحدا بيعلم عليي
متل ماعملتي هالعلامة على وجهي
انا رح امسح الارض فيكي ووسخك ورح خليكي عبرة لمن يعتبر
وبيهجم عليها متل الوحش
هناء(بتحاول تقاومو): بعد عني ياحقير ياابن الحرام
فجأة اجا حدا من وراه وحط ايديه على رقبتو وصار يخنقو
فادي: مين انت
ادهم: انا عزرائيل يلي بدو ياخد روحك ياقليل الشرف
طالع ادهم سكينة من جيبتو وغزها ببطن فادي مرة ومرتين وتلاتة لحد ما بلش ينازع ويلفظ انفاسو الاخيرة
وقع بالارض وشهق شهقة وغمض عيونو بهدووء
هناء ارتعبت من المنظر وكانت بدها تصرخ
بس ادهم حط ايدو على تمها
هناء(عم ترجف): لك ليش هيك عملت
ادهم: طلعي لااخر الممر بتلاقي باب مفتوح هربي منو بسرعة
هناء(مستغربة(: بدك تهربني ؟
ادهم: لكن اتركك بين ايديهن ؟!!
هناء(بغصة): كتر خيرك والله طلع فيك خير اكتر من اخوك
ادهم : بسرعة هناء هربي
وبيطالع من جيبتو موبايل وبيناولها ياه
ادهم :هاد موبايلك جبتلك ياه حطيتلك فيه شريحة جديدة والرقم صار معي بس اتصل فيكي بتردي
هناء: انا مالي طالعة من هون
ادهم: هناء لاتجني كيف يعني مو طالعة !!!
هناء: مارح اطلع الا والدكتور معي
ادهم: هناء هربي وبلا كتر حكي بسرعة قبل مايحسو عليكي
هناء: ادهم قلتلك مارح اطلع من هون الا والدكتور معي
ادهم(بعصبية(: لك شوبدك بالدكتور !
هناء: ولاشي بس مابدي ياه يضل بين ايديكن يلي مابتخافو من الله
ادهم: هناء ازا مابتطلعي بقتلك
هناء: لك حاج تهدد لسا بقتلك وبموتك قتلني ياريت بتريحني
شوف ادهم يابطلع مع الدكتور يااما مارح اطلع من هون
وبتضم ايديها ببعض وبتدير وجها عنو
وبعد مايئس من انها تهرب لحالها ،،
ادهم(بااستسلام): لاحول ولاقوة الا بالله، طيب رح طالعو
طلع من الغرفة وراح جاب الدكتور ورجع
ادهم: قبل ماتروحو لازم تعملو شغلة
هناء: شو بدك
ادهم راح جاب حبل وقماشة واجا وقف قدامهن وعطاهن الحبل
ادهم: تعالو ربطوني
هناء: وليش بقا
ادهم: ربطوني وماعليكن
لفوه بالحبل وربطوه ، رغم انو مابيعرفو شو يلي براسه
ادهم: قبل ماتسكرولي تمي هناء جيبي العصاي وضربيني فيها
هناء(بااستغراب): لك ليش بدي اضربك شوعم يصير معك ادهم؟
ادهم (بيطلع فيها بنظرات لينة وحنونة): ازا لسا بتخافي عليي ومابدك انئزا ضربيني على راسي
هناء: مارح اضربك مابقدر
ادهم؛ ضربيني هناء قوي قلبك وعمليها
هناء شالت العصاي وكانت بدها تضربو بس مااجا من قلبها رمت العصاي عالارض
وغمضت عيونها
هناء: مابقدر ادهم مابقدر
اخد عامر العصاي من وضرب فيها ادهم على راسو
ضربة على مكان مافيو خطر،بحيث مايصرلو شي
حس بالوجع بس حاول يتمالك نفسو
صار راس ادهم ينزف
ادهم(وهو عم يتوجع : كتير منيح وهلق روحو ، هناء انتبهي على حالك
هناء(بحنية): وانت كمان
ادهم: هربو بسرعة
سكرولو تمو بالقماشة وراحو
طلعو لبرا البيت المهجور ،
وصارو يمشو بين البساتين بالليل
هناء: انا كتير خايفة
عامر: لاتخافي هلق منقعد بشي مكان
مشيو كتير لحتى بعدو عن مكان العصابة
وصلو على بستاان كبير
كانت الدنيا نص ليل واصوات الدياب جاية من بعيد ،،
وقفو بمكان قريب من الطريق
رجليهن ماعاد تحملهن من التعب
عامر: صرنا بعااد شو رايك نقعد نرتاح شوي
هناء: متل مابدك
استقرو بالمكان
يلي وصلو عليه
وجمعو شوية حطب
شغل عامر نار وقعدو قدامها
وصارو يدفو ايديهم
وتنيناتهن ساكتين
عامر(بشرود): يعني انا مابعرف
ليش هالشب هربنا
هناء: هو كان بدو يهربني الي بس انا ماقبلت اطلع الا وانت معي
بيفيق من شرودو وبيطلع فيها
عامر (مستغرب( : وليش بقا
هناء: ماقدرت اطلع واتركك مع هالوحوش البشرية
مااجا من قلبي ،
عامر: وشو بيقربك احمد
هناء: مين احمد؟
عامر: الشب يلي هربنا
هناء: قصدك ادهم
عامر: صح ليش كنتي عم تناديه بهالاسم
هناء: لانو هاد اسمو
عامر(بفضول): جد شو بيقربك ؟
هناء(بضحكة غصة(: ياترا ازا قلتلك رح تصدق
عامر: بصدق ليش لا
هناء: ياسيدي هاد اخي
عامر(بصدمة(: اخوكي؟ على علمي انتي بنت ناس اكابر
اخوكي شو جابو لهون
هناء: ماقلتلك رح تستغرب
عامر: طيب والشب يلي اتصل فيه فادي ليش رفض يدفع الفدية
هناء: هي قصة طويلة ازا رح احكيلك ياها رح نضل هون للصبح
شو حابب نرجع ننلقط؟
عامر: لا دخيلك
هلق انتي لوين بدك تروحي؟
هناء: مابعرف
عامر: اكيد كنتي بدك تقعدي بشي اوتيل وولاد الحرام شلحوكي كل الي كان معك
هناء(بترفع حواجبها): ههه صح شوعرفك
عامر: حسيت
هناء: .....
عامر: قومي روحي معي
هناء: لوين؟
عامر: على بيتنا
هناء اتطلعت فيه بااستغراب وماجاوبت بشي
عامر(بااحراج): انا اسف لاتفهميني غلط
بس انا حابب ساعدك ولاتخافي انا ماني عايش لحالي
انا عايش مع اخواتي البنات وابني
وامي وابي مقيمين بكندا
هناء: وانا كيف بدي اوثق فيك ؟
عامر: معقول تتخيلي اني اغدر فيكي بعد ماخلصتيني من ايدين يلي مابتتسمو !
هناء: ليش لا ،في كتيرر ناس منعطيهن اغلا شي عندنا ومنضحي بحياتنا كرمالهن ، واخر الشي بيجازونا بطعنة بالضهر ،
عامر: طلعي فيني انا شكلي شكل واحد غدار
هناء: المظاهر بتخدع ،
عامر: طيب قلبك شوعم يقلك
هناء: مابعرف
عامر: وثقي فيني وتعي معي تاكدي انا مارح اتركك
متل ماانتي مارضيتي تهربي الا وانا معك
انا كمان مارح روح الا وانتي معي
هناء(بقلبها): شو اعمل ياربي ، روح معو ولا لا والله الشب مبين صادق ، شبك هناء ليش ماعدت وثقتي بحدا مو كل الناس متل بعضها
بس لااا ، ازا اخواتي يلي من لحمي ودمي طعنوني بضهري، كيف بدي اثق بحدا غريب ،،
وبيقطع شرودها صوتو
عامر: شوقلتي هناء
هناء: انا مارح روح معك ، انا شو بيضمنلي انك ماتغدر فيني
عامر: وانا كيف بدي اثبتلك اني صادق ومارح ائذيكي؟
هناء: انا نأذيت لدرجة انو ماعاد امن لحالي بدك ياني امنلك؟
عامر:غامري ووثقي فيني بس هالمرة ، وبااذن الله مارح تندمي
هناء(بااستغراب): انت ليش كل هالقد متمسك فيني؟ ماصرلك بتعرفني يومين
عامر: انتي ساعدتيني وطالعتيني من بين المجرمين ، وانا مافيني اتركك هيك وماساعدك،،
انا ماني متحرك من هون لتروحي معي ،
احتارت هناء باامرها وكانت مترددة بين تروح وماتروح
حسمت قرارها واخيرا
هناء بقلبها: شبك هناء موضروري ازا اقرب الناس الك غدروكي ،يكونو كل الناس غدارين ، في ناس بيكونو احن واحسن من الناس القراب، يمكن هالزلمة يكون صادق، ولو بدو يئزيني كان اذاني هون ،بهالبستان الفاضي ،خلص رح روح معو والي بدو يصير يصير ،.....
هناء: موافقة بس على شرط
عامر: وشو هو
هناء: قبل ماندخل عالبيت بتتصل بااخواتك وبتخليهن يطلعو لااتاكد انو مانك عايش لحالك
عامر: وانا موافق
راحو لااول الطريق واستنو سيارة
اجت سيارة خصوصي
وطلعو فيها
عامر: معلم على ضيعة****
الشوفير:200 الف
عامر: بس نحن مامعنا هيك مبلغ
الشوفير: وانا شو دخلني مامعكن نزلو
عامر: طول بالك ياعم خلينا نتفاهم
الشوفير: ازا مامعكن مصاري ليش طالعين معي
هناء كانت لابسة باايدها بلاك دهب
هداها ياه اخوها هشام من زمان شلحتو وصفنت فيه بحسرة
هناء(بقلبها): هالبلاك غالي ع قلبي كتير
بس رح استغني عنو
تأملت البلاك وعيونها عم يلمعو ،وشالتو عطتو للشوفير
هناء: تفضل وهيك منيح
يالطيف على هالطمع
الشوفير(بذهول): دهب ؟ اي هيك ها ياهيك الزباين يابلا
هناء: طيب طلاع خلصنا
الشوفير: اي باامرك ياخانم
عامر همس باادنها: ليش عطيتيه ياه
هناء: المهم انو طلعنا
عامر: بس هيك طمعتيه
هناء: مو مهم المهم نوصل بخير وسلامة
عامر: كاني غالي على قلبك؟
هناء بتنهيدة : غالي كتير
الشوفير: عدم المؤاخزة يعني
وين كنتو بنص الليل
يعني شب وبنت ماشيين بنص الليل بين البساتين شوكنتو عم تعملو
عامر بعصبية : امشي بطريقك ومادخلك
الشوفير: اي ليش عصبت معلم عم نسال
عامر: عم قلك امشي بطريقك ولاتدخل
الشوفير: اي باامرك
هناء: تفضل بقا تحمل ازا بتتحمل
عامر: معلش لاتردي عليه ابن شوارع
____
بعد ساعة
الشوفير: وصلنا
عامر: يلا نزلي
نزلو من السيارة هو وهناء
قدام بيت الدكتور عامر
كان عبارة عن فيلة كبيرة
دخلو على حديقة الفيلة
هناء: خود اتصل بااخواتك
عامر: لساتك مو مأمنة !!
هناء: مابيمنع اطمن
حمل موبايل هناء وضرب رقم اختوو اتصل وصار يحكي معها
نزلت فورا وركدت لعندو
وضمتو ب لهفة
غادة: عامر اخي الحمدلله عسلامة خوفتنا عليك
عامر: الله يسلمك اختي
غادة(بقلق(: ولي على قلبي اذوك شي ؟
عامر: لااطمني انا منيح
انتبهت غادة على هناء واطلعت فيها نظرات تساؤول بينما هناء كانت عم تبتسملا
غادة: مين هالصبية اخي؟
بيطلع بهناء وبصير يحكي
عامر: هي هناء هي البنت هي انقذتني
بتقرب منها غادة وبتمسك ايدها
غادة(باامتنان): اهلا وسهلا فيكي مابعرف كيف بدي اشكرك
هناء: ولو ماعملت غير الواجب
عامر: شو بدنا نضل واقفين هون انا تعبان كتير وبدي نام والبنت اكيد تعبانة
غادة: سلامتكن يلا تعو خليني قول لاام يوسف تحضرلكن عشا
دخلو عالبيت ليرتاحو والخدامة كانت عم تحضرلن الاكل
دخلت هناء و عملت دوش وغادة عطتها تياب
لبستهن وطلعت
______
وكانت غادة عم تستناها قدام الباب
غادة: نعيما
هناء: الله ينعم عليكي
غادة: يلا العشا جاهز تعالي
هناء: مالي نفس
غادة: بس قلي عامر انو صرلك ايام من دون اكل مابصير هيك لازم تاكلي
يلا تعي
سحبتها من ايدها واخدتها عالصالة
لتقعد تتعشا معهن
عامر: شو هناء كيف لقيتي البيت
هناء: حلو كتير بيشبه بيتنا
عامر(بضحك): امنتي ولا لسا؟
هناء: هههه امنت
وبيتطلع ب غادة
عامر: غادة وين جيهان
غادة: نايمة فيقلك ياها؟
عامر: لااتركيها الصبح بشوفها
غادة: لو تعرف تيم قديش سأل عنك
عامر(بلهفة): ياعمري شو شتقتلو
غادة: هلق انا مارح اسالكن بس بكرا بدكن تحكولي كل شي كيف نخطفتو وكيف شفتو بعض وكيف طلعتو. وكل شيي كل شي
عامر: ههه طولي بالك خلص بكرا منحكيلك كل شي
غادة: اي وانا هاد الي بدي ياه
-----------------------
باليوم التاني
عند العصابة
فاق تيسير وانتبه انو ادهم مو بتختو
قام وصار يدور عليه بالغرفة
تيسير: احمد وينك ،، احمد
طلع من الغرفة وصار يدور عليه
انتبه انو الغرفة يلي بالصدر يلي كان فيها هناء مفتوحة
استغرب وراح دغري لهنيك
انصدم لما شاف فادي مقتول
وادهم مربوط وراسو عليه اثار دم
راح لعندو فكلو الحبل وشال القماشة من على تمو
تيسير: احمد شوهاد مين عامل فيك هيك ؟
والمعلم مين قتلو شوصار معكن احكي وين البنت يلي كانت هون
ادهم: هربت
تيسير: شو وووو شلون هربت ؟
ادهم : بالليل كنت رايح عالحمام
سمعت صوت المعلم عم يحكي مع حدا
وسمعت صوت البنت كانت عم تصرخ
رحت لشوف شوفي
ماشفتلك غير البنت شايلة سكينة واول ماشافتني غزت السكينة ببطن المعلم
اخدت السكينة من ايدها وبعدتها عنو
ورحت على غرفة الدكتور جبتو مشان يلحق المعلم قبل مايموت
ولما دخلنا انا وياه عالغرفة كانت البنت قاعدة وراي شالت العصاي وضربتني على راسي
وماحسيت على حالي غير مربط
ومابتزكر شو صار بعدها
بيصفن تيسير واثار الصدمة ع وجهو
تيسير: لعمااااا معقول
ادهم: هاد يلي صار
تيسير: طيب انت لما شفت المعلم مقتول ليش مافيقتنا
ادهم: والله مااجا ببالي ماانا من رعبتي عالمعلم ركدت فورا وجبت الدكتور وماخطرلي فيق حدا منكن
تيسير: معناها الدكتور والبنت هربو لك لعما ماعم صدق معقول وحدة متل هي تقتل المعلم وتعمل كل هالشي لك هدول يمكن يخبرو علينا
ادهم: هاد يلي صار روح فيق الشباب خلينا نغسل المعلم وندفنو
وبيطلع تيسير ب جثة فادي
تيسير(بزعل): الله يرحمك يافادي ،
وبينقل نظرو عاادهم
تيسير: رح قول لعادل يجي يداويلك راسك وانا والشباب مندفن المعلم
قام من محلو وطلع برا الغرفة
سند ادهم راسو عالحيط وتنهد براحة
ادهم: هففف الحمدلله انو صدقوني...
______
بالشركة عند هشام
هشام وعماد قاعدين سوا
هشام: اي عماد بدي احكي معك بموضوع ماكان الوقت مناسب احكي معك فيه
عماد(بتسأول): خير احكي
هشام: ولاشي بس بدي استفسر مشان قصة الاوراق يلي بسببها بابا نجلط وراح فيها
شو هالاوراق
عماد: والله ياهشام هدول اوراق الملكية تبع الفيلة والشركة وكل الاملاك يلي عند ابوك
هشام بصدمة: شوهالحكي وكيف نفقدو وايمتا ؟
عماد: مابعرف والله بس بيوم يلي مات فيه ابوك
حكالي انو الاوراق مفقودين من الخزنة
هشام: لعما شو هالمصيبة لك هدول الاوراق ازا ضاعو بينخرب بيتنا
عماد: معقول تكون هناء سرقتهن
هشام(مستغرب): هناء؟؟
عماد: اي هناء شو نسيان انو كان ابوك عاطيها كلمة السر تبع الخزنة
ومأمنها عليها
هشام(بحقد): والله موبعيدة عليها لانو الي بيطلع باايدو يقتل موغريبة عليه انو يسرق
بس انو هي شو هدفها من هالشي ؟
عماد: والله علمي علمك
هشام: نحن لازم ندور عليهن
عماد: وبلكي كانت اخدتهن معها
هشام: لا مابظن لانو انا وقت قلعتها طلعت ومامعها شي وخليت واحد من الحراس يعطيها كتبها وموبايلا وشنطتها بس ومو معقول تكون حاطة هيك اوراق بشنطايتها
عماد: لكن وين بدها تكون حاطتن
هشام: مابعرف
عماد: نحن لازم ندور عليها ونجيب الاوراق منها
هشام( بقلبه): ياترا بيكونو قتلوها الناس يلي خاطفينا ولا لا انا لازم اعرف وينها حتى اخد منها الاوراق
عماد: شبك هشام صفنت
هشام: لامافي شي بس عم فكر انو وين راحو الاوراق
عماد: الله اعلم
______
نهاية البارت 12
يتبع.....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`