الفصل 11
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴1️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan (شرقية الهوى)
البارت 11
وصل الدكتور وبلش يفحص الولد
حط السماعة على قلبو ليسمع نبضات قلبو
ماااكان عم يسمع شي
مافي نبض ولافي نفس ،
عرف لحالو انو تنفذ مخطط عماد وماجدة
وتلبك وماعاد يعرف شو يحكي
كان هشام واقف جمبو وعم يستنا على نار
هشام: شو صهري
اطلع صافي بهشام نظرات اثارت شكوك هشام
وضل ساااكت وماحكا شي
هشاام: قلي صهري؟ الولد فيووو شي؟؟؟
صافي: البقية بحياتك والله يعوضك يارب
ماقدر يصدق الحكي يلي قلو ياه الدكتور قتلتو الصدمة وصار يحكي بصعوبة
هشام: لككك ش ش شو عم تحكييي شبو الولد
صافي: العمر الك
من صدمتو بيقرب من صافي وبيمسكو من قميصو
هشام: لك كيييف كيييف
صافي: خلص عمرو والاعمار باايد الله
هشام(بحزن): يعني خلص الولد مات ابني انااا مااات؟؟
صافي: الله يرحمو
ركد هشام لعند ابنو وضمو لصدرو
كان لسا ماعم يستوعب الحكي الي قالو الدكتور
هشام: قوم بابا مجدي يلا حبيبي حاجتك نوم بدنا نلعب
قوم يابابا لسا مالحقت افرح فيك يلا بابا بلامزح وبيصرخ ; مجدييي
سمعت سارة صوت هشام وركدت عالغرفة فورا
شافت هشام حاضن مجدي وعم يبكي
صارت تصرخ وتبكي
والكل اجا على صوتها
اخدت الولد من هشام وصارت تبوسو وتضمو
سارة: ابنيي ، ليش عم تبكي هشام مجدي مامات مجدي نايم
والله نايم مجدي مامات لساتو صغير
ما مات ما مات
صافي : طولو بالكن ياجماعة بكرا نشالله الله بيعوضكن
سارة: لك شو بدو يعوضنا مجدي مامات مجدي نايم نايم ،
تمالك نفسو ورفع راسو وسأل الدكتور
هشام: شو سبب الوفاة
صافي: تسمم
هشام: لك صافي هاد ولد صغير مابياكل غير حليب من شو بدو يتسمم ؟؟
صافي: بالحليب اكيد
بجوز الحليب فاسد او خالصة مدتو
او بجوز
هشام: ليش سكتت كمل؟
صافي: بجوز حدا حاطتلو سم بقلب الحليب
سارة(حاضنة ابنها وعم تبكي) : هي اكيد هناء مافي غيرها انا عطيتها الولد وماكان فيو شي هي يلي قتلت ابني مافي غيرها ،،،
هناء كانت جاية من برا الغرفة وسمعت كلام سارة
ونصدمت
هناء: شو هالحكي مرت اخي انا بدي اقتل ابن اخي؟ ليش؟
بتطلع فيها بحقد وبتصرخ
سارة: مابعرف سألي حالك يامجرمة كيف اجا من قلبك تعملي فيه هيك كيف
لك هاد طفل بشو ازاكي
هناء بحزن؛ لك هشام سامع شو عم تحكي مرتك ؟
هشام: معلش اختي تحمليها موحاسة على حالها شوعم تحكي
سارة بصراخ : مبلا حاسة هي قتلت ابني هي مافيها غيرها
صافي: ياجماعة اهدو شوي
انا رح اخد شوي من الحليب يلي شرب منو الولد وحللو بالمخبر لحتى اعرف شو السبب يلي خلا الولد يموت
هشام( بلهفة): طيب وخبرنا شو بصير الله يوفقك
صافي : ولايهمكن
سارة (تبكي): ابني مات مسموم يالله الله ينتقم منك ياهناء انتي قتلتيه مافي غيرك
مريم: طولي بالك حبيبتي الله يوفقك
وهناء كانت قاعدة بالارض عم تحاول تستوعب يلي صار
هشام كان قاعد وساكت
وماجدة وفداء كانو عم يتطلعو ببعض ويتغامزو
بس ريما كانت واقفة بعيد وعم تبكي
راح هشام لجمب سارة واخد الولد ليدفنو
هشام: بكفي سارة بكفي امي حاااج تعذبوه وتعذبوني هاتو بدي ادفنو
سارة: لا لا مارح خليك تاخدو
هشام: سارة خلصنا بقا ابنك ماات خلص
سارة(وهي عم تشد مجدي منو): لا لاتاخدو هشام
مالحقت اشبع منو
اخد الولد ومشي بخطوات بطيئة وقلب حزين مفجوع على ابنو يلي لسا مالحق يفرح فيه
غسلو
وكفنو واخدو لحتى يدفنو
شافتو سارة طالع ووقفتلو عالباب
سارة: لااا لاا لاتاخدو مشان الله خليلي ياه
هشام: لك شو بدي خليلك ياه مشان الله حاج تعذبيني وتعذبيه امي مشان الله خديها
مريم: تعي حبيبتي تعي اهدي
اخدتها حماتها وكانت عم تبكي وتصرخ رجعلي ابني
هشام اخد الولد وحفرلو قبر بحديقة الفيلة ودفنو
قعد شوي جمب قبرو قرالو الفاتحة
وقام بعدها وطلع لعند سارة يلكي كانت دمعتها ماعم تنشف
قعد جمبها واخدها لصدرو
هشاام: مشان الله خلص حبيبتي لك دموعك هي عم تحرقني اكتر بكفيني يلي فيني
سارة: هاد ابني ياهشام ابني
هشام: ومو بس ابنك هاد ابني كمان، والله حرقلي قلبي بس شو طالع بالايد
خلص ياعمري لاتبكي بكرا نشالله الله بيعوضنا
سارة: يعوضنا؟ لك عن شو بدو يعوضنا ازا جبت مية ولد مارح يعوضني عن مجدي هي هناء مافي غيرها هي الي قتلتو
هشام: لك ياقلبي ليش هيك عم تحكي هناء مابتئزي نملة معقول تقتل ابننا بعدين ليش بدها تقتلو ياروحي
سارة: مابعرف لانو بتكرهني هناء مابتحبني
انا تركت مجدي معها ورحت ماكان فيه شي لما رجعت لقيتو عم يموت
هشام: اهدي حبيبتي انتي تعبانة ومانك حاسة عحالك شو عم تحكي،
سارة: ااااخ اااخ قلبي عم يحترق ياربي
هشام:سلامة قلبك ياعيوني انتي بكفي خلص
بيقطع حديثهن صوت رنة موبايل هشام
بيحمل الموبايل بيكون اتصال من صافي
فتح الخط ورد عليه
وهو عم يمسح دموعو
هشام: اي صافي شوصار؟،طيب يلا جاي،
سكر الخط وحط الموبايل واتطلع بسارة
هشام: حبيبتي انا رايح لعند صافي، انتبهي عحالك ماشي؟
بتهز براسها (باايجاب)
بيبوس راسها وبيطلع فورا
___
بغرفة هناء
كانت هناء قاعدة بحضن امها وعم تبكي
هناء: شفتيها ياماما شفتيها كيف كانت عم تتهمني اني قتلت ابنها
انا ياماما بدي اقتل ابن اخي؟
مريم(تبكي): طولي بالك ياعمري مرت اخوكي مانها بوعيها ومو حاسة عحالها شوعم تحكي
هناء: لامبلا ماما سارة كانت عم تتهمني
مريم: خلص ياعمري حاج تبكي تؤبريني خلص
هناااء: اخ ياماما اخ
مريم : سلامة قلبك من الاخ ياروحي
__
عند الدكتور صافي
هشام: شوبين معك صهري؟
صافي: للااسف انا حللت الحليب وطلع فيو كمية كبيرة من السم القاتل
هشام(بصدمة): شو هالحكي دكتور
صافي: متل ماسمعت يا هشام بيك الولد مات بجرعة سم قاتلة
صفن بكلام صافي وحس حالو عم يحلم وعم يتمنا يفيق من هالحلم
قاطع افكارو صوت عماد
يلي كان واقف معهن
عماد: معناها طلع كلام مرتك مزبوط
صافي: مافيكن تتهمو البنت لحتى تتاكدو
عماد: لازم نفتش غرفتها لنتاكد
بيأشرلهن باايدو (انو يسكتو) وبيمشي كم خطوة
هشام بصراخ : لك خلص خلص سكتو مابدي اسمع شي اختي مابتقتل
بيقرب منو عماد بنظراته الشريرة
عماد: لكن كيف الولد مات ازا مرتك قالت انو تركته مع هناء وراحت ولما رجعت كان الولد عم يبكي وعم يستفرغ
بقا قلي شو بتفسرها هي ،
هشام: ......
عماد: طيب شوخسران خلينا نروح نفتش غرفتها ونتاكد اكيد بتكون خبت السم بشي مكان
ومتل الصاروخ طلع هشام من عندهن وهو ماعم يشوف بعيونو
ر كب سيارتو وبوجهو عالفيلة
بينما صافي وعماد جوا
عم يطرقو ايد باايد ويضحكو
صافي: هههه راحت عليها هنوئة صارت بخبر كان
عماد: هههههاااي اي الله معو،
لروح الحقو زيد الطين بلة
صافي(بخبث): اي روح حبيبنا روح
وبيطلع عماد من عند صافي وبيلحق هشام
------------------------
بعد شوي من الوقت
وصل عالفيلة هشام
ووراه عماد
طلع هشام بسرعة لعند هناء عالغرفة وصار يفتش بين اغراضها
هناء(مستغربة): اخي شوعم تعمل على شو عم تدور ؟
مريم: لك ابني شبك ليش هيك عم تنكش بين اغراض اختك
تجاهلهن هشام وضل عم يدور بين الاغراض لحتى وصل عالدرج يلي حطت فيه ماجدة السم
طالع السم وصار يتطلع فيه
وكان واقف عماد جمبو
عماد: شفت ماقلتلك انو بتكون مخبيتو بغرفتها
جن جنونو وكب السم عالارض
اطلع بهناء بنظرات كلها عنف
وفجأة هجم عليها وصار يضربها
هشام: لك ياحقيرة ياكلبة لك كيف اجا من قلبك تقتليه لك شوعملك شو احكي ردي علي
هناء تبكي : تركني اخي مشان الله والله انا مادخلني
اجت الست مريم وياسمين لحتى يخلصو هناء من ايدين هشام
مريم: مشان الله ابني اهدا وصلي عالنبي
ياسمين: تركها اخي الله يخليك
بيدفشهن عنو وبيصرخ
هشام: بعدو عني مادخلكن بيني وبينها لك بدي موتها بدي خلص عليها متل ماخلصت على ابني
هناء(تبكي): اخي والله انا مظلومة انا ماقتلتو
هشام: ماقلتيه مو هيك عم تكذبي كمان
لك لعما بعيونك شو الك مع طفل صغير لتقتليه لك هو بشو ازاكي
الله لايوفقك،الله لايسامحك
هناء: والله مادخلني والله
بينما هشام عم يضرب هناء
وماجدة وفداء بغير مكان عم يضحكو على صوت صراخ هناء
ومريم وياسمين عم يحاولو يخلصوهناء من بين ايدين هشام
بس ماحدا قدر يهديه
سحبها من شعرها وطلع فيها لبرا الفيلة
زتها برا الفيلة وسكر الباب وصار ينبه عالحراس
هشام: سمعو انت وياه هلق بيطلع حدا منكن بيزتلا اغراضها وبيسكر الباب وازا حدا منكن بيدخلها عالفيلة او بيحكي معها دابحو باارضو عم تفهمو
مريم(تبكي): ابني الله يرضا عليك لاتعمل هيك بااختك والله هي مادخلها
هشام: شوفي امي ازا بتدخل هناء على هاد البيت يااما رح اقتلها يااما رح سلمها للشرطة
فخليها تروح احسن لانو انا ماقتلتها كرمالك
مريم: الله يخليك ياابني دخلها لجوا
هناء(من برا): هشام الله يخليك فتحلي الباب والله انا بحبك ومستحيل ائزيك يااخي فتحلي كرمال الله
هشام(بحقد): بدك تحلمي تدوسي عتبة هالبيت ياكلبة يامجرمة
مريم قربت لعند ابنها وكانت بدها تبوس ايدو بس هشام بعدها
هشام: امي لاتعملي بحالك هيك هنن كلمتين ازا هناء بتدخل على هالبيت رح اقتلها
واقتل حالي عم تسمعي ؟
اجا واحد من الحراس وعطاه شنتة فيها اغراض هناء
طلع هشام زتلها الشنتة
واطلع فيها بحقد وغل
وبيرفع ايدو بوجها (تهديد)
هشام: تفو عليكي ياواطية
شوفي وليه من هلق ورايح لاانتي اختي ولابعرفك وازا بشوفك عم تموتي مارح قرب عليكي عم تفهمي قومي نقلعي من هون ،
دخل عالفيلا وسكر الباب
وكانت هناء قاعدة وعم تبكي وتصرخ و تدق الباب
هناء: الله يخليكن فتحولي
يااميي فتحيلي
كانت مريم عم تسمع صراخ هناء وتبكي
لانو مو طالع باايدها شي تعملو حاولت اكتر من مرة تفتحلها الباب بس هشام حلفلها انو ازا بتفوت هناء عالبيت رح يقتلها،
طلع هشام وشاف سارة واقفة قدام الباب
حس بالاحراج لانو ماصدقها ونزل راسو بالارض
سارة: ماقلتلك انو هي قتلتو يالله بدي موتها بدي افرمها
وبتركد لتطلع لبرا بيوقفها هشام
وبيضمها
هشام: خلص ياعمري اهدي اكلت نصيبها
قلعتها لبرا الفيلة ومابقا رح نشوفها
خلص راحت
سارة(عم تضرب هشام منهارا ): لك ليش ماقتلتها ليش تركني روح اقتلها
هشام: اهدي ياعمري كيف بدي اقتلها هي اختي والله مااجا من قلبي
سارة: لكن هي تقتل ابننا معلش
هشام: ياعمري الله بياخدلنا حقنا منها اهدي وفوتي لجوا
بصعوبة قدر يهديها ويدخلها لجوا الغرفة
كان الحقد عامي عيونا ولو فيها تمسك هناء لترتكب فيها ابشع جريمة
______
بغرفة فداء
كانت ريما عم تبكي
وقفت قدامها فداء واطلعت فيها بعصبية
فداء: شبك انتي،؟ زعلانة عليهن ليكون ؟
ريما: اي زعلانة عليهن شو ذنبو هالطفل يموت
ولا هناء شو زنبها تتقلع وتتبهدل
ماجدة(بدهشة): يخزي العين منين اجتك كل هالحنية ست ريما
ريما(بغصة): انا من يوم يومي بكره الظلم وماني رضيانة عن الشي يلي كان عم يصير بس ساكتة كرمالكن لانكن انتو اخواتي
فداء: لك شبك انتي نحن كل شي عم نعملو معنا حق فيه شيليلي عواطفك على جنب ازا سمحتي
ريما: ياويلكن من الله بس ياويلكن من الله
وبتتركهن وبتطلع من الغرفة وهي عم تبكي
______
اما هناء
ضلت قاعدة قدام باب الفيلة حوالي ساعة
بكيت وصرخت كتير بس ماحدا رد عليها
حملت حالها وركبت سيارتها وصارت تمشي بشوارع البلد ومابتعرف لوين تروح لحتى صار الليل
قعدت على مقعد بااحدى الحدائق
وصفنت
صارت تفكر بكل شي صار وكانو كابوس
كابوس عم تتمناه يخلص وترجع لحياتها الطبيعية
هناء(بقلبها): ياربي ساعدني لوين بدي روح شوبدي اعمل بحالي
روح لعند رفقاتي لا مستحيل مستحيل خليهن يشفقو عليي
احسن شي روح على طرطوس واقعد بشي اوتيل لبين ما لاقي محل روح عليه
ركبت سيارتها وطلعت على طرطوس
كانت الساعة حوالي ال ١٢ ونص بالليل
عم تسوق بسيارتها
وعم تبكي بحرقة قلب
هناء: ياربي ليش هيك صار فيني والله انا بعمري مأذيت حدا ليش كل الناس عم تئذيني
اقرب الناس الي عم يوجعوني
حتى هشام يلي كنت مفكرتو سند لاالي كسرني ورماني
اخ يابابا وينك تجي تشوف بنتك شوصار فيها
كانت على وشك تدخل على المدينة
ووصلت لقرنة مقطوعة
شافت اربع شباب واقفين قدام السيارة
وقفوها واعترضو طريقها
وكان عم يتطلعو عليها نظرات كلها زعرنة
حست بالخوف من نظراتهن الها
اشرلا احد الشباب انو تفتح البلور
فتحت البلور باايدين عم ترجف
قرب منها الشب وصار يتطلع فيها بزعرنة
مجهول: لوين رايح القمر بنص الليل
هناء: عفوا مين حضرتكن
مجهول: عطينا هويتك ياحلو
هناء: مين انتو وشوبدكن مني
واحد منهن فتح السيارة وطالع مسدس حطو براسها
مجهول2: هاتي كل شي معك احسن ماصفيكي
هناء (بخوف) : بعد عنيي
مجهول: هاتي كل شي معك
عطتو شنتايتها وطالع كل شي مصاري معها وعطاهن لرفيقو
طالع هويتها وشافها
مجهول٢: هناء العباس
اسم الاب مجدي
شي حلووو حضرتك من بيت العباس
مجهول١: شو شكلها محرزة شريك؟
مجهول٢: محرزة ودسمة اجت الرزقة ياشباب خدوها
هناء(تصرخ):لوين اخديني ياكلاب تركوني
مجهول: امشي وليه صرماية
هناء: تركوني ياولاد الحرام
مجهول٢: صرخي قد مابدك ماحدا رح يسمعك هون هههه
حطوها بسيارتهن واخدوها لمكان مجهول وكان عبارة عن بيت كبير بيشبه السجن ومهجور
دخلوها على غرفة وسكرو عليها الباب
هناء(بصراخ): طالعوني من هون شو بدكن مني طالعوني ياكلاب
قعدت بالارض وصارت تبكي وتخبط عالباب انتبهت انو في شب معها بالغرفة
ارتعبت لما شافتو كان عم يقرب منها من خوفها اختفى صوتها
كان وجهو مليان جروح ودم وواضح عليه اثار تعنيف
قرب لعندها وقعد قدامها
عامر: ماتخافي انا مارح ائذيكي
هناء كانت عم تراقبو وساكتة
جاب كاسة مي وعطاها ياها
عامر: خدي شربي
هناء: ....
عامر: سدقيني مارح ائذيكي
انا متلي متلك مالي ذنب الي
اسبوع هون جابوني وزتوني بهالمكان ،انتي شواسمك
هناء: .....
عامر: ليش ماعم تردي عليي صدقيني انا مارح ائذيكي
هناء: هناء
عامر: شو؟
هناء: اسمي هناء
عامر: تشرفنا وانا عامر ، كيف وصلتي لهون
هناء: كنت مسافرة على طرطوس وطلعولي واعترضو طريقي
عامر: طيب شو يلي طالعك بهالوقت لحالك
بتعرفي انو ماضل امان بهالوقت ،
استغربت من سؤالو بس ماعطتو اي جواب
عامر: انا اسف يمكن عم بحكي كتير وبكتر غلبة
هناء: عادي ، ،،،
، وبعد صمت:
هناء:بدي اطلع من هون
عامر: صعب طالما دخلتي لهون مارح تطلعي الا ازا ندفعت الفدية
هناء(مستغرب): انو فدية؟
عامر: كل القصة انو هدول الجماعة
بيوقفو بالطريق يلي بيطلعلن بيشلحوه كل شي معو
وبياخدو هويتو ازا شافوه من عيلة معروفة وغنية بيتركوه عندهن وبيطلبو فدية من اهلو
وازا ماكان من عيلة غنية بيقتلوه وبياخدو اعضائو
انصدمت من كلام الشب وحطت ايدها على تمها
هناء: شو هدول وحوش وين عايشين بغابة ؟
عامر: هدول ماعندهن جنس الانسانية
هناء: طيب وانت ؟
عامر: شبني انا
هناء: انت شو؟ ، قصدي ليش لساتك هون يعني شو مصيرك؟؟
عامر: لوماكانو عم يسترزقو من وراي ماشفتيني عايش لهلق
انا دكتور بشتغل بمشفى
وبدّرس بجامعة خاصة
واهلي ناس مقتدرين ولما شافو اسمي واسم عيلتي جابوني وحطوني هون وانتي اكيد متلي من عيلة معروفة
غصت وحست بحرقة قلب اول مانجابت سيرة اهلها وتنهدت ب وجع
هناء: اااااخ
عامر: سلامتك
بتطلع فيه بنظرات تساؤول
هناء: ليش لهلق انت هون؟
عامر: مابعرف الصراحة مع انو الفدية ندفعت من يومين
هناء(بترفع حواجبها مستغربة): اندفعت ولساتك هون ؟
عامر: الصراحة انا وضعي خاص
واحد من افراد العصابة بيعرفني
وبيكرهني لهيك تاركيني ومابعرف لاايمتا بدي ضل هون
وشوفة عينك عملو فيني العمايل
هناء: الله ينتقم منهن
عامر: امين
___
باليوم التاني
نفتح باب الغرفة على هناء واجا واحد من الشباب
وقف قدامها واطلع فيها بسخرية
عادل : صباح الخير ياامورة
هناء( بحقد) : الله لايصبحك بالخير
عادل: ههه له ليش هيك عم تحكي معي ، بس عكل حال رح نضل احسن منك ورح ابعت حدا من الشباب يجبلك اكل
هناء: مابدي شي منكن طالعوني من هون
عادل: رح نطالعك ياروحي بس مو بالاول لنحكي مع اهلك وناخد المعلوم ؟
انا طالع ورح خلي حدا من الشباب يجبلك فطور
انقهرت وضاقت فيها الدنيا قعدت وحطت راسها على ركبتها وصارت تبكي
بعد شوي دخل شب ومعو اكل
كان شكلو غريب ومابيشبه هدوك الزعران ابدا
ومو مبين عليه فرد من افراد عصابة
قعد قدامها وقللها: قومي كلي
حست انو هالصوت مو غريب عليها
رفعت راسها بهدوء
وطلعت فيه
كانت عم تحاول تتاكد ازا هو ولا لا
وكانت متمنية انو تكون عم تتخيل
بس اتاكدت انو هو لما شافتو عم يطلع فيها بصدمة
وعم يبادلها نفس النظرات
للحظة تمنت تكون عم تموووت وماتكون عم تشوف يلي شااافتو تجمعو الدموع بعيونها وكانت على وشك انها تنفجر ،،،
___
بالفيلة
فاق هشام وكانت سارة لسا نايمة والدمعة بعيونها
مسحلها دمعتها وغطاها وطلع
راح لعند الست مريم
لقاها قاعدة بالصالة وحزينة
قعد قدامها وحط ايدو عاايدها
هشام: صباح الخير امي
مريم: .....
هشام: مابدك تردي عليي؟
مريم: ......
مسك ايدها ليبوسا
بعدتو عنها
اطلع فيها باانزعاج
هشام: امي ليش هيك عم تعملي معي ؟
مريم: ....
وبيقوم من مكانو وبيبعد عنها
وبيحكي بصوت مليان حقد
هشام: طيب لاتردي بس يكون بعلمك هناء مابتدخل على هالبيت الا على جثتي
بس موت انا يبقا خليها تدخل على هالبيت
تركها عم تبكي وطلع لبرا
اطلعت فيه بحزن وقالت بقلبها: الله يسامحك مافيني قول اكتر من هيك ، انت ابني وحبيبي متل ماهي بنتي وقطعة مني
ااااخ ياربي دخيلك ليش هيك صار فينا
ليش كل الي بحبهن عم يتركوني،
ياترا وين صارت اراضيكي يابنتي
وين انتي هلق
______
نهاية البارت 11
يتبع......
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`