الفصل 10
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴🔟❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan (شرقية الهوى)
البارت 10
بعد كم يوم
ببيت صافي
كانت فداء عند صافي بالبيت
فداء: حبيبي بدي قلك شي
صافي:قولي يعيوني
فداء: شو صار معك مشان الاوراق؟
صافي: حبيبتي ماتاكلي هم عم ظبطلك الوضع
فداء(بفرح):يعني الاملاك رح يصيرو بااسمي
صافي(بضحة خبيثة): اكيد حبيبتي كلهن رح يصيرو بااسمك
فداء:حلو كتيرر شكرا حبيبي
وبتقرب منو وبتبوسو
صافي(عم يعمل حالو بيحبها): دخيل قلبك انا
بيضمها لصدرو وبيصفن ونظراتو كلها خبث وشر
صافي(بقلبه):اييييه قربت، كلها فترة وبتصيري مرتي،وساعتها رح اعمل كل جهدي ليصيرو كل املاكك الي ،هه لعما ضربك شو غبية،مفكرتني بحبا الجحشة
-------------------------
طالعة من شركة ابوها وماشية بااتجاه سيارتها
شافت اياد واقف بعيد وعم يستناها
صرفت نظرها عنو وتجاهلتو
بس هو لما شافها ركض لعندها
ووقف بطريقها: هناء سمعيني
هناء(باانزعاج):شوبدك سيد اياد
اياد: فينا نحكي شوي
هناء(بعصبية): بشوو بدنا نحكي بشووو؟؟؟
اياد: بااي شي بس خليني اطمن عنك
هناء: تطمن عليي؟ ليش كتير بهمك
اياد: اكيد بيهمني
هناء: بعد من طريقي اياد
اياد: مارح بعد ،،
تجمعت العبرات بعيونها وانفجرت عليه بالصراخ
هناء: لك انت شووو بدك لسا شووو بدك
عطيتك قلبي وكسرتو
لك امنتك على حالي بس طلعت مو قد الامانة
قتلتني دمرتلي حياتي ،، لسااا شوبدك مني
شوبدك منييي
بدك تخلص عليي ؟؟ ليكني قدامك
خنقني وريحني من هالحياة
اياد( بحزن): انا اسف هناء ،اسف على كل شييي ،
ضحكت بوجهو ضحكة وجع
وقالتلو: اسف؟؟؟ اسف على شووو بالظبط ؟؟
انت كنت عم تضحك عليي اياد
كنت عم تضحك على قلبي يلي حبك
كنت عم تخدعني
كنت عم تتسلا فينيي
ولما مليت ، صار بدك تقتلني
وفعلا صرت تقتلني شوي شوي
وبالاخير عطيتني الضربة القاضية ،
بتعرف شووو ؟؟
انت واحد اناني كتير
ضليت عم تعلقني فيك وتعطيني وعود
لحد ماخليتني اعشقك بجنون
واخر شي كسرت قلبي ،
هه ليش؟ مشان ماحب غيرك بالايام ،
مشان مايجي حدا غيرك وياخد مكانك ،
مفكرني على اساس اني رح ارجع اوثق بحدا؟؟
اطمن انا نكسرت ثقتي بكل شييي
حتى بحالي ،ايي انت كسرت ثقتي بحالي حتى ،،،
كان اياد عم يتأملها بحزن وحسرة
وشعور الحرقة عم ياكلو من جوا ،
هناء: روح من هون اياد روح ،
واطمن ، انا رح كون قوية فيك وبلاك، بعمري ماكنت و لا رح كون ضعيفة ،
اياد(بصوت فيه غصة): سامحيني
ضحكت بوجهو والدمعا بعيونها
ودارت ضهرها وطلعت بسيارتها
من دون ماتحكي ولاكلمة شغلت سيارتها وراحت بطريقها
اما ايااد فماقدر يمسك دموعو
حس بالضعف. ورجليه ماعاد حملوه قعد عالرصيف
وصفن بالعدم،وعيونو عم يدمعو
وقلبو عم يحترق،،
رفع راسو للسما وحط ايدو ع صدرو
اياد: لييييش ياربي ليش،ليش انحرم منها،وحق اسمك يارب اني بحبها بحبها من كل قلبي.
-------------------------------
بعد شوي من الوقت
ببيت مجدي بيك
كانت ماجدة بغرفتها عم تقيس فستان العرس
وفداء عم تساعدها
بتسكرلا السحاب وبتفتلها لعندها
فداء: ولك يقبرني جمالك مجودتي
ماجدة; طالعة حلوة؟
فداء: بتجنني،ياقلبي الله يتمملك ع خير
ماجدة: ياقلبي انتي
فداء;يلا خلينا ننزل نفرجيهن للبنات
وبتغمزها بخبث وبتكمل
فداء: بلكي بتكون هناء موجودة،وبتحرقيلا قلبها شوي
ماجدة( ب شر(: اووووه اصلا انا هاد الي بدي ياه
فداء: خلينا ننزل لكن
نزلو لتحت محل ماكانو قاعدين ريما وياسمين والست مريم
وقفت ماجدة قدامهم. بغروروصارت تتفتل قدامهم
ماجدة: عطوني رأيكن
ياسمين: بتجنني حبيبتي
مريم: ماشالله عليكي الله يتمملك ع خير يابنتي ويسعدك
اما ريما ف كانت من جواتها متعاطفة مع هناء واكتفت بالصمت
وبهاللحظة بتدخل هناء
واول مابتشوفها ماجدة بتبتسم ابتسامة صفرة وبتروح لعندها
ماجدة(بنظرات جكر(:شو رايك هنو، طالعة حلوة؟
بتتجاهلها هناء وبتضل ماشية بااتجاه غرفتها
وهي يادوب ماسكة حالها
بتدخل ع غرفتها وبتسكر الباب ع حالها وبترمي حالها عالتخت وبتبكي بكل بحرقة قلب
بينما ماجدة فرحانة وحاسة بالنصر،باانو واخيرا اخدت اياد من هناء، وشمتانة بهناء
الي بعمرها مااذتها ولاعملت معها شي سيئ،
لتعمل هي فيها كل العمايل
بينما انت تأن من الالم
احدهم يرقص على اصوات انينك .....
------------------------
عند هشام وسارة
كان هشام قاعد قدام الابتوب ومشغول
بتجي سارة وبتقعد جمبو وبتصير تدلع عليه
سارة: شوعم يعمل حبيبي
هشام(وهو عم يشتغل):ثواني بس
سارة(بزعل):شبك هشام ماعاد تخلص شغل؟ ولاشغلك اهم مني
بيترك كل شي من ايدو وبيطلع فيها
هشام: لك لاياعمري شواهم منك؟ انا ماعندي،شي اهم منك ياتقبريني
بتقعد بحضنو وبتطلع فيه بدلع
سارة: لكن حاجتك شغل
هشام: امرك ياعمري امرك
وبيسكر الابتوب وبيطلع فيها بحب
هشام: وهي سكرناه وغيرو؟
سارة:ولاشي بس خليك معي، لاتنشغل عني مابكفي طول نهار ماعم شوفك
هشام: ياروحي انتي عم تشتاقيلي؟
سارة: كتيررر
هشام: والله مو اكتر مني ياضو عيوني
سارة: بحبك
هشام: بعشقك
بيتطلع ع بطنها وبيلاحظ انها بلشت تكبر و بيضحك
هشام:شوو شكلو ولي العهد بلش يكبر
سارة: ههه اي طبعا،بدو يضل صغير يعني
هشام: قولتك بيطلع صبي!!
سارة: انت شو بدك. صبي ولابنوتة؟
هشام: كل شي بيجيني منك حلو، ان كان صبي ولابنوتة، المهم يكونو بيشبهوكي
سارة: لا بس ازا كان صبي، بدي ياه يكون متلك انت بجمالك وبكل شي فيك
بدي يكون نسخة عنك،لحتى كل مااطلع فيه اتزكرك
بيغمرها بين ضلوعو وبيحاكيها بصوت كلو حب
هشام: ياقلبي انتي، شو بحبك،ولك انا قديشني محظوظ لحتى الله بعتلي ياكي،
سارة(بغرور):بتكون مرت عمو داعيتلك كتير
هشام: ولك ماهو لاانها رضيانة عليي، الله حطك بطريقي،ولك انا بس بدي افهم شغلة،انو اخوكي هالمغضوب وين كان مخبيكي،عني؟ ليش ماعرفني عليكي من زمان
سارة: هههه انا شوبعرفني سألو
هشام: ولك بس شوفو بدي قوصو، عندو اخت متل القمر،وكل هالسنين حارمني منها يخرب بيتو شو بخيل وكحنة
بتضحك وبتطلع فيه
سارة: بتتذكر اول مرة التقينا؟
هشام: لك انا الي بتزكر هاد احلا يوم بحياتي بيوميتا سحرتيني بجمالك يابنت
سارة: يالطيف بيوميتا قديش تنكرزت منك،وانت ماعدت ستحيت وشلت عينك عني
هشام: لك بربك بربك يلي بشوف هالجمال كلو،كيف بدو يجي من قلبو يشيل عينو عنك، لك تقبري قلبي ان شالله
سارة: بعيد الشر عن قلبك ياعيوني انت
بيتطلع فيها وبيغمزها
هشام: مابدك تنامي؟
بتهزلو براسها (باايجاب)
هشام: تعي معي لكن تعي
----------------------------
مرق كم يوم تانيين
واجا يوم عرس ماجدة واياد
كانت هناء،قاعدة مع حالها و عم تسترجع زكرياتها مع اياد
نزلت دمعة من عيونها
وتنهدت تنهيدة طويلة ،
رجعت فيها الذكرياات لوقت ماكانو سوا:
اياد: بتعرفي شو اكتر شي بحبو فيكي
هناء(بحب): شووو
اياد: قوتك وجرأتك بالكلام مابتسكتي ع الغلط
ومابترضي بالظلم ،
بحب شقاوتك وانانيتك بالناس يلي بتحبيهن
واكترر شي بحبوو فيكيي
انو رغم كيدك قلبك مافي اطيب منو ومابتئزي نملة
هناء(بدلع): اممم بس هيك ؟؟
اياد: لاموبس هيك وبحب عيونك
يلي كل مابطلع فيهن بيقولولي قديش هنن بيحبوني
بتعرفي هناء ، انو انتي بتخليني حب حالي
هناء: يعني ازا لاسمح الله شي نهار تركنا رح تبطل تحب حالك؟؟
اياد: بدون شك
هناء: وانا بحبك بحبك وبحب حالي لانك بتحبني ،ومن دونك بكره حالي
انا اصلا باخد كل قوتي منك ،
فاقت من زكرياتها
على صوت هشام عم يدق الباب عليها ويندهلا
دخل لعندها هشام
وشافها بحالتها السيئة
مسحت دموعها وحاولت ماتظهرلو شيي
هشام: شو ياحلو بشو عم تفكر
هناء: ولاشي
هشام: ليش لهلق مالبستي بعد شوي رح يبلش العرس
هناء: مابدي احضر
هشام: وليش بقا
هناء: كيف بدك ياني شوفو مع وحدة غيري كيف هشام
هشام: بالعكس لازم تفرجيه انك قوية ومو هامك شي
لاتفرجيه انك ضعيفة ومكسورة
صفنت شوي وفكرت انو هشام معو حق
هناء: بتعرف معك حق مارح ارميها واطية ..،،
هشام: اي ها هي هنوئة الي بعرفها
لك نحن ولاد مجدي بيك ماحدا بيكسرنا
هناء: رح قوم البس
هشام: يلا وانا رايح لعند مرتي
هناء: ههه اي تتهنا
هشام(بضحك): اي الله يهنيكي، مكيودة
تركها وطلع لعند سارة
وكانت لابسة ومتأنقة وعلى اخر طرز
اول ماشافها جن بجمالها
وبلش يتغزل فيها
هشام: شوهاد شوهالحلا كلو ياارض احفظي ماعليكي الله يحرسك من عيني
سارة: هههه خلص حبيبي خجلتني
هشام: يئبشني الخجول
سارة: بعيد الشر عن قلبك ياعمري
بيقرب منها وبيحاوطها باايديه وبيحط راسو ع راسها
هشام: انتي ناوية تسحريني بجمالك ،ولك انتي سحرتيني ومشي الحال
سارة(بثقة): شواعمل ازا الله خالقني حلوة
هشام: اي دخيل جمالك انا
سارة: يخليلي ياك ومايحرمني منك
هشام تعي معي يلا هلق منتاخر عالناس
بعد عنها ومسكلها ايدها وطلعو ،
اما هناء كانت عم تجهز حالها
وقفت قدام المراية واتطلعت بحالها
كان واضح على وجها علامات التعب والارهاق
والسواد مبين تحت عيونها
صفنت شوي بحالها
وراحت
لبست فستان ابيض ميدي وفردت شعرها وحطت مكياج خفيف
هناء: انا مالازم ورجيك ضعفي اياد انا اقوا من انك تكسرني
خبت وجعها بقلبها وجهزت وراحت لمكان العرس
وكان ضحكتها شبر
كانت مقررة انو ماتبين حزنها قدام الناس وقدام اياد
كانو ماجدة واياد عم يرقصو
كانت ماجدة فرحانة باانو نفذت مخطتها وسرقت حبيب اختها
اما اياد فكان عقلو وتفكيروو
بغير مكان كان تفكيرو عند هناء وبس حبه يلي صار حب قديم
ماضيه الي ماممكن اي حدا ينسيه ياه
قربت لعندهن هناء وسلمت عليهن
بمظهر خارجي ثابت
وداخل عم يحترق ويدوب منل الشمع
هناء: الف مبروك ياعرسان
الله يسعدكن ويهنيكن
حطت ايدها باايد اياد وسلمت عليه اياد صار يطلع بعيونها وكان بعيونو نظرة حزن
اياد: الله يبارك فيكي
قربت لعند ماجدة وبوستها
ضمتها ماجدة بحقد وغل
وهمست باادنها : كتير حلو تمثيلك واضح انو مالك مدايقة لاني سرقت حبيبك منك
بعدت عنها هناء وقالت بصوت عالي : تتهني حبيبتي😊 عقبال مانفرح بخلفتكن
بعدت عنها وراحت قعدت ع احد المقاعد
____
خلص العرس
واياد اخد ماجدة وراحو على شقتهن
دخلو على بيتهن كانت ماجدة طايرة من الفرحة
حطت ايدها على كتف اياد وحكت
ماجدة: مابتصدق قديش مبسوطة انا كتير بحبك اياد
قربت منو لتضمو وهو بعدها فورا واطلع فيها بحقد
اياد: طبعا بدك تكوني مبسوطة خربتي علاقتي انا وهناء منين مابدك تكوني مبسوطة ؟
بس مارح كملك فرحتك لاتفكري انو ازا تزوجتك يعني رح عاملك على انك مرتي
انتي مجرد غلطة
وهناء حبي الوحيد رح ضل حبها لحتى موت
ماجدة(بصدمة): حبيبي لي هيك عم تحكي معي هيك
اياد: ماتقولي حبيبي انتي مابتحبي حدا غير حالك ،
ماجدة(بتصرخ فيه): اياااد بكفيي بقا حاج تحكي معي بهالقساوة
اياد: لابدي احكي معك بقساوة انتي وحدة انانية انانية ماجدة
ماجدة: شو بدك ياااني اعمل يعني؟؟ كان بدك ياني نزل الولد؟ بدك ياني اقتل ابني لحتى ترضا؟؟
ماعطاها اي جواب
تنهد وبرم ضهرو وطلع من الغرفة
ماجدة: لوين رايح ؟؟
اياد(بعصبية): مادخلك فيني بروح لوين مابدي
سكر الباب وراه بقوة
ليتركها عم تاكل حالها من القهر والغل
ماجدة : ماشي يااياد انا بفرجيك
بتروح بتقعد عالتخت وبتصفن وبعيونها نظرات شر وحقد
______
بعد مرور سنة
مرمي بتخو وغاطت بنوم عميق
وفجأة بحس ع لمسات ايدين صغار ع وجهو
بيفتح عيونو نص تفتحية
بيكون مجدي الصغير
عم يضربو ع وجهو باايديه الصغيرة وجمبو سارة عم تراقبو وتضحك
هشام: ولاه ازعر، موعيب عليك تضرب ابوك
بتقرب سارة من مجدي وبتطلع فيه
سارة: قلو صباح الخير لبابا
هشام: لك يؤبرني هالصباح انا حبايب قلبي جمبي
سارة: مجودة الحلو فايق بكير وحابب يصبح عليك
حمل مجدي وضمو لصدرو
هشام: دخيل قلبك ياروح بابا
سارة(بغيرة): ايوا الغزل بس لمجدي طيب وانا
بيقرصها من خدودها
هشام: دخيل قلبك انتي شوبحبك
سارة: وانا بعشقك يلا صحصح صارت الساعة ١١ هلق عمو بيضوج علينا تأخرنا عالشركة
هشام: بسيطة مناخد معنا مجدي بيشفعلنا
سارة: هههه ابوك وقت يضوج لامجدي ولاغيرو رح يهديه
هشام: اي لاحبيبتي. مجودة واسطتو كبيرة
وبيطلع بمجدي
هشام; مو هيك بابا؟ بدك تتواسطلنا عند جدو؟ ماتخليه يخانقنا اي حبيبي؟
وبيرجع بيغمرو من جديد وبيبوسو
هشام:لك يقبرني الي خلقك وكونك
بتقرب منو سارة وبتحط راسها ع كتفو
سارة; حاج تتغزل،فيه غرت
هشام: دخيل الي بغار انا شو بعشقو،لك بموت فيكي انتي وابنك
______
لمحة عن حياة ابطالنا بعد مرور السنة
ماجدة صار عندها صبي وسمتو كرم
وبالنسبة لعلاقتها مع اياد
كانت طول هالفترة متوترة ودائما مشاكل وخناق
اياد ماقدر يحبها ولاقدر يتأقلم عالوضع
بس هو مكمل معها كرمال ابنهن بس
وفداء تزوجت هي وصافي
ونفذت الي،براسها وحطت كل الاملاك يلي
ورتتها ياهن امها الها ولااخواتها بااسمها هي
عن طريق التزوير
اما هناء فتخرجت وحاليا عم تدرس اختصاص
وكانت طول الوقت عم تشغل حالها بالدراسة
لحتى تنسا يلي صار معها بالماضي
وتنسى اياد
بس ماكانت بتعرف انو لسا القدر مخبيلها مفاجأت واوجاع جديدة،
____
بالشركة
مجدي بيك فتح خزنتو وكان عم يدور على سندات مهمة
دور كتير ومالقا شي
وحكا بينو وبين حالو بحيرة:لعما وينهم
والله انا كنت حاطتهم بهاد الرف
دور عليهن بكل مكان
وماكان يلاقي شي
مجدي: لعما وين راحو هدول
رفع سماعة التلفون وحكا مع عماد
مجدي: عماد تعال لعندي بسرعة
بعد دقايق اجا عماد
عماد: خير اخي شبك
مجدي: في اوراق ضرورية رايحة من الخزنة
عماد: اوراق شو؟
مجدي: اوراق للشغل
وعقود املاكي
عماد: شوهالحكي وين بدهن يكونو راحو؟
مجدي: شو بعرفني رح جن
ياعماد اوراق ازا مالقيتها بينخرب بيتي
عماد: طيب اهدا اخي وروق ،
مجدي: لك شلون بدي رووق عم قلك الاوراق مهمة
عماد: طيب من انت متاكد انك حاطتهن هون؟
مجدي: لك طبعا هون، انا من شغلة سنة حطيتهن بهاد الرف
واشر عالخزنة يلي كانت مفتوحة
مجدي; ومارجعت طالعتهن ابدا
اليوم اعتزتهن جيت لااخدهن مالقيت شي
صفن عماد بخبث
ليقطع صفنتو مجدي: وين صفنت اخي؟
عماد: اه؟ لا ولاشي، حدا غيرك بيعرف باسورد الخزنة؟
مجدي: ماحدا غير هناء
عماد(ب شر): اسالها بلكي بتعرف شي
مجدي: لك يااخي هناء شو رح تعمل بهيك اوراق يعني شومصلحتا تشيلهن
عماد: اخي ماعم قلك انو هي شالتهن بس سألها بلكي بتعرف وينهن
بعدين بجوز انت تكون حاطتهن بمكان ونسيان
مجدي: طيب رح اسالها
عماد(بحقد): اهدا اخي اهدا مابيساولك تعصب
،😈👿.
اتصل مجدي بيك بهناء وقلها تترك كل شي من ايدها وتسبقو عالبيت
وهو طلع من الشركة وركب سيارتو
وراح
بعد دقائق
وصل مجدي بيك، وكانت هناء عم تستناه بالصالون
هناء: خير بابا؟ ليش بعتت وراي؟
مجدي: تعي معي
اخدها عالغرفة
وسكر الباب
ووقف قدامها وهو بيطلع فيها بنظرات. اثارت قلقها
هناء: خير بابا شوفي
مجدي: بابا انا صاير معي مصيبة
هناء(بقلق): خير بابا شغلتلي بالي
مجدي: الاوراق تبع الملكية
يلي كنت حاطتهن بالظرف الاسود اليوم كنت عم دور عليهن مالقيتهن موجودين
هناء تلبكت وماعاد تعرف شو تجاوب بس حاولت تضل طبيعية
هناء: شو هالحكي بابا وين راحو يعني
مجدي: ماانا جاية اسالك ازا بتعرفي وينهن
هناء: لا بابا مابعرف وينهن بابا صحي انا بعرف باسوورد الخزنة بس بعمري مافتحتا اصلا انا شو الي فيها لاافتحا
مجدي: لكن وين راحو
هناء: والله يابابا مابعرف
مجدي(بيحاول يسيطر عااعصابو): طيب رح خليهن ينكشو البيت نكش الاوراق هدول لازم يلتقو
واليووم قبل بكرة
، طلع امجد بيك من غرفة هناء
وكان جانن جنونو
وهناء حاصرتها الدموع
هناء(بقلبها):سامحني بابا والله غصب عني
كنت مجبورة اني خون ثقتك مجبورة لحتى احمي اخواتي
بينما مجدي بيك امر الخدامة تدور على الاوراق
هناء حملت حالها وراحت لعند عماد
____
بعد دقايق
بمكتب عماد
هناء بصرااخ : عجبك هيك انبسطت هي البابا حس على غياب الاوراق
يلا قلي شو بدي اعمل
عماد(ببرود): عادي قوليلو مابعرف وخلص اساسا ابوكي كتير بيثق فيكي
هناء(بلهجة تهديد): عماد يابترجع الاوراق لبابا يااما
عماد(مقاطع): يااما شو يابنت اخي شوكانو جلدك حكك وحابة تخسري اخواتك
هناء: لك حاج تهددني لسا عالطالعة والنازلة اخواتي اخواتي لك انت شو ليش هيك عم تعمل فينا ليش هيك عم تعمل بااخوك بدك تجلطو بدك تموتو قلي شوبدك
احمرت عيونو وهجم عليها متل الوحش
وشد شعرها
عماد: مادخلك شوفي وليه هناء ازا مابتنضبي بقتلك باارضك عم تفهمي
هناء (بحزن): اقتلني اخر همي
عماد(بضحك): طيب واخواتك حبايب قلبك؟ وامك شو بدو يصير فيها ؟
هناء: شوف عماد والله ازا مابترجع الاوراق رح احكي كل شي لبابا
عماد: اي منشوف عيني خير ياحبيبة عمك
انتي بس جربي احكي وشوفي كيف رح سود عيشتكن انتي واهلك
هناء: لك انتتت كلللب كللب وواطي
عماد: هههههههه اي اي انا كلب ،جربي ياهناء واحكي لحتى خليكي تشتهي الموت
رماها عالارض بهمجية
اتطلعت فيه بحقد
وبلعت غصتها وقامت من مكانها وطلعت من عندو وهي منهارا
______
بالفيلة
الخادمة ام علاء: مالقيت شي يابيك دورت بكل الغرفة وسالت هشام بيك وقلي انو ماشافهن
انقهر مجدي بيك كتير
وضاقت فيه الدنيا
ماقدر يتحمل يلي صار
كان على وشك يفقد الوعي ووقع بالارض
ام علاء: مجدي بيك شوصرلك
ياست مريم لحقي مجدي بيك وقع بالارض
اجت الست مريم وهشام
وحاولو يساعدوه ليسطحو عالتخت
هشام: رح اتصل بعماد خلي يجيب صافي ويجي
مريم: بسرعة ابني الله يوفقك
حمل تلفونو واتصل بعمو
هشام: الو عماد وينك انت
تعال وجيب رفيقك الدكتور بسرعة بابا تعبان كتير
عماد: خير خير شبو
هشام: هلق مو وقت الحكي بسرعة جيبو وتعا
عماد: طيب يلا جاي
سكر التلفون وابتسم ابتسامة كلها شر
عماد: منيح يلي اجت منك يااخي
سهلت عليي الموضوع كتير
رحمة الله عليك رح اشتقلك هههههه
______
وصل عماد مع رفيقو الدكتور عالفيلة وقبل مايدخلو حكا معو كلمتين
عماد: لاتنسى يلي اتفقنا عليه
صافي: ولايهمك هلق شغلة ٥ دقايق وبيكون مسلمها
عماد: كتير منيح وانا مارح انساك 😉ابدا،
فاتو صافي وعماد عالفيلة وطلعو على غرفة مجدي بيك
هشام: استعجل دكتور الله يوفقك
صافي: ازا سمحتو طلعو لبرا وتركوني لحالي مع المريض
طلعو الكل
واستنو برا الغرفة
كانت هناء خايفة كتير على ابوها
وكانت عم تتطلع بعماد وعم تزورو
هناء(بقلبها):انت السبب ازا بصير لبابا شي مارح ارحمك
بعد شوي طلع صافي وكان وجهو مابيتفسر
هشام: طمنا صهري
صافي: جلطة قوية تسببت بتوقف نبضات القلب
العمر الكن
الكل نصدم ونصعق والصراخ عبا المكان
مريم:: شووووو لك انت شو عم تحكييي
هشام(بعدم تصديق): صهري الله يوفقك احكي غير هالحكي
صافي: انا اسف بس هي الحقيقة
هناء بصدمة : لا انت كذاب،،، بابا مابيموت،،، انت قتلته ،،،، انت ياحقير ،،،
هجمت عليه وصارت تضربو
سحبوها اخواتها
وبعدوها عنو
هناء: تركوني بدي موتو بابا مامات لحالو هنن قتلوه
ركدت هناء لعند ابوها
وصارت تهزو مشان يفيق
هناء: بابا فيق مشان الله رد عليي لاتتركني كرمال الله يابابا لاتتركني رد عليي
قربت لعندو وصارت تبوسلو ايده لمحت على اصبعتو في اثار حبر. ممحي
وشكت انو في شي مو طبيعي
وصرخت بصوت عالي
بااابااااا
لايالله لا ،
كان الكل متجمع جمب مجدي بيك
والكل عم يبكي عليه
ريما وياسمين
وهشام ومرتو وام هشام
دخل عماد وصار يمثل انو زعلان على اخوه
وينزل دموع التماسيح من عيونو
عماد: ابو هشام وين رحت وتركتني يااخي وين
هناء (بقلبها): الله لايوفقك بقص ايدي ازا مو انت ورفيقك يلي قتلتو ياوسخ
الكل كان مجتمع حواليي مجدي بيك
والحزن عبا المكان
خبر موتو نزل عليهن متل الغيمة السودا
ماكان حدا عم يصدق انو مات وتركهن ،
شالوه وغسلوه وكفنوه
وحملوه بالتابوت وطلعو بجنازتو
كانو الكل عم يراقب مشهد
جنازتو
ودموعهن ماعم تفارقهن
واكتر حدا تأثر هي هناء لانو هي الوحيدة يلي بتعرف القصة ، وبتعرف شو يلي صار وشو سبب موت ابوها ،
طلعت الجنازة لبرا الفيلة
لحقتهن هناء وهي عم تبكي
وصارت تصرخ عليهن
هناء: مشاان الله رجعووه كرمال الله قولولي انو كذب ،، يابابا مشاان الله رجاع رجااع
_____
بعد تلات تيام
كان اليوم الاخير بتعزاية مجدي بيك الله يرحمو
وكان جو الحزن مسيطر على سكان الفيلة
هناء كانت قاعدة بغرفتها وعم تبكي على ابوها
كانت شاكة انو عماد الو ايد بموت ابوها وانو مو مات بجلطة بس كانت مترردة انو تحكي لحدا
هناء: ياربي شواعمل احكي لهشام وماما كل شي ولا مااحكي
خايفة ازا حكيت ينئزا حدا تاني من عيلتي وانا مابدي هالشي
وانا والله مالي مستعدة اخسر حدا تاني
والله بمووت حالي ازا بصرلن شي والله
وانت ياعماد الزفت رح ضل وراك لااكشفك ع حقيقتك ياحقيرر
______
ببيت عماد
عماد: اي صافي هلق فضيتلك وصار فينا نحكي
سلمني الاوراق يلي عطيتك ياهن
صافي : اول شي سلمني المصاري تعبي 😉
عماد: تكرم عينك بس طمني مو بصمتو عالكل
صافي: ولو طبعا بصمتو عالكل
موصفيان غير تزور توقيعو وبصير كل شي الك
عماد: هي بسيطة منلاقي شي ابن حرام مصفى
منعطيه قرشين وبيظبطلنا ياها
فلاااش باااك:
بعد مااتصل هشام بعماد وقلو جيب الدكتور وتعا
عماد عند صافي
عماد: تعال معي بسرعة
صافي: شوفي لوين بدي روح ؟
عماد: بدي منك خدمة
وازا خدمتني ياه بوعدك اعطيك مبلغ مرتب
بعرفك مابتخجلني
صافي: وشو هالطلب
بيقرب منو وبيهمس باادنو
عماد: بدي ياك تقتل عمك
صافي(بدهشة(: ايوااااا وكيف بدي اقتلو؟
عماد: ولو ابو الصف 😉 بدك مين يعلمك
بتقتلو متل ماقتلت ابن عمك شونسيت😉
صافي : قصدك ابرة ؟
عماد: اي ها هيك صرت تفهم عليي
بقا شوقلت
صافي: لك لعيونك بس قديش بدك تعطيني
عماد: قد مابدك امشي معي بسرعة
بس ليك خود هدول الاوراق بدي ياك بعد ماتقتلو تبصمو على هدول الاوراق
وبعد ماتبصمو لاتنسى تمسح الحبر من ع اصبعو
صافي بسخرية : اه ياابن الحرام بدك تبصمو على بياااض ؟
عماد: شو بدنا نعمل الدنيا بدها ولدنة حرام
،،،
لما راحو عماد والدكتور على بيت مجدي بيك
دخل الدكتور صافي لعند مجدي بيك وعطاه ابرة سم
قتلتو خلال دقايق قليلة
وبعد مامات مجدي بيك صافي بصمو عالاوراق وطلع
،،،
بااااااك
صافي : وشوناوي تعمل كرمال بنت اخوك
عماد: هناء قصدك؟
صافي: اي هي ماشفتها كيف هجمت عليي الحمدلله ماحدا صدقها
بوقتها كنا اتبهدلنا
عماد: والله هي البنت ازا ضلت موجودة رح توجعلي راسي
انا لازم اعمل شي واقلب كل شي ضدها
صافي: كيف يعني
عماد: بعدين بتعرف ، بس ليك بجوز ارجع احتاجك
صافي: خدامك انا ابشر
حمل تلفونو عماد واتصل
بماجدة وقلها تجي لعندو بسرعة اجت ماجدة وقعدت مع عماد
ماجدة: قلي شو الموضوع يلي جبتني مشانو
عماد: انا جبتك لاالك لانك اكدع وحدة بين اخواتك
وبدي منك طلب
ماجدة: من عيوني شوطلبك
عماد: مجدي الصغير
ماجدة: شبو
عماد: صار لازم يموت ماهيك؟
ماجدة: معك حق بس كيف ؟
عماد: منحطلو سم جوا الحليب
ومنلزق التهمة بهناء
منحطلا السم بغرفتها لحتى وقت يصير تحقيق تنلزق بضهرها
ماجدة: هناء؟
عماد: اي هناء هناء صارت خطر علينا وخصوصي بعد مامات ابوكي اكيد بدها تنكش الماضي
ماجدة(بااستغراب): بعد مامات ابي؟ ليش نحن شو دخلنا بموت بابا؟
تلبك عماد وحس عحالو انو زلق بالحكي
عماد: لا مادخلنا بشي بس قصدي هناء هلق
كتير مقهورة على مرت ابوكي الله يرحمو
ومفكرتنا انو انا وانتو عملنالو شي لحتى مات
ماشفتيها كيف كانت عم تصرخ علينا لما مات وعم تقللنا انتو يلي قتلتوه
ماجدة: اي بس نحن ماقتلناه
وهناء كانت مو بوعيها لما حكت هالحكي
عماد: لا وانتي السادقة كانت بكامل قواها العقلية
وازا ضلت مفكرتنا انو نحن يلي قاتلين ابوكي يمكن تعمل شي مصيبة وتفضحنا
ماجدة: طيب وضروري نقتل مجدي مندبرلا غير تهمة
عماد: لا مابدنا ندبرلها غير تهمة
لانو موت مجدي لصالحنا
ماجدة: كيف يعني لصالحنا
عماد: لك ياجدبة اولا مجدي ابن هشام وبكرا بس يكبر بيورت ابوه
اي نحن هشام ماعم نعرف كيف نخلص منو
بقا ناقصنا كمان ابنو
وتانيا هاد الشي بيكون عقاب لسارة لاانها مانفذت اتفاقكن
ماجدة: اي بس مجدي مانو ابن هشام وبالمستقبل منقدر نثبت هالشي
عماد: وكيف بقا
ماجدة: بتحليل ال DNAيلي عملناه
شو نسيت ؟
فلاااش باااك
عماد وماجدة وفداء وريما عم يحكو
فداء: نحن لازم نتخلص من هالولد بااي طريقة
ماجدة: مافي داعي نتخلص منو
بكرا بالايام منقدر نخلص منو بدون مانقتلو
عماد: وكيف هي ؟
ماجدة: لك شبكن انتو شونسيتو سارة مين كانت تحب وعند مين كانت تروح
لك ياجدبان
الطفل يلي ولدتو سارة
هاد مو ابن هشام ابن رائد
ريما: وانتي شوعرفك
ماجدة: انا بعرف كل شي
وازا مو مصدقيني جيبولي شي من اتر مجدي
وشي من اتر هشام
وخلونا نعمل فحص DNA،
لما راحو البنات وعماد وعملو الفحص
كانت النتيجة سلبية وطلع مجدي مالو ابن هشام
بس رغم هيك قررو يخفو الموضوع عن هشام لوقت مايجي وقت مناسب
فداء(باابتسامة شر(: هيك لكن ياسارة جايبتيلنا ابن حرام
وعم تقولي انو هاد ابن هشام
ريما: هههه لا وعاملة حالها بتحبو لهشام
ماجدة: شفتووو قلتلكن انو هالمرة كذابة
عماد: خلو هالشي بيناتنا لحتى مايجي الوقت المناسب الي نفضح فيه القصة
مابدي حدا يعرف بالموضوع
باااااااك
عماد: لامالي نسيان التحليل
بس هاد الشي مابيمنع انو نقتل الولد
اولا لحتى نعاقب امو
على خيانتها النا
تانيا لحتى ندهور هناء ونلزق التهمة فيها
ماجدة: خلص ازا مصر انو نقتلو منقتلو
اصلا موتو احسن الو
ازا ضل عايش ونكشفت قصتو رح يتعذب كتير الولد حرام
عماد: ههههه اه ياحنونة
ماجدة: يلا انا رايحة تاخرت على ابني وبكرا نشالله بخبر فداء ومنروح لبيت اهلي وبنفذ كل شي قلتلي عليه
تصبح على خير
عماد: وانتي من اهلو
طلعت ماجدة من عند عماد
وعماد بلش يضحك بصوت عالي
عماد: هههههه مجانين مفكرين انو لسا في امل يورتو شي من ابوهن
ماعندهن علم انو كل شي رح يصير الي انا
وانا الي رح صير صاحب الرزق وصااحب السلطة هههههه
______
تاني يوم الصبح راحت ماجدة على بيت اهلها
وحكت كل شي اتفقو عليه هي وعماد لااخواتها واتفقو انو ينفذو الخطة بااسرع وقت
كانت سارة رايحة على شغلها
وشايلة ابنها
شافت هناء ووقفتها
سارة: هناء شوعندك اليوم
هناء: ولاشي ليش؟
سارة: دخيل عينك عندي مشوار صغير وبدي اترك مجدي معك لانو تعبان شوي وبصراحة ماعم امن عليه مع المربية
هناء: اي تكرمي مرت اخي هاتيه
سارة: نتبهي عليه امانة
وزكاتك خلي المربية تعملو حليب حرام جوعان
هناء: ولايهمك هلق انا بعملو
انتي روحي على مشوارك
عطتها الولد وراحت
حملت ابن اخوها وضمتو بحنية
هناء: تؤبر البي ياروح عمتك
اخدتو وراحت على غرفتها
وكانت فداء عم تراقبها
راحت دغري وخبرت ماجدة
فداء: ماجدة بسرعة روحي شوفي شغلك الولد مع هناء وهيك رح تلبسها التهمة لبس
ماجدة: كتير منيح
راحت ماجدة وكانت لابسة كفوف و اخدت معها سم قاتل
حطت شوي منو بعلبة الحليب يلي بيشرب منها مجدي
وطلعت وكانت واقفة من بعيد عم تراقب هناء
بعد شوي طلعت هناء من غرفتها وراحت عالمطبخ لتعمل حليب لمجدي
استغلت الفرصة ماجدة ودخلت على غرفة هناء حطت السم بااول درج
وطلعت بسرعة،
بعد دقيقة اجت هناء ومعها قنينة الحليب
كان مجدي عم يبكي حملتو وصارت تعطيه الحليب
هناء: خلص ياقلبي هلق رح ناكل وننام
تؤبر البي مااحلاك
عطتو الحليب وسطحتو عالتخت وراحت لبرا الغرفة
بعد بنص ساعة
مجدي صار يبكي بصوت عالي
الولد كان عم يتألم كتير من مفعول السم
سمعت صوتو هناء وركدت لعندو وشالتو
هناء: شو ياقلبي شو لي عم تبكي ياحبيبي ،
الولد كان عم يتعذب كتير
حست هناء انو وضعو مو طبيعي وصارت تصرخ لاامها
هناء: ماما تعي شوفي مجدي مابعرف شو صرلو ياماما ،
رجعت سارة وكانت رايحة بااتجاه غرفت هناء لما سمعت صوت ابنها ركدت بسرعة
سارة: شوفي شبو ابني
هناء: مابعرف كان عم يبكي عطيتو الحليب وسطحتو وطلعت ورجعت لقيتو بهالحالة ،
رتعبت كتير سارة على ابنها
واخدتو من ايد هناء
سارة: خلص ياماما خلص انا جيت ياحبيبي
يالله هناء شو صرلو الولد
لك.شوعملتيلو
هناء: شو بدي اعملو يعني
سارة: مابعرف سالي حالك
اجت الست مريم على اصواتهن
مريم: شبكن ليش صوتكن طالع شبو مجدي
سارة: مابعرف مرت عمو تركتو مع هناء كان مافيو شي رجعت لقيتو بهالحالة
مريم: سمي بسم الله وعطيه حليب بلكي بيهدا
سارة: ماعم يرضا ياخد الببرونة
بينما كان الولد عم يبكي استفرغ وكب كل شي ببطنو
ومالقوه غير غاب عن الوعي
الرعبة سيطرت ع سارة وصارت تصرخ
سارة: مرت عمي شو صرلو الصبي سكت
مريم: هاتيه وقومي اتصلي بجوزك يجيب الدكتور صافي ويجي
بسرعة
بينما كانت سارة رايحة تتصل
وقفتها هناء وصرخت فيها
هناء : لااا بلااا صافي انا بفحصو ، بلااه هاد يلي اسمو صافي
اطلعت فيها سارة وصرخت بوجها
سارة: انتيي؟؟ اذيتيه للولد وبدك تفحصيه ، ماحزرتي حبيبتي مارح خليكي تلمسي الولد
راحت اتصلت بهشام
وخلال نص ساعة
هشام جاب الدكتور واجا
______
نهاية البارت 10
يتبع......
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`