الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan (شرقية الهوى)
البارت 5
باليوم التاني
كانو هشام وسارة عم يوقعو شوي اوراق
فجأة بيندق الباب
بيرفع راسو هشام
هشام: تفضل
بينفتح الباب وبتدخل هناء
دخلت لعندهن هناء
وهي عم تدلع متل عادتها
هناء: صباح الخير
هشام: اهلين ياقطة لك شوجابك
هناء: هلق هيك الناس بترحب بالناس؟
هشام: ههههه لك نورتي هنو بس ستغربت راجعة من الجامعة بكير
انتبهت هناء لوجود سارة
واطلعت فيها بفضول
هناء: ماعرفتنا مين الانسة ؟؟
هشام(عم يتبسم): اه صح بعرفك سارة خطيبتي
واطلع هشام بسارة واشر على هناء: هناء اختي الصغيرة دلوعة البيت ودلولتنا كلنا
التنتين نصدمو وصارو يتطلعو ببعض ويقيسو بعض من فوق لتحت
قامت سارة من مكانها وكانت لسا عم تتطلع ب هناء وهناء عم تبادلا النظرات
وكل وحدة تقول بقلبها كلام
هناء بقلبها: واخيرا شفتها لبدر الدجا يلي صرعوني فيها هو واياد😏 بس يلا ماشي حالها
سارة بقلبها: هلق هي هناء يلي طول الوقت اياد بيحكيلي عنها🙄 حلوة هالمقوصة بس شكلها مكيودة
كان هشام واقف بيناتهن وعم يتصفن بالتنتين مستغرب من نظراتهن لبعض
هشام: شو ليش عم تتطلعو ببعض مو ناوين تسلمو ع بعض🤔
قربت هناء وصارت تعمل حالها فرحانة كتير وصارت تحكيها بلهجة اقرب للسخرية
هناء: لك اهليين وسهلين بمرت اخي المستقبلية على فكرة حكالي عنك هشام كتير بس طلعتي احلا من الحكي بكتييرر
اطلع فيها هشام مستغرب ،،
وحكا بقلبه: مين هي هي اكيد موهنااء!!
سارة مدت ايدها وسلمت وصارت تتصرف متل هناء
سارة: اهلين فيكي حبيبتي وانا كمان سمعت عنك كتيرررر حكي حلو😏
قربو من بعض وبوسو بعض وكل وحدة بقلبها مو طايقة التانية ونظراتهن لبعض كانت كلا غيظ
وهشام كان لسا واقف وعم يتطلع عالتنتين بااستغراب!
تركتلكن الخيال الكن تخيلو المشهد😅
هشام: طيب قعدو خليني اطلبلكن قهوة ،
جابت هناء كرسي وقعدت بثقة ولفت رجل على رجل
وسارة قعدت مقابيلها
هناء: طلعت من جامعتي بكيرر قلت بجي وبسلم على اخيي حبيب قلبييي
هشام: لك انتي بتنوري هنو
اتطلعت بسارة بغرور وبلشت تحكي وتتغما : يااالطيف يااخي مابتصدق قديش رفقاتي البنات بالجامعة بيسألوني عنك،
وكلو بيقلي شوهالشبوبية يلي عليه
وهي يلي بتقلي طبقيني لااخوكي
وهي يلي بتقلي الله يبعتلي واحد متلو
لك بتعرف صرت عم خاف عليك من العين
كانت سارة قاعدة وساكتة ومو عاجبا شي
اما هشام فكان عم يضحك بالسر وفهمان الطبخة 😅
هشام(بضحك): يالطيف رح فكر حالي براد بييت شوي تانية !!
هناء(بغرور): ييي اي انت احلا من براد بيت ،
اتطلعت بسارة وقالتلا: بتعرفي نيالك ياسارة على اخي،، هشام مافي منو يقبر قلبي
سارة(باابتسامة متصنعة):بعيد الشر عن قلبك حبيبتي ، اي والله هشام مافي منو
هشام(بخجل): شبكن ياجماعة خجلتوني !!
هناء: يقبرني الخجول انا اصلا هي الحقيقة ،
هشام(بضحك):طيب اوكي ، شربو قهوتكن هلق بتبرد
شربو قهوتهن بهدوء
وكانو سارة وهناء عم يتطلعو ببعض ويوزعو ابتسامات مزيفة 😁
وهشام عم ينقل نظرو عالتنتين ويقول بقلبو: الله يستر من يلي جاية
وفجأة سارة حطت فنجان القهوة عالطاولة ووقفت
سارة: انا صار لازم امشي
هشام: قاعدين حياتي!!
سارة: لامعلش بدي روح كمل شغلي ،
هشام:طيب حبيبتي بس ماتنسي موعدنا المسا؟
سارة: اوك نشالله
اتطلعت بهناء ومدتلا ايدها
سارة: فرصة سعيدة انسة هناء
هناء(بغرور):وانا اسعد حبييبة قلبي
سارة: مالحقنا نتعرف ع بعض اكتر بس الايام جاية
هناء(باابتسامة متصنعة): اه اي طبعا طبعا حبيبتي
سارة: يلا بالاذن
هشام: اذنك معك حبيبتي
مشيت سارة من مكتب هشام ،
وقعدت هناء وتصدرت
وصارت تقلدها وتتججقم وترفع عيونها
هناء: ماتعرفنا على بعض منيح بس الايام جاية ،،، تضربي شو نفسية
هشام (عم يضحك)ئ: لك وليه دبة شوصرلك انتي ؟؟
هناء(بتساؤول): ليش شوعملت؟؟
هشام: ماعملتي شي بس قعدتي تحكيلا للمخلوقة
انو البنات قاتلين حالهن عليي ، يامكيودة
مشان تنقهر
هناء(بغرور): اي خليها تعرف لمين مخطوبة ، ومين خطيبها ،
هشام: يالطيف شو مدودة
هناء: دخلك شفتلي على هالنفسية شو جقرة ،
هشام(بصدمة):لك وليه دبة قدامي عم تحكي عليها هيك!!! لك استحي يابنت هي رح تصير مرتي
هناء(بلهجة سخرية):يووووه تتهنا حبيبي تتهنا ،
هشام: يالطيف منك شو غيورة لك ازا خطيبة اخوكي غيرانة منها هيك ،
كيف لو تزوجتي وشفتي جوزك واقف مع شي صبية
اتطلعت بهشام بنظرة شرسة وصارت تشوبر باايديها
هناء: اي والله العظيم بدبحو وبشرب من دمو ، قال مع شي صبية قال
هشام(بصدمة): والله انتي بتخوفي يااختي ياالطيف الله يعينو يلي رح يبتلي
هناء(بغرور): لا بالعكس نيالو
هشام: ههههه يعليكي مااقوا كي
----------------------------------
المسا
بمطعم كتير فخم
كان هشام قاعد
عااحدى الطاولات المزينة بالورد والشموع
وعم يستنا سارة لتوصل
اطلع ع شاشة موبايلو وظبط شعرو
وكان كتير متحمس
واخيرا وصلت سارة وهي بكامل اناقتها وانوثتها
وبوجها الناشف متل العادة
واول ماشافها
بلش قلبو يدق بسرعة
وكل ماتقرب خطوة تزيد دقات قلبو
وصلت لعندو وسلمت عليه
سارة: مساالخير
هشام(بحب): لك يامسالورد والياسمين اهلين حبيبتي
قرب لعندها وسحبلا الكرسي لحتى تقعد
قعدت وابتسامة ابتسامة صغيرة
سارة:شكرا
قعد هشام محلو وكان متلبك شوي،بحكم انو اول مرة بيلتقو برا الشغل ولحالهن
ضلو لثواني ساكتين
وبعدها قرر هو يبلش حكي
هشام: شو كيفك
سارة; الحمدلله تمام كيفك انت؟
هشام: منيح بشوفتك حبيبتي
سارة:...
ورجع عم السكوت بيناتهن
هشام: شو حبيبتي ليش ساكتة؟
سارة: لا ولاشي
قرب ايدو من ايدها ومسكها واطلع فيها بعيون عم تبرق وتغزل حب
الشي يلي خلاها تدايق وتختنق من جوا
هشام: بتعرفي سارة،انا كتير مبسوط لاني قاعد معك هلق ،ومبسوط كمان لانك رح تصيري الي، مابتصدقي قديش انا فرحان وانتي حبيبتي مانك فرحانة؟
سارة(باابتسامة متصنعة): مبلا
رفعلا ايدها وباسها
وهي كانت عم تحترق اكتر واكتر
بس موقدرانة تحكي شي مجبورة تتحمل
عم تفكر بينها وبين حالها
ايمت رح يخلص هالكابوس الي هي فيه
بينما هو كان دايب فيها وطاير عقلو من الفرح
قطع افكارها لما حكا بصوت مليان حب
هشام: سارة، انا بحبك
ضلت ساكتة وماجاوبت ب ولا كلمة
بينما هو بلش يتضايق من سكوتها المستمر
حط ايدو ع وجها بحنية
هشام: شبك ياعمري ليش حاسس انك مانك مبسوطة؟ مدايقة مني شي؟
سارة (وهي عم تحاول تبان طبيعية): لا هشام مافي شي ماتشغل بالك، انا بس تعبانة شوي
هشام: ياعمري انتي سلامتو لقلبك شبك شوعم يوجعك؟
سارة: ولاشي بس راسي شوي عم يوجعني ماعم نام منيح
هشام: ليش ياروحي لي ماعم تنامي منيح
سارة (بقلبها): كيف بدي نام وانت قاعد ع قلبي متل الكابوس
سارة: لامافي شي بس هيك عم يصبني قلق
هشام: طيب لي مابتشوفي دكتور
سارة: ان شالله رح شوف
هشام: اي لازم حبيبتي ،الله يخليكي سارة ديري بالك ع حالك ماتشغلي بالي عليكي تمام؟
سارة:تمام خلص
هشام: سلامتك ياعمري انتي
سارة: الله يسلمك
هشام: رح اطلب العشا شو رايك؟
سارة: متل مابدك
اشر للميتر باايدو
اجا لعندو وطلب عشا
اتعشو وحكو شوي
وبعدها وصلها عالبيت وراح
دخلت سارة عالبيت وهي مدايقة
كانو اياد وامو قاعدين بالصالون
دخلت لعندهن وكان مبين عليها انها معصبة
سارة: مساالخير
ام اياد: مسالخيرات امي
اياد: شو بلاقيكي ماتاخرتي
سارة(بنبرة انزعاج): قديش يعني لازم ضل معو للاافندي هي صرلي ساعة ونص معو مابكفي؟
اياد:اي وشبك ليش معصبة شو حكينا؟
سارة(بعصبية): لاا سلامتك مافي شي
اياد: لك شبك وليه؟ ليش كل هالعصبية؟
سارة: على اساس مابتعرف ليش كل هالعصبية ما،لك الف مرة قلتلك اني ماني طايقتو، وانت اصريت عليي انو اطلع معو،ولسا جاي عم تسألني ليش معصبة وليش ماتاخرت، والله ماعندي علم انو لازم قضي السهرة كلها مع رفيق عمرك،
قام من محلو وقرب لعندها وهو عم يهدي اعصابه
اياد: لك سارة ايمتا بدك تفهمي انو كل شي عم يصير هو منيح بحقك ايمتا
سارة:ولككك حاج فهمت فهمت طلعت من راسي هالدباجة، لسا عالطالعة والنازلة لمصلحتك هالشي وهشام مافي منو، اي حاج بقا ياااه فهمنا
وتركت المكان وراحت على غرفتها
اياد ل امه:شفتيلي بالله على بنتك
ام اياد: تركها امي تركها معها معها بتكن وبتهدا
اياد(بيتنهد): من تمك لباب السما
ام اياد: ان شاالله امي نشاالله
وقامت من مكانها
وحطت ايدها ع كتفو
ام اياد:يلا تصبح ع خير انا رح روح نام
اياد: وانتي من اهلو. ياامي
-----------------------------
مرق فترة ع ابطالنا
و صافي طلب فداء رسمي من ابوها
وخطبو ولبسو محابس
واليوم هو عرس هشام وسارة
كان هشام بغرفتو عم يجهز حالو والفرحة مو وسعانتو
ظبط الببيونة
ورش عطر
وابتسم عالمراية
وطلع لبرا
كانو هناء والست مريم عم يستنوه برا
وقف قدامهم بثقة وبلش يتفتل
هشام: كيف طالع
كانت الست مريم عم تتطلع فيه وعيونها مليانين دموع فرح
مريم:ياعمري انت بتجنن
هناء: لكك يقبرني الحليوة انا
هشام: لك انتو الي بتجننو الله يخليلي ياكن
مريم: دخيل هالجمال ياروح امك
اية الكرسي تحفظك ياحبيبي ،ان شالله الف مبروك
هشام: الله يبارك فيكي ياامي عقبال ماتفرحي بهي الدبة
هناء(بدلع): انالا لسا بكير انا بدي ضل دلولة بابا
مريم تبكي: عقبال مانلاقي اخوك ادهم وافرح فيه واعملو عرس كل الدنيا تحكي فيه
قرب منها وعانقها بقوة
هشام: ان شالله ماما ماتبكي الله يخليكي بعدين اليوم عرس ابنك الكبير لازم تفرحي
هناء: اي ماما. الله يوفقك
ووقفت قدامها وصارت تتفتل
بعدين شوفيني طالعة حلوة ما ؟ اكيد هلق يلي رح يشوفوني رح يقولو طالعة احلا من العروس
هشام(بنرفزة): بااحلامك 😏
هناء:عم احكي مع امي انا 😒
مريم: بتجنني ياعيون امك
يلا حاج تتناقرو هلق منتاخر خلونا ننزل
-----------------
اما عند سارة كانت لابسة فستان الابيض وقاعدة عم تبكي
دخل لعندها اياد وشافها عم تبكي
قرب لعندها و قعد جمبها
اياد: سوسو عم تبكي؟ واليوم عرسك
سارة: ....
حضنها وباس راسها ومسك ايديها
اياد: وحياتك ياسارة انا كل شي عم اعملو لمصلحتك هشام شب منيح وبكرا بس تعيشي معو رح تعرفي هالشي ورح يجي يوم وتجي تشكريني لانو جبرتك على هالزواج بكرا بتشوفي
هزت براسها بمسايرة
اياد: يلا هلق مسحي دموعك قربو يوصلو اهل العريس
مابدي يشوفوكي زعلانة
بدي ياكي تطلعي احلا عروس بكل الدنيا
ام اياد(من برا الغرفة): شوصار معكن وصلو هشام واهلو
اياد: يلا امي جايين
اياد(وهو عم يتطلع بسارة): يلا حبيبتي قومي معي
------------------
كان مكان العرس
عبارة عن فندق كبير
وضخم وكان المكان مليان ناس من اصحاب الذوات
دخل هشام مع اهلو
على قاعة العرس
ومن بعيد اجا اياد ومعو سارة قرب لعند هشام وسلمو عروستو
اياد: دير بالك عليها هي حبيبة البي واختي الوحيدة
هشام: ماتخاف رح حطا بعيوني وبقلبي
اياد: ان شالله الف مبروك
اخد هشام عروستو وطلعها على مكان مابيقعدو العروس والعريس
بينما الناس مشغولين بالعرس
اياد شاف هناء من بعيد وراح لعندها
اياد: شو هالجمال كلو
هناء(بثقة): ماانا من يوم يومي حلوة شوالجديد
اياد: الجديد انو كل يوم عم تحلي اكتر
قرب منها ومسك ايدها
هناء: شتقتلك كتير
اياد: وانا كمان ،
هناء: مالك خايف هشام يشوفك
اياد(بضحك): هشام هلق بعالم تاني شو بدو فينا
من بعيد شافتهن ماجدة اطلعت فيهن بنظرة خبث
وبقيت تراقبهم شوي وبعدها مشيت
اما عند. العرسان فكان هشام موعاطي فرحتو لحدا
بينما سارة ماكان عاجبها الوضع ابدا
وعم تتصنع انها مبسوطة قدام الناس
بس هي قلبها من جوا عم يبكي وحاسة حالها عم تختنق
بعد ساعات انتهى العرس
وهشام دخل هو وعروستو على غرفتهن
قعد جمبها ومسك ايدها
وكان صافن فيها بحب
اما هي فكانت منزلة راسها بالارض
هشام: نورتي حياتي كلها
سارة: ......
هشام: ليش ساكتة حبيبتي احكي شي
سارة: ......
رفعلها وجها باايدو
واطلع فيا بقلق
هشام: فيكي شي حبيبتي؟
هزتلو براسها (لا)
باسها من جبينها
وقرب منها بدو يضمها
وفجأة حست النار شعلت جواتها اكتر
بدون سابق انذار
بعدتو عنها بقوة
وهشام استغرب من تصرفها
هشام: شبك حبيبتي لي هيك عملتي
سارة: ماتقرب عليي
هشام(بصدمة): ليش ياعمري
سارة (بحقد)ئ: قلتلك لاتقرب عليي
انا مابحبك مابطيقك وازا مفكر انو نعيش انا وانت متل اي زوجين بتكون غلطان
هشام نصدم من كلامها وكانو الحكي نزل عليه متل الصاعقة
هشام: شو قلتي ؟
سارة: متل ماسمعت
هشام: عم تمزحي انتي مو هيك ياروحي ؟
قامت من مكانها ووقفت قدامو
سارة: لاماعم امزح هشام ازا مابتبعد عني بقتل حالي عم تفهم
انا بكرهك بكرهك
هشام: بتكرهيني؟ وازا بتكرهيني ليش تزوجتيني ؟
نزلت راسها بالارض وماجاوبت بشي
سارة: ...
هشام: جاوبي ليش ساكتة احكي
سارة: ماعندي شي قولو
هشام(بااستغراب): ماعندك شي تقوليه ؟ !
سارة: اي وازا سمحت طلاع لبرا بدي غير تيابي
هشام: سارة انتي بوعيك شي ؟؟
سارة(بعصبية):وبكااامل قواي العقلية طلاع لبرا ازا سمحت ،
قرب منها وهو مصدوم والف سؤال وفكرة براسه
صرخت فيه
سارة; قلتلك بعددد عني وطلاع لبرا بدي غير تيابي
اطلع فيها بحزن وغمض عيونو
وعصر ايدو وحاول يتمالك اعصابو
هشام: طيب طالع،طالع
طلع هشام وكان كتير مقهور ومتدايق من يلي عملتو سارة فيه
طلع عحديقة الفيلة قعد شوي مع حالو
شافتو ريما من شباك غرفتها
وراحت تخبر ماجدة
ريما: ماجدة قومي تعي شوفي هالشوفة
ماجدة: شوفي
ريما: لك تعالي تضربي
اجت ماجدة معها واطلعت من الشباك
واستغربت اول ماشافت هشام
ماجدة: شوهاد؟ هاد شوعم يعمل هون ؟
ريما: مابعرف صرلو مدة قاعد ومبين كتير مزعوج
ماجدة: شوالقصة ياترا
ريما: انا صار عندي فضول
ماجدة: يلا قال ياخبر اليوم بفلوس بكرا ببلاش ،
تركينا منو هلق وتعي لااحكيلك
ريما: شوفي
ماجدة(بغيظ): شفتيلي هناء كيف كانت قاعدة مع اياد وكانو كتير منسجمين
ريما: هههه ليش ماعندك خبر
ماجدة(بتساؤول): لا ماعندي شوفي
ريما: هناء واياد بيحبو بعض
ماجدة(بصدمة): شووو ؟ بيحبو بعض🙂
ريما: اي هناء حكتلي الي ولياسمين
ماجدة(بعصبية): وليش ماخبرتيني
ريما: مابعرف ماخطرلي، بس خبرتنا انو يضل هالحكي سر بيناتنا
ماجدة(بحقد): هيك لكن ياهناء اي شوعليه منتواجه
ريما: شو بدك تعملي ؟؟
ماجدة: بكرا بتشوفي
ريما(بقلق): ولي دبة شوفي براسك؟
ماجدة(بلهجة عصبية): خلصنا قلتلك بعدين بتعرفي
وتركت المكان ومشيت وهي معصبة
وكانت ريما مستغربة من ردة فعلها،،،
اما هشام راح على غرفتو مشان ينام
دخل ع غرفتو
كانت سارة متسطحة وبارمة ضهرها وباايدها موبايلا
اجا لينام
حست عليه وبرمت لعندو
سارة: شوعم تعمل
هشام(بعصبية): بدي نام كمان ممنوع؟
سارة : ماشي رح نام ع الكنباي لانو مابدي كون قريبة منك
اطلع فيها وهو عم يموت قهر من كلامها الجارح
بس حاول يبين انو مو مهتم
هشام: اممم طيب خليكي مكانك انا بنام عالكنباي
سارة: لامعلش هي غرفتك انت وتختك مابدي ازعجك
هشام(بسخرية): اي لانو انتي مازعجتيني ابدا
معلش هالمرة بس عملي متل مابدي نامي انتي هون وانا بنام عالكنباي ،
اخد مخدة وغطا وراح اتسطح عالكنباي كان كتير متدايق ومكسور من جوا
لدرجة انو ماقدر ينام
طلع الضو ولسا هو فايق
وعم يفكر ليش هيك عملت معو سارة بااحلا يوم بحياتو ،
صارت الساعة ١٠ الصبح فاقت سارة
وكانت عم تظبط حالها عالمراي
قرب لعندها هشام
هشام: صباح الخير
سارة: ......
هشام: كمان مابدك تردي طيب على راحتك
بس بدي قلك شغلة هون بهي الغرفة
بيحقلك تكرهيني وتعملي يلي بدك ياه
بس بدي منك طلب صغير
حاولي تمثلي انك بتحبيني بس عالقليلة قدام اهلي
اطلعت فيه بطرف عينها وحكت بطريقة مستفزة
سارة: ليش خايف لاتنهز كرامتك قدام اهلك،
اتدايق منها بس حاول يتمالك نفسو
ويحاكيا بهدوء
هشام: انا كرامتي بعمرها مانهزت ولارح تنهز ،
بس انا كرمالك كرمال مايصير حساسية بينك وبين اهلي ويكرهوكي لانك عم تعامليني معاملة سيئة
سارة(بااستهزاء): هه ايوا اي بحاول مثل دور الزوجة المثالية
هشام: وهلق تفضلي يامدام قصدي ياانسة اهلي عم يستنونا عالفطور
قامت من محلها واطلعت فيه بنظرات استهزاء
وضمت ايدها باايدو
سارة: تفضل ياااا، ،،زوجي
مشي هشام معها
بدون مايصدر اي ردة فعل
نزلو ع القاعة
مكان ما كانت العيلة مجتمعة ع سفرة الفطور
واستقبلتهم مريم
مريم: صباحية مباركة ياعرسان
هشام: الله يبارك فيكي امي
قرب من امو وباس ايدها
مريم: الله يرضا عليك ياامي ان شالله بفرح بولادك
هشام : يخليلي ياكي ياامي
قربت لعند سارة وسلمت عليها
مريم: الف مبروك يابنتي
سارة: الله يبارك فيكي مرت عمو
وسلمو على مجدي بيك واخدو الرضا
واخيررا اجا دور هناء 😁
قربت وسلمت على هشام وضمتو
هناء: مبروك هشامو
هشام:... دخيل قلبك عقبال ماافرح فيكي
قربت هناء لعند سارة وسلمت عليها 😅 وهي عم تحاول تظهر انو بتحبها
اتطلعت فيها بنظرة سخرية وقالتلها
هناء: مبروك مرت اخي،
وسارة بادلتها نفس النظرة ،
سارة: الله يبارك فيكي
قعدو عالسفرة وكانت هناء عم تراقبهن لاحظت انو في شي غريب عم يصير
كانت سارة عاملة حالها انو بتحب هشام وعم تطعميه باايدها
بينما هشام كان من جوا عم يحترق
وعم يحاول يظهر انو كل،شي طبيعي
سارة: صحا وهنا حبيبي
هشام: على قلبك ياروحي
بس هناء كان واضح عليها
انو في شي مو طبيعي
ودفعها الفضول لتعرف القصة!
،،،،،،،،،،،،،،
اما بالشركة
ماجدة راحت لعند اياد عالمكتب
دخلت لعندو وهي لابسة ومتأنقة وعااخر طرز
ماجدة: مرحبا
اياد: اهلا ماجدة تفضلي
قربت من مكتبو وقعدت عالكرسي يلي مقابيلها ولفت رجل ع رجل
ماجدة: شفت حالي فاضية قلت بجي بشرب قهوة معك وبندردش شوي ازا فاضي
اياد: اهلا وسهلا بتنوري
ماجدة: كيف الشغل
اياد: تمام ،انتي كيفك شواخبارك
ماجدة: امم الحمدلله تمام
اياد: ان شالله ع طول
ماجدة: يسلملي قلبك
وعم السكوت لثواني
واياد التهى بشغلو
اتنحنت وحكت
ماجدة: كانك مشغول؟
رفع راسو من الملفات وحكا
اياد: لابس عم وقع هالملف
ليكني خلصت
وبيحط الملف من ايدو وبيشبك ايديه ببعض
اياد: هاتي لشوف شو اخبارك انتي
ماجدة: انا ؟ ولاشي على حالي،
انت يلي شو اخبارك
اياد(بضحك): اممم من انو ناحية بدك؟
كانت نظراتها الو مو طبيعية ابدا
حطت ايدها على مكتبو وسندت وجها عليها
واطلعت فيه بمكر وابتسمت
ماجدة: امممم من الناحية العاطفية مثلا
صفن شوي وفكر بينو وبين حالو انو معقول هناء حاكيتلا شي عن علاقتهن
فاق من صفنتو وسألها
اياد(مستغرب):العاطفية؟!
هزتلو براسها (اي)
ماجدة: اي العاطفية، ليش مستغرب
اياد: اه؟ لا ولاشي، ولاشي
ماجدة:هلق معقول انت مافي حدا بحياتك؟!
اياد: اي وليش يعني مو معقول! شي غريب يعني؟
ماجدة: طبعا غريب،
اياد(بااستفهام): ايوا وليش بقا!
قامت من محلها وقربت لعندو
وقفت جمبو وسندت ايديها عالطاولة
الشي يلي خلاه يستغرب ويقلق بنفس الوقت
ماجدة(بنظرات اعجاب): اي لانو مو معقول شب متلك وبوسامتك واخلاقك ،لهلق مو مرتبط او حابب
اياد: اي مو ضروري
ماجدة: بدك تقنعني انك لهلق وحيد؟،
اياد: ماجدة انتي لوين بدك توصلي!!
حست ع حالها انو زودتها شوي،
وانو حيبلش يحس ع طبختها
بعدت عن الطاولة ورجعت قعدت محلها
ماجدة(بضحك): هههه لا ولالمكان. بس انا حشرية زيادة عن اللزوم، اسفة
اياد: لامو مشكلة مافي داعي تعتذري
بقيت قاعدة معو اكتر من ساعة
وتفوت بحديث وتطلع بحديث
والله اعلم شوفي براسها
وعلى شو عم تخطط
قولتكن شو بدها ماجدة من اياد؟
--------------------
مرق شهرين
وماجدة كانت عم تحاول تتقرب من اياد
بس اياد كان عم يحاول يبعدها
لانو هو بيحب هناء ومابدو يخونها وخصوصي انو ماجدة اخت هناء
بس ماجدة كانت عم تبذل جهدها لتحاول تفرقهن ،
اما بالنسبة لهشام وسارة
وضعهن لسا على حالو
بس هشام لساتو متحمل و قرر يعمل خطة
لحتى يخلي سارة تحبو
على احد مقاعد الجنينة
كانت سارة قاعدة مع اخوها اياد
وعم يحكو
اياد: ماقلتيلي كيفك انتي وهشام
سارة: ماشي الحال
اياد: يعني مبسوطين سوا
سارة: اي ماشي الحال
اياد(مبسوط): ماقلتلك هشام منيح ورح تحبيه
سارة:...
غير قعدتو وفتل لعندها بحماس
اياد: وكيف لقيتي هناء ؟
سارة: منيح يلي فتحت السيرة انت
اياد(بقلق): خير في شي زعجتك بشي هناء لتكوني ماحبيتيها
اطلعت فيه بجدية وحكت
سارة: اخي انت لما اجا هشام يخطبني قلتلي انك بدك مصلحتي ، طيب وهلق انا بدي مصلحتك
يعني انا مابعرف شوخلاك تحب هالبنت
انو اي هي بنت حلوة ومحترمة
بس
اياد: بس شو ؟
سارة: اخي هناء صغيرة وانت كبير وناضج
يعني اطلع على فرق السن بيناتكن
هي عمرها ٢٢ وانت عمرك 33 سنة
اياد(بااستغراب): اي وشو الغلط
انا وهناء مالنا اول تنين بيحبو بعض وبيكون في بينهن فرق بالعمر عادي
سارة: بالنسبة الك عادي بس بالنسبة للناس مو عادي
اياد(بعصبية): وانا شوبدي بالناس
برمت وجها وصفنت
سارة: وفكرك اهلها رح يرضو يعطوك ياها
اياد(مستغرب): وليش لحتى مايعطوني ياها
سارة: لانو البنت صغيرة عليك
اياد: اي ماتاكلي هم انتي
اطلعت فيه ومسكت ايدو
سارة: اخي انا بدي مصلحتك يعني يمكن تكونو هلق حابين بعض بس بعد ماتتزوجو اكيد رح يصير مشاكل ومارح تتفاهمو
بعدين انت شب مثقف وبيلبقلك بنت تكون مناسبة لعمرك
مثلا متل ماجدة
استغرب وطلع فيها بنظرة تساؤول
اياد: ماجدة؟
سارة: اي ماجدة شبها من شو بتشكي ماجدة؟ مناسبة لاالك اكتر من هناء
وبعدين كبيرة وواعية مو متل هناء
هناء لساتها مولدنة ودلوعة البابا
اياد(بملل): هوهو علينا اختي سكري عالموضوع وخليكي انتي بحياتك انتي وزوجك
وقف وحمل حالو بدو يمشي وهو متدايق
اياد: بخاطرك
سارة: لوين رايح اخي
اياد: حديثك بيسم البدن وانا موناقصني
قومي لحتى وصلك على بيتك
سارة: بس انا بدي مصلحتك
اياد: خلصناا بقاا قلتلك قومي لوصلك على بيتك !!
،،،،،،،،،،،،،،،،،،،
رجعت سارة عالبيت دخلت عالغرفة لقت هشام سكران ومو حاسس
عحالو
وكان عم يتطلع فيهل وي قرب منها
شوي شوي
وهي كانت مستغربة منو!!
وصل لعندها واخدها لحضنو وضمها
هشام: شتقتلك ليش تاخرتي، ليش انتي مابتحبيني والله انا بحبك كتير
سارة(باانزعاج): هشام بعد عني قلتلك ماتلمسني
هشام: مابدي بعد فرجيني شو رح تعملي
سارة: بعد عني احسن ماصرخ ولم الدنيا عليك
هشام (يضحك بصوت عالي ): هههههه صرخي يلا خلي كل الناس تعرف ،خليهن يعرفو اننا لهلق عايشين بنفس الغرفة متل الاخوات، صرخي شو عم تستني
سارة: انت اكيد شربان
هشام: اي شربان شربان لحتى انسى
لحتى مافكر فيكي
سارة(وهي عم تبعدو عنها): الف مرة قلتلك اني بكرهك
هشام: وانا بحبك بحبك عم تفهمي
سارة: لك انت عنجد واحد مجنون!
هشام(بصراخ): لك اييي انا مجنون صح مجنون ورح فرجيكي جناني ع اصولو
شدها من ايدها بعصبية
هشام:تعي معي
سارة( وهي تحاول تدفشو):لكك تركني ياحيوان
هشام: حيوووان صح اي
ماكان شايف قدامو
ولامدرك شوعم يصير او هو شوعم يعمل
بلحظة ضعف اخد منها كل شي بدو ياه بالرغم عنها
وبالرغم انو هو بيكره يستغل حدا
بس كانت مشاعرو اقوى منو ومن كل شي
----------------------
باليوم التاني
فاقت سارة الصبح وكانت كتير مقهورة
قاعدة عالكنبا
وشابكة ايديها ببعض وصافنة بقهر
كان هشام نايم
قام من التخت وهو عم يظبط ازرار قميصو اجا لعندها وقعد جمبها وباس راسها
هشام: يسعدلي صباحو حبيبي
بعدت عنو وقامت من محلها ووقفت قدامو
سارة(بعصبية): لك انت شو ماعندك احساس ماعندك ضمير ؟!!
قام لعندها
مسكلها ايدها واطلع بعيونها
هشام: بالعكس انا يلي عندي احساس وضمير
سارة(وهي عم تشيل ايدها من ايدو): كيف بتسمح لحالك تقرب عليي وانا الف مرة قلتلك اني مابطيقك وانو لايمكن انو نكون انا وانت زوجين
هشام: لكن شو بدك نكون
سارة: هشام انا مابحبك طلقني
هشام: صعب
سارة(بصراخ): ليش هيك عم تعمل فيني قلتلك مابحبك كيف رضيان عحالك تعيش مع وحدة مابتحبك !؟
هشام: المهم انو انا بحبك وهاد الشي بكفيني وهلق قومي لبسي تاخرنا عالشركة
سارة: انا مابدي روح
هشام(بلهجة مستفزة): على راحتك ياروحي
سارة: هشام بيكفي تستفزني
وبدون اندار باس خدها واطلع فيها بحب
هشام: بحبك، باي، انا رايح نتبهي عحالك ياعمري اي؟
سارة بقلبها: يقطع عمرك
طلع هشام على شغلو
وسارة راحت لعند ماجدة وفداء‘
فتحت الباب عليهن وهي معصبة
سارة: شو ياصبايا بلاقيكن نسيتو اتفاقنا
ماجدة: انو اتفاق
فداء(ببرود): ولو مجود شو نسيتي
قامت ماجدة من محلها وقربت لعند سارة
ماجدة: اه اي تزكرت اي بس ياحلوة انتي مانفذتي يلي بدنا ياه
سارة(بعصبية): لك ليش انا بعرف شوبدكن بالاول لحتى نفذ
فداء: رح نقلك شو يلي بدنا ياه
سمعي ياسارة
ربع من املاك خالتي مريم
مسجلة بااسم هشام
المول والمزرعة يلي بالضيعة
ومعمل الالبسة
ومعمل القماش
والمطلوب منك انك تسحبي منو هدول الاملاك
سارة(بصدمة): وو كيف بدي اسحب هالاملاك منو بقا هاتي فهميني
فداء: رح فهمك
سارة انتي مرتو لهشام وهشام بيحبك وبيوثق فيكي
بدنا ياكي تخليه يتنازلك عن هالاملاك بحجة بيع شراء
وبعد مايتنازلك هشام عنها انتي بكل بساطة بتتنازلي النا عليها
وساعتها بتقدري تتطلقي وتهربي مع حبيب قلبك رائد ونحن رح ناملكن بيت ونعطيكن مبلغ مرتب تعيشو منو
سارة(بااستغراب): وكيف بدي خلي هشام يتنازل عن الاملاك ؟؟
بتطالع ماجدة علبة حبوب
وبتصفن فيها بخباثة
وبتعطيها لسارة
ماجدة: هدول الحبوب
هدول بيخلو الشخص وقت يشربهن يهلوس
وماعاد يحس على شي
بتعطيه منهن قبل ماتخليه يوقع عالاوراق
ولما بتشوفيه استوا وبطل طبيعي بتعطيه هدول الاوراق وبتخلي يوقع عليهن
وبتناولها ظرف فيو اوراق
بينما سارة صافنة وعم تحاول تستوعب
طلب ماجدة الغريب
لتقطع ماجدة افكارها
ماجدة:واطمني مارح يحس على شي ولارح يتزكر شي باليوم التاني لانو الدوا تأثيرو كتير قوي عالدماغ
سارة: وبلكي صرلو شي
فدا: خايفة عليه؟
سارة: انو اي مابدي يصرلو شي بسببي صح انا مابحبو بس مابدي أئذيه
فداء: اطمني مارح يصرلو شي
سارة: طيب انتو ليش عم تعملو هيك هشام اخوكن ليش بدكن تعملو فيه هيك ؟
قامت فداء لعندها ووقفت قدامها وضمت ايديها ببعض
فداء: هلق انتي شو بدك بهالقصة انتي عليكي تنفذي وبس
وياويلك ياسارة ازا بيطلع منك حرف من يلي قلنالك ياه لحدا
لانو ساعتها رح تدفعي التمن غالي
ماجدة: بقا شو قلتي ياحبابة؟ رح تنفذي؟
سارة(شاردة. من جديد):......
ومتلا فداء باايدها لتفيق من شرودها
فداء: وين صرتي كنتنا
لتفاجئهن سارة بردها
سارة: انا مافيني نفذ
فداء(بااستغراب): وليش بقا
سارة: لو كنت بعرف انو هاد هو شرطكن ماكنت وافقت اتزوج من هشام، انا مستحيل اعمل الي عم تطلبوه مني،لانو الي عم تعملوه اسمو سرقة،وانا مستحيل اسرق
ماجدة(بمسخرة): هههههه اه ياشريفة الي بيسمعك بيقول قديشك بنت منيحة ومابتعمل الغلط
سارة(بعصبية) : شو قصدك ست ماجدة؟!!
ماجدة(بنظرة خباثة): ولوو مرت اخي،؟ معقول مافهمتي قصدي؟
فداء(متدخلة): تركيها اختي انا بفهما
وقربت فداء من سارة وحطت ايدها ع شعرها
وسارة صافنة بااستغراب من تصرفها
فداء: له ياسوسو له،يعني هلق ضلت عالسرقة، دخلك يعني شو فرقت السرقة عن روحاتك لعند رائد وعلى نص،بيتو، مو تنيناتهن شي بوطي الراس؟ ،لك صح لحظة بس سؤال، دخلك اخوكي اياد بيعرف شو عم يصير بينك وبينو؟
وانك بتروحي معو ع البيت؟،
نزلت راسها بالارض
وكانت مصدومة من كلامها وبنفس الوقت قلقانة
وفهمانة انو هاد تهديد من فداء،
فداء: شووو؟ ليش سكتي؟
بعدت سارة عن فداء ومدت ايدها لماجدة
سارة: عطيني الاوراق والحبوب
اطلعت ماجدة بفداء وابتسمو تنيناتهن بخبث
ورجعت ماجدة اطلعت ب سارة
ماجدة: اي هيك ها، هلق انتي عيني
ناولتها الاوراق والحبوب بالايد اليسار
ومدت ايدها اليمين لسارة
ماجدة( بنظرة شر): بالتوفيق مرت اخي
ضلت مادة ايدها بدون ماسارة تحط ايدها باايدها
اخدت الاوراق
وطلعت بسرعة وهي حابسة دمعتها
دخلت ع غرفتها ورمت ظرف الاوراق والحبوب عالتخت وقعدت وصارت تبكي
سارة(بقلبها): ياربي انا شو عملت ولوين وصلت حالي، لك يخرب بيتهن، حدا بيعمل بااخوه هيك؟ ،لاوكمان عم يهددوني ،
اطلعت لوراها ع ظرف الاوراق وعصرت ايدها بقهر
وكزت ع سنانها
سارة: الله يلعنكن كلااااب
----------------------------------
نهاية البارت الخامس
يتبع......
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`