الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan (شرقية الهوى)
البارت 4
باليوم التاني
اجتمعو عماد وبنات اخوه التلاتة عند عماد بالمكتب لحتى يحطو مخططهن لحتى يتخلصو من هشام
ماجدة: اي عمو هات لشوف شوفي عندك
عماد(بخبث): والله يامجودة
في عندي فكرة كتير ممكن تفيدنا
فداء: هات لشوف اتحفنا
عماد: هلق هشام مو عندو بااسمو معمل الالبسة
والمزرعة يلي بالضيعة
والمول
ريما: اي بس هدول املاك امو هي تنازلتلو عنهن
عماد: طيب وشو بصير لو صارو النا
فداء: النا نحن ؟ كيف
عماد: هلق انتو ليش معارضين زواج هشام
ماجدة: مشان ماتجي مرتو وبكرا تجبلو ولاد وياخدو كل شي
عماد: طيب والي بيخليلكن مرت هشام توقف معنا وتساعدنا
فداء(مستغربة): وكيف هي بقا🤔
عماد: سمعوني منيح
انا بعرف شغلات عن سارة
يمكن اتفيدنا بهالشي
ريما: شو هالشغلات بقا
عماد: سارة بتحب شب اسمو رائد
شب سمعتو مو منيحة
بس اهلها معارضين علاقتهن
ولما هشام حكا مع اياد مشان سارة
اياد لقاها فرصة وقال بقنعها تتزوج هشام
مشان يخلصو من هداك الشب
المهم انو سارة مانها موافقة على زواجها من هشام
ومبارح راحت وشافت رائد وحكتلو كل شي
وقالتلو انو هي مو موافقة وانو امها عم تضغط عليها لتوافق على هشام
فداء(بااستغراب): ايوووااا وانا عم قول ليش كانت مو على بعضها ليلة مبارح !!
يالطيف من وين عرفت كل هالمعلومات🙄
سند حالو عالكرسي وحكا بثقة
عماد: ولووو لك عماد انا😉
ريما: والله مالك قليل ياعم
ماجدة: طيب هلق قلي كيف بدنا نخلي سارة تتعاون معنا متل ماقلت؟
عماد: بسيطة
سارة مانها حاببتو لهشام
واكيد بتكون حاقدة عليه
ورح تعمل المستحيل لحتى توصل لرائد حبيبها
لهيك بدي منكن ،،،،
-------------------------
بمكان تاني
كانت هناء قاعدة مع اياد
اياد: شو حبيبتي كيفا دراستك هالايام
هناء: تمام ماشي الحال
اياد: بدي ياكي تطلعي احسن دكتورة
هناء(بدلع): بعرف مشان داويلك قلبك
قرب منها وقرصها من خدودها بحب
اياد: انت من يوم يومك مداوي قلبي ياحلو
بعدت ايديه عنها وحطت ايديها ع خدودها
هناء(بنرفزة): اييي وجعتني
اياد:يعليي اسف ياروحي. موبقصدي
ظبطت قعدتها وحكت وعيونها عم يطلع منها غيظ 🤣
هناء: اي ماقلتلي كيفها مرت اخي المستقبلية
اياد: منيحة بتسلم عليكي
هناء: ودخلك مزبوط متل ماقال هشام انها حلوة واحلا مني
كان اياد حاسس انو هناء غيرانة
وقرر يستغل الفرصة
اياد: هلق هشام قال انو هي احلا منك ؟
هناء: اي هيك قال🙂
اياد: بدك الصراحة
هناء(بحماس): مابدي غيرها
اياد: والله سارة اختي حلوة كتير واحلا منك بكتييررر
بحلقت عيونها فيه بعصبية
وقامت من محلها
هناء:تضرب منك لااختك باي انا رح امشي،
تركت المكان ومشيت زعلانة لحقها اياد مشان يراضيها يحاكيها وماترد عليه
اياد: لك هناء وقفي مجنونة شبك عم امزح معك
مسكها من ايدها ووقفها
ضمت ايديها ببعض ودارت وجها عنو
هناء: حل عني اياد
اياد: لك ياحياتي والله عم امزح معك
لك انتي احلا بنت بكل الدنيا بنظري
هناء: بنظرك مو😡 يعني بنظر الناس انا ابشع بنت
اياد: لك انتي بتجنني بنظر العالم كلها
شبك حبيبتي مابتتحملي مزح
اطلعت فيه وهي لسا معصبة وتخنصرت
هناء: مابصير تفضل ولابنت عليي حتى لو كانت اختك
بحياتك انا الاولى بكلشي عم تفهم😡
اياد: امرك امرك ياحبيبة البي انتي الاولى والاخيرة بحياتي واحلا واهضم بنت بكل الدنيا
هديت شوي وقربت منو واطلعت بعيونو
هناء: من قلبك هالحكي
اياد: لك طبعا من قلبي ياقلبي انتي
دارت وجها عنو وحكت
هناء: بكرهك بتضل بتزعلني
قرب منها وضمها بحنية وصار يلعب بشعراتها
اياد: ولك بحب هز الورد
ياامي مااحلاكي وانتي معصبة
هناء; اهااا يعني انا بكون معصبة وعم فور واغلي وانت بتكون مبسوط ما
اياد(بضحك): ما مو باايدي يابنت بموت فيكي وانتي معصبة،
رفعت راسها واطلعت فيه بعتب وضربتو
هناء: تضرب شو غليظ 🥹
رجع حضنها وصار يضحك عليها
اياد: هههه لك تقبرينييي شو بعشقك
------------------------
بالشركة
هشام قاعد بمكتبو عم يشتغل دخلت لعندو سارة
لما شافها قام من محلو وراح لعندها
سارة: مرحبا
هشام: اهلين حبيبتي كيفك
سارة تدايقت كتير وحكت معو كتير بنشافة
سارة: الحمدلله جبتلك هدول السندات مشان توقع عليهن
مسكها من ايدها وسحبها
هشام: تركينا من الشغل هلق تعالي قعدي بدي احكي معك
سارة: بس انا مشغولة
هشام: لاحقة عالشغل قعدي ،
قعدت وهو جاب كرسي وقعد قدامها
وحاول يمسك ايدها
بس هي بعدتو
هشام: حبيبتي شبك انتي زعلانة مني شي حكيلي انا زعجتك بشي
سارة بقلبها: انت مو بس زاعجني انت دابحني
سارة: لا لا مافي شي
هشام: لكن شبك ليش كل مابحاول قرب منك بتبعديني
سارة: ....
هشام: حبيبتي نحن عن قريب رح نخطب
وبعد مدة رح نتزوج مابصير تضلي هيك بعيدة عني
يعني مو لازم نتعرف ع بعض اكتر
نقعد نحكي
سارة: اي
هشام: لك شو اي
اي انتي ماعم تعطيني مجال احكي معك
سارة: هشام انا مضطرة روح مشغولة كتير
منحكي بعدين
هشام: لوين رايحة ستني شوي سارة ،
تجاهلتو وطلعت من عندو بسرعةّ
وهي معصبة
بالممر شافتها ماجدة وراحت لعندها
ماجدة: مرحبا سارة
سارة: اهلا
ماجدة: كيفك شواخبارك
سارة: الحمدلله
ماجدة: ليكي شوعندك بعد الشغل
فينا نقعد ونحكي شوي
سارة(مستغربة) : خير في شي
ماجدة: بس شوفك منحكي
سارة: طيب عالساعة ٩ المسا منيح
ماجدة : كتير منيح ناطرتك بكافيتيريا ال****
سارة: ماشي
تركتها ماجدة ورجعت عالمكتب لعند فداء
فداء: شوصار معك
ماجدة: وعدتني بالكافيتيريا المسا
فداء(بخبث): كتير منيح
معناها جهزو حالكن
----------------------
بعد كم ساعة
ببيت مجدي بيك
كان مجدي بيك قاعد بغرفتو وعم يتطلع ع شوية اوراق
ندق الباب
ترك الاوراق من ايدو واطلع عالباب
مجدي: تفضل
انفتح الباب ودخلت فداء
فداء: فيني احكي معك بابا ؟
مجدي: اي حبيبتي فوتي
دخلت فداء وقعدت قدام مجدي بيك وكانت متلبكة
مجدي: اي ابي احكي شوفي
فداء: بابا هلق انت شو رايك بالدكتور صافي؟
مجدي(مستغرب): وليش هالسؤال
فداء: جاوبني اول
مجدي: لك بنتي الزلمة ابن حلال واكابر وماشفت منو الا كل خير بس ليش عم تسالي
ابتسمت وخجلت وحكت
فداء: بصراحة؟
مجدي: اي اكيد
فداء: الدكتور صافي طلب ايدي وطلب مني اخد منك موعد لحتى يجي ويطلبني منك رسمي بقا انت قلي شو رايك
مجدي(بفرح): انتي عنجد عم تحكي؟
فداء: اي بابا عنجد
مجدي: والله يابنتي انا ماعندي مشكلة، بالعكس منين بدي لاقيلك احسن من هيك عريس
فداء: عنجد بابا؟
مجدي:اي عنجد
فداء(بفرح): يعني شو قلو؟
مجدي:قوليلو نحن منتشرف فيك وبيشرفنا بااي وقت
قربت وعانقتو وهي عم تضحك
فداء: تقبر قلبي اي
مجدي: ههههه الله يسعدك يابنتي ويبعتلك ايام حلوة
فداء: ويخليلنا ياك يااحلا بابا
---------------------
الساعة ٩ المسا
كانو ماجدة وفداء قاعدين بكافتيريا
وعم يستنو سارة لتوصل
واخيرا شافوها داخلة من باب الكافيه
اشرتلها ماجدة باايدها
اجت لعندهن وقعدت ع الكرسي قدامهم
سارة: بس ماكون تاخرت عليكن
فداء : لاحبيبتي ابدا
التفتت سارة لعند ماجدة
سارة: اي ماجدة قلتيلي انو في موضوع بدك تحكي معي فيكي تفوتي بالموضوع ؟ لاني مستعجلة
ماجدة: شو فوفو بلش انا ولاانتي
فداء: انا بحكي اي سارة
رح ادخل بالموضوع دغري وبدون لف ودوران
انا بعرف انو انتي مابتحبيه لااخي هشام
وبعرف انك مجبورة على الزواج منو
سارة(بصدمة): وانتي شوعرفك؟
فداء: مو مهم المهم انو كلامي مظبوط،
سارة تلبكت وماعادت تعرف شو تحكي
فداء: شبك ليش سكتي
سارة: الصراحة انا بحب شب بس
فداء مقاطعة : منعرف نحن منعرف كل شي
سارة: بتعرفو؟ كيف عرفتو
فداء : مومهم كيف لاتخافي نحن نساعدك
سارة(مستغربة): رح تساعدوني؟ كيف؟ وليش؟ وشومصلحتكن؟
فداء: اسمعيني منيح وفهمي عليي
نحن رح نخليكي تتزوجي الشب يلي بتحبيه ومو بس هيك رح نهربك معو لبرا البلد
مع مبلغ مرتب تعيشو منو وتفتحو مشروع صغير
سارة: ومقابل شو؟
ماجدة:مقابل انك تتزوجي اخي هشام
سارة: مافهمت كيف رح تخلوني اهرب مع رائد
وبدكن ياني اتزوج هشام
فداء: اول شي بدك تتزوجي هشام
بعدين بتتطلقي منو
وبتتزوجي رائد
سارة: ماعم افهم عليكن
ماجدة: انا رح فهمك بس مو هلق بعد ماتتزوجي انتي وهشام
وخطتنا رح نمشي فيها خطوة خطوة
سارة: طيب وشو بيضمنلي انو تساعدوني
وشو يلي بيخليني اوثق فيكن
وكيف بدي اتزوج هشام ازا مابعرف السبب يلي بدكن ياني اتزوجو مشانو
فداء: بليز سارة حطي ثقتك فينا ووثقي انو نحن مارح نخذلك او نضحك عليكي بعدين انتي مو بدك رائد؟
سارة: طبعا بدي ياه
فداء: معناها خلص وافقي على زواجك من هشام ومابتكوني غير رضيانة
سارة: طيب بلكي بعد ماطلقني هشام رائد بطل بدو ياني
ماجدة: انتي لاتهتمي وتركي هالشغلة علينا
سارة: مابعرف ماني مرتاحة
فداء: شبك سارة عم قلك وثقي فينا
سارة: بدي اعرف شو بدكن مني لحتى قرر اذا اوثق الالا
ماجدة:سارة شبك،عم نقلك انك مارح تندمي ونحن رح نساعدك،انتي بس هلق خليكي مستمرة مع هشام
سكتت وصفنت
انو شو هو الشي يلي بدهن ياه منها مقابل انهم يهربوها مع رائد، وشو هدفهن هنن من هالشي
بس متل مابيقولو الغريق بيتعلق بقشة
وكلام ماجدة وفداء
كان بالنسبة الها القشة يلي بدها تتعلق فيها
فداء: شو قلتي سارة ؟
سارة: مابعرف يعني شو يلي بخليني اثق فيكن!!
فداء: متل مانحن هلق عم نثق فيكي وعم نطلب منك تساعدينا !!
اخدت نفس عميق وفكرت شوي وبعد صمت نطقت وقالت
سارة: خلص موافقة المهم عندي بالاخير انو اتزوج انا ورائد
اطلعو فداء بماجدة وابتسمت ابتسامة نصر
ورجعت اطلعت ب سارة
فداء: وحياتك رح تتزوجيه بس انتي حطي ايدك باايدنا
سارة: خلص متل مابدكن
ماجدة: هيك انتي عيني😉
فداء: برافو عليكي ، وطبعا سارة هاد الشي رح يضل سر بيناتنا مو هيك؟
سارة: اكيد!،
شو هو الشي ياترا يلي عم يتفقو عليه البنات ؟
وشو الفخ يلي بدهن ينصبوه لااخوهن؟؟
-------------------------
باليوم التاني
بالشركة عند هشام
كان عم ينبش بين الملفات
على ملف مهم
وكان كتير معصب ومتضايق
وبعد بحث طويل
مل وزت الملفات من ايدو بعصبية
هشام: هفف يالله وين راح
لك انا كنت حاطتو هون وين راح مين شالو
ياديما وينك
دخلت السكرتيرة
ديما : نعم يابيك
هشام: الملف الاخضر يلي فيو مستندات بتخص الشركة وينو
ديما: مابعرف استاذ
هشام: كيف مابتعرفي لك مو انتي كل يوم بتجي وبترتبي الملفات
ديما: اي يابيك بس انا اخر مرة شفتو كان هون على الرف
هشام: اي انا حطيتو هون انتي ايمتا شفتيه
ديما: من كم يوم كان هون
هشام: ديما بتقلبي مكتبي ومكتبك والدنيا كلا بدي الملف اليوم قبل بكرا
ديما: امرك يابيك بتؤمر شي تاني؟
هشام: بعتيلي ياسمين
ديما: حاضر
طلعت ديما من عندو وبعد دقايق اجت ياسمين
دخلت لعندو واستغربت لما شافت المكتب قايم قاعد والملفات مرمية بالارض
ياسمين: خير اخي شبك ليش بعتت وراي. بعدين شوفي ليش هيك مقوم المكتب؟
هشام: مصيبة يا ياسمين
ياسمين(بقلق): لك شوفي شغلتلي بالي
هشام: بتتزكري الملف الاخضر يلي عطاني ياه ابوكي يلي فيو اوراق ملكية الشركة
ياسمين: اي شبو
هشام: ضاع وماعم اعرف وينو
ياسمين: شوهالحكي اخي كيف ضاع
هشام: مابعرف كنت حاطتو على هاد الرف اليوم جيت بدي ياه مالقيتو
ياسمين : لعما وين راح
هشام: رح جن ياسمين ازا مالقيتو بينخرب بيتنا
وبابا بيقوم الدنيا فوق راسي
ياسمين: طول بالك اخي نشالله بيلتقا
هشام: لك وين بدو يلتقى!! وين قلبت الدنيا عليه
ياسمين: روق ان شالله هلق بيلتقى وين بدو يروح يعني
هشام: مابعرف مابعرف
لك قلبت المكتب عليه
--------------
اما بمكان تاني
عماد ماسك الملف الاخضر
وعم يضحك بصوت عالي
عماد( ب شر) : لنشوف ياهشام ياشيخ الشباب كيف رح تخلص حالك من هالورطة
يلا كلها فترة وبتصير هالشركة الكبيرة كلها بااسمي
هههه لا والبنات مفكرين انو عم ساعدهن مشان سواد عيونهن
مو عرفانين انو بدي اخد كل شي
لك عمااااد انا عماااد
حط الملف من ايدو
وشغل سيكارتو وصار يشرب منها
ويضحك متل الاهبل.
--------------------------
المسا ببيت مجدي بيك
هشام وياسمين قاعدين لحالهن
ياسمين: شو اخي لقيت الملف؟
هشام(بخيبة): للااسف لا
ياسمين: ياالله وين بدو يكون راح
هشام: مابعرف اختيي رح جن دورت عليه بكل مكان
ياسمين: طيب وابوك عندو علم؟
هشام(بخوف): لااا شوو عندو علم،اي الله وكيلك بيمصع رقبتي ،ديري بالك تجيبيلو سيرة ياسمين
ياسمين: طيب والعمل يعني؟ بدك تضل مخبي عليه؟
هشام: شو اعمل لكن؟ والله والله مايدرا اني ضيعتو ليقيم قيامتي
ياسمين: الله يصلحك انت كمان
يعني عطاك ياه مشان تخبيه
بتروح بتحطو عالرف، شبك هشام مابعرفك مستهتر شو صايرلك؟
هشام: لك اختي والله انا كنت بدي ضبو
بس مابعرف نسيت راح عن بالي،هاد الي صار
ياسمين: الله يصلحك يااخي
هشام: المهم هلق لاتخبري ابوكي بشي، بلكي ان شالله بيلتقا
ياسمين: ان شالله اخي ان شالله ماتاكل هم.
هشام: ان شالله
---------------------------
يتبع.....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`