الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم: Amina Thhan(شرقية الهوى)
البارت 3
باليوم التاني
بالشركة
وقبل مايجو الموظفين
كان في حدا بمكتب هشام عم ينبش بين الاوراق
فتح خزانة الاوراق واخد ملف وراح
ياتراا مين هالشخص؟
----------------------
ببيت اياد
،كان اياد لابس وطالع على شغلو
قرب لعند امه
اياد: يلا امي انا رايح
بدك شي
ام اياد: مابدك تنطر اختك
طلعت سارة من غرفتها وهي متدايقة
سارة: مالي رايحة عالشغل
ام اياد: وليش بقا
اياد(باانزعاج): تركيها امي بلكي بقعدتها بالبيت بتشغل مخها وبتفكر
سارة: لامارح فكر ولاتتامل وافق على رفيقك
اياد: هلق انا مارح احكي شي لاني مستعجل
امي وعيها لبنتك
خليها تحط عقلها براسها مشان ماتضيع حالها وتضيعنا
بالاذن
ام اياد: اذنك معك ابني
طلع اياد من البيت
وام اياد بلشت تحكي مع سارة وتقنعها
ام اياد: لك بنتي ليش راسك يابس والله هشام شب حلو ومنيح وابن عيلة
وفوق هيك اهلو ناس مقتدرين واغنياء
سارة(بزعل): بس انا مابدي ياه
ام اياد: لكن مين بدك بدك رائد؟ رائد الي مستعد يبيع اهلو كرمال لعبة قمار لك امي انتي صاير لعقلك شي
سارة: امي انا بحبو لرائد ومستحيل اتزوج غيرو ازا بتدبحوني
اتنرفزت ام اياد وصرخت بسارة
ام اياد: اي مو على كيفك شو في وليه الظاهر انتي الحسنة مابتنفع معك
شوفي سارة رائد مابتتزوجيه الا على جثتي
وبغضب عليكي ازا بتكسري كلامي وكلام اخوكي
وانا هلق رح قلو لااخوكي يرد خبر لرفيقو
مشان يجيب اهلو ويجو
وياويلك ازا بتتصرفي تصرف هيك ولاهيك
اقسم بالله دابحتك
فهمانة وليه
سارة(بحزن): امي ليش هيك عم تعملو فيني ليش انتو بتكرهوني لك انا بحبو لرائد ليش عم تحرموني منو لي عم تعاملوني بهالطريقة
ام اياد: لانك غبية ومابتعرفي مصلحتك
بس انا مارح خليكي تضيعي مارح اسمح لواحد متل رائد يدمرك
سارة انا واخوكي منعرف مصلحتك
ومارح نسمح لواحد حقير يلعب فيكي ويضيعك ،
تدايقت ونزعجت
ودخلت على غرفتها وسكرت الباب
حملت الموبايل واتصلت
سارة: الو رائد
رائد: اي حبيبتي
سارة: في شي ضروري بدي خبرك ياه
رائد: بعدين حبيبتي مشغول كتيير
سارة: بس عم قلك الموضوع ضروري
رائد: ليكي ،، انا هلق ماعم اسمعك منيح منحكي بعدين ،
طوط طوط فصل الخط بوجه سارة
وسكر الموبايل
وصار يضحك بصوت عالي
رائد: هههههه شومجنونة مفكرتني مابعرف انو بدها تحاكيني مشان العريس يلي جاييها هههههه مفكرة رح اتضايق ازا تزوجت ‘‘ شو جدبة،،،
اما عند سارة فكانت متضايقة كتير قعدت بتختها وصارت تبكي
سارة: ياربي شواعمل والله ازا بزوجوني لهشام بموت حالي
-----------------------
بعد كم يوم
اياد خبر هشام انو يجيب اهلو ويجو لحتى يطلبو سارة رغم انو هي كانت رافضة
لكن اياد ماكان عم يسمعلها
ببيت مجدي بيك
كانو الكل مجتمعين وقاعدين سوا
قرر هشام يفاتح اهلو بالموضوع
وبينما هنن مدموجين بالاحاديث
سكتو وعيونهن صارت ع هشام اول ماحكا
هشام : بماانو الكل مجتمع هون انا حابب احكي معكن بموضوع
مجدي: خير ابني شوفي
هشام: كل خير بابا
اتوتر شوي
وبلش يحكي وهو متلبك
هشام: بابا ماما
الصراحة انا قررت
مريم: شوقررت امي
هشام: قررت😁
هناء: ييي شوغليظ احكي نطفت قلبنا
هشام(بمزح): بطلت احكي جكر فيكي
مجدي: لك ابني الله يرضى عليك احكي شو قررت
هشام: قررت اتزوج
الكل استغرب وانصدم
وخصوصي فداء وماجدة
مريم(مستغربة): تتزوج؟ 😳
كيف هيك قلتها من حالك
لك الي سنتين بقلك بدي اخطبلك
بتقلي مابدي اتزوج
هشام: امي لانو انا مابحب حدا يختارلي شريكة حياتي بحب اختارها انا
هناء(بحماس): الله الله معناها في بنت معينة
هشام: الصراحة اي ☺
مريم : ياعيني😍 ومين هي البنت
هشام: سارة اخت رفيقي اياد
مجدي: سارة ماغيرها هي يلي بتشتغل عندنا بالشركة
هشام: هي بذاتها شو رايك بابا
مجدي: والله ياابني والنعم منها ومن اخوها
ناس اكابر
وابوهن الله يرحمو كان من اعز صحابي
هشام(بفرح)؛ يعني ماعندك مانع
مجدي: لا ابدا البنت محترمة ومرباية وبنت عيلة
هشام: وانتي امي؟
مريم: والله ياامي انا مابعرفها للبنت بس طالما ماابوك عم يقول انها بنت عالم وناس
فاليش لا الله يوفقك يارب
فداء: بس اخي عدم المؤاخزة متل مامنعرف انو اياد رفيقك واختو من الطبقة المتوسطة
يعني شوجابهن النا
هشام: اي وازا يعني المهم انو ناس محترمين واكابر
شودخل المال بالنص
مجدي: كل الناس خير وبركة يابنتي
والغنى غنى النفس
هشام: المهم بابا انا بدي اخد موعد من اياد لحتى نروح نعملهن زيارة ونطلب البنت رسمي
مجدي: مافي مشكلة ابني
مهند(ابن ياسمين): يعني خالو انت رح تصير عريس
مجدي: هههه اي خالو عقبالك
مهند: بدي روح معكن شوف العروس ازا حلوة مشان انا اخد اختها
ياسمين: هههه ليكو الفصعون
مجدي: هههه لك جدو خطيبتو لخالك ماعندها اخوات
هشام: طول بالك بابا اوام عملتا خطيبتي مو بالاول لترضى فيني
هناء(بااستغراب): وليش لحتى ماترضى😏 يابعدي
يصحلا حدا متلك اصلا نفتحتلا طاقة القدر
هشام: سمعينا هناء شايفك بلشتي تغاري منها
هناء: لاحبيبي ماعم غار تتهنا😒
هشام: اي الله يهنيكي😒
مريم: طيب معناتا ابني انت اتفق مع اياد وردلنا خبر لحتى نروح نطلبلك ياها
هشام: هو هيك امي
قربت منو وباست جبينو
مريم(بفرح): ياعمري انت هاد احلا خبر بسمعو بحياتي واخيرا رح افرح فيك
هشام: ادعيلي الله ييسرلي امي
مريم: ان شالله ياقلبي الله يتمملك ع خير ويسعدك
هشام: يخليلي قلبك ام هشام
---------------------------
باليوم التاني
ببيت ام اياد
كانو اياد وامو وسارة قاعدين عالفطور
اياد: امي حكاني المسا هشام، وقلي انو ايمتا يجو يطلبو سارة وانا عطيتو موعد بكرا شو رايك؟
ام اياد:بكرا بكرا، على بركة الله
انتفضت سارة من مكانها معترضة
سارة: كأنو هي حياتي وانا الي رأيي؟ ولاشو سيد اياد!!
اياد: مبلا حياتك. بس انتي ماعم تعرفي تقرري واذا خليتك على راحتك رح تضيعي حالك وتضيعينا
سارة: ايااد فهمني بقاا فهمني انا مابدي هشام مابحبو مابطيقو
اياد(بعصبية): خلصنا بقا سارة خلصنا ،
وقام من محلو وقرب لعندها
اياد; لك اختي اصحيي ع حالك اصحي،الشب مافي منو وانتي بدك تضيعيه من ايدك كرمال غبائك
سارة: انا ماني غبية، انا صرت كبيرة وبعرف شو عم اعمل
اياد: لاياستي ماعم تعرفي،شو عم تعملي وانا اخوكي وادرى بمصلحتك
سارة(بزعل); بس انا مابدي هشام شو الشغلة غصب يعني؟!!
اياد: اي غصب ،اي، صح انا بعمري ماجبرتك ع شي بس بهالموضوع بالذات بعرف شو اعمل ومارح اسمحلك تروحي هشام من ايدك كرمال واحد حيوان
سارة: ماتقول عن رائد حيوان ،اصلا كل شي عم يحكو عنو كذب رائد لانو قمرجي ولاشي وانا اكتر حدا بيعرفو
اياد: اي،سكتي وبلا حكي فاضي،ليكي وليه غبية لاتوجعيلي راسي 😐 بكرا الجماعة رح يجو ،بدك تجهزي حالك وانا غير هالحكي ماعندي عم تفهمي؟
سارة(تبكي):،لاماعم افهم ولارح افهم وان شالله بموت لترتاحو مني
تركت المكان ودخلت ع غرفتها وسكرت الباب بقوة
اياد(بصراخ): لك غبية ورح تضلي،غبية
ام اياد وهي عم تربت ع كتف اياد
ام اياد:طول بالك امي معلش معها معها بتقتنع
اياد: هففف وجعتلي،راسي، بقلها تيس بتقلي حلبو
ام اياد: هدي امي وصلي عالنبي خلص تركها عليي انا بقنعها
اياد: ماشي امي ماشي،يلاانا رايح ع شغلي بخاطرك
ام اياد: الله معك ياابني
طلع من البيت وركب سيارتو وراح عالشركة
------------------------------
بمكان تاني
كانت فداء قاعدة بالكافيه هي
وصافي
وعم يشربو قهوة
اطلع صافي ب فداء وقلا
صافي: فوفو بدي احكي معك بموضوع
فداء:اي حبيبي احكي
مسك ايدها واطلع فيها بحب
صافي: بعتقد انو نحن صار لازم نتزوج ماهيك!؟
اطلعت فيه بصدمة مو مصدقة شو عم تسمع وحكت
فداء:شوقلت؟ ماسمعت؟
صافي:ههه لك شبك، عم قلك نحن صار لازم نتزوج
فداء(بفرح):عنجدد؟ يعني انت بدك تخطبني من بابا؟
صافي(بضحك): اذا بتوافقي
فداء: هههه لك مجنون كيف يعني مابوافق مابتعرفني بموت فيك
صافي: يخليلي قلبك وانا بعشقك لك ام الفوف، معناها احكيلي مع ابوكي وخديلي منو موعد لحتى اجي واطلبك رسمي
فداء:وبدك تجي لحالك؟
صافي: لاا اكيد رح جيب معي عمك عماد ،لانو متل مابتعرفي اهلي كلن برا البلد وهون مالي حدا غير عماد
فداء: طيب حبيبي، انا بحكي مع بابا وبردلك خبر
صافي: ماشي ياقمر،وانا ناطر ع احر من الجمر
فداء(بدلع):مستعجل بيبي! ؟
مسكلها ايدها وباسها
صافي:كتييير كتير اكتر من ماببتصوري
فداء: تشكل اسي الهي، مو مصدقة ايمتا نصير لبعض
صافي: وانا كمان يا روحي وانا
وفجأة برن تلفون صافي
بيحمل التلفون وبيتلبك
وبشيل ايدو من ايد فداء
صافي: عن اذنك حبيبتي تلفون من المشفى
فداء: اذنك معك حبي
ترك المكان وطلع لبرا
فتح الخط وصار يحكي
صافي: اهلين حبيبتي
--:وينك ليش تأخرت حتى رديت
صافي: اسف يابيبي بس كان عندي مريض لحتى طلع لرديت
--: يعطيك العافية حبيبي
صافي: الله يعافيكي ياعمري
--:شتقتلك مارح شوفك اليوم؟
صافي: مبلا حبيبتي عم استناكي عندي بالبيت
--: طيب عمري بشوفك المسا لكن
صافي: تمام ياروح
-;باي حبيبي
صافي: باي
سكر التلفون وضحك ضحكة خبيثة
صافي:ههههه لك يقطع عمركن انتي وهي الشم قرين الي جوا(فداء): مفكريني لاحقكن ع سواد عيونكن، ههههههه ياحرام شو مساكين.
ضب موبايلو بجيبو ورجع دخل لجوا
----------------------------
باليوم التاني
اياد عطاهن موعد لهشام واهلو
هشام اخد امو وابوه وعموعماد واخواتو ياسمين وفدا
وراحو ليطلبو البنت
ببيت ام اياد
كانو عيلة مجدي بيك قاعدين مع اياد وامو
مجدي: ياست ام اياد نحن بيشرفنا نطلب ايد بنتك سارة لاابنا هشام
وشو بتطلبو نحن جاهزين
ام اياد: نحن بنتشرف فيكن يامجدي بيك ،
سارة كانت واقفة بغرفتها وعم تبكي
وعم تحاول تمسح دموعها لحتى تسلم عالضيوف
سارة: ياربي شواعمل ساعدني يارب
انا مابدي هشام ،.
بيدق الباب اياد
وبيدخل لعندها
اياد: سارة ليش لهلق ماطلعتي شبك ليش عم تبكي
سارة: ....
قعد جمبها وحط ايدو على كتفها
اياد: ياحبيبتي سدقيني هشام شب منيح وبكرا بس تتقربي منو رح تنسي رائد وعشرة متلو
سارة: بس انا مابحبو
اياد: رح تحبيه وثقي فيني انا مابرميكي كيف ماكان ، والله لو بعرف انو رائد شب منيح وبيناسبك لكنت زوجتكن عالعمياني ، بس يااختي انا بدي مصلحتك لك هاد رائد عم يضحك عليكي
مسحت دموعها وهي عم تشهق
وحكت
سارة: بس رائد بيحبني
اياد(بنفاد صبر): مابيحبك ياسارة رائد مابيحب الا حالو ،،،
يلا حبيبتي مسحي دموعك وظبطي حالك وطلعي سلمي عالضيوف ، موحلوة يضلو عم يستنوكي
سارة(بحزن): بس اياد!‘‘
اياد(مقاطع):بلا بس يلا بسرعة لحقيني
تنهدت و مسحت دموعها وقامت غسلت وجها
وحطت شوية مكياج
وطلعت من غرفتها
ودخلت لعندهن والكل صارت عيونو عليها
كان واضح عليها انو مانها طبيعية
سارة: مسالخير
مريم: مسالخيرات حبيبتي
قعدت سارة وهي عم تحاول تخفي المها وحزنها
الست مريم لاحظت انو في شي مو طبيعي
وفداء كمان كانت طول الوقت ساكتة وعم تطلع بسارة نظرات استفهام ،،،،
اما هشام فكان عم يتطلع بعيونا ويتأملها بحب ،
حست عليه ياسمين وهمستلو باادنو : شبك شو صرلك ماعم تشيل عيونك عن البنت تقل حالك شوي
هشام(بصوت واطي): بشرفك حلي عني ، ليكي اطلعي هالجمال ، كيف بدي شيل عيوني عنها
ياسمين: لك نضب بقا هلق بيقولو عنك خفيف
هشام: يقولو شو مابدهن وليي على قلبي كل هالجمال رح يصير الي
ياسمين: فااالج لاتعالج ، يخرب بيتك شو جلق
هشام: سكتي سكتي انتي مابتعرفي شي
وبعد ساعة
طلعو عيلة مجدي بيك من بيت ام اياد
بعد مااتفقو ع كل شي
كان سارة قاعدة. ع البرندة وسارحة والدمعة بعينها
اجت ام اياد وقعدت جمبها
ام اياد: شو بنتي كيف لقيتي هالعيلة بالله مو عيلة اكابر
اطلعت فيها وحكت بصوت حزين
سارة: امي الجماعة مافي منهن واحسن مننا بس انا مابدي ابنهن مابدي ياه ماما فهميني
ام اياد(بعصبية): مو على كيفك
سارة: لك امي بدكن تغصبوني يعني عم قلك مابدي ياه لهالشب
ام اياد: شوفي سارة
هشام بدك تتزوجيه ورجلك فوق راسك
سارة(مقهورة): ياماما ليش عم تغصبيني على شي مابدي ياه
ام اياد: لانك بنتي وبدي مصلحتك
سارة: مصلحتي اني اتزوج شب مابحبو؟
ام اياد: مع الايام بتحبيه لك انا ماعم افهم
انو حدا بيترك ابن العز والحسب والنسب وبيركد ورا واحد حشاش قمرجي
سارة: امي قليلي انك طمعتي بالمال يلي عند بيت مجدي بيك وبدك تزوجيني لاابنهن كرمال المصاري ،
فار دم ام اياد
وماحست ع حالها غير
رفعت ايدها وضربتها كف
ام اياد: خرسي وليه انتي صايرة قليلة ادب
سارة (بحزن): عم تضربيني ياماما😢
ماشي طيب بدي قلك شي انا ماني موافقة على هشام ومن بكرا بس شوفو بالشغل بدي قلو انو مابطيقو ومابدي ياه
ام اياد: بقص لسانك
شوفي وليه انتي ماعاد يمشي معك الحكي
سمعي هالكلمتين
ازا بتموتي مارح اتركك لهداك الكلب رائد
وهشام بدك تتزوجيه ان قلتي اي ولا قلتي لا
وياويلك ازا بتحكي شي مع الشب او بتقوليلو الحكي يلي قلتيه
ساعتها لاانا امك ولابتعرفيني
وصرخت بوجها
فهمتي وليه
كانت سارة عم تطلع فيها بعجز وقلة حيلة
غصت ودمعو عيونها
وماحكت ولا كلمة
تركت ام اياد المكان ودخلت جوا
لتترك سارة
عم تحترق من جوا
سندت راسها باايديها
وانهارت بالبكي.
نحن لاندرك ماذا يخبئ لنا القدر وراء كل شيئ
لذلك قد نحزن عندما لايحدث مانريد ...
-----------------------
ببيت مجدي بيك
كانت الست مريم قاعدة هي وولادها
وعم يحكو
مريم: ماما هشام
هشام: امرك ياتاج راسي
مريم: ابني مالاحظت ع سارة انها مو طبيعية
هشام: كيف يعني مو طبيعية ؟؟
ماما سارة كانت بتطير العقل
مريم: ماعم احكي عن شكلها
هشام(بتسأوول): لكن ماما
مريم: حسيتها مانها على بعضها
خايفة لتكون البنت مو موافقة
هشام: لاماما شوهالحكي
لو كانت مانها موافقة كان قلي اياد يعني مو معقول يقلنا اتفضلو طلبو البنت
وهي مو موافقة
مريم: طيب انت حكيت معها بهالموضوع
هشام: لا والله بصراحة امي سارة بنت خجولة وجدية ومابتحب تحكي بااي موضوع ضمن الشغل
وانا حاولت اكتر من مرة اتقرب منها او اعزمها عشي مكان واحكي معها بس هي ماعطتني مجال
لهيك انا قلت بروح وبقول لااياد يسالها ولما قلي انو هي موافقة اجيت وفاتحتكن بالموضوع
مريم: طيب لكن شوقصتها
هناء(متدخلة): اي بتكون مزعوجة من السيد ابنك
هشام(بااستغراب): ايواا وليش لتنزعج مني بالله هنو خانم ؟
هناء(بضحك): اي لانو مو معقول
يعني رحت خطبتها ع طريقة جدي وستي
هشام: بالله🙄 وكيف بتحبيني روح اطلب ايدها هناء خانم
هناء(بثقة): ولو حبيبي مابدك مين يعلمك
ضم ايديه ببعض واطلع فيها مستغرب
هشام: ياستي انا غبي هاتي لشوف علميني
هناء: لاحبيبي عسلامتك ماحدا قال عنك غبي
بس ياهشام ياحبيبي
نحن البنات
منحب الرومنسية
يعني الطريقة الي رحت خطبت فيها سارة
كتير تقليدية
يعني شوكان صار لو خطبتها بطريقة رومنسية
مثلا عزمتها ع شي مطعم و اعترفتلا بمشاعرك قدام الكل ولبستها محبس متل بالافلام يعني
كان قاعد عم يراقبها وهو عم
ماسك ضحكت
اطلع باامو وصار يضحك
ويأشر ع هناء
هشام:سامعة امي سامعة هالفصعونة شو عم تحكي
مريم: ههههه والله وصرتي تعرفي بالرومنسية ياهنو
هناء: اي ماما انا ماعدت صغيرة شبك انا رح صير دكتورة عن قريب
واطلعت بهشام: بعدين هشام انت شب مثقف ودارس والك هيبتك بين الشباب يعني مو حلوة بحقك قدام رفقاتك😌 انك ماتعرف تتصرف مع البنت يلي بتحبها
مع العلم انك انت كنت مجنن البنات😅
هشام: طيب يادبة شو بدك ياني اعمل قلتلك حاولت كتير اتقرب منها بس هي ماعطتني مجال
سارة غير كل البنات يلي بعرفهن
هي كتير حدا جدي
هناء: طيب قلي هي حلوة شي😍
هشام: لك بتجنن ان شالله بتطلع على قبري
مريم: بعيد الشر عنك امي
هناء(بغيظ): وليش عم تدعي عحالك كرمالها
قلي لشوف مين احلا انا ولاهي؟.
هشام(بجكر): طبعا هي شوجاب لجاب
عم تقارني حالك فيا 😏😅
هناء(بعصبية): اي تتهنا سيد هشام
خلي تنفعك الخانم سارة😒
تصبح على خير ،
تنرفزت وتركت المكان وراحت على غرفتها
مريم: ياماما ليش هيك حكيت معها
هشام(بضحك): ماما انا هيك بحب عصبها ونرفزها
بعدين خليها تطلع من حالة انو هي احلا بنت بالعالم
وخلي تتقبل انو في احلا منها بكتير حاج نافشة ريشها علينا
مريم: هههه يبعتلك الهنا
امي قوم راضيها الله يرضا عليك
هشام: خلص ماما هلق بروح بصالحها هالام نص عقل مو معقول شو مدودة، لك الله يعين الي بدو ياخدها قديش رح تجبلو الجلطة
مريم: ههه اي والله الله يعينو لحتى تتطالعو من تيابو من غيرتها
___
اما بغرفة فداء
كانو مجتمعين فداء وريما وماجدة
وعم يستفسرو من فداء
ماجدة: وكيف لقيتي هالتعيسة الحظ😏
فداء: ماشي حالها
بس بتعرفو شي وضعها ماعجبني بنوب
ماجدة: كيف يعني
فداء: يعني حسيتها مو موافقة عالزواج
ماجدة: اي احسن بتكون فضلت علينا
لانو مو ناقصنا نحن هشام موعرفانين كيف نخلص منو
بقا مابالك ازا تزوج وبكرا سنة سنتين بيكون صار عندو ولد😒 وساعتها
وثقي انو مارح يضللنا شي من الورتة
بعد مايموت ابوكي الله يطول بعمرو
ريما: اي وشو ناوين تعملو
فداء: ولايهمكن عماد وعدني يساعدنا
بكرا منروح عشي مكان ومنقعد معو ومنتفق
ماجدة:ايي لنشوف شورح يطلع معو
فداء: لاتخافي محلولة ان شالله المهم حزرو شو
ماجدة وريما:شو؟
لفت رجل ع رجل وصارت تلعب،بشعرها بغرور
وتوزع ابتسامات
فداء: حزرو شو صار اليوم
اطلعو ريما وماجدة ببعض مستغربين من السبب الي مخليها مبسوطة هالقد
واجو قعدو جمبها
ماجدة:شوصار
فداء: اليوم صافي طلب مني اخدلو موعد من بابا لحتى يجي،يخطبني
ماجدة(بفرح):عنجد عم تحكي؟
فداء:لكك ايي ايي عنجد
ماجدة:ييي ريتو الف مبروك
ريما: اي،لابقا هالخبرية صار بدها حلوان
فداء:لك لعيونكن احلا حلوان
قربو منها وعانقوها
ماجدة: هاد احلا خبر بسمعو
فداء: ياحبيبتي عقبال ماافرح فيكي انتي
بعدت عنها ريما واطلعت فيها وهي غيرانة
ريما:وانا مابدك تفرحي فيني؟
فداء: هههه وانتي كمان حبيبتي
ريما: اي ها هيك انتي عيني
ماجدة:مبين مستعجلة وليه شرنة
ريما(بغرور): اي وليش مااستعجل يعني، شوناقصني
ماجدة(بمسخرة): اي لاحبيبتي ماناقصك شي يخزي العين عنك
ريما:نننن عم تتمسخري وليه مغضوبة ليكون ماني عاجبتك
ماجدة(بمزح) :بدك الصراحة لا ولابعمرك عجبتيني 🤣
ريما(بصدمة): يامكيودة انا بفرجيكي
اجت ريما لتضرب ماجدة
وقبل ماتقرب عليها قامت ماجدة من محلها
وهربت من ريما وهي عم تضحك
ريما: اي،والله بدي الحقك لو بتلفي الفيلا كلا ياحيوانة
وطلعت من عند فداء، ولحقت ماجدة
فداء: هههه لك تتحورقو شو مجانين
-------------------------------
بالليل وبعد مانامو الكل
قاعدة بغرفة ابنها يلي صرلو مختفي سنة وماسكة صورتو وعم تلمسها وتبكي
مريم: اااخ ياادهم وين رحت وتركتني لك امي
والله شتقتلك كتير
هي اخوك رح يتزوج وانت مو موجود
شوكان صار لو كنت معنا هلق
وخطبتلك انت كمان وفرحت فيك،بس مابقدر قول غير الله يسامحك ويهديك ويرجعلي ياك بالسلامة
وفجأة بتنحط ايد ع كتفها
بتطلع لوراها بيكون مجدي بيك
مجدي: مابكفي تبكي عليه
بتدير وجها عنو وبتحكي بصوت مليان وجع
مريم:كيف مابدي ابكي عليه وهو ابن قلبي
مجدي:بس هو مو سأل عنك ولاهامو كل شي عم تحسي فيه، لوكان سائل ماكان عمل هالعملة الي بتسود الوجه
قامت من محلها وهي معصبة
وحكت
مريم: ولكك حاااج بقا مجدي حاج ،ابني ماعمل شي ابني بريئ، لك اساسا هو ماترك البيت وراح غير منك ومن معاملتك القاسية الو. لك فوق كل شي صار معو وحبسوه 5 سنين ظلم
جيت انت وزدت عليه وصرت تعاملو بقسوة
مجدي: كيف بدك ياني عاملو وهو يلي وطا راسي؟
بس قليلي كيف
لك يابني ادمة فهمي
ابنك كان عم يتاجر بالمخدرات بتعرفي شو يعني مخدرات؟ !!
يعني الولد مجرم
وانا لولا اسمي وسمعتي
لكان تخ بالحبوس، بس نقضت بخمس سنين لاني عملت كل شي بقدر عليه لخفف عنو
ولسا بتحطي اللوم علي، بدال ماتلومي هالمجرم ابنك يلي الله لايردو
مريم(بصراخ): ابني مانو مجرم، ومستحيل صدق انو ادهم بيعمل هيك شي
مجدي: لك واناا لو ماشايف بعيني ماصدقت،بس بعينييي شفت
وانتييي كمان شفتي كل شي بعينك، ، لما اجو الامن وطالعو الحبوب من غرفته لاابنك، ولاكمان بدك تكذبي عيونك
مريم(تبكي): اي بكذب عيوني،انا ام وقلب الام دليلها، وحاسة ومتاكدة انو ابني مظلوم
حاول يتمالك اعصابه
ويسايرها
لحتى مايجرح مشاعرها
قرب منها واخدها لصدرو وحاول يهديها
مجدي:طيب متل مابدك، بس روقي
مريم(بغصة): موباايدي ياابو هشام مو باايدي،نطف قلبي عليه
مجدي:سلامة قلبك حبيبتي،خلص صلي عالنبي واستهدي بالله وتعالي نامي وريحي حالك
تعي معي تعي
اخدها وطلعو برا الغرفة
وراحو على غرفتهم.
فلاش باك:
قبل 6 سنين
كان بيومها
موعد خطبة ادهم وبتول
الكل بالبيت عم يتجهز ويستعد للخطبة
كان ادهم واقف قدام مرايتو وعم يظبط الطقم
بيدخل لعندو هشام وهو فرحان
هشام: شوعريسنا ماخلصت؟
فتل لعند هشام وحكا
ادهم: كيف طالع بالله ؟
هشام(بااعجاب): اي شو هاد لك ابو دهيييم يخزي العين،على هالهيبة والشبوبية بسم الله عليك من عيني اخي
ادهم: اي نشالله عقبال ماافرح فيك اخي
هشام: لاحبيبي انا حاليا معتزل الغرام،مارح اتزوج لبين مالاقي هيك بنت تخرط مشطي وتعبي راسي
ادهم: اي دخيلك انت وراسك ،لكن بربك حلوة هيك! انا بدي اتزوج وانت اكبر مني ولساتك اعزب
هشام: عادي بتصير بااحسن العائلات
المهم هلق خلينا نفرح فيك انت وحبيبة القلب، وبعدين لكل حادث حديث
وفجأة بيسمعو صوت ضجة
برا
بيطلعو ليشوفو شوفي
واذ بكون الامن مقتحم البيت
وعم يسألو عن ادهم
بيصرخ فيهن هشام: شوفييي انتو كيف بتفوتو ع الفيلا بهالطريقة
الضابط: نحن معنا امر بتفتيش الفيلا
بينزل مجدي بيك عالاصوات
وبيوقف بنص القاعة
مجدي:شوفي انتو كيف بتسمحو لحالكن تدخلو ع بيتي بهالطريقة
الضابط: اجانا اخبارية انو ابنك المدعو ادهم عم يتاجر بالمخدرات ونحن جايين نلقي القبض عليه
الكل نصدم وصارو يتطلعو ببعض بعدم تصديق
قرب مجدي بيك من الضابط وصرخ فيه
مجدي: لك انت عرفان حالك ع بيت مين داخل؟، انت من كل عقلك جاي تتهم ابني هيك تهمة؟
الضابط: انا عم اعمل شغلي يابيك، وهاد قانون والقانون بيمشي عالكل،لهيك بدك تسمحلي فتش البيت
مجدي،: لكك مو مجدي بيك يلي بيتفتش بيتو طلااع لبرا احسن ماتشوف مني شي مابيعجبك،ترا ماتخليني حطك براسي !
الضابط: بعتذر منك يابيك، بس انا مكلف بتفتيش البيت ومافيني خالف شغلي،يعني تهديداتك مارح تنفع
وبدون مايسمع الضابط لكلام مجدي بيك
امر عناصرو بتفتيش كل انحاء البيت
كانو الكل قاعدين وعم يتطلعو ببعض وخايفين
وادهم كان قاعد جمب هشام وعم يحاول يستوعب يلي عم يصير
وفجأة بيجو العناصر ومعهن
شنطة سودا
بيطبوها قدام الضابط
العساكر:سيدي لقينا هي بغرفة ادهم
الكل بيصير نظرو عالشنطا
وعم يراقب بخوف
وخصوصي،ادهم
يلي ماكان بيعرف شي عنها
الضابط: فتحوها
بيقرب احد العساكر وبيفتح الشنطة
وبيطالع منها اكياس حبوب وبودرة
الكل بينصدم
الا تلاتة يلي هنن
ماجدة وفداء وريما
يلي كانو هنن ورا هالقصة
الست مريم بتشهق وبتحط ايدها ع قلبها
وبتصير تضرب ع راسها
مريم:ولييي على هالمصيبة وليه
ومجدي بيك بصير يتطلع باادهم بصدمة
بينتفض ادهم من مكانو وبيروح ناح ابوه
ادهم: بابا وحياتك عندي انا مابعرف شي عن هالشنطا
مجدي:....
ادهم:صدقني بابا وحياة الله مابعرف شي هدول عم يتبلوني وحياتك انا مابعرف شي ولابعمري قربت على هيك شغلات
وبدون سابق انذار بيرفع ايدو مجدي بيك وبيضرب ادهم ع وجهو
مجدي: وطيت راسي ياحقير ياوسخ
ادهم(وبعيونو دموع): صدقني يابي انا ماني عامل شي
مجدي: ولككك خراااس خررراس الله يغضب عليك
بيقطع حديثهن صوت الضابط لما بيأمر عناصرو: عناصر القو القبض عليه
بيقربو منو العناصر وبيحطو الكلبش باايدو
بتقرب الست مريم عند الضابط وبتصير تصرخ
مريم: لااا لااا ببوس ايدكن لاتاخدوه ابني مانو عامل شي ابني بريئ الله يوفقكن
بيتجاهل الضابط كلامها
وبيطلع هو وعناصرو ومعهن ادهم محطوط الكلبش
باايديه
بتقعد بنص القاعة وبتصير تضرب حالها
مريم: دخيييلكن رجعووو ببوس ايدكن
بيقربو هشام وهناء لعندها وبيحضنوها وبيبكو معها
بينما مجدي بيك
واقف مكانو وصافن بكل شي صار
وعم يحترق من جوا من القهر
بااااك
----------------------
نهاية البارت الثالث
يتبع ......
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`