الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم`* *ابـنـاء.الـبـيك.tt*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#ابناء_البيك_
بقلم:Amina Thhan(شرقية الهوى)
البداية
لطالما كنا نخاف من ان نقترب من الغرباء لأننا نخاف شرهم، لكن في وقت ما اكتشفنا ان لا شر للغرباء امام مافعلوه بنا اقربهم لنا مودة .
البارت 1
كان يامكان بفترة من هالزمان
كان في رجال كبير ومقتدر والو اسمو سلطتو بالبلد
اسمو مجدي العباس
وزوجته مريم
اولاد زوجته مريم
الكبير هشام34 سنة
ومستلم ادارة شركات ابوه
ادهم 30 سنة
مختفي من سنة
ولااسباب منوضح عنها بالقصة
هناء22 سنة
عم تدرس طب بشري
----
ومتزوج ست تانية
اسمها ناهد
بتكون مرت اخوه
تزوجها بعد وفاة اخوه
لان كان عندها بنتين بدهن رعاية
الكبيرة ياسمين33 سنة
وارملة وعندها ولد عمرو 6 سنين
الاصغر فداء: 31 سنة
وبنات ناهد من مجدي بيك
ماجدة 29 سنة
ريما 25سنة
عماد الاخ الاصغر لمجدي38 سنة
متزوج وعندو بنت وصبي
بفيلا كبيرة
من الطراز الرفيع
كانت الساعة حوالي ال 11 الصبح
والست مريم ومجدي بيك قاعدين عالفطور
بتجي هناء وهي ماشية وعم تدلع
وبتقرب لعندهن
هناء: صباحو يااحلا بابا وماما
اطلع فيها مجدي بيك بحب
مجدي: لك يسعدلي صباحها اميرتي
مريم: صباح الفل ياعمري.
مجدي(بعصبية):شو وينو الباشا اخوكي، لاايمتا بدو يضل نايم، شو مفكر ماعنا شغل يعني
قربت لعندو وصارت تتدلل وتدلع عليه
هناء : لك دخيلو يلي دوم معصب شو بحبو
مجدي: لك بنتي هاد اخوكي صاير كتير مستهتر ،المفروض يكون قبلي بالشركة
وبعدين شو نسيانة انو اخواتك جايين اليوم؟ وبدكن تروحو تستقبلوهم بالمطار
هناء: والله يامجودة بيك انا ماني نسيانة، بس هاد ابنك هو كسول،وماخرجو غير النوم، الله يخليلك ياني انا احسن وحدة بولادك
كاملة ومكملة، اما هاد هشام لاتشد ضهرك فيه ماخرجو غير النسوان
مريم: ههههه يعليكي شو مكيودة
وفجأة اجا هشام وهو لسا يادوب مصحصح وعم يزبط زر قميصو
هشام:سمعتك وليه سرنوة شو عم تعبي براس ابوكي عليي😒
هناء(بضحك): ماحكيت شي عم قول عنك انك احسن شب بالدنيا
بيقعد هشام عالطاولة وبيبلش فطور
هشام: لا واضح 😒
مجدي: لك ابني ليش لهلق نايم
تأخرت عالشغل شونسيان انو عندك اجتماع
هشام: لا بابا مالي نسيان بس مبارح تقلت بالسهرة
وسحبتا نومة😴
مجدي: الله يرضا عليك ياابني خلص فطورك
وبوجهك عالشركة مابدنا نطفش العالم
من تأخيرنا واهمالنا
وخلص شغلك بسرعة
لانو الساعة وحدة بدك تروح انت وهنا تستقبلو اخواتكن بالمطار
هشام: امرك مولاي غيرو شو بتأمرني
مجدي: الله يرضا عليك
قعدت هناء قدامو وصارت تتطلع فيه بااستهزاء
هناء: مرضي😏
هشام: انتي حسابك بعدين ياسرنوة
هناء(بفخر): اي مابتقدر تعملي شي ماانا مدعومة من البابا
اطلعت باابوها وغمزتو بدلع
هناء: موهيك بابا؟
مجدي: طبعا حبيبتي، خليه يسترجي يعملك شي
هشام(بغيظ): اي خليك عم تدللها لشوف شو اخرة دلالك🙂
مجدي: الي بيسمعك بيقول انت مانك مدلل ياناكر المعروف
هشام: والله ماني مدلل متلها لهي الحية 😒
واطلع ب هناء
مجدي: ماتقول عنها حية بقص لسانك هي دلولتي
هشام: اي وانا ان شالله. عمري ما 🙂
مجدي (بضحك):ولك بس بقا ياولد انت تدللت كتير اجا دور غيرك
هشام: اي ماشي طيب 😒
مريم : هههه الله يعيني عليكن قديش بتتناقرو
كملو فطورهن
وكل واحد راح ع شغله
وهشام راح عالشركة
---------------------------
كان قاعد بمكتبه وعم يوقع شوية اوراق
اندق باب المكتب
هشام (وراسه بالاوراق): تفضل
دخلت السكرتيرة: هشام بيك الاستاذ اياد وصل ومعو اختو الانسة سارة وقال بدو يشوفك
هشام: وماتدخليهن شوعم تستني
السكرتيرة: امرك يابيك
طلعت السكرتيرة
ودخل اياد ومعو
اخته سارة
اياد: كيفك هشام
كان هشام لسا حاطت. راسو بالورقة
رفع راسو
وهو عم يقول
هشام:لك اهلين بالشري،،
واول ماشاف سارة
جمد بمكانو وعيونو تعلقو فيها
لما شافها وشاف انوثتها الطاغية
قام من محلو
وهو لسا عم يتطلع عليها وهي عم تتجاهل نظراته
هشام: اهلين بااحلا شريك
قربو لعندو لحتى يسلمو عليه
سلم عااياد
ومد ايدو ليسلم ع سارة
اطلع اياد بسارة واشر عليها
اياد: بعرفك اختي سارة
خريجة تجارة واقتصاد
هشام: اي يااهلا وسهلا بالانسة سارة 😍زارتنا البركة
مدت ايدها سارة وسلمت عليه بوجه ناشف
سارة: اهلين فيك يابيك
اطلع اياد بسارة واشر ع هشام
اياد: وهاد هشام رفيق عمري يلي دائما بحكيلك عنو
كان هشام لسا ماسك باايد سارة وماعم يشيل عينو عنها
شالت ايدا من ايدو وابتسمت ابتسامة متصنعة
سارةلهشام: تشرفت بمعرفتك
هشام: وانا بالاكتر، بس نشالله مايكون حاكي عني بالعاطل هالمغضوب اخوكي، حاكم بعرفو بوجهين ههههه
سارة:هه لا ابدا مابيحكي عنك الا بالخير
اياد(بصدمة): الله يسامحك ياشريك عنجد زعلتني منك
هشام:هههه لك شبنا ولو عم نمزح، والله على راسي ايادو شيخ الشباب
اياد: اي ها هاد حكي
هشام: شو بدنا نضل واقفين خلونا نقعد
قعد هشام على كرسيتو
وسارة و اياد قدامه
سارة:
كان هشام طول الوقت عم يتطلع بسارة نظرات اعجاب وبينما هي عم تتهرب من نظراته
يلي كانت بالنسبة الها مزعجة
انتبه اياد عالوضع
وحاول يغير الجو
اياد:شو منحكي بموضوع الشغل ؟
سارة: اي ياريت،
انتبه ع حالو هشام انو زودها
اتنحنح وبلش يحكي بالشغل
بعد ربع ساعة طلعو اياد وسارة
من عند هشام
بعد ماقدمت سارة ع طلب توظيف ووافقلها عليه
كانو ماشيين بمر الشركة
سارة: هففف يقطع عمرو مااغلظو
اياد: لك ليش هيك عم تدعي عليه شو عملك
سارة(بعصبية): بالله شو عملي ؟ ماشفتو كيف كان عم يتطلع فيني تقول بعمرو مو شايف بنت، يبعتلو حمى عهالعيون
اياد: هههه ولك خلص حاج تدعي عالزلمة
سارة: بالله ماادعي يعني مانك مدايق منو؟
اياد: رفيقي وبعرفو هي عادتو وبعدين شوفيها بلكي عجبتيه للزلمة وحبك
سارة(باانزعاج): ها عنجد ؟! يعني ماعندك مشكلة؟
اياد: وليش ليكون عندي مشكلة ،بالعكس هشام مافي منو
سارة: اي خلص خلص لفها، هاد بدال ماتغار عليي
اياد: مافي شي لغار، هشام رفيقي وباامنلو، ومستحيل يفكر فيكي بطريقة غلط
اطلعت فيه وهي موعاجبها حكيو
وسالته
سارة:هلق هاد اخوها للبنت يلي بتحبا؟
اياد: اي اخوها لهناء، لسا رح عرفك عليها رح تحبيا كتير
سارة(بااستهزاء): ياحبيبي 😒 والنعم ازا هاد اخوها معناها كتير رح حبها
اياد: هههه تضربي شو نفسية امشي قدامي لااخدك ع مكتبك
سارة: اي ماشية 😒
-------------------------------
قاعدة قدام مرايتها وعم تظبط حالها
طالعة من البيت
فتحت الدرج
وطالعت منو صندوق مجوهراتها
فتحت الصندوق ولبست خاتم باايدها
لفت نظرها اسوارة دهب رفيعة
ومعلق فيها حرفين
حملتها وتأملتها بحسرة
ورجعت فيها ذكرياتها
لااياام زمان
فلاش بااك:
قاعدين هي وياه
ع رصيف الجامعة وايديهم ببعض
بيطالع ادهم علبة وبيطلع فيها بحب
ادهم: غمضي عيونك
بتول(بفضول); ليش شوجايبلي
ادهم: هلق بتعرفي غمضي
بتول: طيب ماشي
غمضت عيونها وهو فتح العلبة
طالع منها اسوارة
ولبسها ياها باايدها اليمين
ادهم: هلق فتحي
فتحت عيونها واطلعت بالاسوارة بااعجاب وفرح
بتول: واو بتجنن
ادهم: عنجد عجبتك؟
بتول: لكك بتشل حبيبي شكرا 😍
ادهم: حطيتلك فيها حرف اسمي واسمك
لحتى كل ماحدا يشوفها باايدك
يعرف اننا منحب بعض
بتول: هه عااساس ماكلهن بيعرفو يعني
ادهم: صح كلهن بيعرفو، بس نحن بدنا نضل نجاكرهن بحبنا
بتول(بحب):ياعمري شوبحبك.
ادهم: وانا بحبك ورح ضل حبك لحتى موت
بتول: وانا كمان وعد
قرب منها وعانقها بحب وباس جبينها
ادهم:يخليلي ياكي
باااك
بتول(بحزن):اخ شومشتاقتلك ياادهم
لولا عملتك كنا هلق متزوجين وعندنا ولاد
الله يسامحك بس، ياترا وين اراضيك هلق
وفجأة بتنمد ايد من وراها وبتسحب من ايدها الاسوارة
بتطلع وراها
بيكون عماد واقف وراها وعم يطلع فيها نظرات شر
الشي يلي خلا الخوف يتسلل لقلبها
ابتسم ابتسامة شريرة واطلع بالاسوارة
عماد: شييي حلووو. لسا لهلق محتفظة بذكرياته للباشا
بتول:...
قرب منها ومسكها من تيابها
وشدها لعندو
بتول(بخوف):عماد انت فهمان غلط
عماد: بالله فهمان غلط؟
شو هي لكن
ورفع الاسوارة وحطها قدام عيونها
عماد:فيكي تقوليلي شو عم تعمل عندك لهلق؟ لتكوني لسا مانسيته وليه
بتول: ...
عماد: احكيي جاوبييي
بتول: لا لا موهيك القصة بس فتحت المجوهرات لقيتها بيناتهن مو اكتر
عماد(بصراخ): اهااااا وليش تحتفظي فيها لهلق! !!؟
ولا ماعم يجي من قلبك
بتول: لاا ابدا مو هيك
عماد: ابدا مو هييك ما
اي شو عليه
بعد عنها شوي
ومسك الاسوارة باايديه التنتين
وصار يقطعها وهي عم تطلع فيه بحزن والدمعة بعيونها
رما الاسوارة بالارض
واطلع ببتول بحقد
ودعس عليها برجلو
وهي عم تراقب بعجز مافيها
تحكي شي ولا تعمل شي
شال رجلو من عالاسوارة
وشالها وطلع لبرا
وسكر باب الغرفة بقوة
عماد: الحقيييرررة لسااا لهلق بتحبو
بس شو عليه، الا مااعرف وينك ياادهم، والله لحتى اطلع بروحك.
------------------------------
بعد ساعة
هشام عم يسوق السيارة ومعو هناء
ورايحين بطريقهن عالمطار
هناء: هشامو
هشام: نعم
هناء: شوف ها مو هلق بس رجعو ريما وماجدة تبطل تهتم فيني متل قبل بموتك ها
هشام(بجكر): ياستي بدي دللهن اكتر منك وطقي موتي
لكن انا مو خرجي غير النسوان
عم تعبي براس ابوكي عليي
هناء: اي كنت عم امزح
هشام: تضربي انتي ومزحك تضربي من بين البنات 😒
اطلعت فيه بزعل وبرمت وجها عنو
اطلع فيها وهو عم يضحك
هشام: زعلتي
هناء: لا
هشام: لك دخيلو الحساس خلص وحياتك ماحدا رح ياخد مكانك
هناء(بزعل): مابهمني
هشام: هههه بالله جد هلق قلتيلي ماتدلل حدا اكتر مني
هناء: اي وسحبتا لكلمتي
هشام:طيب خلص ماتزعلي عم امزح كنت والله
هناء: ...
هشام: خلص وليه قلتلك عم امزح، لك والله انتي دلولتي وماحدا بياخد مكانك
اطلعت فيه بطرف عينها
وضحكت
وكان هو عم يراقبها
هشام: هههه تضربي اي وليه قديشك مدودة، بدك الكل يحبوكي الك بس
هناء(بغرور):اي انا هيك مابحب حدا يكون اهم مني
هشام: اي بيطلعلك ياسرنوة
هناء:طبعا بيطلعلي ☺️.
وقف السيارة قدام المطار
وقلها
هشام: تفضلي نزلي وصلنا
هناء: اي باامرك انا
هشام: اي دخيلو المرضي ماعرفتك
نزلو من السيارة ومسك باايدها ودخلو ع قاعة المطار
ومن بعيد لمحو اخواتهن فداء وياسمين وماجدة وريما
هناء: ليكهن وصلو ،
ركدو لعندهن وسلمو عليهن
هشام قرب من فداء وعانقها
فداء عانقتو وبعيونها نظرات غريبة
هشام: الحمدلله عالسلامة اختي
فداء: الله يسلمك
حست هناء انو في شي مو طبيعي
بس حاولت تتجاهل هالشي
قربت من اخواتها وعانقتهن
هناء: الحمدلله عالسلامة شتقتلكن كتير ،
ياسمين: ونحن اشتقنالك حبيبتي
كان فداء وجها كتير ناشف
وعم تحكي من روس مناخيرها
فداء: اجلولي هلق اشواقكن للبيت
خلونا نمشي انا تعبانة
هشام: يلا رح انده للشب يجي ياخد الشناتي .
مشيو كلهن سوا
وطلعو من المطار وراحو ع البيت
-------------------------------
بالبيت
كان مجدي بيك قاعد بين بناته وفرحته مو واسعته برجعتهم
مجدي: الحمدلله عسلامتكن يابنات نورتو بيت ابوكن
ريما: الله يسلمك بابا
ياسمين مابتصدق قديش اشتقنالك
ماجدة: اشتقنالو كتير
مجدي: ياحبيباتي وانا شتقتلكن
لاحظ مجدي بيك انو فداء مو طبيعية وكل الوقت شاردة بغير عالم فقرر يقطع صفنتها
مجدي: فداء بابا؟ خير شبك؟؟
فداء( صافنة ):___
مجدي: فداء عم احكي معك؟
واخيرا فاقت من صفنتها:خير بابا؟؟؟
مجدي: لك بنتي وينك انتي بشو صافنة ؟؟؟ من اول ماجيتي وانتي ساكتة
تدخلت هناء وسألتها: اي صح اختي انتي شبك؟؟ مانك منيحة من اول ماوصلتي
فداء: مافي شيي تعبانة شوي مو اكتر
مجدي: سلامتك بنتي
فداء: الله يسلمك بابا، رح روح ارتاح بغرفتي
ماجدة: وانا لاحقتك
راحو ماجدة وفداء
ولحقتهن بعد دقايق ريما .،،،
دخلو على غرفة فداء وسكرو على حالهن الباب
ريما: فداء فيكي تفهمينا شبك؟؟
ماجدة: شبك فداء من اول ماوصلنا مالك ع بعضك
فداء: كيف بدي كون على بعضي وولاد هالخانم مريم عم يسرحو ويمرحو بااملاك ابي وامكن الله يرحمها
لك شونسيانين وصية امكن
امكن دائما كانت تقلنا انو هالاملاك من حقي انا وانتي وريما وياسمين وبس
وهناء وهشام وادهم مالهن حق بشي
ولاحتى بابا مجدي الو حق فيهن
لانو هالاملاك املاك بابا عزمي الله يرحمو واملاك امنا الله يرحمها
ومريم وولادها مالهن حق بشي
ماجدة: طيب شوناوية تعملي
فداء: الي رح اعملو كبيير كتيرر
ماجدة: وشو هو ؟؟
وقفت فداء بغرور وبعيونها نظرات شر وغل
فداء : هشااام ، ،،،هشااام بدي امحي عن الوجود
ريما: وليش هشام بس
فداء: ادهم خلص دهورناه ، وروحناه بشربة ميي
ماضل عندي غير هشام راس الحية
وهناء بنت مارح تورت شي كتير
اما هشام طال ما هو الشب الوحيد حاليا
فهو رح يلهط الاخضر واليابس
ورح يطلعلنا من الجمل ادنو
لهيك انا لازم دمرو متل مادمرت اخوه
ماجدة: بدك نعمل فيه متل ماعملنا باادهم؟
اطلعت ب ماجدة وابتسمت ابتسامة شريرة
فداء: ههههه لاابدا
بعدين ادهم كل الي نحبسهن
5 سنين وبعدها طلع
لو ما حكي الناس عليه ونظرتهن الو ماكان خلصنا منو
بس طفش من حكي الناس ،
بس هشام مو متل ادهم
هشام راسو يابس
وعينو ماكنة
ريما(بقلق): بدك تقتليه ؟
فداء: اكيييد، اكيييد بدي اقتلو. بس مو هلق
ماجدة: كيف يعني
فداء: بعدين بتعرفو
المهم ديرو بالكن ياسمين تعرف بشي هي وابنها
بتعرفوهن قديش بيحبو😒هشام وهناء
وهلق كل وحدة تروح على غرفتها
لانو بدي نام تعبانة
وبالنسبة ل شغلة هشام
هي،بدها تخطيط مع عمكن عماد
لانو نحن بلاه مامنقدر نعمل شي
ماجدة: امرك اختي ،
ريما: طيب تصبحي على خير اختي
فداء: وانتو من اهلو
طلعو ماجدة وريما من عند فداء
وضلت فداء واقفة مكانها وبعيونها نظرات شر وحقد
رجعت ذاكرتها لقبل
7 سنين
لقبل ماتتوفا امها
فلاش بااك
كانت فداء قاعدة مع امها وعم يحكو
ناهد: يابنتي يافداء ديري بالك، لازم تعملي كل شي بتقدري عليه لحتى تاخدي كل شي الك ولااخواتك،اوعك يافداء اوعك تخلي حدا من ولادها لست الحسن يورتو شي، هالاملاك كلها الك انتي واخواتك، وماحدا الو حق فيها غيركن عم تفهمي عليي ياامي؟
فداء: عم افهم امي عم افهم
بااك:
فداء: لشوف كيف بدي،اخلص منكن ياولاد مريم
------------------------------------
المسا
هناء واقفة على باب غرفة هشام
وبينما هو كان مشغول بااوراق وملفات دقت الباب،
وقاطعت افكارو
هناء : احم احم فيني ادخل ؟
هشام: بسم الله ماشالله يخزي العين
منين جايكي كل هالاحترام
هناء: هلق هيك ؟ __زعلت منك😒
هشام: عم بمزح وليه تضربي شو بتزعلي
هناء: كنت بدي قلك شي
هشام: خير ان شالله
ترك القلم يلي كان عم يوقع فيه
واطلع فيها بفضول
هشام:شوفي؟
هناء: هشام انت مالاحظت على اخواتك شي غريب؟
هشام: شي متل شو
هناء: لك مابعرف حسيتهن هيك مو على بعضهن وعم يتعاملو معنا
برسمية وخصوصي فداء
هشام: مابعرف مالاحظت هالشي
اصلا فداء هي هيك عادتها من يوم يومها وجها ناشف
هناء: لك اي بس نحن اخواتها ،
هشام انا حاسة انو خواتك مخبين شي علينا
هشام: دخيلك انتي شو بتحسي
شو بدهن يخبو علينا يعني
هناء: 😐 مابعرف
هشام: لاتحطي ببالك شي
وهلق روحي على دراستك وخليني كمل شغلي انا
هناء : بس انا حاسة انو في شي وشي كبير كمان
تجاهلها وحط راسو بالاوراق
هناء: هشاام ليش ماعم ترد عليي؟؟
هشام: لك تضربي انتي واحاسيسك ، روحي على دراستك بدي اشتغل
هناء ( بحزن):هلق هيك عم تقلعني؟؟
هشام: لك ياحبيبتي ماعم قلعك بس انتي بتحكي كتير وانا عندي شغل
هناء: طيب تصبح على خير
هشام: وانتي من اهلو ياروح اخوكي ، لاتنسي تشوفيني بمنامك ازا نمتي ،،.
هناء (باانزعاج):مهضوم موباايدك لانو مو مكفيني باليقظة🙄
هشام: هههه. الله يسامحك بس ياسرنوة
طلعت من عندو وسكرت الباب
شال الاوراق من قدامو
وجاب الابتوب
شغلو وفتح على الفيس بوك
دخل ع محرك البحث
وكتب اسم:سارة ابراهيم بالانكلش
دخل على صفحتها
وصار يتفرج على صورها
هشام: ياالهي لك شو هالجمال هاد قمر اقسم بالله قمر
ضل لدقايق عم يتأمل صورها
بااعجاب
ويتنقل من صورة لصورة
حط ايدو ع خدو وتنهد
هشام: اااخ الله يسامحك يااياد لو من زمان معرفني عليها
طلع من الصور
وسكر الابتوب
تصدر لورا وحط ايديه ورا راسه وصفن وابتسم
هشاام: ايييه والله شكلها هي البنت الي رح تسرقلي قلبي، اي ليش لا بتستاهل والله
__
ببيت عماد
كانت بتول قاعدة بغرفتها
قدام الشباك وصافنة
دخل عماد وقرب لعندها
وقعد جمبها
عماد:مسالخير
ردت بدون ماتطلع فيه
بتول:مساالخيرات
عماد: شو مابدك تتعشي؟ ام رؤوف حضرت العشا
بتول: مالي نفس
عماد(باانزعاج):اها وليش بقا
بتول:مافي شي تعبانة شوي
عماد: بالله شو؟ !
مسكلها وجها باايدو ورفعلا راسها واطلع فيها بعصبية
عماد: اطلعي فيني وليه، لتكوني زعلانة مشان الاسوارة
بتول(بغصة): لا
عماد: عم تكذبيي عليي وليه!!
بتول: لاا ماعم اكذب
مسكها من كتافها وصار يهزها
وهو مقهور وجانن
عماد: لك كذاااابة، انتي لسا لهلق بتحبيه لهداك الحيوان، وماقدرتي تنسيه،عاملة حالك بتحبيني،لك انتييي مابتحبينيي
بعدتو عنها وصرخت فيه وهي منهار
بتول: لك مزال بتعرفني مابحبك ليش تزوجتني ليش
ليش لتطلبني من ابي ،وانت بتعرف انو قلبي معلق بغيرك،انا ماكان بدي هالزواج يصير لو ناما ابي،جبرني عليك، وانت كنت بتعرف هالشي ورضيان ،
ديق عيونو وحكا بصوت مقهور
عماد: كنت مفكر انك رح تحبيني، بس لاطلعتي لساتك لهلق عايشة ع ذكرى هالحيوان ابن اخي
بتول:....
عماد: هو بشو احسن مني لحتى تحبيه الو
بتول:...
عماد(بصراخ): جاااوبي لاتضلي ساكتة
بتول: ماعندي شي قولو
عماد: ماعندك شي تقوليه
بتول: عمااد تركني بحالي مشان الله، موناقصني الي فيني مكفيني تركني بقااا
قرب منها وعيونو عم يقدحو شر وضربها كف
عماد: نقلعي من وجهي وليه
مسكت وجها وطلعت من الغرفة
وهي عم تبكي
وراحت على غرفة اولادها
يلي كانو نايمين
حطت راسها جمب ابنها يلي لسا ماطبق الاربع سنين وصارت تبكي
اطلعت ب ولادها وتأملتهن بحرقة قلب
بتول: اااخ بس ماحدا حارق قلبي غيركن انتو.
بغرفة عماد
كان قاعد عالتخت وعم يعصر ايديه بحقد
عماد: هالحيواان الواطي، اختفا وماخلصنا من سيرتو،لك اخ بس لو اعرف وينك ياادهم الكلب، لحتى دعوسك برجليي ياابن الكلب...
ياترى شوقصة عماد مع ادهم ابن اخوه؟ وليش بيكرهو هالقد؟
------------------
نهاية البارت الاول
يتبع.....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`