ناظر عيوني وتدري وش كثر أهواك - الفصل 5 - بقلم صمت إحساآس | روايتك

البارت الخامس قفل الجوال وابتسم وتقدم بأس رأسها : هلا بالغاليه فيصل : آمريني لو بغيتي عيوني عطيتك الأم : خل عيونك لك و بجدية : ما فكرت تعرس فيصل : يمه مالي بالعرس ولا ابي أتزوج تو الناس ألام : وشو الي تو الناس الي بعمرك متزوجين وعندهم عيال وانت مو صغير علشان ترفض فكرة الزواج فيصل مسك يد أمه وباسها : أن شاء الله من عيوني بس أجلي الموضوع شوي الأم : لمتى انا ابي اشوفك معرس مشتاقة اشوف عيالك يلعبون حولي واشيلهم بيدي محد ضامن عمره يا ولدي فيصل : يمه الله يطول بعمرك وتشوفين عيال عيالي وقفت أم فيصل : أن شاء الله وقف فيصل وهو يشوف الساعه : ما بقى شي على أذان المغرب راح يتوضأ سمع الأذان وطلع للمسجد يصلي علشان يرجع ويكشخ ويروح مع نواف ***** تطالعه وهو يكشخ هو دايما يكشخ مو شي جديد بس مو مرتاحة ودها تقول له وين رايح بس عارفه أن بيسفها تنهدت و هي ترفع جوالها تطقطق فيه رفعت رأسها له بعد ما سمعته يناديها : هلا نواف : جيبي لي بخور وقفت وراحت للمطبخ وقالت للخدم يولعو فحم ويجيبوه لها فوق سمعت طق باب الجناح خذت المبخره وحطت بخور فخم وعطته يتبخر وقعدت على الكنبة ورجعت لجوالها مسك جواله وبوكه حطهم بمخبى ثوبه وطلع ركب مع السواق وقال له يروح لبيت فيصل ركب فيصل : السلام عليكم نواف : وعليكم السلام فيصل : وش عندك ووين رايحين نواف : بخطب فيصل بدهشه : تمزح نواف : لا اكلمك جد فيصل : مهبول انت وش تبي بوجع الراس نواف : كيفي مو مثلك وحيد أهلك ومو راضي تتزوج وتفرح أمك فيصل: توها الوالدة مكلمتني بالموضوع إلا على طاري الاهل كلمت أهلك نواف : لا فيصل باستهزاء : كان قلت لعمك يجي معنا نواف : قلة له أمس بس رفض وقفل فيصل بصدمة : مو من جدك نواف ابتسم : والله هو بحسبت الوالد وانا احترمه كثير ما حبيت اروح من غير ما يكون عنده خبر فيصل : لا اكيد فيك شي مو صاحي ضحك نواف : يالله أنزل وصلنا دقوا الجرس فتح لهم زياد نواف : الوالد موجود زياد : ايه موجود يا هلا ومرحبا حياكم الله تفضلوا ودخلهم مجلس الرجال وراح بسرعة ينادي أبوه مسكه ناصر بالدرج : وش فيك مستعجل زياد : عندنا ضيوف باروح اقول لأبوي ناصر عقد حواجبه : طيب مر على شوق قولها تسوي قهوه دخل ناصر المجلس : يا هلا حياكم الله فيصل : الله يحييك ويبقيك دقايق ودخل أبو خالد يهلي ويرحب فيهم ناصر يطالع نواف وش الي يخلي نواف الوليد شخصيا يجي بيتهم نواف : يا عم احنا جاينك بموضوع واتمنى ما تردني أبو خالد : لا أن شاء الله ماني برادك نواف : والله ي أبو خالد انا طالب القرب منكم و اطلب يد بنت اخوك الكبيره على سنة الله ورسوله ناصر لف بدهشه : ايش فيصل : نبي بنتكم الكبيرة لنواف رن جوال فيصل وقف واستاذن وطلع يرد على هالمكالمه المهمة أبو خالد : يا ولدي والنعم فيك نسبكم ينشرى بالذهب بس مثل ما انت عارف لازم نأخذ رأي البنت ونرد لك خبر نواف نزل فنجان القهوة : اكيد يا عم خل تأخذ راحتها وان شاء الله لنا زياره ثانيه مع الاهل و إذا كان قرارها الرفض الله يسهل دربها واذا موافقه راح نتفق على كل شي و سرح يفكر اذا رفضت وش راح يسوي عند فيصل يتكلم بالجوال وهو يمشي بالحوش وقف فجأة وهو يشوف بنت قاعدة على الكرسي وبيدها كوب كوفي وحاطه رجل على رجل وسرحانه تم يطالعها مو قادر يبعد عينه عنها بياضها وشعرها الأسود الكيرلي الي رابطته لفوق ، حست في أحد يناظرها لفت والتقت عينها بعينه شهقت بصدمة وطاح الكوب من يدها هذا من و وش جابه هنا فزت وقفلت الباب وتسندت وهي ترجف انقهرت من نظرته وقح ما نزل عينه وشلون دخل الباب الخلفي مقفل طالعت لبسها كانت لابسه بيجامه ورديه تنرفزت حيل انه تم يطالعها حقير فيصل انهى مكالمته رجع المجلس وهو حاس انه شاف هالبنت عيونها مو غريبه عليه بس ناسي وين استأذنو منهم وراحوا عند شهد الي طنشت السالفة بكبرها وتطقطق بجوالها شافت شوق داخله راحت لها: اختي حبيبتي بعد كل هلي شوق طالعتها بنص عين : اخلصي وش تبين شهد بابتسامه : بس خمسمية ريال شوق ضحكت : ههههه ما عندي شهد كشرت : حلفي شوق وهي تبعد الربطه عن شعرها وتأخذ المشط : والله ما عندي شوفي بوكي مافيه غير خمسين ريال شهد بضيق : أوف كنت ابي اطلع السوق شوق تمشط شعرها : ضروري روحة السوق شهد :ايه شوق : ما بخليها بخاطرك بروح لناصر يطلعنا شهد باستها بخدها : فديتك تدرين اني أحبك شوق خلصت رفعت شعرها وهي تقلد غرور شهد : ادري بعد تموتين فيني شهد ضحكت وهي تأخذ جوالها وتقعد على سريرها طلعت شوق راحت لغرفة ناصر طقت الباب أكثر من مره بس مافي رد فتحت الباب وماحصلت أحد لفت لزياد الي كان قاعد في الصاله وبيده الايباد : زياد شفت ناصر زياد : آيه طلع بعد ما راحوا الضيوف شوق : طيب ما عرفت منهم زياد نزل الآيباد : والله باين عليهم عيال نعمه كشخه وسيارتهم أخ لو شفتيها فخمة حيل شوق عقدت حواجبها باستغراب ورجعت للغرفة شهد : وش فيك ناصر رفض شوق طالعتها : لا ما لقيته شهد : عادي نطلع بكرا شوق : واثقه انه بيرضى ***** في قصر نواف دخل جناح أمه شافها قاعده على السجادة وبيدها مصحف سلم عليها صكرت المصحف وحطته على الكومدينه وردت عليه السلام قرب منها وباس رأسها : اخبارك يالغاليه الأم : الحمدلله قعد جنبها : يمه ابي اكلمك بموضوع الأم : قول يمه وش عندك نواف : انا خطبت توسعت عيونها بصدمه : ايش نواف بهدوء : خطبت يمه وانتظر رد البنت الأم بانفعال : ليش روان بأيش قصرت معاك حتى تتزوج وتحرق قلبها نواف : يمه روان ما قصرت بشي بس انا ابي عيال الأم : روان حملت أكثر من مره واجهضت وهي توها صغيرة بتحمل من جديد أما تتزوج عليها تقهرها وتحرق قلبها لا انا مو راضية نواف تنهد مسك يد أمه وباسها : يمه انا متأكد اذا شفتي البنت بتعجبك و بعدين يمه ما تبين تشوفين عيالي تشيلينهم ويلعبون حول ويكبرون قدامك امتلت عيونها دموع : ايه يمه ودي اشوف عيالك وأكحل عيوني بشوفتهم بس قاطعها نواف : خلاص يمه هالبنت اختياري وما راح اتراجع ما قدرت ترفض أكثر قدام إصرار ولدها : خلاص يمه الله يوفقك نواف ابتسم وباس رأسها : الله لا يحرمني منك يا اغلى ناسي ***** لبست بنتها ولبست عبايتها تحس بألم بظهرها وأسفل بطنها والألم قوي ما كانت تحس بهالالآم الغير طبيعية في بيان بس هالحمل غير تتعب كثير خذت شنطتها حطت فيها أغراضها وجوالها وطلعت من الغرفه شافته قاعد للحين ببجامته رفع نظره لها : وين رايحة قعدت على الكنبة بتعب وقهر : عندي موعد اليوم نسيت يالله قوم جراح : ما اقدر اليوم باخذ لك موعد ثاني فاطمه : ليش اشوفك قاعد ما رحت الشغل اليوم بعدين ابي اطمن على الجنين لاني أحس بتعب وألم أخاف فيه شي جراح : فاطمه خلاص روحي مع السواق فاطمه : بس انا ابيك انت تجي معي جراح : فاطمه خلاص لا تحنين قلت لك بأخذ لك موعد ثاني و باروح وياك فاطمه : لما كنت حامل ببيان ما كنت تطوف ولا موعد جراح وقف : اووف ودخل بدل ملابسه وطلع من الشقة فسخت عبايتها ورمتها بضيق وقهر ***** توسعت عيونها بصدمه وهي تسمع كلامهم وقف العم : خذي راحتك وفكري تمت عيونها متعلقه فيهم ردت قبل لا يطلع : مو وافقه طالعوها كلهم العم : طيب ليش شوق : ما ابي أخذ واحد متزوج العم : مو سبب يا بنتي الشرع حلل له أربع شوق : عمي افهمني ما ابي أخذ متزوج انا دايما أكره الرجال الي يتزوج على زوجته هالمرة أخذ واحد عنده مره واخرب عليها حياتها وبعدين انا مالي بمشاكل الحريم العم : يا بنتي الرجال ما ينعاب والنعم فيه فكري وصلي استخاره وعطينا رايك لا تستعجلين ناصر : ايه شوق صلي استخاره واذا تميتي على رفضك له راح أوقف معك وارده طالعوا أبو خالد و ناصر فارس : شوق الي قاله عمي صح لا تستعجلين طالعتها أم خالد وهي تفكر انه هاذي فرصتها دام خالد مو هنا لازم تقنع شوق تتزوج الي تقدم لها قبل يرجع خالد و يخرب هالخطبه : ترى الي بعمرك متزوجين وعندهم عيال بدل ما ترفضين حمدي ربك الي تقدم لك رجال قبل لا تعنسين وطلعت شوق حطت يدها على رأسها الي بدت تحس بالصداع فيه شهد تربعت على السرير : يعني ما بنروح السوق شوق خذت علبة الكلينكس الي قدامها ورمتها عليها : انا وين وانتي وين شهد تفرك جبهتها مكان الضربه : ووجع ***** في مكان آخر يأخذ نفس من الشيشة مو مهتم لأضرارها الكثيره التي تؤثر على الصحه لف على خويه : رائد وين خويك الي كان يجي عندنا يوميا يبي إبرة أو حبوب اشوفه ما صار يجينا رائد : ياخي راح يتعالج من الإدمان خلاص ما راح تشوفه دخل عليهم شخص آخر وهو يقعد طلع مبلغ من المال وقال : عطوني بودرة الهيروين أو حبوب أي شي يشيل الصداع الي ذبحني رائد : ياخي مسرع خلصت الي عطيتك آخر مره تكلم وهو يحس بالألم الشديد : مو وقتك زفر نفس من الشيشة وهو يرمي عليه جرعة بودرة : خذ مسكها الشخص وهو يفتحها ويضعها على يده ويستنشقها ليزيف له الشعور بالنشوه والراحة بعد أخذها تكلم أحد الشباب : اقعد معنا ما نشوفك رد عليه وهو يحس بالراحة : قاعد معاكم اروح البيت لوجع الرأس ليش تكلم وهو يبعد الشيشة بعد ما انتهى منها : صادق والله القعدة هنا احسن بكثير تذكر شي ولف لرائد : الزعيم وينه رائد : رجع لألمانيا من أسبوع بس عطانا فتره 3 شهور نلقى البنت وقف وهو يقول : يالله انا رايح سلام طلع من باب الاستراحه وانصدم وهو يشوف سيارات الشرطة باين انها جايه صوبهم رجع بسرعه وهو يصرخ : شررررطه وطلع هو وصاحبه وشرد كل منهم بسيارته و الشرطة وراهم ***** قرب شهر الخير رمضان بقى أسبوعين تعبت من التفكير نواف ليش تقدم لها باين من أسلوبه في الشركة كارها معقولة بعد ماشافها بالشركه فكر فيها صلت استخاره أكثر من مره ارتاحت وهي تفكر بكلام أم خالد لها فعلا الي بعمرها متزوجين ردت بالموافقه شكله نصيبها تاخذ متزوج حست بألم ببطنها وقفت فجأه وراحت للحمام تستفرغ طلعت وهي تحس بخمول وصداع : شهد في بنادول شهد راحت تدور بالادراج لقت الباندول وعطتها : دقيقه بصب لك مويه صبت لها بالكأس وعطتها شوق بلعت الحبة وقعدت على سريرها وسندت رأسها لوراء شهد : حبيبتي وش الي يوجعك شوق : شكله تهيج القولون شهد بضيق : الله يشفيك ياقلبي سرحت شوق فيه انسان مغرور وشايف نفسه ومتكبر و حتى نظرته الحادة تخوف وبعد متزوج عقدت حواجبها معقوله أكون فاهمته غلط وتكون شخصيته مختلفه ايه في الشركة الكل يمدحه حتى مناير تقول أنه شخص كريم وأخلاقه راقيه ومتواضع قطع تفكيرها صوت شهد : شوق قومي تجهزي الحين بيوصلون مشت شهد وطلعت من الغرفة : يالله بسرعه تجهزي وانزلي طلعت لها فستان كحلي طويل وعلاقي نص ظهرها عاري سرحت شعرها الناعم الأسود الي يوصل لأخر ظهرها وخلته مفرود يغطي ظهرها وحطت بودرة وكحل وطلعت من الغرفه نزلت وهي تسمع أصوات الحريم خذت نفس بعمق وهي تمشي متوجه لهم : السلام عليكم التفت الكل لها : وعليكم السلام مشت قعدت جنب شهد متوترة ومنحرجه و هم يسولفون ويسألونها وهي ترد بخجل وهدوء سمعوا صوت فارس ينادي شوق ، مسكت شهد وهي مرتبكه وترجف وقفت شهد وراحت معاها فارس قرب من شوق : نواف يبي يشوفك نظره شرعيه يالله تعالي معاي حست بمغص ببطنها ما تحركت فارس : يالله تعالي لفت جهة شهد اللي راحت المطبخ وجات في يدها صينية عصير : خذي و يالله روحي شهد شافت على أكتاف شهد شيله ما تدري ليش حاطتها وكل الي في البيت محارمها سحبتها وحطتها على شعرها واكتافها شهد بدهشه : ليش شوق خذت الصينيه : كذا مزاج تحس برجفه بجسمها كله وقلبها يدق بقوه دخلت : السلام عليكم ردوا السلام خلت العصير على الطاوله وقعدت جنب ناصر قاعد يطالعها من فوق لتحت رفعت عيونها له وارتجفت اول ما التقت عيونها بعيونه ونظرته الي ابد ما تبشر بخير ارتجفت ومسكت يد ناصر وقبل لا يلف لها اخوها وقفت وطلعت من المجلس وهي ترجف خذت نفس بقوة ودقات قلبها تنبض بجنون من نظراته مشت بسرعه وهي تفسخ الشيله وتدخل عند الحريم اتفقوا على كل شي نواف : بكرا أن شاء الله بنسوي التحاليل ونملك الخميس والعرس رابع العيد ناصر : البنت ما يمديها تجهز الوقت قصير فارس : ايه ما يكفي خل العرس بعد 3 شهور نواف ببرود : ما اقدر عندي شغل خارج المملكة ولازم أسافر بعد العيد ناصر : لما ترجع من السفر سو العرس نواف كان بيرد ، بس تكلم العم : خلاص على بركة الله ***** تطالع أختها الي قاعدة قدام التسريحة و تلبس حلقها بعد ما أنهت مكياجها ابتسمت شهد جميلة وفاتنه أجمل منها تأخذ ملامح ناصر اخوها وكانت تسمع أبوها الي كان يقول بأنها ماخذه حلا أمها : شهد وين رايحة شهد بابتسامه : خويتي في الجامعة عازمتني على حفلة تخرج أختها من الثانوية شوق : مع من بتروحين شهد : مع خلود شوق : طيب حبيبتي بس لا تتأخرين لبست شهد عبايتها وشيلتها ونقابها بعد ما اتصلت خلود تستعجلها وطلعت الساعه 12 ص فتح الباب ودخل بهدوء مشى جهة الدرج بس وقف وهو يسمع صوت الباب ينفتح عقد حواجبه راح لجهة الليتات وشغلها وانصدم من أخته الي توها دخلت البيت راح لها بعصبيه : من وين جايه توسعت عيونها وقلبها يدق خوف : أ أ أ أنا كـ كنت ناصر مسك ذراعها بقوه : تكلمي من وين جايه الحين الساعه 12 وانا الف مره قلت لك لا تتأخرين لبعد الساعه عشر شهد بلعت ريقها وهي تدعي أن فارس مو نايم : نـ ناصر كنت مع فارس ناصر ضغط على ذراعها تأوهت بألم : لا تكذبين لو فعلا جايه مع فارس وينه ليش ما دخل معاك شهد نزلت دموعها بألم : ناصر فك يدي تعورني قلت لك كنت مع فارس نتمشى دخل فارس في هاللحظه وسمع آخر كلامها راح لناصر : ناصر فكها كانت معي بس وقفت السيارة وجاتني مكالمه وتأخرت ولما دخلت ناصر طالعه : طيب دام كانت معك بس والله لو عدتيها لحالك لهالوقت لكون ذابحك سامعه دفها ومشى عنهم شهد زفرت براحة فسخت نقابها ومسكت يدها بألم من قبضته مشت بس سحبها فارس من يدها ورجعها وبهدوء وهو يناظر عيونها : وين كنتي شهد : اووه توني خلصت من ناصر فارس : ليته ذابحك وما غطيت عليك شهد بدهشه : أفا أهون عليك فارس : شـهــد شهد : طيب لا تعصب كنت بحفلة وحده من البنات فارس تكتف : رحتي مع خلود شهد : ايه معها فارس بعصبية : انا كم مره قلت لك ابتعدي عنها شهد : اووه فارس وبعدين معاك مرت علي ورحت معاها مافيها شي فارس : ومن جابك شهد عضت شفتها : السواق فارس ضرب الجدار بعصبية : راجعة مع السواق بنص الليل لحالك كان دقيتي علي اجيبك شهد بعدت عنه بخوف : تكفى فارس أهدى ترى تخوف والله توقعتك نايم نادرا انت تسهر فارس يتعوذ من الشيطان : امشي من قدامي شهد بسرعه خذت شنطتها وركضت اخوانها اذا عصبوا يخوفون بس فارس ما يمد يده عليهم ابد ***** في قصر نواف قاعد على الكنبة لف لها تدخل الغرفه وبهدوء : روان تعالي اقعدي روان راحت له بهدوء وقعدت طالعته باهتمام نواف بدون مقدمات : بتزوج روان بصدمه : تمزح نواف بنبره واثقه : لا ما امزح بكرا الملكة روان بانفعال : بس ليش نواف ببرود : كيفي جاء في بالي أخذ الثانيه روان وقفت بصراخ : لا مو على كيفك اذا قصرت معك بشي تعال وقول لي مو تروح تتزوج علي نواف طالعها بهدوء قلبها شاب نار بتجي وحده ثانيه تشاركها بحبيبها دموعها بدت تنزل قعدت جنبه : نواف تكفى لا تسويها ما اقدر أتحمل اشوفك معها كنسل الخطبه تكفى نواف ببرود : انا بس اعطيك خبر ما حبيت أتزوج من وراك روان بعصبيه : الله لا يوفقك دامك تبي تقهرني وتحرق قلبي نواف تنهد : ما راح تتغير مكانتك انتي العزيزه الغاليه وقفت وببكى : والله يا نواف اذا بتعرس ما اقعد في هالبيت دقيقه واحده نواف : براحتك قهرها بروده صرخت : انت شنو حجر ما تحس نواف تنرفز : روان قصري صوتك روان : لا ماراح أقصر صوتي تحملت برودك وتبلدك بعد كل هذا تروح تتزوج علي نواف بعصبيه : كلمه ثانيه وراح تشوفين شي ما يعجبك روان مشت طلعت من الغرفه والجناح كله قفلت الباب بقوه وهي تتنفس بسرعه من الغضب والقهر نزلت دموعها بحرقة وهي تدعي وتسب في الي بياخذها ***** يوم الملكه ريما لبست فستان اسود لتحت الركبة بشوي عليه أكمام دانتيل مسويه شعرها كيرلي ومكياج خفيف واقفة تلبس العقد والحلق واسواره راقية ولبست كعب اسود لبست عبايتها وحطت شيلتها على أكتافها شالت النقاب والشنطه بسرعة لأن الخدامه جات مرتين تستعجلها وهي تنزل الدرج شافت أمها وجدتها وخالتها في الصاله جاهزين وينتظرونها وطلعوا واقفة أعلى الدرج تطالعهم كاشخين تخاف تسألهم وين رايحين ويقولون ملكة نواف وهي تدري انها اليوم بس تتمنى أنها ما تصير قعدت على الكنبة في الصالة الي فوق سندت ظهرها صار لها فتره ما تروح مناسبات ولا تجمعات تكره تروح بسبب الجُمل الي تسمعها والي تتكرر دائما " انتي حامل ، كم صار لك متزوجة وما عندك عيال ، روحي المستشفى شوفي وش سبب الاجهاض وتعالجي الرجال يبي عيال " نظرات الشفقة والاستغراب في عيونهم هم ما يحسون بالألم الي تحس فيه ما يدرون أنها تتمنى تشيل طفلها بحظنها وتبدله وتأكله وتلعبه نزلت دموعها مشتاقة تسمع كلمه ماما من طفلها بس كل ما تفرح بحملها ما تتم هالفرحه والله ما يكتب لها الحمل يتم مسحت دموعها وهي تدعي من كل قلبها الله يرزقها بالحمل الثابت وتقر عينها بشوفة طفلها ***** عند شوق ترجف ما تدري ليش بس كل ما تذكر نظراته ترتبك، لابسه فستان راقي بلون الرصاصي وشعرها مرولته ومكياجها خفيف طالعه روعه ضمتها شهد : مبروك من قدك بتاخذين نواف الوليد شوق ابتسمت بهدوء : الله يبارك فيك دخل عليهم ناصر وبيده العقد والقلم مده لها : وقعي خذت القلم وقعت بأس رأسها : الف مبروك يالغاليه ردت : الله يبارك فيك أم خالد : مبروك شوق : الله يبارك فيك أم خالد : يالله انزلوا الكل تحت ينتظرونك وطلعت شوق بضيق تنهدت وهي تتمنى لو كان معها أم بهاللحظه شهد مسكت يدها : يالله شوق : من الموجود شهد : أهل المعرس وخلود وامها بس خذت نفس ومشت معاها أم نواف : ماشاء الله يحفظك رشا : الف مبروك الله يسعدكم نوف ابتسمت : مبروك شوق بخجل : الله يبارك فيكم ريما : الف مبروك الله يوفقكم ومنك العيال ومنه المال ابتسمت شوق لهالبنت تنحب بسرعه : الله يبارك فيك وعقبالك ريما : لا ما ابي توني صغيره دقايق ودخل نواف بعد ما طلعت أم خالد وشهد سلم على رأس أمه وباركت له وسلم على خواته وريما وباركوا له مشى وقد جنبها بجمود حتى ما بارك لها جابت له رشا الشبكة خذها بهدوء وهمست له : لبسها نواف بنفس الهمس : ضروري رشا بصدمه : نواف الي يسمعك يقول اول مره تتزوج ايه لبسها تنهد وطلع الخاتم ولبسها خذت الخاتم ويدها ترجف ولبسته وهو ما طالعها مسك العقد وعطاها بس ما قدرت تقفله من وراء قرب منها وقفله لها خذت الحلق منه ولبسته بنفسها والاسواره طلعت الأم ولحقوها البنات مسك ذقنها ورفعه له يطالع ملامحها الي يدورها من شهور جات عينه بعينها وبسرعة نزلت عيونها ابتسم بسخريه:لا تعرفين الحيا شوق طالعته بصدمة نواف بعد عنها وبجمود : انا ما تزوجتك لاني ابيك ولا حبا فيك شوق دموعها نزلت بلعت ريقها بصعوبة : ليش تزوجتني وش تبي مني نواف : الي أبيه انتقم لاخوي انصدمت أكثر ولسانها انعقد وقف وهو يطالع عيونها بحقد : اخوي فهد تذكرينه حست برجفه بجمسها وهي للحين مو مستوعبه الي يقوله نواف : والله لا اخليك تندمين سحبها من ذراعها : اخوي كان مريض وانتي ببرود قتلتيه شوق طالعته بصدمه وكلمته تتردد في عقلها " قتلتيه " طلعت من صدمتها وردت بحدة : اخوك الله يرحمه الله كاتب له أن يموت بهذاك اليوم انقتل ايه بس مو انا.. قاطعها وهو يضغط على يدها بقوه حست انها بتنكسر شوق بعصبيه : انت وش دراك بلي صار بهذاك اليوم تبي تنتقم روح انتقم من الي قتله دفها بقوه على الكنبة : شايفك بعيوني واقفة عنده والمسدس بيدك صوبتي علي وهربتي من وقتها وانا ادورك توسعت عيونها بصدمه أكبر ورجعت بذاكرتها لليلة موت فهد كانت تبكي ومنهاره على الأخير ومو شايفة من دموعها الي غيمت الرؤية عليها كل ما مسحتها ترد مو شايفة غير أن قدامها رجال بملابس سوداء وواحد واقف ولابس ثوب الي أطلقت النار عليه لا إراديا رجعت للواقع مسكت جبهتها ورددت بعدم تصديق : انت وقبل لا ينطق بكلمة انطق الباب وانفتح شوق لفت وجها بسرعه تسمح دموعها نوف : طولت يالله اطلع نواف مشى بهدوء وطلع تقدمت من شوق وهي تطالعها : وش فيه وجهك كذا نواف وش مسوي ابتسمت شوق بهدوء : ولا شي و طلعت معاها ***** نزل من السيارة حاسب السواق ودقات قلبه تتسارع مشتاق يشوفها حبيبته الي قلبه ما ينبض غير باسمها وما عرف غيرها ابتسامته ما فارقت وجهه انعقدت حواجبه وهو يشوف حريم يطلعون من البيت وبعدها طلع رجال تكلم مع أبوه وراح لسيارته طالع السيارات تتحرك ما يدري ليش قلبه انقبض فجأة مشى وفتح الباب وهو يقول : يا ولد فزت شوق ومشت وشهد لحقتها أم خالد وقفت تتأكد من الصوت الي سمعته : أدخل يمه دخل قربت منه وضمته وهو بأس رأسها ويدها : اخبارك يا الغاليه أم خالد :بخير بشوفتك يمه ليش تأخرت خالد :يمه اول ما خلصت جيت بسرعه قرب من أبوه بأس رأسه وسلم على ناصر وفارس وزياد استغرب :ليش مجتمعين عندكم مناسبه اليوم زياد تكلم بحماس : ايه ملكة شوق طاحت الشنطه الي كانت بيده وهو مو مستوعب الي قاله زياد: ايش أم خالد لفت وجها للجهة الثانيه وهي تعرف وش كثر يحب شوق بس هي ما تبيها زوجه لولدها وقفت وتركت المكان تم يطالع أمه وهي تترك المكان رد عليه الأب : مثل ما سمعت اليوم ملكة شوق Like فيتامين سي غير متواجد حالياً أضافة تقييم إلى فيتامين سي تقرير بمشاركة سيئة التوقيع شكراً منتداي الأول و الغالي ... وسام أعتز به رد مع اقتباس إقتباس متعدد لهذه المشاركة الرد السريع على هذه المشاركة قديم 25-11-17, 11:00 AM #8 فيتامين سي مراقبة عامة ومشرفة منتدى الروايات المنقولة alkap ~ الصورة الرمزية فيتامين سي ? العضوٌ??? » 12556 ? التسِجيلٌ » Jun 2008 ? مشَارَ?اتْي » 42,547 ? الًجنِس » ? دولتي » دولتي Saudi Arabia ? مزاجي » مزاجي ? نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute ?? ??? ~ My Mms ~ افتراضي حس بسكين اخترقت صدره بدون رحمه : لا اكيد تمزحون شوق محد بيأخذها غيري توسعت عيون ناصر : هيه لا تنسى أن الي تتكلم عنها اختي خالد تجاهله وطالع أبوه : يبه ليش تزوجها لواحد ثاني وانا اموت فيها يبه ما اقدر أعيش بدونها صرخ أحبها ليش تخلونها تروح لغيري ليش ناصر بان الغضب بعيونه وضاغط كف يده بقوه هذا اكيد جن يتكلم عن أخته قدامه وبهالطريقه المفروض ما يذكرها لانها مو حلاله ولا من محارمه وقف بعصبية بيروح له ويوقفه عند حده وقبل لا يروح له مسكه فارس وطلب منه يهدأ مع أنه حتى هو معصب دف يد فارس وطلع من البيت لأنه لو تم أكثر ما بيقدر يمسك نفسه وبيتهاوش معاه الأب بعصبية : خالد وش هالكلام لو كنت فعلا تبيها ليش ما كلمتني أو خطبتها من أخوانها جاي الحين تقول ليش بس خلاص البنت صارت متزوجة يعني أنساها ولا تتكلم عنها كذا فاهم ترك الصاله وراح بعد ما تنرفز من كلام ولده خالد مسك المزهريه ورماها على الأرض بقوه فز زياد بخوف ولحق أبوه للحين مو قادر يستوعب شوق ماهي بحلاله وهي حلال غيره وده يصرخ بأعلى صوته يمكن هالألم والضيق الي فيه يخف راحت عليه حبيبته و عشقه الأزلي قعد على الكنبة و عيونه امتلت دموع بس مو قادر يبكي تربى على مبدأ الرجال ما يبكون ، آه حاس قلبه شاب نار وضلوعه تحترق حس بيد انحطت على كتفه هو الوحيد الي حاس فيه بهاللحظه هو فقد حب طفولته ودنياه قعد جنبه وبهدوء : اذا كنت فعلا تحبها ادعي لها الله يوفقها ويسعدها خالد لف له : مو قادر استوعب أنها راحت مني فارس : مو كل شي نبيه نقدر نحصل عليه وقف وهو يمد يده له : يالله قوم و روح ارتاح توك واصل من سفر وتعبان مسك يد فارس ووقف وهو يقول بنفسه وين ارتاح بعد الي صار مشى وراح لغرفته خذ المنشفه بياخذ له شور بارد لعل يطفي هالنار اللي شابه فيه وفي هالليله النوم جافى اثنين واحد يفكر بحبه الي راح منه والثاني يفكر شلون بتكون حياته مع شخص كل تفكيره الانتقام ***** اتصلت فيها شوق الي أخذت رقمها الجديد من خلود بعد السلام والسؤال عن الحال فرحت لها وباركت لها على الملكه وتموا يسولفون فتره بعدها قفلت وطلعت لصاله وهي تشوف جراح يشوف التلفزيون ابتسمت : غريبه ما صرت تروح الاستراحه هالايام لف لها : اذا رحت قلتي اقعد معانا واذا قعدت قلتي غريبه ما تروح وش تبين بالضبط ردت بهدوء : ولا شي طالعها شوي : قومي قعدي بيون وتجهزي بنروح نتقضى لرمضان ونتعشى برى فاطمه طالعته مو مصدقة جراح : يالله بسرعه وقفت بسرعه : دقايق أكون جاهزه تم يطالعها وهي تمشي ابتسم قعدت بيان جهزتها ولبست وطلعت له وهي جاهزه وقف ولبس ثوبه وخذ مفاتيحه و بوكه ولبس جزمته وطلعوا ***** جاء رمضان شهر الخير والقرآن والصيام أحب شهر على قلوبنا في المطبخ الي تلف السمبوسة والي تسوي الشوربة كل وحده تشتغل أم خالد : شوق لا اشوفك على السفرة معنا طالعتها شوق ورفعت حاجب اصلا هي ما تبي وخالد موجود ما تأخذ راحتها وهي تحس بنظراته لها بس عشان عمها الي يحب يجتمعون كلهم طالعتها شوق ورفعت حاجب اصلا هي ما تبي وخالد موجود ما تأخذ راحتها وهي تحس بنظراته لها بس عشان عمها الي يحب يجتمعون كلهم تروح : طيب شهد : أحسن عشان نأخذ راحتنا شوق ابتسمت وهي تكمل شغلها ***** في شقة جراح جراح : فاطمه يالله بيأذن فاطمة طلعت من المطبخ وفي يدها صحنين : خلاص خلصت قعدت وارتفع أذان المغرب قالوا دعاء الافطار وسموا و فطروا ابتسمت فاطمة بحب جراح بدأ يرجع نفس قبل وقفت تصلي لفت لبيان الي تلعب بالايباد ومشت ***** نواف قاعد في الحديقة في يده سبحه يستغفر ويسبح توه رجع من صلاة التراويح في يده الثانيه فنجان قهوة روان ما صارت تكلمه ولا تهتم فيه متجاهلة وجوده بس تطلع من الجناح تفطر وترجع ولما يدخل الجناح تشغل نفسها بأي شي زفر بهدوء رفع جواله بحث عن رقم معين واتصل وصل رد انوثي هادئ : الو السلام عليكم نواف : وعليكم السلام شوق : متصل تبارك لي بالشهر ولا تبي تسمع صوتي نواف : ايه ابي اسمع صوتك وابارك لك بالشهر شوق زفرت بهدوء : اخباري بخير دام انا بعيدة عنك وانت اخبارك نواف : بخير لأنك قريب بتصيرين عندي شوق تنرفزت وبلا وعي : طلقني اندهش نواف وضحك باستفزاز : حسابي معك لسى ما خلص يا حلوه ومو انا الي تتأمر علي حرمه فاهمة وقفل نزل فنجانه على الطاولة الي قدامه ومسك باكيت السيجارة وأخذ وحده يدخن و سرح بتفكيره ***** واقف قدام الشباك وهو يطالعها واقفة في الحوش وتتكلم بالجوال ومركز مع كل حركه تسويها شافها تنزل جوالها وملامح الضيق باينه على وجها رفعت رأسها لفوق شافته واقف يطالعها من شباك غرفته جات عينها بعينه لف مبتعد عن عيونها الي تأسره خلاص فكره أنها صارت لغيره استقرت في عقله وبدأ يستوعبها بس قلبه رافض هالشي بدل ملابسه لبس بنطلون جينز وفانيله خذ جواله ومفاتيح سيارته وبوكه وطلع من الغرفة شاف فارس نازل الدرج : فارس وين رايح لف له فارس : رايح أسهر مع الشباب خالد : لحظه جاي معاك فارس ابتسم : حياك الله لحقه خالد لبس جزمته وركب مع فارس فسخت عبايتها وشيلتها رمت الجوال على السرير وقعدت من جدها تبي تتطلق بهالسرعه وش راح تقول لأهلها سبب طلاقها والناس وش راح يقولون عنها مسكت رأسها بقوه ما تبي تفكر بشي وقفت راحت تتوضأ مسكت مصحف تقرأ قرأن وتستغل وقتها بعبادة الرحمن في هذا الشهر الفضيل لانها ما بتستفيد شي من التفكير غير الصداع والألم سمعت دق على الباب : تفضل دخل ناصر وسلم : اخباركم شوق ردت السلام : الحمدلله بخير ناصر : دوم يارب ، بكرا بعد صلاة التراويح بنطلع السوق طيب شوق : الله لا يحرمنا منك ناصر ابتسم : امين ولا منك واشر بيده : هاذي من تكلم شوق ضحكت : خلود من غيرها ناصر : اها يالله سلام وطلع فتحت المصحف وكلمت قراءة لفت لها شهد وهي تشوفها تقفل المصحف وتستغفر و تسبح : اقول شواقه شوق : وش عندك شهد : اشوفك مو متحمسة لزواج شوق ابتسمت : يتهيأ لك شهد : طيب امشي تحت نسهر شوق : اوكي يالله سهروا لي سحور دخلت شوق المطبخ تساعد الشغاله وخذت لها ولاختها فوق يتسحرون و بعد ما صلت الفجر انسدحت شوق على السرير بتعب والنوم بدأ يتسلل لعيونها اما شهد قعدت تقرأ قرآن لين أشرقت الشمس وبعدها راحت تنام ***** شقة جراح بعد صلاة العصر جراح : يالله فطوم بنروح فاطمة وهي بالمطبخ خذت الاكلات غلفتهم وحطتهم بأكياس راحت تتجهز وخلصت خذت شنطتها مسك يد بيان وطلع خذت فاطمة الأكياس وطلعت و صكرت الشقة ولحقتهم ركبوا السيارة حرك جراح الهدوء يعم المكان سواء من سورة الرحمن بصوت ماهر المعيقلي وصلوا نزلت وخذت الأكياس أم جراح وقفت تهلي وترحب بهم بعد ما فتحت لهم الخدامه تقدم جراح بأس رأسها : اخبارك يالغاليه أم جراح بابتسامة : الحمدلله بخير بشوفتك يمه قربت فاطمة باست رأسها : كيفك ياعمه أم جراح : بخير قعدت وركضت لها بيان فتحت يدينها وضمتها وباست خدها وشالتها وقعدتها بحظنها : هلا والله بحبيبتي بيون بيان بطفوله : اشتقت لك كثيل واشرت بيدينها هالكثل ضحكت أم جراح وبحنان : وانا اشتقت لك أكثر قعدوا يسولفون شوي وبعدها سمعوا دق جرس الباب فتحت الخدامه ودخلت روان بهدوء : السلام عليكم ردوا عليها السلام فسخت نقابها وشيلتها سلمت على رأس أمها وسلمت على جراح وفاطمة وقعدت جنب أمها جراح طالع فيها وجها شاحب وهاديه : روان فيك شي روان هزت رأسها بالنفي : سلامتك مافيني شي فاطمة وقفت : باروح أساعد الخدامه بتجهيز الفطور روان تعالي معي طالعتها روان شوي وقفت ومشت معاها مشت فاطمه مع روان دخلتها المطبخ وبهمس : وش فيك تعبانه صاير شي بينك وبين نواف روان مسكت رأسها ودموعها نزلت فاطمه انصدمت مسكت روان بيدها طلعتها من باب المطبخ الخلفي الي يطلع على الحوش : روان وش فيك روان بضيق : نواف تزوج فاطمه بصدمة : ايش تزوج روان هزت رأسها بأية ودموعها نزلت على خدودها ضمتها فاطمه وهي متضايقه عليها هاذي اول مره تشوفها تبكي ما عرفت وش تقول لها وتخفف عنها بعد ما هديت روان بعدت عنها ومسحت دموعها : يالله ندخل علشان امي ما تشك دخلت روان وغسلت وجها وخذت صحنين ومشت تجهز السفرة مع الخدامه لحقتها فاطمه طالعت ساعتها ما بقى شي على أذان المغرب مشت جهة جراح وعمتها علشان تقول لهم وقفت مكانها بصدمة وهي تسمع كلام عمتها : وش فيك نحفت يمه زوجتك ما تهتم فيك ما تطبخ لك اكيد مقصرة معاك تزوج يمه وحده سنعه وتهتم فيك جراح يطالع أمه بهدوء الأم : انت بس وافق وانا من اليوم ادور لك على وحده سنعه هبت ريح احسن من فطيم بمية مره جراح : لا يمه فاطمه ما منها قصور مره سنعه ويا بخت من عنده مثلها لا عاد تطرين الزواج يمه الأم لو فمها : بكيفك عضت شفتها بقوة انا مو سنعه ومقصره معاه وتبي تزوجه بعد خذت نفس عميق وكلام جراح ريحها ، دخل أبو جراح وابتسم وهو يشوف فاطمه قربت منه تسلم عليه وباست رأسه وبعدها راحت تفطر مع روان علشان محمد موجود على الفطور ***** مرت الأيام بسرعه وقرب العيد الشوارع زحمه و الأسواق زحمه يتجهزون للعيد فاطمه و جراح صاير يهتم فيها وما يروح الاستراحات إلا نادرا بس آخر موعد راحت مع جراح تبين أن حملها ضعيف وتأخذ حبوب تثبيت الحمل شوق وشهد تقريبا خلصوا كل شي و مابقى شي ***** في قصر نواف قعدت ريما جنب خالها : خالو نواف : هلا ريما : ابي بروح المول وقبل لا يرد نواف تكلمت رشا : ليش ما خلصتي و شريتي أغراض العيد ريما : ماما بليز تعرفين عرس خالو بعد العيد وانا ما جهزت له كل الي سويته فصلت الفستان نواف فتح بوكه وطلع بطاقه وقبل لا تتكلم رشا تكلم نواف : رشا وش فيك على البنت خليها تأخذ الي تبي ولف لريما وعطاها بطاقته : ريوم خذي كل الي تبين ريما باست رأسه وراحت تركض بتلبس بتروح مع خالتها نوف المول رشا بضيق : نواف لا تدلعها زيادة ترى بتخربها دخلت روان وسلمت بهدوء وقعدت أم نواف تمت تطالعها فترة روان : وش فيك خالتي تطالعيني كذا أم نواف ابتسمت : لا بس اشوفك سمنانه روان بصدمة : ايش كتمت رشا ضحكتها روان بضيق : جد سمنت لازم اسوي دايت ضحك نواف : روان الوالدة تمزح معك روان تنرفزت هي تهتم بجسمها حيل : اووف عاد هذا مزح بالله يا خالتي لا تمزحين ترى مزحك ثقيل نواف بحدة : روااااان روان وقفت من عندهم وهي تسب نفسها غبية ليش نزلت كات تميت بغرفتي أفضل وقف نواف بأس رأس أمه وتوجه للمكتب دخل يكلم جواد : حجزت كل شي جواد: ايه طال عمرك نواف ابتسم : حلو الله يعطيك العافيه ***** يوم العيد جراح رجع من صلاة العيد شال بيون وباسها : فديت بنتي الحلوه نزلها مسك يدها وهو يمشي للغرفة وقف بذهول وهو يتأملها كم هي فاتنة إلى حد الوجع تجذبه عيونها قرب وهو يتأمل عيونها المكحله : ماشاء الله وش هالزين كله نزلت عيونها بخجل وهو يرجع خصلات لشعرها لوراء و يمرر يدها على خدها : كل عام وانتي بخير ردت : وانت بخير وصحه وسلامه جراح بأس خدها : الله لا يحرمني منك يالله لبسي عبايتك بنروح بيت أهلي وبعدها بيت أبوك فاطمه : أن شاء الله خذت عبايتها تلبسها وشيلتها ونقابها بيان : يالله يالله جراح : اوكي يالله لف لفاطمة غطي عيونك فاطمه : طيب ***** امتلت عيونها دموع وهي تشوف الاسواره الراقيه من الذهب الابيض وباين عليها غالية هدية ناصر لها ابتسم مد يده ومسح دموعها : ليش البكاء الحين كنت بعطيك إياها بالملكه بس بعد ما جانا خالد وعفسنا نسيت واليوم مناسب اعطيك إياها الله يوفقك ويجعل ايامك كلها سعادة شوق بكت أكثر حضنها : ما ادري شلون بيكون البيت بدونك تعودت على وجودك وعلى انك كل يوم تصحيني لدوام شوق تمسكت فيه : ناصر خلاص ما ابي أتزوج ابي اقعد معاكم ناصر : شواقه حبيبتي اهدي كل بنت تتزوج وتترك بيت أهلها وبعدين ودي ازفك لعريسك الي نافش ريشه تقولين طاووس بعدت عنه وضحكت غصب عنها على التشبيه ابتسم : وين شهد بتطلع نفتر و نروح أي مكان تبونه شوق تمسح دموعها : راحت عند الجيران الحين بتصل فيها ناصر :و هالبنت لازم تروح لخلود شوق : هههههههه صديقة عمرها راحت تعيد عليها وبعدين خلود ما عندها إخوان كبار ناصر : اوكي يالله لا تتأخرين ***** مرت الأيام وجاء يوم العرس لابسه الفستان الأبيض و مكياجها الفرنسي وتسريحة شعرها الراقيه و نقش الحناء الجميل لكتفها تتأمل شكلها بالمرايه رائعة وجميلة شهد بدهشه : ماشاء الله تأخذين العقل شوق بابتسامة هاديه: فديتك والله انتي طالعه قمر جاهم صوت من وراهم : الله يوفقك لفوا بصدمة لمصدر الصوت وشافو مرت عمهم شهد : خالتي مع من بتروحين أم خالد بهدوء : خالد انتظروا فارس بيجي وبياخذكم شهد طالعت بأختها : لازم احضنك حطت يدها على رأسها ابتسمت شوق بحب لها رن جوال شهد باسم فارس شهد خذت عباية شوق تساعدها تلبسها شوق : حبيبتي لا تنسين تحصنين نفسك ***** في مكان آخر بعيد عن الفرح : رائد ترى خلصت البضاعة والشباب ازعجوني رائد وقف : قوم يالله الزعيم وصل أمس واليوم تسليم البضاعة وقف وهو يأخذ جواله : بس كيفن هنا ولا بالشرقية رائد : لا هنا رد : يالله مشينا ما ابي اتأخر على الأهل وصلو المكان الي كان قريب منهم رائد : مالذي حدث رد بلغته الانجليزية : لاشي إنما تأخرت البضاعة والزعيم غاضب لتأخرها زفر بضيق : يعني بنتأخر رائد : الظاهر كذا رن جوال أحدهم ابتعد ليرد : هلا .. لا بتأخر عندي شغل .. خلاص روحي مع السواق وانا برجعك اوكي بحفظ الله لف لرجل انجليزي دخل وهو مرتبك وخائف توجه لزعيم كيفن وبتردد : سيدي لقد قبضت الشرطة على البضاعة ، ما أن انهى البضاعة حتى وقع جثه على الأرض بسبب رصاصة في رأسه من مسدس كيفن وبغضب : حمقاء اغبياء اللعنة عليكم التفت بغضب شديد : انت اذا لم تنهي مهمتك اعدك ستلحق به عيونه متعلقة بالجثة وفي كلام زعيمهم كيفن وبنفسه " لا بالله رحت فيها اكيد موتي على يدهم انا وش الي خلاني اصير معهم بس" زفر بضيق ولف لرائد : بتجي معي رائد : لا الله معك طلع رن جواله رفعه وابتسم : هلا بالغاليه سكت وهو يسمع صوت بكائها : وش فيك ليش تبكين ، طيب الحين جايك مسافة الطريق مع السلامه ***** ضمتها فاطمة بفرحة وهي تبارك لها : الف مبروك حبيبتي شوق ابتسمت : الله يبارك فيك يالغاليه شهد و نوف وريما ومعظم البنات يرقصون بفرح نادوا يروحون للبوفيه نوف : شهد الحين بيدخل نواف شهد بسرعه راحت تلبس عبايتها وتروح البوفيه دخل نواف بخطواته الواثقة وحظوره الطاغي رشا تزغرد بصوت عالي ابتسم وسلم على أمه وخواته وريما مشى وصل للكوشه وقف جنب شوق صورتهم المصوره أكثر من صوره وكانوا يسوون الحركات نواف قرب منها ومسك خصرها وعيونه بنظرتها الحادة تتأمل ملامحها وكل شي فيها ، فجأه لفت نظره مره جايه صوبهم عرفها خالته ابتسم بحب لها وصلت متأخرة بعد ما قدرت تقنع زوجها ألي بالعافية وافق بس هي ما حضرت زواج نواف الاول وما قدرت تضيع عليها زواجه الثاني فسخت نقابها وسلمت على أختها الي لها فتره ما شافتها و بناتها وريما قربت من نواف الي تقدم منها وباس رأسها أم اياد : الف مبروك يالغالي نواف : الله يبارك فيك يا خاله لو تعرفي شكثر فرحتي بشوفتك جايه أم اياد : الله يجعل السعاده ما تفارقك لفت لشوق وهي تذكر الله : مبرووك شوق : الله يبارك فيك يا خاله ريما مسكت يد أم اياد : خالتي تعالي نتصور معاهم ابتسمت أم اياد وتصورت معاهم و نوف ورشا والام خذوا صوره جماعية بعد شوي راحو يلبسون عبايتهم ودخل عمها وناصر وفارس وباركوا لها ناصر باس رأسها وبارك لها وفارس نفس الشي نواف مسك يدها : يالله نمشي شوق على أنه اليوم عرسها بس ما كانت مبسوطه هزت رأسها بأيه أشر لأمه وقال لها ناصر : نواف جوهره حافظ عليها تراها أغلى انسانه عندي حطها بقلبك قبل عيونك فارس : انتبه عليها و إذا ضريتها بشي انا اول من بيوقف بوجهك نواف بهدوء : لا توصون حريص دخل السيارة وتحركت متوجهه لقصر نواف الوليد ***** قبل ساعة يسوق السيارة بسرعه كبيره فاطمه : جراح خفف السرعه وش فيك جراح بضيق : ليش رايحة عرس نواف عضت شفتها : هي ما كانت تدري من المعرس ما سألت شوق من وانصدمت لما شافته داخل : عرس أعز صديقاتي لازم اروح جراح سكت وهو منقهر حيل على روان الي لما شاف حالتها تمنى يذبح نواف فاطمة بهدوء : جراح وين رايحين هذا مو طريق البيت جراح : بنروح بيت أهلي فاطمه بدهشه : ليش الوقت متأخر جراح : لا هما سهرانين ولازم اطمن على روان فاطمة تنهدت وصل بيت أهله نزل وشال بيان النايمه ودخل لحقته فاطمه دخلوا الغرفة نزلت نقابها وشيلتها وبدلت فستانها ببجامه لأن لها ملابس في بيت أهل جراح تنهدت بضيق على روان بس ما تقدر تتجاهل عرس شوق وما تحضره وهي فرحت لها من كل قلبها ****** وصل القصر نزل وتركها نزلت من السياره وهي تجر فستانها الثقيل وتحاول تمشي بخطوات سريعه تلحقه فتحت باب القصر تلفت ما حصلته وين تروح الحين فجأه مسك يدها شهقت بقوة : انا نواف وسحبها معاه للمصعد انفتح وتوجه لجناح بعيد عن الاجنحه شوي فتحه وشغل الليتات ، طالعت الجناح بدهشه كبير حيل والاثاث فخم والديكور راقي مشى نواف لغرفة النوم ودخل غرفة الملابس دخلت الغرفة وهي تطالع بإعجاب سمعت صوت أحد يدق الباب توجهت للباب وشافت شنطتها مع الخدامه ابتسمت : شكرا سحبت الشناط وطلعت بجامه حرير وراحت للحمام يكرم القارى فسخت الفستان بصعوبة و خذت شور بعد هاليوم المرهق توضت وطلعت شافت نواف الي باين انه توضأ وفرش سجادته ولف يطالعها : تعالي نصلي لبست جلالها حط يده على رأسها وقال الدعاء سلم من صلاته وهو يشوفها طولت في سجودها الأخير بعد دقيقه سلمت ما شافته في الغرفة فسخت جلالها وشالت السجاده و توجهت لسرير انسدحت وتغطت تبي تنام قبل لا تشوفه واستسلمت لنوم بسرعه بعد يوم مرهق وجسديا و نفسيا نواف واقف في البلكونه و هو يدخن بشراهه حقد وكره لهالانسانه القاتله مايدري كم سيجارة دخن من القهر الي فيه دخل الجناح قرب منها شافها مستسلمه لنوم حس بقهر شديد هي نايمة براحة وهو مو قادر ينام صحت من النوم على صوت جوالها الي وقتته يرن يوميا لأذان الفجر وقفت وراحت تتوضأ ولبست الجلال وصلت وخلصت قرت الاذكار رجعت تنسدح بجلالها ونامت صحت على صوته : هيه قومي شوق فتحت عيونها : نعم نواف : قومي ترى الساعه 2 الظهر شوق فزت بصدمة : الساعه 2 وقفت بسرعه علشان تصلي الظهر بعد ما خلصت فتحت الشنطه وطلعت لها فستان لي تحت الركبة راقي وهادي سرحت شعرها و خلته مفرود وحطت مكياج ناعم ولبست كعب اسود وطلعت من الجناح ونزلت وهي تشوفهم مجتمعين على طاولة الأكل : السلام عليكم ، ردوا السلام ريما : صباحية مباركة يا عروس رشا : يا هلا والله بعروستنا شوق بابتسامة : صبحكم الله بالنور والسرور ابتسمت أم نواف : اخبارك يا بنتي شوق : بخير يا خالتي اخبارك انتي طمنيني عنك أم نواف ارتاحت لشوق و دخلت قلبها : الحمدلله ريما : وين بتسافرون عاد لا اوصيك يهديه حلوة ضحكت شوق : من عيوني نواف : بكرا مسافرين لندن أم نواف : بحفظ الله ريما : يمه ترا وعدتيني بسفره هذاني جبت نسبه عاليه ابي اروح وحطت اصبعها على فمها بتفكير : أمممم اسبانيا رشا : أن شاء الله ولا يهمك بنسافر إسبانيا في أقرب وقت ريما : الله لا يحرمني منك يا أحلى أم انتهى البارت Like