على سطر من القدر - الفصل الثالث عشر - بقلم هناء | روايتك

في الحفلة دخلت عِزة المكان و تأنيب الضمير قاتلها كانت واقفة و مو عارفة ايش تسوي لأن نوف مو معها لكن ما طولت في حيرتها لأنها حست بأحد يمسك كتفها لفت و هي تصارخ و خايفة كان تركي الكل التفت لما سمعها تصارخ لكن تركي تدارك الوضع و حط يده على فمها بسرعة و قال بصوت عالي : شفيكم تناظرونا ؟؟!! كل واحد يلتهي فنفسه و الكل لف و كمل رقص لأنهم ببساطة يخافون من تركي و محد يتجرأ يرادده اما هو فسحب عِزة للزاوية و قال : انتي وش سويتي ؟؟!! فضحتينا !! قالت : كله منك !! ..... كله منك .... انا وش سويتلك اتركني فحالي يرحم والديك تركي كان مصدوم من انهيارها معقول انهارت لهاذي الدرجة بس عشانه هددها و اجبرها تروح الحفلة حاول يبين أنه مو مهتم لكن ما قدر و قال : هدي ... هدي قالت : ما ابغى ... ما ابغى قال : طيب .... قولي ايش تبغين و انا بسويه قالت : ابغاك تحذف صوري و ما تجيبني اماكن كذا مرة ثانية و تحذف رقمي قال : ما راح اجيبك هنا مرة ثانية لكن مستحيل احذف الرقم و الصور قالت : لييييييه ؟؟!! قال : كذا قالت : لا اعطيني سبب قال : انا ما ابغى هو في الحقيقة ما يبغى يحذفها لأنه ما صار يقدر يعيش ساعة بدون ما يشوف صورها و ما يقدر يكمل يوم بدون ما يسمع صوتها صارت له مثل الدوبامين لكن ما يقدر يقول لها كذا لأنه ما يبغى يهز صورة الشاب القوي الحاد .... ما يعرف ليه ما يبغى يتركها على عكس كل البنات اللي كلمهم قبل .... من بين عشرات البنات اللي كلمهم مافي وحدة قدرت تأثر فيه مثلها ما كانت أجمل وحدة كلمها لكن بالنسبة له مافي بنت في الكوكب احلى منها و حتى لو في مافي بنت عندها حدة ملامحها ولا جاذبيتها قالت : بس توعدني ما تجيبني هنا مرة ثانية ؟ قال : اوعدك قالت : أجل يلا نطلع قال : يلا ..... بس نروح بعدها كوفي قالت : لا !! ..... ابغى ارجع الشاليه قال بنبرة حادة : عِزة !!! قالت : حاضر ..... حاضر طلعوا من المكان بعد ما عِزة لبست عبايتها و نقابها اتجهوا لسيارة تركي فتح لها الباب الامامي اللي من جهة الراكب و دخلت السيارة و جلست و هي قرفانة حياتها اما هو فجلس في جهة السائق و إتجه للكافيه و هي جت في بالها فكرة جهنمية قالت بداخلها : يمكن لو عرف اني ابغى واحد ثاني يروح و يفكني طلعت جوالها و جلست تشوف صور جراح اللي في حساباته و تركي انتبه و قال : مين هذا ؟!! قالت : ولد عمي قال : و ليه تناظرين صوره ؟! قالت : كذا قال : بس بحد علمي ولد عمك هذا متزوج قالت : و انا ما رحت فتنت بينه و بين زوجته انا بس جالسة اشوف صوره هنا تركي دعس فرامل و توقفت السيارة مرة وحدة و صقع راسها في الزجاج الامامي للسيارة قالت : هيييي !!! وش سويت يا المجنون ؟؟!! كنت بتكسر راسي قال : اصصص !!! ولا كلمة و اخذ جوالها و طلع برا و رماه على الأرض بقوة و تفتت حرفيا قالت : وش سويت ؟!! ليه تكسره ؟!!! قال : عشان تتأدبين و لو شفتك تناظرين صوره مرة ثانية راح اكسر راسك فهمتي ؟!!! ركب السيارة و اتجه للكوفي و هي من الصدمة ما تكلمت وصلوا الكوفي و نزلوا جلسوا و قال : وش تبغين ؟ قالت بخوف : أ.ي ش.ي طلب إثنين آيس كوفي و حلا وصل الطلب و هي ما شربت ولا اكلت شي بس تناظره بخوف قال : شفيك ما تاكلين ؟ قالت : مافي.ني شي قال : خايفة ؟ هزت راسها بنعم قال : انا ما كان قصدي اخوفك بس انتي استفزيتيني يعني انتي معاي و تناظرين صورة ولد عمك ؟ قالت : ايش فيها ؟! انا مو زوجتك ولا خطيبتك انا مجرد وحدة تتسلى فيها حالي حال الباقيين كم يوم و ترميني بعدين انت تكلم اكثر من وحدة في نفس الوقت كان كلامها ينزل عليه مثل الصواعق ما كان يبغاها تشوفه بهاذي الصورة البشعة حاول يتدارك الوضع و قال : انا من يوم ما كلمتك ما كلمت غيرك و حذفت ارقامهم كلهم و اذا مو مصدقة خذي جوالي فتشيه براحتك قالت : ما يهم تكلم ولا لا انا اساسا ما ابغاك انت تكلمني غصبا عني لأنك تهددني بصوري حطيتني تحت الامر الواقع مسك يدها بقوة و قال : اذا ما تبغيني انا ابغاك فهمتي ؟!! من يوم ما عرفتك قطعت كل علاقاتي لأني اعرف ايش ابغى عِزة انصدمت ما قالت شي بس قالت : رجعني الشاليه تركي ما حب يضايقها اكثر على طول حاسب و طلعها و رجعها الشاليه و قبل ما تنزل من السيارة قال لها : عِزة انا مو مثل ما انتي تتوقعين صح ان كان عندي علاقات كثيرة بس انتي الوحيدة اللي أنا جدي معها ما قالت شي نزلت و دخلت الشاليه و راحت لغرفتها و بكت بعد مرور 9 أيام خلينا نشوف الكلام اللي يدور في عقول بعض أبطالنا بعد هاذي المُدة نجاة : خلاص بكرة بنرجع لدولتنا و ما أعرف كيف راح تكون الحياة اللي تنتظرني جراح طول هاذي الفترة كان محترم و طيب كل شوي يعطيني فلوس و انا اساسا من يوم رجعتنا من المستشفى ما طلعت من بعد هذاك اليوم صار عند كل واحد مننا روتين خاص انا اغلب يومي اقضيه دراسة و في وقت فراغي اجلس اعتني ببشرتي و جسمي و شعري بس ما اكشخ لأني ما ابغاه يفهمها اني جالسة اتكشخ عشانه اما هو فيقضي طول اليوم في شغله مع الشركاء الايطاليين و هو اللي طلب من ابوه أنه ينهي كم شغله معهم دامه في إيطاليا و بعد ما يخلص يروح يسوي رياضة و يرجع آخر الليل جراح : مرت فترة و حنا هنا اكتشفت الكثير عن نجاة عرفت انها انسانة مرة ذكية و هادية جدا دلوعة لكن في نفس الوقت شخصيتها قوية و بعد انتبهت على شي ما أدري كيف ما لاحظته من قبل نجاة جميييييييييلة لأبعد درجة سبحان اللي خلقها لكن على الرغم من كذا مستحيل توصل لمكانة عِزة في قلبي كل يوم اطلع بدري و ارجع متأخر ما ابغاها تلاحظ اني انتبهت لجمالها لأني لما اشوفها ما اقدر ابعد عيوني عنها لأني أدري انه يمكن تتعلق فيني من هاذي النظرات لأنها في الاخير راح تنجرح لأني مستحيل انسى عِزة و في نفس الوقت ما ابغى اتعلق في نجاة ولو شوي شوق : مرت فترة من لما خطبني نايف صليت استخارة و انا موافقة لكن لسا ما اعطيت ابوي الرد لأني مترددة و هو كل يوم يلمحلي و أمي كل شوي تسألني نايف كل بنت تتمناه انا ما تمنيته بس وافقت عليه و قررت اني اعطي ابوي الرد يوم رجعة نجاة يعني بكرا متخوفة مرة من حياتي معاه لكن نتأكدة ان الموضوع فيه خيرة لي نايف : تعبتتتتت من الانتظار عمري ما كنت شخص متسرع لكن الحين ماني قادر استنى احس ان في نار في داخلي حاولت اقاوم و ما اسأل عمي لكن ما قدرت بدأت ألمح له و واضح أنه يفهم لكن لسا ما أعطاني رد يتبع ......