الفصل 31
31
الـــــــــــــــــبـــــــــارتــــ 1⃣3⃣1⃣ ...
📖🖌 @storykaligi 🌹🍃
فتح مقطع الصوت برجفته الا مثل هبه الريح
البارده اللي لفحت ع صدره واثلجته
واخمدت النار اللي شابه بين ضلوعه غمض
عيونه بقوة وهو يسمع صوتها !! صوت جنته
صوت روحه اللي فارقت جسده بنبرتها الامان
والدفى والخوف عليه وباشتياق ولهفه لهالصوت
ولراعيته!! واخر كلماتها بتعب
" انتبه لنفسك ي وليدي تراي متلهفتن عليك وشفقانه ع شوفتك زورني لاتقطعني زورني ابي اكحل عيوني بشوفتك انتبه ع عمرك ولاتنسى صلاتك ي يمه لاتنساها
وادع لابوك بالرحمه والمغفره وان ربي كتب لك عمره
اعتمر عنا مع السلامه ي ضناي استودعتك ربي اللي
م يضيع حق عبد من عباده عنده استودعتـ..ك "
انتهى المقطع فتح عيونه بسرعه بخوف انتهى صوتها
بعد م كان مندمج براحه عجيبه من سمعها
نزلت دموعه وهو يشوف المقطع انتهى حط ايده ع فمه
وعض ايده باشتياق وضيق جثى ع ركبه
ونزل راسه ابعد ايده وهو يصيح من الغبنه والاشتياق عض ع شفاته بحسره يحس بالكتمه
رفع راسه يدور نفس مخنوق وبغصه بقلبه
غمض عيونه بقوه ودمعته تمردت ع خده بحرقه
وهو يتذكر وصاياها همس مثل الطفل مشتاق لحضن امه
: مانسـ..يتكم من دعاي مانسـ..يت من تحت الارض بكفنه
الابيض من دعاي م نسـ..يت
نزل راسهه واجهش بالبكا
_
المجهول وهو يأشر باصبعه ع الشاشه :
هذي هي رده الفعل اللي ابيها ! ابيه يضعف ويضعف ويضعف الى م استولي ع كل شي ..
الشخص : اخاف يستولى هو ع الورث بدون م احنا ننتبه
ابتسم المجهول : اوهوه مستحيل يستولي عليه وانا موجود
الشخص : طيب والضربه الجايه ع مين بتكون ؟
التفت المجهول ع الشاشه اللي فيها ضاري بسجنه وابتسم
بخبث : راح تكون عليها هي ابيهم يكرهون بعض زياده وتنعدم الثقه بينها هي وبين ليث بكذا اقدر ادخل بينهم بكل سهوله
واستغلهم بثقتهم فيني وانتهي منهم ..
_
انسدحت وسحبت لحافها لها وغمضت عيونها بتفكير
بتشتيت ليه تحس ان هالكلمه اثرت فيها !! كيف
بعيونه وبتمرده عليها شدت بقبضه ايدها ع لحافها
وعضت ع شفايفها انها م قدرت تسوي اللي ببالها
واللي حولها مضيق عليها مثل السجن ..
_
" الساعه ٨ الصباح "
عند حور طلعت للحديقه اللي مقابله للجناح قعدت
الا طلعت امل : صباح الخير
لفت عليها حور : صباح النور
قعدت معها : اي اخبـ..
الا رن جوالها رفعت حاجبها باستنكار : ليث ؟؟
رفعت عيونها حور لها بسرعه من سمعت اسمه
ردت امل : الو .. هلا صباح النور عقدت حواجبها : تبيني ؟؟؟ اها لا لا عادي بجي الحين ..
عند حور اللي م رفعت عيونها عنها وهي تكلمه
نزلت امل الجوال بابتسامه : غريبه يبيني ! يالله بقوم لا اتأخر عليه
ابتسمت حور بقهر : روحي روحي ..
الـــــــــــــــــبـــــــــارتــــ 2⃣3⃣1⃣ ...
📖🖌 @storykaligi 🌹🍃
قامت من عندها ودخلت لداخل لبست عبايتها
وطلعت قامت حور ودخلت لغرفتها ووقفت ع الشباك
وتكتفت وهي تطالع الملحق من بعيد
عند امل لما وصلت
دقت الباب ماهي ثواني الا لما طلع ليث ابتسم : هلا والله
امل بصدمه توسعت عيونها : شصاير
فيك ؟
طالعته من فوق لتحت ورفعت عيونها له بصدمه : وش هالجروح ؟!!!
حك حاجبه بعفويه ووهقه : تقدرين تقولين احتكاك بسيط
امل بتأفف : طلعت من أهل الهواش والمشاكل اجل !
ليث : لا لا مو كذا بس فيه اثنين اعتدو علي يعني م تحملت
تكتفت : اكيد انت م قصرت فيهم بعد
ليث : تقريباً
امل : طيب وش تنتظر ؟ روح للمستشفى يضمدون جروحك لا تشوفك جدتي وتنهبل !
ليث : مو مشكله ضمدتهم انا بنفسي
امل : حتى ولو روح للمستشفى !
ليث : طيب المهم بسألك
امل : امر
ليث : تقدرين تروحين معي ؟
ارتعشت من البروده انتبه لها : بردتي ؟ ادخلي ادخلي
امل : اي والله جمدت هنا
ابتعد عن الباب ودخلت لداخل ودخل هو وقفل الباب ..
عند حور اللي عضت ع شفايفها بقهر : عيني عينك يدخلها لداخل !!! حتى وان كانت
بنت عمه م يحق له م يحق !!! وجع يوجعها معه
مافي وجهها حيا يعني م تدرين انه ولد عمك وع انه غريب
ي التيس وتدخلين داخل معه بكل جراءه ؟؟ وش هالعايله اللي متفتحه ذي !!! خير
انا انا اللي زوجته وماسوا فيني هالحركات ولا ناداني
وتضٓحّك بوجهي مو عاد يتضٓحّك بوجهها !! خير ان شاء الله؟
غمضت عيونها وتأففت بقهر وفتحت عيونها !! ولفت الا توسعت عيونها بصدمه من اللي واقف ع الباب !!!!
__
" بالملحق "
ليث : تبين اصب لك عصير يعني معي ؟
عقدت حواجبها باستغراب : اوك
ابتسم وصب لها ولنفسه ومشى واعطاها الكاس
وقعد ع طرف الطاوله وتنهد : ابي مساعدتك
عقدت حواجبها : اللي هي ؟
ليث بتردد وارتباك : ابي تمثلين معي انك زوجتي !
جمدت بصدمة !!!!!!
الـــــــــــــــــبـــــــــارتــــ 3⃣3⃣1⃣ ...
📖🖌 @storykaligi 🌹🍃
حست بالحراره بجسمها
بخوف بلعت ريقها بربكه ابتسمت : هلا ي خاله
دخلت الجده موضي : شفيك ي يمه ؟ وش زوجته ؟
ارتبكت زياده وبنفسها : سمعتني !!! بلعت ريقها : لا كنت اقصد خالتي يعني هي تتهاوش مع رجالها وكنت حاطه نفسي مكانها وكذا
يعني شي يقهر من رجالها يروح يتغزل في وحده ثانيه وهي عنده ولاهامه !!
الجده موضي : يوه ي بنيتي كل هالرياجيل السلق كذا خليها تتصبر وتدعي له بالهدايه
حور بلا شعور نطقت : اخسى اصبر عشان سواد عيونه
استوعبت ع نفسها وع نظرات الجده موضي لها !!
ضحكت بوهقه : لايعني ي حبيبتي ي خالتي انا اقول يعني انا حاطه نفسي مكانها وكذا فهمتي علي ؟
ضحكت الجده موضي : م ضنتي بتعرسين ع لسانك الطويل
حور بهمس : زين انه صابر علي هو لولا مصلحته كان بوضعيه المطلقه انا
الجده موضي : م سمعتك ي يمه ؟
حور : لا ولاشي ي خاله
المهم نطلع نفطر برا ؟؟ الجده موضي : ماهو برد ؟
حور : لا دفى وباخذ لحاف
الجده موضي : زين يالله ي يمه
مشت لعندها ومسكت ايدها وطلعو برا
_
" بالملحق "
امل بصدمه : انت وش تقول ؟؟
ليث : ادري طلبي يصدم يعني ومالي حق اطلب منك بس لان فيه وحده غاثتني مزعجتني وقلت لها اني خاطب ولا راضيه تفك عني فقلت لو تكلمينها وتفكيني
منها ع اساس انك خطيبتي !
انفجرت بضحك
اما ليث بهاللحظه يطالعها منصدم م توقع رده الفعل هاذي
امل بضحك : اسـ..فه بس تغير الحال يعني !!
عقد حواجبه : كيف يعني ؟
امل : سبحان لله الحين البنات ينشبون للعيال ولايفكون عنهم؟
انقلب الحال !
ضحك : قلتيها بنفسك انقلب الحال ياخي عجزت فيها
امل : من وين جايبه رقمك !
ليث : مدري بكل حساباتي ضايفتني اعوذ بالله نقمهه حشى مو بنت !
امل بضحك : طيب طيب مثل م تبي لادقت عليك علمني اسفل فيها
ضحك : ماتدرين شكثر ريحتيني
امل بابتسامه : العفو ولو
وقامت : يالله جهز السياره نمر ع المستشفى تضمد جروحك
وبعدها ودني ع المطعم مشتهيه افطر برا
ليث : ابشري
ابتسمت وطلعت ..
عند حور اللي رفعت عيونها وشافتها
تطلع من بعيد عضت ع شفايفها بقهر : وجع !!!
الجده موضي قبالها : وجع لمين ؟؟
انتبهت عليها حور ولفت : هاه ؟ لا يعني مقهوره ع حال خالتي
مرت عندهم امل : صباح الخير ي المزيونه
الجده موضي : صباح النور ي يمه اقعدي افطري
امل : لا لا بفطر برا بخلي ليث يوصلني دام فهد مو فيه
الجده موضي : خلي الولد يفطر افطري هنا الخير واجد
امل : يوه ي جده هو عادي بيفطر برا مو لازم هنا يالله باي
غمضت عيونها حور بقهر وشدت بقبضه ايدها وهي تغلي : افطر عليك الساحوت يارب !!
الـــــــــــــــــبـــــــــارتــــ 4⃣3⃣1⃣ ...
📖🖌 @storykaligi 🌹🍃
اخذت نفس عميق وفتحت عيونها وابتسمت بمجامله : عن اذنك ي خاله
الجده موضي : وين ي يمه ؟
حور : بروح اكلم خالتي بتطمن عليها وبرجع
الجده موضي : طيب ي بنيتي
قامت بسرعه ودخلت للجناح ولغرفتها
لبست عبايتها فتحت الدريشه تلفتت حولها يمين ويسار
م لقت احد طلعت وهي تمشي بشويش خوف من ان احد يشوفها لفت ورفعت عيونها فوق للدرايش
م شافت احد لفت لقدام بسرعه وباستعجال تمشي
وصلت للملحق فتحت الباب ودخلت وقفلت الباب
اما هو توه لبس تيشرته وبياخذ المفتاح والمحفظه الا
رفع حواجبه بدهشه لما شاف تهجمها عليه !!
اخذ مفاتيحه ومحفظته واستعدل بوقفه وهو يطالعها باستغراب : شفيه؟
حور وهو كاتمه غيضها : ابد جايه اتطمن !
عقد حواجبه : تتطمنين ؟ علي انا ؟
حور : ليه مستغرب ؟
ليث : مو متعود عليك بهالطبع !
رفعت حاجبها : بتخليني اندم اني جيت هنا !!
ابتسم : اعوذ بالله م ينمزح معك
مشت بالملحق وهي مقهوره اما هو واقف يطالعها
ضحك : فضفضي فضفضي
لفت عليه : وش افضفض ؟
ليث : اللي بقلبك
حور : مافي قلبي شي
ليث : الا واضح من نظرات عيونك حتى
ابتسمت بسخريه : هه ماشاء الله ع الحاسه السادسه الا صدق ليه اتصلت ع ذي امل ؟
ليث : بسم لله شعرفك؟
حور باستحقار : لانها كانت عندي !! ايه وين بتروحون؟
ليث: اصرت انها تروح معي للمستشفى عشان اضمد جروحي وبعدها بوديها للمطعم بتفطر
رفعت حاجبها بدهشه : تروح معك للمستشفى ؟ والله صار فيه تطورات
ابتسم : تقريباً
حور بحده : وتناديها عندك بأي حق؟؟
استند ع طرف الكنب وتكتف : ليه ان شاء الله
حور : بالله لو صار للبنت مشاكل مين اللي بيتحمل ؟
ليث باستغراب : اي مشاكل ؟
حور : الدنيا فوضى تناديها لعندك وتضيفها وتقفل الباب
ليه هالحركات؟ معليش حتى ولو هي م تحل لك مو زوجتك ولا اختك وهي مثل الهبله لادقيت ركضت وراك؟ وش هالجراءه اللي فيها !! حتى انت م تستسحي !!
ليث بابتسامه : م استحي ؟
قربت منه وهي متكتفه وبقهر : اي م تستحي خير ان شاء الله مو ع كيفك تسوي هالحركات !!! احترمني ك زوجه لك !! لو انها بنت عمك م يهمني !!
ابتسم بخبث وهو يطالع فيها وبكيف هي قريبه منه وهو
متكي ع طرف الكنب ومساوي لطولها ومتكتف : ليه تغارين علي؟
رفعت حاجبها بدهشه : اغار عليك تخسسى والله
ليث بابتسامه : اجل وش تسمين هالتصرفات؟
قربت ورفعت حاجبها بنذاله وتشديز : كرامتي م اسمح لك تهينها بهالتصرفات اذا تطلقنا سوي اللي تبيه !!
حاوط بايده ع خصرها وظهرها وسحبها له بقرب منها
و هو يتنقل بنظراته بين عيونها مبتسم : عيونك فاضحه الغيره اللي بجوفك ...
الـــــــــــــــــبـــــــــارتــــ 5⃣3⃣1⃣ ...
📖🖌 @storykaligi 🌹🍃
استجمعت شجاعتها ورفعت عيونها العسليه
وبنظرات حاده وبكل ثقه عكس دقات قلبها اللي مثل
الطبل بداخلها : ع اي اساس اغار ؟ عليك انت ؟ منها هي ؟
عقد حواجبه من رده فعلها الواثقه !! ابتسسم : وليه م تغارين ؟ مو زوجتي ؟
عقدت حواجبها وبسخريه ضحكت : زوجتك ؟ بمسيار
وبفتره مصلحه ومؤقته وبعدين كل واحد بطريق
ليث : بس يحق لك تغارين علي
حور : حلم ابليس بالجنه !
قرب واتسعت ابتسامته وبتشديد : لاني زوجــك !
رفعت حاجبها وبغرور : مو معتبرتك زوج !
صد وضحك باستسلام وهو يهز راسه ثم لف ورفع عيونه لها : انا استسلم وخصوصاً قدام عيونك العسليه
هاذي !
حور : اللي يشوف حالتك هذي م يقول انك انت هو نفس الشخص البارحه
ليث : تقدرين تقولين اني مريت بمرحله صعبه امس
حور : واضح
ليث : بس هذا م يخليك تكذبين انك م خفتي علي البارحه!
حور : ليه اخاف من بخه عطر صحصحت وشفت همجيتك علي امس يعني ماله مكان الخوف بقلبي عليك
عض ع شفايفه وهز راسه بإستسلام : ولو شفتي جثتي !
حور : لاتخاف بسبع ارواح انت
كشر : ان لله قولي ماشاء الله
حور بسخريه : ماشاء الله لاتخاف عيني بارده
ابتسم وهو يتنقل بعيونه بين عيونها بهيمان اما هي
بنظرات برود تطالعه م سمحت لنفسها انها تستحي
وترتعب بين ايده اللي محاوط خصرها وساحبها له وهو
ع طرف الكنب قاعد ومستوى نفسه اقل منها وهي واقفه
همس : تدرين اني احبك
حور بابتسامه برود : لا م ادري
ليث : حتى وان كنت احبك ماقدر اني اكمل معك
حور : لاتخاف انا اللي ماراح اقدر اكمل معك !
ليث : قررت اتزوج امل وبفاتحها بالموضوع شوي
حور : الف مبروك م بغيت
ضحك : شفتي كيف ذا اللي يعجبني فيك انك بارده ومايهمك شي !
حور : تحسب اني مثلك
هز اكتافه وبتنهد : صح نسيت ولسانك طويل بعد
حور : شكراً
بقى يطالع فيها بهدوء ولحظات صمت بينهم ويتأمل
ملامحها وعيونها وهمس : والله حرام احد غيري ياخذك ويتهنى فيك !
حور : حرام انك ماخذني ومتهني فيني والله
غمض عيونه وابتسم : استسلم للمره الثانيه
بقت تطالعه وهو مغمض عيونه فهت ونست نفسها بهاللحظه
الا لما فتح عيونه وعت ع روحها وطالعته بوعته ترمش !!
طالعت بايده ثم رفعت عيونها له : ابعد ايدك لاتتأخر عن الانسه امل
ابعد ايده وابتسم : اوك
ابتعدت عنه : اشوا م بغيت اعوذ بالله
رفع حاجبه باستنكار وهو يطالعها الى م عدلت لثمتها
وفتحت الباب وطلعت متوجهه للجناح تنهد هو عدل تي شرته
وطلع بيقفل الباب الا جمد لما شاف فهد واقف معها وهو يضحك اما حور منتبهه لليث فعاندته
وبقت بمكانها شبت النار بداخل ليث بهاللحظه !!!!!!!
#مـــكـــــمــــلــــيــــــن_مـــعــكم....