أهيم في عيناها فأجن بملامسة شفتي شفاها - الفصل 29 - مكتملة | روايتك

29 الـــــــــــــــــبـــــــــارتــــ 1⃣2⃣1⃣ ... 📖🖌 @storykaligi 🌹🍃 حست بجسمها يقشعر وبرجفه كل خليه فيها واختل توازنها بهاللحظه !! تجمعت الدموع بعيونها وبغصه حطت ايدها ع فمها تكبح شهقاتها وكأن انفاسها ضاقت عليها وقلبها يعتصر بألم ووجع ورجولها م تشيلها من صدمتها واطرافها بردت بهاللحظه نزلت دمعتها وانسابت بحرقه ع خدها وعيونها تتنقل ع الشاشتين بصدمه مفجوعه كيف ان اخوها جالس ع سرير الحديد ومجمع كفوفه وبعالم ثاني وتفكير منطوي عن السجناء اللي حوله اما ابوها ع كرسيه المتحرك بجنب الشباك يطالع اللي برا وكأن مصيرهم الاثنين باللي مهددين فيه بايدينها ي انها تطاوعهم ويتركون عايلتها او انها تعصيهم وبيعذبونهم ويقتلوهم !! بتشتيت وضيق رجعت بخطوه مرتجفه ع ورا وهي تهز راسها بصدمه وعدم تصديق كيف وصلو لهم؟؟ كيف وصلو لسجن اخوها؟ نطقت برجفه صوتها وخنقه : وش تبـ..ون المجهول بغموض : السلسال اللي برقبه زوجك! عقدت حواجبها بعدم استيعاب : اي سلسله ؟ المجهول : م اظن انك غبيه لهالدرجه ! استوعبت بهاللحظه نطقت : ما اقدر المجهول بتأشير اصبعه ع الشاشتين اللي قدامه : حلو واحد فيهم الليله بنستفتح فيه مأساه جديده نطقت بسرعه بخوف : الا هم لاتقرب منهم !!! المجهول : بكره بهالوقت انتظرك باللي بايدك يكون رفعت عيونها للشاشتين تطالعهم بخوف عليهم انفتح الباب لفت ع ورا لما اشر لها الشخص : تفضلي لفت تطالع بالشاشتين بنظره اخيره و وداعيه وخوف من مصيرهم لفت باستسلام وضيق ومشت وطلعت __ " الساعه ١ بعد منتصف الليل " اخذت عبايتها ولبستها وقفلت بابها وطلعت من الشباك وتوجهت للملحق وهي متوتره وخايفه انها تفشل كل تفكيرها وهمها وخوفها باخوها وابوها تحس بتأنيب الضمير بس مجبوره !! توجهت لباب الملحق دقت الباب وفتحته ودخلت بس صدت بسرعه بشهقه لما كان رافع تي شيرته بينزله ! رجع تي شيرته وعقد حواجبه باستغراب : حححور ؟؟ لفت بهدوء بارتباك : هلا طالعها بتعجب : غريبه جايه ؟ لفت قفلت الباب ومشت وجلست ع السرير قدامه : طفشانه ولاجاني النوم فقلت اتمشى شوي برا وامرك رفع حاجبه وبضحك وخباثه : قولي انك تبين تتطمنين علي ... طاحت عيونها ع السلسله اللي برقبته ارتبكت بهاللحظه عقد حواجبه زياده : شفيـ... سكت لما قامت بسرعه وحضنته بقوه ومحاوطه ايدينها ع رقبته انصدم !!!!! وقلبها يدق بقوه حاولت تفتح السلسله بس حست انه انتبه ابتعدت بهدوء وايديها محاوطه رقبته وعيونها بعيونه اما هو بصدمه يطالعها !! ارتبكت من نظراته بس م ابعدت عيونها !! م حست فيه الا لما قرب منها بدون م يحس ع نفسه خافت !!! الـــــــــــــــــبـــــــــارتــــ 2⃣2⃣1⃣ ... 📖🖌 @storykaligi 🌹🍃 ابتعدت وكشت بس حاوط ايده ع خصرها وثبتها له اقشعرت بهاللحظه حست انها حطت نفسها بموقف وهو استغله بقت تطالعه بخوف وايدينها ترجف واطرافها ببروده صارت وقلبها مضطرب دقاته مو قادره حتى تتمالك نفسها اما هو عيونه تتنقل بين عيونها العسليه ورمشها الكثيف وتقاسيم وجهها الفاتنه والحاده قرب منها وهي تبعد وجهها ع ورا تحاول تبعد وتطول المسافه اللي بينهم وهو يقرب وشدها بقوه له وقرب وجهها من وجهه توسعت عيونها بصدمة حست انه بيغمى عليها بهاللحظه كتمت انفاسها بداخلها من قربها له وهي ترجف تحس رجولها ثقلت وبالحراره اللي دبت بجسمها من ربكتها بلعت ريقها تمنت انها م وافقت ع عرضهم ولا انها تعيش هالموقف معه !! قرب من خدها وباسها بهدوء صنمت بهاللحظه وكأن الدنيا توقفت لثانيه من حولها !! ابتعد بخفيف وخده ملاصق لخدها غمضت عيونها بقوه من الخوف اما هو ابتسم بهدوء ابتعد فيها ع ورا باتجاه السرير وهي لاشعورياً بدون م تحس تبعد وكأنه هو اللي يتحكم فيها وبتحركاتها كان جسدها ملك له بهاللحظه شدت ع كفوف ايدينها اللي عرقت من الخوف بقوه وهي محاوطه ع رقبته اتسعت ابتسامته وهو يسمع دقات قلبها اللي مثل الطبول من قوه خوفها ورجفتها وكيف من حركته ارتعبت !! وقف بهاللحظه ووقفها معه عن الحركه غمض عيونه وهمس باذنها وهو باقي خده ملاصق لخدها : وش شعـ..ورك بهاللحظه ؟ بلعت ريقها بخوف عضت ع شفايفها بقوه وهي باقي مغمضه عيونها بقوه ليث بهمس : اعترف لك بالقول والا بالفعل ؟ تحس ضغطها انخفض بربكه وكأن عواطفها وجسدها استسلمت له بدون ارادتها !! فتح عيونه ورجع فيها لورا لحد السرير وسدحها ابتعد بخفيف ووجهه مقابل وجهه وايدينه محاوطها من الجهتين مستند عليهم ورافع نفسه فوقها مباشره وهو يطالع فيها مغمضه عيونها ضحك وهمس : افتحي عيونك العسليه اتأملهم وايدينها ع رقبته هزت راسها بلا بخوف اتسعت ابتسامته قفل نور الاباجوره وصارت الغرفه ظلام وسحب الفراش وغطى فيه انفسهم فتحت عيونها بهاللحظه بصدمة !!!!!! الـــــــــــــــــبـــــــــارتــــ 3⃣2⃣1⃣ ... 📖🖌 @storykaligi 🌹🍃 فتحت الدريشه وهي منزله راسها وبخصلات شعرها ع وجهها اللي معرق ومتمسكه بالدريشه وشبه منحنيهً بظهرها وانفاسها متسارعه ودقات قلبها مثل الطبول مو قادره تتحكم بنفسها وعيونها ممتليه بدموع ورجولها بالقوه تشيلها وبرجفه جسمها غمضت عيونها بقوه وهي مستنده بايدها ع الدريشه تحاول تلقط انفاسها بفجعه وصدمه من بعد اللي صار لدقايق تحاول تستعيد قوتها رفعت وجهها وفتحت عيونها ومشت وهي تسحب رجولها ع الارض بتعب وبقله توازن الى م وصلت لسريرها لاشعورياً رمت نفسها عليه بشهقه مكبوته سحبت فراشها وتلحفت وهي بعبايتها حتى من التعب مو قادره تنزلها غمضت عيونها بقوه بصيحه واجهشت بالبكا وبصيحه م قدرت تكتمها غطت وجهها باللحاف تبكي .. _ " بالملحق " منسدح ع السرير حط ذراعه ع عيونه وتنهد تنهيده طويله عميقه من بعد اللي سواه بتفكير بعد ايده وقفل نور الاباجوره اللي بجنبه وتلحف ونام بتعب ! _ " الساعه ١٢ الظهر " م صحت الا ع صوت الجده موضي بخوف تقومها : يمه ي حور فتحي عيونك ي بنيتي غريبه وش هالنوم .. م قدرت تفتح عيونها تحس بالتعب اللي مسيطر ع كل خليه وعظام بجسمها وبالخمول وبالبروده بدت تهزها بخفيف : يمه قومي ماهو من عادتك تنامين لهالوقت ؟ ي حور بنيتي ؟ حطت ايدها ع وجهها بتبعد خصلات شعرها عن وجهها بس كشت وغمضت عيونها بقوه وهي حاطه ايدينها بين رُكبها ترجف من البرد وتمتم بكلمات مو مفهومه من التعب شهقت الجده موضي وهي تحس حرارتها المرتفعه مثل النار تعدلت بجلستها بخوف مرتعبه تتلمس وجهها وجبينها : بسم لله وش صار فيك ي بنيتي ؟ ولفت وهي تصارخ : مممميري ي مممممميري ي ممممميري وجع دخلت عليها بسرعه انصدمت وهي تشوف حور كيف تنتفض الجده موضي بخوف : جيبي لي مويه ومنشفه هاه بسرعه استعجلي هزت راسها بخوف واستعجال وطلعت بسرعه اما الجده موضي تمسح ع راسها بخوف وتسمي عليها ابعدت عنها الفراش شافتها بعبايتها صنمت باستغراب !!! _ عند ليث وهو داخل من جهه المطبخ الباب الخلفي : السـ.. سكت لما شاف الخدامتين يتكلمون ميري : هذا بنت اللي اسمها هور فيه تأب واجد يجي يرجف خوف انا والله انصدم بهاللحظة !! الـــــــــــــــــبـــــــــارتــــ 4⃣2⃣1⃣ ... 📖🖌 @storykaligi 🌹🍃 انصدم بهاللحظه وجمد بعدم تصديق باللي يسمعه عقد حواجبه : مين ؟؟؟ لفت الخدامه : ايس فيه ؟ ليث : شفيه صاير ؟ الخاله موضي تعبانه؟؟ الخدامه : لا لا هادا بنت اللي اسمها هور تئبان .. ليث بخوف عليها يحاول يسحب منها الكلام : ليه شفيها ؟ الخدامه : مايئرف انا يسمع صوت ماما موضي يصارخ وينادي انا في روهه الا يسوف هادا هور يرجف قوه ليث بخوف : طيب اخذها ع المستشفى ؟ اقصد قولي للخاله الموضي يعني ان ناخذها للمستشفى هزت اكتافها بمعنى مدري واخذت المنشفه والمويه البارده وطلعت من المطبخ متوجهه للجناح .. _ اما الجده موضي ابعدت عبايتها عنها وهي تطالعها باستغراب ليه لابستها حطتها ع الكرسي ورجعت لفت ع حور : شفيك ي يمه شفيك ؟ اما هي بدون وعي تتمتم : لاتـ..لمسـ.. اختفى صوتها وهي تحاول تتنفس فيه شي مكبوت ع صدرها بقوه وبضيق تنفس ونبضات قلبها اللي باضطراب تنبض ومثل القشعريره اللي يدب بجسمها كلها ورجفتها ووجهها الشاحب اللي مال للاصفرار وصداع قوي تحس راسها بينشق لنصين من الوجع !!! الخاله موضي بعصبيه : ميري .. دخلت بخوف مدت لها صحن المويه البارده والمنشفه اخذته بسرعه وبعصبيه : وليه مطوله هاه ليه !! غطست المنشفه بالمويه وطلعتها وعصرتها وحطتها ع جبينها وبللت ايدها بالمويه ومسحت رقبتها وايدينها وباقي وجهها حتى تبرد عليها ميري بخوف : ماما ايس فيها ؟ الجده موضي بخوف : مدري عبايتها عليها كانت مدري ليه لابستها وبالسرير نايمه!! م كان فيها شي البارحه بسم لله الرحمن الرحيم بدأت تمسح ع راسها وتقرأ القران عليها بهمس اما حور تتأوه بتعب وتردد لاتلمـ..س لاتقـ..رب بس بشكل مو واضح الجده موضي باستغراب م فهمت عليها : ي بنيتي قولي لي شفيك وش صاير لك؟ بدون وعي تهمس : لاتقـ..ـرب منـ.. لفت ع الخدامه : روحي قولي لوليدي ليث يجهز سيارته يالله وقامت مع الخدامه وطلعت توجهت لغرفتها بتلبس عبايتها .. عند ليث بهاللحظه دخل من الدريشه بسرعه قفل الباب بلمح اابصر وتوجه لها نزل مستوى نفسه وشبه جالس ع الارض قبالها وبخوف مسك ايدها وحط ايده باطراف اصابعه البارده ع خدها وهمس بصدمه وخوف : حـ..ور ردي علي حور وهو يطالع فيها وتتنقل عيونه ع ملامحها ووجها الشاحب مفجوع : شصار فيك ؟؟ افتحي عيونك طالعيني لايكون تعاقبيني باللي سويته البارحه !! حور تكفين طالعيني ! الا بصوت الجده : مين انت ؟؟ جمد وتوسعت عيونه بدون م يلف !!!!! الـــــــــــــــــبـــــــــارتــــ 5⃣2⃣1⃣ ... 📖🖌 @storykaligi 🌹🍃 الجده موضي بخوف وهي تحاول تفتح الباب وبعدم استيعاب وشك : انا قفلته الباب والا وش هو ؟ سمعت صوت مو كأني اتوهم واخرف ؟ رجعت ميري : مالقيته ماما لفت الجده موضي : وش مالقيتيه ؟ دوريه يمكن بغرفته ميري : طيب قام بسرعه وقف للحظه يتأملها للمره الاخيره بخوف ترك ايدها بدون رغبه منه بس مجبور !! وطلع بسرعه من الدريشه ركض للملحق ودخل وجلس ماهي الا دقايق لما دقت الخدامه الباب ودخلت : ماما موضي يقول جهز سياره بسرعه ليث : طيب _ ركبت الجده موضي حور للسياره مع الخدامه وهو واقف يطالعهم وده لو انه يشيلها بحضنه ويركبها بعيونه اللي تنطق ذي زوجتي ! ذي حلالي اقدر اقرب والمسها بدون مساعده اي احد فيكم ! انا لي الحق بالخوف عليها انا بس لاحياه لمن تنادي الجده موضي : يالله ي يمه استعجل يالله لف بسرعه وركب لما ركبت الجده موضي وحركو للمستشفى الجده موضي باستغراب : مدري وراه قفل الباب ماغير ارسلت ميري تفتحه من داخل من الدريشه ليث : هي وش فيها ي خاله ؟ الجده موضي بخوف : مدري والله ي وليدي جيت بقومها مير لقيتها شابه نار والله اني خايفه عليها ليث : ان شاء الله تقوم بصحه وسلامه الجده موضي بتنهد ضيقه وخوف : ان شاء الله _ لبعد م وصلو لقسم الطوارئ وكشفو عليها استدعو ان يحطون لها مغذي وتتنوم الليله لارتفاع درجهه حرارتها وقله الحديد وفقر الدم اللي عندها اصرت الجده موضي انها ترافق معها بس رفضو ان يكون فيه مرافقه الى بعد المغرب رجعها ليث للبيت .. _ " الساعه ١٢ ونص بمنتصف الليل " بالمستشفى فتح باب غرفتها بشويش بعد وهي ع السرير الابيض طالعها بتأنيب ضمير واسى ع حالها دخل وقفل الباب وقف ع سريرها يطالعها بنظرات حزن بملامحها مد ايده ومسح باطراف اصابعه ع خدها لرقبتها وبهمس : فتحي عيونك وريحي قلبي بشوفتهم ريحيني ي حـ..ور ريحيني مسك ايدها وحط اصابعه باصابعها وبهمس : لهالدرجه كانت ليله البارحه قاسيه عليك ؟ بدون طيب خاطر ورضى منك ع اللي سويته !! بس انتي اجبرتيني والله اجبرتيني م حسيت بنفسي م قدرت اتحكم بحواسي واطرافي م حسيتي باللي حسيته ندمت على اللي سويته بس وش ينفع الندم بعد م خسرت ثقتك فيني وش ينفع؟ قرب وابعدها ورفعها وانسدح بجنبها واسند راسها ع صدره وحاوط بايده ع خصرها وايده الثانيه غرزه بشعرها غمض عيونه وهو يحس بدقات قلبها و يشم ريحتها اللي فتنته وانعشت قلبه وشفايفه ع شعرها ....