الفصل 28
28
الـــــــــــــــــبـــــــــارتــــ 6⃣1⃣1⃣ ...
📖🖌 @storykaligi 💐🍃
حست قلبها بيتوقف نبضاته بفجعه وشعور
بضيق !!! نطقت وكل خليه بجسمها ترجف : الا اخـ..وي
المجهول : تبين تساعدينه ! ساعدينا واضمن لك انه بيكون برا الاربع جدران هذيك وبيشوف الحريه او بيتعذب بسبب انانيتك !
تجمعت الدموع بعيونها : ميـ..ن انت؟
ابتسم بسخريه : مين انتم بالاصح مو انت
حور بحده وبدموعها : مين وش تبون مني ؟؟ وش تبون من اخوي ؟؟
المجهول ببرود : م نبي منه شي ! نبي منك انتي ..
مسحت دموعها بسرعه وهي تحاول تتمالك نفسها
حتى م تنهار : وشهـ..و ؟؟
المجهول : تتعاونين معنا ببساطه
عقدت حواجبها : اتعاون معكم دقيقه مين انتم ؟ مين؟
المجهول : م اتوقع ان من الاهميه تعرفينا ! الاهم انك تفيدينا باللي نبيه دامك بهالقصر !!
عقدت حواجبها بغرابه : بالقصر وش عرفكم اني موجوده؟
المجهول بسخريه : كل شي نعرفه وادق التفاصيل حتى عجبتني لعبتكم كيف انه لعبها وصار سايق وكيف انه
دخلك بذاك القصر وصرتي مثل الخدامه لذيك الجده !
تنرفزت : مو خدامه احد انا !!!
ابتسم ببرود : افعالك تثبت عكس قولك !
غمضت عيونها تحاول تتمالك وتستجمع نفسها
المجهول : لاتخافين ماراح نضرك !
فتحت عيونها : ليه م تبونه يدري ؟
المجهول : لان ماله اهميه لو بيعرف !
حور : كيف ماله اهميه ؟؟
المجهول : اليوم الصبح الساعه ٨ قابليني ع العنوان اللي برسله لك !
تغيرت ملامحها للاستغراب والخوف : اي عنوان؟؟
وبحده : اسمعني ماراح اقابل اي احد وانسى !!
المجهول : اذا عندك اسئله ومو فاهمه الوضع ولامستوعبه المصيبه اللي انتي فيها تعالي لهالعنوان وراح يوضح لك كل شي ! حتى عن كذبه اللي يتسمى بليث !
عقدت حواجبها وقاطعته : اي كذبه تتكلم عنها؟
المجهول : راح تلقين جواب لسؤالك هذا لو جيتي للعنوان
وابتسم بسخريه : صدقيني اعمالنا بمصداقيه ولك وعليك الامان لاتخافين ! واحنا بانتظارك ! تصبحين ع خير
حور : دقيقه اسـ...
بس انقطع الخط ابعدت الجوال تطالعه
تأففت ورمت جوالها ع السرير وجلست حطت ايدينها ع وجهها مو مستوعبه الصدمه اللي هي فيه !
لما وصلت لها رساله ابعدت ايدينها اخذت الجوال
فتحت الرساله و شافت العنوان تنهدت بضيقه ..
الـــــــــــــــــبـــــــــارتــــ 7⃣1⃣1⃣ ...
📖🖌 @storykaligi 💐🍃
" بالملحق"
رجع خطوه ع ورا وهو يتنفس بسرعه مو قادر
يتحكم بنفسه ولا باعصابه يطالع بالمكان اللي انقلب فوق تحت بدون م يحس ع نفسه باللي سواه !
جلس ع الارض واتكئ ع هيكل السرير بتعب
جمع رجوله لبطنه وحط ايدينه ع رُكبه وعيونه
بالارض بهم وضياع كيف قدر يفرط فيها؟؟ كيف قدر يسلمها لعايله قاتل !!
قتل اخوه وزوجته
بدون رحمه ولاقلب !! غمض عيونه وحط ايدينه ع وجهه وزفر بضيق : خايف ! خايف عليها خايف يصير شي فيها بسببي نزل ايدينه عن وجهه
ورفع راسه للسقف وبهمس وبقله حيله : مابي اخسر شخص ثالث بسببي مابـ..ي مالها ذنب هي باللي صار لي
مو مجبوره هي انها تعيش الخوف بحياتها وتنعدم الراحه بسببي مو مجبوره !
استند براسه ع هيكل السرير وغمض عيونه وبتنهيده حزن وهم مثل الجبال ع اكتافه
__
" عند المجهول "
رفع عيونه وبابتسامه : صار اللي تبيه طال عمرك
ابتسم بسخريه : نطبق هالمثل " نضرب عصفورين بحجر واحد "
قريب ان شاء الله راح تكون الفايده العظمى من استغلالنا لهم
المجهول : تتوقع انها تجي ؟
اومئ براسه : اذا انها تشك ف اللي يتسمى بليث
راح تجي وهذا بيكون من صالحنا ان الثقه منعدمه بينهم بنقدر نلعبها صح !
المجهول : مثل م قلت بس اتمنى انها تجي !
ضحك : ماعليك بتجي بتجي
ولف يطالع للشباك وبهمس : راح تجي وبتدخل من هالباب وبكل خوف ورجفه فيها !
_
" حور "
عنها هي حاطه ايدها تحت راسها بتفكير وبهم ع قلبها
ومكتومه م قدرت تتحمل قامت لبست عبايتها فتحت
الشباك وطلعت تتمشى برا مو قادره تتحمل نفسها
بخوفها ورجفتها مو قادره تتحكم بنفسها حتى بقت تمشي وبتفكير محاصر عقلها م حست بنفسها الا
لما وصلت للملحق لعنده وقفت تطالعه استسلمت
ومشت لعند الباب مسكته وهي بتفتحه بس وقفت
لثانيه بتردد وحيره نزلت ايدها عن مقبض الباب
ولفت بتروح لما وقفت متردده بقت لثواني ع حالها
و بلحظه م استجمعت نفسها وبشجاعه لفت
وفتحت الباب وقفت و جمدت بمكانها
بصدمه !!!! لما شافت حال المكان
اما هو نزل راسه يطالع باللي واقف عند الباب
قام بهدوء مشى بشويش وبتخوف من اللي ع الباب !!
لما تقدمت بخطوه تطالع بالمكان مفجوعه !! وقف لما شافها لفت عليه بصدمه تطالع بشكله
صد بهاللحظه هو سكرت الباب وراها بقت تطالعه بخوف
اما هو حط ايده ع وجهه م يبيها تشوف دموعه ولا انهياره
بس لما حس بهاللحظه بايدينها تحاوط خصره وهي تضمه
انصدم !!!!!!!!
الـــــــــــــــــبـــــــــارتــــ 8⃣1⃣1⃣ ...
📖🖌 @storykaligi 💐🍃
غمضت عيونها بهاللحظه بتأنيب ضمير بينه
وبين اخوها اللي يعني لها كل شي بحياتها هو الاكسجين
اللي تتنفسه هو دقات قلبها هو مثل الروح لها هو توأمها
طول حياتها كان يخاف عليها مثل الطفله واهتمامه المبالغ فيها اللي يلاحظون غيرهم عليه كان كل شي بدنيتها الصغيره
اما عن ليث ك زوجها كيف غامرت بنفسها وتزوجته
وحتى لو انها شافت فيه الاستغلال وكان اناني ببعض الاحيان بس م يطاوعها قلبها انها تخونه !!
ولو انها تشوف غموضه مثل الحاجز بينهم اللي يفصلهم عن بعض
ويبعدهم مثل الستار اللي يحجب مشاعرهم بينهم !
بس تبقى انثى وقلبها فيه الرحمه والخوف مهما كان
اللي يسوي ضميرها حي ولو طال الزمن او قصر !
شدت ع تغميض عيونها بضياع محتاره متردده
متخوفه من كل شي تحسهم يحاصرونها من كل جهه والأمان فارقها من بعد هاللحظه !!
اما هو بايدينه بالهواء متجمد بمكانه مصدوم بلا حركه
يطالعها مو مستوعب انها بحضنه !! مد ايدينه بايده اليسار قريب ع كتفها ورقبتها وايده
اليمين قريب ع ظهرها متردد يحضنها او لا !!
من بعد التهديد يحسها صارت مثل الهم ع قلبه
ينتظر ذيك اللحظه اللي يفارقها عشان بس يكون امان لها من فراقه وراحه..
استسلم وحاوط بايدينه عليها وحط
حنكه ع راسها وغمض عيونه
شدت بايدينها وبتمسكها بهاللحظه ع تي شيرته
من جهه ظهره
همست بحزن : ضـ..ـايعه
تنهد : مثل شعورك !
حور بضيق : احس اني فقـ..دت الامـ..ـان بهاللحظه !
بلع ريقه ماعنده اي ردد
حور : ليه نتعذب بهالدنيا ع حساب افعال غيرنا ؟
غمض عيونه بقوه حس هالكلام مثل السكين انغرس بقلبه وكأنه المقصود !!
وهي براسها ع صدره تسمع دقات قلبه اللي اضطربت وزاد خفقانه فتحت عيونها بهدوء ابعدت راسها ورفعت عيونها له فتح عيونه بهاللحظه بتأنيب ضمير انه باعها !!!
اما هي بحزن انها خانته !!
ابتسمت بأسى تجمعت الدموع بعيونها رفعت ايدينها
وحاوطتهم ع رقبته وضمته بقوه مخنوقه وبغصه وهمس مكتومه : سـ.....
نزلت دموعها ونطقت وهي تحس بالخنقه : سامحـ..ني
ابتعدت عنه بسرعه ولفت بدون فرصه حتى يطالع بوجهها مشت بسرعه وفتحت الباب وطلعت بقى بمكانه
واقف متسمر يطالعها بصدمه بألف شعور
مختلط بداخله مابين خوف وحزن وضيقه وواستغراب وصدمه ودهشه وشك همس : لايكون حست ؟؟
رفع راسهه بتأفف : ياربي ارحمنـ..ي ماعاد لي قوه افكر !! خايف عليها منهم والله خايف
_
دخلت لغرفتها بسرعه قفلت الشباك انسدحت بسريرها و سحبت فراشها لها دفنت وجهها وانهارت ...
الـــــــــــــــــبـــــــــارتــــ 9⃣1⃣1⃣ ...
📖🖌 @storykaligi 💐🍃
" الساعه ٨ الصبح "
لبست عبايتها واخذت جوالها و
طلعت من الباب متوجهه للبوابه وهي تدعي ان ليث
يكون نايم ولايشوفها وعيونها ع الملحق وهي تمشي
متخوفه انه يطلع لفت لقدام وكملت بس بهاللحظه
انفتح باب الملحق لفت بسرعه للباب الا هو طالع
وبايده مفتاح السياره وعلبه المويه وباين من وجهه
انه م نام ضيق عيونه بشك لما شافها !! جمدت هي بمكانها بهاللحظه
التفت حوله يتأكد ان مافيه احد ثم مشى لها
عضت ع شفايفها بحلطمه : ياربي من نحاسه حظي انه طلع الحين اووف !! وش بقوله !! توجه له وقف وهو يتلفت حوله ثم لف عليها : حور ؟؟
اخذت نفس : هلا
عقد حواجبها بغرابه : وين بتروحين ؟
حور : عند ابوي
رفع حاجبه : لحالك ؟
حور : ليه ابوك هو وانا مدري
ابتسم بدون نفس : مستحيل تعقلين انتي !
حور بثقه وسخريه :للاسف لا
تنهد : طيب ليه م علمتيني اوصلك ؟
حور: لا لا م يحتاج اركب تاكسي
مشى قدامها : امشي معي اوصلك دامي فاضي وطفشان
حور : ماله داعي توصلني ناقص مشاكل يمكن احد يشوفنا !
لف عليها لما كملت :
خلاص بروح مع تاكسي يوصلني انت روح افطر وريح نفسك واضح انك م نمت !!
رفع حاجبها : اما عاد باين ؟
حور : ااي عيونك حمر حتى روح افطر ونام
ليث : اوصلك ثم افطر وبرجع انام
حور : ليه تتعب نفسك ؟ والله مو لازم اوف عاد لاتحن !!
تأفف : طيب طيب شوي وبتاكليني
طلع محفظته من البنطلون عقدت حواجبها : ليه ؟؟
طلع الفلوس ومده لها : خذي
طالعته باستغراب : مابي ! م قلت اني مامعي فلوس
ليث : ي انك تاخذينه وتدفعين فيه التاكسي او اني اوصلك اختاري !
اخذت الفلوس : طبعا الخيار الاول
ولفت بتروح الا استوقفها : حور !
لفت : شفيه؟
ضحك : م ودك تضميني مثل اللي قبل كم ساعه ؟
طالعته بنظرات حاده
اما هو باقي يضحك : طيب خلاص كنسلي الضمه
ع الاقل بوسه ! م ينفع؟
اخذت نفس وبقهر : واضح انك رايق ع هالصبح لدرجه
مشتاق للكف !
ضحك : طيب خلاص بصير متواضع وخليها كلمه حلوه
حور بنرفزه : لا لا مجنون انت اليوم لو بقعد دقيقتين عندكً احتمال اني استخف
ولفت ومشت انفجر بضحك ع حالها ونرفزتها لف وركب السياره
طلعت ركبت التاكسي وحرك وطلع صاحب التاكسي : ايس ماكان يبغى مادام؟
سكتت لثواني بتردد صاحب التاكسي : مادام انت فيه يسمع انا ايس اقول؟
حور : اي اي اسمع شقالو لك صمخه؟؟
طلعت جوالها فتحت الرساله بخوف تطالع العنوان
وتردد الا استجمعت نفسها : ع العنوان هذا **** اومئ براسه ولف ووقف سيارته عقدت حواجبها : ليه وقفت ؟؟ وصلنا بهالسرعه ولا شـ....
لفتت لما انفتح الباب من جهتها توسعت عيونها بصدمة ...
الـــــــــــــــــبـــــــــارتـــ 0⃣2⃣1⃣ ...
📖🖌 @storykaligi 💐🍃
جمدت بمكانها والرعب دب بقلبها من اشكالهم
نطق واحد فيهم : تفضلي معنا
كشت رجعت ع ورا بخوف !!
الشخص : بكل هدوء اطلب منك تنزلين وتتفضلين معنا
صدقيني احنا مو مثل اللي ف بالك ! فإنزلي لو سمحتي
حور : مين انتم؟؟ وش تبون مني ؟
الشخص : تفضلي ي اخت حور بالطيب او بالغصب !
طالعتهم بحده : ماراح انزل ولاراح اروح معكم ع اي مكان
ابتعد واشر للحارس اللي معه لها ركب السياره وسحبها
صرخت باستنجاد تحاول تسحب ايدينها منه
وترفسه بس هو بضخامته م قدرت تقاومه نزلها بالغصب
ودخلها لسياره الفان السودا المظلله وركب الشخص
وحركو بقت تطالع حولها بخوف تترقب : وين بتاخذوني؟
الشخص ببرود : مكان ماهو بعيد ان شاء الله
نطقت بقهر : مين انتم ؟ قول لي وش تبون مني انا بالذات !
الشخص : راح تعرفين كل شي لاوصلنا
كشرت وصدت مستجمعه ايدينها ببعض
__
لبعد م وصلو نزلو من السياره وهي تطالع حولها
سحب الجوال منها لفت عليه بصدمه وحده : خير؟؟؟
الشخص : ماراح يضرك لو يبقى عندنا دقايق لحد م تروحين
طالعته بنظرات حاده واستحقار !!
الشخص : تفضلي !! صدت بقهر ومشت مثل الشركة من برا لكن بشكل اصغر !
دخلت ماكان فيه موظفين ! كل اللي فيه بس حراس !!
عقدت حواجبها باستغراب معقوله في مكان كذا !
ناس تجهلهم وتجهل اشكالهم ببدل سودا نزلت من درج لتحت التفتت لوراها تطالعهم باستغراب
ثم لفت لقدام والشخص قدامها وصلها لعند الباب
وقف الحارس وفتح الباب الشخص : تفضلي !
طالعته بغرابه وقلبها يدق بقوه بخوف تسب نفسها باللحظه اللي وافقت انها تجي !!
مشت بخطوات مرتجفه ودخلت لما قفل الباب لفت بسرعه
بخوف مسكت مقبض الباب : ههيه افتحه !!
بس بصوت جهوري غليظ : حور عيسى ** لفت ع ورا لما سمعت الصوت بخوف م قدرت تشوفه لانه معطيها ظهره بالكرسي والنور خافت من جهته م تقدر تشوفه
استجمعت شجاعتها : مين انت؟؟
المجهول : خلي معرفتنا ببعض تكون مجهول شوي
تفضلي !
حور بحده : اخلص شتبي مني !!!
اشتغلت الشاشات جمدت بهاللحظة باللي تشوفه !!!!!!!!