الفصل 27
27
الـــــــــــــــــبـــــــــارتــــ 1⃣1⃣1⃣ ...
📖🖌 @storykaligi 💐🍃
عقد حواجبه بهاللحظه مصدوم !!! ضحك بعدم تصديق : كيـ..ف يعني ؟
ابعدت ايدها عن ذراعه وهزت اكتافها : سمعتني
اتوقع م يحتاج اعيد
رمش بسرعه بعدم استيعاب : حور مو من جدك تتكلمين؟
حور : م امزح !
تنهد : طيب بعد م ارجع اتفاهم معك عن هالموضوع ونامي لان واضح بديتي تخبطين ..
صد وهز راسه باستسلام منها وطلع وقفل الباب
اما هي اخذت نفس عميق وحطت ايدها ع وجهها : ياربي وش قاعده اسوي !!
مشت وجلست ع الكنب وحطت ايدها ع عيونها
بهاللحظه رجع رفعت عيونها له لما فتح الباب
ودخل وقفله طالعته باستغراب لما جا وجلس
قبالها : من وين طلعتي لي بفكره مساعده اخوك ؟؟
حور : مثل م ساعدتك انت مجبور تساعدني !! ليث : لاعاد !! يعني اوك ساعدتيني بهالشي بس ان موضوع اخوك كيف يعني اجيب له محامي والا شلون؟
حور اجلي هالموضوع
هزت راسها بلا
تأفف : اخوك بساعده بس مو الحين صعبه شايفه وضعي ! شايفه وضعك انتي ؟؟
حور باصرار: بتساعدني !!
ليث : وكيف تبينا نساعده ؟
حور : مدري فكر معي !
قرب ومسك ايدينها وبهدوء : اسمعيني ادري ان صعب عليك
اللي صار باخوك وابوك ومقدر هاالشي بس بهالوقت صعب علينا ي اني ابدي انتقامي من عمي واكمل او اني اتركه والتفت لاخوك صعب علي اجمعهم بالوقت نفسه !!
سحبت ايدينها بسرعه منه : انا ساعدتك وانت واجب عليك ترد هالجميل !
ليث بتنهد : ع فكره ترى امي بالسجن مثل اخوك بس وش حيلتي ؟؟
حور : نساعدهم !
ابتسم بسخريه : بهالبساطه ؟ نساعدهم ؟ الموضوع معقد ي حور معقد !!
حور : حتى انت موضوعك معقد والا اقنعني بالله انهم
مو كاشفينك ؟؟ يعني معقوله المصحه م بلغت عمك انك انحشت ؟؟ معقوله مو متذكرين شكلك ؟؟ معقوله م شافو هويتك ؟؟ كل هذا ومو كاشفينك ؟؟
تنهد : لا
حور : وش اللي يخليك واثق ؟
ليث : مو لازم تعرفين
حور باصرار : الا لازم !! هز راسه بهدوء : حلو حلو يعني رجعت حور اللي اعرفها
ابتسمت بثقه : هي م راحت حتى ترجع !
ضحك : مجنونه ي ام لسان
حور : لاتلف وتدور ساعدني
اخذ نفس : ماقدر !
تغيرت ملامحها للجديه والقهر : نعممم !!!
قام : مثل م سمعتيني قامت : واللي سويته لك !!
ليث : انسيه قلت
حور : بـ..
تجاهلها وطلع تنرفزت حيل بهاللحظه
هزت راسها بقهر : راح اعرف شلون اقهرك مثل م قهرتني !!
_ " بالقصر "
وهي بتدق الباب انفتح عقدت حواجبها : الخاله موضي موجوده ؟
الخدامه باستغراب : ايه مدام
حور بانتقام ابتسمت : قولي لها ان حور رجعت !!!!
الـــــــــــــــــبـــــــــارتــــ 2⃣1⃣1⃣ ...
📖🖌 @storykaligi 💐🍃
على طلوع الجده موضي وبصدمه لما سمعت صوتها : حححححوووورر !!!!! ابتسمت حور وتوجهت تسلم عليها : اي انا ، اخبارك انتي؟
الجده موضي بصدمه : بخير ي يمه بخير وش رجعك ؟
ابتسمت : م قدرت ع فراقك وطلبت من خالتي تخليني عندك
ابتسمت بفرحه وبعدم تصديق : وشهو ؟؟ بتقعدين عندي ؟؟ ي زينها من قعده اخخخ بس المكان والله من بعدك يضيق الصدر ي يمه
حضنتها حور وابتعدت : اشتقت لك والله ي خاله
الجده موضي بفرحه : تو ما نور المكان ي يمه تو ما نور حياك حياك البيت بيتك اصلاً
دخلتها للصاله وقعدت
الجده موضي : افطرتي يمه ؟
حور : اي ي خاله
الجده موضي : اي يالله ي يمه روحي نامي بغرفتك
وانا بروح لمشواري ماراح اطول
وقفت حور معها : خذي راحتك
نزلو ام فهد وامل : يالله ي جده مشـ....
وقفو باستغراب
ام فهد بدهشه : حور صح ؟
حور : هلا
نزلت ام فهد وسلمت عليها : هلاوالله ي قلبي نورتي وش هالمفاجأه
ابتسمت حور : م قدرت ع فراقها والله
امل : زين والله بس تتحلطم علينا وين حور وراحت حور
ابتسمت حور ببرود وهي تطالعها وسلمت عليها
وابتعدت وبمجامله : حتى انا
امل : عاد ليه م قلتي لنا من امس كان اجلنا طلعتنا
حور : لاعادي
ام فهد : ماراح نطول ي يمه عاد انتي خذي راحتك البيت بيتك !
حور : مشكوره م قصرتي
امل : يالله مع السلامه
حور : فآمان لله
ربتت الجده ايدها ع عضد حور بابتسامه وطلعو
اخذت نفس بهاللحظه وتنهدت : اجبرتني انت مع الاسف !
توجهت للمطبخ عطشانه : ممكن مويه !!
طلعت لها الخدامه كاس وصبت فيه مويه ومدته لها
سحبت نقابها تحت وشربت بلحظه دخول فهد ببجامته
تو صاحي : وين الفطـ..
جمد لما شافها وبدهشه : ححححور ؟؟؟
رفعت نقابها بسرعه وعدلته بربكه
فهد : دقيقه حور انتي صح ؟
هزت راسها بايه
فهد : انصدمت والله
حور : اي م قدرت ع فراق خالتي موضي
فهد : ماشاءلله وكيف اقنعتي خالتك ذيك !
حور بتردد سكتت
فهد بشك : فيه شي ؟
حور بتردد مصطنع : مدري شقول لك م حبيت احرج خالتي موضي
سحب الكرسي وجلس : لا لا قولي لي شفيه ؟
حور بزعل وفشله : خالتي اصرت علي تقول م ترجعين لهم
الا لما يزيدون بالراتب وتعطيني نصه وانا اضطريت اوافق
مابي ارجع معها للديره هناك م ارتاح والحين متوهقه مادري شسوي ؟؟ ضحك : بس هذا الموضوع اللي خايفه ومتردده عشانه ؟
طالعته بانحراج : ايـ..هه !
فهد بابتسامه : فدا والله كم تبي هي ؟
حور بتردد : سـ..بعه الاف
رفع حاجبه
حور بسرعه نطقت : بس حاولت يعني احس غالي
ضحك : شدعوه تستاهلين ٧ الاف م يغلى ع المزيونه دام اشوفها مستانسه معك !
الـــــــــــــــــبـــــــــارتــــ 3⃣1⃣1⃣ ...
📖🖌 @storykaligi 💐🍃
حور بصدمه : صدق ؟؟ هز راسه بابتسامه : صادق بس ليه منصدمه ؟
تعدلت بوقفتها : لا بس يعني م توقعت ابداً ان
فيه احد بيوافق ع عرض خالتي هي شوي طماعه !! لا مو شوي الا والله كثير طماعه عشان كذا مفتشله والله !
فهد : قلت لك مايغلى ع المزيونه شي لو اعطيها عيوني تفداها !
ابتسمت : الله يخليها لك !
فهد : امين يارب
والتفت ع الخدم : جهزو لي الفطور وحطوه بغرفتي
ولف ع حور : افطرتي ؟
حور : ايه م يحتاجج
فهد بضحك : اوك اشربي مويتك براحه اعذريني
م دريت انك هنا لو دريت كان م درعمت
ابتسمت : لاعادي اعذرني انا كان المفروض اكون بغرفتي مو هنا !
ضحك : بنقعد نتعذر لبعض طول اليوم شكلنا ؟
لاشعورياً ضحكت
اتسعت ابتسامته : يالله عوداً حميداً ي انسه حور
حور : مشكور
اومئ راسه بابتسامه وطلع تنهدت بهاللحظه تنهيده
اخذت كاس المويه وطلعت للجناح ع طول ...
__
" بالسياره "
ركبو
الجده موضي : السلام عليكم ي وليدي !
ليث بابتسامه : وعليكم السلام والرحمه
الجده موضي : هاه اخبارك عساك بخير ي يمه !
باقي ع ابتسامته :الحمدلله وانتي ؟
ام فهد بضحك : اوه مزاجها رايق اليوم المزيونه !
حرك السياره وباستغراب ابتسم : ماشاء الله دوم يارب
الجده موضي : كيف م تبوني استانس وافرح
وبنيتي حور رجعت لي !
سحب فرامل بقوة وصدمة توسعت عيونه !!!
الكل بشهقه وخوف !!
امل بصدمهه : شفيه ؟؟
ام فهد : يمه صار لك شي ؟
رفع راسه بسرعه لما استوعب : هاه صار لكم شي ؟
ام فهد : شفيك ي ليث ؟ الله يهديك !!
ليث : معليش والله ما انتبهت مدري وش صار له
الجده موضي : بخير بخير مافيني شي هذي ثاني مره تسويها وش فيك !
تعدل بجلسته : والله م انتبهت اسف حقكم علي !
حرك السياره بهدوء وهو مرتبك ومصدوم عجز
يستوعب انها رجعت لهم ؟؟!!!
غمض عيونه وتنهد بهدوء فتح عيونه وهو يحاول يتمالك اعصابه !! لبعد م وصلهم لمكانهم ونزلو
طلع جواله بسرعه اتصل عليها بس م ردت عصب
ونزل جواله بقهر : بتجنني والله العظيم بتجنني !! دق جواله رفعه بسرعه ع باله انها هي بس عقد حواجبه من الرقم الغريب رفعه ورد : الو !
مجهول بصوت جهوري : ليث جابر سعود جابر ال***
جمدت ملامحه بصدمه !!!
الـــــــــــــــــبـــــــــارتــــ 4⃣1⃣1⃣ ...
📖🖌 @storykaligi 💐🍃
بكل خليه بجسمه يحسها توقفت ودقات قلبه
تدق بقوه وريقه نشف استند ع ورا
وابتسم ببرود : غلطان ي خوي !
قاطعه بصوته الغليظ : فكره ذكيه انك تكون بقصر عمك للانتقام !
فتح السحاب حق جاكيته يحس بالحر وهو متظاهر
انه متمالك اعصابه : وش تقول انت؟ مافهمت عليك !
ضحك بكل برود : تعرف قصدي زين ولاتستغبي ترا مو لصالحك
عقد ليث حواجبه ببرود : افا انا استغبي ؟
المجهول : بتسمعني للاخير !
ليث : العكس
المجهول : بتخلي زوجتك ذي اللي اسمها حور داخل
القصر وتكمل شغلها مثل م اتفقت معها لاتفكر
تطلعها من القصر
عقد حواجبه ليث : دقيقه دقيقه شدخلك بحور ؟
المجهول : لان بنحتاجها مثل م انت تحتاجها !
انفجر بقهر وعصبيه : مالكم شغل فيها وبعدين هي بتطلع خلاص بترجع لبيتها !!
المجهول : بيت وانطردت منه واحنا نبيها تلبي احتياجاتنا
ليث بحده : عندك مشكله بالفهم انت ؟؟ المجهول : مثل م انت تستغلها فإحنا بعد !
انفجر بصراخ : اي استغلال تتكلم عنه ؟؟ مريض انت ؟؟؟
المجهول ببرود : الموضوع ببساطه تطلعها من القصر بيكون التسجيل واثبات الهويه وكل معلوماتك عند
ولد عمك واهله !
عقد حواجبه بصدمه : هذا تهديد يعني ؟؟ المجهول ببرود : لاتعتبره تهديد ! اعتبره ان اتفاق طرفين
لمصلحتهم !
ضحك بصدمه : مصلحه وش مصلحتكم انتم بوجودها بالقصر ؟
المجهول : لاتستعجل راح توضح الامور لك حبه حبه وانتبه لايكشفونك
وقفل
ليث : دقـ....
بس انصدم لما قفل بعد الجوال يطالع فيه رماه
بقهر وعصبيه : الله ياخذك الله ياخذكم
اوووف
استند ع ورا ورفع راسه وغمض عيونه : وش بسوي الحين ؟
انا ليه تزوجتها ؟؟ ليه دخلتها معي ليه !!
نزل راسه وفتح عيونه وضرب الدريكسون بايده وبعصبيه
وقهر : ليه !!!!!! ليه ي ليث ليه !! حط راسه ع الدريكسون وزفر بضيقه !!
_
" الساعه ٢ الليل "
طلعت من الحمام وانتم بكرامه تجفف شعرها لبست وهي بسريرها والنور الخافت جمدت !!! لما لفها عليه بسرعه
توسعت عيونها بصدمه : لييييث ؟؟!!
ليث : بأي حق رجعتي هنا ؟
سحبت ايدها من ايده : اساعد نفسي واخوي !
ليث : م تدرين بأي مصيبه سببتيها لي تطلعين من هالقصر الحين
حور بعناد : مابي
قرب منها وبحده : الحين قلت !!
بس بهاللحظه جته رساله ع جواله لفه عليه فتحها كانت من المجهول مكتوب : الظرف بمعلوماتك بيوصل لهم اذا اجبرتها تطلع
شد بقبضه ايده بقهر وقله حيله دفن وجهه بالمخده وهو ع كتفها الايسر وبهمس : تعـ..بت هالطريق ماله نهايه!
جمدت !!!!
جمدت من حالته الفجائيه !! بقت تطالع السقف وهو بصدره ع كتفها وجنبها
اليسار ووجهه دافنه بالمخده لفت بهدوء حست الجوال فيه شي
مدت ايدها تبي تاخذ الجوال من ايده بس شد
بقبضته ع الجوال : خليـ..هه
لفت وجهها بهدوء وسحبت ايدها وبهمس : مافيه طريق ماله نهايه
ابتسم بهدوء وابتعد ولف وجهه عليها ولفت وجهها
عليه وكملت : صدقني !!
ابتسم بآسى : الا طريقي ماله نهايه !
مدت ايدها بهدوء لايده اللي ماسك فيها الجوال : خلني اشوف اللي وصل لك لاتكبت بقلبك
سحب ايده وابعدها : الاحسن انه يكون مكبوت بداخلي
نطقت بخوف : خلني اشوفه انا وانت بهالطريق
غمض عيونه : هاذي المشكله اننا بطريق واحد !!
حور : شصاير بديت اخاف ترا !!
انسدح ع ظهره يطالع السقف وهمس : مالومك لو تخافين!!
انتفض قلبها بخوف قامت وتربعت قدامه تطالعه
: ليث شصاير قول ترى والله لو مقلب ياويلك مني وقتها !!
غمض عيونه وتنهد : ياليت لو مقلب ياليت !! حور بخوف : ليث تكلم !! فتح عيونه ولف عليها : انا بين نارين ي حور !
مسكت ايده
سكت و بنفسه : ي اني اضحي فيك ي حور عشان تهديد من ناس مجهولين او اني اضحي
ونطق لها : يعني تخيلي لو ان ناس غريبين م تعرفينهم هددوكي يا انك تنفذين اللي يقولونه مثلا لو طلبو منك انك
تخدعيني وتخلينهم يستغلوني او انهم يقتلون اخوك اللي بالسجن ! وش تسوين؟
شهقت بخوف : لا ان شاء الله بسم لله عليه !!
ابتسم بآسى : م يحتاج تجاوبين عرفت جوابك من رده فعلك
استوعبت ع نفسها رمشت بسرعه : لا يعنـ..ي مو قصدي والله اصلاً كيف بتحكم علي من رده فعلي ؟؟ مايصير
اكيد بلقى حل ارضي فيه الطرفين
ليث : وان م كان فيه حل غير هذا ؟
حور : حشى ليه مافي حل ؟؟ قام تعدل بجلسته
صد شوي وسكت يفكر ف تهديدهم وكيف انه بين خيارين ي الحياه ي الموت !!! غمض عيونه واخذ نفس عميق لدقايق بصمت ثم فتح عيونه ولف عليها
وابتسم وبغصه ينطق : اجل خليك بهالقصـ..ر دامك مرتاحه عندها
طالعته بصدمه انه غير رايه بسهوله !!!
حط ايده ع حنكها وقرب باسها من خدها
وابتعد وبهمس : تصبحين ع خير ي الملسونه !
وقام اما هي متصلبه بمكانها من حركته !!!! فتح الشباك وطلع اما هي نزلت عيونها بصدمه : يمه !!! سواها !!!
بس شهقت لما شافت جواله ع السرير نساه اخذته بهدوء وفتحته الا بالرساله بوجهها !!!!
عند ليث اللي وهو ماشي استوعب انه ناسي جواله
رجع بسرعة لغرفتها وهو بيدخل من الشباك ..
رفعت عيونها له بصدمه من اللي قريته والجوال بيدها !! جمد هو بهاللحظه !!!!!
الـــــــــــــــــبـــــــــارتــــ 5⃣1⃣1⃣ ...
📖🖌 @storykaligi 💐🍃
رجع ع ورا خطوه وهو مرتبك بموقف صعب
م يتجرأ حتى انه ينطق ويوضح
نزلت عيونها بهدوء للجوال تطالعه ثم رفعت عيونها
له بصدمه م قدرت تستوعب بقى لمده يطالعها
بدون م ينطق بحرف نزل راسه وغمض عيونه يبي
يتمالك نفسه رفع راسه بهدوء وفتح عيونه يطالعها
بتأنيب دخل بسرعه اخذ جواله باستعجال
ماله نيه انه يوضح لها شي !! حتى لو بيوضح
متأكد انها ماراح تفهمه لف بيمشي بسﻻمسكته بسرعه
ومشت ووقفت قدامه تطالعه باستغراب
نطق بسرعه حتى م تكمل : ماقدر اوضح بس اعرفي اني كنت مجبور !
عقدت حواجبها : ليه م علمتني !
ليث بسخريه : كيف تبيني اعلمك ؟؟ ناقص مشاكل ؟
حور باستغراب : اي مشاكل انك بتشوف لك محامي لامك ؟؟ وضحكت : لايكون قصدك اني بتهاوش معك ليه دورت
لها محامي ونسيت انك تساعدني بموضوع اخوي ؟
عقد حواجبه باستغراب مو فاهم شي : دقـ..يقه
محامي ؟؟؟؟
حور : هذا اللي كان مضايقك اليوم اني لو ادري عن محامي امك بتهاوش معك ؟
بقى يطالعها باستغراب !! نزل عيونه وفتح جواله
الا بالرساله من المجهول ( المحامي اللي طلبته لامك جاهز
لمقابلتك بكره الصبح )
عقد حواجبه زياده طلع من الرساله رجع للرساله
الاولى اللي كان فيها تهديد بس ما لقاها توسعت عيونه بصدمه بقى يدورها مفجوع !! حور باستغراب : شفيك ؟ شوي شوي ع الجوال
ليث بصدمه يدور الرساله بجواله : بسم لله وين اختفت؟
حور : مافهمت؟
استوعب بهاللحظه ان هم اللي حذفو الرساله
وتعمدو يرسلون رساله المحامي نزل جواله وبصدمه يطالع قدامه : يراقبون ؟
لفت وراها باستغراب ثم لفت عليه : مين اللي يراقب ؟
ليث تكلم وش هالالغاز !! حط ايده ع عيونه وايده الثانيه ع جنبه ورفع حواجبه
بتعب يبي يركز اخذ نفس وبعد ايده عن عيونه وفتحهم
: تصبحين ع خير
ومشى من جنبها لفتت بهدوء : فيك شي ؟؟
وقف وهو معطيها ظهره نزل عيونه للارض لثواني
بصمت ثم نطق بهمس : لا
وكمل مشى وطلع توجه بسرعه وهو بداخله بركان
بينفجر اول م دخل الملحق انفجر بصراخ
وعصبيه مالقى الا يحط حرته وقهره المكبوت
باللي قدامه بدون م يحس ع نفسه !!!
__
غمضت حور عيونها واخذت نفس بس بهاللحظه دق جوالها فتحت عيونها توجهت له اخذته من ع السرير باستغراب نفس الرقم يدق عليها كل مره استجمعت شجاعتها وردت هالمرهه : الو
المجهول : زوجه ليث اهلا وسهلا فيك !
عقدت حواجبها بصدمه : نعم؟؟!
المجهول : بشكل مبسط ولاني م الف وادور لك عرضي راح تساعديني بدون علم ليث وانا راح اضمن لك خروج
اخوك من السجن !! اووو راح يتعذب بسجنه بسببك لو رفضتي !!
انصدمت !!!