الفصل 25
25
الـــــــــــــــــبـــــــــارتــــ 1⃣0⃣1⃣ ...
📖🖌 @storykaligi 💐🍃
رجعت للغرفه وهي تحاول تتمالك نفسها وبضيق
وهم ع صدرها باللي صار !! طبعاً اعطوها موافقه من المدير انها تبقى هنا يوم
عند ابوها بس من بكره الصبح تطلع ارتاحت ع الاقل
تدبر نفسها بهاليوم
_
" الساعه ١٢:١٦ بمنتصف الليل دقت الممرضه
الباب رفعت عيونها الا دخلت : لو سمهتي المدير يبغى انتي !
عقدت حواجبها باستغراب قامت وخلت ابوها اللي نايم
وطلعت معها توجهت لغرفته دقت الباب ودخلت
المدير : تفضلي
حور : هلا شبغيت؟
المدير بهدوء : بدون لف ودوران اللي ابيه منك تطلعين
الحين
عقدت حواجبها بعدم استيعاب : كيـ..يف يعني ؟
المدير : ممنوع باللائحه ان الزياره ليوم كامل
فتحت عيونها بدهشه : نعم !!!
المدير : فلو سمحتي ي اختي تطلعين والحين !
حور بنرفزه : لا والله بكل برود تقولها ؟؟ يعني معيطيني
خبر انكم سامحين لي انام عند ابوي اليوم والحين تجي
تقول لا لائحه مدري وشو ممنوع وتخربط ع راسي
المدير بهدوء يتمالك اعصابه : لو سمحتـ..
حور : لا ما اسمح وش هالمهزله ذي هاه !!! المدير : كلامي م اثنيه اطلعي برا
حور بسخريه : م تثنيه ؟؟ وش هالبربره الفاضيه ذي
لو م تثنيه ع قولتك وفلسفتك كان كنت ع كلامك الاول
اني ابقى هنا اليوم بس هياط
وبسخريه : قال ايش قال م اثني كلامي مالت عليك من مدير مستشفى زفت الله ياخذكم كلكم وجع مسلطين علي اليوم كل واحد يطردني من جهه اووف
وطلعت وضربت الباب بقوه
المدير بنرفزه : وش هالبنت ذي !!
توجهت لغرفه ابوها بحلطمه وقهر دخلت بهدوء حتى م تقومه
قربت منه وبضيق باست راسه وابتعدت اخذت شنطتها وطلعت لبرا وقفت عند الشارع وبقهر وعصبيه : الله ياخذكم
وبتنهد : ياربي الليله مسلطين علي اليوم هم ليه !! وين بروح الحين ؟؟ لفت شافت تاكسي وقفته
_
الساعه ١ ص بعد منتصف الليل
" عند ليث اللي تو م دخل الملحق نزل جاكيته والتي شيرت
ودخل للحمام وانتم بكرامه تسبح وطلع لابس بنطلون
كحلي قطن وتي شيرت بدون اكمام ابيض ماسك ع جسمه دخل المطبخ اخذ البيتزا وعلبه الكولا حطه ع الطاوله
وشغل التلفزيون وطفا الانوار مافيه الا نور الاباجوره بس
ياكل وهو يتابع الفلم بعد م خلص قام نظف مكانه ولف
بيتوجه لسريره لما سمع الباب يدق لف بسرعه له
عقد حواجبه باستغراب لما دق مره ثانيه بفضول توجه
للباب فتحه و انصدم لما شافها : حححححووووورر ؟؟؟؟
ابتسمت بربكه وهي تطالع فيه
طالعها من فوق لتحت بدهشه مسكها من ايدها بسرعه وسحبها له !!
الـــــــــــــــــبـــــــــارتــــ 2⃣0⃣1⃣ ...
📖🖌 @storykaligi 💐🍃
وسحبها له لداخل وقفل الباب بسرعه
لف عليها بصدمه
ابتسمت : صباح الخير بالاول يـ..
قاطعها باستغراب : شجابك ؟؟
تبددت ابتسامتها وبملامح الجديه والاستغراب : كيف شجابنـ..ي ؟
طالع حوله ثم لف عليها : شجابك لهالدرجه سؤال صعب ؟
رفعت حاجبها بحده : يعني وش معناته هالسؤال؟ م تبيني ؟
ليث : فيه احد شافك وانتي جايه؟
حور : دخلت بدون علم احد تطمن محد شاف
تنهد : اشوا ماتعرفين تدقين علي تعلمين؟؟ نزلت لثمتها وطالعته ؛ مامعي رصيد
تأفف : صدق شجابك ؟ يعنـ.. انتبه لشنطتها لف عليها بدهشه : بتقعدين هناا ؟؟؟
حور بابتسامه : اي !
رمش بعدم استيعاب : لا عاد وين بحطك ؟؟ تلاشت ابتسامتها بصدمه !!
ليث : مافيه مكان هنا يعني انتي عارفه ان ذا قصر عمي
وين بحطك ؟؟ اكيد بيدخلون علي والا بالملحق ولا شافوك
يعني امل امس طبت علي واحمد ربي انك مو فيه لو شافتك
وقتها انفصل من شغلي ولا اسوي شي من خطتي
بتنفعيني انتي وقتها؟؟ اكيد لا
طالعته بعدم استيعاب من اللي يقوله حاولت تكذب نفسها
بس م قدرت !!
كمل : وبعدين تعالي مو انتي اللي لاحه علي الا تبين
بيتك والطلاق ليه راجعه الحين ؟؟
حور بصدمه : دقـ..يقه وش اللي فرق بيوم وليله ؟؟
ليث : تفرق كثير ماعاد لك مكان عندي لان لو بقيتي
عندي ومعي راح تخربين علي كل شي انا بس احتجتك
بالبدايه اوك م قصرتي مشكوره بس الحين ماقدر ي حـ..
قاطعته بحدهه : خلاص عاد لاتكمل كأني ميته عليك و ع مكانك ذا !! صدت ولبست نقابها بتمشي الا مسكها : دقيقه فيه تاكسي برا ؟
سحبت ايدها منه بتقرف : انقلع عن وجهي ولا تلمسني اووف !!
واخذت شنطتها وطلعت وضربت الباب بقوه تأفف : ان لله م تقدر تفهم الواحد ذي !!
_
مشت بكل عصبيه وقهر الدموع امتلت بعيونها
طلعت بسرعه للشارع وهي تمشي مو واعيه بنفسها
وجاهله طريقها وبداخلها نار شاب بجوفها
وقفت و عضت ع شفايفها ورفعت راسها لفوق تحاول تمنع
دموعها تطيح : لاتبكين ي حور لاتبكين محد يستاهل بهالدنيا دموعك محد !!! نزلت راسها ومشت ابتسمت بقهر وسخريه : وقت المصالح
بغاني وخلاني اطلعه من المصحه وتزوجني وخلاني ادخل هالقصر واساعده والحين بكل برود جحدني مابيك تخربين
علي !!! الحين انا اللي اخـ..
شهقت بخوف لما سمعت صوت الرعد !!!
طالعت بالسما بخوف بالشارع لحالها اول م شافت البرق خافت مشت بسرعه والامطار بدت تنزل بقوه ويعلى صوت الرعد
_
عند ليث اللي بلحظه م سمع الرعد فتح الباب بسرعه
يدورها مالقاها رجع اخذ جاكيته وطلع بسرعه يركض
يدورها !!الـــــــــــــــــبـــــــــارتــــ 3⃣0⃣1⃣ ...
📖🖌 @storykaligi 💐🍃
توجهت للحديقه اللي بوسطها حمامات وانتم بكرامه
ركضت لها بسرعه لما زادت الامطار واول م وصلت وبتفتح الباب الا لقته مقفل تأففت بقهر وعصبيه : اووووف قعدت عند الباب وضمت رجولها لصدرها وفوقها السقف يحميها من الامطار
غمضت عيونها وتنهدت بقوه : ياربي ليه كل الابواب
تقفلت بوجهي ليه ؟؟ كل واحد منهم يطردني من جهه
م عاد لي مكان اروح له !! عضت ع شفايفها بقهر : اما هذاك يطردني بكل برود
ع ان م اخرب عليه طيب طيب اوريك كيف اخرب عليك
واستسلمت بيأس كشت من قوه البرد تتنفس بسرعه : الله ياخذك
ي ليث الله ياخذك محد خرب علي الا انت !! وجع
ااااخ بس ليتني صفقته قبل ما اطلع ليت !!! غبيه
انا استاهل كل اللي صار م الزمته حده استاهل
ونزلت راسها وتنهدت :استاهل !!
من بعيد يدورها يتلفت ع يمينه ويساره والامطار م وقفت
وبالبرد : ياربي وينها امداها تختفي !! مستحيل ترجع
مع تاكسي من وين لها فلوس اصلاً !! اوووف ي حور اووف !! كمل ركض يدور عليها لما صادفها بشنطتها
جالسه تحت السقف :هاذي هي ؟؟ اوووف اخيراً
ركض لها رفعت عيونها لما لمحته من بعيد : اها استوعب
مصلحته الحين اخذت نفس عميق ورزت نفسها بكل ثقه ومسحت دموعها
ولا كأن همها اللي صار صدت عنه للحظه م وصل
مد ايده : امشي معي !! لفت تطالع بايده بإستخفاف ثم رفعت عيونها له
بنظرات استحقار وسخريه وصدت بكل برود
تنهد : حور يالله عاد امشي معي انتي مو شايفه البرد والامطار لاتتعبين !!
لفت عليه بسخريه : الحين تتعذر بالبرد والامطار ؟
قول ان الموضوع فيه مصلحه جديده وتحتاجني
قالوها وقت المصالح تجيك الكلاب مشتاقه !
تأفف : مو وقته عاد !! بعدين اي مصلحه ابيها منك؟؟
قامت ومسكت شنطتها ولفت عليه : طالعني زين
رجعه معك ماراح ارجع اصلاً انا الغبيه اني فكرت اجي
هنا !! وبعدين هيه اوعى ع نفسك مو لاني انطردت من بيتي يعني بنذل لك ؟ تخسىى !
انصدم : انطردتي ؟؟ استوعبت ع نفسها بزله لسانها رمشت بسرعه صدت
ليث بصدمه : دقيقه ليش انطردتي ؟؟ لفت عليه بحقد : شدخلك كيفي لو ابقى بدون بيت كيفي وخر عني
دفته بتمشي الا مسكها من ايدها وسحبها صرخت بقهر : فكني مو ع كيفك تطردني وبعدها تسحبني !! فكني فك الله راسك فك !! شوف ترى لو رجعتني بالغصب لهناك بصارخ وافضحك واخرب خططك ذي تسمعني انت
تجاهلها وسحبها معه بالقوة لحد م وصلو للملحق
جت بتصارخ عليه وبعصبيه م عطاها مجال الا دخلها معه بقوه للملحق وقفل الباب ولف عليها
طفت الكهرباء شهقت !! ليث بخوف : خليك بمكانك لاتتحركين !!
الـــــــــــــــــبـــــــــارتــــ 4⃣0⃣1⃣ ...
📖🖌 @storykaligi 💐🍃
جمدت والمكان ظلام من حولها اخذت تتنفس
بسرعه وبحده : وين جوالك شغله
ليث وهو يمشي بشويش : اصصص لو معي كان
شغلته بدون م انتظرك تتكلمين
ولف يمشي متوجه لسريره لما سمع صراخها
وضربه قويه وصوت زجاج ينكسر
جمد بصدمه لف بسرعه ع ورا
وبخوف حور !!! حووور ؟؟ انتي اللي طحتي ؟؟ غمضت عيونها بقوه حطت ايدها اليمين ع فمها تكبح شهقاتها اللي بألم و وجع من ايدهها اليسار وفيها الصيحه!! ليث بخوف : حور ردي علي فيك شي !!!
عضت ع شفايفها وفتحت عيونها وبهمس : لا
ليث : متأكده ؟؟ وش اللي طاح ؟؟
حور بألم غمضت عيونها : قـ..زاز !!
لف وتوجه للسرير باستعجال وهو يخبط باللي بالارض
متحمل الالم قعد يدور جواله ع الفراش لحد م لقاه
اخذه بسرعه وشغل الفلاش ولف ع ورا يدورهاظا باستعجال
لما لقاها بالارض وايدها تنزف توسعت عيونه
بصدمه : وتقولين مافيه شي !!
فتحت عيونها بخفيف قامت اما هو مشى لها بسرعه
: دقيقه لاتتحركين هيه !! مسك ايدها الثانيه ووقفها معه سحبت ايدها منه : وخرً عنني
ليث : حور مو وقتك والله
رفعت عيونها له بحده : موب انت اللي تعلمني متى وقتي !!
صدت عنه اشتغلت الكهرباء مشت للحمام وانتم بكرامه وقفت ع المغسله وهي تغسل ايدها
وعاضه ع شفايفها بألم اما هو واقف ع باب الحمام يطالعها بتأنيب كل م تغسل الجرح يرجع النزيف
وفيها الصيحه وألم مشى ودخل وصار وراها بالضبط
مسك ايدها ينظف الجرح نزلت راسها بقهر وربكه ان
ظهرها ملاصق لصدره وهو يغسل ايدها بكل هدوء
سحبت ايدها بقهر ودفته وطلعت ..
تأفف : وبعدين معها !!
طلع لقاها تاخذ المناديل وتحطه ع ايدها
ليث : ليه مناديل خذي شاش لفيه عليه احسن
حور بحده : م سألتك !! ليث : براحتك
مشى وجلس ع السرير يطالعها وهي قباله واقفه بجنب الكوميدينا عند المناديل
همس : حور لاتعانديني
رفعت عيونها له باستخفاف : اعاندك ؟؟ تنهد : انتي لو بس تمسكين لسانك ذا وتسمعيني للاخير
حور : مابي اسمع مالي قعده هنا اصلاً
مشت واخذت طرحتها ونقابها وشنطتها سبقها ع طول
وتوجه للباب قفله بسرعه واخذ المفتاح توسعت عيونها
من حركته !! تنرفزت مشت له : عطني !!
رفع المفتاح فوق بما انه طويل وهي قصيره حتى
رفعت ايدها بتاخذه م قدرت مسكت ذراعه تسحبه بنرفزه
اما هو مبتسم ع حركاتها طاحت عيونها ع ابتسامته : خير !! ومسكت ذراعه : هاته اوف مابي اقعد عندك اوف !! و بلمحه بصر حاوطها بايده ولفها ورصها ع الباب وقرب ومابينهم الا انفاسه وانفاسها : بتسمعيني بالطيب والا بسمّعك بالغصب ؟
جمدت !!!!
الـــــــــــــــــبـــــــــارتــــ 5⃣0⃣1⃣ ...
📖🖌 @storykaligi 💐🍃
غمضت عيونها بقوه وصدت كبحت انفاسها بربكه ترجف
اما هو باقي يطالعها م شال عيونه عنها
وهمس بهدوء : طالعي فيني
شدت بقبضه ايدها بقوه متوتره من قربه لها
وانفاسه الدافيه ومن همسه !!
ابتسم خفيف وهمس : حـ..ور طالعي فيني !! هزت راسها وهي صاده بلا !
اتسعت ابتسامته حط ايده ع فكها تحت شفايفها
ولفها عليه غمضت عيونها بقوه زياده
ضحك : فتحي عيونك طالعي فيني بقولك شي !
بربكه بقت ع وضعها م تبي تطالعه
ليث باصرار : والله ماراح اسوي شي بس فتحي عيونك وطالعي فيني بتكلم
وهي م فتحت عيونها ولاتحركت : مو كذا تتكلم !!
ضحك : اجل كيف ؟؟
بهدوء : بـ..عد !
رفع حاجبه بدهشه : ابعد بكل بساطه ؟؟ اخذت نفس عميق لما حسته يستهزئ فيها فتحت عيونها
ورفعته لها وهو باقي ايده ع فكها طالعته بدون
م تنطق !!! حس بنظراتها العتب والقهر اخذ نفس عميق متجهز
انها تصفقه كف مثل عادتها هذا طبعها تعود عليه !! الا لما نزلت ايده ومرت من جنبه
انصدم
بدهشه يطالع مكانها مو مستوعب حركتها !! لف يطالعها بتعجب لما شافها جالسه ع طرف السرير
وتلف ع ايدها المنديل وهي حاسه بنظراته
بمكانه م تحرك ضحك بدهشه : حححور ؟؟
تجاهلتهه !!
ليث : غريبه م صفقتيني ولا صرختي
مو من عادتك !
تجاهلته !!
ليث بضحك مندهش : بسم لله تغيرتي
بين ثواني بس !!
ورفع حاجبه باستنكار : لايكون بس عشان قربت منك ؟؟
هزت راسها وهي تطالع بالارض بقهر و ملل !! ابتسم : خلاص خلاص بسكت !!
مشى وجلس جنبها ولف عليها : م قلتي لي ليه هذاك طردك؟
همست بتنكيد : مدري
عقد حواجبه : كيف م تدرين ؟ غريبه عليك تقتنعين وترجعين لي بسهوله !!
لفت تطالعه !!
ليث : اقصد يعني م تهاوشتي معه
صدت : مادفعت الايجار !
رفع حاجبه بدهشه : مادفعتيه ؟ كان قلتي من البدايه كذا !
حور : مافرقت الحين
ليث : طيب تبيني اروح اليوم اتفاهم معه وادفع له !
هزت راسها بلا !
ليث : كيف لا وين بتلقين مكان تنامين فيه اجل !!
انقهرت منه غمضت عيونها تكتم غيضها حست بالاهانه وهذا اللي تكرهه
اخذت نفس عميق فتحت عيونها ولفت عليه بهدوء : عطني المفتاح ابي اطلع تكفى ليث لاتطولها !
ليث : وين بتروحين ؟
حور بهدوء : مابي اخرب عليك لاشافوني هنا بننكشف تطمن بقعد عند
عمي ابو سعد
عقد حواجبه : مين ذا؟
حور : جارنا مثل ابوي يعني
ليث : بالله ؟؟ ليه طيب م رحتي عنده من الاول ليه جايه هنا ومتعبه نفسك هذا انتي
مد لها المفتاح : خذي بسرعه قبل محد يشوفك ...
#مـــكـــــمــــلــــيــــــن_مـــعــكم....