الفصل 21
21
الـــــــــــــــــبـــــــــارتــــ 6⃣7⃣ ...
📖🖌 @storykaligi 🌷🍃
ضحك : لاول مره اشوفك يائسه مني
حور : لاني عارفه لو اتكلم من اليوم لبكرا مافيه فايده
التفت وحط كوبه ع الكوميدينا ولف عليها
بهدوء مسك ايدها وهو يطالع بعيونها بتمعن
اما هي بهاللحظهه ارتبكت !
همس : صدقيني ماراح انساها لك بوقـ..
قاطعته : م ابي الا اني اطلع من هالقصر بسلام وتنتهي بخير
ضحك: افا لهالدرجه شايله همي ؟
سحبت ايدها ودفته : اصحى ع نفسك انت انا شايله همك ؟ تخسى الا انت
ليث : ياليل م امدى اقول ان ذي ركدت وعقلت
حور بسخريه : حط ببالك اني لا يمكن الين واميل
قرب لها يبي يعاندها : متأكده؟
قرب زياده وعيونه تتنقل بنزراته بين عيونها بتمعن وبهمس
: واني اشوفك ترتبكين لاقربت منك ؟ بهاللحظه كأن دقات قلبها توقفت لوهله من قربه لها
وبرجفه ترتعش برعشه قويه بكل خليه من جسمها
وعيونها متعلقه بعيونه م قدرت ترمش من ربكتها
وبطنها يمغصها بقوه تكره هالشعور !
تكره نفسها لاضعفت بهاللحظه وصنمت بهالحركه تتجمد بكلها واطرافها حتى لسانها ينشل م تنطق بأي حرف وبجاذبيه يجذبها لها مو قادره تبتعد ولاحتى برده فعل منها !! بلعت ريقها اللي حست حلقها جف كتمت انفاسها بقوه بلحظه قرب شوي لها وبدت
انفاسه يخالط انفاسها تبي تصرخ بوجهه تدفه تسبه بس شعور قوي بداخلها يسيطر عليها وبصدمه من جرأته
اتسعت ابتسامته لما شافها بهالوضع وعيونه م شالها عن عيونها بكل جرأته همس وهو يتأمل تفاصيل ملامحها
: ليه لا قربت منك ترجفين
نزل عيونه يطالع بايدينها ورفع عيونه يكمل : حتى ايدينك
كل شي فيك يرتبك ! حتى صوتك ينقطع وانفاسك تتباطئ كأنك تجاهدين روحك قدامي !
حست قلبها من قوه م يدق بسرعه بيطلع من قفصها
الصدري !عضت ع اللي تحت شفايفها من داخل
حست انها مفضوحه له لما قرب للمره الاخيره
وشفاته قريبه لشفايفها غمضت عيونها بقوه واستجمعت نفسها بهاللحظه بشجاعه دفتهه عنها
ابتعدت ع ورا حست انها تحررت واخيراً وبدأت تتنفس
بسرعه وراحه فتحت عيونها وهي تطالع فيه وبانفاس متقاطعه طالعته بقهر وهي تغلي من داخل : تدري شلون ؟
قامت وحطت الكوب ع الطاوله وطالعت فيه بعصبيه : هالاتفاق انساه وبطلع من هالقصر وعسى خطتك م تنجح
لفت بتروح الا مسكها وسحبها بلمحه بصر وضمها بحضنه انصدمت !! انفجرت بصراخ الا حط ايده ع فمها وسدحها السرير
وثبت ايدينها بايدينه
وقرب منها : احلفي انك بتهونين عن هالفكره
حاولت انها تسحب ايدينها منه وبقهر : والله واللي خلقني ي ليث اني ما اهـ..
الا بهاللحظه سكتها بطريقته ..
الـــــــــــــــــبـــــــــارتــــ 7⃣7⃣ ...
📖🖌 @storykaligi 🌷🍃
تصلب جسمها بصدمه وبفجعه اقشعر
منها كل خليه بجسمها شدت بقبضه ايدها ع الفراش
بقوه وهي مغمضه عيونها وقلبها يدق مثل الطبول
بدأت تعرق وتحس بالحراره اللي ينفض جسمها نفضض
اما هو متمسك بايديها ومثبتها حواليها وهي ترجف وهو كيف يحس بجسمها اللي يرجف وانفاسها اللي اختفت بعد عنها
بهاللحظه الا اخذت نفس عميق بشكل يخوف حست
ان الاكسجين انقطع عنها اخذت تشهق بقوه ومو قادره تتحكم
برجفه جسمها
فتحت عيونها وهي تتنقل بنظراتها مثل المفجوعه حولها لما ارتكزت بنظراتها الحاده عليه وبعيونه
حست بالبركان اللي تفجر بداخلها وهي تغلي
بقوه وتنتفض من العصبيه والقهر والقرف من حركتهl
وبالكره منها اما هو ابعد ايديه عن
ايديها بهدوء : اسمـ..
م وعى الا لف ع الجهه الثانيه من قوه الكف لاشعورياً
غمض عيونه ابتسم م استغرب من رده فعلها وهالكف
تعود عليها وع اسلوبها الحاد الا بضربه ببطنه
بقوه خلاه يتصنم من الالم القوي !!! دفته
وطاح ع الارض ع ظهره بتألم وهو يطالع فيها كيف
انها قامت وتتنفس بسرعه ووجهها مال للاحمرار بعصبيه
صدت عنه بنظرات القرف والحقد وهي شاده ع قبضه ايدها لما شافت كوب النسكافيه لاشعورياً من دون تفكير اخذته لفت بسرعه و كبت النسكافيه عليه من قهرها وهي تغلي من داخل فز بقوه وبصراخ من حراره النسكافيه اللي ع فخوذه ورجوله مصدوم !!! بدون تفكير ركض بسرعه للحمام فتح الدش البارد بسرعه وهو ينتفض من الحراره دخل بكله تحت الدش البارد اللي مثل الثلج بشهقه قويه من برودته اما هي مشت بقهر وعصبيه توجهت للحمام طالعته بحقد وهو يتنفس بسرعه من الدش البارد : م ينمـ..زح انـ.. غمض عيونه بقوه من الالم اما هي بعناد وبنبره قهر : تستاهل ليتني كبيته ع وجهك وشفايفك ذي جعلها للحرق ليت !! لفت وطلعت اما هو نزل البنطلون والتي شيرت واخذ شورت ولبسه ولبس الروب وطلع وهو عاض ع شفايفه بألم طالع فيها مصدوم م استوعب اللي سوته : صاحيه؟
اما هي تلبس عبايتها بحقد م ردت عليه
ليث :والله بعد حركتك ذي انا استسلم انتي بدون قلب !
لفت عليه بنظرات حقد : المره الجايه ديزل من ساسك لراسك !
مشى وقعد ع طرف الكنب بألم عيونه : ترى والله اللي سويته بس عشان تسكتين
مابيك تكملين حلفك مافي بالي شي ثاني ولا اني منحرف
ولفت عليه بحقد: كلمه وم اثنيها اليوم انا برا هالقصر ولاتفكر تسألني ع وين لو انه ع الجحيم مالك دخل تفهم !! وانسى وحده اسمها حور و ورقه طلاقي توصلني اذا م تفهم بالكلام افهمك بطريقتي
ومشت بتطلع الا مشى بسرعه ووقف ع الباب قدامها : لاحور تكفين لاتخليني محتاجك ..
الـــــــــــــــــبـــــــــارتــــ 8⃣7⃣ ...
📖🖌 @storykaligi 🌷🍃
رفعت حاجبها وببرود : انا اللي غلطت بحق نفسي بجيتي هنا
دفته تبي تمسك مقبض الباب الا سحب ايدها عن
المقبض : حور وربك ماكان بنيتي شي
رفعت عيونها له وبقهر لاشعورياً دمعت : شوف ل وين وصلتني ؟ بالاول طلعتني من بيتنا
اللي احس فيه بالامان بسبب لعبه خبيثه منك
تركت ابوي اللي لهاليوم م زرته ولا اخوي اللي م
سمع صوتي وتطمنت عليه بيشيل بخاطره علي اخته وحيدته نسته !
وضحكت بقهر : هذا اذا م وصلو له خبر اني ماعاد
موجوده بالبيت وانحشت واكيد بهارات زياده !! تنقلت فيني من مكان لمكان مثل المجرمه تنحاش من قبل م ينعرف وش محتوم عليها ونهايتها زواج
مسيار ينوخذ فيه حقوقي وبباطل بس عشان نيتك ومصلحتك وانانيتك الوصخه وبالاخير
ضحكت وبغصه : بقصر م ينعرف وش ناسه
وش طبعهم وش نيتهم انا يمكن بأي لحظه
ينوخذ شرفي يمكن بأي لحظه اكون بسجن يمكن
بأي لحظه انكشف امـ..
رفعت عيونها م تبي دموعها تنزل وتضعف قدامه
اخذت نفس عميق وتنهدت ونزلت عيونها تطالع فيه
اللي كان ساكت يسمعها لها بكل كلمهه تحز
بخاطره بضيق وبتأنيب ضمير !!
ابتسمت بهدوء : انا مكاني هنا وقدامك ومعك غلط
هزت راسها بهدوء : مو انا البنت اللي تناسب خططك وجرائتك انت بنفسك نقضت العهد والوعد اللي بيننا
انت !
سكتت لثواني وبعدها عقدت حواجبها : تدري شلون؟ تزوج ذي امل مو انت تبيها وتحبها ؟ تزوجها وانتقم من ابوها وعايلتهم وبجحيم
انت وهم انا وش يهمني فيكم ؟
وبنبره قهر : انا المفروض اكون بهالوقت مع ابوي انا المفروض اني اساند اخوي بضيقته
بسجنه وبجروحه هوو اللي اساعده مو انت !! وبهمس : ورقه طلاقي توصلني
وبعدته وفتحت الباب وطلعت مع قفله الباب الا غمض عيونه
فتح عيونه بتأفف : كل نيتي انها م تحلف !! وبقهر : تستاهل كأنك مو عارف بشخصيتها مو انت اللي وعدتها انك م تقرب منها مو انت!
مشى وارتمى بجسمه ع الكنب بقلق
اما هي طلعت وهي متوجهه للقصر نزلت دموعها بضيق
اشتاقت لاخوها وابوها !! تلعن وتسب نفسها انها وافقت ع كل شي ومثل الغبيه لحد م وصلت الحاله اللي هي فيه
دخلت للجناح توجهت بهدوء لغرفتها دخلت وقفلت الباب
نزلت عبايتها منهاره بقهر قامت بسرعه وتوجهت
للحمام وانتم بكرامه وقفت ع المغسله تغسل شفايفها وتفركها بقوه مغبونه تحس بقرف !! وهي تصيح بضيق الا لما حست بقطره دم ع اصابعها عقدت حواجبها رفعت عيونها ببطئ للمرايه تجرحت
شفايفها شدت بقبضه ايدينها بقهر طلعت واخذت مناديل تمسح الدم وجلست ..
بهاللحظه رن جوالها اخذته عقدت حواجبها بالرقم الغريب !
مالها نفس ترد قفلته سكرت النور وانسدحت بفراشها غمضت عيونها بقوه تبي تبعد عن هالتفكير باللي صار
م قدرت تنسى كيف قرب من شفايفها وكيف احساسها بهاللحظه !! حركت راسها بقوه : اوووف اووووف !! انسدحت ع ظهرها وحطت ايديها ع راسها : ياربي
ابعد هالتفكير عن راسي يارب
خلاص ي حور انسي ماهي الا ساعات وبتطلعين من القصر ماهي الا ساعات بس
غمضت عيونها وتردد : بس ساعات وبتطلعين وبترجعين لاخوك وابوك بس ساعات
بقت تردد هالكلام حتى م تفكر لما غفت بدون م تحس ...
الـــــــــــــــــبـــــــــارتــــ 9⃣7⃣ ...
📖🖌 @storykaligi 🌷🍃
"الساعه ٨:١٥ الصباح " " بجناح الجده "
وهي تقيس سكرها فكت المقياس : منتظم
الجده موضي : الحمدلله الحمدلله
حطت المقياس ع الطاوله واخذت نفس
الجده موضي باستغراب : شفيك ي بنيتي اليوم مو ع بعضك؟
رفعت عيونها لها لثواني وهي ساكته مشت وجلست
ع الكرسي الثاني قبالها : خاله ابي اقولك شي بس متردده
كيف افتح هالموضوع
الخاله موضي بخوف : عسى ماشر !
جمعت كفوفها تفرك بايدينها بتردد تشجعت : انا برجع لبيتنا
الجده موضي بابتسامه : عادي ي يمه ولايهمك بقول للسايق يوصلك ولاخلصتي علميني
حور بتردد : لا خالتي اقصد انه نهائياً ارجع لبيتنا واترك هالشغله
عقدت حواجبها بصدمه حز بخاطرها : ليه ي يمه صاير شي ؟ انا مقصره معك ؟ فيه احد مقصر معك مضايقك ؟ قولي لي وانا باخذ بحقـ.. قاطعتها حور : لا لا حشى والله ماشفت منكم الا كل خير مافي قصور لان خالتي بترجع بتاخذني لعندها عشان كذا مضطره اترك هالشغل !
الجده موضي بحزن : اخخخ والله ياهالخبر اللي ضيق صدري من صباح الله
مسكت ايدها : لاتزعلين مني اوعدك اني بكلمك بين فتره وفتره واتطمن عليك ماراح اقطعك ان شاء الله
الجده موضي : مارتحت الا لك ي يمه
تنهدت بضيق : الشكوى لله
الجده موضي : طيب متى تبين تمشين ؟
حور : الليله ان شاء الله
الجده موضي بصدمه : امداك ؟ بهالسرعه ي بنيتي
هزت اكتافها بقله حيله : لان خالتي بتوصل الليل ان شاء الله
الجده موضي بضيق : حسافه حسـ..ـافـ..هه
الادخلت الخدامه : ماما السايق في يجهز
الجده موضي : طيب يالله ي يمه روحي معي لموعدي
حور باستغراب :الحين ؟
الجده موضي : اي يالله
وقامت هي تلبس وتجهز نفسها
_
اما هو لابس ثوب ابيض بس وبشعره اللي مبعثر
ي دوب صحى وجهز نفسه بسرعه وركب السياره
جالس ويطالع بالدريكسون بتفكير باللي صار معها
لما طلعو بهاللحظه وقفت لما شافته بالسياره الجده موضي : شفيك يمه ؟
انتبهت ع نفسها ومشت ركبت الجده السياره وركبت هي
من الجهه الثانيه ع يمينه ورا :
استعدل بجلسته لف بشويش بوجهه لما التقت عيونه بعيونها
جمد هو بهاللحظه !!!! اما هي لثواني طالعت فيه بعدها صدت ولفت للشباك
تنهد ولف
الجده موضي : حرك ي يمه
حرك بضيق اما هي مو طايقه نفسها قدامه وبغبنه بداخلها !!
_
" بالقصر "
عند فهد اللي نزل بنشاط ومبتسم وبروقان وهو يلعب
بايده بمفتاح سيارته : صباح الخير
ام فهد: هلا يمه صباح النور
امل : صباح النور ي هلا ي هلا
مشى لعند ابوه وباس راسه وايده : صباح الخير ي الغالي
ابو فهد باستغراب طالعه ثم همس : صبـ..ـاح النور
جلس فهد ع الكرسي : اي وين المزيونه؟
ام فهد : عندها موعد ي يمه
فهد : اها كان خلتني اوديها
امل : م يحتاج السايق موجود
فهد : مختفيه هالعجيز من بعد م لقت لها ذيك مدري شسمها
امل بضحك : حور حور
فهد بابتسامه : والله اسمها حلو
__ " السجن "
جالس مرخي رجله اليمنى وناصب اليسرى وحاط ايده
عليها ومستند براسه ع الجدار وبتنهد : يارب ارحمني برحمتك يارب تعرف اني مظلوم فأخذ بحقي يارب
غمض عيونه : اخخخ ي حور اخخخ وش مسويه الدنيا فيك
ي خيتي بدوني وبدون ابوي وش مسويه !! العسكري : ضاري !
فتح عيونه بسرعه : هلا !
العسكري : عندك زياره
تعدل بجلسته : انا ؟؟ العسكري : يالله بسرعه
قام وطلع باستغراب كلبشه وتوجه لمكان الزياره
شافوه من بعيد
سعد بهمس : يبه انت مقتنع باللي بتسويه ؟ بتعلمه ان اخته مو بالبيت ومختفيه صعبه ي يبه !
ابو سعد : لازم يعرف هو موصيني عليها وامانه ذي
ابي ابري ذمتي
_
بزحمه الرياض بالاشاره الحمراء سحب بريك
تنهد
الجده موضي : ي يمه متأكده من قرارك ؟ وراه
م تقولين لخالتك انها تخليك عندي
لفت حور لها : ماقـ..در
ولفت بعيونها ع ليث اللي يطالع قدام مستغرب من كلام الجده
الجده موضي بحزن : والله تعودت عليك وارتحت لك ي يمه
مدري كيف بتحمل فراقك عني مدري
توسعت عيونه هو بصدمه لحظه م سمعها !! حور : مضطره ي خالتي اني اسافر معها هذا حال الدنيا
ولفت تطالع بليث : محد يبقى لاحد !
نزل راسه وهو مجنع كفوفه بحضنه
الجده موضي بحزن : متى قلتي لي ي قلب خالتك بتمشين ؟ نسيت !
لفت حور لها وهي تشدد ع كلامها : الليله ان شاء الله وبشكل نهائي بسافر بعيد عن هنا اريح لي
بهالثانيه عض ع شفايفه هو بقهر وشد بقبضه ايديهه
وغمض عيونه بقوه !!!
الـــــــــــــــــبـــــــــارتــــ 0⃣8⃣ ...
📖🖌 @storykaligi 🌷🍃
الجده موضي بحزن : ااخخ بس اخخ وين القى وحده مثلك وين؟
تنهدت : خلي ليث يوديك ي يمه
عقدت حواجبها بصدمه : هاه !!
موضي : والا يعني خالتك بتمرك ؟
حور : اها لا لا ماراح تقدر تمرني ماتقدر بروح لها انا
بس عادي فيه تاكسي
موضي : لا لا ماراح اخليك مع تاكسي مهبوله انا خلي ليث يوديك
ولفت عليه : طيب ي يمه لاتنسى الليل
م سمعها كان ساهي الا لما نادته مره مرتين
فز فتح عيونه بسرعه ولف استوعب ولف لقدام
: معليش امري
الجده موضي : شفيك ي وليدي ؟
تنهد ورفع عيونه للاشاره اللي ومضت بالاخضر : ولاشي سمي وش بغيتي ي خاله ؟
الجده موضي : الليله وصل بنيتي لبيتها
ليث بضيق :ابشري
وحرك السياره لبعد م وصلو للمستشفى
الجده موضي : خلك هنا ي يمه
ليث : طيب
_ " عند ضاري "
ضاري بفرحه : اخبارك ي عم واخبار الاهل ؟
ابو سعد بتردد : بخير ي وليدي بخير وانت ؟
ضاري بابتسامه وبأسى ع حاله : الحمدلله مثل م انت شايف !
ولف ع سعد : وانت اخبارك ي خوي ؟
سعد : بخير
ضاري : الحمدلله
ولف ع ابو سعد : وش هالزياره المفاجئه والله استانست بجيتكم !
ابو سعد : والله ابطينا عنك ي وليدي اعذرنا
ضاري : حشى والله معذورين
وشهق : الا صدق ي عم اخبار حور منقطعه هي عني
م تدق ولاسألت ولاشي انا قلت يمكن انشغلت هي بدوامها بس مو معقوله كل هالايام م دقت ولا حتى حاولت تتواصل معي والله شايل همها وطول وقتي افكر فيها كيف بالبيت هي قاعده لحالها !!
نزل راسه ابو سعد بهاللحظه متردد م يدري وش يقول
ارتبك سعد بهاللحظه عن ضاري اللي فز قلبه بخوف
حس فيه شي جف ريقه وقلبه يدق بقوه وبلعثمه : ي عـ..م !
شصاير ؟ اختي فيها شي ؟ هاه قولو لي حور فيها شي ؟؟ لاتسكت تكفى تكلم !!
رفع عيونه بحزن : والله ي وليدي انك وصيتني عليها وهي امانه عندي بس
سكت متردد اما ضاري اللي قام ينتفض من الخوف والربكه عصب : شفيه تكلم ليه سكت اختي شفيها ؟؟
كمل سعد بسرعه مرتبك من عصبيه ضاري : اختك اختفت ي ضاري مالقيناها بالبيت مو موجوده
جمد مثل الصاعقة طاحت عليه
بصدمه من اللي سمعه وكأن روحه فارقت جسمه بهاللحظه !!!
_
" بالمستشفى "
ليث بالسياره مرخي المقعد ع ورا وحاط ايده ع عيونه
اما هي بعد م طلعت توجهت للسياره ع اساس ان الجده موضي لاحقتها فتحت باب السياره ركبت وقفلت الباب فز
بهاللحظه لف لما شافها انصدمت هي انه موجود توقعته داخل !!
التف حوله م لقى احد ولف عليها : حـ..
قاطعته : متى بتوصلني ورقه طلاقي ؟