الفصل 19
19
الـــــــــــــــــبـــــــــارتــــ 6⃣6⃣ ...
📖🖌 @storykaligi 🌷🍃
فتحت عيونها ع وسعها بدهشه من حركته !
دفته عنها ومسحت بايدها ع خدها : وجع جعل يحبك برص ع كيفك تقرب وتبوس ؟
ضربته ع رجله بكف ايدها بقوه تألم
وسحب رجله : احح وجع
حور : يوجعك اشوفك تماديت !
ليث : ع اساس م تماديتي انتي وتتباكين بحضني
طنقرت : م يتقارن وع فكره كنت مو واعيه بنفسي
ليث : حتى انا من الحماس م كنت واعي بنفسي
حور : لا والله واضح من خشتك !!
ضحك : ياليل زوجتي يا زوجتي افهمي
حور بقهر : لاتزوجت بعدين سوي اللي تبيه ..
تنهد ونزل عيونه يطالع بايده : وين اللي بتوافق علي
حور بثقه : امل بنت عمك
رفع عيونه بدهشه وبضحك : وش هالاحساس
حور بضحك : واضح انك خاق عليها تقدم لها يالله
ليث : ودي والله ليش لا بس صعبه اقولك اخاف
انها ترفضني
حور : واذا رفضتك وش بتخسر ؟ هو قسمه ونصيب بالنهايه جرب
ليث : تتوقعين انها بتوافق ؟
حور : اي ليش لا
تحمس وتعدل بجلسته : والا شرايك بالله اني اسايرها هالوقت واشوف اذا هي تبيني والا لا وبعدها اتقدم لها
حور بضحك : خاقه عليك هي
ابتسم : عطيتيني دفعه معنويه
شوي الا عقد حواجبه : وانتي ؟
حور باستغراب : شفيني انا؟
ليث : يعني مدري بس مستغرب زوجتي كيف تحمسني اتزوج من وحده ثانيه
ضحكت : مصدق نفسك انت ترى زواجنا ورق
ورق بس لاهو بسبب حب ولاغيره كل واحد فينا
له مصلحه منه وبعدين كلها كم شهر واتطلق وارجع اعيش بحريه
لاتطير بخيالك وتشطح خلك واقعي!
ليث : طيب الحين قفلي نور الاباجوره بنام
تأففت : اووف شبعانه نوم لاتنام تكفى
ليث : من جدك شبعانه مصحصحه يعني ؟
اومأت براسها بإيه بتملل
تعدل بحماس : حلو
وقلب نفسه حط راسه بحضنها وهي اصلاً متربعه
ومسك ايدينها وحطها ع شعره وهو رافع عيونه يطالعها : بالله سوي لي مساج لحد م انام
طالعته : هففف
ليث : تعبان ي حور
استسلمت وقعدت تلعب بشعره
غمض عيونه وبابتسامه : مساج
ضربته ع جبهته : طرار ويتشرط بعد
ليث بتألم : احح
حور بتنهد : ليث
اما هو مغمض عيونه وحاط ايده اليمنى ع رجلها وايده
اليسار ع بطنه : همممم
حور بقلق : البارحه فزيت من نومك تتنفس بقوه
كأنك مفجوع وبعدها تخدرت شكلك كان كابوس هو ؟
عقد حواجبه وفتح عيونه يطالع فيها : انا ؟؟ حور باستغراب : ايه انت !
ليث : لاوالله كنت نايم براحه حتى
انصدمت : ليث ترى اكلمك بجد والله !
ليث : مافيني الا العافيه تتهيأين انتي
خافت : صادقه ترا قولي فيك شي
تلفت حوله ولف عليها وابتسم خافت هي بهاللحظه
مسكها من تي شيرتها وسحبها ونزلها وجهها فوق
وجهه مباشره ومافيه الا مسافه بسيطه
ضحك وهمس : لهالدرجه خايفه علي ؟
الـــــــــــــــــبـــــــــارتــــ 7⃣6⃣ ...
📖🖌 @storykaligi 🌷🍃
رمشت بعيونها بسرعه بارتباك
وهو ماسكها من تي شيرتها م فكها
ابتسم بابتسامه جانبيه وهو يتأملها
عن قرب : تدرين ان ملامحك
الحاده ذي تعجبني !
بلعت ريقها بربكه م قدرت تبتعد صفقته
كف عقد حواجبه بتألم : اححح
حور : فك !!
مسكت ايده اللي ماسك فيها تي شيرتها وبحده : فك فك الله راسك من مكانه قل امين
شهق : ترضينها علي ؟ مسكت ايده بقوه وفكته عنها ودفته
لف عليها : ان لله
حور : حمى
ليث بضحك : تصيبك
شهقت قاطعها بسرعه : مالي شغل تعلمت منك
حور بحده : الله ياخذك
م تستوعب كم مره اقولك لاتقرب مني ؟ كم مره اقولك لاتلمسني كم مررره ؟ لو افهم حمار كان فهم !!
ليث : حلو بنظره ايجابيه اني مو حمار !
ضحك : ياخي ي ادميه زوجك انا زوجك
حور : اووف لاتقول هالكلمه وعناد فيك ماراح
ادخل هذاك القصر غيرت رايي
فز واستعدل بجلسته : لا لا حور تكفين م اتفقنا ع كذا
حور : تخسى
ليث : والله كنت استهبل شفيك تاخذين الامور بجديه انتي؟
حور : كيفي
تنهد : طيب ارجعي تربعي بنسدح
حور: قوم عني بس
وقامت طفت الاباجوره ولفت تمشي بخفيف لحد م وصلت
للسرير شغل الاباجوره اللي عنده ولف لما سمع حركه
باستغراب : بتنامين معي ؟
حور : مين قال ؟
ليث : ليش جايه طيب ؟
حور : بنام بالسرير !
ليث : تستغبين علي انتي ؟ بتنامين عندي يعني
حور : لا
ليث بتأفف : حور ركزي شوي بتنامين بالسرير
هزت راسها بإيه
ليث : يعني بتنامين معي !
هزت واسها بلا
تأفف وتربع : وبعدين معك ؟
حور : انا بنام طبعاً اما انت شايف ذاك الكنب ؟
اشرت عليه ولف هو يطالعه
حور بابتسامه : بتنام عليه انت
لف ورفع حاجبه بدهشه : ع كيفك ؟
حور بثقه : ااي
ليث : تخسـ.. حور ببرود : حلو اجل اتفاقنا كنسله
تنهد : لا عاد ان لله خلاص خلاص اكليه حتى
قام ودف الفراش ع السرير بتأفف اخذ
مخدته ورفع عيونه لها : شرايك بس اخلي
الفراش لك بعد ؟
حور : فيه احد قال لك بتاخذه ؟
خزها لثواني تأفف ولف توجه للكنب حط مخدته
وانسدح وحط ايده ع عيونه
ابتسمت بخبث وانسدحت ع السرير : اااخخ ي زين السرير يريح
ابتسمت وتلحفت براحه بالفراش الدافي وغفت لاشعورياً
اما هو م قدر يرتاح بنومه قام اخذ المخده وتوجه
بخفيف ع اطراف اصابع رجليه للسرير وانسدح
بالسرير ع ظهره بهدوء سحب الفراش بخفيف بيتلحف
لما لفت تسحب الفراش وغرقانه بنومها انسدحت ع كتفه
وصدره عدلت راسها ع كتفه ع بالها انه مخده
انصدم من حركتها جمد م قدر يتحرك خوف من انها تقوم لف بوجهه خفيف الا وهي رفعت راسها بتتعدل
ع كتفهه بوجهها ملاصق لوجهه انصدم !!
الـــــــــــــــــبـــــــــارتــــ 8⃣6⃣ ...
📖🖌 @storykaligi 🌷🍃
يطالعها بدهشه : معقوله نايمه ولا حاسه بحركاتها ذي ؟
بلع ريقه : شلون بسحب ايدي والله لو تقوم وتشوف هالوضعيه بتطردني برا الملحق هالمجنونه تسويها ليش لا
لف لقدام اخذ نفس : شسواه ؟؟ لدقايق بقى مصنم بمكانه لف بيسحب ايده لما
تحركت م لقى حل الا انه يدخله تحت رقبتها لاشعورياً
تحركت بهاللحظه وحطت راسها ع صدره توهق
هو هنا بزياده تأفف : ياليل شسوي ؟
طنقر : هي بالله وقفت ع ذي خلها تشوف وتنهبل
مو انا اللي سحبتها لحضني !
غمض عيونه وتنهد ونام من التعب بدون م يفكر حتى من النعاس !
_
الساعه ٨ الصباح
" بيت ابو فهد ( عم ليث ) "
طلعت من الحمام وهي لافه شعرها بفوطه ولابسه
الروب وتدندن بروقان مواصله مثل كل ليله
جلست ع التسريحه جففت شعرها حطت قلوس
مرطب ع شفايفها ولمت شعرها ذيل حصان ولبست
بنطلون زيتي وتي شيرت ابيض واسود مخطط
ورشت بعطر خفيف يومي واخذت جوالها ونزلت
وهي حاطه السماعات باذنها مروقه
الخدامه : يبغى فطور ؟
امل : ااي بس بالله بالحديقه مشتهيه افطر برا بهالجو مغيم
الخدامه : حاضر
امل : الا امي وجدتي موجودين ؟
الخدامه : نايمين
امل : طيب احسبيهم معي واذا صحو قولي لهم
ان الفطور برا
الخدامه : مافي مسكل
ودخلت طلعت امل برا وقعدت ع الكرسي دقت عليها صديقتها فدوى
امل :هلا والله حي من سمع هالصوت
فدوى : صباح الخير وينك معتفس نومك للحين؟
امل : هذا انا تعودو ع نظامي ذا
فدوى : ياليل منك م دخلتي للقروب اليوم ؟
امل : ماشاء الله وصل محادثاتكم ١٠٠٠ وعليها تعاجزت افتحها
فدوى : نتفق وين نتجمع الليله
امل بحماس : اخص وين وين ؟
فدوى : نبي نطلع لمطعم بالاول بالفيصليه
وبعدين بنروح نتمشى بالفيصليه او برج المملكه وكذا شرايك ؟
امل : ي شيخه معكم الله لايعوق بشر من زمان
م طلعنا سوا
فدوى : حلو حبيبي ع الساعه ٩ بنطلع هاه
امل : اوك ي قلبي يالله باي
فدوى : باي
وقفلت حطت جوالها ع الطاوله وهي تطقطق اصابعها
: ياااخخخ الجو روقان
عقدت حواجبها : يبي لي اخبر هذا انه يفضي نفسه الساعه ٩ يوديني لا اتوهق بعدين
اخذت جوالها تأففت لما تذكرت : اووف ماعندي رقمه
قامت ودخلت ووصت الخدامه تجيب عبايتها وطرحتها
ونزلتها لها اخذته ولبستها وطلعت متوجهه للملحق
ابتسمت بفضول تلفتت حولها مافيه احد مشت للشباك
بتشوفه فتحت سنابها بتصور لخوياتها قربت للشباك
اللي قبال السرير لحد م وضح لها ...
الـــــــــــــــــبـــــــــارتــــ 9⃣6⃣ ...
📖🖌 @storykaligi 🌷🍃
رجعت : هيه هيه غبيه انتي تتلقفين ع الادمي !!
مشت للباب ودقته بخفيف رجعت تدقه من جديد
بهاللحظه حور فتحت عيونها بخفيف وبنعاس
عقدت حواجبها تطالع فيه وبالوضع لما وضح
لها كل شي واستوعبت فزت بسرعة
بصدمه كيف انها طول الليل نايمه بحضنه
من حركتها السريعه فتح عيونه يشوفها تطالعه مفجوعه
رفع نفسه شوي وعقد حواجبه : شفيك ؟
ضربته كف لا شعورياً من صدمتها
رجع انسدح براسه ع المخده وبتأفف : حلا هو
كل مره كف !!
حور بحده قربت ومسكته من ياقته : م تفهم انت م تفهم!! تنام بالسرير ولا بعد تتحضني ؟
طالع بإيدها اللي ماسكته ورفع عيونه ببرود لها : والله مدري مين اللي يتحضن الثاني
طالعته بقهر
ليث : مـ.. سكت بصدمه لما سمع الباب يدق فز
ولفت هي بصدمه للباب
لف عليها واشر لها تدخل للحمام قامت ودخلت
طلع هو بهدوء وتوجه للباب : مين ؟
آمل : انا امل
وبحيا : اسفه صحيتك بهالوقت
انصدم لما سمع صوتها لف بسرعه
مرتبك م يدري وش يسوي
دخل للحمام غسل وجهه بسرعه
وهي تطالعه باستغراب طلع بسرعه من الحمام وقفل
الباب وتوجه للمرايه يعدل شعره باستعجال
اخذ نفس وتوجه للباب وفتحه : هلا
امل بحيا : هلابك صباح الخير
حك شعره بعفويه : صباح النور اعذريني تأخرت بالنوم بغيتو شي ؟
امل : لا وابتسمت اسفه اني قومتك
بهالوقت بس عشان مامعي رقمك فقلت بقولك
ان الساعه ٩ الليل عندي مشوار مع صديقاتي
ليث : اوك حلو مو مشكله ابشري
امل : اذا احد طلب منك مشوار ارفض هاه
ترا لازم توديني اليوم
ليث بضحك: ولايهمك محجوز لك
امل : طيب شسمه اي مشكور يالله م اشغلك زياده
ليث : لا ماعندي شي اصلاً
امل بابتسامه : كمل نومك اجل
ليث : لا وين انام بصحصح وبطلع افطر
اكيد فيه مشاوير
امل : الخدامه تجيب الفطور لك م يحتاج تفطر برا
ليث : لا والله ماله داعي انـ..
قاطعته : ترى كذا نظامنا ان الفطور يوصل للسايق
ليث : اهها طيب
امل : يالله مع السلامه
ليث بابتسامه : مع السلامه
وراحت دخل وقفل الباب توجه للحمام وهي
تمسح وجهها طالعت فيه باستحقار وطلعت
ليث : شفيك ؟
تنهد : اذا ع سالفه النوم ترى صدق مالي دخل
فرشت السجاده ولبست عبايتها : ترى بالقوه ماسكه نفسي مالي خلق اتهاوش معك
ليث : نفست صلي وع فكره القبله شرق مو شمال !
ودخل يتوضي عدلت سجادتها وصلت طلع وصلى
سلم واخذ الجوال : هيه عطيني رقمك ؟
حور : مابي
ليث : بحتاجك ي غبيه عطيني
حور : غصب ؟
ليث : اي
تأففت : 056 ***
سجله : ترى اليوم ان شاء الله بتصيرين داخل القصر
رفعت عيونها له بصدمه !!!
الـــــــــــــــــبـــــــــارتــــ 0⃣7⃣ ...
📖🖌 @storykaligi 🍒🍃
حور : اوووف !!
ليث : يالله حور تكفين وربك ماعاد عندي وقت ع الساعه ٩
بتروحين لها وعاد بتواصل معك ع الجوال
تأففت : طيب اسكت خلاص
" بالحديقهه ع الساعة ٩ ونص "
بعد م تجمعو
امل : اشوفك ي جده مستانسه ونسينا معك؟
ام فهد : اي والله مروقه ي حليلها اليوم
الجده موضي : اي اي بتجيني بنيه سعوديه هاه بدال هالسلق الفلبينيات
ام فهد بصدمه : يمه من صدقك؟ !!
امل : اما عاد
الجده موضي : اي وش زينها ان شاء الله وبخليها عندي بالغرفه اللي جنبي
ام فهد : ومين جابها ؟
الجده موضي : عبدالمحسن الله يخليه لميمته م قصر
ام فهد : اي والله م قصر الله يعطيه العافيه
دخلت وهي متوتره بلعت ريقها : السلام عليكم
رفعو عيونهم لها وردو : وعليكم السلام
الجده موضي : انتي حور هاه؟
حور : ايه
الجده موضي : ي هلا والله تو م نورتي ي يمه هلا
سلمو عليها
الجده موضي : امشي ي بنيتي اوريك غرفتك
امل بضحك : ي حليلك ي جده خليها تجلس شوي
الجده موضي : لا لا ابيها تريح البنيه
امشي ي يمه ودخلو لداخل وصلت لها ع جناحها
: شوفي ي قلب امك هاذي غرفتك وانا غريفتي هنا قبالك
نزلت نقابها وابتسمت : اوك
الجده موضي : ماشاء الله لا اله الا الله ع هالجمال
عسى ي يمه انك بترتاحين هناك وماتخليني هنا تراي
مانيب فاكتك
ضحكت : لا لا ببقى ان شاء الله
الجده موضي بفرح : ااي هذا الكلام الزين اي يمه
خلي الخدم يرتبون ملابسك بالدولاب
توهقت حور بهاللحظه : خـ..ـاله مامعي شنطه
الجده موضي : وراك ؟ بتقعدين عندي والا م قالك عبدالمحسن ؟
حور : الا قال لي ومتفقه بس يعـ..
الجده موضي فهمت انها ع قد حالها : ماعليك ي يمه بقضيك انا خلي الملابس تهون ارتاحي انتي افطرتي ؟
حور : ايه
الجده موضي : زين زين ان بغيتي شي علمي الخدم هاه لاتستحين البيت بيتك
حور : م قصرتي والله
طلعت وقفلت الباب قعدت ع السرير بصدمه من جمال الغرفه والتصميم !!
" الساعه ١٢ الليل "
عند فهد اللي توه يوصل من المانيا دخل للبيت توجه لجناح جدته متحمس يفاجأها له شهر عنهم بعد م كان مع ابوه برحله علاج دخل للممر وهو يمشي بخفيف !
"عند حور "
ببجامتها اللي عطتها لها امل
بعد م شيكت ان الجده نامت خففت نور الاباجوره
ولفت بتمشي بسرعه الا اصطدمت
بواحد طويل رفعت وجهها له لما شافته
توسعت عيونها بصدمهه وهو جمد بمكانه
من ملامحها الحاده وغمازاتها !!
" عند ليث "
وهو يمشي بالحديقه ينتظر حور تأفف : تأخرت !! حس بحركه وراه عرف انها هي لف : اخخخيـ..
جمد بصدمه لما شاف عمه ....