الفصل 17
20
الـــــــــــــــــبـــــــــارتــــ 1⃣7⃣ ...
📖🖌 @storykaligi 🌷🍃
" عند ليث "
وهو يمشي بالحديقه ينتظر حور
تأفف : اوف ليه تأخرت ذي !! حس بحركه وراه عرف انها هي لف : اخخخيـ.. جمد بصدمه لما شاف
عممممممممه !!!!!! عقد حواجبه يوسف باستغراب
ابتسم ليث وقرب له ومد ايده : السلام عليكم
يوسف بغرابه م مد ايده : مين انت ؟
ارتاح ليث بهاللحظه حس كأنه اثقال مثل الجبال
عن اكتافه انزاحت طالع بإيده اللي مادها وماصافحه عمه ابتسم وسحبها : انا السايق الجديد
يوسف باستغراب : سايـ..ق ؟ اها انت سايق
ليث : ايه
يوسف : ايه السايق
ولف وكمل طريقه وهو يرددها اما ليث تنهد بهاللحظه
: شوي وكنت بنكشف !! بس معقوله انه مزمهر لهالدرجه
حتى انه م تعرف ع ملامح وجهي ؟ التفت حوله : لو بيشوفني احد هنا بيشكون فيني
رجع ع ورا واستند ع الجدار وتكتف ينتظرها
اما هي بصدمه تسمرت رجولها بالارض
وهي تطالعه رمشت بسرعه بصدمه من هالشخص
اللي قبالها اما هو لأول مره يصادف بنت بهالملامح
اللي تفتن من وين جت !! لثواني يطالعون ببعض
كل واحد مصدوم بالثاني استوعب ع نفسه رجع ع ورا
وتنحنح وصد : اسـ..ـ..ف م انتبهـ..ت ! متعود اني
ادرعم لجدتي م توقعت فيه احد هنا
رجعت هي ع ورا وفتحت باب غرفتها ودخلت شوي
وهو معطيها ظهره : حصـ..ل خير انا اللي م حسبت حساب ان فيه احد بيدخل هالجناح اسفه
ضحك : لا لا لاتتأسفين حقك علي
حور بربكه : مو مشكله
فهد بارتباك : آآ.. شسـ..مه ايه المزيونه صاحيه ؟
عقدت حواجبها : مين ؟
ضحك : ااه صح اقصد جدتي بس اناديها المزيونه !
ضحكت بخفيف : لا نايمـ..ـه !
فهد : نايمه بدري هي الليله المهم خلاص بطلع خذي راحتك
والمره الجايه بدق الباب
ابتسمت : طيب
فهد : تصبحين ع خير
وطلع دخلت للغرفه بسرعه وقفلت الباب اخذت شهيق
وزفير عميق تهوي بايدينها ع وجهها تحس بحراره : يمه يمه يمه وش هالموقف اللي انحطيت فيه !! اخخخ ي حور كيف بالله شافك ببجامتك ذي !! كيف يطالعني وعيونه بعيوني
قعدت ع الكرسي : سبحان الله خلق وفرق اولاد عم
هذا شخصيته رزين واخلاق وصد ع طول وهذا يبحلق بعيونه
فيني ويعاند ولاشفته جاد بحياته
حطت ايدها تحت خدها : اخخخخ والله لاول مره يعجبني
ملامح شخص وابتسامته العفويه
ضربت نفسها : هيه هيه اوعي ع نفسك ي حور امداك
تضيع علومك من نظراته !!
تأففت وانسدحت ع السرير وتلحفت بفراشها مبتسمه
اما عند فهد طلع لفوق وضحك ع نفسه : شفيك تلعثمت
قدام البنيه ي غبي وهي شوي وبيغمى عليها من الفشيله
دخل لغرفته ونزل تي شيرته : اخخخ ع كثر م مرو علي بنات بس مثل ملامحها م شفت !
🌷📖🖌 @storykaligi 📖🖌🌷الـــــــــــــــــبـــــــــارتــــ 2⃣7⃣ ...
📖🖌 @storykaligi 🌷🍃
انسدح ع السرير وحط ذراعه ع جبينه وابتسم
: اخخخخ ي زينك من سرير فقدتك ي غرفتي والله
فقيده تلحف بفراشه بهاللحظه انفتح الباب
فز بسرعه الا بأمل داخله وبشهقه : فههههدوووه ؟؟
ضحك : والله كنت مستغرب انك م قفطتيني !!
ركضت له وضمته : الحمدلله ع سلامتك متى رجعت
فهد : قبل شوي هاه
امل : وابوي ؟
فهد : تحت اتوقع بغرفته
امل : وليه م علمتنا
فهد بضحكه : مفاجأه وحركات
عقد حواجبه : الا صدق كنت بدخل لعند جدتي بس لمحت وحده ورجعت مين ذي ؟
امل : اي هاذي حور وحده بتقعد تلازم جدتي وكذا تعرف رفضت الممرضات الفلبينيات فهذي مو ممرضه بس تعرف للسكر وتهتم فيها وكذا
رفع حاجبه بدهشه : بتقعد هنا ع طول ؟
امل : ايه امها متوفيه وماعندها احد فتناسب وضع جدتي
فهد : اها يعني فرد من افراد البيت ي عيني ي عيني
ضربته ع كتفه : لو تقرب منها وتحط عينك عليها وتتغزل فيها ي ويلك من موضي " الجده "
ضحك : ادري فيها بتصير خط احمر
تربعت ع سريره : اي م قلت لي كيف السفره ؟
فهد : والله تعب مع قروشه كل صبح عشان ابوي ومواعيده
والمستشفى
تكدر خاطرها : م قالو شي عن حالته ؟
هز اكتافه : والله ع حسب كلامهم ان فيه تطور خفيف وبين فتره وفتره نراجعهم وبيبدأ علاج مكثف هنا بالمستشفى اريح له من السفر
امل بفرحه : الحمدلله دام قالو فيه تحسن يعني بيرجع مثل قبل
فهد : الله يسمع منك ي شيخه المهم وش صار من مستجدات؟
امل : ابد ان هاذي حور بتصير مرافقه جده والسايق الاول
ترك الشغل ودبر لنا عبدالمحسن بسايق جديد
وبضحك : ابشرك سعودي بعد
رفع حاجبه باستنكار : سايق سعودي ؟
امل : ايه اصلاً محد مستانس كثر امي وجدتي
انه يعرف الرياض وشوراعها ويقدرون يتفاهمون معه
تنهد : اها دام عبدالمحسن جابه فهو ثقه
امل : ايه المهم يالله اجل انخمد بروح اشوف ابوي واتطمن عليه
قامت ولفت : تصبح ع خير
فهد : وانتي من اهله
وطلعت وقفلت الباب اخذت جلال الصلاه ولبسته خايفه
تصادف احد من برا
نزلت لتحت بحماس وفرحه دورته بالمكتب م لقته طلعت باستغراب : وين بيكون ؟
فتحت الشباك اللي يطل ع الحديقه مشت تتلفت
تدوره : ياربي وين راح ؟ لايكون صعد لغرفته ؟؟ الا والله صدق اكيد بيرتاح وينام
لفت بتدخل لما صادفت ليث ع جنب مستند ع الجدار
ومغمض عيونه
عقدت حواجبها : هذا شيسوي ؟
توجهت له
حس بحركه فتح عيونه وبسرعه : وبعدين معك ي حـور وبعدين ساعه منلطع هنـ.. جمد لما شافها !
عقدت حواجبها باستغراب : مين ؟؟
صد بصدمه ...
الـــــــــــــــــبـــــــــارتــــ 3⃣7⃣ ...
📖🖌 @storykaligi 🌷🍃
عقدت حواجبها باستغراب : مين ؟
صد بصدمه وبهمس : انا شسويت ؟
استعدل بوقفته بسرعه وابتسم : هـ..ـاه مين ؟
ضحكت : مدري تنتظر احد انت ؟
رفع حاجبه بأريحيه انها م سمعته وبدهشه : اااه انا ؟
وضحك : لا لا بس هذاك العامل مدري وش اسمه
انتظره يجيب لي ذا اغراض وكذا
ضحك بعفويه : و طفشت وانا داخل ولافيني نوم فقلت اتمشى هنا لين م يجيب اغراضي
حك راسه بربكه : اسف المفروض م ادخل لهنا صح ؟
ضحكت : لا لا عادي بس استغربت انا انك صاحي
ليث : وانتي غريبه م نمتي ؟
التفتت : كنت ادور ابوي شفته ؟
ليث : اها العم يوسف ؟ ايه شفته راح من هالجهه
امل : يوه كيف نسيت انه يقعد هناك ي غبائي
ليث : م فهمت !
ضحكت : انسى مع الوقت بتفهم يالله اخليك تصبح ع خير
ليث : وانتي من اهله
ولف ومشى وبتحلطم : ارجع ي ليث ارجع يكفي انك جايب العيد
رجع للملحق وانسدح بتأفف انها سحبت عليه ولاحتى دقت عليه !!
__
بعد ثلاث ايام ماقدر اي واحد فيهم يقابل الثاني هو انضغط
بالمشواير م يلقى لنفسه وقت الا اخر الليل اما هي التهت
مع الجده موضي وحتى م تثير الشبهه مقفله جوالها ومستمره بحياتها ولاكأن شي صار !
_
بهاليوم الصباح الساعه ٨:٢٢ طلعت بسرعه من الحمام
تجفف شعرها مشطته ورفعته كعكه ورطبت ايديها وطلعت
بسرعه من غرفتها لغرفه الجده موضي فتحت الباب بهدوء
وبهمس : صباح الخـ..ير
الجده موضي : ي هلا ي هلا صباح النور ي بنيتي
دخلت بفشله : اعذريني تأخرت اليوم
الجده موضي للخدامه : زهبي الفطور هنا برا ابي
اليوم دفى
حور : ايه عشان كذا لبست صيفي
الخدامه : اوكي
طلعت تجهز الفطور اما حور مشت وجلست عندها ع الكرسي قبالها : تبيني اقيس السكر قبل م تفطرين ؟
الجده موضي : ع راحتك ي يمه
اخذت المقياس ومسكت ايدها وقاست لها ابتسمت : لا الحمدلله زين
الجده موضي : والله ي انه قبل يرتفع وينزل بس من بعد
م جيتي صاير منتظم ع ايدك
ابتسمت : يعني اعرف اني وجه خير
ضحكت : اي ي يمه
جهزت لهم الخدامه الفطور برا بالحديقه من جهه جناح
الجده موضي يعني قبال غرفتها بالضبط
طلعو يفطرون ماهي دقايق الا دخلت امل : ي عيني ي عيني صباح الخير
الجده موضي وحور : صباح النور
امل : شعندكم مفطرين برا لحالكم هاه ؟ سحبتو علينا
الجده موضي : هنا اريح
قعدت : بفطر معكم لان ابوي وفهد مطولين
الجده موضي : خليه ينام وش عليك منه
امل بضحك : بدينا ؟
الا تنحنح من بعيد : فيه احد ؟ ارتبكت حور بهاللحظه من سمعت صوته !!
الـــــــــــــــــبـــــــــارتــــ 4⃣7⃣ ...
📖🖌 @storykaligi 🌷🍃
قامت وبربكه : بطلع لغرفتي بس خليه يطلع اذا
ماعلي امر
امل بضحك : ابشري
طلعت له وهو عند الباب ع طرف : اطلع شوي خل البنت تدخل لغرفتها
ضحك : عادي خليها تمر قدامي
ضربته ع كتفه : وجع لاتسمعك جدتي
الجده موضي : لاتدخل اقضب ارضك
فهد : افا قالوها من لقى احبابه نسى اصحابه
الجده موضي : لانت صحيب ولاحبيب
ضحك : لا لا بشويش علي
مسكته امل ولفته لبرا
بهاللحظه الا بسرعه مرت ودخلت لغرفتها وقفلت الباب
وهو معطيها ظهره وبجنبه امل ابتسم :حسيت بهوا لفح هي مرت بسرعه صح ؟
امل : ايه ي العيار مرت
لف ودخل توجه لها : ي هلا
ابتسمت : وانت مالقيت الا هالحزه حتى تجي ؟
عقد حواجبه : افا م تبيني يعني ؟
الجده موضي : البنيه م افطرت
جلس مكان حور : ماراح اطول لان وراي مشوار
الجده موضي : ع وين ؟
فهد بتأفف : بروح مع عبدالمحسن للشركه اشغال متراكمه لين راسي ي المزيونه
الجده : روح شوف شغلك وهذا مستقبلك ومستقبل عيالك واهلك ليه الغريب يتولى الشغل وش فـ..
قام باس راسها ع : مع السلامه تأخرت
وطلع بسرعه الجده موضي بتنهد : الله يصلحه بس
_
الساعه ٢ الليل بعد م وصل تعبان مهلك من المشاوير
لليوم مع ام فهد تجهز لعزيمه يوم الخميس اللي بتكون ببيتها
دخل للملحق وع الحمام اخذ شاور بارد يريح فيه اعصابه وينعش روحه وطلع لبس بنطلونه الرمادي وتي شيرت بدون اكمام لونه اسود اخذ مويه بارده قفل الانوار
وشغل التلفزيون بس وفتح التكييف وجلس ع الكنب واسند راسه ع ورا وغمض عيونه متضايق يحس نفسه مو طايق شي كيف انه يصير خدام للعايله عمه اللي قتل ابوه وسجن امه كيف متحمل هالقذاره ؟ كيف صابر ع وجع قلبه كل م يشوف ملامح عمه كيف ؟
لثواني وهو مغمض عيونه وساهي الا لما ضربته ع جبينه بخفيف فتح عيونه لما جلست جنبه وتربعت وهي لافه عليه : هلو
رفع راسه ولف عليها طالعها لثواني ثم رجع اسند راسه وغمض عيونه
حور بحلطمه : هيه !
وهو مغمض عيونه وبهمس : تعبتي نفسك بجيتك ؟
تنهدت : لاتقلبها هواش
فتح عيونه ورفع حاجبه باستنكار : انا اقلبها هواش ؟ ناسيه
سحبتك علي ثلاث ايام
حور : شدخل ساحبه ؟ م قدرت افهم
ليث : فيه اختراع اسمه الجوال
حور : جوالي عاد ماقدر امسكه وبصعوبه جيت هاه
ليث : ليه تعبتي نفسك خليني وارجعي
حور بعناد : مو ع كيفك تطردني بقعد !
ليث بعدم اهتمام قام وتوجه للسرير : بكفيك !
انصدمت من حركته وبروده لاول مره تشوفه بهالحاله
قامت وجلست ع السرير وهو قبالها منسدح وحاط ايده ع عيونه
حور : شصاير ؟ عمك سوا شي
ليث بقهر: لاتطرينه !
قربت و سحبت ايده عن عيونه وبهدوء وخوف : هيه لاتكتم بقلبك قول لي ..
الـــــــــــــــــبـــــــــارتــــ 5⃣7⃣ ...
📖🖌 @storykaligi 🌷🍃
التفت طالع فيها وهو يمرر نظراته بين عيونها وبأسى : مو طايق احد اطلعـ..
قاطعته بعناد : ماراح اطلع ولا راح اتحرك من هنا الا لما تقول لي شفيك ؟
ليث : مافيني شي
حور : لا والله ؟
ليث : يعني لازم اكذب واقولك كلمتين ع بعضهم حتى تصدقين ان فيني شي ؟
تأففت وقامت توجهت للمطبخ اما هو رجع ايده ع عيونه
وبتنهيده بعد دقايق م وعى الا بصوتها: اصحى
لاتنام
تأفف : حور انتي ليه مناشبتني اليوم ؟
حور : حطت الكوبين حق الكوفي ع الكوميدينا وسحبته
من ايده لحد م قعدته ع السرير اخذت الكوب وعطته له واخذت كوبها وقعدت قباله ع السرير وابتسمت : طيب لاتقول انا بسولف
ليث : يالله ي ام لسان
حور : م قلت لي ان عنده ولد عمك ذا ؟
رفع حاجبه : قصدك فهد ؟
حور : اي اي هو
ليث : ليه قابلتيه ؟
حور : لا بس كان بيسلم ع جدته انت اكبر والا هو
ضحك : انا طبعاً
حور بتنهد : شوف اذا انك متضايق خلاص مو مشكله نترك هالمكان مو لازم تاخذ بثارك عشان ابوك ؟ ادع له بالرحمه والمغفره اما امك ندبر محامي الله بياخذ حقك
ي ليث والله لاتتعب نفسك
قعد يتأملها بهدوء ابتسم : حور
ارتبكت من هدوءه : هـ..لا
ليث بابتسامه منهمك : بغض النظر عن لسانك الطويل تدرين اني ارتاح لاتحلطمتي عندي
ضحكت : اشوا طلع مني فايده
ليث بضحك : زين انك مقتنعه ان مالك منفعه بهالدنيا
ضربته ع ايده : وجع مو كذا اقصد
وبجديه وهدوء : ليث
ليث : عيونه
ضحكت : م تعودنا ع هالكلام الزين المهم صدق
ليث : لحظه اسمعيني انتي
حور باهتمام : وشهو ؟
ليث : انا ابي مستندات
عقدت حواجبها باستغراب : م فهمت ؟
ليث : عبدالمحسن قايل لي ان فيه مستندات عشان الورث مع فهد ذا امس مستلمها تتوقعين انها بغرفته حطها ؟
ششهقت : لاتقول لي اني اروح لغرفته !
ليث : بكره المساء مو الحين طبعاً
شهقت : خير ؟
ليث : ماراح يكون موجود بكره بيطلع مع اخوياه لشاليه وماراح يرجع الا ع وجه الصبح وقتنا ذا
حور : انا ؟ اصعد لغرفته وانبش فيه عشان مستند ومدري وشو؟
ليث : انا معك انتي بس خليك بالقصر وراقبي لحد م اوصل لغرفته
حور : لا لا لا اخاف ننكشف والله ع طول سجن انتظر شوي مو بهالسرعه
ليث : ع الاسبوع الجاي بيطلعها من غرفته وبيسافر وقتها
ابتلش وين نوصل حتى ناخذها ؟
حور : طيب نفرض اننا اخذنا بيشك فيني اكيد وفيك ؟
ليث : خليك ذكيه انتي اكسبي ثقه الخاله موضي واكيد بتدافع هي عنك هذا لو هو اصلاً اتهمك ماراح ماراح يتجرأ
و بعناد : انا بكره ع الساعه ٢ بكون بغرفته يعني بغرفته سواء بالطيب والا بالغصب
تنهدت بقهر : اووف منك اووف تبي الشقى لنفسك
ليث : لانه مكتوب لي ..