الفصل 16
16
الـــــــــــــــــبـــــــــارتــــ 1⃣5⃣ ...
📖🖌 @storykaligi 🍒🍃
م قدرت ترمش بعيونها جمدت بمكانها تحس
لوهله الدنيا توقفت من حولها !! غمضت عيونها
بقوه تحاول تستوعب صدمتها لثواني !! الا لما سسمعت صوته يناديها ويقترب من
مسامعها فتحت عيونها بسرعه قفلت جواله ونزلته
ع الطاوله واخذت نفس عميق وابتسمت : حلو حلو
ولفت طلعت لها حبتين توست تحشيها بجبن
الا ع دخوله : حور ؟
لفت : هلا
ليث : كل هذا تحشين
رفعت حاجبها : لا والله ؟ احمد ربك احشي لك بعد
ضحك : بتمنين علي ؟
حور : ايه الا صدق شرايك جا ع بالي
فكره
اتكأ ع الطاوله وتكتف وهي قباله بجنبه : اللي هي ؟
حور : اني اكلم امك واعطيك ؟
ليث : ع اساس انهم م يراقبون الخط؟
تأففت : وجع وش هالاوادم ؟
ليث : حاولت بكل الطرق عجزت
حور : قهر ياخي !! طيب شرايك
ليث : وشو بعد
حور بضحكه : ايه استوعبت انهم يراقبون الخط انسى انسى
ليث بضحك : مهبوله صدق
اخذ العصير
وطلعو يفطرون بالصاله بعد م خلصو دق حسني
يعلمهم ان الشقه اللي بالدور الرابع جاهزه
اخذو اغراضهم وصعدو لفوق كانت غرفتين وصاله وحمام ومطبخ وهذا اللي عجبه ان لها غرفه مصده عنه
_ " الساعه ١:٣٣ بعد منتصف الليل "
اتصلت ع حسني من بعد م اخذت رقمه وطلبت اغراض من الصيدليه بعذر ان ليث تعبان ومن حظها ان الصيدليه بعيدة وافق حسني ع طول
وقفل ابتسمت حور : هذا وافتكينا منه بقي اللي بعده
فتحت الشباك وهي تطالع الشارع لما شافت
حسني ركب سيارته وحرك قفلت الشباك فتحت جواله واتصلت وهي تمثل الخوف وبهمس
:تكفون ساعدوني الحين نايم هو انا سرقت الجوال منه
تكفون الحين ابي اطلع مقفل الباب ومعه المفتاح نايم هو م يدري تعالو بسرعه قبل
م يكشفني !!
وقفلت بعد م تجهزو كانت معطيتهم خبر من ساعات
عنه م اخذت بالكثير ١٠ دقايق الا لما سمعت صوت
السياره الصفاره عرفت انهم جايين وقفت ع الشباك
وهي تشوفهم بسرعه ابتسمت بكل برود
عنده هو عقد حواجبه من صوت الصفاره !! مو غريبه
عليه هالصوت !! فز من نومه بسرعه لما استوعب
قام وطلع بسرعه مفجوع : شسالفه ؟؟
مشى سرعه للشباك الا لما شافهم جمد بصدمه : سياره المصحه كيف؟
ولف لها : حـ....
سكت بصدمه لما ابتسمت : انا اللي بلغت لاتحسب اني بهالغباء بخطتك مع ذاك الوصخ اللي اسمه ناصر !!
تصلب بمكانه بصدمه : انـ..تي ؟ مستوعبه؟؟ حور ؟؟ انجنيتي ؟؟ وصرخ بهستيريه : فاهمه غلط ي المجنونه فاهمه غلطط
مشى بسرعه للباب وهو بيطلع لقاه مقفل لف عليها لما شافها تلوح بايدها بالمفتاح مبتسمه فتحت الشباك وطشت جواله مع المفتاح وببرود : مالك طلعه الا معهم!
ارتد ع ورا خطوه بصدمه : انتـ..هيـ..ت !!
الـــــــــــــــــبـــــــــارتــــ 2⃣5⃣ ...
📖🖌 @storykaligi 🍒🍃
حور بحقد : ايه انتهيت وللاسف مردك بهالمكان طول عمرك
ليث ؛ ليه م سمعتـ..
حور : اسمع منك القصه الخياليه اللي ابوك انقتل
بسبب عمك والا امك اللي انسجنت وقصاص والا عمك اللي اخذك ودخلك للمصحه غصب وع انك مو مريض ليه هالقصه المأساويه هذي ؟ ليه م تقول انك فعلاً مريض
نفسي ومجنون وكل هذا تتخيله ؟
ابتسم : انا مجنون؟ ومريض نفسي م عرفتي السبب الحقيقي
صرخت عليه بقهر :انك بتنتهك عرضي شسويت لك انا ؟ من المصحه وهربتك وبالبيت خليتك تقعد وتاكل وتنام
لمده يوم كامل وتجي تطلع بكل برود وتتفق مع ذاك القذر
الله ياخذك انت وهو حسبي الله عليك م كفاك اللي صار
فيني ؟ والاعشان شفتني بدون اخو وابو خلاص تستفرد فيني وتسوي اللي تبيه شفت كيف انك انخدعت فيني
بترجع لهناك وجعلي م اشوفك طالع وطلاق بتطلقني غصبن عنك لاتحاول ترفض لان بقلبها عليك
وبدبلها بقضيه مو لاني بنت وحيده صرت تستغفلني
توجه لها ورجعت بخطوه ع ورا وبثقه وجمود وحده : ابعد عني والا والله العظيم ماراح ارحمك
مشى بكل برود لها وبابتسامه عريضه ع شفايفه : يعني خلاص بتتخلين عني ولا بتصدقيني ع اني وثقت فيك
ضحكت بقهر واسى : تثق فيني لا توثق فيني لاني بخونك وبخونك وبخونك وبخونك لاتفكر اني بصدقك بعد اللي صار
مثل م يقولون اللي انكسر م يتصلح !
وقف بعيد يطالعها : م تدرين انك ظالمـ.. قاطعته : ااصصص ولاكلمه ! هالكلمه بالذات م يحق
لك تنطقها
ليث : ممكن اني اكون مساعدك !!
ضحكت بسخريه : للحين مصر ع كذبك ؟
ليث : حور
رفعت ايدها بوجهه : لاتنطق اسمي ع لسانك القذر !!
ليث : صدقيني لو م تدخلت كان الحين انتي تحت ايديهم !!
حور بسخريه :ايه كمل كمل خلنا نضيع شويه وقت لين م يوصلون
ليث بقهر ابتسم : لهالدرجه قلبك قاسي
حور
حور : ولايمكن يلين !
ليث : بتعذب ي حور بتعذب
حور : وجعله طول عمرك
بهاللحظه الا الباب ينضرب عليهم بقوه وبتهديد
من السكيورتي والممرضين حتى يسلم نفسه اقشعر جسمه بقوه الا بصراخ حور : تكفون ساعدوني تكفون
توجه لها رجعت ع ورا ورفعت حاجبها وبحده : ابعد عني ابعد وفكني منك وانسى وحده اسمها حور
الا لما ضربت الجدار وقفت وقلبها انقبض بخوف
شافته يقرب منها لفت بتنحاش الا مسكها ورصها ع الجدار وقرب منها وهو ماسك ايديها كلهم ومثبتهم ع الجدار
قرب وهمس وبابتسامه خفيفه جانبيه من وجع قلبه : حتى هذي منك توجع يسلمني شخص للمصحه ع اني مريض مثل م سوى ذاك الحيوان وتنعاد للمره الثانيه
وابتسم زياده : بس ابي شي منك ولا كوداعيه
طالعته باستغراب وقلبها ينتفض من الخوف الا لما قرب لها غمضت عيونها بسرعه و ..
الـــــــــــــــــبـــــــــارتــــ 3⃣5⃣ ...
📖🖌 @storykaligi 🍒🍃
قرب وباسها ابتعد
الا ع نبره صوته فتحت عيونها وتعلقت بعيونه وابتسم
: مشكوره ع ذاك اليوم اللي خليتيني اقضيه عندك بغبنه وبابتسامه قهر
وضحك : ولو انها ليوم واحد بس حتى اليوم
م كمل قهر م استمتعت بوضعي كعريس حسافه
حور : جعلك م تستمتع بقذارتك ذي
ليث بضحكه : افا لهالدرجه حاقده علي؟
رفعت حاجبها باستنكار : وتسأل ؟ فيك وقاحه
ضحك : والله م سويت الا الـ.. قاطعته بحده وعيونها ع الباب تنتظرهم يفتحونه : اسكت يكفي اني احاول انسى
سواتك ي الكلب !!
ليث : حور والله لو تـ.. الا قطع عليه الباب لما انكسر ودخلو بسرعه
غمض عيونه بتأفف ومبتسم : ياليل م يخلوني اكمل لو كلمتين بس !!
امسكوه لف عليهم وابتسم : معليش ليه مافي فرصه او خيار ان اللي ينحاش يرجع من نفسه ؟ حسوني اني ادمي شوي لي رجلين والله وحافظ مكانكم وحتى وان ضيعت مع اني نشبت عندكم وعاشرت ناس خايسين بمعنى
الكلمه بس ابي ارجع من نفسي خلاص روحو انتم
للمصحه وانا بلحقكم لاتـ.. م عطوه مجال الا سحبوه بعصبيتهم عليه
السكيورتي : ولاكلمه انكتم
ليث : ياليل منك وانت كل م شفتني م يكون الا هالكلمه
ع لسانك ؟؟
السكيورتي بصراخ : بترجع مثل الكلب لمكانك ع ذاك السرير !!
ليث : والله عاد موب كلاب ومن فصيلتك مثلك معليش فرّق شوي
صرخ عليه بصراخ متنرفز
ليث : بشويش لاتنابح
سحبه السيكورتي بسرعه لبرا وماعطوه فرصه يتكلم
اما هي صدت اول م دخلو و لبست نقابها لفت وهي تطالعه
كيف ببرود وضحكه ولاكأنه اهتم ولاهز شعره براسه
لاول م طلعوه لبرا تنهدت : ياربي ان هذا اخر مره اشوفه
دخل مدير المصحه يكلمها وياخذ اقوالها مع الشرطي
ويستفهمون الوضع كيف وصل هو لهنا وغيره
وكانت ع كلمتها انه خطفها بس عشان يقدر يستأجر هالغرفه بعقد الزواج وغصبها ع الزواج منه وغيره
وطلبت انهم يتركونها ماتبي لاقضيه ولاغيره
وبعد الحاح منها اخذوه وتركوها ع راحتها
وطلعو قفلت الباب ولو انه مكسور بس سكرته ورجعت
للشباك وهي تشوفه كيف يسحبونه لحد م ركبوه للسياره
جلست ع الكنب ونزلت نقابها وطرحتها وتنهدت بقهر
: ياربي شلون برجع لبيتنا ؟ بعد اللي صار ماراح ارتاح اقعد لحالي ! واكيد ذا حسني متفق معه وين بروح الحين ؟ فكري ي حور فكري اوك دقيقه ي حور بتقفلين باب الغرفه
وبتقعدين لين م يطلع الصبح وبعدها اطلع اي الصبح احسن
ارسلت ع حسني انه نام هو ونزلت حرارته ومايبي شي
وحطت راسها الكنب وتنهدت غفت بدون م تحس
لنومتها ٣ ساعات وعت بأحد بأطراف ايده يبعد
خصلات شعرها عن وجهها فتحت عيونها اللي توسعت بصدمه ....
الـــــــــــــــــبـــــــــارتــــ 4⃣5⃣ ...
📖🖌 @storykaligi 🍒🍃
شافته !!
لثواني وهي عيونها بعيونه لبعد م استوعبت
صدمتها ورجعت ع ورا
وهي تطالعه مفجوعه ترمش بسرعه
فزت من مكانها بسرعه البرق ورجعت ع ورا
رفعت حاجبها وبعدم تصديق : بسم لله من وين طلعت انت مو كانو ماسكينك؟؟
جلس ع حافه الطاوله : للاسف قدرت انحاش للمره ٢١
وابتسم : شرايك فيني بس ؟
حور :قل اعوذ برب الفلق !
ليث : غريبه باقيه هنا ؟
بلعت ريقها وبتردد تحاول تخفيه : شدخلك ؟
ليث : انا زوجك ي غبيه
حور : عساك للحمى لاتجيب هالكلمه ع لسانك
بسم لله بسم لله مو معقوله لا اكيد مو ليث جني اكيد
بسم لله الرحمن الرحيم
حشرت نفسها بالزاويه مفجوعه كيف قدر يطلع ويوصل لها
ليث بضحكه : وربي ليث الادمي مو الجني طبعاً
حور : ماصدقك
ليث : مو سميتي ؟
حور : حتى ولو
ليث : ياليل متى تصدقين ؟
حور : مابي !!
ليث : اوك اسمعيني
حور : وشو ؟ انت وش تبي مني ؟ ياخي فكني اعوذ بالله
مشى باتجاهها اقشعر جسمها بقوه بخوف وهي تبي تصارخ عليه الا لما لف يطالع ب الشباك عقدت حواجبها
من فعلته لف عليها باستغراب : م شفتي حسني ؟
هزت راسها بلا
ليث : غريبه مختفي
حور : بكيفه ؟
هز اكتافه : مدري مستغرب
ولف عليها : اهم شي خطتك اللي تعبتي عليها
حور بحده : عشان تعرف اني مو من هالبنات اللي ينضحك عليهم بكم كلمـ..
لف لما لمح انوار سيارات الشرطه توسعت
عيونه بصدمه لما شاف حسني معهم ويكلمهم
ويأشر للشقه لف ليث بسرعه ع جنب لعند حور
ورص ظهره ع الجدار بجنب الشباك حتى م يشوفونه
حور باستغراب من حركته : فيك شي مهبول انت؟
لف عليها يطالعها : فخ
عقدت حواجبها : كيف يعنـي؟
مشت شوي للشباك تطالع لما لمحتهم شهقت
م امداها تدقق الا سحبها له : انتي اللي مهبوله !! حور بصدمه : ليه شرطه؟ دقـ..
سحبها من ايدها بسرعه عطاها نقابها وطرحتها والجوال واغراض لبسها اللي بالشنطه وطلعو برا الشقه ..
لما شافهم من فوق وهم تحت يصعدون الدرج سحبها
بسرعه وع الجدار يركض لفوق لحد م وصلو للسطح
فتح الباب بسرعه وجا بيقفله م قدر لما سمع اصواتهم
تقترب اما هي بصدمه تطالعه : ليث هيه انت مو تقول انك واثق فيه ؟
ليث : ع اساس طالعه منها انتي؟ بحياتي م وثقت انا بأحد
من بعد امي وابوي ولاحتى فيك !! سحبها لعند الدرج اللي يكون طوارئ خارج الفندق من السطح لحد تحت نزلها بسرعه ونزل وراها لما سمع ضربه باب السطح ينفتح شهقت استعجل عليها وقربو ينزلون
الا الطامة !!!
الـــــــــــــــــبـــــــــارتــــ 5⃣5⃣ ...
📖🖌 @storykaligi 🍒🍃
لما شافهم رجع ع ورا بسرعه وسحبها
الا بأصوات سيارات ونط من فوق الدرج طاح ع الارض
وقام بسرعه ولف عليها : يالله اطمري بسرعه
طالعته بدهشه وخوف
ليث بحده : اخلصي يالله بسرعه
بلعت ريقها بتردد لما اصر عليها اخذت نفس
وركبت ونزلت بشويش الارض بعيده عنها
ليث بهمس : بسرعه انزلي فكي ايدينك انا بممسكك
غمضت عيونها بقوه وفك ايدينها الا طاحت وقدر
يمسكها سحبها من ايدها بالممر الضيق اللي شبه
مظلم بين العمارات بسرعع لحد م طلعو من الممر
ع اخر لحظه لمح سياره تاكسي وقف لهم ركبو بسرعه وحرك
لحظتها غمضت عيونها بارتياح : تعبت
ليث : تو لسى بالبدايه احنا
تعكر مزاجها وبتأفف : هفففف
ليث بضحكه : والله م شفتي ربع اللي شفته
حور بقهر : دقيقه دقيقه فهمني هذاك الكلب حسني ليش يبلغ انت انت اللي غبي كيف وثقت فيه كيف ؟؟
ليث : اختبره
شهقت : كيف ؟ وش تختبره ؟
ليث : كنت بشوف وش نيته ؟
رفعت حاجبها وباستنكار : وم حلت تختبره الا وانا
معك؟
ليث بهمس : المشاكل الزوجيه تنحل بالبيت مو قدام
خلق الله
طالعته بحقد : كيف !! هو لنا احنا بيت اصلاً؟ من شفت وجهك انعفس كل شي بحياتي
تنهد ولف لقدام
حور :تستاهل لو انك م سويت
خطتك الغبيه ذيك كان الحين ببيتنا احنا
ليث بابتسامه : وانتي الصادقه كان انتي بخبر كان
لفت عليه : شقصدك؟
ليث : مو وقته الحين بالله
تنهدت وصدت
بعد م ابتعدو عن المكان قد م يقدرون طلب ليث من صاحب
التاكسي انه يوقف وحاسبه بالفلوس اللي معه ونزلو
بالشارع لحالهم فاضي بالبرد !!
حور بتجمد : وين بنروح الحين؟
حط كاب الجاكيت ع راسه ومشى : مدري والله بنمشي لين م نلقى لنا مكان
تنهدت ومشت معه دخلو بحواري وهم يمشون وبنص هالبرد وبرجفه مرو من بيت الا بصوت العجوز بصدمه
: ولدي ؟ رجعت ولدي وقف ليث ولف يطالعها باستنكار
مشت له العجوز وضمته بقوه تبكي منهاره : ي يمه وينك وينك فقدتك ي قليب اميمتك وينك هالسنين والدنين وينك
لف ليث يطالع حور منصدم ومستغرب .. ابتعدت العجوز : ياقلب امك انت والله فقدتك ي بعد عمري والله
شهقت : انت بردان ادخل ادخل ي يمه ادخل
وسحبته معها ..
مسكت حور ايد ليث وسحبته : دقيقه وين ني خاله وين؟؟
العجوز : شفيك ؟؟ ولدي لايكون بتاخذينه مني هاه بتاخذينه
استوعب ليث : اشتقت لك انا بعد
وسحب حور ودخلو وقفلت الباب لفت حور له باستغراب قربت منه وهمست : هيه ي المجنون
انت هذي ي مجنونه ومخرفه ؟ او انها ساحره وناويه شي
ليث : واحنا لنا مكان غيره ؟؟
بنقعد هنا
شهقت بصدمه !