الفصل 14
14
الـــــــــــــــــبـــــــــارتــــ 1⃣4⃣ ...
📖🖌 @storykaligi 🍒🍃
انصدم !!! اما هي جمدت بمكانها باإحراج
تمنت ان الارض تنشق وتبلعها بهاللحظه
متوسعه عيونها بصدمه م رمشت !! بلعت ريقها بصدمه لثواني ووجهها مال
للاحمرار وايديها ترجف ومتصلبه بمكانها
اما هو يطالعها وهي بحضنه عجز يستوعب الموقف !!
فزت من مكانها بسرعه حست بالحراره
مكتومه م وعت برجولها وهي تمشي للحمام دخلت بسرعه
قفلت الباب وهي تتنفس بقوه وقفت ع المغسله
بصدمه : شسويتي ؟ انتي ي الغبيه شسويتي؟
صفقت نفسها : اخخخخخ كيف يطالعني ؟ اكيد اكيد بيقول هذي حركاتها بالاول تتخيل ان هالبيت مسكون وثاني خطه انها تطيح بحضني !
ضربت نفسها : ياربي خذني لك
وش هالفشيله ؟ ودي اموت !! الا اموت
نزلت نقابها وطرحتها فتحت المويه وهي تغسل وجهها
وتتنفس بسرعه وبرجفه : لا لا لا انا ماقدر ماقدر اكمل
لا خلاص بنقلع من هنا ااي اي انقلع
حطت ايديها ع وجهها وبفشيله : يع وش سويتي
ي حور !! اكيد يحسبني من البنات الخفيفات !!
ابعدت ايديها : لا اكيد هو بيستانس غمضت عيونها واخذت نفس عميق : شهيق زفير
شهيق زفير
فتحت عيونها : الخطه كالتالي اطلعي من هالباب ي حور
وع طول للغرفه حتى لو الغرفه ذيك مسكونه
تحملي اهم شي م تقابلينه اهم شي !! لفت طرحتها وعدلت نقابها شالت عبايتها وصلت
للباب اخذت نفس عميق تعد : واحد ، اثنين ، ثلاث
فتحت الباب بسرعه وركضت مدرعمه
الا ضربت فيه بقوه رجع ع ورا طاح الكيس من ايدينه حط ايده ع قفصه الصدري بألم
اما هي ارتدت ع ورا وحطت
ايدها ع جبهتها بتوجع مغمضه عيونها : دخت دخت
صد ع جنب واتكئ بايده ع الجدار وايده الثانيه ع صدره
: وجع م تشوفين ؟
فتحت عيونها : يوجعك اخخ راسي وش ذا اللي معلقه ع رقبتك بنت انت بنت ؟؟ كله من الحديده ذي وجعتني
بجبهتي ي مال الوجع
وصدت : البس واستر نفسك الله يسترنا وجع
تتمشى مفصخ ؟
ليث : ع الاقل احترمي العبايه اللي عليك ليش تركضين شايفه شي ؟
مشت بتألم وجلست ع الكنب : خلاص والله ابي انام تعبت من مشوار هاليوم اصص لاتكلمني ولا اكلمك اصص
م نشوف بعض م نعرف بعض
وانسدحت بمكانه واخذت اللحاف وتلحفت مشى واخذ
التي شيرت ولبسه : دقيقـ..
حور بتعب غمضت عيونها : لاتكلمني
تأفف ورجع للغرفه فتحت عيونها لما سمعت الباب يقفل
فزت ولفت شهقت انه دخل الغرفه قامت بسرعه
توجهت للباب تدقه : هيه ي مجنون لاتخليني لحالي افتح
ليث : الجني وراك
ضربت الباب بقوه برعب : انكتم جني يشيلك اطلع اقعد معي !!
الـــــــــــــــــبـــــــــارتــــ 2⃣4⃣ ...
📖🖌 @storykaligi 🍒🍃
تأفف وفتح الباب : ابي انام
رجعت بخطوه ع ورا وبهدوء واحراج : نام بالصاله
ليث : عاد ماعرف انام ع الارض
تأففت : بس هالليله لين م نطلع من هنا ياخي
ليث : طلعه ماراح نطلع
حور بيأس : طيب
تنهد ودخل اخذ الفراش والمخده وطلع ومشت وراه
: لو تشوف اللي شفته كان تعيف هالمكان وماتقعد دقيقه واحده
عقد حواجبه ولف عليها وابتسم : الحمدلله ماشوف
كشرت بضيق : ي برودك انت
ليث : بعتبر هذا اطراء شكراً
ولف مشى وحط المخده ع الارض والفراش
وهي وراه واقفه انسدح ع الكنب طالعته بعدم استيعاب
: هيه انا بنام ع الكنب !
عقد حواجبه : دقيقه نفكر انا من يوم يومي ع السرير
وحتى بالمصحه كنت انام ع السرير اما انتي وش كان
وضعك؟ ع الارض يعني وش اللي فرق الحين؟
قلت لك انا ماعرف انام ع الارض م ارتاح اذا مو
عاجبك م عندي مشكله نامي ع الكنب وانا بروح الغرفه بنـ..
قاطعته : لا لا خلاص نام ع الكنب كيفك هو اهم شي
م اكون لحالي
ضحك : ع طوله لسانك ذا وشخصيتك الشرسه م توقعتك خوافه
ضحكت بسخريه وازدراء : هاهاها بلاك م شفت اللي شفته
تأففت وانسدحت ع الارض بجنب الكنب اما هو
تعدل ولف ع الجهه قبالها وحط ذراعته تحت راسه
ويطالع فيها لفت عليه : خير ؟
ليث : م ظنتي من وراك خير
حور : لاتطالع !!
ليث : حلو
ولف شهقت : هيه هيه اقصد غمض عيونك لاتلف اخاف فيه بسم لله يطالع فيني ياربي والله كيف م تشوفهم
انت ؟
ليث بابتسامه : قلت لك جماعتك !
تنهدت وهي تطالع بالسقف : تتوقع ذاك مات؟
ليث باهتمام : الا صدق هو كيف دخل عليك
هزت اكتافها بدون م تلف عليه : مدري كذا تهجم
علي وانا نايمه اول مره اشوفه بس يعرف اسم اخوي قال ضاري
ليث : الا صدق اخوك وش متورط فيه؟
حور : يوه مشاكل كثيره حسبي الله عليهم ورطوه
سوو له فخ الله ياخذهم الله لايريحهم بهالدنيا
ولفت : تدري انـ.. الا عقدت حواجبها لما شافته يطالع بصدمه
وراها م رمش حتى!! ارتعبت بهاللحظه
بخوف : شفيـ..هه ؟
ليث بصدمه م طالع فيها : وراك شفته !
غمضت عيونها بقوه ومتمسكه بالفراش
وبرعب : بسم لله بسم لله بسم لله
الا انفجر بضحك فتحت عيونها بسرعه بصدمه
ليث : معليش والله طلعتي حساسه كيف اصلح ممثل يعني ؟
م وعى الا لما ضربته بقبضه ايدها ع ايده تألم
: احححح وش هاليد !!
حور بقهر وعصبيه : الله ياخذك .. فجأة طاح عليها من فوق الكنب بصدمة ارتعبت !!
الـــــــــــــــــبـــــــــارتــــ 3⃣4⃣ ...
📖🖌 @storykaligi 🍒🍃
رفع راسه بصدمه وهو يطالع ف عيونها
اللي متوسعه بنظرات مفجوعه من حركته
لثواني وهو يطالعها !! ابتعد بسرعه ع ورا
اتكئ بايديه ورا ظهره وهو يطالع بالكنب مصدوم
ولف يطالع فيها قامت وتعدلت بجلستها تطالع مفجوعه
من وقاحته !! رفع اصبعه بوجهها :دقيقه دقيقه قبل م تنطقين وتفلتين هاللسان مو انا اللي طحت !! استوعب : لا قصدي انا طحت صح بس مو بقصدي
حور بصدمه : وقح؟
ليث : اقسم بالله موب انا اللي طيحت نفسي وربي
فيه احد دفني من ورا
ولف يطالع ع الكنب بصدمه : والله بديت اصدق ان هالشقه مسكون !!
حور بسخريه : اها اجل الجني دفك فوقي انا الله شكثر هو رومنسي !!
لف عليها بنظرات ازدراء : ترى م نسيت طيحتك فوقي
تلعثمت : لا ذاك شي ثاني تعثرت بعبايتي
تأفف : ياذا العبايه
وقام : بسم لله جسمي كش شكلهم مايبونا بهالشقه ابد
حور: زين والله اقتنعت
قامت : يالله نطلع
ومشت
ليث : دقيـ..
دق جواله عقد حواجبه طلعه من جيبه شاف الرقم
بلع ريقه ومشى وراح للمطبخ بهمس يتكلم
اما هي واقفه تطالعه من بعيد وهي تشوف حركاته
كيف انفعل حط ايده ع عيونه طول فوق الربع ساعه
قفل واخذ نفس عميق واتكئ بايدينه ع الطاوله لدقايق
وهو يفكر حور بخوف : بسم لله شفيه ؟ لايكون سامع شي ؟
ترددت تروح له والا لا الا لما لف انتبه لها ولنظراتها عليه
صد اخذ نفس يحاول يستجمع نفسه ولف ومشى لها
جمدت بمكانها تطالعه وبملامح الكدر ع وجهه وقف قبالها
: حور
طالعته باستغراب : هلا
حط ايديه ورا ظهره عض ع شفايفه وهو يطالعها
متردد استجمع شجاعته ونطق : تتزوجيني؟
انصصصصصددددمممممممممممتتتتت !!!!! رجعت بخطوه ع ورا مفجوعه من كلامه وبحده نطقت
: مستحيل !! انسى والله مـ..
قاطعها : شفيك ؟ راضيه اننا نكون بهالحال؟ افهمي انا م احل لك ولا انتي تحلين لي
حور بحده : مين قال لك اني بقعد قبالك ؟ برجع
ضحك بسخريه : وين ؟ لاخوك اللي بالسجن والا لابوك اللي بالمصحه ؟ وين ؟ والا بالبيت اللي بيتهجم عليك
كل يوم واحد شرايك ؟ حور : مالك شغل ماراح اتزوجك
قرب منها : حور افهميني والله العظيم محتاج الزواج
بهالفتره وربي والله بس زواج ع الورق ماراح يكون فيه شي بيننا
حور : تدري شلون ؟ الشرهه علي اني طاوعتك وجيت لهنا
لفت واخذت شنطها من ع الطاوله ومشت بتطلع من الباب
لحقها بسرعه ومسكها ولفها عليه : وين وين وين؟
حور : فكني وانقلع
ليث : زواج مسيار
شهقت : اوووه مسيار بعد ؟ تحلم
ولفت بتطلع الا لفها عليه ورصها للباب وبتشديد: بنتزوج
ومسيار وشوي الصبح بعد !! انتي م تدرين وش المصيبه اللي طحنا فيها !
ارتعبت منه!!
الـــــــــــــــــبـــــــــارتــــ 4⃣4⃣ ...
📖🖌 @storykaligi 🍒🍃
ليث : عشان كذا خلينا نتزوج والله العظيم بس ورق بس !! ماراح اقرب منك حتى ي المجنونه
حور بصدمه : شصاير؟؟ ليث : هذاك بلغ اللي ضربته اننا مع بعض عشان كذا خايف الهيئه يمسكونا والاشي فخلينا نستعجل
رفعت حاجبها : اتزوج مجنون؟
ابتسم : لا ع اساس انتي طالعه منها !
كشرت : ماابي انسى
ليث : وش بتسوين لاطلعتي من هنا قولي لي ؟ تبين هالموقف اللي قبل كم ساعه يتكرر معك
؟ كشش جسمها وبحده وقرف : اصصص لاتجيب
طاري ذاك الحيوان
ليث : خلينا نكون واقعيين وش تبين تسوين؟
رفعت عيونها له بنظرات تحدي : بقعد عند ابوي
رفع حاجبه باستنكار : بالمصحه بيخلونك
تقعدين عنده زين خلو لك زياره إسإليني انا
مستحيل تبقين عنده زين ان م طردوك برا ..
تذكرت كيف طردوها بليلتها البارحه تنهد بضيقه
ليث : وافقي ي حور والله لمصلحتك ولمصلحتي
حور : لمصلحتي اتزوج واحد وانا ماعرفه !!
ليث : حشى لي يومين معك كل هذا وماعرفتيني ؟
رفعت حاجبها وبازدراء : لا والله تشوف يومين تكفي؟
ليث : ان لله بس فتره مؤقته لين م تتعدل اوضاعك
حور :مابي اصلاً بيرفض اخوي ابشرك
ليث : مو لازم يدري هو يالله بمشكلته الحين بناخذ الموافقه من ابوك
طالعته بصدمه : ابوي ؟ ابوي ماله مقدره مجنون
انت وبعدين كيف تبينا نتزوج ؟ نروح له للمصحه مع المملك ؟ صاحي انت ؟ تبيهم يمسكونك؟
ليث : نطلعه ونجيبه هنا
حور : ما ابي اصلاً ليه مستعجل ؟ هه ناسي ان اقل شي لامور الزواج فيه تحليل وغيره؟
ليث : وش نبي بالتحليل دام اني ماراح اقرب لك ؟ طالعته بصدمه تو تستوعب !!
ليث : يالله ي حور لانطولها لاتصير مشكله اكبر من ذي !! اوثقي فيني
حور : مسيار بعد تبي ؟ ليث: اي تبين زواج بشرع الله ماعندي مشكله
قاطعته : لا لا
وصدت بتردد تحس راسها بينفجر من التفكير نزلت
عيونها بالارض وهي تحس نفسها بين صراعين !!
ليث : راضيه ع نفسك اننا نكون بنفس المكان واحنا
م نحل لبعض ؟ كيف لو امسكونا بعدين بخلوه !! مافيه الا الزواج اريح لي ولك والله لوضعنا هذا صعب لازم حتى عقد زواج حتى لانقلنا لفندق او اي مكان
لفت عليه وبتردد تطالعه
ليث : حور والله وربك واحلف لك بالمصحف انه بس مسمى زواج بس !! غمضت عيونها وهي تحاول تصفي تفكيرها وتسيطر ع نفسها
ليث : اخاف ياخذونك وبعده تتبهذلين ولا اقدر اساعدك !!
فتحت عيونها تطالعه
ليث : الدنيا ماعاد هي بخير صدقيني
بقت ساكته اما هو يطالعها بنظرات ترجي غمضت
عيونها واخذت نفس عميق ونطقت بسرعه طيب موافقه
توسعت عيونه بصدمه : موافقه يعني خلاص ؟
هزت راسها بإيه ..
الـــــــــــــــــبـــــــــارتــــ 5⃣4⃣ ...
📖🖌 @storykaligi 🍒🍃
ليث : الصبح ان شاءالله بنملك حلو !
رفعت عيونها له وبنظرات هاديه تنهدت : طيب
ليث : ابي منك شي واحد بس معك هويه ابوك
عقدت حواجبها : اتـ..وقع
ليث : حلو ابيها الحين
حور : ليش ؟
ليث : عشان عقد الزواج ي الغبيه
حور : اها !! طيب
فتحت شنطتها ومحفظتها تنبش فيها لحد م لقتها
اعطته : هذا هو صح؟
اخذه يقراه : اي اي هو
ورفع عيونه : بطلع اخلص اشغالي وارجع ماراح اطول
شهقت : وين وين وين ؟؟ لف عليها : شفيك؟
حور : بتخليني هنا لحالي ؟
تنهد : يوه نسيتك يالخوافه
كشرت : ع اساس انك م خفت ؟
ليث : الشكوى لله خلاص مثل م تبين بس بعد الفجر بطلع
تنهدت : اذا طلعت الشمس تروح وبعدين دور لنا شقه غير ذي والله م ارتحت
حك جبهته : ولا انا والله
مشى وجلس ع الكنب تعوذ من ابليس اخذ جواله
واتصل ع حسني : الو
حسني : ايه ي ابني
ليث : تعال خذ البطاقه ولاتنسى تسوي لي نسخه
من اوراق تحليل الزواج تزوير قبل الساعه ٩ او ١٠
حسني : دنت بتأمر ي باشا
ليث بضحك : تسلم والله لبى خوين م يخلي خويه
وقفل
حور بعدم استيعاب : تزوير ؟
ليث : بتطول الاوراق وبعدين بيشوفون اسمي وغيره
حور : م ادري عنك الله يستر بس
ليث : لهالدرجه منعدمه الثقه فيني ؟
حور : واكثر والله
ليث : مو مشكله انـ..
دق الجرس : اكيد حسني
وقام توجه له وفتح الباب وطلع عطاه البطاقه وطلب منه
يزورها حتى يكون هو حسني كانه ابو حور
واتفقو ورجع ..
شافها ع الكنب جالسه ومتكيه
براسها ع حافه الذراع للكنب غفت من التعب !
تنهد ومشى لعندها قرب وهمس : هيه حور ؟
فتحت عيونها بسرعه طالعت فيه استوعبت نفسها
ليث : بسم لله خوفتك ؟ بس بغيت اقولك انسدحي ونامي كذا ماراح ترتاحين
طالعت حولها استوعبت
تنهدت وانسدحت ع الكنب وتلحفت وغرقت بسابع نومه
من التعب واللي صار لها اليوم م عطاها مجال تفكر
اما هو بعد م تأكد انها نايمه قام ونزل تحت طلع برا
وابتعد ع جنب بالظلام ابتسم وسلم عليه : ماشاء الله عليك ممثل
ابتسم ناصر " هو اللي حاول يعتدي ع حور " : ولو اعجبك
ليث : ابيك تختفي من هنا ولاكأن شي صار حلو؟
ناصر : ولايهمك بس بشر لو خطتك نجحت ي البطل
ليث بضحك : م كانت سنيني بهالمصحه عبث
يالله روح بسرعه قبل محد يشوفك
ناصر بضحك : يالله سلام وسلم لي ع المزه اخت ضاري
ليث : نعنبو وجهك زوجتي ذي انقلع انقلع !! ضحك ومشى اما ليث رجع للشقه دخل
شافها مثل ماهي ع وضعها اتكئ ع الباب وبهمس : صح اني نذل بس محتاجك بوضعي ..