أهيم في عيناها فأجن بملامسة شفتي شفاها - الفصل 13 - مكتملة | روايتك

13 الـــــــــــــــــبـــــــــارتــــ 6⃣3⃣ ... 📖🖌 @storykaligi 🌻🍃 عند ليث اللي اتسعت ابتسامته : بشويش وفر ع احبالك الصوتيه الصراخ مسكه وعدله بوقفته بالجدار عض ع شفايفه بحماس وخنقه بقوه وبايده الثانيه ضربه ع وجهه بقوه من قوتها ارتد وجهه للجهه الثانيه صفقه كف .. بحركه سريعه من هالشخص مسك ليث من ايده ولفه بقوه شهقت حور لفت بسرعه تدور عبايتها > نقطه ترى ليث شغل النور بلحظه م دخل اخذت تدور عبايتها وتلبسها بسرعه ونقابها وايديها ترجف بقوه بلحظه م كانت بتقوم طاح ليث ع ظهره وارتمى فوقه هالشخص وهو يضرب فيه بقوه لكم ليث ع شفايفه انجرح حط ايده ع شفايفه حس بنزيف الدم مسكته حور بقوه وسحبته تبي تبعده عن ليث الا سحبها هذاك الشخص ورصها للجدار وقرب منها وهي تضربه تبي تبعده وبصراخ وقرف تصيح وتضربه بقوه ما لقته الا طايح ع الارض بعد ما ضربه ليث بالفازه القزاز اللي تناثرت ع الارض وبالدم جمدت حور بصدمه !! ليث رفع عيونه لحور : تهقين مات حور بصدمه مشت لعنده برجفه وهي بتمسكه الا صرخ عليها ليث : لا تلمسينه م ندري ميت حي بصماتك ي الغبيه !! سحبت ايدها بخوف : ليث باستعجال : مافيه وقت ابد مافيه بسرعه خذي اغراضك !! طالعته بصدمه : شتقول انت ليث : ي المجنونه خذي اغراضك نطلع من هنا قبل محد ينتبه هذا مو واحد هذا وراه شله اكيد بسرعه م استوعبت اللي قاله الا بصراخ ليث سحب شنطتها وعطاها اياها و طلع للمطبخ واخذ كيس يجمع فيه الاكل بسرعه واللي ممكن يسد جوعهم بهالكيس طلع بسرعه للغرفه الثانيه اخذ شنطه الظهر وحط فيه ملابس ضاري يقدر يتخفى فيها هالايام من بعد اللي صار !! اما هي برجفه جمعت اغراضها وقبل م تطلع لفت تطالع بالشخص وهو م تحرك ولو بشبر خافت طلعت بسرعه طلع ليث بوجهها : خلصتي ؟ هزت راسها بإيه بربكه ليث : دقيقه م اخذتي لحاف شي ؟ طالعته حور بعدم استيعاب : كيف بشيلها؟ احنا وين بنروح عطاها الاكياس : اصبري ودخل بسرعه لغرفتها مشى بهدوء اخذ اللحاف طرفه يغطي ايده وسحب المفتاح والمحفظه من ثوب الشخص اخذ المفارش وطلع بسرعه : امشي ! طلعو وهو يتلفت حوله لقى السياره ع جنب وتحت شجره عرف انها سياره هذاك لف عليها توجهو للسياره وركبو لف عليها : متأكده كل شي اخذتيه؟ حور : اتوقع بس وين بنروح؟ ليث : بعدين بعدين شغل السياره ودعس البنزين بسرعه لبعد ساعه تقريباً ركن السياره ع جنب وسحب بريك عقدت حواجبها ولفت عليه : وش هالمكان ؟ ليث :مثل م تشوفين شقق !! زين تذكرت واحد هنا ان شاء لله يفزع لنا بشقه طالعته بصدمه : مو من جدك ؟ انا وانت بشقه تجاهلها نزل ونزلها من السياره غصب .. الـــــــــــــــــبـــــــــارتــــ 7⃣3⃣ ... 📖🖌 @storykaligi 🌻🍃 *تنحت : من جدك ؟ ابتسم باستغباء : لا اكذب تنهد ولف ومشى ومشت وراه باستسلام دخل لداخل الا المصري بوجهه بالريسبشن ابتسم ليث : هالو رفع عيونه حسني وانصدم : ااااه ؟ دنتى ليس ؟؟ تنهد ليث : ياخي بالثاء ليث ليث مد ايديه حسني وتوجه له بفرحه بعدم تصديق ضحك ليث وضمه حسني بصدمه : دنا مش مسدئ والله العظيم اااه ي ريحه الطيب ابوك ليث بتنهد تكدر وهمس : الله يرحمه وابتعد عنه : اخبارك انت ؟ خفت بعد هالسنين م تكون موجود ولاالقاك هنا ضحك حسني : ماتخافش ي ابني دنا موقود بكل وئت ليث :ابي فزعتك بالله حط ايده حسني ع كتف ليث : انا تحت امرك ولو ! ليث : ابي ابقى هنا كم يوم تعرف ماعاد من بعد الوالد والمشكله ذيك م صار لي مكان ! حسني بفرحه : دنا تحت امرك ولو عينيا ليك وقرب وهمس وبغمزه : انتا والمدام وكده ؟ ضحك ليث : اااي عاد يكفينا لو غرفه وحمام مامعي شي والله ابي اكون نفسي تكدر حسني : م شوفتش الاخبار ؟ ليث : ادري صورتي مرزوزه بكل حته حسني : ااه ي عمك دا دنا عايز اأتلهوش ليث : الله يعين وضحك : يالله عاد دبرني !! حسني : شوف فيه غرفه وصالون وحمام ومطبخ صغيرت كده عاوزه ؟ ليث : ي شيخ عادي نمشي انفسنا هالايام حسني : ماشي ي باش مهندس ولف : ياتامر !! ي تاااامر طلع : في ايه ؟ حسني : خود الباشا والمدام لشئه ١٢ وساعدوهم تامر : حاضر ليث : ماراح انساها لك والله مشكور ي باش مهندس ضحك حسني : ولو دنتا من ريحه ابوك الطيب ابتسم ليث : يالله مابي اطول عليك مع السلامه حسني : بسرعه أبل محد يشوفك لف ليث واشر لها ومشت معه صعدو فوق ودخلو ليث : بنزل اجيب الاغراض من السياره قفلي الباب وراي حور : اوك طلع وقفلت الباب نزل لتحت ليث : ي حسني لف عليه : في ايه ؟ ليث : ابيك بشغله وقرب وبدأ يهمس __ اما هي تطالع بالمكان تعجبت : الحين انا وين بنام ؟ لا لا باخذ الغرفه غصب مالي دخل وهو ينثبر هنا بالكنب دخلت للغرفه جلست بتملل : ياربي وش اسوي هنا ؟ هذاك مات وتلا؟ يارب مامات يارب اوووف اموت واعرف مين هو ؟؟!! قعدت نص ساعه استغربت انه م جاء طلعت للصاله بتشوف من الشباك الا دق الباب توجهت وقبل م تفتحه مين ؟ ليث باستهبال : انا الذيب باكلكم غمضت عيونها بيأس وهزت راسها : يارب صبرني عليه وفتحت الباب الا بكومه الاغراض اللي معه !! ونزلها ع الارض وقفل الباب رجعت للصاله طالع بالشقه وحط ايديه بجيوب جاكيته : اااي ؟ يعني صاله وغرفه؟ حور بثقه : طبعاً انا الغرفه ! لف عليها وباستنكار : انا اللي لقيت هالمكان ع فكره ! شهقت : مو ع كيفك .. ليث بعناد ؛ انا الغرفه حور وبتشديد ع كلامها : انت الصاله تقدم خطوه وعقد حواجبه : الغرفه ابتسمت حور وتكتفت وبعناد : انت الصاله ليث : ليه تعاندين ؟ حور : لان هذا طبعي ابتعد وحط ايده قدامها : شوفي بالبدايه يوم كنت ببيتكم كنت محترم نفسي ومنحشر بالغرفه وساكت وماتشرطت ! حور ببرود تعانده : لان مالك حق تفتح فمك مو بيتك اصلاً غصبا" عنك تسكت دامك حشرت نفسك بغرفه رفع حاجبه بدهشه : اوف اوف وش هاللسان !! حور : ليه حسبالك من البنات الضعيفات اللي يخقون ع خشه واحد ويذوبون ؟ هه لا ي ابني انا حور بنـ.. قاطعها : لاتسردين لي اسمك الثلاثي شبي فيهم ؟ حور : هالاسم يسواك ويسوى عشرة من امثالك قرب : لا والله ثابته بمكانها بجمود م تحركت وبثقه : واعيدها ان تبي تسمعها بوضوح ؟ ليث : اها حـ.. فجأة ركض بسرعه للغرفه ودخل وقف ع الباب : لي يعني لي لا انتي ولاغيرك بيمشي رايه علي ! وضرب الباب اما هي تطالعه ببرود ابتسمت ماخذ ثانيه الا فتحه وبنظرات حقد : المفتاح !؟!! رفعت ايدها تأشر بالمفتاح : ت ح ل م تنهد وطلع : خلي عنك حركات البزران حور : تقصد نفسك ؟ ضحك : لا لا لا مسويه فيها بتنسفين جبهتي حور ببرود : هو بقى لك جبهه اصلاً من كثر م انسفها ؟ مشى لها خطوه بخطوه بهدوء وهو يستدرجها بالكلام : معليش ترانا كبار عاقلين انا واحد ابي انام بالغرفه واتفصخ براحتـ.. حور : مضيع الحمام ؟ قرب : خير شدخله بالحـ.. مد ايده بلمحه البصر بس ذكيه رجعت ايدها ع ورا بسرعه تنرفز : عطيني ؟ هزت راسها بلا ليث : وبعدين معك حور : انا البنت انا اللي ابي الغرفه والا انت بالطقاق شهق :انا بالطقاق؟ انا اللي جايب هالمكان !! حور : والله عاد يكفي اني كرمتك ببيتنا ليث : واضح ي ام لسان الكرم واضح هاتي حور : مابي وبعدين بعد عني اوف شوي وبتلصق بخشتي ! ليث : طالق يالله برا اندهشت : نعم ؟ ضحك : لا لا استهبل تخسين تصيرين زوجتي ! حور : مين قال اني برضى بواحد مثلك !! ليث : عطيني لا اكوفنك هنا حور : ارحمني ي مكفن الموتى ليث بصراخ يبي يخوفها : لاتعصبين بي !! حور : ارفع صوتك محد سمعك !! يالله ارفـ.. الا رن التلفون مشى ورد : هلا حسني : في ايه ي ليس ؟ ليث بنرفزه : يخرب بيتك اهلي م انتظرو ٩ شهور وتعبت امي فيني وابوي ينتظرني ويجهزون لي اسم ويسموني ليث حتى تجي انت وتخربه ليسس ؟!!! ضحكت : قول قول له جعلهم يليسون راسك ! انفجر بضحك : حشى اسمنت هو؟ مابي اخربها وننطرد انا وانتي برا هالشقه !! الـــــــــــــــــبـــــــــارتــــ 9⃣3⃣ ... 📖🖌 @storykaligi 🌻🍃 اشر لها وحط اصبع ع شفايفه : اششش ولف : اي هلا حسني : انت انقنيت والا ايه ؟ ليث : محدثك خريج مصحه نفسيه حسني : واضح انك تأسرت بالمصحه ي ابني ! ليث : شايف كيف؟ حسني :ع م يئولو السعوديين انخمد ليث بضحك : ياخخخ كيوت وانت تقولها حسني بضحك : مقنون لاتزعقنا نام ي ابني ليث : تصبح ع خير حسني : وانت من اهله مشت للغرفه بثقه الا قفل بسرعه وركض ووقف ع باب الغرفه قبل م تدخل صنمت !! رفعت راسها لفوق بما انه هو اطول منها م توصل الا لصدره !! حط ايديه مددهم ع الباب : قلت لك انها لي ! رفعت حاجبها وبنظرات الازدراء ب عيونها العسليه : انا م احل لك افهم ابي باب اقفل عليه نفسي ليث : تراي مؤدب حور : واذا ؟ يعني واثقه فيك؟ انا م وثقت بعقلك مو عاد اوثق بتصرفاتك ليث : مو مجنون حور : واضح يالله وخر ليث : عاد م اخذ راحتي الا بباب مقفول علي حور : اعتبر نفسك مقفول عليك بالصاله لاني بالغرفه ماراح اطلع والله ليث : طيب ليه م تقولين الكلام هذا لك ! تلعثمت : لا انا غير ليث :اها اي صح نسيت انتي بنت ابتسمت : اي ليث : لا ولف بيدخل شهقت : اوووف منك اوف وبنظرات استعطاف : تكفى خلني انام هنا تكفى تنهد ولف عليها : يوم بس يوم هزت راسها بفرحه : اي اي ودخلت وطلع هو سكرت الباب م قفلته ونزلت عبايتها وعلقتها بتعب اما هو اخذ الفراش وانسدح بالصاله ع الكنب وقلل من نور الاباجوره نزل تي شيرته وحطه بجنبه نزل السلسله اللي ع رقبته وهو ييطالع فيها ويقلبها بايده وبتنهد : الله يرحمك هذا الشي الوحيد الي بقى لي منك " كانت سلسله بمنتصفها مستطيله شبه مربعه حديد هاذي امانه ابوه له من قبل م يموت م عاد ليث ينزلها من رقبته ابداً" حط ايده تحت راسه وايده الثانيه ماسك فيها الحديده المستطيله تنهد ولبسها ورجع بينسدح الا فز من مكانه ع صراخها قام بسرعه ركض فتح الباب لاشعورياً بيدخل الا وهي طالعه ضربت بصدره بقوه ارتد ع ورا وضرب الجدار وتأوهً بألم وهو بيفتح عيونه الا حطت ايدها ع عيونه وبخوف ورجفه : لاتطالع !! وسحبته وصارت وراه تتخبى فيه وبرجفه : تشـ..وف شي ؟ ليث بسخريه : كيف بشوف وانتي مغطيه عيوني استوعبت : اه صح وبعدت ايدها بخوف مرعوبه وهي تتلفت حولها عقد حواجبه : شفيه ؟ وهي فيها الصيحه : عطنـ..ي عبايتي استغرب سحبها وعطاها وهي تسمي وتقرأ من الخوف لبستها وطلعت برا عقد حواجبه ولف عليها وهي عند الباب : شسالفه؟ لفت عليه بخوف : مابي الغرفـ.. فجأة انخطف لون وجهها باللي وراه م قدرت ترمش حست رجولها انشلت وبرجفه : لاتطـ..ـالع وراك ! الـــــــــــــــــبـــــــــارتــــ 0⃣4⃣ ... 📖🖌 @storykaligi 🌻🍃 عقد حواجبه : شفيك ؟ وهو بيلف الا غمضت عيونها بسرعه وهي تسمي بالرحمن لف طالع لثواني مستغرب ولف عليها نزلت ايديها وهي م تسمع صوته بخوف .. انصدمت ماعاد فيه شي وراه !!! اشر لها بايده بمعنى مجنونه : عقلك بدأ يخبط ؟ حور بصدمه وبعدم تصديق تلتفت وراه : شفـ..ته ؟ وين ؟ وين راح بسم لله لف ليث يطالع ولف عليها : وشهو اللي شفتيه ووين راح ؟ اما هي بصدمه حطت ايدينها ع راسها : كان وراك؟ م شفته انت ؟ لا لا قول انك شفته تكذب صح ؟ ليث : اشوف مين ؟ بدت تنجن : ياااخي والله مو معقوله م شفت شي ؟ ليث : شي مثل وشو ؟ حور : ليث وربي بنجن م شفت شي ؟ ليث : والله م شفت شي حور بعدم راحه : بسم لله ليث : الرحمن الرحيم تنرفزت : وجع شفت جني بسم لله بسم لله رفع حاجبه : والجني م تشوفينه الا انتي ؟ اجل خويك ضربت ع ايده : وجع بسم لله علي ليث : حلو يعني فرصه اني انام بالغرفه ولف الا مسكته وبصراخ : والله م تنام بالغرفه والله حلفت نبي نطلع لف عليها : مهبوله ؟ طلعه والله م نطلع زين لقينا مكان وضعي م يسمح ادوج بالشوارع حور : وجع خلاص بالصاله اقعد معي ! والله بعد اللي شفته خلاص ماقعد لحالي والله تأفف : مزعجه حور : قفل الغرفه ! تأفف زياده وقفلها ولف ومشى ومشت وراه بسرعه وهي تتلفت بخوف انسدح بالكنب وجلست هي بالارض بجنبه ووجهها قباله وضمت رجولها لها وهي تسمي وتقرأ ع نفسها وتتحصن اما هو يطالع فيها بضحكه : وش شفتي بالله ؟ رفعت عيونها له : لاتذكرني والله احس قلبي بيوقف قفل قفل ع السالفه النوم بيفارقني دهر ع اللي صار !! حط ايده تحت راسه يطالعها بضحك: اوصفي لي شكله؟ حور : اصصصصص ! ليث بعناد لف ع الجهه الثانيه وعطاها ظهره وغمض عيونه وهو يتثاوب بينام ارتعبت بهاللحظه قربت له وهزته وهي تتلفت حولها : هيه لا تنام ولف لقدام بتأفف لف لقدام : زين كذا ! ارتاحت وابتعدت جلست تهمس : استاهل والله دعوتي لما قلت لام لسان جني جعله يهجدك اخر الليل هذا هو هجدني حطت راسها ع ركبها : ياربي !! تأففت ورفعت راسها الا لمحت شي اسود يمر بسرعه بينها وبين ليث انفجعت لاشعورياً ارتعبت لما شافت ليث مغمض عيونه زحفت لعند وجهه بسرعه تضربه : الله ياخذك قوم فتح عيونه وبنعاس : شفيك بعد ؟ حور بدموعها : والله اختنقت مو معقوله اللي اشوفه لاتنام تكفى طالعها بضحك : لو زوجتي كان نومتك بحضني ضربته وبضيقه : الله ياخذك والله مو وقتك ! ضحك : طيب نامي على الكنب وانا بقعد ع الارض بجنبك بخوف قامت برجفه تعثرت بعبايتها بهاللحظه الا طاحت عليه !!