الفصل 9
9
الـــــــــــــــــبـــــــــارتــــ 1⃣2⃣ ...
📖🖌 @storykaligi 🌻🍃
وقرب
وبابتسامته : اسمعيني
بعيونها العسليه تطالعه بنظرات مفجوعه
تحس انفاسها انحبست بداخلها وبارتباك
غمضت عيونها وهي مو قادره تتنفس كيف تتذكر شكله يوم يقاوم الممرضين
ونظراته مختل عقلي ارعبها ضحكته
اللي م تفارق مخيلتها كيف بتتخلص منه !! كيف بتنحاش !!
ليث بهمس : ي هيه ؟ مو وقت نومك والله
ارتعبت بهاللحظه !! شدت بقبضه
ايديها بزياده وبقوه اخذت نفس عميق
تستجمع شجاعتها فتحت عيونها بسرعه وبنظرات
حاده وتحدي ابعدت ايده بقوه وبعصبيه
وبتهديد : شوف !! ترى والله مالي خلق لك
يكفي اللي فيني وربي هاه لاكوفنك هنا
وضربته ع صدره تدفه ورفعت ايدها وبسبابتها
تهدد : ان قربت مني بس خطوه تخطيها لي والله
واللي رفع سبع وبسط سبع لاجمع كل اللي هنا عليك واخليك تنسجن حتى تعرف ان السجن اقشر من هالمكان انقلع عن وجهي وفكني منك
ي المجنون !! ولفت بتفتح الباب الا مسكها ولفها عليه : دقايق
بس هيه بغض النظر عن هواشك و الهياط ذا بمشيه
بس اهم شي ابي منك تساعديني بهالدقيقتين الجايه
بس دقيقتين وبعدها ماراح تشوفين رقعه وجهي يالله
عاد ترى بس دقيقتين بس !!
عصبت عليه : شتبي مني فكنـ..
ليث : شوفي اقولك دقيقتين وبعدها انا بطريق وانتي
بطريق
رفعت حاجبها وتكتفت : نعم نعم امرك طال عمرك شتبي ؟
ابتسم بحيا وهو يمسح دقنه : مايحتاج طال عمرك تعرفيني متواضع وكذا
ابتسمت ببرود : ماعرف الا واحد مريض مجنون قدامي
تأفف وتخصر : وبعدين معك وش هاللسان ؟ طالعته بنص عين : اوصف شكلك اللي متناسي تشوفه
ليث : شايف وشبعان من اللي هنا من كثر م يذكروني
فيه اوف عاد هي بس شغله بسيطه تنحشيني وخلاص
رجعت ع خطوه ورا بدهشه اشرت ع نفسها : هه انا انا حور انحش واحد مجنون م يندرى يقتل مين من خلق الله !!
عقد حواجبه : اقتل ؟؟ استوعب : اهها ااااي اقتل ليش لا لاتحسبيني م راح اقتل اللي يقرب لك هنا اسويها ترى عادي ماعلي حرج
لو م تطلعيني لاقتله !! خافت و انقبض قلبها و واضح نبره الخوف بصوتها اللي
تحاول تكون شجاعه قدامه : نعم ؟ ميـ..
قاطعها: شفتك بالغرفه رقم ٤٧
جمدت ملامح وجهها بخوف : كل شي الا ابوي
لا تقرب عليه !!
ابتسم وعرف انه قدر يأثر عليها : عشان كذا شي واحد بس ابيه تطلعينـ..
فجأة الا اعتلت اصوات جرس
الانذار شهقت بخوف الا بثواني لما
سمع صوت السستر م عطاها مجال انها تستوعب
سحبها معه لداخل الحمام وقفل الباب
صرخت : خخخخخخيييـ..
حط ايده ع فمها وهمس : هذي خطتي ي غبيه !! الا انفتح الباب !!
الـــــــــــــــــبـــــــــارتــــ 2⃣2⃣ ...
📖🖌 @storykaligi 🌻🍃
الا انفتح الباب اللي حق الغرفه
لف ع باب الحمام وهو يسمع الممرضه تتكلم
بسرعه مرتبكه
رمشت بسرعه بعدم استيعاب
الدكتوره عفاف باستعجال للممرضه : بسرعه
طلعو المرضى بسرعه
بحوسه وربكه واستعجال مع جرس الانذار
بالممرضين اللي يطلعون المرضى ويخلون المكان
وبصراخ وازعاج من الامن وبلاغ للدفاع
المدني قعد لثواني فقد صوت بالغرفه ابتعد عنها
بهدوء وتوجه لباب الحمام فتحه مالقى احد تنهد
براحه ولف بسرعه لها : انتي
بتكملين هالخطه
حور باستنكار : اي خطه؟
ليث بتنهد : اخخخخ م توقعت اني بطيح بوحده غبيه مثلك !!
عصبت : احترم نفسك مافيه احد غبي غيرك ي المجنون
وبنبره حاده : وخر عني بطططلع !!
ليث : دقيقه !!
تأففت بعصبيه : شتبي ؟
مسكها من ايدها وسحبها لبرا الغرفه
سحبت ايدها منه وبعصبيه : لا تلمسني تفهم لا تلمسس !!
بعد ايده : بسم لله !! ترى بس تحمست شوي اعوذ بالله
ي ايدك ذي اكليها !! تنرفزت : اي اكلها عندك مانع؟
ليث بهمس : اعوذ بالله وش هالادميه ؟
المهم اسمعيني وفتح الباب بشي بسيط وهو يشوف
الناس يركضون بزحمه وصراخ
كل واحد همه كيف ينقذ نفسه !
شهقت : ااابوي !! ابووووي داخل ؟!
ضرب جبهته : يااااخخ غبيه ذي !! ياختي افهمي هالانذار كذب كذب متفق مع واحد يشغله
بذا الوقت والله كذب بس عشان تنجح خطتي وانحاش
عقدت حواجبها : بسم لله اشك فيك
ضحك : المهم اسمعي شايفه ذيك الغرفه ؟
اشر عليها لفت : ااي شفيها؟
ليث : شايفه ذيك العبايه اللي معلقه ؟
رفعت حاجبها : اي اشوف شقالو لك عمياء ؟
ليث بابتسامه واسعه : جيبيها لي ابي البسها
وامشي معك وبنطلع من باب الطوارئ الي بعد هالممر
بقت تطالع فيه بتعجب !! ضحك وهو يحك حاجبه : شسوي والله ماعندي الا
هالطريقه يالله عاد
طالعت فيه من فوق لتحت : انت شكلك صدق مو شايف
نفسك بالمرايه !! شجاب طولك وجسمك لعبايه؟؟ رفع حاجبه بضحكه : ماعليك ترى هالدكتوره قست
طولي بجنبها وطلعت اصغر مني بسانتي بس مو مشكله مين بينتبه ؟ اصلاً بين هالازعاج والزحمه مين بينتبه لمشيتي ؟
صرخ عليها : بسرعه مابقى شي يالله !!
تروعت : طيب طيب
تأففت بقهر وطلعت توجهت للغرفه فكرت انها تنحاش
بس حست انه ممكن يسوي شي بابوها وهي تتلفت
حولها حتى محد يشك فيها دخلت للغرفه ع السريع اخذت
العبايه وهو يراقبها من الباب مشت بسرعه
وهي تطالع
حولها فتح الباب ودخلت بسرعه اخذ العبايه بيلبسها عقد حواجبه ولف عليها : ساعديني ماعرفت !!
تأففت بقهر وساعدته يلبسها م تحملت الا انفجرت ضحك عليه !الـــــــــــــــــبـــــــــارتــــ 3⃣2⃣ ...
📖🖌 @storykaligi 🌻🍃
انفجرت ضحك عليه خزهها : مافي شي
يضحك !!
حور : ياليت لو فيه مرايه حتى تشوف هالمسخره !! فتح الباب وسحبها وطلعو
بين الزحمه والازعاج والناس اللي تركض
والاصوات والصراخ مشى هو بجنب الجدار
وهي بجنبه يحاول يمشي زين اما هي خايفه
ان فيه احد يكشفها وتتورط وتفكيرها محصور بابوها
م تدري عنه ضاق صدرها وساهيه م وعت الا
لما سحب ايدها شهقت بخوف لما سحبها ع جنب
حور : وجع تروعت !
ليث : معليش المره الجايه بستأذن !
حور : هه ي خفافه دمك !!
ليث : ادري والله المهم عقلك وين تمشين بالله مثل الغبيه !! مو قايل لك من هنا بنطلع !!
حور : شيعرفني انتي اللي ساكن هنا والا انا ؟
ليث بتحلطم متى اطلع بس وانزل هالعبايه انكتمت !!
حور : ابي ابوي
رفع عيونه لها : معليش مو بزر انتي
ضربته بقوه : كل تبن وانكتم ابي اطلع !!
تنهد والتفت حوله : من هناك الباب حق الطوارئ
مشت : يالله
الا سحبها : خير وش هالاستعجال بتروحين من دوني !!
حور : مين انت بالنسبه لي حتى اهتم اذا بتروح معي والا لا
تنهد وتجاهلها ومشى يتأكد من الممر مافيه الدكتور
صلاح ولاعفاف مسك ايدها سحبت ايدها بقوه وهي بتعصب الا لف بسرعه : خلاص خلاص اصصص والله نسيت والله اسف !!
كتمت غيضها ومشت وراه لحد م طلعو من باب الطوارئ
بسرعه والاسعاف والدفاع المدني وسيارات الشرطه
والزحمه برا
حور : ابوي وينه لايكون صدق فيه حريق وتكذب علي؟
لف عليها : ياخي والله كذب والله !
حور : طلعه وطلعت انقلع عني وياويلك لو جبت طاريي والاطاري ابوي اني انا اللي نحشتك وربي واللي خلقني ماراح ارحمك
ليث : ي كثر ذنوبك ع هالحلف !! كفريه
عصبت منه
ضحك : خلاص ياخي اسفين حقك علينا يالله سلام
وروحي لحضن ابوك تكه وبتبكين !!
ضربت برجلها بالارض وبعصبيه : يالححـ.. ابتعد وراح : مع السلامه ي ام لسان
بهاللحظه تكدر خاطرها تذكرت ضاري اللي يناديها بهالاسم بغصه لف وتوجهت للمرضى تدور ابوها
بينهم لقته مشت له بسرعه وحضنته وهو ينادي باسمها
: انا هنا ي الغالي هنا
تنهد براحه : الحمدلله ي بنيتي انك بخير الحمدلله
ابتسمت وابتعدت ومسكت ايده : بجنبك لاتخاف
ماهي الا ربع ساعه الا اعلنو انه انذار كاذب ومافيه
شي وبدوأ يدخلون المرضى لداخل وهي بتدخل مع ابوها لغرفته الا طردها الدكتور بأن مافيه مرافق ولازياره
م قدرت تتحكم باعصابها وتهاوشت معه طلعوها الامن برا المستشفى عصبت بقهر وتنرفزت مالقت الا انها تطلب تاكسي وركبت متوتره لاول مره تركبه بس م بينت خوفها كل همها كيف توصل البيت وتروح الصبح من بكره لاخوها ..
الـــــــــــــــــبـــــــــارتــــ 4⃣2⃣ ...
📖🖌 @storykaligi 🌻🍃
سبحان لله " وصلت البيت الا لما طلب صاحب التاكسي فلوسه
حور : دقايق اجيب فلوسي من داخل
دخلت وهي خايفه انها م تلقى شي بدت تنبش
بشنطتها اللي بغرفتها لقت ١٠ بس تنهدت بضيق
وراحت لغرفه اخوها لقت العلبه اللي يجمع
فيها فلوسه للايجار ترددت تاخذها والا لا !! تشجعت
واخذت منه ٢٠ وطلعت عطته لصاحب التاكسي
ورجعت للبيت قفلت الباب قفلتين مستوحشه نفسها
لحالها !! جت بتنزل عبايتها الا صنمت
لما سمعت حركه !! عقدت حواجبها !! هزت راسها
بسرعه بتبعد هالافكار السوداويه عنها : تتخيلين ي حور تتخيلين دخلت لغرفتها مشت بتقفل الشباك
الا شهقت بخوف لما حست بحركه احد عند الشباك
ركضت تقفل كل الشبابيك بخوف واخذت السكين
من المطبخ اخذت نفس عميق : حور اهدي
وهي بتطلع من المطبخ بسرعه بهاللحظه الا صرخت
لما حست بايده يسحب منها السكين بلمحه بصر
ليث : معليش الادوات الحاده مو مناسبه للاطفال
وابتسم : مساء الخير ! انصدمت حست انها بتنصرع بمكانها من رعبها
طالعت فيه بخوف رجعت بخطوه ع ورا
وقلبها يدق
بسرعه
ليث : شدعوه ترى والله ماراح اكلك ولا اقتلك !!
عصبت بخوف : مو قلت اني بطريق وانت بطريق ؟؟
ضحك : معليش نسيت ان ماعندي مكان اتخبى فيه
هااليومين
عقدت حواجبها : شعرفك ببيتنا ؟ شهالجرأه فيك تدخله
م تدري يمكن فيه غيري !!
ابتسم : ياليل منك ومن غبائك اولاً لحقتك ورا التاكسي
ثانياً كيف بيكون فيه غيرك والمفتاح معك انتي بس
وحتى ان البيت هادي وواضح ان مافيه احد
بلعت ريقها بخوف : والله انك مجنون
ضحك : ان لله ترى والله عقلي فيني للحين
ابتسمت بخوف : اي واضح !!
ملاحظه تراها بعبايتها ونقابها م نزلتهم !
ليث : ابي انام ليومين هنا
انقهرت وانفجرت بعصبيه : تخسي الا انت حتى
اخليك تنام ببيتنا !! مشى بكل برود واستند ع الجدار وضحك : ترى انا
اخبرك م اطلب الاذن منك
حور بنبره تهديد وحاده : انقلع برا !!
ليث : شوفي ترى هو بس يومين وبعدها بنقلع حلو بعدين ترى ع فكره صاحب التاكسي اللي قبل شوي
كان بينزل ويدخل البيت لما كنتي تجيبين الفلوس بس لاني كنت مرتز بالطريق م قدر !! يوسعت عيونها بصدمه : كذاب !!
ليث : والله العلي العظيم م كذبت بحرف واحد ترى حتى هو عارف انك وحيده بهالبيت وكان بيستفرد فيك
سكتت بخوف تحاول تستوعب
اخذ نفس ومشى باتجاهها وهي ترجع خطوه لحد م ضربت الجدار وهو يقدم لحد م قرب
وابتسم : انا بغرفه وانتي بغرفه
ولا واحد يعرف عن الثاني شي ولايشوفه
شرايك ؟
بلعت ريقها من قربه صدت عنه وقلبها يدق بقوه
ليث : خوفتك ؟
رفعت عيونها العسليه له و ....
الـــــــــــــــــبـــــــــارتــــ 5⃣2⃣ ...
📖🖌 @storykaligi 🌻🍃
له وبنظرات حده وقهر تطالعه
حطت باصبعها تضغط ع كتفه وبحده : مالك مكان بهالبيت اخوي بيجي بعد شوي
ضحك : ع مين تكذبين ؟
رفعت حاجبها بدهشه : هه ؟ وش عرفك بحياتي
حتى تعرف ان كنت اكذب والا لا ؟
ابتسم وهز اكتافه : مدري بس واضح انك تكذبين
رفعت راسها وكشرت بزعل : ياربي ليه انا انحط بهالمصيبه؟
ضحك : احلى مصيبه صح؟
نزلت عيونها تخزه : لا والله شين هو انت شفت
وجهك؟
صد بتنهد : اححح م ترحم ذي !!
ولف ع ورا : هذي غرفتك صح؟
حور : شدخلك؟
لف عليها بابتسامه : حلو يعني افهم ان جوابك ايه
حور : هيه هيه اصحى ع نفسك ناوي تنخمد هنا؟
مشى للغرفه اللي مقابله لغرفتها اللي هي غرفه ضاري
ودخل لحقته بدهشه من تصرفه رفع حاجبه : اووه
بارده ومجلده الشبابيك بتجليد اسود تنفع لي تصير ظلمه بوقت النهار اخخخ بس ع ايامي
بالمصحه تصكني الشمس بعويناتي الضعيفه
تكتفت وبقت تطالعه اما هو يتفحص المكان : صح انه ع الارض بنام بس يالله امشي حالي فيه
هاليومين والا اقول ارفعه من تحت بفراش احسن
ولف : والا شرايك ؟ سكتت تطالعه عقد حواجبه : اححح وش هالنظرات؟
لاتطالعيني كذا احس بتأنيب الضمير وجع ! حور: اهنيك ع الكذبه اللي معيشها نفسك انك بتنام هنا !!
ابتسم : لانه صدق بنام هنا
حور : هيـ..
قاطعها وقت م سحبها ودفها برا لفت عليه تطالعه
بصدمه وهو ماسك الباب : شوفي هالباب لاتقربين منه ولاتدقينه ولاتزعجيني سوي نفسك انك عايشه لحالك هاليومين
تخيلي كذا انه فيه حاجز بيننا لا انا معك ولا انتي معي
بس اللهم لو تحسبيني بالفطور والغدا والعشا اكون ممنون لك وشكراً للاستضافه ولو انه مو قدي واقل من طبقتي
ميل فمه : مو مشكله نصبر هاليومين
تفجرت بقهر لما ضحك وضرب الباب بوجهها بسرعه قبل م تنطق بشي
ضربت الباب بعصبيه : ي الحيوان انـ..
ليث بصوت عالي : وانتي من اهله
ضربت رجلها بالارض وبقهر وبهمس : لازم اخليه يكره
هالمكان ويكره ذيك الساعه اللي شافني فيها لازم
شتسوين ي حور شتسوين ؟
وابتسمت بخبث : احط له فاره داخل الغرفه ؟ هزت راسها : لا لا وين فاره وين بلقى اصلاً ابي اكرهه بهالمكان غصب
اتسعت ابتسامتها بخبث : مافيه الا افتح غطا البلوعه
اللي عند الشباك اكيد بينصرع بمكانه من الريحه فتحت الباب بشويش
وطلعت برا وتوجهت لتحت الشباك شغلت جوالها وسدت خشمها بقرف فتحت الغطا وانتم بكرامه والشباك بالاساس مكسور من ع جنب الا بالريحه
اللي انتشرت تصرع والصراصير والقرف دخلت بسرعه وقفلت الباب وهي بتدخل لغرفتها الا طفى الكهرب !
🌻📖🖌 @storykaligi 📖🖌🌻
🍃🌻
🌻🍃🌻
🍃🌻🍃🌻
🌻🍃🌻🍃🌻
👍
17
❤
6
🤔
3
7.27Kviews
10:19