part 18
صوت الطلقة دوّى في المكان…
وسيدرا صرخت:
"حازم!!!"
لكن قبل ما تقرب…
حازم شدّها بسرعة ووقعها على الأرض.
الرصاصة كانت عدّت جنبهم وخبطت في الحيطة.
حازم:
"أنا كويس!"
سيدرا وهي بتنهج:
"افتكرتك…"
حازم:
"لسه بدري عليا."
سامي استغل اللحظة وضرب طلقة في الأرض قدام الرجالة علشان يشتتهم.
"انبطحوا!"
الدنيا قلبت فوضى…
صوت ضرب… وصريخ… ورصاص.
حازم مسك إيد سيدرا وجرى بيها ورا عمود كبير.
سيدرا:
"إحنا محاصرين!"
حازم:
"لا… لسه في مخرج."
سامي كان بيضرب نار بحذر وبيتحرك ناحية باب جانبي.
سامي:
"تعالوا ورايا!"
الراجل اللي واقف (الزعيم) صرخ:
"متسيبوهمش يهربوا!"
واحد من رجاله جري عليهم…
حازم ضربه وخد سلاحه بسرعة.
سيدرا بصت له بصدمة:
"إنت…"
حازم:
"مش وقت ده!"
مسك السلاح وبدأ يغطّي عليهم.
وصلوا للباب الجانبي…
سامي فتحه بسرعة وقال:
"يلا!"
خرجوا يجريوا برا المبنى…
والهواء ضرب وشهم بقوة.
ركبوا العربية بسرعة.
سامي ركب معاهم وقال:
"اطلع بسرعة!"
حازم دار العربية وانطلق.
سيدرا:
"هو مين ده؟!"
سامي:
"ده مش مجرد واحد… ده الشخص اللي بيدير كل حاجة من ورا الستار."
حازم:
"تقصد اللواء اللي في التسجيل؟"
سامي:
"أيوه… ولو وقع، ناس كتير هتقع معاه."
سيدرا مسكت إيديها وقالت:
"أنا مش هسيبه… ده قتل بابا."
سامي بجدية:
"وعلشان كده لازم نكون أذكى… مش أسرع."
حازم:
"والخطوة الجاية؟"
سامي طلع الفلاشة وقال:
"نأمّن الدليل الأول… وبعدين نضرب ضربة تقضي عليه."
سيدرا:
"إزاي؟"
سامي ابتسم وقال:
"نخليه يعترف… بنفسه."
حازم:
"وده مستحيل."
سامي:
"مش لو استخدمنا نقطة ضعفه."
سيدرا:
"وهي إيه؟"
سامي بص لهم وقال:
"ابنه."
سكتوا الاتنين.
حازم:
"إنت بتفكر في إيه؟"
سامي:
"مش هنأذيه… بس هنستخدمه علشان نوصل لأبوه."
سيدرا بصت قدامها وقالت بثبات:
"أنا موافقة… بس المرة دي…
هننهي كل حاجة."
حازم ابتسم نص ابتسامة وقال:
"اللعبة دخلت مرحلتها الأخيرة."
وفي اللحظة دي…
موبايل سامي رن.
بص فيه…
واتجمد.
سيدرا:
"في إيه؟"
سامي قال بصدمة:
"إحنا اتكشفنا…"