البارت التاسع ♥️♥️
سلسبيل :حاضر يا رورو ماشي بس دلوقتي خلينا نروح عشان نتعشى
شاهين: ماشي
وراحوا كلهم عشان يتعشوا مع بعض
قعدوا
فقال شاهين: أي الجمال ده... دي مش سفره لا ده دي لوحه فنيه ..مين اللي رسمها... اقصد مين جهز السفره
سلسبيل : انا اللي جهزتها
شاهين : عشان كده هي جميله اوي
سلسبيل : ميرسي يا شاهين بيه
شاهين: بلاش كلمه بيه دي اللي صدعتيني بيها... اسمي شاهين
سلسبيل : حاضر يا شاهين
شاهين : كده اجمل
ف قدام كل واحد كوب ماء وكوب عصير الا شاهين
حطت سلسبيل كوب ماء شكله احلى ومختلف عن باقي الاكواب
وائل: اشمعني كوبايه شاهين احلى من باقي الكوبايات وكوبايتك انتي زيه
سلسبيل: انا اسفه هروح اجيب لك واحده زيها
وائل: لا انا عايز اللي قدام شاهين
سلسبيل : ما بلاش... بلاااااااااش يا وائل
وائل: لا انا عايزها
سلسبيل: براحتك
وراحت اخذت الكوبايه من عند شاهين
وقالت بعد اذنك يا شاهين
.... خد الكوبايه يا وائل
وائل: هاتي
ومسك الكوبايه عادي خالص واول ما شارب شويه صرخ بالم وهو حاطط ايده على فمه ااااااااه يا اسناني
ضحك الكل عليه
سلسبيل: انا حذرتك بس انت ما سمعتش الكلام
ريماس: دي اخره الطمع
مروه : وعشان تعرف ان الحاجه بتاعت شاهين مش لحد غيره ابدا وعلى الله تفهم وتتعظ شويه واهمد على حيلك بقى
شاهين: هو ماله اتكهرب كده ليه
سلسبيل :وهي بتضحك: اصل الكوبايه دي كوب حراري وطبعا انا حاطه فيها ثلج عشان انت بتحب العصير ساقع اوي ف عشان كده كانت ساقعه اوي عليه
شاهين : تستاهل يا رخم
و بداؤا ياكلوا
شاهين: تسلم ايدك يا ام سلسبيل الاكل طعمه يجنن
نرمين: الله يسلمك يا شاهين بيه بالف هنا بس مش انا اللي جهزت الاكل دي سلسبيل هي اللي عملت الاكل كله لوحدها
شاهين: تسلم ايدك يا حياتي الاكل طعمه يجنن بجد روعه
سلسبيل: انا سعيده ان الاكل عجبك عشان ريماس قالت انه مش من انت مش من النوع اللي بيعجبك اي اكل
شاهين : صح بس أكلك دا لو في المسابقه و اتقدم فيها هتفوزي من غير منافس
مروه : على فكره هو مش بيمدح اي حد على طول بس النهارده حاله استثنائيه طول الوقت عمال يمدح فيكي ولا اي وائل وريماس
وائل - ريماس : عندك حق خلصوا اكل
بصت نرمين فلقت ان شاهين ما عندهوش كوب عصير فسكبت له كوبايه واديتها له شاهين : شكرا يا خالتي
نرمين: على فكره سلسبيل هي اللي عملت العصير
شاهين: بجد يبقى لازم اجربه
في نفس الوقت كانت سلسبيل طالعه من المطبخ وشافت شاهين هيشرب من الكوبايه وضعها على شفتيه فاخذتها بسرعه منه ابراهيم بغضب: بنت ايه اللي انت عملتيه ده انت اتجننتي
بص شاهين لابراهيم خلاه يخرس مش بس يسكت
شاهين : شكرا انا عرفت ليه اخذتي الكوبايه مني ...فين كوبايتي بقى... انا عايزه اشرب العصير
سلسبيل : حاضر
و دخلت المطبخ وحطت في مج الحراري ثلج وعصير لشاهين
وطلعت واديتها لشاهين
اول ما شرب شاهين من العصير قال: يا سلااااااااام طعمه جميل اوي .. انا مش هشتري عصير ثاني من بره هخليك انت تعملي العصير بنفسك
سلسبيل: حاضر من عينيا الاثنين
مروه : قولي لي بقى يا سوسو هتدلعي شاهين تقولي له ايه ..على الله تقولي له شاهي مره ثانيه انتي فاهمه
سلسبيل : حاضر
و بدات تفكر في اسم عشان شاهين
البنات: يلا مش هتقعدي سنه بحالها
شاهين : يلا بسرعه يا سوسو
سلسبيل: ممكن يكون ..ممكن اقول لك... شين ريماس وائل ومروه شهقوا بصوت عالي وبلعوا ريقهم بصعوبه وبصوا على الارض
شاهين بحزن ظهر في كلامه بوضوح : جميل الاسم ده ...ده جميل جدا.... انا حبيته... تقدري تناديني بيه..... خالتي هي فين البلكونه
نرمين: من هنا يا شاهين بيه
شاهين : خليك انت انا هروح لوحدي
واخذ كوبايه عصير معاه ودخل البلكونه
مروه: يخرب بيت عقلك انت اتجننتي ولا ايه ده انتي مش عارفه انت عملتي ايه سلسبيل: بس ما تقوليش انا هروح اشوفه وهو لو مش عايزني اعرف خلاص مش لازم اعرف عايزاه هو اللي يقول لي بنفسه
ودخلت عنده بس شاهين محسش بيها لانه كان غارق في تفكيره وبعدين صحي من تفكير وسند الكوبايه على سور البلكونه ودخل
وقال : وائل -ريماس -مروه ..يلا بينا نمشي انا مش قادره استنى ثانيه واحده هنا كمان يلا قالها بصوت عالي
وائل : حاضر ..حاضر ...يلا بينا يا بنات بسرعه وطلعوا وراه جري
هنا : هو ماله كدا
سلسبيل: مش عارفه
اميره هو انت قلتي له ايه
سلسبيل : انا ما قلتش حاجه انا بمجرد اني دخلت لقيته وهو خرج من البلكونه
امل: يلا يا بنات عشان نروح كفايه لحد دلوقتي يلا بينا البنات طيب يلا بينا
وسلموا على سلسبيل ومشيوا
بمجرد ما مشيوا ثار غضب ابراهيم على سلسبيل وامسكها بقوة من طرحتها وقال بغضب: انت اتجننتي ما لقيتيش غير الاسم ده تقوليه له دي كانت فرصه ما تتعوضش اللي انت كنت السبب في رفضها طب دلوقتي اعمل ايه بعد رفض عرض ادم ودلوقتي هو متعصب ونهايتنا هتكون على يده وشاهين اللي كان هيدفع اضعاف الثمن اللي كان هيدفعوا ادم و إنتي بعملتك دي ضيعتي كل حاجه دلوقتي الديون هتتراكم علينا ومش هنعرف ازاي نسدها وزاد ضربه ليها ونرمين حاولت انها تنقذ بنتها راح تضربها هي برده ورجع يضرب سلسبيل بقوه ومسكها ب قوه من طرحتها وقال : عقابا ليكي ما فيش مرواح المدرسه تاني لحد ما اصلح الامور اللي حضرتك افسدتيها يلا غوري من وشي كتك القرف... غوري
وراحت سلسبيل على غرفتها
نرمين بصت من الشباك
وقالت : ابراهيم ده لسه الحراس قاعدين قدام الباب معناها انه شاهين بيه لسه عايز يتجوز سلسبيل
ابراهيم: يا ريت يلا عشان ننام يا هانم
عند سلسبيل اتوضت وراحت تصلي ركعتين لله عشان يطمنوا قلبها بعد ما صلت حست بالراحه وركبت على السرير وغطت في نوم عميق وشافت الحلم مره ثانيه اللي شافته من شهر فات لكن المره دي شافت وجه الشاب اللي في حلمها بوضوح مش زي المره الاولى شافت نفسها بتجري على مرج اخضر مساحته شاسعه في كل مكان اللون الاخضر لون العشب وهي لابسه الفستان الابيض و ماسكاه عشان هي بتجري وما تقعش وهي بتجري ناحيه عريسها اللي كان لابس بدله روعه واول ما وصلت عنده ضحك لها وراح مسكها من وسطها ورفعها ولفي بيها حوالين نفسه فكانت سعيده وفستانها من احدث التصاميم وكان وهو سعيد برده وبعدين صحيت من الحلم ضحكت وراحت شربت ميه ورجعت نامت مره ثانيه
♥️ نهاية البارت التاسع ♥️
🌹🌹🌹🌹🌹🌹🌹🌹🌹🌹🌹🌹
يا ترى ايه اللي حصل لشاهين علشان يتصرف بالطريقه دي ويا ترى ايه نهايتها صديقتنا سلسبيل وهل هترجع لادم مره ثانيه وانتقام ادم هل ادم هيسكت على اللي حصل كل ده هنشوفه في الفصول اللي جايه من
روايه
امير الظلام ♥️
بقلمي ✍️ ✍️ ✍️
زينب عبدالحميد عيساوي محمد