البارت السابع
وطلعوا البنات خبطوا على باب اوضه سلسبيل
أية: مش معقول ملك انت هنا وصلتي امتى
ملك: وصلت الساعه 7 الصبح
اميره: الحمد لله على سلامتك
ملك :الله يسلمك
امل : كده احنا كاملين ما عدا ريماس ومروه وخلاص قربوا يوصلوا
تحت في الصالون
حطت نرمين الفلاشه وشغلتها وبدات الاغاني اللي جهزتها اميره
اول ما اشتغلت الاغاني البنات حبوا يرقصوا فقالوا: يلا يا بنات نرقص
سلسبيل :لا يلا ارقصوا انتوا انا ما ليش نفس
اميره: نعم يا اختي النهارده خطوبتك وما لكيش نفس بنات عليها
نها: بس غيري الاغنيه دي
اميره :سيبيها عليا انا هختار لكم اغنيه تخليكوا تتجننوا كده
أية : انا عرفتها
طلعت اميره من الاوضه وبصت تحت و نادت على نرمين
أميرة:خالتي غيري الاغنيه دي لحد ما اقول لك بس
نرمين: حاضر
وفضلت تقلب نرمين لحد ما وصلت الاغنيه زلزال
اميره : بس
ودخلت عند سلسبيل
أميرة: ايه رايكم يا بنات
البنات: ممتاز
و مسكوا سلسبيل
وقالوا : يلا دي الاغنيه انت بتحبيها يلا بس وشدوها
وقالوا : الاغنيه دي لعبتك يلا ورينا
وشغلوها من الاول و قامت سلسبيل وبدات ترقص عليها و كانت بارعه في الرقص
( استاذه في كل حاجه🤭🤭)
أية : يا سلام نفسي اعرف ازاي بتعملي الحركه دي
سلسبيل: دي
أية : بس ما تعمليهاش مره ثاني عشان انا مش هعرف اعملها وهزعل وعلى ايه كملي بقى رقص
وسمعوا صوت طرقات على الباب
آدم : سوسو حبيبتي ❤️
وقفوا رقص وكلهم عدلوا هدومهم وراحت ملك عشان تفتح الباب
سلسبيل : اهلا .ادخل
آدم :ده فستانك يا قلبي عايزك تلبسيه عشان تجهزي وتنزلي يا روحي عشان نبدا الحفله سلسبيل :امرك يا حبيبي ادم
ادم : يلا يا روحي بسرعه عشان مستنيكي على نار
سلسبيل: حاضر يا حبيبي يلا روح بقى خليني اجهز
آدم : ماشي
ونزل
سلسبيل : اقفلي الباب يا ملك
ملك: حاضر
وقفلت الباب
سلسبيل بخنقة : جاتك القرف انا مستحملاه بالعافيه بس عشان بابا وهستحمل كمان اني اكون مرات الكائن المقرف ده انا مش عارفه ازاي هستحمل اني اكون مراته واكون ام عياله دي اكثر فكره لا لا لا لا لا دي مش فكره ده اكبر كوابيسي اللي بخاف منها انا بكرهه بكرهه
وشرعت في البكاء
هنا : بس . بس
وراحت عندها وبدات تهديها
هنا : اهدي شويه ما تعمليش في نفسك كده سيبيها على الله وهو هيحلها
سلسبيل : ونعم بالله
راحت اميره عند الفستان
وقالت: بس بصراحه الفستان حلو اوي بصي يا سلسبيل
سلسبيل : مش عايزه اشوفه
أية : كفاياكي هبل يلا عشان تجهزي
و لبست الفستان غصب عنها🥺🥺
اما تحت
فوصلوا كل المعازيم وادم مستني على احر من الجمر
وبدا الاحتفال
وكان الحضور كله سعيد
وفجاه😮😮😮
مر من امام الباب عربيات كتير اوي وبسرعه وبعدين وقفت العربيات و نزلوا من العربيات اشخاص ضخام البنيه وطوال وتصفوا صف واحد وخرج ما بينهم شخص
وبدا يتقدم بثقة عالية و كبرياء
ناحيه الباب والحراس وراه ودخل بيت ابراهيم ودخل الحراس وراه
آدم : مين انت ومين ادى لك اذن انك تدخل ابراهيم: نرمين اقفلي الاغاني
نرمين : حاضر
وقفلت الاغاني
شاهين بثبات: مروه ريماس روحوا عند سلسبيل وما تخلوهاش تنزل غير لما اسمح لكم فاهمين
مروه وريماس : حاضر
وركبوا عند سلسبيل وخبطه على الباب
فتحت هنا وقالت : لا انتم اتاخرتم اوي ليه كده
ريماس : معلش حصلت شويه حاجات سلسبيل: حاجات ايه
ملك: ايه مش شايفين ان في حد جديد هنا مروه : اه ملك الحمد لله على سلامتك انت امتى رجعتي
ملك : الله يسلمك يا مروه ..ورجعت النهارده الساعه 7:00 الصبح
أميرة : هم ليه طفوا الاغاني
ريماس : عشان في عاصفه تحت يلا يا بنات نجهز سلسبيل عشان تشوف نهايه عذابها سلسبيل باستغراب : نهايه عذابي!!!
اميره :انت بتتكلمي على ايه
مروة :لقينا حل عشان نخلصك من ادم سلسبيل بفرحه: بجد ازاي
ريماس: استني شويه
ورن تليفون ريماس قالت: ده وائل
سلسبيل بيزعل: يعني هتمشي ده انت لسه واصله حالا ريماس : ومين قال اني ماشيه بصت حواليها
وقالت: فين الوصله اللي بتوصل الشاشه بالتليفون
ملك: اهي يا ريماس
ريماس: ماشي هاتي
واخذتها ووصلتها للشاشه
وفتحت المكالمه كانت مكالمه فيديو كان وائل بيصور اللي بيحصل مباشره عشان تشوفه ريماس واصحابها واول ما فتحت شافوا البنات شخص وسيم وانيق مفتول العضلات ضخم البنيه وراه حراس حراس زيه زيه
هنا بخوف : يا ماما مين دول ..دول عصابه ولا ايه
ريماس : ده بقى شاهين اخو جوزي وابن عمي وهو اللي هينقذك يا سلسبيل
سلسبيل : ايه
مروة :بس اسكتوا يا بنات شاهين هيبدا يتكلم
شاهين بقوه وصلابه : مين فيكم ابراهيم
ابراهيم: انا ابراهيم ..وايه اللي انت عامله ده شاهين بهدوء ما قبل العاصفه: اتكلم بهدوء واعرف نفسك بتكلم مين
ادم' هيكون بيكلم مين يعني
شاهين لادم : اخرس ما تفتحش بقك خالص ومش عايز اسمع صوتك نهائيا انت فاهم
ادم بغضب : لا ده انت زودتها اوي انت ما تعرفش انت بتكلم مين ..معذور تعرف لو ما مشيتش من قدامي دلوقتي لانسفك من على وجه الارض انت فاهم
شاهين بسخريه بصه على وائل وقال : شوف الواد زعل ازاي لاااا... لازم تكون هادي وتتحمل عشان دلوقتي تعديت حدودك ومش هسمح لك تعيش متهني
وبعدين بص لابراهيم وقال بهدوء: دفع لك كام ابراهيم : انت تقصد ايه
آدم : انت زودتها اوي
شاهين ما عملش لكلام ادم اعتبار وقال لابراهيم بتهديد: دفع لك كام
ابراهيم : 2 مليون جنيه
شاهين : 10 مليون جنيه
ابراهيم بصدمة كبيرة: اي
شاهين : ده غير الديون اللي عليك هسددها انا ولو في ديون في الخارج برده هسددها لك يعني 10 مليون مش هيتاخد منهم مليم واحد وهتعيش بيه مبسوط ها ايه رايك رد عليا
ابراهيم : وايه المقابل
شاهين: تصدق انك راجل بتفهم مش زي الصرصار اللي جنبك ...التمن بسيط جدا حاجتين بس..1 .. الخطوبه دي تتلغي والمعازيم يروحوا
ابراهيم باستنكار: ايه طيب.. وايه الحاجه الثانيه
شاهين : 2 .. سلسبيل.. سلسبيل تكون ملكي انا
ادم بغضب شديد: لااا ده انت الظاهر انك بتحلم ده بعدك مستحيل اديك سلسبيل ومش هسمح بده انه يحصل ابدا
شاهين بهدوء و ثقة: ابراهيم ..ايه ردك على اللي انا قلته ..دي فرصه ما تتعوضش صح ..ولو وافقت الحراس دول هيكونوا في حراسه البيت واي النموسه مش هتقدر انها تدخل البيت ولا حتى صرصار
ادم بتهديد وعيد : بلاش يا ابراهيم ..هتندم
شاهين: أي ردك يا إبراهيم
ضحك ابراهيم وقال: أنت متأكد من إللي أنت بتقولوا
شاهين: أنا مش برجع في كلامي أبدا و الكلمة إللي أنا بقولها بنفذها ... فاهم
ابراهيم بطمع وجشع : خلاص اعتبروا انه حصل
وقال إبراهيم : للمعازيم يلا امشوا مع السلامه اتلغت الخطوبه يلا
ومشي كل الحضور وهم مصدومين وفي ذهول شديد
ادم : ابراهيم هتندم على اللي انت عملته نهايتك هتكون على ايدي ..وانت يا اللي اسمك شاهين هقتلك يا شاهين بيه هههههههههه
شاهين: استنى قبل ما تمشي احب اعرفك انا اكون مين
ادم باستهزاء وسخريه: هتكون مين يعني شاهين بثقه وغرور: انا ابقى امير الظلام نرمين وادم وابراهيم وكل البنات اللي فوق حتي سلسبيل اتصدموا
في الاوضه عند سلسبيل
بتقول بحزن: هو ده اللي هينقذني دول عمالين بيبيعوا يشتروا فيا كاني مش بني ادمه و كاني حاجه معروضه في مزاد وكل واحد بيحط السعر اللي عايزه على مزاجه ريماس بيزعل: برده كده ربنا يسامحك انت ظلمتيه ده بيحبك بجد وكان بيدور عليك واول ما عارف انك هتتخطبي ومش موافقه قرر فورا انه يجي ويلغي الخطوبه
سلسبيل : وتسمي اللي عمله تحت ده ايه ريماس : ده....
قطعتها مروه
وقالت: انا اسفه يا صاحبتي بس انا اللي طلبته منه انه يعمل كده عشان باباكي يخاف منه ويعمل له حساب ...اما شاهي
اميره بدهشه: ميييين
مروه: شاهين بس بدلعه وبقول له شاهي
هنا: وانت تعرفيه
امل: ريماس بنت عمه ومرات اخوه ..وانتي
مروه: هههههههههه انا ابقى بنت عمته يا حبيبتي
امل : بتقولي ايه بنت عمته
ملك بس قولوا لي يا بنات يعني اي أمير الظلام
اميره: يخرب بيت عقلك انتي ما تعرفيش يعني أي امير الظلام
ملك : اه وبطلي فلسفتك دي قولي لي يا سلسبيل يعني أي امير الظلام
سلسبيل : ده لقب بيكون للشخص الاكثر شهره وسلطه والنفوذ وقوه في العالم كله
ملك بدهشه: العالم كله
سلسبيل : ايوه وكمان بيكون عنده نفوذ وسلطه في كل انحاء العالم وعنده املاك في كل الاماكن او فنادق بالهبل ما تتعدش وعنده قوه ما حدش يمتلكها زيه في العالم
اميره بتساؤل: ويا ترى يا ريماس هو عنده كل ده
🌹🌹🌹🌹🌹🌹🌹🌹🌹🌹🌹🌹
♥️نهاية البارت السابع ♥️
♥️♥️رواية أمير الظلام ♥️ ♥️
بقلمي ✍️ ✍️ ✍️ ✍️
🤍زينب عبدالحميد عيساوي محمد 🤍
دا تعويض مني البارت طويل أهو
استمتعوا بالقراءة
و متنسوش المتابعة و التعليق و التصويت الرواية